Актау қаласындағы Дутас Т Капсулалары 0,5 Мг/ 0,4 Мг №30 | Laboratorios Leon Farma S.A

ДП ересектерде қолдануға арналған:

- Қуықасты безінің қатерсіз гиперплазиясының (ҚБҚГ) орташа және ауыр симптомдарын емдеуде.

- ҚБҚГ орташа және ауыр симптомдары бар пациенттерде жедел несеп іркілу (ЖНІ) және хирургиялық араласым қаупінің төмендеуінде.

- дутастеридке, 5-альфа редуктазаның басқа тежегіштеріне, тамсулозинге (тамсулозин индукцияланған ангионевроздық ісінуі бар пациенттерді қоса), сояға, арахиске немесе қосымша заттардың кез келгеніне аса жоғары сезімталдық

- әйелдер

- балалар мен 18 жасқа дейінгі жасөспірімдер

- бауыр жеткіліксіздігінің ауыр дәрежесі

- анамнезінде ортостатикалық гипотензия ұстамалары

- катарактаға қатысты жоспарланған операция

Дутас Т® препаратының дәрілік өзара әрекеттесуіне зерттеулер жүргізілген жоқ. Төмендегі деректер жеке компоненттер үшін қол жетімді ақпаратты көрсетеді.

Дутастерид

Дутастеридпен емдеу кезінде қан сарысуындағы ПСА деңгейін төмендетеді және қуықасты безі обырын диагностикалауға қатысты ұсынымдар.

Басқа дәрілік заттардың дутастерид фармакокинетикасына әсері

Дутастерид негізінен метаболизм жолымен шығарылады. CYP3A4 және CYP3A5 метаболизм катализаторлары болып табылады. Күшті әсер ететін CYP3A4 тежегіштерімен өзара әрекеттесуге ресми зерттеулер жүргізілген жоқ. Верапамил немесе дилтиазем (орташа CYP3A4 тежегіштері және Р - гликопротеин тежегіштері) бір мезгілде қабылдаған пациенттердің аз санында қан сарысуындағы дутастерид концентрациясы басқа пациенттерге қарағанда орта есеппен жоғары болды.

Дутастеридті CYP3A4 ферментінің күшті әсер ететін тежегіштері болып табылатын басқа дәрілік препараттармен біріктіріп ұзақ уақыт қолдану (мысалы, ритонавир, индинавир, нефазодон, интраконазол, кетоконазол сияқты ішке қабылдауға арналған препараттар) қан сарысуындағы дутастеридтің концентрациясын арттыруы мүмкін. Дутастерид әсерінің артуы кезінде 5-альфа-редуктазаның одан әрі тежелуі екіталай. Алайда, жағымсыз реакциялар пайда болған кезде дутастеридтің дозалау жиілігін төмендету мүмкіндігін қарастыруға болады. Ферменттің тежелуі жағдайында жартылай шығарылудың ұзақ кезеңі қосымша ұлғаюы мүмкін, бұл жаңа тепе-теңдік концентрациясына қол жеткізу үшін 6 айдан астам уақыт бойы бір мезгілде ем қолдануды талап етуі мүмкін.

Дутастеридті 5 мг дозада бір рет қабылдағаннан кейін бір сағаттан соң 12 г холестираминді енгізу дутастеридтің фармакокинетикасына әсер еткен жоқ.

Дутастеридтің басқа дәрілік препараттардың фармакокинетикасына әсері

Дутастерид (тәулігіне 0.5 мг) ұзақтығы екі апта зерттеуде тамсулозин немесе теразозин фармакокинетикасына әсер етпеді. Сондай-ақ, бұл зерттеуде фармакодинамикалық өзара әрекеттесу байқалмады.

Дутастерид варфарин немесе дигоксиннің фармакокинетикасына әсер етпейді. Бұл дутастерид CYP2С9 ферментін немесе Р-гликопротеин тасымалдаушысын тежемейді/индукцияламайды дегенді білдіреді. Дутастерид CYP1A2, CYP2D6, CYP2C9, CYP2C19 немесе CYP3A4 ферменттерін тежемейді.

Тамсулозин

Тамсулозинді анестетиктерді, ФДЭ-5 тежегіштерін және альфа1-адренорецепторлардың басқа антагонистерін қоса алғанда, артериялық қысымды төмендететін препараттармен бір мезгілде қабылдау гипотензивті әсердің күшеюіне әкелуі мүмкін. Дутастерид-тамсулозин біріктірілімін альфа1-адренорецепторлардың басқа антагонистерімен бірге қолдануға болмайды.

Тамсулозин гидрохлориді мен кетоконазолды бір мезгілде қабылдау (CYP3A4 күшті тежегіші) тамсулозин гидрохлоридінің Cmax және AUC ұлғаюына әкелді. Тамсулозин гидрохлориді мен пароксетинді бір мезгілде қабылдау (күшті CYP2D6 тежегіші) тамсулозин гидрохлоридінің Cmax және AUC ұлғаюына әкелді. CYP3A4 күшті тежегішімен бір мезгілде қолданған кезде жылдам метаболизмі бар пациенттермен салыстырғанда CYP2D6 баяу метаболизмі бар пациенттерде әсердің ұқсас ұлғаюы күтіледі. Тамсулозин гидрохлоридімен CYP3A4 және CYP2D6 тежегіштерін бір мезгілде қабылдау әсері клиникалық практикада бағаланбаған, алайда тамсулозин әсерінің айтарлықтай ұлғаю ықтималдығы бар.

Тамсулозин гидрохлоридін (0.4 мг) және циметидинді (алты тәулік ішінде әрбір алты сағат сайын 400 мг) бір мезгілде қабылдау клиренстің төмендеуіне және тамсулозин гидрохлоридінің AUC ұлғаюына әкелді. Дутастерид-тамсулозин біріктірілімін циметидинмен бірге сақтықпен қолдану керек.

Диклофенак пен варфарин тамсулозиннің шығарылу жылдамдығын арттыруы мүмкін. Варфарин мен тамсулозин гидрохлоридін бір мезгілде қолданғанда сақ болу керек.

Тамсулозин гидрохлоридін атенололмен, эналаприлмен, нифедипинмен немесе теофиллинмен бір мезгілде қолданғанда өзара әрекеттесу байқалған жоқ. Фуросемидпен бір мезгілде қабылдау қан плазмасындағы тамсулозин деңгейінің төмендеуін туындатады, бірақ деңгейлер қалыпты ауқым шегінде қалатындықтан, дозаны түзету қажет емес.

Диазепам, пропанолол, трихлорметизиад, хлормадинон, амитриптилин, диклофенак, глибенкламид, симвастин адамның қан плазмасындағы тамсулозиннің бос фракциясын өзгертпеді. Тамсулозин сонымен қатар диазепам, пропанолол, трихлорметиазид және хлормадинонның бос фракцияларын өзгертпеді.

7 немесе 30 капсуладан бұрандалы қақпағы бар құтыда (HDPE).

Кремнезем бар қақпақ құрғатқыш ретінде су өткізбейтін камерада.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Картон қорапшасындағы бірінші ашылуды қорғайтын қораптың екі жағында да мөлдір жапсырма болады.

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды!