Астане қаласындағы Ацеллбия Концентраты 10 Мг/мл 50 Мл №1 | ЗАО Биокад

Бір миллилитр препараттың құрамында

белсенді зат: ритуксимаб – 10.0 мг

қосымша заттар: натрий цитрат дигидраты– 7.35 мг, полисорбат 80 – 0.70 мг, натрий хлориді – 9.00 мг, хлорсутек қышқылы – рН 6.5 дейін, инъекцияға арналған су – 1.0 мл дейін.

Ацеллбия® препараты келесі аурулары бар ересек пациенттерді емдеуге арналған:

- Ходжкиндік емес лимфома

Ацеллбия® препараты бұрын емделмеген пациенттерде химиялық еммен біріктіріп III-IV сатыдағы фолликулярлық лимфоманы емдеуде қолданылады.

Ацеллбия® препараты индукциялық емге жауаптан кейін демеуші ем ретінде фолликулярлық лимфоманы емдеуде қолданылады.

Ацеллбия® препараты химиялық төзімділік айқындалған жағдайда немесе химиялық емнен кейін екінші және кейінгі қайталануларында III-IV сатыдағы фолликулярлық лимфоманы емдеуде монотерапия ретінде қолданылады.

Ацеллбия® препараты СНОР сызбасы бойынша химиялық еммен (циклофосфамид, доксорубицин, винкристин, преднизолон) біріктіріп, CD20-оң диффуздық В-ірі жасушалы ходжкиндік емес лимфоманы емдеуде қолданылады.

Ацеллбия® препараты химиялық еммен біріктіріп, бұрын емделмеген үдемелі сатыдағы CD20-оң диффуздық В-ірі жасушалы лимфомасы, Беркитт лимфомасы/ Беркитт лейкозы (жетілген В-жасушалы жедел лейкоз) немесе Беркитт тәрізді лимфомасы бар балалар жасындағы (≥ 6 айдан <18 жасқа дейінгі) пациенттерді емдеуге қолданылады.

- Созылмалы лимфолейкоз (СЛЛ)

Ацеллбия® препаратын қайталанатын/химиялық төзімді созылмалы лимфолейкозды емдеуде және бұрын емделмеген пациенттерде химиялық еммен біріктіріп қолдану көрсетілген.

Ритуксимабты қоса, бұрын моноклональді антиденелер алған пациенттерді емдеуде немесе ритуксимабпен біріктірілген алдыңғы химиялық емді қабылдамайтын пациенттерде препаратты қолдану тиімділігі мен қауіпсіздігі туралы шектеулі ғана деректер бар.

- Ревматоидты артрит

Ацеллбия® препаратын ауыр белсенді ревматоидты артриті бар ересек пациенттерді емдеу үшін, ісік некрозы факторының бір немесе бірнеше тежегіштерін қоса, ревматизмге қарсы басқа базистік препараттардың жақпаушылығында немесе жауап жеткіліксіз болғанда метотрексатпен біріктіріп қолдану көрсетілген.

Ритуксимабты метотрексатпен біріктіріп қолданудың рентгенологиялық зерттеу деректері бойынша буындар зақымдануының үдеу жылдамдығының азаюына, сондай-ақ физикалық функциялардың жақсаруына алып келетіні көрсетілді.

- Полиангиитпен гранулематоз және микроскопиялық полиангиит

Ацеллбия® препаратын ауыр түрдегі белсенді полиангиитпен гранулематозы (Вегенер гранулематозы) және микроскопиялық полиангииті бар ересек пациенттерде глюкокортикоидтармен біріктіріп қолдану көрсетілген.

Ацеллбия® препаратын полиангиитпен ауыр белсенді түрдегі гранулематозы (Вегенер гранулематозы) және микроскопиялық полиангииті бар балалар жасындағы (≥ 2-ден <18 жасқа дейінгі) пациенттерде ремиссияны индукциялау үшін глюкокортикоидтармен біріктіріп қолдану көрсетілген.

- Қарапайым сулы бөртпе (Pemphigus vulgaris)

Ацеллбия® препаратын ауырлық дәрежесі орташа немесе ауыр қарапайым сулы бөртпесі бар пациенттерді емдеу үшін қолдану көрсетілген.

Ходжкиндік емес лимфомада және созылмалы лимфоцитарлық лейкозда қолдануға болмайтын жағдайлар

• Ритуксимабқа, препараттың кез келген компонентіне немесе тышқан ақуыздарына аса жоғары сезімталдық;

• Жедел ауыр инфекциялық аурулар;

• Айқын бастапқы немесе салдарлы иммун тапшылығы.

Ревматоидты артриті, полиангиитпен гранулематозы, микроскопиялық полиангииті және қарапайым сулы бөртпесі бар пациенттерде қолдануға болмайтын жағдайлар

• Ритуксимабқа, препараттың кез келген компонентіне немесе тышқан ақуыздарына аса жоғары сезімталдық;

• Жедел ауыр инфекциялық аурулар;

• Айқын бастапқы немесе салдарлы иммун тапшылығы;

• Жүректің ауыр жеткіліксіздігі (Нью-Йорк кардиологиялық қауымдастығының (NYHA)) жіктемесі бойынша IV класс немесе ревматоидты артрит, полиангиитпен гранулематоз, микроскопиялық полиангиит және қарапайым сулы бөртпе кезіндегі ауыр, бақыланбайтын жүрек ауруы.

Қолдану кезіндегі қажетті сақтандыру шаралары

Биологиялық дәрілік заттардың қолданылуын қадағалауды жақсарту үшін, пациент картасында енгізілген өнімнің саудалық атауын нақты көрсету керек.

Үдемелі көп ошақты лейкоэнцефалопатия (ҮКЛ)

Ритуксимабпен емделуден кейін өліммен аяқталған ҮКЛ дамуының өте сирек жағдайлары тіркелген. Пациенттерді неврологиялық симптомдардың туындау/өршу жағдайларын немесе ҮКЛ дамуын көрсететін белгілерді анықтау үшін жүйелі тексеруден өткізу керек. ҮКЛ дамуына күдік туындаған жағдайда осы диагноз жоққа шығарылғанша емдеу тоқтатылуы тиіс. Дәрігер пациентті тексеруден өткізіп, симптомдардың жүйке жүйесі дисфункциясымен байланысын анықтауы тиіс, ал егер байланысты болса, байқалатын симптомдарды ҮКЛ туындату мүмкіндігін бағалау керек. Клиникалық қажеттілік болса, неврологпен кеңесу керек.

Күдік туындағанда дұрысы контрастылы күшейтумен МРТ-зерттеуін жүргізіп, JC-вирус ДНҚ анықтау үшін жұлын сұйықтығын талдау және неврологиялық тексеруді қайталау керек.

Дәрігер пациент байқамауы мүмкін ҮКЛ көрсететін симптомдарға (мысалы, когнитивті, неврологиялық немесе психиатриялық көріністер) ерекше мұқият болуы тиіс. Пациенттерге өз жұптасын немесе күтім жасайтын тұлғаны ем алып жүргені жөнінде хабардар етуге кеңес беріледі, өйткені олар пациент өз бетінше анықтай алмайтын симптомдардың туындауын байқауы мүмкін.

Пациентте ҮКЛ дамыған жағдайда Ацеллбия® препаратымен емдеуді тоқтатып, әрі қарай жаңғыртпау қажет.

Иммун тапшылығы және ҮКЛ бар пациенттерде иммундық жүйе функциясы қалыпқа келгенде жай-күйдің тұрақтану немесе жақсару жағдайлары байқалған. ҮКЛ ерте анықталуы және Ацеллбия® препаратымен емдеуді тоқтата тұру нәтиженің осындай тұрақтануына немесе жақсаруына әкелу мүмкіндігі белгісіз күйде қалып отыр.

Ходжкиндік емес лимфома және созылмалы лимфолейкоз

Инфузиялық реакциялар

Ацеллбия® препаратын енгізу кезінде инфузиялық реакциялардың дамуы цитокиндердің және/немесе басқа медиаторлардың босап шығу себебінен болуы мүмкін. Цитокиндердің босап шығу синдромы аса жоғары сезімталдықтың жедел реакцияларынан клиникалық тұрғыда ерекшеленбеуі мүмкін.

Цитокиндердің босап шығу синдромын, ісік лизисі синдромын, анафилаксиялық реакцияларды және аса жоғары сезімталдық реакцияларын қамтитын осы реакциялар тобы төменде сипатталған.

Вена ішіне енгізуге арналған Ацеллбия® препаратын тіркеуден кейін қолдану кезеңінде сипатталған өліммен аяқталатын ауыр инфузиялық реакциялар туралы хабарламалар бар. Реакциялар бірінші венаішілік ритуксимаб инфузиясы басталған соң 30 мин – 2 сағат шегінде дамыған. Олар өкпе тарапынан көріністер сипатында болды, кейбір жағдайларда жылдам ісік лизисі және ісік лизисі синдромының көріністері, сондай-ақ артериялық қысымның төмендеуі, қызба, қалтырау, діріл, есекжем, ангионевроздық ісіну және басқа симптомдар байқалды.

Цитокиндердің босап шығу синдромы айқындылығының ауыр дәрежесі бронх түйілуімен және гипоксиямен жиі қатар жүретін ауыр ентігумен, сондай-ақ қызба, қалтырау, діріл, есекжем, ангионевроздық ісінумен сипатталады. Бұл синдром гиперурикемия, гиперкалиемия, гипокальциемия, гиперфосфатемия, бүйректің жедел жеткіліксіздігі, лактатдегидрогеназаның (ЛДГ) жоғары белсенділігі сияқты ісік лизисі синдромының кейбір көріністерімен қатар жүруі мүмкін, одан басқа, оның көріністері тыныс алудың жедел жеткіліксіздігіне және өлімге әкелуі мүмкін. Тыныс алудың жедел жеткіліксіздігі кеуде қуысы рентгенограммасынан көрінетін өкпенің интерстициальді инфильтрациясымен немесе ісінуімен қатар жүруі мүмкін. Синдром алғашқы инфузия басталған соң бір немесе екі сағат ішінде жиі көрініс береді. Анамнезінде өкпе жеткіліксіздігі немесе өкпенің ісікті инфильтрациясы бар пациенттер қауіп тобында болады және емдеуді аса сақтықпен жалғастыруы тиіс.

Цитокиндердің босап шығуының ауыр синдромы дамығанда препарат инфузиясы дереу тоқтатылуы тиіс, пациенттерге белсенді симптоматикалық ем көрсетілуі тиіс. Симптоматиканың бастапқы жақсаруы күрт нашарлаумен өзгеруі мүмкін, сондықтан пациенттер ісік лизисі синдромы немесе өкпе инфильтрациясы толық басылғанша немесе осы диагноздар алып тасталғанша мұқият қадағалауда болуы тиіс. Пациенттерді белгілер мен симптомдар толық басылған соң барып әрі қарай емдеу сирек жағдайларда цитокиндер босап шығуының ауыр синдромын қайта туындатты.

Цитокиндердің босап шығуының аса ауыр синдромы қаупі ерекше жоғары болуы мүмкін ісік жүктемесі жоғары немесе айналымдағы қатерлі жасушаларының саны көп (≥25 × 109/л)  науқастарға (мысалы, созылмалы лимфолейкозда) Ацеллбия® препараты өте сақтықпен, мұқият қадағалаумен тағайындалу керек. Ондай науқастарға препараттың алғашқы инфузиясын баяу жылдамдықпен енгізу немесе бірінші емдеу циклы кезінде және егер Ацеллбия® препаратын енгізер алдында айналымдағы қатерлі жасушалар саны >25 × 109/л деңгейінде сақталса, келесі циклдердің әрқайсысында препарат дозасын екі күнге бөлу керек.

Жағымсыз инфузиялық реакциялар барлық түрінде ритуксимаб қабылдаған пациенттердің 77%-да (10% пациентте гипотензиямен және бронх түйілуімен қатар жүретін цитокиндердің босап шығу синдромын қоса) байқалған. Бұл симптомдар, әдетте, ритуксимаб инфузиясын тоқтатқанда және қызу түсіретін әрі антигистаминдік препараттармен, сондай-ақ жекелеген жағдайларда оттегімен, вена ішіне физиологиялық ерітіндімен, бронходилататорлармен және глюкокортикоидтармен емдегенде басылды.

Пациенттерге ақуыз препараттарын вена ішіне енгізуден кейін анафилаксиялық және басқа аса жоғары сезімталдық реакциялары тіркелді. Цитокиндердің босап шығу синдромынан ерекшелігі, шын мәніндегі аса жоғары сезімталдық реакциялары, әдетте, инфузия басталған соң бірнеше минут ішінде туындайды. Ацеллбия® препаратын вена ішіне енгізгенде анафилаксиялық реакциялардың және басқа аса жоғары сезімталдық реакцияларының даму ықтималдығы бар екеніне байланысты, оларды басатын дәрілер: эпинефрин (адреналин), антигистаминдік және глюкокортикостероидты препараттар қолда болуы қажет. Анафилаксияның клиникалық көріністері цитокиндердің босап шығу синдромының клиникалық көріністеріне ұқсас болуы мүмкін (жоғарыда сипатталған).

Цитокиндердің босап шығуымен байланысты реакциялар көрінісі туралы хабарламаларға қарағанда, аса жоғары сезімталдықпен байланысты реакциялар көрінісі туралы хабарламалар сирек кездеседі.

Миокард инфарктісі, жүрекшелер фибрилляциясы, өкпе ісінуі және жедел қайтымды тромбоцитопения дамыған жағдайлар тіркелген.

Ацеллбия® препаратын енгізгенде гипотензияның даму мүмкіндігіне орай, Ацеллбия® препаратының инфузиясынан кем дегенде 12 сағат бұрын гипертензияға қарсы дәрілік заттарды қабылдамау керек.

Жүрек тарапынан бұзылулар

Ритуксимаб қабылдаған пациенттерде стенокардия, аритмия, жүрекшелер жыпылықтауы мен дірілдеуін қоса, жүрек жеткіліксіздігі және миокард инфарктісі туындаған жағдайлар байқалған. Анамнезінде жүрек аурулары бар және/немесе кардиоуытты химиялық ем қабылдайтын пациенттер мұқият қадағалауда болуы тиіс.

Гематологиялық уыттану

Ацеллбия® препаратымен монотерапия миелосупрессиялық әсер көрсетпесе де, 1,5 × 109/л аз нейтропенияда және/немесе 75 × 109/л аз тромбоцитопенияда препаратты тағайындағанда сақ болу қажет, өйткені ондай пациенттерде оны клиникалық қолдану тәжірибесі шектеулі. Ритуксимаб сүйек кемігінің аутологиялық трансплантациясынан кейінгі 21 пациентті емдеу үшін және миелоуыттану құбылыстарының туындауынсыз сүйек кемігінің функциясы бұзылуы мүмкін басқа қауіп топтарындағы пациенттерде қолданылды. Ацеллбия® препаратымен ем барысында, нейтрофилдер мен тромбоциттер санын есептеуді қоса, жүйелі түрде шеткері қанға толық талдау жасау қажет.

Инфекциялар

Ритуксимабпен емделу кезінде пациенттерде күрделі, соның ішінде өліммен аяқталатын инфекциялық аурулар дамуы мүмкін. Ритуксимабты ауыр белсенді инфекциясы бар пациенттерге тағайындауға болмайды (мысалы, туберкулез, сепсис және оппортунистік инфекциялар).

Дәрігерлер қайталамалы немесе созылмалы инфекциялық аурулары, сондай-ақ күрделі инфекциялардың дамуына бейімдейтін өзге қатарлас аурулары бар пациенттерді емдеу үшін Ацеллбия® препаратын пайдаланғанда сақтық танытуы тиіс.

Ритуксимаб қабылдаған пациенттерде В гепатитінің қайта белсенділену жағдайлары, соның ішінде өліммен аяқталатын фульминантты гепатит тіркелген. Осы пациенттердің көпшілігі цитоуытты химиялық емді де қабылдаған. Қайталамалы/рефрактерлі созылмалы лимфолейкоз бар пациенттер қауымында жүргізілген бір зерттеуден алынған қолда бар шектеулі ақпарат ритуксимабпен емдеу бастапқы B гепатиті инфекциясының нәтижесін нашарлатады деп болжауға мүмкіндік береді. Ацеллбия® препаратын тағайындау алдында барлық пациенттер В гепатитіне скринингтен өтуі тиіс. Ең аз тестілер жинағында HbsAg және HbcAb анықтамалары қамтылуы тиіс; тестілер тізбесін жергілікті нұсқауларға сәйкес толықтыруға болады. Ацеллбия® препаратын белсенді В гепатиті бар пациенттерді емдеу үшін қолдануға болмайды. B гепатитінің кез келген оң серологиялық маркерлері бар пациенттер ритуксимаб қолданар алдында дәрігер-гепатологпен кеңесуі керек; ондай пациенттерге қатысты тиісті мониторинг өткізіп, жергілікті стандарттарға сәйкес B гепатиті вирусының қайта белсенділену профилактикасы бойынша шаралар қабылдау қажет.

Ходжкиндік емес лимфома және созылмалы лимфолейкоз бар пациенттерде ритуксимаб қолданылғанда өте сирек жағдайларда ҮКЛ жағдайлары байқалды. Пациенттердің көпшілігі ритуксимабты химиялық еммен біріктіріп немесе гемопоэздік дің жасушаларының трансплантациясымен біріктірілімде қабылдады.

Иммунизация

Ходжкиндік емес лимфома мен созылмалы лимфолейкоз бар пациенттерді ритуксимабпен емдеуден кейін тірі вирустық вакциналармен иммунизациялау қауіпсіздігі зерттелмеген, тірі вирустық вакциналармен вакцинациялау ұсынылмайды. Ондай пациенттерді белсенділігі жойылған вакциналармен вакцинациялауға болады, алайда вакцинадан кейін жауап әлсіз болуы мүмкін. Қатерлілік дәрежесі төмен қайталамалы ходжкиндік емес лимфома бар пациенттерде рандомизацияланбаған зерттеуде, ритуксимаб қабылдамаған пациенттермен салыстырғанда, күл анатоксинін және KHL-неоантиген (КНL – фиссурелия моллюск гемоцианині) енгізуге жауап беру жиілігінің төмендеуі байқалған (тиісінше, 81% қарсы 16% және 76% қарсы 4% (бағалау критерийі – антиденелер титрінің 2 еседен артық жоғарылауы)). Аурулардың ұқсастығын ескеріп, созылмалы лимфолейкоз бар пациенттер үшін де сол деректерді алуға болады деп жорамалданады, бірақ бұл бағытта клиникалық зерттеулер жүргізілмеген.

Антигендер жинағына антиденелер титрінің орта шамасы (Streptococcus pneumoniae, Influenza A, паротит, қызамық, желшешек) ритуксимабпен емдеуден кейін, емдеуге дейінгі деңгеймен салыстырғанда, кем дегенде 6 ай бойы өзгермеген.

Тері реакциялары

Ритуксимабпен ем кезінде бірқатар жағдайларда өліммен аяқталатын уытты эпидермалық некролиз (Лайелл синдромы) және Стивенс-Джонсон синдромы сияқты терінің ауыр реакцияларының даму жағдайлары тіркелген. Осындай реакциялар анықталғанда және олардың Ритуксимабпен байланысты екеніне күдік туындағанда препаратты қолдануды тоқтатып, одан әрі жаңғыртпаған жөн.

Ревматоидты артрит, полиангиитпен гранулематоз, микроскопиялық полиангиит және қарапайым сулы бөртпе

Метотрексатпен ем қабылдамаған ревматоидты артрит бар пациенттер

Метотрексатпен ем қабылдамаған ревматоидты артрит бар пациенттерді емдеу үшін ритуксимаб пайдалану ұсынылмайды, өйткені осы науқастар тобы үшін пайда-қауіп қатынасының қолайлылығы туралы сенімді деректер жоқ.

Инфузиялық реакциялар

Ацеллбия® препараты енгізілген кезде инфузиялық реакциялардың дамуы цитокиндердің және/немесе басқа медиаторлардың босап шығуымен байланысты болуы мүмкін.

Тіркеуден кейінгі бақылауда ревматоидты артритпен науқастарда өліммен аяқталатын ауыр инфузиялық реакциялар тіркелген. Ревматоидты артрит бар пациенттер қатысқан клиникалық зерттеулер жағдайында инфузиялық реакция оқиғаларының көпшілігі жеңіл немесе орташа ауырлық дәрежесінде болды. Аллергиялық реакциялар: бас ауыруы, қышыну, тамақ жыбырлауын сезіну, қан кернеулер, бөртпе, есекжем, артериялық қысымның көтерілуі және қызба бәрінен де жиі байқалды. Инфузиялық реакциялар кез келген емдеу курсының бірінші инфузиясынан кейін, екінші инфузиядан кейінгіге қарағанда, жиірек байқалды; орындалған курстар санының көбеюімен реакциялар жиілігі төмендеді. Инфузиялық реакциялар, әдетте, ритуксимаб енгізуді баяулатудан немесе үзуден және дәрі-дәрмектік ем (қызу түсіретін, антигистаминдік дәрілер және, қажет болса, оттегі, вена ішіне тұз ерітінділерін, бронходилататорлар, глюкокортикостероидтар енгізу) тағайындаудан кейін басылды. Жүрек-қантамыр жүйесінің аурулары бар, сонымен қатар бұрын жүрек және өкпе тарапынан жағымсыз реакциялары байқалған пациенттерді мұқият қадағалау қажет. Инфузиялық реакциялар дамығанда, олардың ауырлығына және қажетті емдеуге қарай, Ацеллбия® препаратын енгізуді уақытша тоқтата тұру немесе тоқтату керек. Көпшілік жағдайларда симптоматика толық жойылған соң инфузияны алдыңғысынан 50% құрайтын жылдамдықпен (мысалы, 100 мг/сағ орнына 50 мг/сағ) жаңғыртуға болады.

Ацеллбия® препаратын енгізгенде аса жоғары сезімталдық реакцияларының даму мүмкіндігіне байланысты оларды басатын дәрілер: эпинефрин (адреналин), антигистаминдік және глюкокортикостероидты препараттар қолда болуы қажет.

Ритуксимабты айқындығы орташа жүрек жеткіліксіздігі (NYHA жіктемесі бойынша III класс) немесе бақыланбайтын ауыр жүрек-қантамыр аурулары бар пациенттерді емдеуге қолдану қауіпсіздігі туралы деректер жоқ. Ритуксимаб қабылдаған бастапқы жүрек ишемиясы бар пациенттерде сәйкес жай-күйлер симптомдарының көрінісі, мысалы, стенокардия, сондай-ақ жүрекшелер дірілдеуі мен жыпылықтауы байқалды. Жүрек ауруы бар немесе осының алдында жүрек-өкпелік жағымсыз реакциялары болған пациенттерге Ацеллбия® препаратымен емделу кезеңінде ерекше көңіл бөлу қажет болады және емдеу мүмкіндігін қарастырғанда олардағы жүрек-қантамырлық асқынулардың даму қаупі ескерілуі тиіс. Препаратты енгізу кезінде оларды мұқият қадағалау керек.

Гипотензияның дамуы мүмкін болғандықтан, Ацеллбия® препаратының инфузиясынан кем дегенде 12 сағат бұрын гипертензияға қарсы дәрілік заттарды қабылдаудан бас тарту керек.

Инфузиялық реакциялар полиангиитпен гранулематозы, микроскопиялық полиангииті және қарапайым сулы бөртпесі бар пациенттерде ревматоидты артриті бар пациенттердегі клиникалық зерттеулер аясында байқалғандарға ұқсас болды.

Жүрек тарапынан бұзылулар

Ритуксимабпен емдеу аясында стенокардия немесе аритмияның (жүрекшелер дірілдеуі мен фибрилляциясы), жүрек жеткіліксіздігі немесе миокард инфарктісінің дамуы мүмкін екеніне байланысты, анамнезінде жүрек аурулары бар пациенттерді мұқият қадағалау талап етіледі.

Инфекциялар

Ацеллбия® препаратының әсер ету механизмін және қалыпты иммундық жауапқа демеу көрсетудегі B-лимфоциттердің маңызды рөлін ескеріп, пациенттерде Ацеллбия® препаратымен емдеу салдарынан инфекция қаупі жоғары деп жорамалдауға болады.

Пациенттерде ритуксимабпен емделу барысында күрделі, соның ішінде өліммен аяқталатын инфекциялық аурулар туындауы мүмкін. Ацеллбия® препаратын белсенді ауыр инфекциясы (мысалы, туберкулез, сепсис, оппортунистік инфекциялар) немесе айқын иммундық тапшылығы (СD4+, CD8+ жасушаларының өте төмен деңгейі) бар пациенттерге тағайындауға болмайды. Анамнезінде қайталамалы немесе созылмалы инфекция болған пациенттерге немесе күрделі инфекциялардың дамуына бейімдейтін жағдайлар, мысалы, гипогаммаглобулинемия болғанда Ацеллбия® препаратын тағайындау мәселесін шешерде сақ болу керек. Ацеллбия® препаратымен емдеуді бастар алдында иммуноглобулиндер деңгейін анықтау ұсынылады.

Ацеллбия® препаратымен емнен кейін туындаған инфекция белгілері бар пациенттерді дер мезгілінде тексеруден өткізіп, тиісті түрде емдеу керек. Ацеллбия® препаратының келесі емдеу курсы алдында пациенттер қайта тексерілуі тиіс, инфекциялық аурулардың пайда болу қаупі бағалануы тиіс.

Ревматоидты артрит және аутоиммундық аурулармен, соның ішінде жүйелі қызыл жегі және васкулитпен науқастарды емдеуге ритуксимаб пайдаланудан кейін өліммен аяқталатын ҮКЛ өте сирек жағдайлары тіркелген.

В гепатиті

Ревматоидты артрит, полиангиитпен гранулематоз және микроскопиялық полиангиит бар пациенттерде ритуксимаб қолданылғанда В гепатитінің қайта белсенділену (соның ішінде өліммен аяқталатын) жағдайлары байқалған. Ацеллбия® препаратын тағайындау алдында барлық пациенттер B гепатиті вирусын анықтау скринингінен өту керек. Ең аз тестілер жинағында HBsAg және HBсAb анықтамасы қамтылуы тиіс, тестілер тізбесін жергілікті нұсқауларға сәйкес толықтыруға болады. Ацеллбия® препаратын белсенді В гепатиті бар пациенттерді емдеу үшін қолдануға болмайды. В гепатитінің оң серологиялық маркерлері бар пациенттерге Ацеллбия® препаратын қолданар алдында дәрігер-гепатологпен кеңесу керек; осындай пациенттерге қатысты тиісті мониторинг өткізіп, жергілікті стандарттарға сәйкес В гепатитінің қайта белсенділену профилактикасы бойынша шаралар қабылдау қажет.

Кешеуілдеген нейтропения

Ацеллбия® препаратының әрбір курсы алдында, емдеу аяқталған соң тура 6 ай өткенше тұрақты түрде, сондай-ақ инфекция белгілері туындаған жағдайда нейтрофилдер санын өлшеу ұсынылады.

Тері реакциялары

Ритуксимабпен емделгенде бірқатар жағдайларда өліммен аяқталатын уытты эпидермалық некролиз (Лайелл синдромы) және Стивенс-Джонсон синдромы сияқты ауыр тері реакцияларының даму жағдайлары тіркелген. Осындай реакциялар анықталғанда және олардың Ацеллбия® препаратымен байланысты екенінен күдіктенгенде емдеуді тоқтату және жаңғыртпау керек.

Иммунизация

Ацеллбия® препаратын қолданар алдында пациенттің вакциналық статусын зерттеп, иммунизация бойынша тиісті нұсқауларға сай әрекет ету керек. Вакцинация Ацеллбия® препаратын алғаш енгізуден кемінде 4 апта бұрын аяқталу керек.

Ацеллбия® препаратымен емдеуден кейін тірі вирустық вакциналармен иммунизациялау қауіпсіздігі зерттелмеген. Ацеллбия® препаратымен емделу кезінде немесе шеткері В-жасушалар пулы сарқылғанда тірі вирустық вакциналармен вакцинациялау ұсынылмайды. Белсенділігі жойылған вакциналармен вакцинациялауға болады, алайда ондай вакциналарға жауап беру жиілігі төмендеуі мүмкін.

Рандомизацияланған клиникалық зерттеуде ревматоидты артрит бар пациенттерде ритуксимабпен және метотрексатпен 6 ай емделуден соң, метотрексат емімен салыстырғанда, күл анатоксинін енгізуге жауап беру жиілігінің ұқсас екені байқалды (тиісінше, 39% және 42%), сондай-ақ полисахаридті пневмококк вакцинасын (43% және 82%, тиісінше, пневмококк антиденелерінің кем дегенде 2 серотипі), КНL-неоантигенін (тиісінше, 47% және 93%) енгізуге жауап беру жиілігінің төмендеуі байқалды. Ацеллбия® препаратымен емделу кезінде белсенділігі жойылған вакциналармен вакцинациялау қажет болған жағдайда ол қайталап емдеу курсынан кемінде 4 апта бұрын аяқталуы тиіс.

Ритуксимабпен ем қабылдаған және Streptococcus pneumonia, Influenza, паротит, қызамық, желшешек және сіреспе анатоксиніне антиденелер титрі оң болатын ревматоидты артрит бар пациенттер саны ритуксимабпен емдеу басталғанша және одан кейін 1 жылдан соң өзгермеген.

Ревматоидты артритте ревматизмге қарсы басқа препараттар пайдаланылатын қатарлас және (немесе) кейінгі ем

Ацеллбия® препаратын «Ревматоидты артрит» бөлімінде көрсетілген көрсетілімдер және дозалануынан ерекшеленетін ревматизмге қарсы препараттармен бірге пайдалану ұсынылмайды.

Ритуксимабпен емделуден кейін ревматизмге қарсы басқа препараттарды (соның ішінде ІНФ тежегіштерін және басқа биопрепараттарды) бірізді қолдану қауіпсіздігін толық бағалауға қажетті клиникалық зерттеулердің деректер көлемі шектеулі. Қолда бар мәліметтер бұрын ритуксимаб қабылдаған, ал кейіннен аурудың ағымын өзгертетін ем қабылдайтын науқастарда клиникалық мәнді инфекциялардың даму жиілігі өзгеріссіз күйде қалады деп қорытынды жасау мүмкіндігін береді. Алайда, егер биологиялық агенттер және (немесе) базистік препараттар Ацеллбия® препаратымен емнен кейін тез арада пайдаланылса, инфекция белгілерін анықтау үшін пациенттерді мұқият қадағалау керек.

Қатерлі жаңа түзілімдер

Иммуномодуляциялаушы препараттарды қолдану қатерлі жаңа түзілімдердің туындау қаупін арттыруы мүмкін. Алайда, қолда бар деректер негізгі аутоиммунды аурумен байланысты қатерлі жаңа түзілімдердің қаупінен басқа, оны қолдану көрсеткіші болып табылатын аутоиммунды ауруларды емдеу үшін ритуксимабты қолдану кезінде қатерлі жаңа түзілімдердің жоғарылау қаупін болжамайды.

Басқа дәрілік препараттармен өзара әрекеттесуі

Ритуксимабтың дәрілік өзара әрекеттесуі жөніндегі деректер шектеулі.

Созылмалы лимфолейкозы бар пациенттерде ритуксимабты флударабин және циклофосфамидпен бірге қолдану олардың фармакокинетикалық көрсеткіштеріне әсер етпейді. Бұдан басқа, флударабин және циклофосфамидтің ритуксимабтың фармакокинетикалық көрсеткіштеріне әсері бақыланбады.

Ревматоидты артриті бар пациенттерде метотрексатпен бірге қолданудың ритуксимабтың фармакокинетикалық көрсеткіштеріне әсері болмады.

Тышқан ақуыздарына антиденелер немесе антихимерлік антиденелер титрлері анықталған пациенттерде диагностикалық немесе емдік мақсаттарда моноклональді антиденелердің басқа препараттары тағайындалғанда аллергиялық реакцияларды немесе аса жоғары сезімталдық реакцияларын байқауға болады.

Ревматоидты артрит бар пациенттер арасында ритуксимабпен емделу барысындағы клиникалық мәнді инфекциялар жиілігі 100 пациент-жылға 6,01, ал кейінгі емдеу барысында – 100 пациент-жылға 4,97 құрады.

Арнайы сақтандырулар

Жүктілік және лактация кезеңінде қолданылуы

В-жасушалар пулы сарқылған пациенттер организмінен ритуксимабтың ұзақ уақыт шығарылу кезеңіне байланысты бала туу әлеуеті сақталған әйелдер Ацеллбия® препаратымен емделу кезеңінде және ол аяқталған соң 12 ай бойы тиімді контрацепция әдістерін пайдалануы тиіс.

G иммуноглобулиндері (IgG) плаценталық бөгет арқылы өтуге қабілетті.

Клиникалық зерттеулерде ритуксимаб жүктілік кезінде әйелдерге тағайындалғанда жаңа туған нәрестелердегі В-жасушалар деңгейі зерттелмеген. Жүктілік кезінде аналары ритуксимаб қабылдаған кейбір жаңа туған нәрестелерде В-жасушалар пулының уақытша сарқылуы мен лимфоцитопения байқалған. Жүкті әйелдерде препараттың тиімділігі мен қауіпсіздігі дәлелденбеген. Осы себептерге орай, көзделетін пайдасы қаупінен асып кететін жағдайлардан басқа, жүкті әйелдерге Ацеллбия® препаратын тағайындау ұсынылмайды.

Ритуксимабтың емшек сүтіне шығарылуы туралы шектеулі деректер сүттегі ритуксимабтың өте төмен концентрациясын айғақтайды (сәбилер үшін салыстырмалы доза 0.4% - дан аз). Ритуксимабты қолдану кезеңінде емшек сүтімен қоректенетін балаларды бақылаудың бірнеше жағдайларында 2 жасқа дейінгі өсуі мен дамуының қалыпты болғаны сипатталады. Алайда, бұл деректер шектеулі болғандықтан және ритуксимабты қолдану кезеңінде емшек сүтімен қоректенетін сәбилерге әсер етудің ұзақ мерзімді нәтижелері белгісіз болып қалатындықтан, Ацеллбия® препаратымен емдеу кезінде және емнен кейін 6 ай ішінде емшек емізу ұсынылмайды.

Зерттеулерде ритуксимабтың ұрпақ өрбіту ағзаларына жағымсыз әсері анықталған жоқ.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ацеллбия® препараты машиналар мен механизмдерді басқару және олармен жұмыс істеу қабілетіне әсер ететіні белгісіз, дегенмен фармакологиялық белсенділік пен сипатталған жағымсыз құбылыстар Ритуксимаб көлік құралдары мен қауіптілігі зор механизмдерді басқару қабілетіне әсер етпейтінін немесе елеусіз әсер ететінін болжауға мүмкіндік береді.

Биологиялық дәрілік заттардың қолданылуын қадағалауды жақсарту үшін, пациент картасында енгізілген өнімнің саудалық атауын нақты көрсету керек.

Үдемелі көп ошақты лейкоэнцефалопатия (ҮКЛ)

Ритуксимабпен емделуден кейін өліммен аяқталған ҮКЛ дамуының өте сирек жағдайлары тіркелген. Пациенттерді неврологиялық симптомдардың туындау/өршу жағдайларын немесе ҮКЛ дамуын көрсететін белгілерді анықтау үшін жүйелі тексеруден өткізу керек. ҮКЛ дамуына күдік туындаған жағдайда осы диагноз жоққа шығарылғанша емдеу тоқтатылуы тиіс. Дәрігер пациентті тексеруден өткізіп, симптомдардың жүйке жүйесі дисфункциясымен байланысын анықтауы тиіс, ал егер байланысты болса, байқалатын симптомдарды ҮКЛ туындату мүмкіндігін бағалау керек. Клиникалық қажеттілік болса, неврологпен кеңесу керек.

Күдік туындағанда дұрысы контрастылы күшейтумен МРТ-зерттеуін жүргізіп, JC-вирус ДНҚ анықтау үшін жұлын сұйықтығын талдау және неврологиялық тексеруді қайталау керек.

Дәрігер пациент байқамауы мүмкін ҮКЛ көрсететін симптомдарға (мысалы, когнитивті, неврологиялық немесе психиатриялық көріністер) ерекше мұқият болуы тиіс. Пациенттерге өз жұптасын немесе күтім жасайтын тұлғаны ем алып жүргені жөнінде хабардар етуге кеңес беріледі, өйткені олар пациент өз бетінше анықтай алмайтын симптомдардың туындауын байқауы мүмкін.

Пациентте ҮКЛ дамыған жағдайда Ацеллбия® препаратымен емдеуді тоқтатып, әрі қарай жаңғыртпау қажет.

Иммун тапшылығы және ҮКЛ бар пациенттерде иммундық жүйе функциясы қалыпқа келгенде жай-күйдің тұрақтану немесе жақсару жағдайлары байқалған. ҮКЛ ерте анықталуы және Ацеллбия® препаратымен емдеуді тоқтата тұру нәтиженің осындай тұрақтануына немесе жақсаруына әкелу мүмкіндігі белгісіз күйде қалып отыр.

Ходжкиндік емес лимфома және созылмалы лимфолейкоз

Инфузиялық реакциялар

Ацеллбия® препаратын енгізу кезінде инфузиялық реакциялардың дамуы цитокиндердің және/немесе басқа медиаторлардың босап шығу себебінен болуы мүмкін. Цитокиндердің босап шығу синдромы аса жоғары сезімталдықтың жедел реакцияларынан клиникалық тұрғыда ерекшеленбеуі мүмкін.

Цитокиндердің босап шығу синдромын, ісік лизисі синдромын, анафилаксиялық реакцияларды және аса жоғары сезімталдық реакцияларын қамтитын осы реакциялар тобы төменде сипатталған.

Вена ішіне енгізуге арналған Ацеллбия® препаратын тіркеуден кейін қолдану кезеңінде сипатталған өліммен аяқталатын ауыр инфузиялық реакциялар туралы хабарламалар бар. Реакциялар бірінші венаішілік ритуксимаб инфузиясы басталған соң 30 мин – 2 сағат шегінде дамыған. Олар өкпе тарапынан көріністер сипатында болды, кейбір жағдайларда жылдам ісік лизисі және ісік лизисі синдромының көріністері, сондай-ақ артериялық қысымның төмендеуі, қызба, қалтырау, діріл, есекжем, ангионевроздық ісіну және басқа симптомдар байқалды.

Цитокиндердің босап шығу синдромы айқындылығының ауыр дәрежесі бронх түйілуімен және гипоксиямен жиі қатар жүретін ауыр ентігумен, сондай-ақ қызба, қалтырау, діріл, есекжем, ангионевроздық ісінумен сипатталады. Бұл синдром гиперурикемия, гиперкалиемия, гипокальциемия, гиперфосфатемия, бүйректің жедел жеткіліксіздігі, лактатдегидрогеназаның (ЛДГ) жоғары белсенділігі сияқты ісік лизисі синдромының кейбір көріністерімен қатар жүруі мүмкін, одан басқа, оның көріністері тыныс алудың жедел жеткіліксіздігіне және өлімге әкелуі мүмкін. Тыныс алудың жедел жеткіліксіздігі кеуде қуысы рентгенограммасынан көрінетін өкпенің интерстициальді инфильтрациясымен немесе ісінуімен қатар жүруі мүмкін. Синдром алғашқы инфузия басталған соң бір немесе екі сағат ішінде жиі көрініс береді. Анамнезінде өкпе жеткіліксіздігі немесе өкпенің ісікті инфильтрациясы бар пациенттер қауіп тобында болады және емдеуді аса сақтықпен жалғастыруы тиіс.

Цитокиндердің босап шығуының ауыр синдромы дамығанда препарат инфузиясы дереу тоқтатылуы тиіс, пациенттерге белсенді симптоматикалық ем көрсетілуі тиіс. Симптоматиканың бастапқы жақсаруы күрт нашарлаумен өзгеруі мүмкін, сондықтан пациенттер ісік лизисі синдромы немесе өкпе инфильтрациясы толық басылғанша немесе осы диагноздар алып тасталғанша мұқият қадағалауда болуы тиіс. Пациенттерді белгілер мен симптомдар толық басылған соң барып әрі қарай емдеу сирек жағдайларда цитокиндер босап шығуының ауыр синдромын қайта туындатты.

Цитокиндердің босап шығуының аса ауыр синдромы қаупі ерекше жоғары болуы мүмкін ісік жүктемесі жоғары немесе айналымдағы қатерлі жасушаларының саны көп (≥25 × 109/л)  науқастарға (мысалы, созылмалы лимфолейкозда) Ацеллбия® препараты өте сақтықпен, мұқият қадағалаумен тағайындалу керек. Ондай науқастарға препараттың алғашқы инфузиясын баяу жылдамдықпен енгізу немесе бірінші емдеу циклы кезінде және егер Ацеллбия® препаратын енгізер алдында айналымдағы қатерлі жасушалар саны >25 × 109/л деңгейінде сақталса, келесі циклдердің әрқайсысында препарат дозасын екі күнге бөлу керек.

Жағымсыз инфузиялық реакциялар барлық түрінде ритуксимаб қабылдаған пациенттердің 77%-да (10% пациентте гипотензиямен және бронх түйілуімен қатар жүретін цитокиндердің босап шығу синдромын қоса) байқалған. Бұл симптомдар, әдетте, ритуксимаб инфузиясын тоқтатқанда және қызу түсіретін әрі антигистаминдік препараттармен, сондай-ақ жекелеген жағдайларда оттегімен, вена ішіне физиологиялық ерітіндімен, бронходилататорлармен және глюкокортикоидтармен емдегенде басылды.

Пациенттерге ақуыз препараттарын вена ішіне енгізуден кейін анафилаксиялық және басқа аса жоғары сезімталдық реакциялары тіркелді. Цитокиндердің босап шығу синдромынан ерекшелігі, шын мәніндегі аса жоғары сезімталдық реакциялары, әдетте, инфузия басталған соң бірнеше минут ішінде туындайды. Ацеллбия® препаратын вена ішіне енгізгенде анафилаксиялық реакциялардың және басқа аса жоғары сезімталдық реакцияларының даму ықтималдығы бар екеніне байланысты, оларды басатын дәрілер: эпинефрин (адреналин), антигистаминдік және глюкокортикостероидты препараттар қолда болуы қажет. Анафилаксияның клиникалық көріністері цитокиндердің босап шығу синдромының клиникалық көріністеріне ұқсас болуы мүмкін (жоғарыда сипатталған).

Цитокиндердің босап шығуымен байланысты реакциялар көрінісі туралы хабарламаларға қарағанда, аса жоғары сезімталдықпен байланысты реакциялар көрінісі туралы хабарламалар сирек кездеседі.

Миокард инфарктісі, жүрекшелер фибрилляциясы, өкпе ісінуі және жедел қайтымды тромбоцитопения дамыған жағдайлар тіркелген.

Ацеллбия® препаратын енгізгенде гипотензияның даму мүмкіндігіне орай, Ацеллбия® препаратының инфузиясынан кем дегенде 12 сағат бұрын гипертензияға қарсы дәрілік заттарды қабылдамау керек.

Жүрек тарапынан бұзылулар

Ритуксимаб қабылдаған пациенттерде стенокардия, аритмия, жүрекшелер жыпылықтауы мен дірілдеуін қоса, жүрек жеткіліксіздігі және миокард инфарктісі туындаған жағдайлар байқалған. Анамнезінде жүрек аурулары бар және/немесе кардиоуытты химиялық ем қабылдайтын пациенттер мұқият қадағалауда болуы тиіс.

Гематологиялық уыттану

Ацеллбия® препаратымен монотерапия миелосупрессиялық әсер көрсетпесе де, 1,5 × 109/л аз нейтропенияда және/немесе 75 × 109/л аз тромбоцитопенияда препаратты тағайындағанда сақ болу қажет, өйткені ондай пациенттерде оны клиникалық қолдану тәжірибесі шектеулі. Ритуксимаб сүйек кемігінің аутологиялық трансплантациясынан кейінгі 21 пациентті емдеу үшін және миелоуыттану құбылыстарының туындауынсыз сүйек кемігінің функциясы бұзылуы мүмкін басқа қауіп топтарындағы пациенттерде қолданылды. Ацеллбия® препаратымен ем барысында, нейтрофилдер мен тромбоциттер санын есептеуді қоса, жүйелі түрде шеткері қанға толық талдау жасау қажет.

Инфекциялар

Ритуксимабпен емделу кезінде пациенттерде күрделі, соның ішінде өліммен аяқталатын инфекциялық аурулар дамуы мүмкін. Ритуксимабты ауыр белсенді инфекциясы бар пациенттерге тағайындауға болмайды (мысалы, туберкулез, сепсис және оппортунистік инфекциялар).

Дәрігерлер қайталамалы немесе созылмалы инфекциялық аурулары, сондай-ақ күрделі инфекциялардың дамуына бейімдейтін өзге қатарлас аурулары бар пациенттерді емдеу үшін Ацеллбия® препаратын пайдаланғанда сақтық танытуы тиіс.

Ритуксимаб қабылдаған пациенттерде В гепатитінің қайта белсенділену жағдайлары, соның ішінде өліммен аяқталатын фульминантты гепатит тіркелген. Осы пациенттердің көпшілігі цитоуытты химиялық емді де қабылдаған. Қайталамалы/рефрактерлі созылмалы лимфолейкоз бар пациенттер қауымында жүргізілген бір зерттеуден алынған қолда бар шектеулі ақпарат ритуксимабпен емдеу бастапқы B гепатиті инфекциясының нәтижесін нашарлатады деп болжауға мүмкіндік береді. Ацеллбия® препаратын тағайындау алдында барлық пациенттер В гепатитіне скринингтен өтуі тиіс. Ең аз тестілер жинағында HbsAg және HbcAb анықтамалары қамтылуы тиіс; тестілер тізбесін жергілікті нұсқауларға сәйкес толықтыруға болады. Ацеллбия® препаратын белсенді В гепатиті бар пациенттерді емдеу үшін қолдануға болмайды. B гепатитінің кез келген оң серологиялық маркерлері бар пациенттер ритуксимаб қолданар алдында дәрігер-гепатологпен кеңесуі керек; ондай пациенттерге қатысты тиісті мониторинг өткізіп, жергілікті стандарттарға сәйкес B гепатиті вирусының қайта белсенділену профилактикасы бойынша шаралар қабылдау қажет.

Ходжкиндік емес лимфома және созылмалы лимфолейкоз бар пациенттерде ритуксимаб қолданылғанда өте сирек жағдайларда ҮКЛ жағдайлары байқалды. Пациенттердің көпшілігі ритуксимабты химиялық еммен біріктіріп немесе гемопоэздік дің жасушаларының трансплантациясымен біріктірілімде қабылдады.

Иммунизация

Ходжкиндік емес лимфома мен созылмалы лимфолейкоз бар пациенттерді ритуксимабпен емдеуден кейін тірі вирустық вакциналармен иммунизациялау қауіпсіздігі зерттелмеген, тірі вирустық вакциналармен вакцинациялау ұсынылмайды. Ондай пациенттерді белсенділігі жойылған вакциналармен вакцинациялауға болады, алайда вакцинадан кейін жауап әлсіз болуы мүмкін. Қатерлілік дәрежесі төмен қайталамалы ходжкиндік емес лимфома бар пациенттерде рандомизацияланбаған зерттеуде, ритуксимаб қабылдамаған пациенттермен салыстырғанда, күл анатоксинін және KHL-неоантиген (КНL – фиссурелия моллюск гемоцианині) енгізуге жауап беру жиілігінің төмендеуі байқалған (тиісінше, 81% қарсы 16% және 76% қарсы 4% (бағалау критерийі – антиденелер титрінің 2 еседен артық жоғарылауы)). Аурулардың ұқсастығын ескеріп, созылмалы лимфолейкоз бар пациенттер үшін де сол деректерді алуға болады деп жорамалданады, бірақ бұл бағытта клиникалық зерттеулер жүргізілмеген.

Антигендер жинағына антиденелер титрінің орта шамасы (Streptococcus pneumoniae, Influenza A, паротит, қызамық, желшешек) ритуксимабпен емдеуден кейін, емдеуге дейінгі деңгеймен салыстырғанда, кем дегенде 6 ай бойы өзгермеген.

Тері реакциялары

Ритуксимабпен ем кезінде бірқатар жағдайларда өліммен аяқталатын уытты эпидермалық некролиз (Лайелл синдромы) және Стивенс-Джонсон синдромы сияқты терінің ауыр реакцияларының даму жағдайлары тіркелген. Осындай реакциялар анықталғанда және олардың Ритуксимабпен байланысты екеніне күдік туындағанда препаратты қолдануды тоқтатып, одан әрі жаңғыртпаған жөн.

Ревматоидты артрит, полиангиитпен гранулематоз, микроскопиялық полиангиит және қарапайым сулы бөртпе

Метотрексатпен ем қабылдамаған ревматоидты артрит бар пациенттер

Метотрексатпен ем қабылдамаған ревматоидты артрит бар пациенттерді емдеу үшін ритуксимаб пайдалану ұсынылмайды, өйткені осы науқастар тобы үшін пайда-қауіп қатынасының қолайлылығы туралы сенімді деректер жоқ.

Инфузиялық реакциялар

Ацеллбия® препараты енгізілген кезде инфузиялық реакциялардың дамуы цитокиндердің және/немесе басқа медиаторлардың босап шығуымен байланысты болуы мүмкін.

Тіркеуден кейінгі бақылауда ревматоидты артритпен науқастарда өліммен аяқталатын ауыр инфузиялық реакциялар тіркелген. Ревматоидты артрит бар пациенттер қатысқан клиникалық зерттеулер жағдайында инфузиялық реакция оқиғаларының көпшілігі жеңіл немесе орташа ауырлық дәрежесінде болды. Аллергиялық реакциялар: бас ауыруы, қышыну, тамақ жыбырлауын сезіну, қан кернеулер, бөртпе, есекжем, артериялық қысымның көтерілуі және қызба бәрінен де жиі байқалды. Инфузиялық реакциялар кез келген емдеу курсының бірінші инфузиясынан кейін, екінші инфузиядан кейінгіге қарағанда, жиірек байқалды; орындалған курстар санының көбеюімен реакциялар жиілігі төмендеді. Инфузиялық реакциялар, әдетте, ритуксимаб енгізуді баяулатудан немесе үзуден және дәрі-дәрмектік ем (қызу түсіретін, антигистаминдік дәрілер және, қажет болса, оттегі, вена ішіне тұз ерітінділерін, бронходилататорлар, глюкокортикостероидтар енгізу) тағайындаудан кейін басылды. Жүрек-қантамыр жүйесінің аурулары бар, сонымен қатар бұрын жүрек және өкпе тарапынан жағымсыз реакциялары байқалған пациенттерді мұқият қадағалау қажет. Инфузиялық реакциялар дамығанда, олардың ауырлығына және қажетті емдеуге қарай, Ацеллбия® препаратын енгізуді уақытша тоқтата тұру немесе тоқтату керек. Көпшілік жағдайларда симптоматика толық жойылған соң инфузияны алдыңғысынан 50% құрайтын жылдамдықпен (мысалы, 100 мг/сағ орнына 50 мг/сағ) жаңғыртуға болады.

Ацеллбия® препаратын енгізгенде аса жоғары сезімталдық реакцияларының даму мүмкіндігіне байланысты оларды басатын дәрілер: эпинефрин (адреналин), антигистаминдік және глюкокортикостероидты препараттар қолда болуы қажет.

Ритуксимабты айқындығы орташа жүрек жеткіліксіздігі (NYHA жіктемесі бойынша III класс) немесе бақыланбайтын ауыр жүрек-қантамыр аурулары бар пациенттерді емдеуге қолдану қауіпсіздігі туралы деректер жоқ. Ритуксимаб қабылдаған бастапқы жүрек ишемиясы бар пациенттерде сәйкес жай-күйлер симптомдарының көрінісі, мысалы, стенокардия, сондай-ақ жүрекшелер дірілдеуі мен жыпылықтауы байқалды. Жүрек ауруы бар немесе осының алдында жүрек-өкпелік жағымсыз реакциялары болған пациенттерге Ацеллбия® препаратымен емделу кезеңінде ерекше көңіл бөлу қажет болады және емдеу мүмкіндігін қарастырғанда олардағы жүрек-қантамырлық асқынулардың даму қаупі ескерілуі тиіс. Препаратты енгізу кезінде оларды мұқият қадағалау керек.

Гипотензияның дамуы мүмкін болғандықтан, Ацеллбия® препаратының инфузиясынан кем дегенде 12 сағат бұрын гипертензияға қарсы дәрілік заттарды қабылдаудан бас тарту керек.

Инфузиялық реакциялар полиангиитпен гранулематозы, микроскопиялық полиангииті және қарапайым сулы бөртпесі бар пациенттерде ревматоидты артриті бар пациенттердегі клиникалық зерттеулер аясында байқалғандарға ұқсас болды.

Жүрек тарапынан бұзылулар

Ритуксимабпен емдеу аясында стенокардия немесе аритмияның (жүрекшелер дірілдеуі мен фибрилляциясы), жүрек жеткіліксіздігі немесе миокард инфарктісінің дамуы мүмкін екеніне байланысты, анамнезінде жүрек аурулары бар пациенттерді мұқият қадағалау талап етіледі.

Инфекциялар

Ацеллбия® препаратының әсер ету механизмін және қалыпты иммундық жауапқа демеу көрсетудегі B-лимфоциттердің маңызды рөлін ескеріп, пациенттерде Ацеллбия® препаратымен емдеу салдарынан инфекция қаупі жоғары деп жорамалдауға болады.

Пациенттерде ритуксимабпен емделу барысында күрделі, соның ішінде өліммен аяқталатын инфекциялық аурулар туындауы мүмкін. Ацеллбия® препаратын белсенді ауыр инфекциясы (мысалы, туберкулез, сепсис, оппортунистік инфекциялар) немесе айқын иммундық тапшылығы (СD4+, CD8+ жасушаларының өте төмен деңгейі) бар пациенттерге тағайындауға болмайды. Анамнезінде қайталамалы немесе созылмалы инфекция болған пациенттерге немесе күрделі инфекциялардың дамуына бейімдейтін жағдайлар, мысалы, гипогаммаглобулинемия болғанда Ацеллбия® препаратын тағайындау мәселесін шешерде сақ болу керек. Ацеллбия® препаратымен емдеуді бастар алдында иммуноглобулиндер деңгейін анықтау ұсынылады.

Ацеллбия® препаратымен емнен кейін туындаған инфекция белгілері бар пациенттерді дер мезгілінде тексеруден өткізіп, тиісті түрде емдеу керек. Ацеллбия® препаратының келесі емдеу курсы алдында пациенттер қайта тексерілуі тиіс, инфекциялық аурулардың пайда болу қаупі бағалануы тиіс.

Ревматоидты артрит және аутоиммундық аурулармен, соның ішінде жүйелі қызыл жегі және васкулитпен науқастарды емдеуге ритуксимаб пайдаланудан кейін өліммен аяқталатын ҮКЛ өте сирек жағдайлары тіркелген.

В гепатиті

Ревматоидты артрит, полиангиитпен гранулематоз және микроскопиялық полиангиит бар пациенттерде ритуксимаб қолданылғанда В гепатитінің қайта белсенділену (соның ішінде өліммен аяқталатын) жағдайлары байқалған. Ацеллбия® препаратын тағайындау алдында барлық пациенттер B гепатиті вирусын анықтау скринингінен өту керек. Ең аз тестілер жинағында HBsAg және HBсAb анықтамасы қамтылуы тиіс, тестілер тізбесін жергілікті нұсқауларға сәйкес толықтыруға болады. Ацеллбия® препаратын белсенді В гепатиті бар пациенттерді емдеу үшін қолдануға болмайды. В гепатитінің оң серологиялық маркерлері бар пациенттерге Ацеллбия® препаратын қолданар алдында дәрігер-гепатологпен кеңесу керек; осындай пациенттерге қатысты тиісті мониторинг өткізіп, жергілікті стандарттарға сәйкес В гепатитінің қайта белсенділену профилактикасы бойынша шаралар қабылдау қажет.

Кешеуілдеген нейтропения

Ацеллбия® препаратының әрбір курсы алдында, емдеу аяқталған соң тура 6 ай өткенше тұрақты түрде, сондай-ақ инфекция белгілері туындаған жағдайда нейтрофилдер санын өлшеу ұсынылады.

Тері реакциялары

Ритуксимабпен емделгенде бірқатар жағдайларда өліммен аяқталатын уытты эпидермалық некролиз (Лайелл синдромы) және Стивенс-Джонсон синдромы сияқты ауыр тері реакцияларының даму жағдайлары тіркелген. Осындай реакциялар анықталғанда және олардың Ацеллбия® препаратымен байланысты екенінен күдіктенгенде емдеуді тоқтату және жаңғыртпау керек.

Иммунизация

Ацеллбия® препаратын қолданар алдында пациенттің вакциналық статусын зерттеп, иммунизация бойынша тиісті нұсқауларға сай әрекет ету керек. Вакцинация Ацеллбия® препаратын алғаш енгізуден кемінде 4 апта бұрын аяқталу керек.

Ацеллбия® препаратымен емдеуден кейін тірі вирустық вакциналармен иммунизациялау қауіпсіздігі зерттелмеген. Ацеллбия® препаратымен емделу кезінде немесе шеткері В-жасушалар пулы сарқылғанда тірі вирустық вакциналармен вакцинациялау ұсынылмайды. Белсенділігі жойылған вакциналармен вакцинациялауға болады, алайда ондай вакциналарға жауап беру жиілігі төмендеуі мүмкін.

Рандомизацияланған клиникалық зерттеуде ревматоидты артрит бар пациенттерде ритуксимабпен және метотрексатпен 6 ай емделуден соң, метотрексат емімен салыстырғанда, күл анатоксинін енгізуге жауап беру жиілігінің ұқсас екені байқалды (тиісінше, 39% және 42%), сондай-ақ полисахаридті пневмококк вакцинасын (43% және 82%, тиісінше, пневмококк антиденелерінің кем дегенде 2 серотипі), КНL-неоантигенін (тиісінше, 47% және 93%) енгізуге жауап беру жиілігінің төмендеуі байқалды. Ацеллбия® препаратымен емделу кезінде белсенділігі жойылған вакциналармен вакцинациялау қажет болған жағдайда ол қайталап емдеу курсынан кемінде 4 апта бұрын аяқталуы тиіс.

Ритуксимабпен ем қабылдаған және Streptococcus pneumonia, Influenza, паротит, қызамық, желшешек және сіреспе анатоксиніне антиденелер титрі оң болатын ревматоидты артрит бар пациенттер саны ритуксимабпен емдеу басталғанша және одан кейін 1 жылдан соң өзгермеген.

Ревматоидты артритте ревматизмге қарсы басқа препараттар пайдаланылатын қатарлас және (немесе) кейінгі ем

Ацеллбия® препаратын «Ревматоидты артрит» бөлімінде көрсетілген көрсетілімдер және дозалануынан ерекшеленетін ревматизмге қарсы препараттармен бірге пайдалану ұсынылмайды.

Ритуксимабпен емделуден кейін ревматизмге қарсы басқа препараттарды (соның ішінде ІНФ тежегіштерін және басқа биопрепараттарды) бірізді қолдану қауіпсіздігін толық бағалауға қажетті клиникалық зерттеулердің деректер көлемі шектеулі. Қолда бар мәліметтер бұрын ритуксимаб қабылдаған, ал кейіннен аурудың ағымын өзгертетін ем қабылдайтын науқастарда клиникалық мәнді инфекциялардың даму жиілігі өзгеріссіз күйде қалады деп қорытынды жасау мүмкіндігін береді. Алайда, егер биологиялық агенттер және (немесе) базистік препараттар Ацеллбия® препаратымен емнен кейін тез арада пайдаланылса, инфекция белгілерін анықтау үшін пациенттерді мұқият қадағалау керек.

Қатерлі жаңа түзілімдер

Иммуномодуляциялаушы препараттарды қолдану қатерлі жаңа түзілімдердің туындау қаупін арттыруы мүмкін. Алайда, қолда бар деректер негізгі аутоиммунды аурумен байланысты қатерлі жаңа түзілімдердің қаупінен басқа, оны қолдану көрсеткіші болып табылатын аутоиммунды ауруларды емдеу үшін ритуксимабты қолдану кезінде қатерлі жаңа түзілімдердің жоғарылау қаупін болжамайды.

Басқа дәрілік препараттармен өзара әрекеттесуі

Ритуксимабтың дәрілік өзара әрекеттесуі жөніндегі деректер шектеулі.

Созылмалы лимфолейкозы бар пациенттерде ритуксимабты флударабин және циклофосфамидпен бірге қолдану олардың фармакокинетикалық көрсеткіштеріне әсер етпейді. Бұдан басқа, флударабин және циклофосфамидтің ритуксимабтың фармакокинетикалық көрсеткіштеріне әсері бақыланбады.

Ревматоидты артриті бар пациенттерде метотрексатпен бірге қолданудың ритуксимабтың фармакокинетикалық көрсеткіштеріне әсері болмады.

Тышқан ақуыздарына антиденелер немесе антихимерлік антиденелер титрлері анықталған пациенттерде диагностикалық немесе емдік мақсаттарда моноклональді антиденелердің басқа препараттары тағайындалғанда аллергиялық реакцияларды немесе аса жоғары сезімталдық реакцияларын байқауға болады.

Ревматоидты артрит бар пациенттер арасында ритуксимабпен емделу барысындағы клиникалық мәнді инфекциялар жиілігі 100 пациент-жылға 6,01, ал кейінгі емдеу барысында – 100 пациент-жылға 4,97 құрады.

Арнайы сақтандырулар

Жүктілік және лактация кезеңінде қолданылуы

В-жасушалар пулы сарқылған пациенттер организмінен ритуксимабтың ұзақ уақыт шығарылу кезеңіне байланысты бала туу әлеуеті сақталған әйелдер Ацеллбия® препаратымен емделу кезеңінде және ол аяқталған соң 12 ай бойы тиімді контрацепция әдістерін пайдалануы тиіс.

G иммуноглобулиндері (IgG) плаценталық бөгет арқылы өтуге қабілетті.

Клиникалық зерттеулерде ритуксимаб жүктілік кезінде әйелдерге тағайындалғанда жаңа туған нәрестелердегі В-жасушалар деңгейі зерттелмеген. Жүктілік кезінде аналары ритуксимаб қабылдаған кейбір жаңа туған нәрестелерде В-жасушалар пулының уақытша сарқылуы мен лимфоцитопения байқалған. Жүкті әйелдерде препараттың тиімділігі мен қауіпсіздігі дәлелденбеген. Осы себептерге орай, көзделетін пайдасы қаупінен асып кететін жағдайлардан басқа, жүкті әйелдерге Ацеллбия® препаратын тағайындау ұсынылмайды.

Ритуксимабтың емшек сүтіне шығарылуы туралы шектеулі деректер сүттегі ритуксимабтың өте төмен концентрациясын айғақтайды (сәбилер үшін салыстырмалы доза 0.4% - дан аз). Ритуксимабты қолдану кезеңінде емшек сүтімен қоректенетін балаларды бақылаудың бірнеше жағдайларында 2 жасқа дейінгі өсуі мен дамуының қалыпты болғаны сипатталады. Алайда, бұл деректер шектеулі болғандықтан және ритуксимабты қолдану кезеңінде емшек сүтімен қоректенетін сәбилерге әсер етудің ұзақ мерзімді нәтижелері белгісіз болып қалатындықтан, Ацеллбия® препаратымен емдеу кезінде және емнен кейін 6 ай ішінде емшек емізу ұсынылмайды.

Зерттеулерде ритуксимабтың ұрпақ өрбіту ағзаларына жағымсыз әсері анықталған жоқ.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ацеллбия® препараты машиналар мен механизмдерді басқару және олармен жұмыс істеу қабілетіне әсер ететіні белгісіз, дегенмен фармакологиялық белсенділік пен сипатталған жағымсыз құбылыстар Ритуксимаб көлік құралдары мен қауіптілігі зор механизмдерді басқару қабілетіне әсер етпейтінін немесе елеусіз әсер ететінін болжауға мүмкіндік береді.

Ритуксимабтың дәрілік өзара әрекеттесуі жөніндегі деректер шектеулі.

Созылмалы лимфолейкозы бар пациенттерде ритуксимабты флударабин және циклофосфамидпен бірге қолдану олардың фармакокинетикалық көрсеткіштеріне әсер етпейді. Бұдан басқа, флударабин және циклофосфамидтің ритуксимабтың фармакокинетикалық көрсеткіштеріне әсері бақыланбады.

Ревматоидты артриті бар пациенттерде метотрексатпен бірге қолданудың ритуксимабтың фармакокинетикалық көрсеткіштеріне әсері болмады.

Тышқан ақуыздарына антиденелер немесе антихимерлік антиденелер титрлері анықталған пациенттерде диагностикалық немесе емдік мақсаттарда моноклональді антиденелердің басқа препараттары тағайындалғанда аллергиялық реакцияларды немесе аса жоғары сезімталдық реакцияларын байқауға болады.

Ревматоидты артрит бар пациенттер арасында ритуксимабпен емделу барысындағы клиникалық мәнді инфекциялар жиілігі 100 пациент-жылға 6,01, ал кейінгі емдеу барысында – 100 пациент-жылға 4,97 құрады.

Арнайы сақтандырулар

Жүктілік және лактация кезеңінде қолданылуы

В-жасушалар пулы сарқылған пациенттер организмінен ритуксимабтың ұзақ уақыт шығарылу кезеңіне байланысты бала туу әлеуеті сақталған әйелдер Ацеллбия® препаратымен емделу кезеңінде және ол аяқталған соң 12 ай бойы тиімді контрацепция әдістерін пайдалануы тиіс.

G иммуноглобулиндері (IgG) плаценталық бөгет арқылы өтуге қабілетті.

Клиникалық зерттеулерде ритуксимаб жүктілік кезінде әйелдерге тағайындалғанда жаңа туған нәрестелердегі В-жасушалар деңгейі зерттелмеген. Жүктілік кезінде аналары ритуксимаб қабылдаған кейбір жаңа туған нәрестелерде В-жасушалар пулының уақытша сарқылуы мен лимфоцитопения байқалған. Жүкті әйелдерде препараттың тиімділігі мен қауіпсіздігі дәлелденбеген. Осы себептерге орай, көзделетін пайдасы қаупінен асып кететін жағдайлардан басқа, жүкті әйелдерге Ацеллбия® препаратын тағайындау ұсынылмайды.

Ритуксимабтың емшек сүтіне шығарылуы туралы шектеулі деректер сүттегі ритуксимабтың өте төмен концентрациясын айғақтайды (сәбилер үшін салыстырмалы доза 0.4% - дан аз). Ритуксимабты қолдану кезеңінде емшек сүтімен қоректенетін балаларды бақылаудың бірнеше жағдайларында 2 жасқа дейінгі өсуі мен дамуының қалыпты болғаны сипатталады. Алайда, бұл деректер шектеулі болғандықтан және ритуксимабты қолдану кезеңінде емшек сүтімен қоректенетін сәбилерге әсер етудің ұзақ мерзімді нәтижелері белгісіз болып қалатындықтан, Ацеллбия® препаратымен емдеу кезінде және емнен кейін 6 ай ішінде емшек емізу ұсынылмайды.

Зерттеулерде ритуксимабтың ұрпақ өрбіту ағзаларына жағымсыз әсері анықталған жоқ.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ацеллбия® препараты машиналар мен механизмдерді басқару және олармен жұмыс істеу қабілетіне әсер ететіні белгісіз, дегенмен фармакологиялық белсенділік пен сипатталған жағымсыз құбылыстар Ритуксимаб көлік құралдары мен қауіптілігі зор механизмдерді басқару қабілетіне әсер етпейтінін немесе елеусіз әсер ететінін болжауға мүмкіндік береді.

Жүктілік және лактация кезеңінде қолданылуы

В-жасушалар пулы сарқылған пациенттер организмінен ритуксимабтың ұзақ уақыт шығарылу кезеңіне байланысты бала туу әлеуеті сақталған әйелдер Ацеллбия® препаратымен емделу кезеңінде және ол аяқталған соң 12 ай бойы тиімді контрацепция әдістерін пайдалануы тиіс.

G иммуноглобулиндері (IgG) плаценталық бөгет арқылы өтуге қабілетті.

Клиникалық зерттеулерде ритуксимаб жүктілік кезінде әйелдерге тағайындалғанда жаңа туған нәрестелердегі В-жасушалар деңгейі зерттелмеген. Жүктілік кезінде аналары ритуксимаб қабылдаған кейбір жаңа туған нәрестелерде В-жасушалар пулының уақытша сарқылуы мен лимфоцитопения байқалған. Жүкті әйелдерде препараттың тиімділігі мен қауіпсіздігі дәлелденбеген. Осы себептерге орай, көзделетін пайдасы қаупінен асып кететін жағдайлардан басқа, жүкті әйелдерге Ацеллбия® препаратын тағайындау ұсынылмайды.

Ритуксимабтың емшек сүтіне шығарылуы туралы шектеулі деректер сүттегі ритуксимабтың өте төмен концентрациясын айғақтайды (сәбилер үшін салыстырмалы доза 0.4% - дан аз). Ритуксимабты қолдану кезеңінде емшек сүтімен қоректенетін балаларды бақылаудың бірнеше жағдайларында 2 жасқа дейінгі өсуі мен дамуының қалыпты болғаны сипатталады. Алайда, бұл деректер шектеулі болғандықтан және ритуксимабты қолдану кезеңінде емшек сүтімен қоректенетін сәбилерге әсер етудің ұзақ мерзімді нәтижелері белгісіз болып қалатындықтан, Ацеллбия® препаратымен емдеу кезінде және емнен кейін 6 ай ішінде емшек емізу ұсынылмайды.

Зерттеулерде ритуксимабтың ұрпақ өрбіту ағзаларына жағымсыз әсері анықталған жоқ.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ацеллбия® препараты машиналар мен механизмдерді басқару және олармен жұмыс істеу қабілетіне әсер ететіні белгісіз, дегенмен фармакологиялық белсенділік пен сипатталған жағымсыз құбылыстар Ритуксимаб көлік құралдары мен қауіптілігі зор механизмдерді басқару қабілетіне әсер етпейтінін немесе елеусіз әсер ететінін болжауға мүмкіндік береді.

Ритуксимаб препаратын енгізу реанимациялық шаралар өткізуге қажетті жағдайлар бар болған кезде тәжірибелі медициналық қызметкердің мұқият қадағалауымен жүзеге асуы тиіс.

Премедикация және профилактикалық препараттар

Ацеллбия® препаратының әр инфузиясының алдында премедикация жүргізу қажет (қызу түсіретін препарат, мысалы, парацетамол және антигистаминді препарат, мысалы, дифенгидрамин).

Ходжкиндік емес лимфома және созылмалы лимфолейкоз бар пациенттерге, егер олар Ацеллбия® препаратымен біріктірілген химиялық ем құрамында қолданылмаса, премедикация құрамына глюкокортикостероидтарды қосу қажет. СЛЛ бар пациенттерде ісік лизисі синдромының пайда болу қаупін төмендету үшін жеткілікті гидратацияны профилактикалық қамтамасыз ету және ем басталардан 48 сағат бұрын урикостатиктерді енгізу ұсынылады. СЛЛ бар және лимфоциттердің > 25 × 109 / л деңгейі болатын пациенттерде жедел инфузиялық реакциялардың жиілігі мен ауырлығын және/немесе цитокиндердің босап шығу синдромын төмендету үшін Ацеллбия® препаратының инфузиясына дейін қысқа уақыт ішінде 100 мг дозада преднизонды/преднизолонды вена ішіне енгізу ұсынылады.

Ревматоидты артриті, полиангиитпен гранулематозы және микроскопиялық полиангииті және қарапайым сулы бөртпесі бар пациенттерге инфузиялық реакциялардың жиілігін және ауырлығын азайту немесе болдырмау үшін Ацеллбия® препаратын қолданудан 30 минут бұрын премедикация ретінде 100 мг метилпреднизолонды вена ішіне енгізу керек.

Полиангиитпен гранулематозы немесе микроскопиялық полиангииті бар ересек пациенттерге Ацеллбия® препаратын бірінші енгізуге дейін 1-ден 3 күнге дейін күнделікті вена ішіне 1000 мг метилпреднизолон енгізу ұсынылады (метилпреднизолонның соңғы дозасын Ацеллбия® препаратының алғашқы инфузиясы жасалған күні енгізуге болады). Содан кейін Ацеллбия® препаратымен емнің 4 апталық индукциялық курсы кезінде және ол аяқталғаннан кейін преднизолонды күніне 1 мг/кг дозада ішу арқылы (күніне 80 мг-ден асырмай; преднизолон дозасын толық тоқтатқанға дейін біртіндеп төмендетеді, дозаны төмендету қарқыны нақты клиникалық жағдаймен анықталады) тағайындау керек.

Жергілікті клиникалық ұсыныстарға сәйкес Ацеллбия® препаратымен емдеу кезінде және одан кейін полиангиитпен гранулематозы, микроскопиялық полиангииті және қарапайым сулы бөртпесі бар ересек пациенттерге пневмоцистік пневмонияның (P.jirovecii туындатқан пневмония) дамуына қарсы профилактикалық шаралар жүргізу ұсынылады.

Балалар

Полиангиитпен гранулематозы немесе микроскопиялық полиангииті бар балаларда Ацеллбия® препаратын вена ішіне бірінші инфузиялау алдында васкулиттің ауыр симптомдарын емдеу үшін 3 күн бойы метилпреднизолонмен вена ішіне тәулігіне 30 мг/кг (бірақ тәулігіне 1 г асырмай) дозада ем жүргізу керек. Ацеллбия® препаратының алғашқы инфузиясы алдында пациент вена ішіне метилпреднизолонның қосымша 3 тәуліктік дозасына дейін (30 мг/кг) қабылдай алады.

Метилпреднизолонды вена ішіне енгізу аяқталғаннан кейін пациенттер пероральді преднизолонды клиникалық қажеттілікке сәйкес соңғысының дозасын ең жоғары жылдамдықпен төмендете отырып, тәулігіне 1 мг/кг (бірақ тәулігіне 60 мг аспайтын) дозада алуы тиіс.

Жағдайға қарай Ацеллбия® препаратымен емдеу кезінде және одан кейін полиангиитпен гранулематозы немесе микроскопиялық полиангииті бар балаларға пневмоцистік пневмонияның (P.jirovecii туындаған пневмония) дамуына қарсы профилактикалық шаралар жүргізу ұсынылады.

Дозалау режимі

Пациентке жасалған тағайындауға сәйкес препараттың енгізілгеніне көз жеткізу үшін препараттың таңбалануын тексеру қажет.

Ходжкиндік емес лимфома

Фолликулярлық ходжкиндік емес лимфома

Біріктірілген ем

Бұрын емделмеген пациенттерді немесе қайталамалы/рефрактерлі фолликулярлық лимфома бар пациенттерді индукциялық емдеу үшін химиялық еммен біріктіріп ұсынылатын Ацеллбия® препаратының дозасы 8 циклге дейін бір циклге дене беткейі ауданына 375 мг/м2 құрайды.

Ацеллбия® препаратын химиялық емнің әрбір циклінің бірінші күні химиялық емнің глюкокортикоидты компонентін қажетіне қарай вена ішіне енгізгеннен кейін қолдану керек.

Демеуші ем

Фолликулярлы лимфомасы бар бұрын емделмеген пациенттер

Индукциялық емге жауап берген бұрын емделмеген фолликулярлық лимфомасы бар пациенттерде демеуші емде қолдануға ұсынылатын Ацеллбия® препаратының дозасы аурудың үдеу белгілері білінгенше немесе екі жылдан асырмай (барлығы 12 инфузия) 2 айда 1 рет дене беткейі ауданына 375 мг/м2 құрайды (демеуші емді индукциялық емнің соңғы дозасынан соң 2 ай өткенде бастау керек).

Қайталамалы/рефрактерлі фолликулярлық лимфомасы бар пациенттер

Индукциялық емге жауап берген қайталамалы/рефрактерлі фолликулярлық лимфома бар пациенттерде демеуші емде қолдануға ұсынылатын Ацеллбия® препаратының дозасы аурудың үдеу белгілері білінгенше немесе екі жылдан асырмай (барлығы 8 инфузия) 3 айда 1 рет дене беткейіне 375 мг/м2 құрайды (демеуші емді индукциялық емнің соңғы дозасынан соң 3 ай өткенде бастау керек).

Монотерапия

Қайталамалы/рефрактерлі фолликулярлық лимфома бар пациенттер

III-IV сатыдағы химиялық төзімді фолликулярлық лимфома бар ересек пациенттерде индукциялық ем үшін немесе жүргізілген химиялық емнен соң екінші және кейінгі қайталануларынан кейін емдеу үшін монотерапия ретінде ұсынылатын Ацеллбия® препаратының дозасы төрт апта бойы аптасына бір рет вена ішіне дене беткейі ауданына 375 мг/м2 құрайды.

Ритуксимабпен алдыңғы монотерапиялық емге жауап берген қайталанған/рефрактерлі фолликулярлық лимфомасы бар пациенттерде монотерапия ретінде қолдану үшін Ацеллбия® препаратының ұсынылатын дозасы дене бетінің ауданына 375 мг/м2 құрайды, вена ішіне аптасына бір рет төрт апта бойы.

Диффуздық В-ірі жасушалы ходжкиндік емес лимфома

Ацеллбия® препаратын СНОР сызбасы бойынша химиялық еммен біріктіріп қолдану керек. CHOP сызбасы бойынша химиялық емнің глюкокортикостероидты компонентін вена ішіне енгізуден кейін әр химиялық ем циклының бірінші күні ұсынылатын доза 375 мг/м2 құрайды, 8 цикл. Диффуздық В-ірі жасушалы ходжкиндік емес лимфоманы емдеу үшін ритуксимабты басқа химиялық ем сызбаларымен біріктіріп қолдану қауіпсіздігі мен тиімділігі анықталмаған.

Емделу кезінде препарат дозасын түзету.

Ацеллбия® препаратының дозасын азайту ұсынылмайды. Химиялық емді Ацеллбия® препаратымен біріктіріп қолданғанда стандартты сызба бойынша химиялық ем компоненттерінің дозаларын азайтуға болады.

Созылмалы лимфолейкоз 

Химиялық еммен біріктірілген Ацеллбия® препаратының ұсынылатын дозасы (бұрын ем алмаған пациенттерде және қайталамалы/рефрактерлі лимфолейкозда) 6 цикл ішінде бірінші циклдің 0 күні 375 мг/м2, артынан әр келесі циклдің 1 күні 500 мг/м2 құрайды. Химиялық ем Ацеллбия® препаратын енгізуден кейін жүргізіледі.

Ревматоидты артрит

Ацеллбия® препаратымен емдеу курсы әрқайсысы 1000 мг дозада екі венаішілік инфузиядан тұрады. Ацеллбия® препаратын енгізуге ұсынылатын режим: бірінші инфузия вена ішіне 1000 мг дозада; вена ішіне 1000 мг дозада қайталанатын инфузия 2 аптадан соң орындалуы тиіс.

Әрі қарай курстар жүргізу қажеттілігі алдыңғы курстан кейін 24 аптадан соң бағалануы тиіс.

Осы мерзімдерде қайта емдеуді аурудың қалдық белсенділігі сақталғанда ғана жүргізген жөн, керісінше жағдайда қайталап емдеуді аурудың белсенділігі жаңғырғанша кейінге қалдыру керек.

Ритуксимаб тиімділігі туралы қолда бар деректер клиникалық жауапқа, әдетте, бастапқы емдеу курсының 16-24 аптасы ішінде жетуге болатынын көрсетеді. Осы уақыт кезеңі ішінде жағымды емдік әсер ету белгілері жоқ пациенттер үшін емді жалғастыру қажеттілігі мұқият қайта қаралуы тиіс.

Полиангиитпен гранулематоз және микроскопиялық полиангиит

Ересектердегі ремиссия индукциясы

Полиангиитпен гранулематоздың немесе микроскопиялық полиангииттің ремиссиясын индукциялауға бағытталған ем үшін ересек пациенттердегі Ацеллбия® препаратының ұсынылатын дозасы: дене бетінің ауданына 375 мг/м2, вена ішіне аптасына 1 рет төрт апта бойы (барлығы 4 инфузия).

Ересектердегі демеуші ем

Ацеллбия® препаратымен ремиссия индукциясынан кейін демеуші емді Ацеллбия® препаратын алдыңғы енгізгеннен кейін кемінде 16 апта өткен соң бастау керек.

Емдеу стандарттарына сәйкес ремиссиясы басқа иммуносупрессанттармен индукциялағаннан кейін Ацеллбия® препаратымен демеуші емді ремиссияға жеткеннен кейін төрт апталық кезең ішінде бастау керек.

Ацеллбия® препаратын 2 апта аралықпен 500 мг-ден вена ішіне екі инфузия түрінде енгізу керек, содан кейін әрбір 6 айда 500 мг вена ішіне инфузия енгізу керек. Ремиссияға жеткеннен кейін (клиникалық белгілер мен симптомдардың болмауы) пациенттер Ацеллбия® препаратын кемінде 24 ай бойы алуы тиіс. Қайталану қаупі жоғары пациенттерде емдеуші дәрігер Ацеллбия® препаратымен демеуші емді неғұрлым ұзақ кезеңі – 5 жылға дейін жүргізу мүмкіндігін қарастыруы тиіс.

Қарапайым сулы бөртпе

Қарапайым сулы бөртпені емдеуге арналған Ацеллбия® препаратының ұсынылатын дозалау режимі вена ішіне инфузия түрінде 1000 мг құрайды, ал содан кейін 2 аптадан соң вена ішіне екінші инфузиясы 1000 мг глюкокортикостероидтармен біріктірілімде, соңғысының дозасын біртіндеп төмендетумен жүргізіледі.

Демеуші ем

Ацеллбия® препаратымен вена ішіне 500 мг дозада демеуші инфузияны емнің 12 және 18 айында, содан кейін клиникалық жағдайды бағалауға негізделе отырып, әрбір 6 айда жүргізу керек.

Қайталану жағдайында қолданылуы

Қайталану жағдайында пациенттер 1000 мг Ацеллбия® препаратын вена ішіне қабылдай алады. Емдеуші дәрігер глюкокортикостероидтармен емді жаңғырту немесе клиникалық жағдайға байланысты олардың дозасын арттыру қажеттілігін қарастыруы керек.

Ацеллбия® препаратының кейінгі инфузиясын препаратты алдыңғы енгізгеннен кейін кемінде 16 апта өткен соң ғана бастау керек.

Пациенттердің ерекше топтары

Балалар

Полиангиитпен гранулематоз және микроскопиялық полиангиит

Белсенді полиангиитпен гранулематоздың ауыр түрлері немесе микроскопиялық полиангииті бар 2 жастан асқан балаларда Ацеллбия® препаратын ремиссияны индукциялау емінің аясында ұсынылатын дозалау режимі 4 апта ішінде аптасына 1 рет вена ішіне инфузия түрінде дене беткейінің ауданына 375 мг/м2 құрайды.

Балалардағы ритуксимабтың қауіпсіздігі мен тиімділігі (≥2 жастан <18 жасқа дейін) белсенді полиангиитпен гранулематоздан немесе микроскопиялық полиангииттен басқа көрсеткіштер бойынша анықталмаған.

Ацеллбия® препаратын белсенді полиангиитпен гранулематоздың ауыр түрлері немесе микроскопиялық полиангииті бар 2 жасқа дейінгі балаларда, вакцинациялаумен алдын алуға болатын, кең таралған балалар ауруларына қарсы (мысалы, қызылша, паротит, қызамық және полиомиелит) вакцинациядан кейін иммундық жауаптың бұзылуына байланысты қолдануға болмайды.

Егде жастағы пациенттер

Егде жастағы пациенттерді (65 жастан асқан) емдегенде препараттың дозасын түзету қажет емес.

Енгізу әдісі және жолы

Ацеллбия® препаратының қажетті мөлшері асептикалық жағдайларда алынады және инфузияға арналған 0,9% натрий хлориді ерітіндісінде немесе 5% декстроза ерітіндісінде инфузиялық құтыда (пакет) есепті концентрацияға дейін (1-4 мг/мл) сұйылтылады (ерітінділер стерильді және апирогенді болуы тиіс). Араластыру үшін құтыны (пакет) көбік түзілуінен сақтану мақсатында мұқият төңкереді. Енгізер алдында ерітіндіні бөгде қоспалары немесе түс өзгерісінің бар-жоғы тұрғысынан қарап тексеру қажет.

Дәрігер ерітіндінің дайындалуына, дайын ерітіндінің пайдаланылуына дейінгі сақталу шарттары мен уақытына жауап береді.

Ацеллбия® препаратының құрамында консерванттар жоқ болғандықтан, дайындалған ерітіндіні дереу пайдалану қажет. Дайындалған инфузиялық ерітінді бөлме температурасында 12 сағат бойы немесе 2-ден 8° С дейінгі температурада 24 сағаттан аспайтын уақыт бойы физикалық және химиялық тұрғыда тұрақты.

Ацеллбия® препаратының дайындалған ерітіндісін бөлек катетер арқылы вена ішіне тамшылатып енгізеді. Препаратты вена ішіне сорғалатып немесе болюсті енгізуге болмайды!

Цитокиндердің босап шығу синдромының туындау мүмкіндігін анықтау үшін пациенттер қадағалауда болуы тиіс.

Пациенттерде ауыр реакциялар пайда болған жағдайда (әсіресе тыныс алудың қиындауы, бронх түйілуі, гипоксия) инфузияны дереу тоқтату керек.

Ходжкиндік емес лимфомасы бар пациенттер тиісті зертханалық талдаулардың орындалуын, өкпедегі инфильтрациялық өзгерістерді анықтау үшін кеуде қуысын рентгенографиядан өткізуді қоса, ісік лизисі синдромының белгілерін анықтау үшін тексеруден өткізілуі тиіс. Емдеу барлық симптомдар толық басылғанша, зертханалық талдаулар нәтижелері мен кеуде қуысының рентгенографиясында анықталған өзгерістердің қалыпқа түскенше жаңғыртылмауы тиіс. Осы шарттар қадағаланғанда емдеу жаңғыртуға болады, бірақ препараттың алғашқы дозасының инфузия жылдамдығы, кем дегенде, 2 есе азайтылуы тиіс. Ауыр жағымсыз реакциялар қайта туындаған жағдайда, нақты бір жағдай ерекшеліктерін түгел ескеріп, емдеуді жалғастырудың мақсатқа сай болу мәселесін қарастыру қажет.

Жеңіл және орташа инфузиялық реакциялар туындағанда көпшілік жағдайларда препараттың енгізу жылдамдығын азайту жеткілікті. Пациенттің жай-күйі жақсарғанда препараттың енгізу жылдамдығын арттыруға болады.

Алғашқы инфузия

Препараттың алғашқы инфузиясының ұсынылатын жылдамдығы: 50 мг/сағ.; алғашқы 30 минут өткенде, жылдамдықты ең жоғары 400 мг/сағат мәніне дейін әр 30 минут сайын 50 мг/сағатқа арттыруға болады.

Кейінгі инфузиялар

Барлық қолдану көрсетілімдері үшін

Келесі дозалар үшін Ритуксимаб инфузиясының жылдамдығы сағатына 100 мг басталуы және ең жоғарғы 400 мг/сағ дейін әр 30 минут сайын сағатына 100 мг арттырылуы мүмкін.

Тек қана ревматоидты артритте

Келесі инфузиялардың баламалы жылдамдатылған режимі:

Егер пациенттерде препаратты енгізудің стандартты сызбасы аясында Ритуксимабтың 1000 мг дозадағы (инфузия жылдамдығын түзетудің стандартты режимі) бірінші инфузиясында күрделі инфузиялық реакциялардың пайда болғаны байқалмаса, препараттың инфузия жылдамдығын екінші және келесі инфузияларда препараттың дәл сол концентрациясында (4 мг/мл 250 мл көлемінде) арттыруға болады. Инфузияның бастапқы жылдамдығы алғашқы 30 минутта 250 мг/сағ болуы тиіс, содан кейін жылдамдықты келесі 90 минут ішінде 600 мг/сағ дейін арттыруға болады. Егер жылдамдатылған инфузия жағымды болса, бұл енгізу режимін келесі инфузиялар кезінде де пайдалануға болады.

Клиникалық мәні бар жүрек-қантамыр аурулары, оның ішінде аритмиясы бар пациенттерде, немесе биопрепараттармен, оның ішінде ритуксимабпен кез келген алдыңғы ем барысында күрделі инфузиялық реакциялар болғанда инфузия жылдамдығын арттыру ұсынылмайды.

Артық дозалану жағдайында қабылдау қажет болатын шаралар

Адамдағы клиникалық зерттеулер аясында ұсынылуынан жоғары дозаларында ритуксимаб қолдану тәжірибесі шектеулі. Ең жоғары 5000 мг (2250 мг/м2) дозасы созылмалы лимфолейкозы бар пациенттерге дозалардың жоғарылауымен клиникалық зерттеулер аясында тағайындалған, қосымша қауіпсіздік деректері алынбаған.

Артық дозалану анықталған жағдайда препараттың инфузиясын дереу тоқтатып, пациенттің жай-күйін мұқият қадағалау керек.

Тіркеуден кейінгі бақылау кезінде ритуксимабпен артық дозаланудың бес жағдайы хабарланған. Үш жағдайда жағымсыз құбылыстар хабарланбаған. Артық дозалану асқынулары арасында тұмау тәрізді симптомдар (ритуксимаб дозасы 1,8 г) және өліммен аяқталатын тыныс алу жеткіліксіздігі (ритуксимаб дозасы 2,0 г) байқалған.

Адамдағы клиникалық зерттеулер аясында ұсынылуынан жоғары дозаларында ритуксимаб қолдану тәжірибесі шектеулі. Ең жоғары 5000 мг (2250 мг/м2) дозасы созылмалы лимфолейкозы бар пациенттерге дозалардың жоғарылауымен клиникалық зерттеулер аясында тағайындалған, қосымша қауіпсіздік деректері алынбаған.

Артық дозалану анықталған жағдайда препараттың инфузиясын дереу тоқтатып, пациенттің жай-күйін мұқият қадағалау керек.

Тіркеуден кейінгі бақылау кезінде ритуксимабпен артық дозаланудың бес жағдайы хабарланған. Үш жағдайда жағымсыз құбылыстар хабарланбаған. Артық дозалану асқынулары арасында тұмау тәрізді симптомдар (ритуксимаб дозасы 1,8 г) және өліммен аяқталатын тыныс алу жеткіліксіздігі (ритуксимаб дозасы 2,0 г) байқалған.

Жарықтан қорғалған жерде, 2°С-ден 8°С-ге дейінгі температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

2 жыл 6 ай.

Жарамдылық мерзімі өткеннен кейін қолдануға болмайды!