Name: Ибупрофен таблеткалары 200 мг №50
SKU: 7a2975c3-1f9c-4ab4-95fb-2792962d08f7
Availability: InStock

Қолдану көрсеткіштері

- қарқындылығы жеңіл және орташа ауыру синдромын симптоматикалық емдеуде: бас ауыруы, тіс ауыруы, етеккірдегі ауырулар, невралгиялар, бұлшықеттік, ревматизмдік және басқа түрлі ауырулар

- тұмау және суық тию ауруларында.

Қарсы көрсеткіштер

- ибупрофенге немесе дәрінің басқа да бір компоненттеріне өте жоғары сезімталдық

- бұрын ацетилсалицил қышқылын немесе басқа да ҚҚСП қабылдағаннан кейін бронх түйілуі, демікпе, ринит немесе есекжем дамуы («аспириндік» демікпе);

- қолқаның қатпарлы аневризмасы;

- портальді гипертензия;

- К дәруменінің тапшылығы;

- көру жүйкесінің аурулары, скотома, амблиопия, түрлі-түсті көрудің бұзылуы;

- вестибулярлық аппараттың патологиясы, естудің төмендеуі;

- асқазан-ішектік қан кетулер

- анамнезінде бұрын ҚҚСП-мен емдеумен байланысты пептикалық ойық жара немесе асқазанның тесілуі, геморрагиялық диатездер, гипопротромбинемия, гемофилия;

- церебральді-васкулярлы немесе басқа да қан кетулер

- ауыр ағымды артериялық гипертензия

- бауырдың ауыр жеткіліксіздігі немесе белсенді бауыр ауыруы

- аортокоронарлық шунттау өткеннен кейінгі жай-күй

- жүректің ауыр жеткіліксіздігі

- расталған гиперкалиемия

- ішектің қабыну аурулары

- шумақтық сүзіліс жылдамдығы 30 мл/мин аз болып, төмендегенде бауыр немесе бүйрек функциясының ауыр бұзылулары

- жүректің ауыр жеткіліксіздігі (NYHA IV)

- жүктілік және лактация кезеңі

- 18 жасқа дейінгі балалар

Сақтық шаралары

Сақтықпен қолдану: егде жас, цитопения (лейкопения және анемия).

Егер инфекция болса, ибупрофенді қолданар алдында дәрігермен кеңесу керек.

Емделу кезінде этанолды қолдануға болмайды.

Шие және қарақат шырыны, қант шәрбаты ибупрофеннің сіңу жылдамдығын жоғарылатады.

Асқазан-ішек жолдары тарапынан жағымсыз әсерлер даму қаупін төмендету үшін, ең төмен тиімді дозаны мүмкіндігінше ең қысқа курспен қолдану керек.

Ибупрофенді қолдану инфекцияның белгілері мен симптомдарын, мысалы, қызба мен ауырсынуды бүркемелеуі мүмкін. Нәтижесінде, тиісті емнің басталуын кешіктіріп, және де аурудың барысын асқындыруға әкелуі мүмкін. Бұл бактериялық ауруханадан тыс пневмонияда және желшешек аясындағы терінің бактериялық асқынуларында байқалды. Егер инфекциялық ауру кезінде ибупрофенді қолдану аясында симптомдардың сақталуы немесе нашарлауы байқалса, дереу дәрігерге қаралу қажет.

Терінің ауыр реакциялары

Күрделі тері реакциялары, эксфолиативті дерматитті, Стивенс-Джонсон синдромын және уытты эпидермальді некролизді қоса, олардың кейбіреуі өліммен аяқталған ҚҚСП пайдалануға байланысты сирек хабарланады. Пациенттер емдеудің алғашқы айында көп жағдайларда пайда болатын емнің ерте сатыларында осы реакциялардың ең үлкен қаупіне ұшырайды. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибупрофенді тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты ауыр тері реакцияларының белгілері мен симптомдары алғаш пайда болған кезде тоқтату керек.

Асқазан-ішек жолы патологиясы бар адамдар. Ибупрофенді қолдану кезінде асқазан-ішек жолдары тарапынан шағымданулары, анамнезінде асқазан-ішек жолдарының ойық жара ауруы, сондай-ақ спецификалық емес ойық жаралы колит немесе Крон ауруы бар пациенттерге мұқият медициналық бақылау қажет. Ибупрофенді қолдану аясында пациенттердің осы тобында (алғаш рет немесе қайталап) асқазан-ішектік қан кетуі немесе асқазан-ішек жолдарының ойық жаралануы/тесілуі пайда болуы мүмкін, бұлар хабаршы-симптомдарымен қатар жүруі ықтимал. Барлық осындай жағдайларда препаратты қабылдауды тоқтату керек.

Қан жүйесінің патологиясы бар адамдар. Ибупрофен тромбоциттер агрегациясын уақытша тежейді, сондықтан гемостаздың бұзылуы бар пациенттерде тиісті зертханалық көрсеткіштерін мұқият бақылау қажет. Ибупрофенді ұзақ қолданған кезде шеткері қан көрінісін жүйелі бақылау көрсетілімде.

Бауыр аурулары бар адамдар. Ибупрофенді қолдану кезінде бауыр ферменттерінің транзиторлы көтерілуі болуы ықтимал. Ибупрофенмен ұзақ емдеген кезде сақтық шаралары ретінде бауыр функциясына зертханалық бақылау көрсетілімде. Егер функциялық көрсеткіштер тарапынан бұзылулар сақталса немесе күшейсе, сондай-ақ бауыр зақымдануының басқаша клиникалық көріністері байқалса, ибупрофенді қабылдауды тоқтату керек. Ибупрофенді қолдану кезінде продормальді көріністерсіз гепатиттің пайда болуы мүмкін екенін ескеру қажет.

Жүрек-қантамыр жүйесінің патологиясы бар адамдар. Простагландиндер қалыпты бүйрек қан ағымын демеп тұруда маңызды рөл атқаратындықтан, бүйрек функциясы бұзылуынан және созылмалы іркілісті жүрек жеткіліксіздігінен зардап шегетін пациенттерге, диуретикалық дәрілер алатын адамдарға, сондай-ақ айналымдағы плазма көлемінің (мысалы, көлемді хирургиялық араласулардан бұрын және кейін) едәуір азаюы бар науқастарға ибупрофенді қолдануда айрықша сақтық қажет.

Осы жағдайдың барлығында сақтық шарасы ретінде бүйрек функциясын бақылау ұсынылады. Препаратты қолдануды тоқтату әдетте бүйрек функциясының бастапқы деңгейге дейін қалпына келуіне әкеледі.

Клиникалық сынақтар нәтижелері ибупрофенді, әсіресе артериялық тромбоздық құбылыстар дамуының аздап жоғарылау қаупі бар (мысалы, миокард инфарктісі және инсульт) жоғары дозаларда (тәулігіне ≥ 2400 мг) қабылдау арасындағы ықтимал өзара байланыстың болуын болжамдайды. Эпидемиологиялық зерттеулер ибупрофеннің төменгі дозаларын қабылдау (тәулігіне ≤ 1200 мг) және артериялық тромбоздық құбылыстардың даму қаупінің жоғарылауы арасындағы өзара байланысты болжамдамайды.

Бақыланбайтын артериялық гипертензиясы, ишемиялық жүрек ауруы анықталған NYHA II-III класс жіктемесі бойынша іркілісті жүрек жеткіліксіздігі, шеткері артериялар аурулары және/немесе цереброваскулярлық аурулары бар пациенттерге ибупрофенді пайда-қауіп арақатынасын мұқият бағалаудан кейін ғана тағайындау керек, бұл ретте ибупрофеннің жоғары дозаларын (тәулігіне ≥ 2400 мг) қолданбаған дұрыс.

Ибупрофенмен, әсіресе жоғары дозалармен ұзақ емді бастағанға дейін (тәулігіне ≥ 2400 мг), жүрек-қантамыр асқынулары дамуының қауіп факторлары бар пациенттерде (мысалы, гипертония, гиперлипидемия, қант диабеті, темекі тарту) пайда-қауіп арақатынасын бағалау мұқият жүргізілуі қажет.

Зертханалық көрсеткіштерге әсері. Несепте 17-кетостероидтарды анықтау қажет болғанда ибупрофенді қабылдауды талдау жүргізгенге дейін 48 сағат бұрын тоқтату керек.

Басқа дәрілік препараттармен өзара әрекеттесуі

Ацетилсалицил қышқылы. Жағымсыз құбылыстардың даму мүмкіндігі жоғарылауына байланысты ибупрофен және ацетилсалицил қышқылын бір мезгілде қолдануға болмайды.

Зертханалық зерттеулер нәтижелері бойынша ибупрофен ацетилсалицил қышқылының төмен дозаларымен бір мезгілде қолданғанда тромбоциттер агрегациясын бәсекелес тежеуі мүмкін. Бұл деректер экстраполяциясының клиникалық тәжірибеге жарамдылығы белгісіз боп қалып отыр, ацетилсалицил қышқылы төмен дозаларының кардиопротекторлық әсері төмендеуіне ибупрофенді үнемі ұзақ қабылдаудың ықтимал әсерін жоққа шығаруға болмайды. Ибупрофенді эпизодтық қолданудың ацетилсалицил қышқылының кардиопротекторлық қасиеттеріне әсер ету ықтималдығы аз.

Микросомальді тотығудың индукторлары (этанол, барбитураттар, рифампицин, трициклді антидепрессанттар) бауырдың ауыр уытты зақымдануының даму қаупін арттыра отырып, гидроксилденген белсенді метаболиттердің өндірілуін күшейтеді.

Микросомальді тотығудың тежегіштері гепатоуытты әсер қаупін азайтады. Препарат вазодилататорлардың гипотензиялық белсенділігін, фуросемид пен гипотиазидтің натрийуретикалық және диурездік белсенділігін төмендетеді. Урикозуриялық препараттардың әсерін төмендетеді, антиагреганттардың, фибринолитиктердің әсерін күшейтеді (геморрагиялық асқынулар пайда болу қаупі артады). Минералокортикостероидтармен, глюкокортикостероидтармен, колхицинмен, эстрогенмен, этанолмен әсерлесуі қан кетумен ульцерогенді әсер туғызуы мүмкін.

Ішілетін гипогликемиялық дәрілердің және инсулиннің әсерін күшейтеді.

Антацидтер мен колестираминдер ибупрофеннің сіңірілуін төмендетеді. Қандағы дигоксин, фенитоин, метотрексаттың, қан плазмасындағы литийдің концентрациясын арттырады.

Кофеин ибупрофеннің ауыруды басатын әсерін күшейтеді. Ацетилсалицил қышқылымен бір уақытта қабылдағанда жалпы қабынуға қарсы әсері төмендейді.

Тромболитикалық дәрілермен (алтеплазамен, стрептокиназамен, урокиназамен) бір уақытта қолданғанда, қан кету қаупі де артады.

Цефамандол, цефоперазон, цефотетан, вальпрой қышқылы гипопротромбинемияның даму жиілігін арттырады. Циклоспорин мен алтын препараттары ибупрофеннің бүйректегі простагландиндер синтезіне әсерін күшейтеді, ол нефроуыттылығының артуымен айқындалады.

Ибупрофен циклоспориннің плазмадағы концентрациясын және оның гепатотоуытты әсерінің даму мүмкіндігін арттырады.

Өзекшелік сөліністі бөгейтін препараттар ибупрофеннің плазмалық концентрациясын арттырады және шығарылуын төмендетеді.

Ибупрофенді калий жинақтаушы диуретиктермен бір мезгілде қолданғанда гиперкалиемия даму қаупі; басқа қабынуға қарсы стероидты емес препараттармен бірге қолданғанда асқазан-ішек жолдары жағынан жағымсыз әсерлер даму қаупі артады.

Арнайы сақтандырулар

Препараттың құрамында аллергиялық реакцияларды туындатуы мүмкін кармуазин лейк (Е-122) бояғышы бар.

Пациенттердің ерекше топтары

Бүйрек / бауыр жеткіліксіздігі бар пациенттер, егде жастағы пациенттер

Бүйрек және/немесе бауыр жеткіліксіздігінің жеңіл және орташа дәрежесі бар пациенттерде және егде жастағы пациенттерде ең төменгі тиімді дозаны емдеудің ең төменгі ықтимал кезеңінде пайдалану ұсынылады.

Педиатрияда қолданылуы

Ибупрофенді 18 жасқа дейінгі балаларда қолданбаған жөн.

Жүктілік немесе лактация кезінде – қарсы көрсетілген (Қолдануға болмайтын жағдайлар бөлімін қараңыз)

Ибупрофенді жүктілік кезінде тек ана үшін күтілетін пайда шарана үшін қауіптен артқан жағдайда ғана қолдануға болады. Препаратты ең аз тиімді дозада тағайындау қажет. Ибупрофенді жатырдың жиырылу қабілетінің төмендеу мүмкіндігіне және шарана артериялық түтігінің мезгілінен бұрын жабылуына байланысты жүктіліктің ІІІ триместрінде қолдануға болмайды.

Простагландиндер синтезін басу жүктілік пен шарананың жатырішілік дамуына теріс әсер етуі мүмкін. Эпидемиологиялық зерттеулер деректері жүктіліктің ерте кезеңінде простагландиндер синтезінің тежегіштерін қабылдағаннан кейін түсік пен жүрек және асқазан-ішек тарапынан даму ақауларының қаупінің жоғары екенін көрсетеді. Жануарларда простагландиндер синтезінің тежегіштерін енгізу имплантацияға дейін және кейінгі эмбрион мен ұрықтың өлімінің жоғарылауына әкеледі. Одан басқа простагландиндер синтезінің тежегіштерін қабылдаған жануарларда органогенез кезінде әртүрлі, оның ішінде жүрек-қантамыры жүйесінің ақауларының жиілігі жоғарылайды.

Жүктіліктің бірінші және екінші триместрі кезінде, міндетті түрдегі қажеттілікті қоспағанда ибупрофенді тағайындауға болмайды.

Жүктіліктің үшінші триместрі кезінде простагландиндер синтезінің кез келген тежегіштерін қолдану жүрек-өкпе уыттылығына (артериялық түтіктің мерзімінен ерте жабылуы және өкпе гипертензиясымен); бүйрек жеткіліксіздігіне дейін үдеуі мүмкін қағанақ суының аздығымен бүйрек функциясының бұзылуына әкелуі мүмкін.

Жүктіліктің соңында простагландиндер синтезінің тежегіштері қан кету уақытының ұзару мүмкіндігі салдарынан ана мен балаға қауіп төндіруі; жатыр жиырылуының бәсеңдеуі босанудың кідіруіне немесе ұзаққа созылуына әкелуі мүмкін.

Жүктіліктің үшінші триместрі кезінде ибупрофен қолдануға болмайды.

Ибупрофен емшек сүтіне өтеді, сондықтан оны лактация кезінде қолданғанда барлық емдеу кезеңінде емшек емізуді тоқтату жағын қарастыру қажет.

Ибупрофен циклооксигеназаны және простагландиндердің синтезін басады, әйелдердің ұрпақ өрбіту функциясын бұза отырып, овуляцияға әсер етеді (емдеуді тоқтатқаннан кейін қайтымды).

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ибупрофенді қолдану кезінде жоғары зейін қоюды, жылдам психикалық және қимыл реакцияларын талап ететін қызмет түрлерімен айналысудан тартына тұру қажет.

Арнайы нұсқаулар