Астане қаласындағы Пиридоксин Гидрохлориді Ампуласы 5% 1 Мл №10 | Борисовский ЗМП

Кешенді терапия құрамында:

B6 гипо-және авитаминозы (емдеу және алдын алу)

жаңа туылған нәрестелердегі туа біткен пиридоксинге тәуелді құрысу синдромы

изониазидпен индукцияланған шеткері неврит

идиопатиялық сидеробластты анемия

аса жоғары сезімталдық;

бауыр функциясының ауыр жеткіліксіздігі.

Бауырдың ауыр зақымдануында пиридоксин тәулігіне 50 мг артық дозада оның функциясының нашарлауына әкелуі мүмкін. Бауыр аурулары бар пациенттерге сақтықпен қолдану керек.

Анамнезінде асқазан және он екі елі ішектің ойықжара ауруы (асқазан сөлі қышқылдылығының ықтимал артуына байланысты), жүректің ишемиялық ауруы бар пациенттерге сақтықпен қолдану керек.

Уробилиногенді Эрлих реагентімен анықтаған кезде нәтижелерді бұрмалауы мүмкін.

Пиридоксин алмасуы алкогольді үнемі қолданғанда бұзылады.

Жүктілік және лактация кезеңі

Пиридоксин плацента арқылы өтеді және емшек сүтіне шығарылады. Препарат жүктілік кезінде жүктілердің гестозында тағайындалады.

Бала емізу кезінде препаратты тағайындағанда лактацияның төмендеуі мүмкін

Балалар

Препарат педиатриялық практикада нәрестелердегі туа біткен пиридоксинге тәуелді құрысу синдромын кешенді емдеуде қолданылады.

Дәрілік заттың көлік құралын және қауіптілігі зор механизмдерді  басқару қабілетіне әсер ету ерекшеліктері Емдеу кезінде жүйке жүйесі тарапынан жағымсыз әсерлердің даму мүмкіндігіне байланысты көлік құралдарын басқару және күрделі механизмдермен жұмыс істеу кезінде сақ болу керек.

Дозалау режимі, енгізу әдісі мен жолы

Егер құсу кезінде және ішекте сіңу бұзылған кезде ішке қабылдау мүмкін болмаса, тері астына, бұлшықет ішіне, вена ішіне. Емдеу курсы жеке болып табылады және аурудың типімен және ауырлығымен анықталады.

Ересектерге

В6 гипо-және авитаминозында емдік дозалары 1-2 қабылдауда тәулігіне 50-100 мг құрайды. Емдеу курсы – 1 ай.

Изониазидпен ілеспелі ем кезінде тәулігіне 5-10 мг.

Жаңа туылған нәрестелердегі пиридоксинге тәуелді құрысу синдромын емдеу үшін: күн сайын 10-100 мг. Емдеу курсы-3-4 аптаны құрайды.

Анемияны емдеу үшін аптасына 2 рет б/і 100 мг тағайындалады. Фолий қышқылын, цианокобаламинді, рибофлавинді бір мезгілде қабылдаған жөн.

Артық дозалану симптомдары пиридоксинді үлкен дозаларда (тәулігіне 200-2000 мг және одан да көп) енгізген кезде пайда болады.

Симптомдары: жағымсыз әсерлердің күшеюі, ақуыздар, көмірсулар және липидтер алмасуының бұзылуы, ОЖЖ-дағы (шеткері нейропатия) және паренхиматозды ағзалардағы дегенеративті өзгерістер (НАД және НАДФ никотинамидті коферменттер белсенділігінің айтарлықтай төмендеуімен және никотин қышқылының тапшылығымен байланысты алмасу процестерінің бұзылуы). Шеткері нейропатия симптомдары гиперестезия, парестезия, бұлшықет әлсіздігін қамтиды. Жүрістің үдемелі бұзылуымен, аяқтар мен қолдарда ұюы мен шаншу сезімімен сенсорлық нейропатиялар, ішінара таз болу, инфекцияларға төзімділіктің төмендеуі, қанның ұюға қарсы жүйесінің белсенділігінің төмендеуі мүмкін. Үлкен дозаларда ұзақ уақыт қолданғанда В6 гипервитаминозы дамиды, бұл бұлшықет тінінде және ішкі ағзаларда ақуыз мөлшерінің айтарлықтай төмендеуімен сипатталады. В6 гиповитаминозының ерте сатыларында теріде бөртпелер, бас айналу, құрысулар пайда болуы мүмкін. Дәрілік затты тоқтатқанда бұл белгілер қайтымды болады.

Емі: препаратты тоқтату, симптоматикалық ем (нейробұлшықеттік берілісті жақсарту үшін неостигминнің немесе галантаминнің шағын дозаларын енгізу). Арнайы антидот жоқ.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады

Жүрек-қантамыр жүйесі тарапынан: тахикардия, жүрек аймағындағы ауырсыну.

Жүйке жүйесі тарапынан: бас ауыруы, бас айналу, әлсіздік, ұйқышылдық, қозу, үйлесімнің бұзылуы, парестезия, аяқ-қолдардың ұюы, «шұлық және қолғап» симптомы (аяқ-қолдардағы жағымсыз сезімдердің дамуы), есін жоғалту және тез енгізген кезде құрысулардың дамуы.

Тыныс алу жүйесі тарапынан: тыныс алудың қиындауы.

Асқазан-ішек жолы тарапынан: жүрек айнуы, эпигастрийдегі ауырсыну, қыжыл, асқазан секрециясының жоғарылауы.

Зат алмасу және метаболизм тарапынан: фолий қышқылы деңгейінің төмендеуі.

Иммундық жүйе, тері және тері асты шелі тарапынан: анафилаксиялық шок, есекжем, бөртпе, қышыну, тері гиперемиясы, дене температурасының жоғарылауы, дерматит, ангионевроздық ісіну, фотосенсибилизация.

Енгізу орнындағы бұзылулар: гиперемия, қышыну, ашыту

1 мл-ден шыны ампулада.

Әр ампулаға өздігінен жабысатын заттаңба жапсырылады немесе мәтін ампулаға тез бекітілетін бояумен терең басу әдісімен жазылады.

10 ампуладан ампулаларды ашуға арналған пышақпен немесе ампулалық скарификатормен бірге бедерлеуге арналған қағаздан жасалған бедерленген қосымшасы бар картон қорапқа салынады. Қорапқа көп түсті басып шығаруға арналған қағаз немесе офсеттік қағаздан жасалған заттаңба-бандероль жапсырылады.

10 ампуладан поливинилхлоридті үлбірден жасалған пішінді ұяшықты қаптамаға салынады. Ампулалары бар 1 пішінді ұяшықты қаптаманы ампулаларды ашуға арналған пышақпен немесе ампулалық скарификатормен және медициналық қолдану жөніндегі қазақ және орыс тілдеріндегі нұсқаулықпен бірге хром-эрзац картонынан немесе целлюлоза картонынан жасалған қорапқа салады.

10 ампуладан ампулаларды ашуға арналған пышақпен немесе ампулалық скарификатормен және медициналық қолдану жөніндегі қазақ және орыс тілдеріндегі нұсқаулықпен бірге хром-эрзац маркалы картоннан немесе целлюлоза картонынан жасалған ампулаларды бекітуге арналған картон қосымша беті бар қорапқа салады.

Жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.