Алматы қаласындағы Рибоксин Көктамыр Ішіне Енгізуге Арналған Ерітінді 2% 5мл №10 | Дальхимфарм ОАО

Жүректің ишемиялық ауруын, басынан өткерген миокард инфарктісінен кейін, өткерген инфекциялық аурулардан кейінгі миокардиодистрофия аясында жүрек гликозидтерін қолданумен байланысты жүрек ырғағының бұзылуын кешенді емдеуде. Бауыр ауруларында (гепатит, цирроз, майлы дистрофия).

- препаратқа жоғары сезімталдық

- подагра

- гиперурикемия

- жүктілік және лактация кезеңі

- 18 жасқа дейінгі балалар (тиімділігі мен қауіпсіздігі анықталмаған)

- бүйрек жеткіліксіздігі.

Бүйрек жеткіліксіздігі кезінде дәрілік заттарды дәрігердің пікірі бойынша күтілетін емдік әсері қолданғанда төнетін ықтимал қауіптен басым болғанда ғана қолданылуы мүмкін.

Емдеу кезінде қанда несеп қышқылы деңгейін үнемі бақылап отырған жөн.

Препаратты бүйрек функциясының бұзылуларында сақтықпен тағайындайды.

Қышыну және тері гиперемиясы пайда болғанда препаратты қолдануды тоқтату керек.

Кешенді ем құрамында қолданғанда Рибоксин аритмияға қарсы, антиангинальді және инотроптық дәрілік препараттар тиімділігінің жоғарылауына мүмкіндік береді.

Рибоксинді бета-адреноблокаторлармен бір мезгілде қолданғанда Рибоксиннің әсері төмендемейді. Жүрек гликозидтерімен біріктіргенде препарат аритмияның пайда болуына жол бермеуі және инотроптық әсерін күшейтуі мүмкін.

Иммунодепрессанттармен бір мезгілде қолданғанда тиімділігі төмендейді.

Рибоксиннің басқа топтағы дәрілік заттармен клиникалық тұрғыдан маңызды өзара әрекеттесуі сипатталмаған.

Рибоксинді, препараттардың химиялық үйлесімсіздігіне жол бермеу үшін, басқа дәрілік заттармен бір шприцте араластырмаған жөн.

Дозалау режимі

Ересектерге

Емдеуді күніне 1 рет 200 мг (10 мл 2 % ерітінді) енгізуден бастайды, содан соң жағымдылығы жақсы болғанда дозаны күніне 1-2 рет 400 мг (20 мл 2 % ерітінді) дейін арттырады. Емдеу ұзақтығы 10-15 күн.

Жүрек ырғағының жедел бұзылуларында препарат бір реттік 200-400 мг дозада (10-20 мл 2 % ерітінді) сорғалатып енгізілуі мүмкін.

Ишемияланған бүйрекке  фармакологиялық қорғанысты қамтамасыз ету үшін бүйрек артерияларын қысқанға дейін 5-15 минут бұрын рибоксинді бір реттік 1,2 г (60 мл 2 % ерітінді) дозада, одан әрі қан айналымы қалпына келгеннен кейін іле-шала тағы 0,8 г (40 мл 2 % ерітінді) вена ішіне сорғалатып енгізеді.

2 % ерітіндіні вена ішіне тамшылатып енгізу үшін препаратты 5 % глюкоза ерітіндісінде немесе натрий хлоридінің изотониялық ерітіндісінде (250 мл дейін) сұйылтады.

Енгізу әдісі мен жолы

Рибоксин вена ішіне сорғалатып (баяу) немесе тамшылатып (минутына 40-60 тамшы) тағайындалады.

Артық дозаланған жағдайда қабылдануы тиіс шаралар

Симптомдары: аллергиялық реакциялар болуы мүмкін.

Емі: симптоматикалық, ауыр жағдайларда дәрігермен қаралу керек.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Препаратты әрдайым қосымша параққа немесе емдеуші дәрігердің ұсыныстарына сәйкес қабылдаңыз.

5 мл-ден бейтарап шыны ампулаларда.

10 ампуладан медициналық қолдану жөніндегі жөніндегі қазақ және орыс тілдеріндегі нұсқаулықпен және ампула ашуға арналған пышақпен немесе ампулалық скарификатормен бірге картон қорапқа салынады.

Ойықтары, сақиналары және сындыру нүктелері бар ампулаларды пайдаланған кезде ампулаларды ашуға арналған пышақ немесе ампулалық скарификатор салынбайды.

Жарықтан қорғалған жерде, 15°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды.