Талдыкоргане қаласындағы Аксон Бөтелкесі 1г | Akriti Pharmaceutical Pvt. Ltd

Препарат ересектер мен балаларда, соның ішінде мерзіміне жетіп туған нәрестелерде (туғаннан бастап) келесі инфекцияларды емдеуге арналған:

- бактериялық менингит

- ауруханадан тыс пневмония

- ауруханалық пневмония

- жедел ортаңғы отит

- құрсақшілік инфекциялар

- несеп шығару жолдарының асқынған инфекциялары (оның ішінде пиелонефрит)

- сүйектер мен буындардың инфекциялары

- тері мен жұмсақ тіндердің асқынған инфекциялары

- соз

- мерез

- бактериялық эндокардит

Препарат пайдаланылуы мүмкін:

- ересектерде өкпенің созылмалы обструкциялық ауруының жедел асқынуын емдеу үшін

- 15 күндік жастан бастап жаңа туған нәрестелерді қоса алғанда, ересектер мен балаларда диссеминацияланған Лайм боррелиозын (ерте (II кезең) және кеш (III кезең)) емдеу үшін

- хирургиялық араласулар кезінде инфекциялардың операция алдындағы профилактикасы үшін

- болжамды түрде бактериялық инфекциядан туындаған нейтропениялық қызбасы бар пациенттерді емдеуде

- жоғарыда аталған инфекциялардың кез келгенімен байланысты немесе болжам бойынша байланысты туындайтын бактериемиясы бар пациенттерді емдеу кезінде пайдаланылуы мүмкін.

Цефтриаксонды бактерия қоздырғыштарының ықтимал спектрі оның спектріне енбеген кезде бактерияға қарсы басқа препараттармен бірге тағайындаған жөн.

Бактерияға қарсы дәрілерді тиісінше пайдалану жөніндегі ресми ұсынымдарды ескеру қажет.

- цефтриаксонға, кез келген басқа цефалоспоринге немесе қосымша заттардың кез келгеніне аса жоғары сезімталдық

-бета-лактамды бактерияға қарсы дәрінің кез келген басқа түріне (пенициллиндер, монобактамдар және карбапенемдер) ауыр аса жоғары сезімталдық тарихы (мысалы, анафилаксиялық реакция)

- 41 аптаға дейін қоса алғанда шала туған балалар (жалпы гестациялық мерзімі және хронологиялық жасы)

Мерзіміне жетіп туған нәрестелер (≤ 28-күндік жас):

- жаңа туған нәрестелердегі гипербилирубинемия, сарғаю немесе ацидоз, гипоальбуминемия (in vitro зерттеулер көрсеткендей, цефтриаксон сарысу альбуминімен байланыстан билирубинді ығыстыра алады, мұндай пациенттерде билирубиндік энцефалопатияның даму қаупі артады)

- цефтриаксонның кальций тұздары преципитаттарының түзілу қаупіне байланысты жаңа туған нәрестелерге құрамында кальций бар ерітінділерді вена ішіне енгізу, құрамында кальций бар ерітінділер тағайындалған немесе мысалы, парентеральді қоректенуде ұзаққа созылған инфузияларды қоса, вена ішіне емдеу болжамданған жаңа туған нәрестелерге (≤ 28 күн)

Лидокаинді қолдануға қарсы көрсетілімдер еріткіш ретінде лидокаин ерітіндісі пайдаланылатын кезде цефтриаксонның бұлшықет ішіне инъекциясына дейін жоққа шығарылуы тиіс (лидокаинді медициналық қолдану жөніндегі нұсқаулықты, әсіресе қолдануға болмайтын жағдайларды қараңыз).

Құрамында лидокаин бар цефтриаксон ерітінділерін вена ішіне енгізуге болмайды.

Қолдану кезіндегі қажетті сақтық шаралары

Сақтық шаралары және ескерту

Аса жоғары сезімталдық реакциясы

Бактерияға қарсы барлық бета-лактамды препараттардағыдай аса жоғары сезімталдықтың елеулі және кейде өлімге әкелетін реакциялары туралы хабарланған. Аса жоғары сезімталдықтың ауыр реакциялары жағдайында цефтриаксонмен емдеу дереу тоқтатылуы және талапқа сай шұғыл шаралар басталуы тиіс. Емдеуді бастар алдында пациенттің анамнезінде цефтриаксонға, басқа цефалоспориндерге немесе бета-лактамды агенттің кез келген басқа типіне аса жоғары сезімталдықтың ауыр реакцияларының бар-жоғын анықтау керек. Егер препарат анамнезінде басқа бета-лактамды препараттарға ауыр емес аса жоғары сезімталдығы бар пациенттерге тағайындалса, сақ болу керек.

Терінің ауыр жағымсыз реакциялары (Стивенс-Джонсон синдромы немесе Лайелл синдромы / уытты эпидермальды некролиз), сондай-ақ өмірге қауіпті немесе өлімге әкелуі мүмкін эозинофилиямен және жүйелік симптомдармен (DRESS) дәрілік реакция туралы хабарланды; алайда мұндай реакциялардың даму жиілігі белгісіз.

Құрамында кальций бар өнімдермен өзара әрекеттесуі

Жасы 1 айдан кіші шала туған және мерзіміне жетіп туған нәрестелерде өкпе мен бүйректегі кальций-цефтриаксон преципитаттарымен байланысты өлім реакциялары жағдайлары сипатталған. Олардың кем дегенде біреуі цефтриаксон мен кальцийді әр түрлі уақытта және әртүрлі вена ішілік желілер арқылы алды. Қолда бар ғылыми деректерде цефтриаксон және құрамында кальций бар ерітінділерді немесе құрамында кальций бар кез келген басқа өнімдерді алған жаңа туған нәрестелерден басқа пациенттерде расталған тамырішілік шөгу туралы хабарламалар жоқ. In vitro зерттеулері жаңа туған нәрестелерде басқа жас топтарымен салыстырғанда цефтриаксон-кальцийдің шөгу қаупі жоғары екенін көрсетті.

Жаңа туған нәрестелерден басқа пациенттердің барлық топтары үшін цефтриаксон мен құрамында кальций бар ерітінділерді вена ішіне енгізу арасында инфузиялық жүйені физиологиялық ерітіндімен мұқият жуа отырып, жүйелі түрде енгізуге болады. Парентеральді қоректену үшін құрамында кальций бар ерітінділерді тағайындау қажет болған кезде преципитаттардың түзілуін болдырмау мақсатында басқа антибиотикті тағайындау мүмкіндігін қарастыру керек. Құрамында кальций бар ерітінділермен парентеральді қоректену алатын пациенттерге цефтриаксон енгізу қажет болған жағдайларда, оларды әртүрлі венаға енгізу жолдарын пайдалана отырып немесе цефтриаксон инфузиясы кезеңінде құрамында кальций бар ерітінділерді енгізу тоқтатыла тұруы мүмкін. 28 күннен асқан пациенттерге егер венаға енгізу жолы әртүрлі инфузиялық жүйелер қолданылса немесе инфузиялық жүйелер ауыстырылса немесе тұнба түзілуін болдырмау үшін инфузиялар арасында оларды физиологиялық тұзды ерітіндімен мұқият жуса, цефтриаксон мен құрамында кальций бар ерітінділерді бірінен соң бірін кезекпен енгізуге болады.

Гемолиздік анемия

Басқа цефалоспориндерді қолданғандағыдай, цефтриаксонды қолданғанда аутоиммунды гемолиздік анемия дамуы мүмкін. Ересектер мен балаларда, оның ішінде өліммен аяқталған ауыр гемолиздік анемия жағдайлары тіркелген. Цефтриаксонмен емделіп жатқан пациентте анемия дамыған жағдайда, цефалоспоринмен астасқан анемия диагнозын жоққа шығаруға болмайды және оның себебін анықтағанға дейін емдеуді тоқтату қажет.

Ұзақ мерзімді емдеу

Ұзақ мерзімді емдеу кезінде толық қан талдауын теңдей уақыт аралығында жүргізу керек.

Колит / суперинфекция

Бактерияға қарсы көптеген басқа препараттарды қолданғандағыдай, цефтриаксонмен емдеу кезінде әртүрлі ауырлықтағы: жеңіл диареядан өлімге әкелетін ауыр колитке дейін Clostridium difficile туындатқан диареяның даму жағдайлары тіркелген. Антибиотикотерапия кезінде және одан кейін диареямен ауыратын барлық пациенттерде Clostridium difficile туындатқан диареяның даму мүмкіндігі туралы есте сақтау қажет. Мұндай жағдайларда ішек перистальтикасын тежейтін дәрілерді қолдануға болмайды. Бактерияға қарсы басқа препараттармен емдеген кездегідей, цефтриаксонды қолданғанда да суперинфекция дамуы мүмкін.

Бүйрек және бауырдың ауыр жеткіліксіздігі

Бүйрек және бауырдың ауыр жеткіліксіздігі кезінде қауіпсіздік пен тиімділікке мұқият клиникалық мониторинг жүргізу ұсынылады.

Зертханалық тесттерге әсері

Кумбс сынақтарында кедергілер туындауы мүмкін, себебі цефтриаксон жалған оң тест нәтижелеріне әкелуі мүмкін.

Цефтриаксон сонымен қатар галактоземияға жалған оң тест нәтижелеріне әкелуі мүмкін.

Несептегі глюкозаны анықтаудың ферментативті емес әдістері жалған оң нәтиже беруі мүмкін. Цефтриаксонмен емдеу кезінде несептегі глюкозаны анықтауды ферментативті әдістермен жүргізу керек.

Натрий

Препарат құрамында бір реттік дозада шамамен 3,6 ммоль натрий бар, тұзсыз диетаны ұстанатын адамдарға тағайындағанда абайлап қолдану керек.

Бактерияға қарсы спектрі

Цефтриаксонның бактерияға қарсы белсенділік спектрі шектеулі және егер патоген әлі расталмаса, кейбір инфекция түрлерін емдеу үшін жалғыз дәрі ретінде пайдалануға жарамсыз болуы мүмкін. Полимикробты инфекцияларда, болжамды қоздырғыштар цефтриаксонға төзімді микроорганизмдерді қамтыған кезінде, қосымша антибиотикті енгізу мүмкіндігін қарастыру керек.

Лидокаинді қолдану

Лидокаин ерітіндісін ешқашан вена ішіне енгізуге болмайды!

Егер лидокаин ерітіндісі еріткіш ретінде пайдаланылса, цефтриаксон ерітінділері тек бұлшықет ішіне енгізу үшін пайдаланылуы тиіс. Лидокаинге қарсы көрсетілімдер, ескертулер және басқа да тиісті ақпарат пайдаланар алдында қарастырылуы керек.

Өт тастары

Сонограммалардағы көлеңкелерді бақылау кезінде кальций цефтриаксонының тұнба түзу мүмкіндігін ескеру қажет. Өт қабында тастар деп қате қабылданған көлеңкелер әдетте стандартты ұсынылған дозадан асатын дозалардан кейін өт қабының сонограммаларында анықталды. Бұл көлеңкелер, алайда, цефтриаксонмен ем аяқталғаннан немесе тоқтатылғаннан кейін жоғалып кететін кальций цефтриаксонының тұнбасы болып табылады. Бұл нәтижелер симптомдармен сирек байланысты болды. Симптоматикалық жағдайларда консервативті хирургиялық емес емдеу ұсынылады, ал симптоматикалық жағдайларда цефтриаксонмен емдеуді тоқтату дәрігердің қалауы бойынша болуы тиіс.

Өт іркілісі

Цефтриаксонды қабылдаған пациенттерде, этиологиясы билиарлық бітелу болуы мүмкін панкреатит жағдайлары сирек хабарланды. Пациенттердің көпшілігінде билиарлы іркіліс пен билиарлы тұнба дамуының қауіп факторлары болды, мысалы, бұрын жүргізілген негізгі ем, ауыр ауру және жалпы парентеральді қоректену. Цефтриаксонмен байланысты билиарлы тұнбаның триггерлік немесе кофакторлық рөлін жоққа шығаруға болмайды.

Бүйрек литиазы

Цефтриаксон қабылдауды тоқтатқан кезде қайтымды болып табылатын бүйрек литиазының жағдайлары туралы хабарланды. Симптоматикалық жағдайларда сонографияны жүргізу керек. Ренальді литиаз тарихы бар немесе гиперкальциуриясы бар пациенттер үшін пайдасы мен артықшылық қаупін спецификалық бағалау негізінде дәрігер қарастыруы керек.

Яриш-Герксгеймер реакциясы (JHR)

Цефтриаксонмен емдеуден кейін көп ұзамай спирохеттерден туындаған инфекциясы бар кейбір пациенттерде Яриш-Герксгеймер реакциясы (JHR) пайда болуы мүмкін. Реакция әдетте өздігінен қайтады немесе симптоматикалық еммен тоқтатылуы мүмкін. Реакция туындаған жағдайда антибиотикпен емдеуді тоқтатуға болмайды.

Энцефалопатия

Цефтриаксонды қолдану кезінде, әсіресе бүйректің ауыр жеткіліксіздігі немесе орталық жүйке жүйесінің бұзылулары бар егде жастағы адамдарда энцефалопатия хабарланған. Цефтриаксонмен байланысты энцефалопатияға (мысалы, сана деңгейінің төмендеуі, психикалық жай-күйдің өзгеруі, миоклонус, құрысулар) күдік туған кезде цефтриаксонды қабылдауды тоқтату туралы мәселені қарау керек.

Егер сізде бауыр немесе бүйрек аурулары болса, дәрі қабылдағанға дейін дәрігермен немесе фармацевтпен кеңесіңіз.

Басқа дәрілік препараттармен өзара әрекеттесуі

Жаңа туған нәрестелерге құрамында цефтриаксон бар ерітінділерді, парентеральді қоректендіруге арналған ерітінділерді қоса алғанда, құрамында кальций бар ерітінділермен (Рингер ерітіндісі немесе Хартман ерітіндісі) бір мезгілде араластыруға немесе енгізуге болмайды.

Алайда, жаңа туған нәрестелерден басқа барлық пациенттерде цефтриаксон және құрамында кальций бар ерітінділер бірінен соң бірі жүйелі енгізілуі мүмкін, бірақ ерітінділерді енгізу арасындағы инфузиялық жүйені мұқият жуып-шаю қажет.

К дәруменінің антагонистерін цефтриаксонмен емдеу аясында қолданғанда қан кету қаупі артады. Қанның ұю параметрлерін тұрақты бақылау және қажет болған жағдайда цефтриаксонмен емдеу барысында да, аяқталғаннан кейін де антикоагулянт дозасын түзету керек. Цефалоспориндермен қолданғанда аминогликозидтер нефроуыттылығының жоғарылау ықтималдығы туралы қарама-қайшы деректер бар, сондықтан бүйрек функциясы мен қандағы аминогликозидтердің концентрациясына мониторинг жүргізу қажет. In vitro хлорамфеникол мен цефтриаксон арасында антагонизм анықталды. Бұл антагонизмнің клиникалық маңызы белгісіз. Цефтриаксонның және пероральді құрамында кальций бар препараттардың өзара әрекеттесуі немесе б/і енгізу үшін цефтриаксонның және в/і немесе пероральді қолдануға арналған құрамында кальций бар препараттардың өзара әрекеттесуі туралы хабарламалар түскен жоқ. Цефтриаксонмен емдеу кезінде Кумбс сынамасының, галактоземияға және несептегі глюкозаны анықтауға сынаманың жалған оң нәтижелері (глюкозурияны тек ферменттік әдіспен анықтау ұсынылады) байқалуы мүмкін. Цефтриаксонның және «ілмектік» диуретиктердің (мысалы, фуросемидтің) үлкен дозаларын бір мезгілде қолданғанда бүйрек функциясының бұзылуы байқалмады. Цефтриаксон амсакринмен, ванкомицинмен, флуконазолмен және аминогликозидтермен фармацевтикалық тұрғыдан үйлеспейді. Пробенецид цефтриаксонның шығарылуына әсер етпейді.

Арнайы ескертулер

Педиатрияда қолданылуы

Зерттеулер көрсеткендей, цефтриаксон, кейбір басқа цефалоспориндер сияқты, сарысу альбуминінен билирубинді ығыстыруы мүмкін.

Цефтриаксон билирубиндік энцефалопатияның даму қаупі бар шала туған және мерзіміне жетіп туған нәрестелерге қарсы көрсетілімді.

Жүктілік немесе лактация кезінде

Цефтриаксон плацентарлық бөгет арқылы өтеді. Жүкті әйелдерде цефтриаксонды қолдану туралы деректер шектеулі. Эмбрионға/шаранаға, перинатальді және постнатальді дамуға қатысты тікелей немесе жанама зиянды әсерлер туралы деректер жоқ. Цефтриаксонды тек жүктілік кезінде, атап айтқанда, егер пайда қауіптен асып кетсе, жүктіліктің бірінші триместрінде тағайындау керек.

Цефтриаксон төмен концентрацияда емшек сүтімен шығарылады, бірақ цефтриаксонның емдік дозаларында еметін балаларға ешқандай әсері күтілмейді. Алайда, диарея мен шырышты қабықтардың зеңдік зақымдану қаупін жоққа шығаруға болмайды. Сенсибилизация мүмкіндігін назарға алған жөн. Бала үшін емізудің пайдасы мен әйел үшін ем жүргізу пайдасын назарға ала отырып, емізуді тоқтату немесе цефтриаксонмен жүргізілетін емнен бас тарту/емді тоқтату қажеттілігі туралы шешім қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цефтриаксонмен емдеу кезінде автомобильді басқару және машинаны пайдалану қабілетіне әсер етуі мүмкін жағымсыз әсерлер (мысалы, бас айналу) пайда болуы мүмкін. Пациенттер көлік құралдарын және қауіптілігі зор механизмдерді басқару кезінде сақ болу керек.

Жаңа туған нәрестелерге құрамында цефтриаксон бар ерітінділерді, парентеральді қоректендіруге арналған ерітінділерді қоса алғанда, құрамында кальций бар ерітінділермен (Рингер ерітіндісі немесе Хартман ерітіндісі) бір мезгілде араластыруға немесе енгізуге болмайды.

Алайда, жаңа туған нәрестелерден басқа барлық пациенттерде цефтриаксон және құрамында кальций бар ерітінділер бірінен соң бірі жүйелі енгізілуі мүмкін, бірақ ерітінділерді енгізу арасындағы инфузиялық жүйені мұқият жуып-шаю қажет.

К дәруменінің антагонистерін цефтриаксонмен емдеу аясында қолданғанда қан кету қаупі артады. Қанның ұю параметрлерін тұрақты бақылау және қажет болған жағдайда цефтриаксонмен емдеу барысында да, аяқталғаннан кейін де антикоагулянт дозасын түзету керек. Цефалоспориндермен қолданғанда аминогликозидтер нефроуыттылығының жоғарылау ықтималдығы туралы қарама-қайшы деректер бар, сондықтан бүйрек функциясы мен қандағы аминогликозидтердің концентрациясына мониторинг жүргізу қажет. In vitro хлорамфеникол мен цефтриаксон арасында антагонизм анықталды. Бұл антагонизмнің клиникалық маңызы белгісіз. Цефтриаксонның және пероральді құрамында кальций бар препараттардың өзара әрекеттесуі немесе б/і енгізу үшін цефтриаксонның және в/і немесе пероральді қолдануға арналған құрамында кальций бар препараттардың өзара әрекеттесуі туралы хабарламалар түскен жоқ. Цефтриаксонмен емдеу кезінде Кумбс сынамасының, галактоземияға және несептегі глюкозаны анықтауға сынаманың жалған оң нәтижелері (глюкозурияны тек ферменттік әдіспен анықтау ұсынылады) байқалуы мүмкін. Цефтриаксонның және «ілмектік» диуретиктердің (мысалы, фуросемидтің) үлкен дозаларын бір мезгілде қолданғанда бүйрек функциясының бұзылуы байқалмады. Цефтриаксон амсакринмен, ванкомицинмен, флуконазолмен және аминогликозидтермен фармацевтикалық тұрғыдан үйлеспейді. Пробенецид цефтриаксонның шығарылуына әсер етпейді.

Арнайы ескертулер

Педиатрияда қолданылуы

Зерттеулер көрсеткендей, цефтриаксон, кейбір басқа цефалоспориндер сияқты, сарысу альбуминінен билирубинді ығыстыруы мүмкін.

Цефтриаксон билирубиндік энцефалопатияның даму қаупі бар шала туған және мерзіміне жетіп туған нәрестелерге қарсы көрсетілімді.

Жүктілік немесе лактация кезінде

Цефтриаксон плацентарлық бөгет арқылы өтеді. Жүкті әйелдерде цефтриаксонды қолдану туралы деректер шектеулі. Эмбрионға/шаранаға, перинатальді және постнатальді дамуға қатысты тікелей немесе жанама зиянды әсерлер туралы деректер жоқ. Цефтриаксонды тек жүктілік кезінде, атап айтқанда, егер пайда қауіптен асып кетсе, жүктіліктің бірінші триместрінде тағайындау керек.

Цефтриаксон төмен концентрацияда емшек сүтімен шығарылады, бірақ цефтриаксонның емдік дозаларында еметін балаларға ешқандай әсері күтілмейді. Алайда, диарея мен шырышты қабықтардың зеңдік зақымдану қаупін жоққа шығаруға болмайды. Сенсибилизация мүмкіндігін назарға алған жөн. Бала үшін емізудің пайдасы мен әйел үшін ем жүргізу пайдасын назарға ала отырып, емізуді тоқтату немесе цефтриаксонмен жүргізілетін емнен бас тарту/емді тоқтату қажеттілігі туралы шешім қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цефтриаксонмен емдеу кезінде автомобильді басқару және машинаны пайдалану қабілетіне әсер етуі мүмкін жағымсыз әсерлер (мысалы, бас айналу) пайда болуы мүмкін. Пациенттер көлік құралдарын және қауіптілігі зор механизмдерді басқару кезінде сақ болу керек.

1 г цефтриаксоннан алюминий қалпақшамен қаусырылған, резеңке тығынмен тығындалған және қорғайтын пластмасса қалпақшамен жабылған сыйымдылығы 10 мл мөлдір шыныдан жасалған құтыларда. Құтыға өздігінен желімденетін заттаңбалық қағаздан жасалған заттаңба жапсырылған.

1 құтыдан қазақ және орыс тілдеріндегі медициналық қолдану жөніндегі нұсқаулықпен бірге картон қорапқа салынады.

Құрғақ, жарықтан қорғалған жерде, 25 °С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды!