Алматы қаласындағы Далацин 300 Мг № 16 Капсулалар | Фарева Амбуаз

Емдеу үшін

Клиндамицин өзіне сезімтал микроорганизмдермен туындаған ауыр инфекцияларды емдеуге арналған:

– құлақ, мұрын және тамақ инфекциялары;

– бронх-өкпе инфекциялары;

– стоматологиялық инфекциялар;

– тері инфекциялары;

– урогениталий инфекцияларында;

– сүйек-буын инфекциялары;

– операциядан кейінгі абдоминальді инфекциялар;

– септицемиялар.

Тіпті олар препаратқа сезімтал микроорганизмдермен туындаса да, менингеальді инфекциялар бұған жатпайды, өйткені Далацин емдік тұрғыдан тиімді мөлшерлерінде жұлын сұйықтығына диффузияланбайды.

Профилактика

Бета-лактамдарға аллергиясы бар пациенттерде амбулаториялық стоматологиялық емде және жоғарғы тыныс алу жолдарының емінде инфекциялық эндокардиттің профилактикасы үшін.

Бактерияға қарсы дәрілерді тиісінше қолдану жөніндегі ресми нұсқаулықтардағы нұсқауларды ескеру керек.

әсер етуші затқа, линкомицинге немесе «Қосымша мәліметтер» бөлімінде атап келтірілген қосымша заттардың кез келгеніне аса жоғары сезімталдық

препараттың дәрілік түріне байланысты 6 жасқа дейінгі балаларда

жүктіліктің бірінші триместрі және лактация кезеңі

тұқым қуалайтын лактаза жеткіліксіздігі, тұқым қуалайтын фруктоза жақпаушылығы, глюкоза/галактоза мальабсорбциясы синдромы

Дәрігерге Сіздің қаныңыз қаншалықты жақсы ұюын жиірек тексеріп отыру үшін, жүйелі түрде қан талдауларын жүргізу қажет болуы мүмкін.

Бұл препаратты әрдайым қатаң түрде, өз дәрігеріңіздің немесе фармацевттің нұсқауларына сәйкес қабылдаңыз. Егер Сіз бұл препаратты қалай қабылдау керек екендігіне сенімсіз болсаңыз, өз дәрігеріңізбен немесе фармацевтпен кеңесіңіз.

Дозалау режимі

Дәрігердің нұсқауларын әрдайым бұлжытпай сақтаңыз.

Анықтама ретінде төменде әдеттегі дозалары келтірілген.

Инфекцияларды емдеу

Ересек пациенттерде: тәулігіне 600-ден 1800 мг дейін 2, 3 немесе 4 дозасы түрінде.

6 жастан асқан балаларда: тәулігіне 8-ден 25 мг/кг дейін 3 немесе 4 дозасы түрінде.

Инфекциялық эндокардиттің профилактикасы үшін

Ересек пациенттерде: емшара алдындағы бір сағат ішінде 600 мг пероральді.

6 жастан асқан балаларда: емшара алдындағы бір сағат ішінде 15 мг/кг пероральді.

Енгізу әдісі және жолы

Пероральді қабылдау.

Капсулаларды тұтастай, бір үлкен стақан сумен ішіп жұтыңыз.

Далацин® капсулалары оларды тұтастай жұта алмайтын балаларға арналмаған.

Қабылдау уақыты көрсетілген қолданылу жиілігі

Инфекцияларды емдеу үшін: препараттың тәулігіне 2, 3 немесе 4 дозасы.

Профилактикалық ем: емшара алдындағы бір сағат ішінде 1 дозасы.

Емдеу ұзақтығы

Бұл антибиотик тиімді болуы үшін, оны жазып берілген дозаларында және дәрігер тағайындаған мерзім ішінде жүйелі түрде қабылдау қажет.

Қызбаның немесе кез келген басқа симптомдарының жоғалуы толық сауығуды білдірмейді.

Кез келген ықтимал шаршау сезімі антибиотикпен емдеумен емес, инфекциямен байланысты. Егер препараттың дозасын азайтса немесе емдеуді тоқтатса, бұл жай-күйге немесе сауығудың кешігуіне ықпал етпейді.

Артық дозаланған жағдайда қолдану қажет шаралар

Егер Сіз капсулалар түріндегі Далацин® препаратын әдеттегіден көп қабылдап қойсаңыз, тез арада өз дәрігеріңізге немесе фармацевтке хабарласыңыз.

Дәрілік препараттың бір немесе бірнеше дозасын жіберіп алған жағдайда қажет шаралар

Егер Сіз Далацин® капсулаларын қабылдауды ұмытып кетсеңіз, емделуді әдеттегі режимде, жіберіп алған дозасының орнын толтырмай-ақ жалғастырыңыз.

Тоқтату симптомдарының бар-жоқтығы жөніндегі нұсқау

Қатысы жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер Сізде осы препаратты қолдану жөнінде қандай-да бір қосымша сұрақтарыңыз болса, оларды өз дәрігеріңізге немесе фармацевтке қойыңыз.

8 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

25 оС -ден аспайтын температурада сақтау керек

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!