Алматы қаласындағы Инфузияға Арналған Интафлу Ерітіндісі 2% 100 Мл | Amanta Healthcare Ltd

Интафлю келесі зеңді инфекцияларда көрсетілген.

Ересектерде емдеу:

- криптококкты менингит

- кокцидиоидомикоз

- инвазиялық кандидоз

- шырышты қабықтар кандидозы, оның ішінде орофарингеальді кандидоз, өңеш кандидозы, кандидурия және созылмалы тері-шырышты қабықтар кандидозы

- ауыз қуысының созылмалы атрофиялық кандидозы (тіс протездерін қолданумен байланысты), ауыз қуысы гигиенасын қадағалау немесе жергілікті емдеу жеткіліксіз болғанда

Ересектердегі профилактика:

- қайталанулар қаупі жоғары пациентерде криптококкты менингит қайталанулары

- қайталану қаупі жоғары АИТВ инфекциясын жұқтырған пациентерде орофарингеальді кандидоз және өңеш кандидозының қайталанулары

- ұзаққа созылған нейтропения бар пациентерде (химиялық емнен өткен гемобластоздар бар пациенттер немесе гемопоэздік дің жасушаларын трансплантациялаудан өткен пациенттер) кандидозды инфекциялар профилактикасы

Мерзіміне жетіп туған нәрестелерді, сәбилерді және мектепке дейінгі және мектеп жасындағы балаларды, сондай-ақ 17 жасқа дейінгі жасөспірімдерді емдеу.

- шырышты қабықтар кандидозы (орофарингеальді кандидоз және өңеш кандидозы)

- инвазиялық кандидоз

- криптококкты менингит

- иммунитеті әлсіреген пациентердегі кандидозды инфекциялар профилактикасы

- қайталанулар қаупі жоғары балаларда криптококкты менингит қайталануларын болдырмау мақсатындағы демеуші ем.

Емді өсірінділік және басқа зертханалық зерттеулер нәтижелерін алуға дейін бастауға болады, алайда осы нәтижелерді алудан кейін зеңге қарсы емдеуді тиісті үлгіде түзету керек.

- флуконазолға, препараттың басқа компоненттеріне немесе флуконазолға құрылымы ұқсас азол заттарына жоғары сезімталдық

- Интафлюді 400 мг/тәулік және одан көп дозада көп рет қолдану кезінде терфенадинді бір мезгілде қабылдау

- цизаприд, астемизол, эритромицин, пимозид және хинидин сияқты QT аралығын ұзартатын және CYP3A4 ферменті арқылы метаболизденетін дәрілік препараттарды бір мезгілде қабылдау

- жүктілік және лактация кезеңі

Сақтықпен

Флуконазол қолдану аясында бауыр функциясы көрсеткіштерінің нашарлауы; флуконазол қолдану аясында беткейлік зеңді инфекция және инвазиялық/жүйелік зеңді инфекциялар бар науқастарда бөртпенің пайда болуы; терфенадин мен флуконазолды 400 мг/тәуліктен аз дозада бір мезгілде қолдану; көптеген қауіп факторлары бар науқастарда аритмия кезіндегі ықтималды жай-күйлер (органикалық жүрек аурулары, электролиттік теңгерім бұзылулары және осыған ұқсас бұзылулардың дамуына ықпал ететін қатар жүргізілетін ем).

Сирек жағдайларда Интафлю қолдану, ең алдымен, қатарлас аурулары бар науқастарда бауырдың, оның ішінде өліммен аяқталатын уыттылық өзгерістерімен қатар жүрді. Интафлю гепатоуытты әсері әдетте қайтымды болды, оның белгілері емді тоқтатудан кейін басылды. Интафлюмен емделу кезінде бауыр функциясының көрсеткіштері нашарлайтын науқастарды бауырдың зақымдану белгілерін анықтау мақсатында қадағалау қажет. Интафлю қолданумен байланысты болуы мүмкін бауыр зақымдануының клиникалық белгілері немесе симптомдары білінгенде препаратты тоқтату керек.

Интафлю сирек жағдайларда анафилаксиялық реакциялар туғызуы мүмкін.

Дерматологиялық реакциялар

Флуконазол қолдану кезінде эозинофилиямен және жүйелі көріністерімен (DRESS) дәрілік реакцияның дамуы мәлімделді.

Интафлюмен емдеу кезінде науқастарда сирек жағдайларда Стивенс-Джонсон синдромы және уытты эпидермалық некролиз сияқты эксфолиативті тері реакциялары дамыды. ЖИТС-пен науқастар көптеген препараттарды қолдану кезінде ауыр тері реакцияларының дамуына бейімірек. Беткейлік зеңді инфекцияны емдеу кезінде науқаста Интафлю қолданумен байланысты болуы мүмкін бөртпе білінгенде препаратты тоқтату керек. Инвазиялық/жүйелі зеңді инфекциялар бар науқастарда бөртпе білінгенде оларды мұқият қадағалап, буллезді зақымданулар немесе көп пішінді эритема пайда болғанда Интафлюді тоқтату керек.

Интафлю ЭКГ-да QT аралығының ұзаруын тудыруы мүмкін. Интафлю қолдану кезінде органикалық жүрек аурулары, электролиттік теңгерім бұзылулары және осындай бұзылулардың дамуына ықпал ететін қатар жүргізілетін ем сияқты көптеген қауіп факторлары бар науқастарда өте сирек QT аралығының ұзаруы және қарыншалар жыпылықтауы/дірілдеуі білінді. Сондықтан аритмия кезіндегі ықтималды жай-күйлері бар осындай пациенттерге Интафлю сақтықпен қолданылу керек.

Флуконазол күшті әсер ететін CYP2C9 тежегіші және орташа әсер ететін CYP3A4 тежегіші болып табылады. CYP2C9 және CYP3A4 арқылы метаболизденетін емдік өрісі тар дәрілермен қатар ем қабылдайтын флуконазолмен емделіп жүрген науқастар тексеруден өтуі тиіс.

Бауыр, жүрек аурулары бар пациенттерге Интафлюді қолданар алдында дәрігермен кеңесу ұсынылады.

Интафлю бүйрек дисфункциясы бар науқастарда сақтықпен қабылдануы тиіс.

Егер зеңді инфекция емдеуге берілмесе, зеңге қарсы баламалы ем қажет болуы мүмкін.

Педиатрияда қолдану

Балаларда байқалған жағымсыз құбылыстар мысалдары мен жағдайлары және қалып шегінен зертханалық ауытқулар ересектерде байқалған құбылыстармен салыстырмалы.

Жүктілік және лактация кезеңі

Флуконазолды әдеттегі дозаларында және қысқа курстармен жүктілік кезінде қажеттіліксіз пайдалануға болмайды. Флуконазолды жоғары дозаларда және/немесе ұзақ курстармен, өмірге қауіптілігі зор инфекциялардан басқа, жүктілік кезінде пайдалануға болмайды. Флуконазолдың стандартты дозаларын (< 200 мг/тәулік) алған, оны жүктіліктің бірінші триместрінде бір реттік немесе көп реттік доза түрінде қабылдаған бірнеше жүз жүкті әйелді зерттеу деректері шаранада қандай да бір жағымсыз әсерлерін көрсетпеді. Аналары кокцидиоидомикоз үшін флуконазолдың жоғары дозаларымен (күніне 400-800 мг) үш айдан кем емес немесе одан көп ай бойы ем алған емізулі балаларда көптеген туа біткен аномалиялар (оның ішінде брахицефалия, құлақ дисплазиялары, аса аумақты алдыңғы еңбек, ортан жіліктің алға қарай жайпақ физиологиялық иілісі және білек-иық синостозы) хабарланды.

Бала емізу кезінде пайдалану

Флуконазол емшек сүтіне қан сарысуындағыдан аз концентрацияда өтеді. Флуконазолдың 200 мг немесе одан аз стандартты дозасын бір рет пайдаланудан кейін (мысалы, қынаптық кандидоз) бала емізуді жалғастыруға болады. Көп рет пайдаланудан кейін немесе жоғары дозада қолданудан кейін бала емізуге кеңес берілмейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу немесе құрысулар туындауы мүмкін екендіктен, автокөлікті басқару немесе техниканы пайдалану кезінде сақтық шарасын қадағалау керек.

Гидрохлоротиазид: Интафлю мен гидрохлоротиазидті бір мезгілде қолдану плазмада Интафлю концентрациясын 40% арттырады. Осы жоғарылау әсері қатарлас диуретиктер алатын пациенттерде Интафлю дозаларын өзгертуді талап етпейді.

Рифампицин: Интафлю мен рифампицинді бір мезгілде қолдану Интафлю AUC (концентрация-уақыт қисығы астындағы аудан) 25% төмендеуіне және жартылай шығарылу кезеңінің 20% қысқаруына алып келеді. Рифампицинмен қатарлас ем алып жүрген науқастарда Интафлю дозасын арттыру қажет.

Интафлю P450 (CYP) 2C9 цитохромы изоферментінің қуатты тежегіші және CYP3A4 ферментінің орташа тежегіші болып табылады. Төменде көрсетілген өзара әрекеттесулерден тыс, Интафлюмен бір мезгілде қолдану кезінде CYP2C9 және CYP3A4 ферменттерімен метаболизденетін басқа қосылыстардың плазмалық концентрацияларының жоғарылау қаупі бар. Сондықтан осы біріктірілімдерді пайдалану кезінде сақтық танытып, ал науқастарды мұқият бақылау қажет. Интафлюдің ферментті тежеу әсері, жартылай шығарылу кезеңінің ұзаққа созылуына орай, Интафлю емін тоқтатудан кейін 4-5 күн сақталады.

Альфентанил: Интафлюмен бір мезгілде емдегенде альфентанил клиренсінің және таралу көлемінің төмендеуі, сондай-ақ T½ (жартылай шығарылу кезеңінің) ұзаруы байқалады. Болжамды әсер ету механизмі Интафлюдің CYP3A4 ферментін тежеуі болып табылады. Альфентанил дозасын түзету қажет болуы мүмкін.

Амитриптилин, нортриптилин: Интафлю амитриптилин мен нортриптилин әсерін күшейтеді. Біріктірілген емнің басында және апта өткенде 5-нортриптилин және/немесе S-амитриптилинді өлшеуге болады. Егер қажет болса, амитриптилин/нортриптилин дозасы түзетілуі тиіс.

Амфотерицин B: иммунитеті қалыпты және әлсіреген инфекция жұқтырған тышқандарда Интафлю мен B амфотерицинін бір мезгілде қолдану келесі нәтижелерді: C. albicans туғызған жүйелі инфекцияларда зеңге қарсы аздаған қосымша әсерін, Cryptococcus neoformans туғызған бассүйекішілік инфекция кезінде ешқандай өзара әрекеттесу болмауын, екі препараттың A. fumigatus туғызған жүйелі инфекцияға антагонизмін көрсетті. Осы зерттеуде алынған клиникалық мәнді нәтижелер белгісіз.

Антикоагулянттар: Интафлю варфаринмен бір мезгілде қолданылғанда протромбин уақытын (12%) ұзартады. Маркетингтен кейінгі зерттеуде, басқа да зеңге қарсы азол препараттары сияқты, варфаринмен бір мезгілде Интафлю алған науқастарда протромбин уақытының ұзаруымен байланысты қан кету көріністері (гематомалар, мұрыннан қан кетулер, асқазан-ішектен қан кетулер, гематурия және мелена) хабарланды. Кумариндік қатар антикоагулянттарын қабылдап жүрген науқастарда протромбин уақытын мұқият бақылау қажет. Варфарин дозасын түзету қажет болуы мүмкін.

Азитромицин: Интафлю мен азитромицин арасында ешқандай мәнді фармакокинетикалық өзара әрекеттесу анықталмады.

Бензодиазепиндер (қысқа әсер ететін): мидазоламмен бір мезгілде қолданғанда Интафлю мидазолам концентрациясының елеулі жоғарылауына және психомоторлық әсерлерге алып келеді. Интафлюді пероральді қабылдаудан кейін мидазоламға осындай әсері вена ішіне енгізу кезіндегіден айқындау. Егер Интафлю алатын науқастарға бензодиазепиндермен қатарлас ем қажет болса, бензодиазепиндер дозасын төмендету, ал науқастарды мұқият қадағалау қажет.

Интафлю, триазолам метаболизмінің тежелуі салдарынан, триазоламның (бір реттік доза) AUC мәнін шамамен 50%, Cmax 20-32% және t½ 25-50% арттырады. Триазолам дозасын түзету қажет болуы мүмкін.

Карбамазепин: Интафлю карбамазепин метаболизмін тежейді және сарысуда соңғысының концентрациясын 30% арттырады. Карбамазепинмен уыттанудың даму қаупі бар. Карбамазепин дозасын концентрация/әсер өлшеміне қарай түзету қажет болуы мүмкін.

Кальций өзекшелерінің блокаторлары: кальций өзекшелерінің кейбір антагонистері (нифедипин, исрадипин, амлодипин, верапамил және фелодипин) CYP3A4 ферментімен метаболизденеді. Интафлю кальций өзекшелері антагонистерінің жүйелі әсерін едәуір арттыруы мүмкін. Препараттардың жағымсыз әсеріне жиі мониторинг өткізу ұсынылады.

Флуконазолдың кальций өзекшесі антагонистерінің жүйелі әсерін арттыру қуаты бар. Жағымсыз құбылыстарға жиі мониторинг өткізу ұсынылады.

Целекоксиб: Интафлюмен (тәулігіне 200 мг) және целекоксибпен (200 мг) қатарлас ем жүргізу кезінде целекоксиб Cmax және AUC, тиісінше, 68% және 134% артты. Интафлюмен біріктіргенде целекоксиб дозасының жартысы қажет болуы мүмкін.

Циклоспорин: Интафлю циклоспориннің AUC және концентрациясын едәуір арттырады. Бұл біріктірілімді циклоспорин дозасын оның концентрациясына қарай төмендету арқылы пайдалануға болады.

Циклофосфамид: Интафлю мен циклофосфамидтің біріктірілген емі қан сарысуында билирубин мен креатинин деңгейлерінің жоғарылауына алып келеді. Біріктірілімді қан сарысуында билирубин мен креатинин деңгейлерінің жоғарылау қаупі білінгенше пайдалануға болады.

Фентанил: Интафлю фентанил элиминациясын едәуір кідіртеді. Фентанилдің жоғары концентрациялары тыныс алу жеткіліксіздігіне әкелуі мүмкін.

Галофантрин: Интафлю CYP3A4 тежеу әсері салдарынан плазмада галофантрин концентрациясын арттыруы мүмкін.

Гидроксиметилглутарил-кофермент A-редуктаза (ГМГ-КоA-редуктаза) тежегіштері: Интафлю аторвастатин мен симвастатин сияқты CYP3A4 арқылы немесе флувастатин сияқты CYP2C9 арқылы метаболизденетін ГМГ-КоA-редуктаза тежегіштерімен бір мезгілде тағайындалғанда миопатия және қаңқа бұлшық еттері жедел некрозының (рабдомиолиз) даму қаупі артады. Егер қатар жүргізілетін ем қажет болса, науқаста миопатия және рабдомиолиз симптомдарының білінуі қадағалануы тиіс, сондай-ақ креатинкиназа деңгейіне бақылау жүргізілуі тиіс. Егер креатинкиназа деңгейінің едәуір жоғарылауы байқалса немесе егер миопатия/рабдомиолиз дамуы диагностикаланса немесе күмән тудырса, ГМГ-КоA-редуктаза тежегіштерін қабылдауды тоқтату керек.

Лосартан: Интафлю Лосартанмен емделу кезінде жүретін ангиотензин II рецепторлары антагонизмінің басым бөлігіне жауап беретін лосартанның өз белсенді метаболитіне (Е-31 74) метаболизденуін тежейді. Науқастар артериялық қысымын тұрақты бақылап отыруы тиіс.

Метадон: Интафлю қан сарысуында метадон концентрациясын арттыруы мүмкін. Метадон дозасын түзету қажет болуы мүмкін.

Қабынуға қарсы стероидты емес препараттар (ҚҚСП): Интафлюмен бір мезгілде тағайындалғанда, флурбипрофен монотерапиясымен салыстырғанда, флурбипрофен Cmax және AUC, тиісінше, 23% және 81% артады. Дәл сол сияқты, Интафлю ибупрофен (400 мг) рацемиялық қоспасымен бір мезгілде тағайындалғанда, соңғысының монотерапиясымен салыстырғанда, фармакологиялық белсенді изомер [S-(+)-ибупрофен] Cmax және AUC, тиісінше, 15% және 82% артты.

Интафлю CYP2C9 арқылы метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелі әсерін күшейтуі мүмкін. ҚҚСП-мен байланысты жағымсыз әсеріне және уыттылығына жиі мониторинг өткізу ұсынылады. ҚҚСП дозасын түзету қажет болуы мүмкін.

Пероральді контрацептивтер: Интафлю 50 мг дозасының гормондар деңгейіне ешқандай елеулі әсері білінбеді, ал осы кезде 200 мг тәуліктік дозасында этинилэстрадиол мен левоноргестрел AUC (концентрация-уақыт қисығы астындағы аудан), тиісінше, 40% және 24% ұлғайды. Осылайша, Интафлюді осы дозаларында көп рет қолданудың ұрықтануға қарсы біріктірілген пероральді препараттар тиімділігіне ықпалын тигізуі екіталай.

Фенитоин: Интафлю фенитоиннің бауырдағы метаболизмін тежейді. Бір мезгілде қабылдағанда фенитоинмен уыттануды болдырмау үшін қан сарысуында фенитоиннің концентрация деңгейлері тексерілуі тиіс.

Преднизон: Интафлю және преднизонмен ұзақ уақыт емделіп жүрген науқастар Интафлю қабылдауды тоқтатудан кейін бүйрек үсті бездері қыртысының дамуы тұрғысынан бақылануы тиіс.

Рифабутин: Интафлюмен бір мезгілде қолдану қан сарысуында рифабутин деңгейлерінің 80% дейін артуына алып келеді. Интафлю мен рифабутин бір мезгілде тағайындалған науқастарда увеиттің даму жағдайлары хабарланды. Интафлю мен рифабутинді бір мезгілде алатын науқастардың жай-күйін мұқият бақылау қажет.

Саквинавир: Интафлю CYP3A4 арқылы саквинавирдің бауырдағы метаболизмін тежеу және Р-гликопротеин тежелісі есебінен саквинавир AUC шамамен 50%, Cmax шамамен 55% арттырады, ал саквинавир клиренсін шамамен 50% азайтады. Саквинавир дозасын түзету қажет болуы мүмкін.

Сиролимус: Интафлю, жорамал бойынша, CYP3A4 және Р-гликопротеин арқылы сиролимус метаболизмін тежеу жолымен плазмалық сиролимус концентрациясын арттырады. Бұл біріктірілімді әсер/концентрация өлшеміне қарай сиролимус дозасын түзету кезінде пайдалануға болады.

Сульфонилмочевина: Интафлю пероральді сульфонилмочевина препараттарын (мысалы, хлорпропамид, глибенкламид, глипизид, толбутамид) бір мезгілде қабылдағанда сарысудан жартылай шығарылу кезеңін ұзартады. Қан глюкозасын жиі бақылау және сульфонилмочевина дозасын тиісінше азайту ұсынылады.

Такролимус: Интафлю пероральді қабылдағанда CYP3A4 арқылы ішектегі такролимус метаболизмін тежеу есебінен сарысулық такролимус концентрацияларын 5 есеге дейін арттыруы мүмкін. Такролимус вена ішіне енгізілгенде ешқандай елеулі фармакокинетикалық өзгерістер анықталмады. Такролимус деңгейінің жоғарылауы нефроуыттылықпен байланысты болды. Пероральді такролимус дозасы препарат концентрациясына қарай азайтылуы тиіс.

Теофиллин: Интафлюді 14 күн бойы 200 мг қабылдау теофиллин клиренсі орташа жылдамдығының 18% төмендеуіне әкеледі. Интафлю мен теофиллинді жоғары дозаларда қабылдайтын науқастарды немесе теофиллиннің уытты әсер ету қаупі жоғары науқастарды теофиллиннің артық дозалану симптомдарын дер мезгілінде анықтау мақсатында мұқият қадағалау қажет; олар білінгенде емді тиісті үлгіде өзгерту керек.

Қабіршөп алкалоиды: Интафлю қабіршөп алкалоидының (мысалы, винкристин және винбластин) плазмалық деңгейлерін арттырып, CYP3A4 тежеу әсеріне орай, нейроуыттылыққа әкелуі мүмкін.

А дәрумені: Бұл біріктірілімді пайдалануға болады, бірақ ОЖЖ-мен байланысты жағымсыз әсерлерін анықтау мақсатында пациенттерді қадағалау керек.

Зидовудин: Интафлю пероральді қабылдағанда зидовудин клиренсінің шамамен 45% төмендеуі салдарынан зидовудин Cmax және AUC мәндерін, тиісінше, 84% және 74% арттырады. Интафлюмен біріктірілген емнен кейін зидовудиннің жартылай шығарылу кезеңі шамамен 128% ұзарады. Осы біріктірілімді алатын науқастар зидовудин қабылдаумен байланысты жағымсыз реакцияларды анықтау мақсатында қадағалануы тиіс. Зидовудин дозасын азайту қажет болуы мүмкін.

Тофаситиниб: тофаситинибті CYP3А4 орташа тежелісіне де, CYP2С9 күшті тежелуіне де әкелетін дәрілермен (флуконазол) бірге қабылдағанда әсері артады.

Интафлюдің басқа дәрілермен өзара әрекеттесуін зерттеулер әлі жүргізілмеген, бірақ осындай өзара әрекеттесулер туындауы мүмкін.

Вена ішіне енгізуге арналған Интафлю келесі ерітінділермен үйлесімді:

20% глюкоза ерітіндісі

Рингер ерітіндісі

Хартманн ерітіндісі

калий хлоридінің глюкозадағы ерітіндісі

натрий бикарбонатының 4.2% ерітіндісі

аминофузин

изотониялық физиологиялық ерітінді

Интафлюді инфузиялық жүйеге жоғарыда аталған ерітінділердің біреуімен бірге енгізуге болады. Оны басқа препараттармен араластыру ұсынылмайды.

Сирек жағдайларда Интафлю қолдану, ең алдымен, қатарлас аурулары бар науқастарда бауырдың, оның ішінде өліммен аяқталатын уыттылық өзгерістерімен қатар жүрді. Интафлю гепатоуытты әсері әдетте қайтымды болды, оның белгілері емді тоқтатудан кейін басылды. Интафлюмен емделу кезінде бауыр функциясының көрсеткіштері нашарлайтын науқастарды бауырдың зақымдану белгілерін анықтау мақсатында қадағалау қажет. Интафлю қолданумен байланысты болуы мүмкін бауыр зақымдануының клиникалық белгілері немесе симптомдары білінгенде препаратты тоқтату керек.

Интафлю сирек жағдайларда анафилаксиялық реакциялар туғызуы мүмкін.

Интафлюмен емдеу кезінде науқастарда сирек жағдайларда Стивенс-Джонсон синдромы және уытты эпидермалық некролиз сияқты эксфолиативті тері реакциялары дамыды.

Флуконазолды қолдану кезінде эозинофилиямен және жүйелі көріністермен (DRESS) болатын дәрілік реакцияны қоса, күрделі тері реакцияларының дамуы мәлімделді. [Өнім атауы] <қабылдау><пайдалану> тоқтату, ал егер сіз осының қандай да бірін байқасаңыз, дереу медициналық жәрдемге жүгініңіз. Осы күрделі тері реакциядарымен байланысты симптомдар 4 бөлімінде сипатталды.

ЖИТС-пен науқастар көптеген препаратты қолдану кезінде ауыр тері реакцияларының дамуына бейімірек. Беткейлік зеңді инфекцияны емдеу кезінде науқаста Интафлю қолданумен байланысты болуы мүмкін бөртпе білінгенде препаратты тоқтату керек. Инвазиялық/жүйелі зеңді инфекциялар бар науқастарда бөртпе білінгенде оларды мұқият қадағалау және буллезді зақымданулар немесе көп пішінді эритема пайда болғанда Интафлюді тоқтату керек.

Интафлю ЭКГ-да QT аралығының ұзаруын тудыруы мүмкін. Интафлю қолдану кезінде органикалық жүрек аурулары, электролиттік теңгерім бұзылулары және осындай бұзылулардың дамуына ықпал ететін қатарлас ем сияқты көптеген қауіп факторлары бар науқастарда өте сирек QT аралығының ұзаруы және қарыншалар жыпылықтауы/дірілдеуі білінді. Сондықтан аритмия кезіндегі ықтималды жай-күйлері бар осындай пациенттерге Интафлю сақтықпен қолданылу керек.

Флуконазол күшті әсер ететін CYP2C9 тежегіші және орташа әсер ететін CYP3A4 тежегіші болып табылады. CYP2C9 және CYP3A4 арқылы метаболизденетін емдік өрісі тар дәрілермен қатар ем қабылдайтын флуконазолмен емделіп жүрген науқастар тексеруден өтуі тиіс.

Бауыр, жүрек аурулары бар пациенттерге Интафлюді қолданар алдында дәрігермен кеңесу ұсынылады.

Интафлю бүйрек дисфункциясы бар науқастарда сақтықпен қабылдануы тиіс.

Педиатрияда қолдану

Балаларда байқалған жағымсыз құбылыстар мысалдары мен жағдайлары және қалып шегінен зертханалық ауытқулар ересектерде байқалған сондай құбылыстармен салыстырмалы.

Жүктілік және лактация кезеңі

Флуконазолды әдеттегі дозаларында және қысқа курстармен жүктілік кезінде қажеттіліксіз пайдалануға болмайды. Флуконазолды жоғары дозаларда және/немесе ұзақ курстармен, өмірге қауіптілігі зор инфекциялардан басқа, жүктілік кезінде пайдалануға болмайды.

Егер сіз жүкті болсаңыз, жүктілікті жоспарлап немесе бала емізіп жүрсеңіз, егер тек сізге бұл жөнінде өзіңіздің дәрігеріңіз айтпаған болса, сіз Интафлю қабылдамауға тиіссіз.

Жүктіліктің бірінші триместрі кезінде қабылданған флуконазол түсік тастау қаупін арттыруы мүмкін. Жүктіліктің бірінші триместрі кезінде төмен дозаларда қабылданған флуконазол сәбидің сүйектер және/немесе бұлшықеттердің туа біткен ақауларымен туу қаупін едәуір арттыруы мүмкін.

Дозалау режимі

Венаішілік инфузияларға арналған ерітінді.

Емді сеппе және басқа зертханалық зерттеулердің нәтижелерін алуға дейін бастауға болады. Алайда, осы зерттеулер нәтижелері белгілі болғанда инфекцияға қарсы емді тиісті үлгіде өзгерту қажет.

Көп реттік дозалармен емдеуді талап ететін инфекция түрлері үшін ем зертханалық тестілердің клиникалық көрсеткіштері белсенді зеңді инфекцияның басылғанын көрсеткенше жалғасуы тиіс. Емдеу кезеңінің талапқа сай болмауы белсенді инфекцияның қайталануына әкелуі мүмкін. ЖИТС және криптококкты менингит немесе қайталанатын орофарингеальді кандидоз бар науқастарға, әдетте, аурудың қайталануына жол бермеу үшін демеуші ем қажет болады.

Интафлюді вена ішіне инфузия арқылы 10 мл/минуттан аспайтын жылдамдықпен енгізуге болады. Флуконазолдың күнделікті дозасы зеңді инфекцияның сипатына және ауырлық дәрежесіне негізделуі тиіс. Енгізу тәсілін таңдау науқастың клиникалық жай-күйіне байланысты. Пациентті препаратты вена ішіне енгізуден пероральді қабылдауға ауыстырғанда тәуліктік дозаны өзгерту қажет емес.

Интафлюдің тәуліктік дозасы зеңдік инфекция сипатына және ауырлығына байланысты.

Флуконазол 0.9% натрий хлориді ерітіндісінен тұрады, әр 200 мг (100 мл бөтелке) құрамында әрқайсысы 15 ммоль Na+ және CL- бар. Флуконазол сұйылтылған тұз ерітіндісі түрінде болатындықтан, натрий қажет болатын немесе сұйықтық ішуге шектеу қойылатын науқастарда сұйықтық ішу жылдамдығын ескеру керек.

Ересектерде қолдану

1. Криптококкты менингитте және басқа жерде орналасқан криптококкты инфекцияларда, әдетте, бірінші күні 400 мг тағайындалады, ал артынан емдеуді тәулігіне бір рет 200-400 мг дозада жалғастырады. Криптококкты инфекцияларды емдеу ұзақтығы клиникалық және микологиялық әсерінің болуына байланысты; криптококкты менингитте емдеу ұзақтығы, әдетте, 6-8 апта.

ЖИТС-пен науқастарда криптококкты менингиттің қайталану профилактикасында ұсынылатын Интафлю дозасы – 200 мг/тәулік.

2. Кандидемия, диссеминацияланған кандидоз және басқа инвазиялық кандидозды инфекциялар кезінде доза, әдетте, бірінші күні 400 мг, ал одан кейін 200 мг/тәулік құрайды. Клиникалық әсер айқындылығына қарай дозаны 400 мг/тәулікке дейін арттыруға болады.

Ем ұзақтығы клиникалық әсеріне байланысты.

3. Орофарингеальді кандидозда қайталану ықтималдығын төмендету үшін әдеттегі доза –7-14 күн бойы күніне бір рет 50-100 мг. Иммундық тапшылығы айқын науқастарда емдеу, қажет болса, одан да ұзақ кезеңде жалғасуы тиіс.

Тіс протездерін салумен байланысты атрофиялық оральді кандидозда препарат протезге арналған жергілікті антисептикалық шаралармен біріктіріліп, әдетте, 14 күн бойы тәулігіне бір рет 50 мг дозада тағайындалады.

Шырышты қабықтардың басқа кандидозды инфекцияларында (генитальді кандидозды қоспағанда, төменнен қараңыз), мысалы, эзофагит, инвазиялық емес бронх-өкпе инфекциялары, кандидурия, дерматомикоз және т.б. кезінде 14-30 күн емдеу ұзақтығымен тиімді доза, әдетте, 50-100 мг/тәулік құрайды.

ЖИТС-пен науқастарда орофарингеальді кандидоз қайталануларының профилактикасында бастапқы емнің толық курсы аяқталған соң Интафлюді аптасына бір рет 150 мг-ден тағайындауға болады.

4. Қынаптық кандидозда Интафлю бір рет 150 мг дозада тағайындалады. Қынаптық кандидоз профилактикасында препаратты айына бір рет 150 мг дозада қолдануға болады. Ем ұзақтығы әркімге жеке белгіленеді; ол 4-тен 12 айға дейін ауытқиды. Кейбір науқастарға жиірек дозалау қажет болуы мүмкін.

Қынаптық кандидоздың көптеген жағдайлары бір реттік дозамен емге реакция береді.

5. Қатерлі жаңа түзілімдер бар науқастардағы зеңді инфекциялар профилактикасында зеңді инфекцияның даму қаупінің дәрежесіне қарай ұсынылатын Интафлю дозасы тәулігіне бір рет 50-400 мг құрайды. Жайылған инфекция қаупі жоғары науқастар, мысалы, айқын немесе ұзақ сақталатын нейтропения болжанатын науқастар үшін ұсынылатын доза тәулігіне бір рет 400 мг құрайды. Интафлю қабылдау болжанған нейтропения ұстамасы алдында бірнеше күн бұрын басталуы және нейтрофильді лейкоциттер санының мм3 1000 жасушадан артық көбеюінен кейін 7 күн бойы жалғасуы тиіс.

6. Табанның, бүкіл дененің тегіс терісінің, аяқ-қолдың микоздарын қоса, дерматомикоздарда ұсынылатын доза аптасына бір рет 150 мг немесе тәулігіне бір рет 50 мг құрайды. Ем ұзақтығы, әдетте, 2-4 аптаға созылады, алайда табан микоздарында ұзағырақ емдеу (6 аптаға дейін) қажет болуы мүмкін.

Кебек тәрізді теміреткіде ұсынылатын доза 2 апта бойы аптасына бір рет 300 мг құрайды; кейбір науқастарға аптасына 300 мг үштен бір дозасы қажет, ал кейбір науқастар үшін 300-400 мг бір реттік дозасы жеткілікті болады. Баламалы емдеу сызбасы 2-4 апта бойы тәулігіне бір рет 50 мг препаратты қолдану болып табылады.

Онихомикоз кезінде ұсынылатын доза аптасына бір рет 150 мг құрайды. Емдеуді сау тырнақ пластинкасы толық өсіп шыққанша жалғастырған жөн. Қол саусақтары мен аяқ башпайларының тырнақтары қайта өсу үшін әдетте, тиісінше, 3-6 ай және 6-12 ай қажет болады. Алайда, өсу жылдамдығы әр алуан адамда, сондай-ақ жас ерекшелігіне қарай кең ауқымда өзгеріп отыруы мүмкін. Ұзақ уақыт сақталған созылмалы инфекциялар сәтті емделгеннен кейін кейде тырнақ пішінінің өзгеруі байқалады.

Терең эндемиялық микоздарда препаратты 2 жыл бойы 200-400 мг/тәулік дозада қолдану қажет болуы мүмкін. Емдеу ұзақтығы әркімге жеке таңдалуы тиіс, бірақ кокцидиоидомикоз үшін 11-24 ай, паракокцидиоидомикоз үшін 2-17 ай, споротрихоз үшін 1-16 ай және гистаплазмоз үшін 3-17 ай шегінде.

Ем ұзақтығы әркімге жеке белгіленеді.

Балаларда қолдану

Ересектердегі сияқты, ұқсас инфекцияларда емдеу ұзақтығы клиникалық және микологиялық әсеріне байланысты.

Ересектер үшін ең жоғары күнделікті доза балаларда асырылмауы тиіс. Флуконазол күн сайын бір реттік дозада қабылданады. Шырышты қабықтар кандидозында ұсынылатын Интафлю дозасы 3 мг/кг/тәулік құрайды. Тұрақты тепе-тең концентрацияларына тезірек жету мақсатында бірінші күні 6 мг/кг екпінді доза тағайындауға болады.

Жайылған кандидозды және криптококкты инфекцияны емдеу үшін аурудың ауырлығына қарай ұсынылатын доза 6-12 мг/тәулік құрайды.

Цитоуытты химиялық ем немесе сәулемен ем алатын, нейтропения салдарынан қауіп тобында болып саналатын иммундық тапшылығы бар науқастарда зеңді инфекциялар профилактикасында препарат индукцияланған нейтропения айқындылығына және сақталу ұзақтығына қарай 3-12 мг/тәулік тағайындалады.

4 апталық және одан кіші жастағы балаларда қолдану

Жаңа туған нәрестелерде Интафлю баяу шығарылады. Өмірінің алғашқы 2 аптасында препарат олардан үлкен балалардағы сияқты дозада, бірақ 72 сағат аралықпен тағайындалады. 3 және 4 апталық балаларға дәл сол доза 48 сағат аралықпен енгізіледі.

Егде жастағы адамдарда қолдану

Бүйрек жеткіліксіздігінің белгілері болмаса, препарат әдеттегі дозада тағайындалады.

Бүйрек жеткіліксіздігі бар науқастарда қолдану

Бір рет қабылдағанда дозаны өзгерту қажет емес. Балаларды қоса, бүйрек функциясының бұзылуы бар науқастарда препаратты көп рет қолданғанда бастапқыда 50 мг-ден 400 мг дейінгі екпінді доза енгізіліп, одан кейін тәуліктік дозасы (көрсетіліміне қарай) келесі кестеге сәйкес белгіленеді: