Таразе қаласындағы Дексаметазон Көз Тамшылары 0,1% 8 Мл | Медоптик ТОО

Препарат стероидтарға сезімтал көздің инфекциялық емес қабыну жағдайларын емдеуге арналған:

- алдыңғы увеит, ирит, циклит, аллергиялық және көктемгі конъюнктивит, белдемелі герпес вирусынан туындаған кератит, беткі нүктелік кератит және спецификалық емес беткі кератит секілді конъюнктиваның, мөлдір қабықтың және көздің алдыңғы сегментінің қабынуы;

- химиялық, радиациялық немесе термиялық күйіктер немесе бөгде заттардың енуі нәтижесінде мөлдір қабықтың зақымдануы;

- қабыну реакцияларын азайту және трансплантат реакциясын басу үшін операциядан кейін.

Дозалау режимі

Жедел қабыну жағдайында зардап шеккен көздің (көздердің) конъюнктивалық қалтасына әр сағат сайын 1-2 тамшы тамызылады, қабыну белгілері азайғаннан кейін – әр 4 сағат сайын, одан әрі қабыну белгілері азайған кезде дозаны күніне 3-4 рет 1 тамшыға дейін азайтуға болады (егер қабыну осы дозалау режимінде бақыланатын болса).

Созылмалы қабыну жағдайында әр 4-6 сағат сайын 1-2 тамшы тамызылады, қажет болған жағдайда жиілікті арттыруға болады. Операциялар мен жарақаттардан кейін қабыну симптомдарының ауырлығына байланысты күніне 2-4 рет 1-2 тамшы.

Аллергиялық және қабыну аурулары кезінде қажетті нәтиже пайда болғанға дейін күніне 2-3 рет 1 тамшыдан тамызады.

Препаратты қолданудың ең көп ұзақтығы бірнеше күннен 2 аптаға дейін.

2 апта бойы қолдануды көзішілік қысым мен мөлдір қабықтың күйін бақылаумен жүргізу керек.

Көздің қабыну процесінің қайта басталуының мүмкін болуына байланысты емді мерзімінен бұрын тоқтату ұсынылмайды.

Пациенттердің ерекше топтары

Балалары

18 жасқа дейінгі балалар мен жасөспірімдерде дәрілік заттың тиімділігі мен қауіпсіздігі туралы деректер жоқ.

Егде жастағы пациенттер

Егде жастағы пациенттерде дозаны түзету қажет емес.

Енгізу әдісі мен жолы

Субконъюнктивалық қолдануға арналған

Артық дозаланған жағдайда қабылдануы тиіс шаралар

Препараттың артық дозалануына байланысты қандай да бір ауыр жүйелік реакциялар туралы хабарламалар жоқ.

Жергілікті қолданған кезде артық дозаланған жағдайда препараттың қалдықтарын кетіру үшін көздерді (көзді) жылы сумен шайыңыз.

Кортикостероидтарды жергілікті қолданғанда арнайы антидот жоқ.

Емі: симптоматикалық.

Дәрілік препараттың бір немесе бірнеше дозасын өткізіп алған кезде қажетті шаралар

Егер пациент бір дозаны енгізуді ұмытып кетсе, оны мүмкіндігінше тез қабылдауы керек.

Өткізіп алған дозаны толтыру үшін қосарлы дозаны енгізуге болмайды

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Егер осы препаратты қолдану туралы қосымша сұрақтар туындаса, дәрігерге немесе фармацевке жүгіну керек.

8 мл және 10 мл-ден алғашқы ашылуы бақыланатын қақпақтармен герметикалық тығындалған полиэтиленнен жасалған тамшылатқыш-құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге қораптық картоннан жасалған қорапшаға салынады.

10, 20, 100 немесе 500 қорапшадан картоннан жасалған қорапқа салынады.

20 немесе 1000 құты (қорапшаға салынбаған) медициналық қолдану жөніндегі қазақ және орыс тілдеріндегі нұсқаулықтармен бірге, құтының санына сәйкес мөлшерде, қораптық картоннан жасалған қорапқа салынады.

Жарықтан қорғалған жерде, 15ºС-ден 25ºС-ге дейінгі температурада сақтау керек.

Балалардың қолы жетпейтін жерде сақтау керек!

2 жыл.

Құтыны ашқаннан кейінгі қолдану кезеңі 4 аптадан аспауы керек.

Жарамдылық мерзімі өткеннен кейін қолдануға болмайды.