Name: кераворт кремі 5% 250 мг №12
SKU: 5b91e3f5-1add-4f3f-8f5e-fffb79cd1d4d
Price: 15653 KZT
Availability: InStock

Қолдану көрсеткіштері

- сыртқы генитальді және перианальді сүйелдерде (өткір ұшты кондиломалар)

- ересектердегі аздаған беткейлік базальді жасушалы карциномада (ВСС)

- зақымдардың өлшемі және мөлшері криотерапияның тиімділігін және/немесе мақсатқа сәйкестігін шектегенде, ал жергілікті емдеудің басқа әдістерін қолдануға болмайтын немесе мақсатқа сәйкестігі азырақ жағдайда, иммундық жүйесі қалыпты функцияланатын пациенттердің бет немесе бас терісіндегі клиникалық тұрғыдан типті, гиперкератозды емес, гипертрофиялық емес актиникалық кератозда (AK)

Қарсы көрсеткіштер

- препарат компоненттеріне аса жоғары сезімталдық

- 18 жасқа дейінгі балалар

- жүктілік және лактация кезеңі

Қолдану кезіндегі қажетті сақтандыру шаралары

Тек жергілікті қолдану үшін, ішке қабылдауға немесе жұтуға болмайды. Көзге тиюден аулақ болыңыз. Көзге тиген жағдайда сумен жақсылап шайыңыз. Тұрақты қолданғаннан кейін нашарлау немесе жақсарту болмаса, дәрігермен кеңесіңіз.

Басқа дәрілік препараттармен өзара әрекеттесуі

Анықталған жоқ. Кераворт кремі иммунитетті стимуляциялайтын болғандықтан, иммуносупрессорларды қабылдап жүрген пациенттерде абайлап пайдаланған жөн.

Арнайы сақтандырулар

Барлық көрсетілімдерде қолдану ерекшеліктері

Көз, ерін және мұрын шырышына тигізіп алмаңыз.

Имихимод терідегі қабыну үдерістерін асқындыруы мүмкін.

Кремді аутоиммунды жағдайлары бар пациенттерге, ағзалар трансплантациясын бастан өткерген пациенттерге сақтықпен қолдану керек.

Егер тері алдыңғы дәрі-дәрмекпен немесе хирургиялық емдеуден кейін жазылмаса креммен емдеуге кеңес берілмейді. Кремді зақымданған теріге жағу имихимодтың жүйелі сіңірілуін жоғарылатуы мүмкін, бұл жағымсыз реакциялардың туындау қаупінің жоғарылауына әкеледі.

Окклюзиялық таңғыш пайдаланбаған жөн.

Препараттың құрамына кіретін қосымша заттар, цетил спирті, стеарил спирті, метилпарагидроксибензоат, пропилпарагидроксибензоат аллергиялық реакциялар туындатуы мүмкін.

Сирек жағдайларда жедел қабыну реакциясы, оның ішінде кремді имихимодпен бірнеше жағудан кейін сулану немесе эрозия байқалуы мүмкін. Жергілікті жедел қабыну реакциялары тұмауға ұқсас жүйелі белгілермен және симптомдармен, оның ішінде дімкәстікпен, қызбамен, жүрек айнуымен, бұлшықет ауыруымен және қалтыраумен қатар жүруі немесе тіпті алдын ала байқалуы мүмкін.

Имихимодты анемиясы бар пациенттерге сақтықпен қолдану қажет.

Сыртқы генитальді кондиломалар.

Күпек аумағындағы кондиломасы бар еркектерді күнделікті гигиеналық емшаралар жүргізген жағдайда ғана емдеуге болады. Олар болмаса стриктура пайда болуы немесе күпек қозғалысының қиындауының артуы мүмкін, бұл фимозға және стриктураға әкелуі мүмкін.

Уретральді, интравагинальді, цервикальді, ректальді немесе интраанальді сүйелдерді емдеуге ұсынылмайды. Жарасы ашық тіндерді немесе жараларды олар толық жазылғанға дейін емдеу тағайындалмайды.

Креммен емдеген кезде тері реакциялары таралған. Осыған байланысты, егер тері реакциясына төзу мүмкін болмаса, крем жаққан жерді сабынды жылы сумен шаю керек. Креммен емдеуді тері реакциялары басылғаннан кейін қайта бастауға болады.

Генитальді және перианальді сүйелдерді басқа дәрілік заттармен емдеуден кейін бірден кремді пайдалану бойынша клиникалық деректер жоқ.

Құрамында имихимод бар кремді қолданған жағдайда жыныстық қатынас алдында жуу керек. Ол презервативтер мен қынаптық диафрагмалардың әсерін азайтуы мүмкін. Контрацепцияның басқа құралдарын пайдалану қажет.

Иммунитеті әлсіреген пациенттерге креммен қайта емдеуге кеңес берілмейді.

АИТВ-оң пациенттерде кондиломаларды емдеу кезінде кремді пайдалану үнемі тиімді бола бермейді.

Беткейлік базалиомалар:

Базалиоманы емдегенде кремді шаш өсетін шекарадан, көз, ауыз немесе мұрын шетінен 1 см-ден жақын жақпау керек.

Емделу кезінде және толық жазылғанға дейін зақымданған тері сау теріден айқын еркшеленеді. Жергілікті тері реакциялары қалыпты болып табылады, бірақ бұл реакциялардың өткірлігі әдетте емделу кезінде төмендейді және олар емді тоқтатқаннан кейін төмендейді. Жазылу жылдамдығы мен жергілікті тері реакцияларының (мысалы, эритема) айқындығы арасында байланыс бар. Осы жергілікті тері реакциялары жергілікті иммундық реакцияның стимуляциясымен байланысты болуы мүмкін. Пациенттің жайсыз сезінуі немесе ауыр жергілікті тері реакциялар себебінен емдеуде бірнеше күнге үзіліс жасауға болады. Емді тері реакциялары басылғаннан кейін қайта бастауға болады.

Емнің клиникалық нәтижесін ем аяқталғаннан кейін шамамен 12 аптадан соң тері қалпына келгеннен кейін бағалауға болады.

Иммунитеті әлсіреген пациенттерде кремді пайдалану бойынша клиникалық деректер жоқ.

Үлкен ісіктерді (>7,25 см2) имихимодпен емдеуге аса жарамайды.

Емделіп жатқан тері беткейін ультракүлгін сәуленің әсерінен қорғау қажет.

Актиникалық кератоз.

Егер зақымданулар актиникалық кератоз үшін клиникалық тұрғыдан атипиялық болса немесе қатерлі жаңа түзілімдерге күдік болған жағдайда биопсия жүргізу қажет.

Актиникалық кератозды емдегенде кремді қабаққа, мұрынның немесе құлақтың ішкі беткейіне немесе еріннің қызыл жиегіне жағуға болмайды.

Беттің немесе бастың терісіне қарағанда басқа да анатомиялық орындарды емдеу үшін кремді пайдалануға қатысты деректер өте шектеулі. Қолтық астындағы орындарда және қолұшындағы кератозды емдеу бойынша деректер тиімділікті растамайды және мұндай қолдануға кеңес берілмейді.

Имихимод мүйізгекті кератома кезінде байқалатын айқын гиперкератозы немесе гипертрофиясы бар актиникалық зақымдануларды емдеуге ұсынылмайды.

Емделу кезінде және толық жазылғанға дейін зақымданған тері сау теріден айқын еркшеленеді. Жергілікті тері реакциялары қалыпты болып табылады, бірақ бұл реакциялардың айқындылығы әдетте емделу кезінде төмендейді және олар емді тоқтатқаннан кейін басылады. Жазылу жылдамдығы мен жергілікті тері реакцияларының (мысалы, эритема) айқындығы арасында байланыс бар. Осы жергілікті тері реакциялары жергілікті иммундық реакцияның стимуляциясымен байланысты болуы мүмкін. Пациенттің жайсыз сезінуі немесе ауыр жергілікті тері реакциялар себебінен емдеуде бірнеше күнге үзіліс жасауға болады. Емді тері реакциялары басылғаннан кейін қайта бастауға болады.

Емнің әрбір кезеңі өткізіп алған дозалар немесе демалу кезеңдері үшін 4 аптадан аспауы тиіс.

Емнің клиникалық нәтижесін ем аяқталғаннан кейін шамамен 4-8 аптадан соң тері қалпына келгеннен кейін бағалауға болады.

Иммунитеті әлсіреген пациенттерде кремді пайдалану бойынша клиникалық деректер жоқ.

Емделуі тиіс тері беткейін ультракүлгін сәуленің әсерінен қорғау қажет.

Жүктілік және лактация кезеңі

Зерттеу жүргізілген жоқ.

Препараттың көлік құралын немесе қауіпті механизмдерді басқару қабілетіне ықпал ету ерекшеліктері

Емдеу кезінде әлсіздік және бас айналу туындауы мүмкін болғандықтан, автокөлікті басқарғанда немесе басқа механизмдермен жұмыс жасағанда, сондай-ақ зейін қоюды қажет ететін жұмыстарды орындағанда сақтық танытқан жөн.

Қолдану жөніндегі нұсқаулар

Кераворт кремін қолдану жиілігі және емдеу ұзақтығы әр көрсетілім үшін әрқалай.

Ересектердегі сыртқы генитальді сүйелдер:

Кераворт кремді ұйықтар алдында аптасына 3 рет (мысалы, дүйсенбі, сәрсенбі және жұма; немесе сейсенбі, бейсенбі және сенбі) қолдану керек және теріде 6 сағаттан 10 сағатқа дейін қалуы тиіс. Креммен емдеуді генитальді немесе перианальді кондиломалар жоғалғанға дейін жалғастыру керек, бірақ кондиломалар әр пайда болған кезде 16 аптадан артық емес.

Ересектердегі шектеулі беткейлі базальді жасушалық карцинома.

Кремді ұйқыға жатар алдында 6 апта бойы аптасына 5 күн қатарынан (мысалы, дүйсенбіден бастап жұманы қоса) жағып, теріде шамамен 8 сағатқа қалдырады.

Ересектердегі актиникалық кератоз.

Емді дәрігер тағайындайды және бақылайды. Кераворт кремін ұйқыға жатар алдында төрт апта бойы аптасына 3 рет (мысалы, дүйсенбі, сәрсенбі және жұма) жағып, теріде 8 сағатқа қалдыру қажет. Зақымданған жердің бәріне крем жеткілікті мөлшерде жағылады. Емдеуді тоқтатқаннан кейін 4 аптадан соң актиникалық кератоздың бар-жоқтығына баға беру қажет. Егер қандай да болсын біліністер қалса, емдеуді тағы 4 аптаға жалғастыру қажет. Ең жоғары ұсынылатын доза – бір пакет. Ұсынылатын емнің ең ұзағы – 8 апта.

Егер жергілікті жедел қабыну реакциясы байқалса немесе өңделген жерге инфекция жұқса, емдеуді тоқтату қажет. Соңғы жағдайда тиісті шараларды қолдану қажет. Емдеудің әрбір кезеңі, өткізіп алған дозаларға немесе демалыс кезеңіне байланысты, 4 аптадан аспауы тиіс.

Егер емдеудің екінші кезеңінен кейін 4-8 аптадан соң тексергенде емге зақымданған жерлерде жеткілікті реакция болмаса, басқа емді қолдану қажет.

Жүргізілген курстардан кейін актиникалық кератоз қайталанса бір немесе екі қосымша курспен 12 апталық үзілістен кейін Кераворт кремімен қайта емдеуге болады.

Кремді жағар алдында терінің зақымданған жерін сабынмен жуу және оларды кептіру қажет. Кремнің жеткілікті мөлшерін бүкіл зақымданған аумаққа жағады. Кремді толық сіңгенше зақымданған аумаққа ысқылау керек. Кремді ұйықтар алдында жағу қажет, ол теріде 8 сағатқа жуық болуы тиіс. Бұл уақытта душқа немесе ваннаға түспеген жөн. Аталған уақыт өткен кезде сабынды жылы сумен шаю қажет.

Бұрын ашылған пакеттегі кремді қайталап пайдалануға болмайды! Кремді жаққанға дейін және жаққаннан кейін қолды сабынды сумен жуу қажет.

Егер дозаны өткізіп алса, пациент кремді еске түсіру бойына жағуы тиіс, әрі қарай емдеуді әдеттегі график бойынша жалғастыру қажет. Алайда кремді жағуды тәулігіне бір реттен асырмау керектігін ұмытпаған жөн.

Өзара әрекеттесуі