Показания к применению
Пероральді енгізу жолы
Гинекологиялық:
Прогестерон жеткіліксіздігімен байланысты бұзылулар:
- етеккіралды синдромда
- етеккір оралымдарының дизовуляциямен немесе ановуляциямен жүретін бұзылуында
- қатерсіз мастопатияда
- пременопаузада
- менопаузаны емдеу үшін (эстрогенмен емдеуге қосымша)
- лютеин жеткіліксіздігі салдарынан болатын бедеулікте
Акушерлік:
- Түсік қаупінде немесе анықталған лютеин жеткіліксіздігіне байланысты үйреншікті түсіктердің алдын алу үшін
- Мерзімінен бұрын босану қаупінде
Қынаптық енгізу жолы
- гипофертильділікте, ішінара немесе тотальді лютеин жеткіліксіздігімен байланысты бастапқы немесе салдарлы бедеулікте (дизовуляция, in vitro ұрықтандыру барысында лютеиндік фазаны демеу, ооциттер донорлығы)
- бастапқы мерзімдегі түсік қаупінде немесе лютеин жеткіліксіздігімен байланысты үйреншікті түсіктердің алдын алу үшін
- жүктіліктің 16 және 24 апталары (аменореяның 18 және 26 апталары) арасында өлшенген, ≤25 мм болатын жатыр мойны қысқа қауіп тобындағы әйелдерде мерзімінен бұрын босанудың профилактикасы.
Қолдану басталғанға дейін қажетті мәліметтер тізбесі
Қолдануға болмайтын жағдайлар
- препараттың белсенді немесе қосымша компоненттеріне аса жоғары сезімталдық
- жаңғақтарға немесе сояға аллергиялық реакция
- терең веналар тромбозы, тромбофлебит, тромбоэмболиялық бұзылулар (өкпе артериясының тромбоэмболиясы, миокард инфарктісі, инсульт),
- бассүйекішілік қан құйылу немесе анамнезінде осы жағдайлардың/аурулардың болуы;
- қынаптан шығу тегі белгісіз қан кетулер
- толық жүрмеген аборт;
- порфирия;
- сүт бездері мен жыныс мүшелерінің анықталған немесе күдікті қатерлі жаңа түзілімдері;
- қазіргі уақыттағы немесе анамнездегі бауырдың ауыр аурулары (оның ішінде холестаздық сарғаю, гепатит, Дубин-Джонсон, Ротор синдромы, бауырдың қатерлі ісіктері) ;
- емшек емізу кезеңі;
- балалар мен 18 жасқа дейінгі жасөспірімдер.
- Сақтықпен:
- жүрек-қантамыр жүйесінің ЖҚЖ аурулары;
- артериялық гипертензия;
- созылмалы бүйрек жеткіліксіздігі;
- қант диабеті;
- бронх демікпесі;
- эпилепсия;
- бас сақинасы;
- депрессия;
- гиперлипопротеинемия;
- лактация кезеңі
Қолдану кезінде қажетті сақтық шаралары
ҰРЫҚТАНУҒА ҚАРСЫ ДӘРІ БОЛЫП ТАБЫЛМАЙДЫ.
Емдеуді қолда бар ұсынымдарға сәйкес жүргізу қажет.
Егер емдеу курсы тым ерте, айлық циклдың басында, әсіресе циклдың 15-ші күніне дейін басталса, циклдың қысқаруы орын алуы немесе қан кету дамуы мүмкін.
Жатырдан қан кетулер жағдайында, олардың себептерін нақты анықтағанша (мысалы, жатыр қуысын тексеру) препаратты тағайындауға болмайды.
Толықтай жоққа шығаруға болмайтын тромбоэмболиялық және метаболизмдік қауіптерге байланысты, басталып кеткен жағдайда қабылдауды тоқтату керек:
- көру бұзылулары (көрмей қалу, көзге қос көрінуі, торқабықтың тамырлық зақымданулары сияқты)
- тромбоэмболиялық веналық немесе тромбоздық асқынулар (олардың орналасуына байланыссыз)
- қатты бас ауруы.
Анамнезінде тромбофлебия болған жағдайда, пациент әйел мұқият қадағалауда болуы тиіс.
Емдеу үдерісінде аменорея пайда болған жағдайда, мұның жүктілік еместігіне көз жеткізу қажет.
Бастапқы мерзімде өздігінен болатын аборттардың 50%-дан астамы генетикалық асқынулардан туындайды. Сонымен қатар, жүктіліктің ерте кезеңіндегі өздігінен болатын түсіктердің себебі инфекциялық үдерістер мен механикалық зақымданулардан болуы мүмкін; мұндай жағдайларда прогестеронды қолдану тіршілік етуге қабілетсіз ұрықты жұмыртқаны қабылдамаудың және эвакуациялаудың кідіруіне ғана әкелуі мүмкін. Сары дене секрециясы жеткіліксіз болған жағдайда, прогестеронды дәрігердің ұсынымы бойынша тағайындау көрсетілген.
Реафем құрамында арахис майы, соя лецитині бар және аса жоғары сезімталдық реакциясын (есекжем және анафилактикалық шок) тудыруы мүмкін.
Басқа дәрілік препараттармен өзара әрекеттесуі
Менопаузаны эстрогендермен гормональді емдеу кезінде оралымнан кемінде 12 күн бұрын прогестеронды тағайындау қажет.
Басқа препараттармен бірге қолдану прогестерон метаболизмінің күшеюін және препарат әсерінің өзгеруін туғызуы мүмкін.
Ол мына жағдайларда болады:
- барбитураттар, эпилепсияға қарсы препараттар (фенитоин), рифампицин, фенилбутазон, спиронолактон және гризеофульвин сияқты бауыр ферменттерінің индукторларымен (бұл препараттар бауырлық деңгейдегі метаболизмінің жоғарылауын туғызады)
- кейбір антибиотиктер (ампициллиндер, тетрациклиндер) ішек микрофлорасында өзгерістер туғызады, оны салдары энтерогепатикалық стероидтық циклдың өзгеруі болып табылады
- құрамында шайқурай (Hypericum perforatum)бар препараттар.
Прогестагендер глюкоза көтерімділігінің төмендеуін туғызуы мүмкін, осының салдарынан диабетпен науқаста инсулин немесе диабетке қарсы басқа препараттардың тұтынылуын арттыру қажет.
Прогестеронның биожетімділігі шылым шегетін пациент әйелдерде және алкогольді шамадан тыс пайдаланғанда төмендеуі мүмкін.
Арнайы ескертулер
Педиатрияда қолдану
Қатысты емес
Жүктілік немесе лактация кезінде
Препарат ұрпақты болу жасындағы әйелдердің фертильділігін төмендетпейді.
Реафем препаратын қолдану жүктілік кезінде, оның ішінде алғашқы апталарда қолдануға болады.
Прогестеронның емшек сүтіне түсуі жеткіліксіз зерттелген, соған орай, оның бала емізу кезінде тағайындалуын болдырмау керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралдарының жүргізушілері мен механизмдермен жұмыс істейтін адамдардың назарын осы препаратты пероральді қолданумен байланысты ұйқышылдықтың және/немесе бас айналудың даму қаупіне аудару керек. Ұйықтар алдында капсулаларды қабылдау осы салдардың алдын алуға мүмкіндік береді.
Автокөлікті басқару және зейіннің артуын және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақ болу керек.
