Алматы қаласындағы Ампициллин Таблеткалары 250 Мг №10 | Синтез ОАО

Бір таблетканың құрамында:

белсенді зат: ампициллин тригидраты 288,60 мг (ампициллинге шаққанда – 250 мг);

қосымша заттар: картоп крахмалы, кальций стеараты, повидон, полисорбат, тальк, аэросил.

Ампициллин - ампициллинге сезімтал қоздырғыштардан туындаған бактериялық инфекциялардың кең ауқымын емдеуге арналған кең ауқымды әсер ететін пенициллинді білдіреді.

Негізгі көрсеткіштер мыналарды қамтиды:

ЛОР-мүшелерінің инфекциялары (бронхит, пневмония);

несеп шығару жолдарының инфекциялары;

тері және жұмсақ тіндердің инфекциялары;

соз, гинекологиялық инфекциялар;

септицемия, перитонит;

эндокардит, менингит, іш сүзегі;

АІЖ инфекциялары.

– Ампициллинге, басқа бета-лактамды антибиотиктерге (мысалы, пенициллинге, цефалоспоринге, карбапенемдерге) немесе қосымша заттардың кез келгеніне аса жоғары сезімталдық.

Егер АМПИЦИЛЛИН препаратын қабылдағанға дейін келесі жағдайлар болса, емдеуші дәрігермен кеңесіңіз:

Сізде бұрын, қандай да бір антибиотикті қабылдаған кезде тері бөртпесі немесе мойынның немесе беттің ісінуі болса;

Сіз басқа антибиотикпен емделіп жүрсеңіз;

Сізде инфекциялық мононуклеоз (температураның жоғарылауымен, лимфа түйіндерінің, ауызжұтқыншақтың зақымдануымен қатар жүретін жедел инфекциялық ауру, қан құрамы өзгерсе) болса немесе иммунитет төмендесе;

Сізде лимфолейкоз (қан түзу жүйесінің қатерлі ауруларының бір түрі) болса;

Сізде бүйрек ауруы (сізге препараттың аз дозасы тағайындалуы мүмкін) болса;

Сізде асқазан-ішек жолының аурулары (атап айтқанда, антибиотиктерді қолданумен байланысты тоқ ішектің шырышты қабығының қабыну ауруы (колит)) болса.

Егер сіз қабылдаған болсаңыз, жақында қабылдаған болсаңыз немесе басқа да препараттарды қабылдағыңыз келсе, емдеуші дәрігерге хабарлаңыз. Бұл сіз дәрігердің рецептінсіз сатып алған кез келген өсімдік препараттарына немесе препараттарға қатысты.

Егер сіз мыналарды қабылдасаңыз, емдеуші дәрігерге хабарлаңыз:

тетрациклин, эритромицин және хлорамфеникол немесе кез келген басқа антибиотиктер;

аллопуринол, сульфинпиразон немесе подаграны емдеуге арналған пробенецид;

антикоагулянттар, мысалы, варфарин немесе фениндион;

цитоуытты препараттар, мысалы, метотрексат (ревматоидты артритті, псориазды, немесе қатерлі ауруларды, мысалы лимфолейкозды емдеу үшін қолданылады);

хлорохин (безгек профилактикасы мен оны емдеу үшін қолданылады);

сүзек вакцинасы (сүзек профилактикасы үшін қолданылады);

оральді контрацептивтер (сізге қосымша контрацепция әдістерін пайдалану қажет болады).

АМПИЦИЛЛИН препаратын қабылдау кезінде кейбір диагностикалық зерттеулердің нәтижелері бұрмалануы мүмкін.

Егер сізде қан немесе несеп талдамаларын жүргізу жоспарланса, өзіңіздің емдеуші дәрігеріңізге АМПИЦИЛЛИН қабылдайтыныңызды хабарлаңыз.

Педиатрияда қолдану

Осы дәрілік түрдегі ампициллинді 6 жасқа дейінгі балаларға қолдануға болмайды.

Жүктілік және лактация кезеңі

Егер сіз жүкті болсаңыз, жүкті болуым мүмкін деп ойлайсыз, немесе жүктілікті жоспарласаңыз, сондай-ақ емшек емізсеңіз, препаратты қолданар алдында емдеуші дәрігермен кеңесіңіз.

Жүктілік кезінде, егер ана үшін болжамды пайда ұрық үшін ықтимал қауіптен асып кетсе, қолданылуы мүмкін.

Лактация кезінде пенициллиндердің іздік мөлшері емшек сүтінде анықталуы мүмкін. Лактация кезеңінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

АМПИЦИЛЛИН автокөлікті басқару және механизмдермен жұмыс істеу қабілетіне болмашы әсер етпейді немесе әсер етеді. Кейде бас айналуы мүмкін. Ықтимал жағымсыз реакцияларды ескере отырып, емдеу кезінде автокөлікті жүргізу және зейінді жоғары жұмылдыруды және психомоторлы реакцияның жылдамдығын талап ететін қызметтің басқа да әлеуетті қауіпті түрлерімен айналысу кезінде сақ болу қажет.

Әрқашан осы препаратты өзіңіздің емдеуші дәрігеріңіздің ұсынымдарына сәйкес қабылдаңыз. Препараттың дозасы мен емдеу ұзақтығын сіздің жағдайыңызға байланысты дәрігер анықтайды.

Егер сіз бір нәрсеге сенімсіз болсаңыз, өзіңіздің емдеуші дәрігеріңізге хабарласыңыз.

Таблеткаларды тамақтануға дейін жарты сағат – бір сағат қалғанда, су ішіп, тұтасымен жұтып қою керек.

Дозалау режимі

Ересектер мен 10 жастан асқан балаларға арналған әдеттегі тәуліктік доза: 2-ден 6 г-ға дейін ампициллин.

Дозалау жиілігі: тәулігіне 3 рет (8 сағаттан соң) немесе тәулігіне 4 рет (6 сағаттан соң).

Емдеу ұзақтығы: аурудың ағымына байланысты. Әдетте ампициллин 7 күннен 10 күнге дейін немесе симптомдар жоғалғаннан кейін кемінде 2-3 күн қолданылады.

Бета-гемолиздік стрептококктардан туындаған инфекцияларды емдеу кезінде – 10 күн (ревматизмдік қызба мен гломерулонефрит профилактикасы үшін).

Балалар

10 жастан асқан: ересектердегі дозалары көрсетілген.

10 жастан кіші: ересектердегі тәуліктік дозаның жартысы.

Осы дәрілік түрдегі Ампициллинді 6 жасқа дейінгі балаларға тағайындамайды.

Дозалаудың барлық көрсетілген режимдері ұсынымдық сипатта болады. Қажет болған кезде, ауыр инфекциялар жағдайында, сіздің дәрігер дозаны ұлғайту туралы шешім қабылдай алады.

Бауыр жеткіліксіздігі бар пациенттер

Ауыр бүйрек жеткіліксіздігі болған кезде (креатинин клиренсі минутына 10 мл-ден кем) доза азайтылуы немесе препаратты қабылдау арасындағы уақыт аралығы ұлғайтылуы мүмкін.

Артық дозалану жағдайында қабылдау қажет болатын шаралар

Егер сіз АМПИЦИЛЛИН препаратының тым үлкен дозасын қабылдадым деп ойласаңыз, дереу дәрігерге хабарласыңыз. Артық дозалану симптомдары жүрек айнуы, құсу және диарея болуы мүмкін.

Препараттың бір немесе бірнеше дозасын өткізіп алған жағдайда қабылдануы қажет шаралар

Егер сіз кезекті дозаны қабылдауды ұмытып кетсеңіз, оны мүмкіндігінше тезірек қабылдаңыз. Алайда, егер препараттың кезекті дозасын қабылдау уақыты басталса, өткізіп алған дозаны қабылдамай, әдеттегі қабылдауды жалғастырыңыз. Өткізіп алған дозаны толтыру үшін қос дозаны қабылдамаңыз!

Осы препаратты қолдану бойынша қандай да бір қосымша сұрақтар туындаған кезде өзіңіздің емдеуші дәрігеріңізбен кеңесіңіз.

Егер сіз АМПИЦИЛЛИН препаратының тым үлкен дозасын қабылдадым деп ойласаңыз, дереу дәрігерге хабарласыңыз. Артық дозалану симптомдары жүрек айнуы, құсу және диарея болуы мүмкін.

Препараттың бір немесе бірнеше дозасын өткізіп алған жағдайда қабылдануы қажет шаралар

Егер сіз кезекті дозаны қабылдауды ұмытып кетсеңіз, оны мүмкіндігінше тезірек қабылдаңыз. Алайда, егер препараттың кезекті дозасын қабылдау уақыты басталса, өткізіп алған дозаны қабылдамай, әдеттегі қабылдауды жалғастырыңыз. Өткізіп алған дозаны толтыру үшін қос дозаны қабылдамаңыз!

Осы препаратты қолдану бойынша қандай да бір қосымша сұрақтар туындаған кезде өзіңіздің емдеуші дәрігеріңізбен кеңесіңіз.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!