Қолдану көрсеткіштері
Қабыну және инфекциялық аурулар кезінде ауыз қуысы мен жұтқыншақты дезинфекциялау үшін
баспа, фарингит, тонзиллофарингит, тонзиллит, глоссит, афтозды стоматит
тыныс алу жолдарының мүшелеріне және ауыз қуысына операциядан кейінгі кезеңде және хирургиялық араласым кезінде ауыз қуысы мен жұтқыншақты өңдеу үшін
химиотерапия кезінде ауыз қуысының инфекциясын емдеу үшін
стрептококкты баспа кезінде антибиотиктермен емдеуде қосымша дәрі ретінде қолданылады
тұмаудың продромальді кезеңі ішінде
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
йодқа немесе препараттың кез келген қосымша компоненттеріне аса жоғары сезімталдық
қалқанша без гиперфункциясы
жүректің декомпенсацияланған жеткіліксіздігі
жүктілік және бала емізу кезеңі
8 жасқа дейінгі балалар
радиоактивті йодты бір мезгілде қолдану
Дюрингтің герпес пішінді дерматиті
Қолдану кезіндегі қажетті сақтық шаралары
Бүркілген препаратты ішке тартуға және жұтуға болмайды!
Басқа дәрілік препараттармен өзара әрекеттесуі
Препаратты ауыз қуысы мен жұтқыншаққа арналған басқа антисептикалық дәрілермен, бірінші кезекте құрамында сутегі асқын тотығы бар препараттармен бірге қолдану ұсынылмайды.
Йоксты қолдану гемотест пен гемокультураны анықтауға араналған тесттің жалған оң нәтижелеріне әкеледі. Қалқанша безінің жұмысын тексеру кезінде ақуызбен байланысқан йодтың жоғары мәндері алынуы мүмкін.
Арнайы ескертулер
Ларингит кезінде препаратты аса қажет жағдайларда пайдалануға болады.
Бауыр және бүйрек жеткіліксіздігі бар пациенттерге дәрігердің бақылауымен ерекше сақтықпен қолданылады.
Мұндай науқастарда трансаминазалардың деңгейі жоғарылауы мүмкін, сондықтан қан плазмасындағы трансаминазалардың көрсеткіштерін бақылау қажет. Препарат құрамында 18,6% этанол бар.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану бойынша ұсынымдар
Ересектер мен 8 жастан асқан балалар.
Йокс спрей препаратын күніне 2-4 рет ауыз қуысының оң жағына және сол жағына және жұтқыншаққа бір рет бүрку арқылы пайдалану ұсынылады. Препараттың жекелеген аппликациясының арасындағы аралық 4 сағаттан кем болмауы тиіс. Қажет болған жағдайда, препарат жиірек қолданылуы мүмкін.
Енгізу әдісі мен жолы
Құтының қорғаныш қалпақшасын шешіңіз және аппликаторды құтыға орнатыңыз.
Аппликатор түтікшесін ауыз қуысына енгізіп, дем алмай және әр жолы препарат ағынын ауыз қуысының оң және сол жақ тиісті бөлігіне бағыттай отырып 2 рет басу керек. Қолданғаннан кейін аппликаторды жылы сумен жуып шаю керек.
Балалар:
Жергілікті қолдануға арналған Йокс спрейін 8 жасқа дейінгі балаларға қолдануға болмайды.
Қабылдау уақыты көрсетілген қолдану жиілігі
Препаратты тәулігіне ең көп дегенде 6 рет қолдануға болады, емдеу курсы 5-7 күн.
Артық дозаланғанда қабылдануы қажет шаралар
Симптомдары: ауыздың темір татуы, сілекейдің қатты бөлінуі, көздің ісінуі, көмейдің ісінуі, өкпенің ісінуі, тері бөртпесі, асқазан-ішек бұзылыстары. Кейбір жағдайларда тамыр жеткіліксіздігі дамуы мүмкін.
Емі: симптоматикалық ем жүргізеді. Арнайы антидоты жоқ.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Жағымсыз құбылыстар жүйелік-ағзалық класы мен жиілігіне сәйкес бөлінеді: өте жиі (≥ 1 / 10), жиі (≥ 1 / 100, <1 / 10), жиі емес (≥ 1 / 1000, <1 / 100), сирек (≥ 1 / 10 000, <1 / 1000), өте сирек (<1 / 10, 000), жеке-дара хабарламаларды қоса.
Иммундық жүйе тарапынан:
өте сирек: анафилаксиялық шок
АІЖ тарапынан:
сирек: ауыз қуысының құрғауы
Тері және тері асты тіндері тарапынан:
сирек: есекжем
Өте сирек: ангионевроздық ісіну
Жалпы сипаттағы асқынулар және енгізу орнындағы реакциялар:
сирек: жағу орнында күйдіру сезімі (әсіресе балаларда)
Жарақаттар, улану және емшаралардың асқынуы:
Йодизм (ауыздың темір татуы, сілекейдің қатты бөлінуі, көздің ісінуі, көмейдің ісінуі, өкпенің ісінуі, тері бөртпесі, асқазан-ішек бұзылыстары).
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну (жағымсыз реакциялар бойынша ақпараттық деректер базасын көрсету)
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
1 мл ерітіндінің құрамында
белсенді зат: повидон йод 0,085г,
аллантоин 0,001г,
қосымша заттар левоментол, лимон қышқылы моногидраты, натрий цитраты дигидраты, 96 % этил спирті, пропиленгликоль, тазартылған су.
Сыртқы түрінің, иісінің, дәмінің сипаттамасы
Мөлдір, сумен араласуы шектеусіз, аздап бозаңданатын қызыл-қоңыр түсті сұйықтық.
Шығарылу түрі және қаптамасы
Спрей. 30 мл препараттан механикалық бүріккішпен және бүріккішті қорғайтын қақпақпен жабдықталған пластмасса құтыда.
Әр құтыны аппликатормен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
25℃-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Teva Czech Industries s.r.o.,
Ostravska 29, c.p.305 747 70 Opava-Komarov, Чех Республикасы
+ 420-553 642 150
Тіркеу куәлігінің ұстаушысы
Teva Czech Industries s.r.o.,
Ostravska 29, c.p.305 747 70 Opava-Komarov, Чех Республикасы
+ 420-553 642 150
Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта):
«ратиофарм Казахстан» ЖШС,
050059 (А15Е2Р), Алматы қ., Әл-Фараби даңғ. 17/1, Нұрлы Тау БО, 5Б, 6 қабат.
Телефон: (727)3251615;
е-mail: ;
веб сайт: www.teva.kz.
