Актобе қаласындағы Каптоприл Таблеткалары 25 Мг №20 | Абди Ибрахим Глобал Фарм

артериялық гипертензия (моно- және біріктірілген ем)

жүректің созылмалы жеткіліксіздігі (біріктірілген ем құрамында)

бастан өткерген миокард инфарктісінен кейін пациенттерде тұрақты жағдайда сол жақ қарынша функциясының бұзылуы

I типті қант диабеті аясындағы диабеттік нефропатия

препараттың белсенді затына немесе қосымша заттарының кез келгеніне аса жоғары сезімталдық

анамнездегі ангионевроздық ісіну немесе басқа да тамыр ісінулері (мысалы, алдыңғы АӨФ тежегіштерімен емдеу салдарынан)

бүйрек артерияларының стенозы (екі жақты немесе жалғыз бүйректе бір жақты)

бүйрек трансплантациясынан кейінгі жағдай

аортаның немесе митральді клапанның гемодинамикалық маңызы бар стенозы немесе гипертрофиялық кардиомиопатия

бастапқы гиперальдостеронизм

гиперкалиемия, үдемелі аритмия

тұқым қуалайтын галактоза жақпаушылығы, Lарр (ЛАПП)-лактаза ферментінің тапшылығы, глюкоза-галактоза мальабсорбациясы

декстрансульфатты қолдану арқылы тығыздығы төмен липопротеиндер аферезі (өмірге қауіпті анафилактоидты реакциялар дамуы мүмкін)

жәндіктердің уына қарсы десенсибилизациялайтын ем (өмірге қауіпті анафилактоидты реакциялар дамуы мүмкін – артериялық қысымның төмендеуі, тұншығу, құсу, аллергиялық тері реакциялары)

шокқа дейін анафилактоидты реакциялардың (аса жоғары сезімталдық реакциялары) даму қаупіне байланысты жоғары өткізгіштігі бар полиакрилонитрил-металлил-сульфонаттық жарғақшаларды (мысалы, «AN69») пайдалана отырып диализ

қант диабеті немесе СБЖ бар пациенттерде құрамында алискирен бар препараттармен бірге қолдану (ШСЖ 60 мл/мин кем).

ангионевроздық ісінудің жоғары қаупіне байланысты бейтарап эндопептидазаның (сакубитрил/валсартан) тежегіштерімен бірге қолдану

жүктілік және лактация кезеңі

балалар мен 18 жасқа дейінгі жасөспірімдер

Каптоприлді клиникалық және зертханалық көрсеткіштерді тұрақты бақылау жағдайында мүмкін болатын пайда мен тәуекелді өте мұқият салыстырғаннан кейін ғана мына кездерде қолдануға болады:

бүйрек функциясының ауыр бұзылулары (креатинин клиренсі 30 мл/мин кем)

диализ

клиникалық тұрғыдан маңызды протеинурия (1 г/тәу артық)

электролиттік теңгерімнің клиникалық тұрғыдан маңызды бұзылуы

бауырдың астапқы ауыруы немесе бауыр жеткіліксіздігі

иммундық реакция бұзылғанда немесе коллагеноздарда (мысалы, жүйелі қызыл жегі, склеродермия)

қорғаныс реакцияларын басатын дәрілік заттармен (мысалы, кортикоидтар, цитостатиктер, антиметаболиттер), аллопуринолмен, прокаинамидпен немесе литиймен бір уақытта жүйелі емдеу.

Диуретиктер (тиазидтік немесе ілмектік диуретиктер)

Диуретиктердің жоғары дозаларын тағайындау кейіннен каптоприлді тағайындағанда айналымдағы қан көлемінің азайып кетуіне және гипотензияның даму қаупіне алып келуі мүмкін. Сонымен қатар, гидрохлортиазидпен және фуросемидпен дәрілік өзара әрекеттесуі анықталмаған. Айқын гипотензия жағдайында диуретиктерді қабылдауды тоқтату керек.

Калий жинақтаушы диуретиктер немесе калий қосылған тағамдық қоспалар

АӨФ тежегіштері диуретиктерді қабылдаудан туындаған калий жоғалтылуын азайтады, бұл калий жинақтаушы диуретиктермен (мысалы, спиронолактон, триамтерен немесе амилорид), калий қосылған қоспалармен немесе құрамында калий бар тұз алмастырғыштармен бір мезгілде қабылдағанда гиперкалиемияға алып келуі мүмкін. Гипокалиемияның болуы себебінен бір мезгілде тағайындағанда, оларды аса сақтықпен және қан сарысуындағы калий концентрациясын жиі мониторингілеумен қолдану керек.

Гипертензияға қарсы басқа препараттар

Каптоприлді гипертензияға қарсы басқа препараттармен (мысалы, бета-блокаторлармен және кальций өзекшелерінің ұзақ әсер ететін блокаторларымен) бір мезгілде қабылдау қауіпсіз болып табылады, және ондай препараттарды қатарлас қабылдау каптоприлдің гипотензиялық әсерін арттыруы мүмкін. Нитроглицеринмен, басқа нитраттармен немесе тамырды тарылтатын басқа препараттармен емдеуді абайлап жүргізу керек.

Альфа-бөгегіш агенттер

Альфа-бөгегіш агенттерді бір мезгілде қолдану каптоприлдің гипертензияға қарсы әсерін күшейтуі және ортостаздық гипотензия қаупін арттыруы мүмкін.

Жедел миокард инфарктісін емдеу

Миокард инфарктісі бар пациенттерге каптоприлді ацетилсалицил қышқылымен (кардиологиялық дозаларында), тромболитиктермен, бета-блокаторлармен және/немесе нитраттармен бір мезгілде қабылдауға болады.

Литий

АӨФ тежегіштері мен литийді бір мезгілде қолдану қан сарысуындағы литий деңгейінің уақытша жоғарылауына және литиймен уыттануға алып келуі мүмкін. Тиазидтік диуретиктермен біріктіру литий уыттылығының анықталу қаупін арттыруы немесе бұрыннан бар, АӨФ тежегішерін қабылдаумен байланысты литиймен уыттануды ушықтыруы мүмкін. Каптоприл мен литийді бір мезгілде қолдану ұсынылмайды, алайда, егер мұндай біріктірілімі қажет болса, қан сарысуындағы литий деңгейін қатаң бақылау керек.

Қабынуға қарсы стероидты емес препараттар (ҚҚСП)

ҚҚСП және АӨФ тежегіштері қан сарысуында калийдің артуына қатысты аддитивтік әсер көрсетеді және бүйрек функциясының бұзылуына әкелуі мүмкін. Бұл әсерлер әдетте қайтымды. Сирек жағдайларда, әсіресе бүйрек функциясы бұзылған пациенттерде - сусыздануға шалдыққан пациенттерде және егде жастағы адамдарда бүйректің жедел жеткіліксіздігі дамуы мүмкін.

Пробенецид

Каптоприлдің бүйрек клиренсі пробенецид болғанда азаяды.

Трициклдық антидепрессанттар/нейролептиктер

АӨФ тежегіштері кейбір трициклдық антидепрессанттар мен нейролептиктердің гипотензиялық әсерін күшейтуі мүмкін. Постуральді гипотензия болуы мүмкін.

Клонидин.Каптоприлдің гипотензиялық әсері оны клонидин алатын пациенттерге тағайындағанда баяулауы мүмкін.

Аллопуринол, прокаинамид, цитостатикалық және иммуносупрессивтік препараттар

АӨФ тежегіштерімен бір мезгілде қолдану, әсіресе соңғысы ұсынылғанынан жоғары дозаларында қолданылған жағдайда, лейкопения қаупінің жоғарылауына алып келуі мүмкін.

Симпатомиметиктер

Симпатомиметиктер АӨФ тежегіштерінің гипертензияға қарсы әсерін азайтуы мүмкін. Пациенттердің жағдайын мұқият қадағалау қажет.

Диабетке қарсы дәрілер

Каптоприлді қоса, АӨФ тежегіштері қант диабеті бар пациенттерде инсулиннің және сульфонилмочевина сияқты диабетке қарсы пероральді дәрілердің глюкозаны төмендететін әсерін күшейтуі мүмкін. Мұндай әсері өте сирек кездеседі, бірақ ол туындаған кезде, АӨФ тежегіштерімен бір мезгілде емдеуде диабетке қарсы препараттардың дозасын төмендету қажеттілігі пайда болады.

mTOR тежегіштері (сиролимус, эверолимус, темсиролимус)

mTOR тежегіштерімен қатарлас ем қабылдап жүрген пациенттер ангионевроздық ісінудің даму қаупінің жоғарылауына ұшырауы мүмкін.

Ко-тримоксазол (триметоприм / сульфаметоксазол)

Ко-тримоксазолды (триметопримді/сульфаметоксазолды) қабылдап жүрген пациенттер гиперкалиемия қаупінің жоғарылауына ұшырауы мүмкін.

Ренин-ангиотензин-альдостерон жүйесінің қосарлы блокадасы

АӨФ тежегіштерін, ангиотензин II рецепторлары блокаторларын немесе алискиренді біріктіріп қолданудың салдарынан дамитын ренин-ангиотензин-альдостерон жүйесінің (РААЖ) қосарлы блокадасы, РААЖ әсер ететін дәрілермен монотерапиямен салыстырғанда, артериялық гипотензия, гиперкалиемия және бүйрек функциясының төмендеуі (бүйректің жедел жеткіліксіздігін қоса) сияқты жағымсыз реакциялардың дамуы жиілігінің жоғарырақ болуымен байланысты.

Зертханалық тесттерге әсері

Каптоприлді қабылдағанда несептің биохимиялық талдауында ацетонға жалған оң реакция болуы мүмкін.

Гипотензия

Гипотензия асқынбаған гипертензиясы бар пациенттерде сирек байқалады. Симптоматикалық гипотензия қан көлемі азайған және/немесе диуретиктермен қарқынды емдеудің, тұзды аз тұтынудың, диареяның, құсудың немесе гемодиализдің нәтижесіндегі гипонатриемиясы бар пациенттерге көбірек тән. Каптоприлді қолданар алдында қан мен натрийдің төмендетілген көлемін түзету қажет, ол кезде старттық төмен дозалары дұрысырақ болып табылады.

Жүрек жеткіліксіздігі бар пациенттерде гипотензия қаупі жоғарырақ болады, оларға АӨФ тежегішімен емдеудің басында төменірек бастапқы дозасынан бастау ұсынылады. Жүрек жеткіліксіздігі бар пациенттерде каптоприлдің немесе диуретиктің дозасын арттырған кезде сақтық таныту керек.

Цереброваскулярлық аурулар және жүректің ишемиялық ауруы кезінде артериялық қысымның айтарлықтай төмендеуі инсульттің немесе миокард инфарктісінің дамуына алып келуі мүмкін екендігін ескеру керек.

Гипотензия дамыған жағдайда пациентті көлденеңінен жатқызу керек. Қан көлемін толықтыру үшін физиологиялық ерітіндіні вена ішіне енгізу қажет болуы мүмкін.

Реноваскулярлық гипертензия

Реноваскулярлық гипертензиясы, екі жақты бүйрек артерияларының стенозы немесе жалғыз бүйрек артериясының стенозы бар кейбір пациенттерде, АӨФ тежегіштерін тағайындағанда гипотензия мен бүйрек жеткіліксіздігі дамуының қаупі жоғары болады. Аталған пациенттерде емдеу дозаны төмендетумен қатаң медициналық қадағалаумен басталуы тиіс, сондықтан, мұндай жағдайларда емдеу кезінде бүйрек функциясына жүйелі мониторинг жүргізу керек.

Бүйрек жеткіліксіздігі

Бүйрек жеткіліксіздігі (креатинин клиренсі >40 мл/мин) жағдайларында, каптоприлдің бастапқы дозасы пациенттің креатинин клиренсіне сәйкес түзетілуі тиіс. Пациенттердің осы тобы үшін калий және креатининге жүйелі мониторинг жүргізу қажет.

Ангионевроздық ісіну/ішек ангиодистрофиясы

Аяқ-қолдардың, беттің, еріннің, шырышты қабықтардың, тілдің, жұтқыншақтың немесе көмейдің ангионевроздық ісінуі каптоприлді қоса, АӨФ тежегіштерін қабылдап жүрген пациенттерде туындауы мүмкін. Бұл емдеудің ұзақтығына байланыссыз, кез келген уақытта орын алуы мүмкін. Сирек жағдайларда, ауыр ангионевроздық ісіну АӨФ тежегішімен ұзақ уақыт емдеуден кейін дамуы мүмкін. Ангионевроздық ісіну дамыған жағдайда, Каптоприл препаратын қабылдау тоқтатылады және симптомдары толық жоғалғанша мұқият медициналық қадағалау жүзеге асырылады. Көмейдің ангиодистрофиясы өлімге әкеп соқтыруы мүмкін. Егер ісіну бетке орнықса, әдетте арнайы ем қажет емес (симптомдарының айқындығын азайту үшін антигистаминдік препараттарды қолдануға болады); егер ісіну тілге, жұтқыншаққа немесе көмейге таралған жағдайда және тыныс жолдарының обструкциясының даму қаупі болса, дереу эпинефринді (адреналинді) тері астына (1:1000 сұйылтылымдағы 0.3-0.5 мл) енгізу керек. Ауруханаға жатқызу және қадағалау кемінде 12-24 сағат бойы, ісіну симптомдары толығымен жойылғанға дейін жүзеге асырылуы тиіс.

Сирек жағдайларда, пациенттерде АӨФ тежегіштерін қабылдағаннан кейін ішектің ангионевроздық ісінуі білінген, ол құрсақ қуысының ауыруларымен (жүрек айнуымен және құсумен немесе оларсыз) қатар жүрген, кейде, С-1-эстераза белсенділігінің мәндері қалыпты болған және осының алдында беттің ісінуі болмаған. Ішектің ісінуін АӨФ тежегіштерін қабылдау кезінде құрсақ қуысындағы ауыру туралы шағымданған пациенттердегі дифференциалдық диагностика ауқымына кірістіру керек.

АӨФ тежегіштерін құрамында сакубитрил/валсартан (неприлизин тежегіштері) бар препараттармен бірге қолданғанда, ангионевроздық ісінудің даму қаупі артады, осыған байланысты бұл препараттарды бір мезгілде қолдануға болмайды. АӨФ тежегіштерін құрамында сакубитрил/валсартан бар препараттарды қолдануды тоқтатқаннан кейін кемінде 36 сағат өткен соң тағайындау керек. Құрамында сакубитрил бар препараттарды АӨФ тежегіштерін алатын пациенттерге, сондай-ақ АӨФ тежегіштерін тоқтатқаннан кейін 36 сағат ішінде тағайындауға болмайды.

Жөтел

АӨФ тежегіштерін тағайындау кезіндегі жөтел өнімсіз, тұрақты болып табылады және емдеуді тоқтатқаннан кейін басылады.

Бауыр жеткіліксіздігі

АӨФ тежегіштері өте сирек жағдайда холестаздық сарғаюды немесе гепатитті туғызады, ол шұғыл некрозға және (кейде) өлімге дейін үдейді. Бұл синдромның механизмі айқын емес. АӨФ тежегіштерін қабылдап жүрген, сарғаюдың дамуы немесе бауыр ферменттерінің айқын жоғарылауы бар пациенттер АӨФ тежегіштерін қабылдауды тоқтатуы және сәйкесінше медициналық қадағалауда болуы тиіс.

Гиперкалиемия

Бүйрек жеткіліксіздігі, қант диабеті, гипоальдостеронизмі бар пациенттерде немесе, калий жинақтаушы диуретиктерді, калий қоспаларын немесе құрамында калий бар тұз алмастырғыштарды, немесе сарысудағы калий иондарының концентрациясын арттыратын басқа препараттарды (мысалы, гепарин) қабылдап жүрген пациенттерде, АӨФ тежегіштері гиперкалиемияның даму қаупін арттырады. Егер жоғарыда аталған дәрілерді бір мезгілде қабылдау қажет болып табылса, қан сарысуындағы калийді жүйелі түрде бақылап отыру ұсынылады.

Литий

Литий мен каптоприлді біріктіру, әдетте литий уыттылығының ұлғаюы себебінен ұсынылмайды.

Қолқаның, митральді клапандардың стенозы, обструкциялық гипертрофиялық кардиомиопатия

Митральді және қолқа клапандарының стенозы, сол жақ қарыншадан ағып шығуының обструкциясы бар пациенттерге АӨФ тежегіштерін абайлап тағайындау керек.

Нейтропения / агранулоцитоз

Каптоприлді қоса, АӨФ тежегіштерімен емделу кезінде нейтропения, агранулоцитоз, тромбоцитопения және анемия дамуы мүмкін. Бүйрек функциясы қалыпты және асқындыратын басқа факторлары жоқ пациенттерде нейтропения сирек кездеседі. Нейтропения мен агранулоцитоз АӨФ тежегішін тоқтатқаннан кейін қайтымды. Каптоприлді тамырдың коллагендік аурулары бар, иммунодепрессивтік ем қабылдап жүрген, аллопуринолмен немесе прокаинамидпен немесе асқыну туғызатын осы факторлардың біріктірілімімен емделіп жүрген пациенттерде, әсіресе, бұрын бүйрек функциясының бұзылуы болған жағдайда, аса сақтықпен пайдалану керек. Бұл пациенттердің кейбіреуінде, кей жағдайларда антибиотиктермен қарқынды емдеуге бағынбаған күрделі инфекциялар дамыған. Ондай пациенттерде каптоприлді пайдаланғанда қандағы лейкоциттер деңгейін емдеуді бастағанға дейін, содан соң препаратты қабылдаудың алғашқы 3 айында әр 2 апта сайын және әрі қарай мезгіл-мезгіл бақылап отыру ұсынылады.

Емделу кезінде барлық пациенттерге, лейкоциттерді дифференциалдық есептеу кезінде кез келген инфекция белгілері (мысалы, тамақтың ауыруы, температура жоғарылауы) туралы хабарлау қажеттілігі туралы нұсқау берілуі тиіс. Егер нейтропения (нейтрофилдер саны 1000/мм3 аз) болса немесе күдік туындаса, каптоприлді және басқа қатарлас препараттарды тоқтату керек. Пациенттердің көпшілігінде каптоприлді тоқтатқанда нейтрофилдер саны қалпына жылдам қайтып келеді.

Протеинурия

Протеинурия бүйрек функциясының бұзылуы бар пациенттерде немесе АӨФ тежегіштерінің жоғары дозаларын қабылдағанда туындауы мүмкін. Несептегі күніне 1 г асатын жалпы ақуыз каптоприлді қабылдап жүрген пациенттердің шамамен 0,7 %-ында байқалады. Бұл пациенттердің көпшілігінде осының алдында бүйрек ауруы болған немесе каптоприлдің салыстырмалы түрде жоғары (тәулігіне 150 мг асатын) дозаларын қабылдаған немесе бұл факторлардың екеуі де орын алған. Нефроздық синдром протеинуриясы бар 1/5 пациентте байқалады. Көпшілік жағдайларда протеинурия каптоприлді қабылдауға байланыссыз, 6 ай ішінде азаяды немесе жоғалады. Протеинуриясы бар пациенттерде бүйрек функциясының қан сарысуындағы мочевина мен креатинин деңгейі сияқты параметрлері сирек өзгереді. Бүйрек ауруларын бастан өткерген пациенттер үшін, емдеуді бастар алдында және одан кейін жүйелі түрде, несептегі ақуызға талдау (таңғы несептің алғашқы порциясына тест-жолақпен жүргізілетін талдау) жүргізу керек.

Десенсибилизация жүргізу кезіндегі анафилактоидтық реакциялар

АӨФ тежегіштерін қабылдап жүрген пациенттерде, десенсибилизация (мысалы, жарғаққанаттылардың уымен) жүргізу кезінде тұрақты анафилактоидтық реакциялар дамыған. Ондай реакцияларды АӨФ тежегіштерін қабылдауды уақытша тоқтату арқылы болдырмауға болады. Сондықтан, ондай десенсибилизация емшаралары жүргізілетін пациенттерге АӨФ тежегіштерімен емдеуді сақтықпен жүргізу ұсынылады.

Дәлдігі жоғары диализ/ липопротеиндер аферезінің жарғақшасына әсер ету кезіндегі анафилактоидтық реакциялар

Пациенттерде өткізгіштігі жоғары жарғақшалар қолданылған/декстран сульфатының тығыздығы төмен липопротеиндер аферезімен диализі кезінде анафилактоидтық реакциялардың туындағаны туралы хабарламалар болды. Ондай пациенттер үшін диализдің, жарғақшаның басқа типін немесе басқа топтың препараттарын қолдану туралы шешім қабылдау керек.

Хирургия / анестезия

Егер гипотензия күрделі операцияны бастан өткерген пациенттерде немесе гипотензияны туғызатын дәрілер қолданылатын анестезия кезінде туындаса, рениннің компенсаторлық босап шығуы салдарынан, каптоприл ангиотензин II түзілуін бөгеуі мүмкін, оны әдетте вена ішіне сұйықтық енгізу арқылы түзетуге болады.

Қант диабеті

Қант диабеті бар, диабетке қарсы пероральді дәрілерді немесе инсулинді қабылдаған пациенттерде, гликемиялық бақылауды АӨФ тежегішімен емдеудің алғашқы айында мұқият жүргізу керек.

Гипокалиемия қаупі

АӨФ тежегішін тиазидтік диуретиктермен біріктіру гипокалиемияның туындауын жоққа шығармайды, сондықтан сарысудағы калий деңгейін тұрақты түрде бақылау қажет.

Этностық ерекшеліктер

АӨФ басқа тежегіштерін қолданғандағы сияқты, негроид нәсілді пациенттерде каптоприлдің гипертензияға қарсы әсерінің айқындығы аз, бұл негроидтық нәсіл өкілдерінде гипертензияның ренин мөлшері төмен түрінің жиірек тарағандығынан болуы ықтимал.

Жүктілік

Жүктілік уақытында АӨФ тежегіштерімен емдеуді бастамаған жөн. Егер АӨФ тежегішімен емдеуді жалғастыру қажет деп есептелсе немесе пациенттер жүктілікті жоспарласа, жүктілік кезінде пайдалану үшін белгіленген қауіпсіздік бейіні бар баламалы гипертензияға қарсы препараттарға ауыстыру керек. Жүктілікті диагностикалау кезінде, АӨФ тежегіштерімен емдеуді дереу тоқтату керек.

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, ангиотензин II рецепторлары блокаторларын немесе алискиренді бір мезгілде қолдану, гипотензияның, гиперкалиемияның және бүйрек функциясының төмендеу қаупін (бүйректің жедел жеткіліксіздігін қоса) арттырады. Сондықтан, АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды.

Егер қосарлы блокадамен емдеу аса қажет деп есептелсе, бұл тек маманның қадағалауымен және бүйрек функциясын, электролиттер мен АҚ тұрақты түрде мұқият мониторингілеу жағдайында жүргізілуі тиіс. АӨФ тежегіштері мен ангиотензин II рецепторларының блокаторлары диабеттік нефропатиясы бар пациенттерде бірге қолданылмауы тиіс.

Қосымша заттар туралы ақпарат

Каптоприл құрамында лактоза бар, сондықтан сирек тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге осы препаратты қабылдамаған жөн.

Жүктілік немесе лактация кезінде

Жүктілік кезінде АӨФ тежегіштерін қабылдамаған жөн. Егер АӨФ тежегіштерімен емді жалғастыру қажет деп саналмаса, жүктілікті жоспарлайтын пациенттер емді жүктілік кезінде қолдану үшін қауіпсіздік бейіні белгіленген баламалы гипертензияға қарсы препараттарға ауыстыруы тиіс. Жүктілік диагностикаланғанда, АӨФ тежегіштерімен емдеуді дереу тоқтату және қажет болған жағдайда баламалы емді бастау керек.

Каптоприлді емшек емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Көлік құралдарын басқару немесе аса назар аударуды талап ететін басқа жұмысты орындау кезінде сақ болу қажет, өйткені әсіресе Каптоприл препаратының бастапқы дозасын қабылдағаннан кейін бас айналуы мүмкін.

Дозалау режимі

Каптоприл дозасы пациенттің жағдайына және артериялық қысымның жауап реакциясына байланысты жеке таңдалады.

Артериялық гипертензия

Бастапқы дозасы тәулігіне 2 рет 25-50 мг, қажет болған жағдайда бір реттік дозаны тәулігіне 2 рет, 2 апта аралықпен 100-150 мг дейін ұлғайтады. Демеуші доза тәулігіне 2-3 рет 25 мг. Ең жоғарғы тәуліктік доза – 150 мг.

Каптоприл жалғыз немесе басқа гипертензияға қарсы препараттармен, әсіресе тиазидтік диуретиктермен біріктіріп пайдаланылуы мүмкін. Күніне бір рет дозалау режимі тиазидті диуретиктер сияқты қатарлас гипертензияға қарсы препараттарды қосқан кезде жеткілікті болуы мүмкін.

Өте белсенді ренин-ангиотензин-альдостерон жүйесі (гиповолемия, реноваскулярлық гипертензия, жүрек декомпенсациясы) бар пациенттерде 6,25 мг немесе 12,5 мг бір реттік дозадан бастаған жөн. Мұндай емді мұқият медициналық бақылаумен бастау керек. Бұл дозалар одан әрі тәулігіне екі рет қабылданады. Доза біртіндеп тәулігіне 50 мг дейін бір немесе екі қабылдауға және қажет болған жағдайда тәулігіне 100 мг дейін бір немесе екі қабылдауға ұлғаюы мүмкін.

Жүректің созылмалы жеткіліксіздігі

Жүрек жеткіліксіздігін каптоприлмен емдеуді мұқият медициналық бақылаумен бастау керек. Әдеттегі бастапқы доза күніне екі немесе үш рет 6,25 мг немесе 12,5 мг. Демеуші дозаның титрациясы (тәулігіне 75-150 мг) пациенттің реакциясы, клиникалық мәртебесі және төзімділік негізінде, екі қабылдауға бөлінген тәулігіне 150 мг ең жоғары дозаға дейін жүргізілуге тиіс. Дозаны пациенттің реакциясын бағалау үшін кемінде 2 апта аралықпен біртіндеп арттыру керек.

Миокард инфарктісі

Қысқа мерзімді емдеу: Каптоприл препаратымен емдеу стационарда гемодинамикасы тұрақты пациенттерде белгілердің және/немесе симптомдардың пайда болуынан кейін барынша тез басталуы тиіс. Сынама дозаны - 6,25 мг, содан кейін 2 сағаттан кейін - 12,5 мг және 12 сағаттан кейін - 25 мг қабылдау қажет. Келесі күннен бастап жағымсыз гемодинамикалық реакциялардың болмауына кепілідк бар кезде Каптоприл препаратын күніне 100 мг-ден екі қабылдаумен 4 апта ішінде қабылдау қажет. 4 аптадан кейін пациенттің жағдайы қайта бағалануы және инфарктіден кейінгі кезеңде ауруды емдеуді жалғастыру туралы шешім қабылдануы тиіс.

Ұзақ емдеу: егер емдеу жедел миокард инфарктінен кейінгі алғашқы 24 сағат ішінде басталмаған болса, клиникалық тұрақты пациенттерді емдеу инфарктіден кейінгі 3 және 16 күн арасында басталады деп болжанады. 75 мг дозаға жеткенге дейін артериялық қысымның мұқият мониторингі кезінде емдеу стационарда басталуы тиіс. Бастапқы доза, әсіресе пациентте қалыпты немесе төмен артериялық қысым болса, төмен болуы керек. Емді 6,25 мг дозасынан, одан әрі күніне 12,5 мг 2 күн ішінде, содан кейін күніне 25 мг-ден 3 рет, егер бұл қолайсыз гемодинамикалық реакциялардың болмауымен расталса, бастау керек. Тиімді кардиопротекция үшін ұсынылатын доза ұзақ емдеуде тәулігіне 75-150 мг құрайды. Симптоматикалық гипотензия жағдайында диуретиктер және/немесе бір мезгілде қолданылатын вазодилататорлардың дозасы каптоприлдің тұрақты дозасына қол жеткізу мақсатында азайтылуы мүмкін. Қажет болған жағдайда емдеу сызбасын пациенттің клиникалық реакцияларына байланысты түзетеді. Каптоприлді миокард инфарктісін емдеу үшін басқа дәрілік заттармен, атап айтқанда тромболитикалық дәрілермен, бета-блокаторлармен және ацетилсалицил қышқылымен бірге қолдануға болады.

I типті қант диабеті бар пациенттердегі диабеттік нефропатия

Диабеттік нефропатия кезінде І типті қант диабеті бар пациенттерде ұсынылатын тәуліктік доза 2-3 қабылдауға бөлінген 75-100 мг құрайды. Егер қан қысымын қосымша төмендету дұрысырақ болса, қосымша гипертензияға қарсы препараттар қосылуы мүмкін.

Бүйрек функциясы бұзылған пациенттер

Каптоприл элиминациясы бүйрек арқылы жүзеге асырылатындықтан, бүйрек функциясы бұзылған пациенттерде дозасы азайтылуы және/немесе препаратты қабылдау арасындағы аралықтар ұлғайтылуы тиіс.

Бүйректің ауыр жеткіліксіздігі бар пациенттерде диуретиктермен қатар жүретін ем кезінде тиазидтік қатардағы диуретиктерді емес, ілмектік диуретиктерді (мысалы, фуросемид) қолдану ұсынылады.

Каптоприлдің тәуліктік дозасы креатинин клиренсінің көрсеткіштеріне байланысты

Егде жастағы пациенттер

Егде жастағы пациенттерде бастапқы доза тәулігіне екі рет 6,25 мг құрайды. Егде жастағы пациенттерде препараттың дозасы бүйрек немесе басқа органдар функциясының бұзылу мүмкіндігін ескере отырып, жеке таңдалады. Жеткілікті бақылауға қол жеткізу үшін дозаны артериялық қысымның жауап реакциясына байланысты титрлеу және мүмкіндігінше анағұрлым төмен ұстау қажет.

Енгізу әдісі және жолы

Каптоприл тамақ ішкенге дейін, тамақтану кезінде және тамақтан кейін ішке қолданылады.

Артық дозалану жағдайында қабылдануы қажет болатын шаралар

Симптомдары: айқын артериялық гипотензия, шок, мелшию, брадикардия, электролиттік бұзылу және бүйрек жеткіліксіздігі.

Емі: таблеткаларды көп мөлшерін қабылдаған кезде асқазанды шаю, таблеткаларды қабылдағаннан кейін 30 минут ішінде белсендірілген көмір мен натрий сульфатын енгізу ұсынылады. Пациентте артериялық қысым, тыныс алу жиілігі, мочевина мен калийдің сарысулық деңгейі, креатинин, диурез бақылануы тиіс. Пациент көлденең қалыпта жатуы керек (аяқтары көтеріңкі болуы тиіс), қажет болғанда ангиотензин II-мен емдеуді қарастыру ұсынылады. Брадикардияны және артық вагустық реакцияны атропинді енгізумен емдеу керек. Кардиостимулятор пайдалануды қарастыруға болады. Каптоприл гемодиализ кезінде шығарылады.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Егер Сізде осы препаратты қолдану туралы қосымша сұрақтар туындаса, дәрігерден кеңес алыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- ұйқысыздық

- дисгезия, дәм сезудің қайтымды және өздігінен шектелетін бұзылуы және бас айналуы

- құрғақ, тітіркендіретін (өнімсіз) жөтел және ентігу

- жүрек айнуы, құсу, эпигастральді аймақтағы жайсыздық, пептидтік ойық жара, диспепсия, дәм сезудің жоғалуы (әдетте емдеуді тоқтатқан кезде қайтымды), асқазанның тітіркенуі, іштің ауыруы, диарея, іш қату, ауыздың құрғауы

- бөртпемен немесе онсыз қышыну, бөртпе және алопеция

Жиі емес

- тәбеттің төмендеуі

- бас ауыруы, парестезия

- жүрек қағуы, тахикардия, стенокардия, аритмия

- гипотензия, Рейно синдромы, қан кернеулер, бозару, ортостатикалық гипотензия

- ангионевроздық ісіну

- кеуденің ауыруы, шаршау, дімкәстік, астения

Сирек

- анорексия

- ұйқышылдық

- салмақтың және тәбеттің жоғалуы, афтозды ойық жараларды еске салатын стоматит, ішектің ангионевроздық ісінуі, ауыздағы ойық жаралар

- бүйрек функциясының бұзылуы, бүйрек жеткіліксіздігі, полиурия, олигурия, поллакиурия

Өте сирек

- нейтропения/агранулоцитоз, панцитопения, әсіресе бүйрек жеткіліксіздігі бар пациенттерде, анемия (апластикалық және гемолитикалықты қоса алғанда), тромбоцитопения, лимфаденопатия, эозинофилия, аутоиммундық аурулар және/немесе ANA оң титрлары

- гиперкалиемия, гипонатриемия, гипогликемия

- сананың шатасуы, депрессия

- мидағы қан айналымының бұзылуы, оның ішінде инсульт, цереброваскулярлық жеткіліксіздік, естен тану

- анық көрмеу

жүректің тоқтауы, кардиогендік шок

бронх түйілуі, ринит, аллергиялық альвеолит, аллергиялық/эозинофильді пневмония

- глоссит, панкреатит

- бауыр функциясының бұзылуы, холестаз (сарғаюды қоса), гепатит, некрозды қоса, бауыр ферменттері деңгейінің жоғарылауы, қандағы билирубин деңгейінің жоғарылауы, трансаминазалар деңгейінің жоғарылауы, қандағы сілтілік фосфатаза деңгейінің жоғарылауы

- есекжем, Стивенс-Джонсон синдромы, көп формалы эритема, фотосезімталдық реакциясы, эритродермия, пемфигоидтық және эксфолиативті дерматит, псориаз және псориаз түріндегі дерматит

- артралгия, миалгия

- нефроздық синдром

- белсіздік, эректильді дисфункция, гинекомастия

- қызба

- протеинурия, эозинофилия, қан сарысудағы калий деңгейінің жоғарылауы, сарысудағы натрий мөлшерінің төмендеуі, сарысудағы мочевина азоты, креатинин және билирубин деңгейінің жоғарылауы, гемоглобиннің, гематокриттің, лейкоциттердің, тромбоциттердің төмендеуі, антинуклеарлық антиденелердің (АНА) оң титрі, ЭШЖ жоғарылауы.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

2 немесе 10 пішінді ұяшықты қаптамадан медициналық қолдану жөнінде қазақ және орыс тілдеріндегі нұсқаулықпен бірге картон қорапшаға салынған.

Түпнұсқалық қаптамасында 25°С-ден аспайтын температурада сақтау керек.

Балалардың қолы жетпейтін жерде сақтау керек!

4 жыл

Жарамдылық мерзімі өткеннен кейін қолдануға болмайды!