Астане қаласындағы Неофен Форте Таблеткалары 400мг №10 | БЕЛУПО, лекарства и косметика

Бір таблетканың құрамында

белсенді зат – ибупрофен 400 мг,

қосымша заттар: лактоза моногидраты, желатинделген крахмал, повидон, микрокристалды целлюлоза, натрий кроскармеллозасы, сусыз коллоидты кремнийдің қостотығы, тальк, магний стеараты

үлбірлі қабықтың құрамы: тальк, макрогол 6000, титанның қостотығы (Е 171), гипромеллоза, полиакрилат, 30%-дық суспензия, Кармуазин бояғышы (Е122).

- ауырсыну синдромының симптоматикалық емі: бас ауыру, бас сақинасы, арқаның, бұлшықеттің және/немесе буындардың ауыруы, тіс ауыруы, невралгия, етеккірлік және етеккіралдылық ауырсыну, ревматизмдік ауырсыну;

- тұмау және суық тию кезінде жоғары температураны төмендету үшін, ауырсыну және қабынуды азайту үшін.

Препарат ересектерге қолдануға арналған.

- белсенді затқа немесе кез келген қосымша заттарға жоғары сезімталдық пайда болғанда;

- ацетилсалицил қышқылына немесе басқа да қабынуға қарсы стероидты емес препараттарға (ҚҚСП) аса жоғары сезімталдық болған жағдайда (мысалы, осы препараттарды қабылдағаннан кейін ангионевроздық ісінуге, есекжемге, демікпеге немесе ринитке шалдыққан пациенттерге);

- ҚҚСП қабылдаумен байланысты асқазан-ішек жолдарынан қан кету немесе перфорациясы бар пациенттерге, анамнезінде;

- белсенді қайталанатын ойық жаралы ауруға шалдыққан/қан кеткен немесе анамнезінде қайталанатын ойық жаралы аурумен ауырған/қан кеткен пациенттерге (ойықжараның дәлелденген пайда болуының немесе қан кетудің екі немесе одан да көп жеке эпизодтары);

- жүрек функциясының ауыр жеткіліксіздігі (NYHA бойынша IV класс), бауыр/бүйрек функциясының ауыр жеткіліксіздігі бар пациенттерге;

- цереброваскулярлық немесе басқа да белсенді қан кету;

- қан ұюдың беймәлім бұзылуы;

- құсудан, диареядан немесе сұйықтықты жеткіліксіз ішкеннен туындаған күшті сусыздану;

- жүктіліктің соңғы триместріндегі жүкті әйелдерге;

- 18 жасқа дейінгі балалар мен жасөспірімдерге.

Препаратты симптомдарды жеңілдету үшін ең аз тиімді дозада қысқа мерзім ішінде қолдану керек. Егер сізде инфекция болса, дереу дәрігермен кеңесіңіз, мысалы, қызба және ауырсыну сияқты белгілер сақталса («Арнайы ескертулер» бөліміндегі «Инфекция» бөлімін қараңыз).

Ибупрофенді кейбір препараттармен бір мезгілде қолдану жағымсыз әсерлерді туындатуы мүмкін:

Ибупрофенді келесі препараттармен бірге қолданбау керек:

Ацетилсалицил қышқылымен

Ибупрофен мен ацетилсалицил қышқылын бір мезгілде қабылдау, әдетте, жағымсыз әсерлердің күшеюіне байланысты тағайындалмайды. Эксперименттік деректер ибупрофенді бір мезгілде қолданған кезде тромбоциттер агрегациясына ацетилсалицил қышқылының төмен дозаларының әсер етуін бәсеңдетуі мүмкін екендігін көрсетеді.

Циклооксигеназа-2 селективті тежегіштерін қоса алғанда, басқа ҚҚСП-мен бірге

Циклооксигеназа-2 селективті тежегіштерін қоса алғанда, басқа ҚҚСП екі немесе одан да көп ҚҚСП бір мезгілде қолданбау керек, өйткені бұл жағымсыз реакциялардың пайда болу қаупін арттыруы мүмкін.

Ибупрофенді мынадай препараттармен бірге сақтықпен қолдану керек:

Кортикостероидтар

Асқазан-ішек жолдарынан қан кету және ойық жаралардың пайда болу қаупі артуы мүмкін.

Антигипертензиялық препараттар (АӨФ тежегіштері және ангиотензин II антагонистері) және диуретиктері

Осы топтардағы препараттардың әсерін бәсеңдетуі мүмкін. Бүйрек функциясы бұзылған кейбір пациенттерде (мысалы, дегидратациясы бар пациенттерде немесе бүйрек функциясы бұзылған егде пациенттерде) АӨФ тежегішін немесе ангиотензин II антагонисін бір мезгілде қолдану бүйрек функциясын әдетте бүйрек функциясының қайтымды мүмкін болатын жедел жеткіліксіздігін қоса алғанда, одан әрі нашарлатуы мүмкін. Бұл өзара әрекеттесуді АӨФ тежегіштерін немесе II ангиотензин мен коксибаның блокаторларын бір мезгілде қабылдайтын пациенттерде ескеру керек. Сондықтан біріктірілімді әсіресе қарт адамдарға сақтықпен тағайындау керек. Пациенттер сұйықтықты жеткілікті мөлшерде ішуі тиіс, қатарлас ем басталғаннан кейін және одан кейін бүйрек функциясын мониторингілеуге мезгіл-мезгіл көңіл бөлу керек. Диуретиктер ҚҚСП-ның нефроуыттылық қаупін арттыруы мүмкін.

Пероральді антикоагулянттар (мысалы, варфарин)

ҚҚСП антикоагулянттардың әсерін күшейтуі мүмкін.

Серотонинді кері қармау және селективті тежегіштері және тромбозға қарсы препараттар

Асқазан-ішек жолынан қан кету қаупінің артуы.

Жүрек гликозидтері

ҚҚСП жүрек функциясының жеткіліксіздігін өршітеді, шумақшалық сүзілу жылдамдығын азайтуы және плазмадағы жүрек гликозидтерінің деңгейін арттыруы мүмкін.

Литий

Ибупрофен қан плазмасындағы литий концентрациясын және оның уытты әсерлерін арттыруы мүмкін.

Метотрексат

Ибупрофен метотрексаттың шығарылуын азайтып, оның қан плазмасындағы концентрациясын арттыруы мүмкін.

Циклоспорин

ҚҚСП-мен бір мезгілде қолдану нефроуыттылық қаупін арттырады.

Мифепристон

ҚҚСП-ны қолдану мифепристонның емдік әсерін төмендетуі мүмкін. Сондықтан препаратты мифепристонның соңғы қабылданған дозасынан кейін 8-12 күн ішінде қабылдамаған жөн.

Такролимус

ҚҚСП-мен бір мезгілде қолданғанда нефроуыттылық қаупі жоғары болуы мүмкін.

Зидовудин

Зидовудинмен бірге ҚҚСП қабылдағанда гематологиялық уыттылық қаупі артады. Зидовудинмен және ибупрофенмен бір мезгілде ем алатын гемофилиясы бар АИТВ(+) инфекциясын жұқтырған пациенттерде гемартроздар мен гематоманың жоғары даму қаупі туралы деректер бар.

Хинолонды антибиотиктер

ҚҚСП және хинолондар қабылдайтын пациенттерде құрысудың жоғары даму қаупі болуы мүмкін.

Сульфонилмочевина туындылары

Ибупрофенді сульфонилмочевина туындыларымен бір мезгілде қабылдаған кезде сақтық шарасы ретінде қандағы қант деңгейін тұрақты бақылау қажет.

CYP2C9 тежегіштері

Ибупрофен мен CYP2C9 тежегіштерін бір мезгілде қабылдау ибупрофен әсерін (CYP2C9 субстраты) едәуір арттыруы мүмкін. CYP2C9 күшті тежегіштерін бір мезгілде тағайындаған кезде, әсіресе ибупрофеннің жоғары дозалары вориконазолмен немесе флуконазолмен енгізілген кезде ибупрофен дозасын азайтуды қарастырған жөн.

Фенитоин

Ибупрофен және фенитоин препараттарымен бірге қабылдау қан сарысуындағы фенитоин деңгейін арттыруы мүмкін. Дұрыс қолданғанда қан сарысуында фенитоин деңгейін тексеру (4 күннен артық емес) қажет етілмейді.

Алкоголь

Алкоголь шаршағыштық және бас айналу сияқты орталық жүйке жүйесіне әсер ететін жағымсыз реакцияларды күшейтеді.

Егде жастағы пациенттер

Егде адамдарда ҚҚСП жағымсыз реакциялардың, әсіресе асқазан-ішек жолдарынан қан кетудің және перфорациялануының жоғары жиілігі байқалады. Бұл жағымсыз реакциялардың салдары егде жаста қауіпті болуы мүмкін және тіпті өлімге әкелуі мүмкін.

Ерекше сақтықты келесі ауруларға шалдыққан пациенттер сақтау қажет:

- жүйелі қызыл жегі, сондай-ақ дәнекер тіннің аралас аурулары-асептикалық менингит қаупінің жоғарылауына байланысты;

- порфирия;

- асқазан-ішек аурулары (ойық жаралы колит, Крон ауруы);

- артериялық гипертензия немесе анамнезінде ҚҚСП қолдануға байланысты жүрек функциясының жеткіліксіздігі;

- бауыр мен бүйрек функциясының бұзылуы;

- күрделі хирургиялық араласулардан кейін;

- пішен қызбасы, мұрын полиптері немесе тыныс алу жолдарының созылмалы обструкциялық аурулары;

- анамнезінде басқа заттарға аллергиялық реакция.

Респираторлық аурулар

Бронх демікпесімен немесе аллергиялық аурумен ауыратын немесе анамнезінде осы аурулар бар пациенттерде бронхоспазм дамуы мүмкін.

Басқа КҚСП қолдану

Ибупрофенді және басқа да ҚҚСП-ны, циклооксигеназаның-2 селективті тежегіштерін қоса алғанда, бір мезгілде қолданбау қажет.

Бүйрек тарапынан бұзылулар

Ауырсынуды басатын препараттарды тұрақты қабылдау, әсіресе бірнеше ауырсынуды басатын әсер етуші заттардың біріктірілуі бүйрек жеткіліксіздігінің даму қаупімен бүйректің қайтымсыз зақымдануына (анальгетикалық нефропатия) әкелуі мүмкін.

Жүрек-қантамырлық және цереброваскулярлық әсерлер

Анамнезінде гипертониясы және/немесе жүрек функциясының жеткіліксіздігі бар пациенттерге емдеу басталар алдында (дәрігермен кеңесу қажет) сақтық танытқан жөн, өйткені ҚҚСП қолданған кезде сұйықтықтың іркілуі, гипертензия және ісіну дамуы мүмкін.

Бақыланбайтын гипертензияға шалдыққан, жүректің ишемиялық ауруымен анықталған, жүрек функциясының іркілістік жеткіліксіздігі бар (NYHA II-III), перифериялық артериялар ауруларына және/немесе цереброваскулярлық ауруларға шалдыққан пациенттер ибупрофенді мұқият тексеруден өткеннен кейін және жоғары дозаларын қабылдамай (2400 мг/күніне) ғана қолдануы тиіс.

Сондай-ақ жүрек-қантамыр оқиғаларының қауіп факторлары бар (мысалы, гипертензия, гиперлипидемия, қант диабеті, шылым шегу) пациенттерде ұзақ емдеуді бастау туралы мәселені, әсіресе ибупрофеннің жоғары дозасы (2400 мг/күн) қажет болса, мұқият қарастыру керек.

Әйелдер фертильділігінің бұзылуы

Кейбір деректер циклооксигеназа/простагландин синтезін тежейтін дәрілік препараттар әйелдердің фертильділігін бұзуы мүмкін, овуляцияға әсер етеді. Бұл әсер емдеуді тоқтатқан кезде қайтымды. Ибупрофенді жүктілікті жоспарлаған әйелдерге қолдануға болмайды.

Асқазан-ішек жолы тарапынан реакциялар

Анамнезінде асқазан-ішек аурулары бар пациенттер (ойық жаралы колит, Крон ауруы) сақтықпен қабылдау қажет, өйткені олардың жағдайы асқынуы мүмкін.

Асқазан-ішек жолдарынан қан кету, ойық жаралардың пайда болуы немесе перфорациялануы (өлімге әкелуі мүмкін) кез келген уақытта ҚҚСП қолданғанда ескерту симптомдармен немесе онсыз байқалуы мүмкін. Асқазан-ішек жолдарынан қан кету, ойық жаралардың пайда болу және перфорациялану қаупі анамнезінде ойық жарасы бар, әсіресе қан кетумен немесе перфорацияланумен асқынған ойық жарасы бар пациенттерде және егде жастағы пациенттерде ҚҚСП дозасын арттырғанда артады. Бұл пациенттер ең төменгі дозадан емдеуді бастау керек.

Анамнезінде асқазан-ішек жолдарының бұзылысы бар пациенттер әсіресе егде жастағы, көбінесе емдеудің бастапқы кезеңдерінде кез келген ерекше байқалатын абдоминальдық симптомдар (әсіресе асқазан-ішек жолынан қан кету) туралы хабарлауы тиіс.

Қорғаушы дәрілермен (мысалы, протондық помпа тежегіштерімен немесе мизопростолмен) жүргізілетін біріктірілген ем осы пациенттер үшін, сондай-ақ ацетилсалицил қышқылының немесе АІЖ үшін қауіп төндіруі мүмкін басқа да препараттардың төмен дозасын қатарлас қабылдауды қажет ететін пациенттер үшін қаралуы тиіс.

Ойық жараның пайда болу немесе қан кету қаупін арттыруы мүмкін, мысалы, пероральді кортикостероидтар, варфарин сияқты антикоагулянттар, серотонинді қайта қармау селективті тежегіштері немесе ацетилсалицил қышқылы сияқты антитромбоциттік препараттар қабылдайтын пациенттер сақтықпен қолдану керек.

Ибупрофен алған пациенттерде асқазан-ішек жолынан қан кеткенде немесе ойық жара пайда болған кезде емдеу тоқтатылуы тиіс.

Терінің күрделі реакциялары

Терінің күрделі реакциялары, олардың кейбірі өліммен аяқталатын реакциялары, соның ішінде эксфолиативті дерматит, Стивенс-Джонсон синдромы және уыттық эпидермалық некролиз, ҚҚСП-ны қолдануға байланысты өте сирек тіркеледі. Бәлкім, пациенттер емнің ерте сатысында осы реакциялардың ең жоғары қауіп-қатеріне ұшырайды, реакциялар көп жағдайда емдеудің бірінші айы ішінде пайда болады. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланған. Ибупрофенді қолдануды тері бөртпелері, шырышты қабықтың зақымдануы немесе аса жоғары сезімталдықтың кез келген басқа да белгілері сияқты терінің күрделі реакцияларының белгілері мен симптомдары алғаш пайда болған кезде тоқтату керек.

Желшешекпен ауыратын пациенттердің ҚҚСҚП қолдану терінің жұқпалы-қабынбалы аурулары мен тері шелмайының (мысалы, некротизациялағыш фасциит) ауыр іріңді асқынуларының даму қаупінің артуымен байланысты болуы мүмкін. Осыған байланысты препаратты желшешекпен ауырғанда қолданбау ұсынылады.

Ибупрофен тромбоциттер функциясын уақытша тежей алады (тромбоциттер агрегациясы). Сондықтан қанның ұюы бұзылған пациенттерге мұқият мониторинг жүргізу қажет.

Бас ауырғанда ауырсынуды басатын дәрілердің кез келген түрін ұзақ уақыт пайдалану ауырсынуды асқындыруы мүмкін. Егер бұл жағдай орын алса немесе оған күдік болса, дәрігерге жүгіну керек және емдеуді тоқтату керек. "Дәрі-дәрмектерді шамадан тыс қолданудан туындаған бас ауыруы" диагнозы басы жиі немесе күнделікті ауыратын пациенттерге қойылады, бірақ (немесе өйткені) олар үнемі бас ауыруын басатын препараттарды қабылдайды.

Инфекциялар

Ибупрофен қызба және ауырсыну сияқты инфекциялардың белгілерін жасыруы мүмкін. Сондықтан Неофен Форте препараты инфекцияның тиісті емін шегеруі мүмкін, бұл асқыну қаупінің артуына әкелуі мүмкін. Бұл бактериялар тудырған пневмонияда және шешекпен байланысты бактериялық тері инфекцияларында байқалды. Егер сіз бұл дәрінң инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.

Басқа да ескертпелер

Аса жоғары сезімталдықтың ауыр жедел реакциялары (мысалы, анафилаксиялық шок) өте сирек байқалады. Ибупрофен қабылдағаннан кейін жоғары сезімталдық реакциясының алғашқы белгілерінде емдеуді дереу тоқтату керек.

Қосымша заттар

Препарат құрамында лактоза бар. Галактозаны көтере алмайтын сирек тұқым қуалайтын проблемалары бар, Лапп лактаза тапшылығы немесе глюкоза-галактоза мальабсорбциясы бар пациенттер осы препаратты қабылдамауы тиіс.

Қосымша заттардың құрамында кармуазин (Е122) бояғышы бар.

Бұл дәрілік препараттың құрамында натрий бар. Мұны натрий бақыланатын диетадағы пациенттерге ескеру қажет.

Педиатрияда қолдану

Препаратты 18 жасқа дейінгі балалар мен жасөспірімдерде қолдануға болмайды.

Жүктілік немесе лактация кезінде

Жүктілік

Простагландин синтезін тежеу жүктілікттің және/немесе эмбрионның/шарананың дамуына теріс әсер етуі мүмкін. Эпидемиологиялық деректер жүктіліктің ерте мерзімінде простагландин синтезінің тежегішін қолданғаннан кейін түсік тастау және жүрек ақауларының, гастрошизистің даму қаупін көрсетеді. Жүрек-қантамыр жүйесі аномалиясының абсолютті қаупі дозаның артуына және терапияның ұзақтығына қарай өседі.

Жүктіліктің бірінші және екінші триместрінде айқын қажеттілік жағдайларын қоспағанда ибупрофенді қолдануға болмайды.Егер ибупрофенді бала сүйгісі келетін әйел қолданса немесе жүктіліктің бірінші және екінші триместрі кезінде доза ең аз, ал емдеу ұзақтығы мүмкіндігінше қысқа болуы тиіс.

Жүктіліктің үшінші триместрінде ибупрофенді қолдануға болмайды, өйткені простагландиндер синтезінің тежелуі шаранада келесі әсерлер туындауы мүмкін:

- жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен байқалатын);

- олигогидроамниозбен байқалатын бүйрек функциясының жеткіліксіздігіне дейін үдеуі мүмкін бүйрек дисфункциясы.

Жүктіліктің соңында ибупрофен келесі әсерді туындатуы мүмкін:

- жатырдың жиырлуының тежелуі, оның салдарынан әйел мезгілінен кеш босанады немесе ұзақ толғатады;

- тіпті өте төмен дозада дамитын антиагреганттық әсерге байланысты ана мен нәрестенің қан кетуге аса бейімділігі.

Демек, ибупрофен жүктіліктің үшінші триместрінде тағайындалмайды.

Емшекпен емізу

Ибупрофен өте төмен концентрацияда емшек сүтінде пайда болады. Препараттың емшектегі балаға теріс әсері туралы деректер белгісіз.

10 таблеткадан алюминий фольгадан және поливинилхлорид үлбірден жасалған пішінді ұяшықты қаптамаға салады.

Пішінді ұяшықты 1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

25С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!