Караганде қаласындағы Эуфиллин Таблеткалары 150 Мг №30 | ПАО Биосинтез

Препарат ересектер мен 6 жастан асқан балаларда қолдануға көрсетілген:

бронх демікпесі (физикалық жүктемеден болатын демікпесі бар науқастар үшін таңдаулы препарат және басқа түрлерінде қосымша дәрі ретінде)

өкпенің созылмалы обструкциялық ауруы (созылмалы обструкциялық бронхит, өкпе эмфиземасы)

«өкпелік» жүрек

түнгі апноэ

- белсенді затқа және ксантиннің басқа туындыларына (кофеин, пентоксифиллин, теобромин) немесе препараттың кез келген қосымша заттарына аса жоғары сезімталдық

- эпилепсия

- асқазанның және 12 елі ішектің ойық жара ауруы (асқыну сатысында)

- жоғары қышқылдылықтағы гастрит

- артериялық гипер- немесе ауыр ағымды гипотензия

- тахиаритмиялар

- геморрагиялық инсульт

- көздің торқабығына қан құйылу

- 6 жасқа дейінгі балалар (тұншығу қаупі)

Қолданудағы қажетті сақтық шаралары

Сақтықпен

- ауыр коронарлық жеткіліксіздік (миокард инфарктісінің жедел кезеңі, стенокардия)

- кең таралған қантамырлар атеросклерозы

- гипертрофиялық обструкциялық кардиомиопатия

- жиі қарыншалық экстрасистолия

- құрысу ұстамасына жоғары бейімділік

- бауыр және/немесе бүйрек жеткіліксіздігі

- асқазанның және 12 елі ішектің ойық жара ауруы (анамнезінде)

- жақын арадағы анамнезіндегі асқазан-ішектік қан кетудің болуы

- бақылауға келмейтін гипотиреоз (жиналып қалуы мүмкін) немесе тиреотоксикоз

- ұзақ гипертермия

- гастроэзофагеальді рефлюкс

- қуық асты безі гиперплазиясы

- жүктілік

- лактация кезеңі

- егде жас

- балаларға (6 жастан асқан)

- антикоагулянттармен бір мезгілде

Глюкокортикостероидтардың және минералокортикостероидтардың (гипернатриемия), жалпы анестезияға арналған дәрілердің (қарыншалық аритмияның пайда болу қаупі туындайды), ксантиндер мен орталық жүйке жүйесін қоздыратын дәрілердің (нейроуыттылықты арттырады), бета-адреностимуляторлардың жағымсыз әсерлері пайда болу мүмкіндігін арттырады.

Диареяға қарсы препараттар және энтеросорбенттер аминофиллиннің сіңуін төмендетеді. Рифампицин, фенобарбитал, фенитоин, изониазид, карбамазепин, сульфинпиразон, аминоглутетимид, құрамында эстрогені бар ішу арқылы қабылданатын контрацептивтер және морацизин, бауыр микросомальді ферменттерінің индукторлары бола отырып, аминофиллиннің клиренсін арттырады, бұл оның дозасын төмендетуді қажет етуі мүмкін.

Макролидтер тобының антибиотиктерімен, линкомицинмен, аллопуринолмен, циметидинмен, изопреналинмен, эноксацинмен, этанолдың аздаған дозаларымен, дисульфираммен, фторхинолондармен, рекомбинантты альфа интерферонмен, метотрексатпен, мексилетинмен, пропафенонмен, тиабендазолмен, тиклопидинмен, верапамилмен бір мезгілде қолданған кезде және тұмауға қарсы вакцинация жасаған кезде аминофиллиннің әсер ету қарқындылығы артуы мүмкін, бұл оның дозасын төмендетуді қажет етеді. Бета-адреностимуляторлардың және диуретиктердің әсерін (соның ішінде шумақтық сүзілудің артуы есебінен) арттырады, литий препараттарының және бета-адреноблокаторлардың тиімділігін төмендетеді.

Спазмолитиктермен үйлеседі, ксантиннің басқа туындыларымен бірге қолданылмайды.

Антикоагулянттармен бір мезгілде абайлап тағайындайды.

Арнаулы ескертулер

Препаратты вирустық инфекцияларға немесе пневмонияға қолдану сақтықты және эуфиллин дозасын төмендетуді қажет етеді; дозаны жоғарылату өте қажет болған жағдайда ғана және дұрысы қандағы препарат концентрациясының бақылауымен жүзеге асырылады.

Несептің іркілу қаупіне байланысты қуық асты безінің ұлғаюы сияқты несеп шығару жолдарының ішінара бітелуі бар егде жастағы ер адамдарда қолданған кезде сақ болу керек.

Емдеу кезінде құрамында кофеин бар тағамдарды немесе сусындарды көп мөлшерде тұтыну кезінде де сақ болу керек.

Педиатрияда қолданылуы

Препаратты 6 жасқа дейінгі балаларға қолдануға болмайды (тұншығу қаупі), 6 жастан кейін препаратты сақтықпен қолданады.

Жүктілік және лактация кезеңінде қолдану

Жүктілік және лактация кезеңінде тек ана үшін болжамды пайдасы шарана мен балаға төнетін ықтимал қауіптен асып түсетін жағдайда ғана препаратты қолдануға болады.

Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері

Емдеу кезеңінде көлік құралдарын басқару және жоғары зейін қою мен психомоторлық реакциялар жылдамдығын талап ететін басқа да қауіптілігі зор қызмет түрлерімен айналысқанда сақ болу қажет.

30 таблеткадан БП типті полимер банкілерге салынған.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

Әр банкіні немесе 3 пішінді ұяшықты қаптаманы медициналық қолдану жөніндегі қазақ және орыс тіліндегі нұсқаулықпен бірге картон қорапшаға салады.

Жарықтан қорғалған жерде, 20 °С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 20 °С-ден аспайтын температурада сақтау керек.

Балалардың қолы жетпейтін жерде сақтау керек!