Алматы қаласындағы Вальсакор Н Таблеткалары 160 Мг/12,5 Мг №56 | KRKA d.d., Novo mesto

- артериялық гипертензия

- Вальсакор® препаратымен монотерапия кезінде артериялық қысымды жеткілікті бақылау мүмкін емес артериялық гипертензиясы бар пациенттерді емдеуде

- валсартанға, гидрохлоротиазидке, сульфонамид туындыларына немесе Вальсакор® Н басқа да қосымша заттарына аса жоғары сезімталдық

- жүктілік және лактация кезеңі

- бауыр функциясының ауыр бұзылулары, билиарлы цирроз және холестаз

- анурия, бүйрек функциясының ауыр бұзылулары (креатинин клиренсі < 30 мл/мин)

- рефрактерлік гипокалиемия, гипонатриемия, гиперкальциемия және симптоматикалық гиперурикемия

- 2 типті қант диабеті бар пациенттерде валсартан немесе алискиренмен АӨФ тежегіштерін қоса, ангиотензин рецепторларының антагонистерін бір мезгілде қолдану

Валсартанмен байланысты

Ангиотензин рецепторларының тежегіштерімен, АӨФ тежегіштерімен немесе алискиренмен ренин-ангиотензин-альдостерон жүйесін (РААЖ) қосарлы бөгеу

Валсартанды қоса, ангиотензин рецепторларының тежегіштерін РААЖ-ға әсер ететін басқа препараттармен бір мезгілде қолдану гипотензия, гиперкалиемия жиілігінің артуымен және бүйрек функциясының монотерапиямен салыстырғанда өзгеруімен байланысты. Валсартан және РААЖ-ға әсер ететін басқа препараттар қабылдайтын пациенттерде артериялық қысымды, бүйрек функциясын және электролиттерді бақылау ұсынылады.

Калий

Калий тұздарын, калий жинақтаушы диуретиктерді, құрамында калий бар ас тұзын алмастырғыштарды немесе қанда калий концентрациясының жоғарылауын туындатуға қабілетті кез келген басқа дәрілік препараттарды (мысалы, гепарин) бір мезгілде қолдану алдын ала сақтану шараларын қадағалауды, атап айтқанда, қандағы калий концентрациясын жиі анықтауды талап етеді.

Қабынуға қарсы стероидты емес препараттар (ҚҚСП), ЦОГ-2 селективті тежегіштерін қоса

Ангиотензин II антагонистерін ҚҚСП-мен бір мезгілде қолданғанда гипотензиялық әсердің төмендеуі пайда болуы мүмкін. Бұдан басқа, бір мезгілде ангиотензин II антагонистері мен ҚҚСП қолдану бүйрек функциясының бұзылу қаупінің және қан сарысуындағы калий деңгейінің жоғарылауына әкелуі мүмкін. Сондықтан емдеудің басында бүйрек функциясын бақылау, сондай-ақ пациентті тиісінше гидратациялау ұсынылған.

Тасымалдағыштар

Валсартан OATP1B1 бауырдағы қармау тасымалдағышының субстраты және MRP2 бауырлық эффлюксті тасымалдағыш болып табылады. Бауырлық қармау тасымалдағышының тежегіштерін (рифампицин, циклоспорин) немесе эффлюксті тасымалдағышты (ритонавир) бір мезгілде қолдану валсартанның жүйелік әсерін арттыруы мүмкін.

Басқа препараттар

Валсартанмен валсартанның мына заттардың кез келгенімен клиникалық мәнді өзара әрекеттесуі байқалды: циметидин, варфарин, фуросемид, дигоксин, атенолол, индометацин, гидрохлоротиазид, амлодипин, глибенкламид.

Дозалау режимі

Вальсакор® Н препаратының ұсынылатын дозасы – күн сайын тәулігіне бір рет 1 таблеткадан. Жеке компоненттердің дозаларын таңдау арқылы осы біріктірілген препараттың дозасын титрлеу жүргізу ұсынылады. Әрбір жағдайда жекелеген компоненттердің титрленуін гипотония және басқа да жағымсыз құбылыстар қаупін төмендету үшін келесі дозаға дейін арттыру керек.

Қажет болса, дозаны 160 мг валсартан мен 25 мг гидрохлортиазидке (1 таблетка Вальсакор® Н 160мг/25мг) дейін арттыруға болады.

Пациенттердің ерекше топтары

Балалар

Вальсакор® Н қауіпсіздік және тиімділік жөніндегі деректердің болмауына байланысты 18 жасқа дейінгі балалар мен жасөспірімдерде қолдануға ұсынылмайды.

Егде жастағы пациенттер

Егде жастағы пациенттерде дозаны түзету қажет емес.

Бауыр жеткіліксіздігі бар пациенттер

Холестаздың қатарлас емес құбылыстарынсыз шығу тегі билиарлы емес жеңіл және орташа бауыр жеткіліксіздігі бар пациенттерде гидрохлоротиазид дозасын түзету талап етілмейді.

Бүйрек жеткіліксіздігі бар пациенттер

Жеңіл немесе орташа бүйрек жеткіліксіздігі бар пациенттерде (креатинин клиренсі > 30 мл/мин) препараттың дозасын түзету қажет емес.

Енгізу жолы және тәсілі

Ішке қабылдау үшін.

Қабылдау уақыты көрсетілген қолдану жиілігі

Күн сайын тәулігіне бір рет 1 таблеткадан.

Емдеу ұзақтығы

Гипотензиялық ең жоғары әсері емдеудің алғашқы 2-4 аптасында байқалады.

Артық дозалану жағдайында қабылдануы қажет шаралар

Симптомдары: валсартанмен артық дозалану айқын гипотензиямен байқалуы мүмкін, ол өз кезегінде, сананың көмескіленуіне, жүрек жеткіліксіздігінің дамуына және/немесе гиповолемиялық шокқа әкелуі мүмкін.

Гидрохлоротиазидпен артық дозаланғанда мынадай белгілер мен симптомдар болуы мүмкін: жүрек айну, ұйқышылдық, гиповолемия, электролиттер теңгерімінің бұзылуы, соның салдарынан, аритмия және бұлшықеттердің түйілуі.

Емі: емдік шаралар шамадан тыс дозаны қабылдағаннан кейінгі уақытқа, сондай-ақ симптомдардың түрі мен ауырлығына байланысты, осы орайда алғашқы кезектегі шара гемодинамиканы қалыпқа түсіру болып табылады. Артық дозалану кезінде препарат қабылдаудан кейін өткен уақытқа қарай қабылданған шараларда құстыру, асқазанды шаю және/немесе белсендірілген көмір қабылдау қамтылуы тиіс.

Гипотензияда пациентті жатқызып, кейінге қалдырмастан изотониялық тұзды ерітінді енгізу арқылы су-тұз теңгерімінің қалпына келтірілуін қамтамасыз ету керек.

Валсартанды организмнен ол плазма ақуыздарымен байланысатындықтан гемодиализ арқылы шығарылмайды, бірақ организмнен гидрохлоротиазидті шығару үшін гемодиализ тиімді.

Дәрілік препараттың бір немесе бірнеше дозасын жіберіп алғанда қажетті шаралар

Дәрігерден кеңес алған жөн. Өткізіп алған дозаны толтыру үшін қосарлы дозаны қабылдамаған жөн.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Осы препаратты қолдану бойынша қосымша сұрақтар пайда болса, дәрігердің немесе фармацевттің кеңесіне жүгіну керек.

14 таблеткадан поливинилхлоридті/полиэтиленді/поливинилдихлоридті үлбірден және алюминий фольгадан жасалған пішінді ұяшықты қаптамаға салынады.

2 немесе 4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Түпнұсқалық қаптамасында, 25 С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл.

Жарамдылық мерзімі өткеннен кейін қолдануға болмайды!