Таразе қаласындағы Никоретта Сағыз Аязды Жалбыз 4 Мг №30 | МакНил АБ

Бір дәрілік сағыздың құрамында

белсенді зат – 10.00 мг немесе 20.00 мг никотин резинаты, 2.00 мг немесе 4.00 мг никотинге баламалы,

қосымша заттар:

дәрілік сағыздың ядросы: дәрілік сағыз (негіз)*, ксилитол (Е967), бұрыш жалбызы майы, сусыз натрий карбонаты, натрий гидрокарбонаты (2 мг доза үшін), калий ацесульфамы, левоментол, магний тотығы, хинолинді сары (Е104) (4 мг доза үшін);

ішкі қабық: Winterfresh хош иістендіргіші, гипромеллоза, сукралоза, полисорбат 80;

сыртқы қабық: ксилитол (Е967), желатинделген жүгері крахмалы, титанның қостотығы (Е171), Winterfresh хош иістендіргіші, карнауб балауызы, хинолинді сары (Е104) (4 мг доза үшін).

* Дәрілік сағыздың негізі – балауыздың, шайыр және басқа көмірсулардың әр түрлі типтерінің қоспасы (60% жуық) және кальций карбонаты (40% дейін).

Төмендегі жағдайларда никотинді қажет етуді төмендету жолымен шылымға тәуелділікті емдеу үшін:

шылым шегуді тастаймын деп шешкен пациенттерде шылым шегуден толық бас тартқанда туындайтын «тоқтату» симптомдарының азаюында

толық бас тартудың алдында шылым шегуді азайту

шылым шегуден уақытша бас тартқанда

-шылым шегуден толық бас тарта алмайтын немесе толық бас тартқысы келмейтіндер шегілетін шылым санын азайтқанда

- никотинге немесе дәрілік сағыздың басқа компоненттеріне жоғары сезімталдық

- 18 жасқа дейінгі балалық және жасөспірімдік жас

Қолдану кезіндегі қажетті сақтандыру шаралары

Сақтықпен

Пайда-қауіп арақатынасын бағалауды тиісті медицина қызметкерлері келесі жағдайлардағы пациенттерде жүргізуге тиіс:

Сақтықпен

Пайда-қауіп арақатынасын бағалауды тиісті медицина қызметкерлері келесі жағдайлардағы пациенттерде жүргізуге тиіс:

Алынып-салынатын тіс протездері бар шылым шеккіштерде Никоретте пайдаланғанда қиындықтар туындауы мүмкін. Шайнау қызметі бұзылуы бар тұлғаларда басқа дәрілік түрлерін қолдану ұсынылады.

Жас балалар үшін қауіп:

Ересек шылым шегушілер мен жасөспірім шылым шегушілер оңай қабылдайтын никотиннің дозалары балаларда ауыр интоксикацияны тудыруы мүмкін, бұл өлімге әкелуі мүмкін. Құрамында никотин бар препараттарды қараусыз қалдырмау маңызды, өйткені бұл оларды дұрыс қолданбауға және балалардың жұтып қоюына әкелуі мүмкін ("Артық дозалану"бөлімін қараңыз).

Тәуелділіктің қалыптасуы

Препаратқа тәуелділік дамуы мүмкін, бірақ ол денсаулыққа қауіпті емес және шылым шегуге тәуелділіктен гөрі оңай бас тартуға болады.

Егер дәрілік зат жарамсыз болып шықса немесе жарамдылық мерзімі аяқталса - оны ағып жатқан суға немесе көшеге лақтыра салуға болмайды! Дәрілік затты пакетке салу керек және қоқыс контейнеріне салады. Бұл шаралар қоршаған ортаны қорғауға көмектеседі!

Қосымша заттар

Құрамында орташа босаңсытатын әсері бар ксилитол бар; ксилитолдың калориялығы - 2,4 ккал/г, хинолинді сары, 0.078 г (4 мг дозалау үшін), 11,6 мг (2 мг дозалау үшін), 13,2 мг (4 мг дозалау үшін) натрий және 0,4 мг калий (2 мг және 4 мг дозалау үшін).

Жүктілік және лактация

Жүктілік кезінде шылым шегу ішілік дамудың кешігуі, мерзімінен бұрын босану немесе өлі туылу сияқты қауіптермен байланысты. Шылым шегуден бас тарту-жүкті әйелдің де, оның баласының да денсаулығын жақсартудың жалғыз тиімді әдісі. Шылым шегуді неғұрлым ертерек тастау - ең жақсы шешім.

Никотин плацента арқылы өтеді және емшек сүтімен бөлінеді және оны қолдану шарана үшін немесе балаға қауіп төндіруі мүмкін. Пациенттерді шылым шегуді тоқтатуды никотин-алмастырғыш емсіз жүзеге асыруға ұмтылыс жасап көру қажеттігі туралы ақпараттандыру керек. Бұндай ұмтылыстар нәтиже бермеген жағдайларда ем жүргізу туралы шешім ана денсаулығы үшін оң әсері және шаранаға мүмкін болатын зор қаупін салыстырған соң ғана қабылданады.

Емдік дозаларын қабылдағанның өзінде никотин елеусіз мөлшерде емшек сүтіне түседі, сол себепті препаратты бала емізетін аналар қабылдағанда бала денсаулығына кері әсерін тигізуі мүмкін.

Сондықтан емшекпен емізу кезеңінде "Никоретте ® " сағызын қолданудан бас тартқан жөн. Егер шылым шегуден бас тарту мүмкін болмаса, препаратты қолдану дәрігермен кеңескеннен кейін ғана басталуы керек.

Никотиннің балаға теріс әсерін азайту мақсатында Никоретте® дәрілік сағызын баланы тамақтандырудан соң бірден және кезекті тамақтандырудан 2 сағат бұрын, одан кешіктірмей қабылдау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль жүргізу және механизмдермен жұмыс жүргізу қабілетіне жағымсыз әсері анықталмады.

Дозалану режимі

Шылым шегу қарқындылығына қарай доза жеке таңдалады.

Егер пациент күніне 20 шылымнан аз шексе Никоретте® шайнайтын сағыздары 2 мг (құрамындағы никотин орташа мөлшерде) қолдану керек.

Егер пациент күніне 20 шылымнан көп шексе немесе бірінші шылымды оянғаннан соң 30 минуттан кейін шексе және ол дәрілік сағыздарын 2 мг дозада қолданғанда шылым шегуді тастай алмаса Никоретте® шайнайтын сағыздарын 4 мг (құрамындағы никотин мөлшері жоғары) қолдану керек.

Енгізу әдісі мен жолы

Никоретте® препаратын шылым шегу құмарлығы қатты ұстағанда әрқашан мына сызбаға сәйкес қолдану керек:

Шамамен 30 минут бойына өткір дәм немесе күйдірудің айқындығы әлсіз сезімі пайда болғанға дейін сағызды баяу шайнаңыз.

Шайнауды тоқтатыңыз және сағызды қызыл иек пен ұрт аралығында қалдырыңыз.

Дәм кете бастағанда сағызды қайта шайнай бастаңыз.

Қолдану жөніндегі нұсқаулыққа сәйкес қолданған кезде никотиннің артық дозалану симптомдары емге дейін никотин төмен түсетін пациенттерде немесе никотиннің әртүрлі көздерін бір мезгілде пайдаланған кезде туындауы мүмкін.

Орын басу терапиясында және/немесе шылым шегуде никотиннің шамадан тыс көп түсуі артық дозалану белгілері пайда болуын туындатуы мүмкін.

Адамдағы никотиннің жедел және созылмалы уыттылығы көбінесе енгізу тәсілі мен жолына байланысты. Никотинге бейімделу (мысалы, шылым шегушілерде) шылым шекпейтін адамдармен салыстырғанда төзімділікті едәуір арттыратыны белгілі. Ішке қабылдаған кезде никотиннің жедел ең төменгі өлім дозасы балаларда 40-60 мг (шылымнан темекіні ішке қабылдағаннан кейін) немесе шылым шекпейтін ересек адамдарда 0,8 – 1,0 мг/кг құрайды.

Симптомдары: никотинмен жедел уланудағы жағдайлармен ұқсас және төмендегі жай-күйлер болады: жүрек айнуы, құсу, сілекей бөлінуі, іштің ауыруы, диарея, тершеңдік, бас ауыруы, бас айналуы, естудің бұзылуы және айқын әлсіздік. Никотиннің жоғары дозаларын қолданғанда артериялық қысым төмендеуі, әлсіз және тамырдың жүйесіз соғуы, қиналып тыныс алу, прострация, тамыр жеткіліксіздігі, циркуляторлық коллапс және жайылған құрысулар анықталуы мүмкін.

Ересек шылым шегушілер көтере алатын никотин дозалары кішкентай балаларда уыттанудың айқын белгілерін туындатуы мүмкін, оның ішінде өлім жағдайлары да болады.

Балаларда никотинмен улануға күдік болуын шұғыл жай-күй ретінде қарастыру керек, сондықтан дереу ем жасалуы тиіс.
Емі: Никоретте қолдануды дереу тоқтату керек және белгілеріне қарай ем керек. Белсендірілген көмір асқазан-ішек жолдарынан никотин сіңуін төмендетеді. Қажет болғанда өкпеге жасанды желдету жүргізіледі және оттегі тағайындайды.

Дәрілік сағызды жұтудың нәтижесінде улану қаупі өте төмен, өйткені шайнамаған жағдайда никотин сіңуі баяу және толық емес жүреді.

Поливинилхлоридті үлбірден және алюминий фольгадан жасалған пішінді ұяшықты қаптамаға 15 шайнайтын сағыздан салынған.

1, 2 немесе 7 пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек.