Алматы қаласындағы Эфавиренз, Эмтрицитабин Және Тенофовир Дизопроксил Фумараты 600 Мг/200 Мг/300 Мг №30 | Aurobindo Pharma Limited

Бір таблетканың құрамында:

белсенді заттар: эфавиренз 600.00 мг, эмтрицитабин 200.00 мг, тенофовир дизопроксилінің фумараты 300.00 мг,

қосымша заттар: натрий кроскармеллозасы, микрокристалды целлюлоза (РН 101), гидроксипропилцеллюлоза( Klucel-LF), натрий лаурилсульфаты (Texapon K12 PPH), магний стеараты,

Опадрай Ақ 85F18422 қабығының құрамы:ішінара гидролизденген поливинил спирті, макрогол/PEG 3350, титанның қостотығы (Е 171), тальк.

Препарат эфавиренздің, эмтрицитабиннің және тенофовир дизопроксилі фумаратының тіркелген дозаларының біріктірілімі болып табылады. Үш айдан астам уақыт бойы біріктірілген антиретровирустық ем (БАРЕ) алған АИТВ <50 көшірме/мл РНҚ вирусологиялық супрессиясы бар 18 жастан асқан ересектерде АИТВ-1 инфекциясын емдеуде қолданылады

Препаратты тағайындар алдында пациенттерде бұрын кез келген алдыңғы антиретровирустық емге сәтсіз вирусологиялық жауаптың байқалмағанына, Эфавиренз, эмтрицитабин және тенофовир дизопроксилінің фумараты препаратымен антиретровирустық емнің бірінші сызбасы басталғанға дейін тіркелген біріктірілімдегі үш компоненттің біреуіне айқын резистенттілікпен жүретін мутациялардың жоқтығына көз жеткізу керек.

Эфавиренз, эмтрицитабин және тенофовир дизопроксилінің фумараты біріктірілімімен емдеудің көрсетілген пайдасы ең алдымен 48 апталық клиникалық зерттеу деректеріне негізделген, онда біріктірілген антиретровирустық терапиямен тұрақты вирусологиялық супрессиясы бар пациенттер эфавирензбен, эмтрицитабинмен және тенофовир дизопроксилінің фумаратымен емдеуге көшкен. Қазіргі уақытта бұрын ем алмаған пациенттерде немесе алдын ала қарқынды емдеуден өткен пациенттерде Эфавирензді, эмтрицитабинді және тенофовир дизопроксилінің фумаратын клиникалық зерттеулер туралы деректер жоқ.

Эфавиренз, эмтрицитабин және тенофовир дизопроксилінің фумаратын және басқа антиретровирустық препараттардың біріктірілімін растайтын деректер жоқ.

- әсер етуші затқа немесе «құрамы» бөлімінде берілген қосымша заттардың кез келгеніне аса жоғары сезімталдық

- бауырдың ауыр жеткіліксіздігі (Чайлд-Пью-Туркотт бойынша С класы)

Терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен немесе қастауыш алкалоидтарымен (мысалы, эрготамин, дигидроэрготамин, эргоновин және метилэргоновинмен) бір мезгілде қолдану.

Эфавиренздің P450 (CYP) 3A4 цитохромы үшін бәсекелестігі метаболизмнің тежелуіне әкелуі мүмкін және ауыр және/немесе өмірге қауіпті жағымсыз реакциялардың дамуына ықпал етуі мүмкін (мысалы, жүрек аритмиясы, ұзақ седативті әсер немесе тыныс алудың тежелуі).

Элбасвирмен/гразопревирмен бір мезгілде қолданған кезде плазмадағы элбасвир мен гразопревир концентрациясы едәуір төмендейді деп болжанады. Бұл әсер CYP3A4 немесе Pgp эфавирензінің индукциясымен байланысты және элбасвир/гразопревирдің емдік әсерінің жоғалуына әкелуі мүмкін.

Эфавирензді вориконазолмен бір мезгілде қолдану плазмадағы вориконазолдың концентрациясын едәуір төмендетеді, ал вориконазол плазмадағы эфавиренц концентрациясын айтарлықтай арттырады. Эфавиренз, эмтрицитабин және тенофовир дизопроксилі фумараты бекітілген дозамен біріктірілген препарат болып табылатындықтан, эфавиренз дозасын түзетуге болмайды.

Құрамында шілтер жапырақты шайқурай (Hypericum perforatum) бар өсімдік препараттарымен қан плазмасындағы концентрацияның төмендеу қаупіне және эфавиренздің клиникалық әсерінің әлсіреуіне байланысты бір мезгілде қолдану.

Эфавиренз, эмтрицитабин және тенофовир дизопроксилінің фумараты препаратын келесі пациенттерге тағайындауға болмайды:

- отбасы анамнезінде кенеттен қайтыс болу немесе электрокардиограммада QT аралығының туа біткен ұзаруы немесе QTc аралығының ұзаруы деп аталатын кез келген басқа клиникалық жағдай.

- анамнезінде симптоматикалық жүрек аритмиясының немесе клиникалық маңызды брадикардияның немесе солжақ қарыншаның шығару фракциясының төмендеуімен қатар жүретін жүректің іркілген жеткіліксіздігінің болуы.

электролит теңгерімінің ауыр бұзылуы, яғни гипокалиемия немесе гипомагниемия.

Сіз QTc аралығын (проаритмиялық) ұзартатыны белгілі препараттармен бір уақытта қабылдауға болмайды.

Бұл препараттарға мыналар жатады:

- IA және III класты аритмияға қарсы дәрілер,

- нейролептиктер, антидепрессанттар,

- кейбір антибиотиктер, соның ішінде келесі кластардың кейбір препараттары: макролидтер, фторхинолондар, имидазолдар және триазолды зеңге қарсы препараттар,

- кейбір седативті емес антигистаминдік препараттар (терфенадин, астемизол)

- цизаприд

- флекаинид

- кейбір безгекке қарсы препараттар

- метадон.

Басқа дәрілік  препараттармен өзара әрекеттесуі

Эфавиренз, эмтрицитабин және тенофовир дизопроксилінің фумараты препаратының құрамында эфавиренз, эмтрицитабин және тенофовир дизопроксилі фумараты болғандықтан, белсенді заттардың бір бірімен бөлек кез келген өзара әрекеттесуі көрінуі мүмкін. Эфавиренз, эмтрицитабин және тенофовир дизопроксилі фумаратының белгіленген біріктірілімі бар препараттың дәрілік өзара әрекеттесуін зерттеу ересектердің қатысуымен ғана жүргізілді.

Эфавиренз, эмтрицитабин және тенофовир дизопроксилі фумаратының белгіленген біріктірілімін құрамында эмтрицитабин немесе тенофовир бар басқа дәрілік заттармен бір мезгілде қабылдауға болмайды. Эфавиренз, эмтрицитабин және тенофовир дизопроксилінің фумараты препаратын, мысалы, рифампицинмен бір мезгілде қабылдаған кезде дозаны түзету талап етілетін жағдайларды қоспағанда, құрамында эфавиренз бар препараттармен бір мезгілде тағайындауға болмайды. Эмтрицитабин цитидиннің аналогы болғандықтан, Эфавиренз, эмтрицитабин және тенофовир дизопроксилінің фумараты препаратын ламивудин сияқты цитидиннің басқа аналогтарымен бір мезгілде қабылдауға болмайды. Эфавиренз, эмтрицитабин және тенофовир дизопроксилінің фумараты препаратын адефовир дипивоксилімен немесе құрамында тенофовир алафенамиді бар препараттармен бір мезгілде қабылдауға болмайды.

Эфавиренз in vivo Р450 CYP3A4, CYP2D6 және UGT1А1 цитохромы жүйесінің изоферменттерінің индукторы болып табылады. Бір мезгілде қолданған кезде эфавиренз осы изоферменттердің субстраты болып табылатын заттардың плазмадағы концентрациясын төмендетеді. Эфавиренз CYP2C19 және CYP2C9 изоферменттерінің индукторы болуы мүмкін; алайда, тежелу in vitro зерттеулерінде байқалды және осы ферменттердің субстраттарымен бір мезгілде қолдану әсері түсініксіз.

CYP2B6 және CYP3A4 қоса алғанда, изоферменттердің индукторы болып табылатын метамизолмен эфавирензді бірлесіп қабылдау клиникалық тиімділігінің әлеуетті төмендеуімен қан плазмасындағы эфавиренц концентрациясының төмендеуіне әкелуі мүмкін. Метамизол мен эфавирензді бір мезгілде қолданғанда сақ болу ұсынылады; қажет болған жағдайда клиникалық жауапты және/немесе препараттың концентрациясын бақылау керек.

Эфавиренздің экспозициясы CYP3A4 және CYP2B6 изоферменттерінің белсенділігін тежейтін кейбір дәрілік препараттармен (мысалы, ритонавирмен) немесе өнімдермен (мысалы, грейпфрут шырынымен) бір мезгілде қолданғанда ұлғаюы мүмкін. Өсімдік тектес препараттармен және осы ферменттердің индукторлары болып табылатын заттармен (мысалы, Гинкго Билоба сығындылары және шілтер жапырақты шайқурай, Hypericum perforatum) бір мезгілде қабылдау қан плазмасындағы эфавиренздің бастапқыда төмендеген концентрациясының жоғарылауына әкелуі мүмкін. Шілтер жапырақты шайқурай препараттарымен бір мезгілде қолдануға болмайды. Эфавиренз, эмтрицитабин және тенофовир дизопроксилінің фумараты препараты мен Гинкго Билоба сығындыларын бір мезгілде қабылдау ұсынылмайды.

Эмтрицитабин мен тенофовирді басқа дәрілік препараттармен бір мезгілде қолданған кезде CYP арқылы өзара әрекеттесу ықтималдығы аз.

Каннабиноидтармен өзара әрекеттесу

Эфавиренз каннабиноидты рецепторлармен байланыспайды. Эфавиренз алған инфекцияланбаған және АИТВ жұқтырған адамдарда кейбір скринингтік талдаулар жүргізу кезінде каннабиноидтарға несепті талдаудың жалған нәтижелері туралы хабарланды.

Мұндай жағдайларда растаушы тестілеуді неғұрлым ерекше әдіспен, мысалы, газды хроматографиямен/масс-спектрометриямен жүргізу ұсынылады.

Бір мезгілде қолдануға қарсы көрсетімдер

Эфавиренз, эмтрицитабин және тенофовир дизопроксилінің фумаратын терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен немесе қастауыш алкалоидтарымен (мысалы, эрготамин, дигидроэрготамин, эргоновин және метилэргоновинмен) бір мезгілде қолдануға болмайды, өйткені осы препараттардың метаболизмін тежеу өмірге қауіп төндіретін елеулі реакцияларға әкелуі мүмкін.

Элбасвир/гразопревир

Эфавиренз, эмтрицитабин және тенофовир дизопроксилінің фумараты препаратын элбасвир/гразопревирмен бірге қолдануға болмайды, өйткені элбасвир/гразопревирдің вирусологиялық әсерінің жоғалуы мүмкін (1-кестені қараңыз).

Вориконазол

Эфавиренздің және вориконазолдың стандартты дозасын қолдануға болмайды. Эфавиренз, эмтрицитабин және тенофовир дизопроксилінің фумаратының бекітілген біріктірілімінде эфавиренз дозасын өзгерту мүмкін болмағандықтан, вориконазол және Эфавиренз, эмтрицитабин және тенофовир дизопроксилі фумаратының бекітілген біріктірілімін бірлесіп қолдануға болмайды (1-кестені қараңыз).

Шілтер жапырақты шайқурай (Hypericum perforatum)

Эфавиренз, эмтрицитабин және тенофовир дизопроксил фумараты және перфорацияланған шайқурай немесе шілтер жапырақты шайқурай негізіндегі өсімдік препараттарын бір мезгілде қолдануға болмайды. Плазмадағы эфавиренздің концентрациясы шайқурайдың әсерінен препаратты метаболиздейтін ферменттердің және/немесе транспорттық ақуыздардың белсенділік индукциясы нәтижесінде шілтер жапырақты шайқурайды бір мезгілде қолданғанда төмендеуі мүмкін. Егер пациент шілтер жапырақты шайқурай негізіндегі препараттарды қабылдаса, мұндай препараттарды қабылдау тоқтатылуы керек, вирустық жүктеме және мүмкін болса, эфавиренз концентрациясы анықталады. Эфавиренздің концентрациясы шілтер жапырақты шайқурай препараттарын қабылдауды тоқтатқаннан кейін артуы мүмкін. Ферменттердің индукциялайтын белсенділігі шайқурайды қолдануды тоқтатқаннан кейін кем дегенде екі апта бойы сақталуы мүмкін.

QT аралығын ұзартатын препараттар

Эфавиренз, эмтрицитабин және тенофовир дизопроксилі фумаратының белгіленген біріктірілімін QTc аралығын ұзартатыны белгілі (проаритмиялық) препараттармен бір мезгілде тағайындауға болмайды: IA және III класты аритмияға қарсы дәрілер; нейролептик дәрілер, антидепрессивті агенттер; келесі кластағы кейбір препараттарды қоса белгілі бір антибиотиктер: макролидтер, фторхинолондар, имидазол және триазол зеңге қарсы препараттар; белгілі бір седативті емес антигистаминдік препараттар (терфенадин, астемизол); цисаприд, флекаинид; безгекке қарсы белгілі бір дәрілер; метадон.

Бір мезгілде қабылдау ұсынылмайды:

Атазанавир/ритонавир

Атазанавир/ритонавирдің біріктірілімін Эфавиренз, эмтрицитабин және тенофовир дизопроксилі фумаратының бекітілген біріктірілімімен бірге дозалау бойынша ұсыным үшін жеткілікті деректер жоқ. Сондықтан атазанавир/ритонавирді Эфавиренз, эмтрицитабин және тенофовир дизопроксилі фумаратының белгіленген біріктірілімімен бірге қолдану ұсынылмайды (1-кестені қараңыз).

Диданозин

Эфавиренз, эмтрицитабин және тенофовир дизопроксилінің фумараты мен диданозиннің бекітілген біріктірілімін қолдану ұсынылмайды (1-кестені қараңыз).

Софосбувир/велпатасвир және софосбувир/велпатасвир/воксилапревир

Эфавиренз/эмтрицитабин/тенофовир таблеткалары және софосбувир/велпатасвир немесе софосбувир/велпатасвир/воксилапревир дәрілік препаратын бір мезгілде қолдану ұсынылмайды (1-кестені қараңыз).

Бүйрекпен шығарылатын препараттар

Эмтрицитабин мен тенофовир негізінен бүйрекпен шығарылатындықтан, таблетка түріндегі эфавирензді, эмтрицитабинді және тенофовир дизопроксилі фумаратын бүйрек функциясын төмендететін немесе белсенді түтікшелі секреция үшін бәсекелесетін дәрілік заттармен (мысалы, цидофовир) бірге тағайындау эмтрицитабин, тенофовир және/немесе бірлесіп қабылданатын дәрілік заттар концентрациясының ұлғаюына әкелуі мүмкін.

Эфавиренз, эмтрицитабин және тенофовир дизопроксилінің фумаратын нефроуытты агентпен бір мезгілде немесе оны жақында қолданғаннан кейін қабылдаудан аулақ болу керек. Кейбір мысалдарға басқалармен қатар, аминогликозидтер, амфотерицин В, фоскарнет, ганцикловир, пентамидин, ванкомицин, сидофовир немесе интерлейкин-2 жатады.

Басқа өзара әрекеттесулер

Эфавиренз, эмтрицитабин және тенофовир дизопроксилінің фумараты бекітілген біріктірілімі мен протеаза тежегіштерінің, протеаза тежегіштерінен өзгеше антиретровирустық препараттардың және басқа да антиретровирустық емес дәрілік заттардың белсенді заттары арасындағы өзара әрекеттесу төмендегі кестеде берілген ("↑"жоғарылау, “↓” төмендеу, өзгеріссіз “↔”).

1-кесте. Эфавиренз, эмтрицитабин және тенофовир дизопроксилі фумаратының бекітілген біріктірілімінің жекелеген компоненттері мен басқа да препараттар арасындағы өзара әрекеттесу

1 Софосбувирдің айналымдағы басым метаболиті.

Басқа препараттармен байланысты зерттеулер

Эфавирензді азитромицинмен, цетиризинмен, фосемпренавирмен/ринотавирмен, лоразепаммен, нелфинавирмен, зидовудинмен, алюминий/магний гидроксиді антацидтерімен, фамотидинмен немесе флуконазолмен бірге қабылдаған кезде клиникалық маңызды фармакокинетикалық өзара әрекеттесулер жоқ. Эфавиренздің кетоконазол сияқты басқа да зеңге қарсы имидазолдармен өзара әрекеттесу әлеуеті зерттелмеген.

Эмтрицитабинді ставудинмен, зидовудинмен немесе фамцикловирмен бірге қабылдаған кезде клиникалық маңызды фармакокинетикалық өзара әрекеттесулер жоқ. Тенофовир дизопроксилінің фумаратын адефовир дизопроксилмен, эмтрицитабинмен, нелфинавирмен немесе рибавиринмен бірге қабылдаған кезде клиникалық маңызды фармакокинетикалық өзара әрекеттесулер жоқ.

Арнайы сақтандырулар

Басқа препараттармен бір мезгілде қолдану

Эфавиренз, эмтрицитабин және тенофовир дизопроксилінің фумараты препараты үш белсенді компоненттің белгіленген дозалары бар біріктірілген препарат болып табылатындықтан, дозаны түзету қажет болған жағдайларды қоспағанда, мысалы, рифампицинмен, оны құрамында сол белсенді компоненттер, эмтрицитабин немесе тенофовир, сондай-ақ құрамында эфавиренз бар басқа дәрілік заттармен бір мезгілде қабылдауға болмайды. Эмтрицитабин цитидиннің аналогы болғандықтан, Эфавиренз, эмтрицитабин және тенофовир дизопроксилінің фумараты препаратын ламивудин сияқты цитидиннің басқа аналогтарымен бір мезгілде қабылдауға болмайды. Эфавиренз, эмтрицитабин және тенофовир дизопроксилінің фумараты препаратын адефовир дипивоксилімен немесе құрамында тенофовир алафенамиді бар дәрілік препараттармен бір мезгілде қабылдауға болмайды.

Эфавиренз, эмтрицитабин және тенофовир дизопроксилінің фумараты препараты мен диданозинді бір мезгілде қабылдау ұсынылмайды.

Эфавирензбен өзара әрекеттесу салдарынан велпатасвир мен воксилапревирдің плазмалық концентрациясының ықтимал төмендеуіне байланысты Эфавиренз, эмтрицитабин және тенофовир дизопроксилінің фумараты және софосбувир/велпатасвир немесе софосбувир/велпатасвир/воксилапревир препаратын бір мезгілде қолдану ұсынылмайды, бұл софосбувир/велпатасвир немесе софосбувир/велпатасвир/воксилапревирдің терапиялық әсерінің төмендеуіне әкеледі.

Эфавиренз, эмтрицитабин және тенофовир дизопроксилінің фумараты препаратын басқа антиретровирустық препараттармен біріктіріп қолданудың қауіпсіздігі мен тиімділігі туралы деректер жоқ.

Эфавиренз, эмтрицитабин және тенофовир дизопроксилінің фумараты препараты мен Гинкго Билобаны бір мезгілде қабылдау ұсынылмайды.

Протеаза тежегіштері - антиретровирустық препараттарға негізделген режимнен ауысу

Протеаза тежегіштерін қолдана отырып, APT режимін сақтайтын пациенттерде Эфавиренз, эмтрицитабин және тенофовир дизопроксилінің фумараты препаратын қабылдауға көшу емге жауап беру айқындылығының төмендеуіне әкелуі мүмкін. Мұндай пациенттерді вирустық жүктеменің жоғарылауы және жанама әсерлердің күшеюіне бақылау керек, өйткені эфавиренздің қауіпсіздік бейіні протеаза тежегіштері класының осындай препараттарынан ерекшеленеді.

Оппортунистік инфекциялар

Эфавиренз, эмтрицитабин және тенофовир дизопроксилінің фумараты препаратын немесе кез келген басқа антиретровирустық препаратты қабылдайтын пациенттерде оппортунистік инфекциялардың клиникалық көріністері немесе АИТВ - инфекциясының асқынулары болуы мүмкін, осыған байланысты дәрігерлер үнемі бақылап отыруы тиіс.

АИТВ берілуі

Вирустың тұрақты супрессиясына әкелетін тұрақты APT жыныстық қатынас кезінде вирустың берілу қаупін едәуір төмендетсе де, пациенттер АИТВ-ның жыныстық қатынас кезінде немесе қанмен байланыс кезінде берілу қаупі APT аясында сақталатынын білуі керек. Сондықтан вирустың берілуін болдырмау үшін тиісті шараларды қолдану қажет.

Тағамның әсері

Эфавиренз, эмтрицитабин және тенофовир дизопроксилінің фумараты препаратын тамақпен бір мезгілде қабылдау эфавиренздің экспозициясын арттыруы мүмкін және жанама әсерлер жиілігінің артуына әкелуі мүмкін. Эфавиренз, эмтрицитабин және тенофовир дизопроксилінің фумараты препаратын бос асқазанға, дұрысы ұйқыға кетер алдында қабылдау ұсынылады.

Бауыр функциясының бұзылуы

Эфавиренздің, эмтрицитабиннің және тенофовир дизопроксилі фумаратының фармакокинетикасы, қауіпсіздігі мен тиімділігі бауырдың елеулі қатар жүретін аурулары бар пациенттерде анықталмаған. Эфавиренз, эмтрицитабин және тенофовир препаратын бауыр функциясының ауыр бұзылулары бар пациенттерге қолдануға болмайды, сондай-ақ бауыр функциясының ауырлығы орташа дәрежедегі бұзылулары бар пациенттерге ұсынылмайды. Эфавиренз негізінен цитохром жүйесінің (CYP) изоферменттерінің қатысуымен метаболизденетіндіктен, бауыр функциясы ауырлығы жеңіл дәрежеде бұзылған пациенттерде Эфавиренз, эмтрицитабин және тенофовир препаратын сақтықпен қолдану ұсынылады. Эфавирензді қабылдауға байланысты, әсіресе жүйке жүйесі тарапынан жанама әсерлерді мониторингтеу үшін бауыр жеткіліксіздігінің жеңіл дәрежесі бар пациенттерді мұқият бақылау қажет. Бауыр функциясын бағалау үшін жүйелі зертханалық бақылау қажет.

Созылмалы белсенді гепатитті қоса, бұрын диагноз қойылған бауыр аурулары бар пациенттерде біріктірілген антиретровирустық ем кезінде бауыр функциясының бұзылуы жиі байқалуы мүмкін, мұндай пациенттердің жағдайын стандартты практикаға сәйкес бақылау керек. Егер бауыр ауруының күшеюі байқалса немесе «бауыр» трансаминазаларының қалыптың жоғарғы шегінен 5 еседен артық жоғарылауы орын алса, уытты әсерлер қаупін және Эфавиренз, эмтрицитабин және тенофовир дизопроксилінің фумараты препаратын қолданудың күтілетін пайдасын бағалау қажет.

Бауырға арналған басқа да уытты препараттарды қабылдайтын пациенттерге бауыр ферменттерінің мониторингі ұсынылады. Мұндай пациенттерде үзіліс немесе емдеуді тоқтату қажет болуы мүмкін.

Гепатоуыттылыққа байланысты басқа дәрілік заттармен емделетін пациенттерде бауыр ферменттерін де бақылау ұсынылады.

Бауырмен байланысты оқиғалар

Тіркеуден кейінгі кезең ішінде анамнезінде бауыр аурулары, сондай-ақ басқа да анықталатын қауіп факторлары болмаған пациенттерде бауыр жеткіліксіздігінің дамуы туралы да хабарламалар келіп түсті. «Бауыр» трансаминазаларының белсенділігін бақылауды қауіп факторларының болуына және/немесе бауыр функциясының бастапқы жағдайына қарамастан барлық пациенттерде жүргізген жөн.

АИТВ, В гепатиті вирусын немесе С гепатиті вирусын бір мезгілде жұқтырған пациенттер

Құрама APT алатын созылмалы В немесе С вирустық гепатиті бар пациенттер бауыр тарапынан ауыр және ықтимал өлімге әкелетін асқынулардың жоғары тәуекел тобына жатады.

Дәрігерлер АИТВ-инфекциясын емдеу жөніндегі ұсынымдарды ұстануы және АИТВ және В гепатиті вирусын жұқтырған пациенттер үшін оңтайлы емдеуді таңдауы қажет.

В немесе С гепатитінің вирусқа қарсы қатарлас терапиясы жағдайында осы дәрілік заттар үшін қолдану жөніндегі тиісті нұсқаулыққа жүгініңіз.

Созылмалы В гепатитін емдеуге арналған Эфавиренз, эмтрицитабин және тенофовир дизопроксилінің фумараты препаратының тиімділігі мен қауіпсіздігі зерттелмеген. Алайда, эмтрицитабин мен тенофовирдің вирусқа қарсы белсенділігі В гепатиті вирусына қатысты, оларды монотерапияда да, аралас терапияда да қолданған кезде анықталды. АИТВ инфекциясын емдеу мақсатында біріктірілген APT құрамында қолданылған кезде эмтрицитабин мен тенофовирдің В гепатиті вирусына қатысты вирусқа қарсы әсері бар екенін көрсететін шектеулі клиникалық деректер бар. АИТВ инфекциясы және В гепатиті вирусы біріктірілген пациенттерде Эфавиренз, эмтрицитабин және тенофовир дизопроксилінің фумараты препаратын тоқтату гепатиттің ауыр асқынуын тудыруы мүмкін. АИТВ және В гепатиті вирусын жұқтырған пациенттерді Эфавиренз, эмтрицитабин және тенофовир дизопроксилінің фумараты препаратымен емдеу тоқтатылғаннан кейін кемінде 4 ай ішінде клиникалық және зертханалық түрде мұқият бақылау жүзеге асырылуы тиіс. Кейбір жағдайларда В гепатитіне қарсы терапияны жаңарту қажет болуы мүмкін. Бауырдың үдемелі аурулары немесе циррозы бар пациенттерде емдеуді тоқтату ұсынылмайды, өйткені емдеуді тоқтатқаннан кейін туындайтын гепатиттің өршуі бауыр функциясының декомпенсациясына әкелуі мүмкін.

QT аралығының ұзаруы

Эфавирензді қолдану кезінде QT аралығының ұзаруы байқалады. Пируэтті тахикардияның даму қаупі жоғары пациенттер үшін немесе пируэтті тахикардияның даму қаупі бар препараттарды қабылдайтын пациенттер үшін АИТВ-ны емдеу үшін басқа да баламалы препараттарды қабылдауды қарастыру ұсынылады.

Психиканың бұзылуы

Психиканың тарапынан жағымсыз құбылыстар эфавирензді қабылдаған пациенттерде тіркелді. Анамнезінде психикалық бұзылулар байқалған пациенттер психика тарапынан елеулі жағымсыз реакциялардың даму қаупі жоғары. Атап айтқанда, ауыр депрессия анамнезінде депрессия бар пациенттерде жиі байқалды. Препаратты тіркеуден кейінгі кезеңде қолданған кезде ауыр депрессия, өзін-өзі өлтіру, сандырақ және психозға ұқсас мінез-құлық туралы хабарланды. Пациенттерге депрессия, психоз немесе суицидтік ойлар сияқты симптомдар пайда болған кезде, олар осы симптомдардың эфавирензді қабылдаумен ықтимал байланысын бағалау үшін дереу дәрігерге қаралуы тиіс; осындай байланыс орнатылған кезде препаратты қолданудың пайдасы әлеуетті қауіптен асып түсетінін анықтау қажет.

Жүйке жүйесінің тарапынан симптомдар

Күн сайын 600 мг дозада эфавирензді қабылдаған пациенттерде бас айналу, ұйқысыздық, ұйқышылдық, зейіннің бұзылуы және ерекше түс көруді қоса, бірақ онымен шектелмей, симптомдар жиі байқалды. Сондай-ақ, эмтрицитабин мен тенофовир қабылдаған кезде бас айналу байқалды. Эмтрицитабинді қабылдау кезінде бас ауыруы тіркелді.

Эфавирензбен байланысты неврологиялық симптомдар, әдетте, емдеудің алғашқы екі күнінде басталады және алғашқы 2 - 4 апта ішінде тоқтайды. Пациенттерге жиі туындайтын неврологиялық симптомдардың өтпелі сипатта екенін, емдеу жалғасқан кезде басылатынын және одан әрі емдеу кезінде психика тарапынан аса сирек бұзылулардың дамуы болжанбайтынын айту керек.

Құрысулар

Фенитоин, карбамазепин және фенобарбитал сияқты бауыр метаболиздейтін құрысуға қарсы қатарлас дәрілерді алатын пациенттер осы препараттардың қандағы концентрациясын мезгіл-мезгіл анықтап отыру керек. Анамнезінде құрысулар бар барлық пациенттерге Эфавиренз, эмтрицитабин және тенофовир дизопроксилінің фумараты препаратын тағайындағанда сақ болу керек.

Бүйрек функциясының бұзылуы

Эфавиренз, эмтрицитабин және тенофовир дизопроксилінің фумараты препаратын бүйрек функциясы орташа және ауыр дәрежеде бұзылған (креатинин клиренсі 50 мл/мин-ден кем) пациенттерге қолдану ұсынылмайды.

Бүйректің ауырлығы орташа және ауыр дәрежедегі жеткіліксіздігі бар пациенттерге біріктірілген таблетканы қолданғанда қол жеткізуге болмайтын эмтрицитабин мен тенофовир дозасын түзету талап етіледі. Эфавиренз, эмтрицитабин және тенофовир дизопроксилінің фумараты препаратын нефроуытты препараттарды бір мезгілде немесе жақында қолданғанда қолданудан аулақ болу керек. Эфавиренз, эмтрицитабин және тенофовир дизопроксилінің фумараты препараттарын және нефроуытты препараттарды (мысалы, аминогликозидтер, амфотерицин В, натрий фоскарнеті, ганцикловир, пентамидин, ванкомицин, цидофовир, интерлейкин-2) бір мезгілде қолданбауға болмайтын болса, бүйрек функциясын апта сайын бақылау қажет.

Жоғары дозаларды немесе бірнеше қабынуға қарсы стероидты емес препараттарды (ҚҚСП) қолдану басталғаннан кейін бүйрек функциясының бұзылу қаупі факторлары бар және тенофовир дизопроксил қабылдаған пациенттерде бүйректің жедел жеткіліксіздігі жағдайлары тіркелген. ҚҚСП-мен бір мезгілде қолданғанда бүйрек функциясын бақылау қажет.

Клиникалық практикада тенофовир дизопроксилді қолданғанда бүйрек жеткіліксіздігінің дамуы, бүйрек функциясының бұзылуы, креатининнің жоғарылауы, гипофосфатемия және проксимальді тубулопатия, оның ішінде Фанкони синдромы туралы хабарланды.

Эфавиренз, эмтрицитабин және тенофовир дизопроксилінің фумараты препаратымен емдеу басталғанға дейін барлық пациенттерде креатинин клиренсін есептеу, емдеу басталғаннан бастап 2-4 аптадан соң, 3 айдан кейін және одан әрі әрбір 3-6 айда бүйрек ауруларының даму қаупі факторлары жоқ пациенттерде бүйрек функциясын (креатинин клиренсі және қандағы фосфат деңгейі) бақылау ұсынылады. Анамнезінде бүйрек функциясы бұзылған немесе оның даму қаупі бар пациенттерде бүйрек функциясын жиі бақылау қажет.

Егер қан сарысуындағы фосфаттың концентрациясы 1,5 мг/дл (0,48 ммоль/л) кем болса немесе креатинин клиренсі - 50 мл/мин төмен болса, қандағы глюкоза мен калий, несептегі глюкоза концентрациясын анықтауды қоса алғанда, бүйрек функциясын қайта бағалауды бір апта ішінде жүргізген жөн. Эфавиренз, эмтрицитабин және тенофовир дизопроксилінің фумараты препараты аралас препарат болғандықтан және оның жекелеген компоненттерін әртүрлі уақыт аралығымен қабылдау мүмкін болмағандықтан, Эфавиренз, эмтрицитабин және тенофовир дизопроксилі фумаратымен емдеу креатинин клиренсі 50 мл/мин төмен немесе қан сарысуындағы фосфат концентрациясы 1,0 мг/дл (0,32 ммоль/л) төмен пациенттерде тоқтатыла тұруы тиіс. Эфавиренз, эмтрицитабин және тенофовир дизопроксилінің фумараты препаратымен емдеуде үзіліс қажеттілігін айқын себепсіз бүйрек функциясының үдемелі төмендеуі кезінде қарастыру керек. Егер Эфавиренз, эмтрицитабин және тенофовир дизопроксилінің фумараты препаратының құрамына кіретін компоненттердің біреуін тоқтату талап етілсе немесе компоненттердің бірінің дозасын түзету талап етілсе, монокомпоненттер негізінде эфавиренз, эмтрицитабин және тенофовир дизопроксил препараттарын қолдану керек.

Сүйек тінінің функциясына әсері

Сүйек тінінің бұзылуы, мысалы, тұрақты немесе сүйектердегі күшейіп келе жатқан аурумен көрінуі мүмкін остеомаляция сирек жағдайларда сынықтарға ықпал етуі мүмкін, бұл тенофовир дизопроксилімен туындаған проксимальды бүйрек тубулопатиясына әкелуі мүмкін.

Тенофовир дисопроксилі сонымен қатар сүйек тінінің минералды тығыздығының (СТМТ) төмендеуіне әкелуі мүмкін.

Бұрын APT алмаған пациенттерде тенофовир дизопроксилді ламивудинмен және эфавирензбен біріктірілімде ставудинмен салыстырған 144 апталық бақыланатын клиникалық зерттеуде ортанжілік пен омыртқаның сүйек тінінің минералдық тығыздығының біршама төмендегені байқалды. 144 аптадан кейін тенофовир дизопроксилмен емдеу тобында омыртқаның сүйек тінінің минералды тығыздығының төмендеуі және бастапқы деңгеймен салыстырғанда сүйек биомаркерлерінің өзгеруі айтарлықтай жоғары болды. Ұршықбуынның сүйек тінінің минералды тығыздығының төмендеуі осы топта 96 аптаға дейін едәуір көп болды. Алайда, бұл зерттеуде 144 апта ішінде сүйек тінінің сынуы немесе клиникалық маңызды бұзылу белгілерінің жоғары қаупі байқалмады.

Басқа проспективті және айқаспалы зерттеулерде күшейтілген протеаза тежегіші бар сызба құрамында тенофовир дизопроксилін алған пациенттерде СМТ аса айқын төмендеуі байқалды. Тұтастай алғанда, тенофовир дизопроксилін қабылдаумен байланысты сүйек тінінің бұзылуын және тенофовир дисопроксилінің сүйек тінінің сау жұмыс істеуіне және сыну қаупіне әсері туралы ұзақ мерзімді деректердің шектелуін назарға ала отырып, сыну қаупіне аса бейім остеопорозы бар пациенттер үшін баламалы емдеу сызбаларын қарастыру керек.

Егер күдік болса немесе сүйек тінінің бұзылуы анықталса, дәрігерге қаралу керек.

Тері тарапынан реакциялар

Эфавиренз, эмтрицитабин және тенофовир дизопроксилінің фумараты препаратының жекелеген компоненттерін қолдану кезінде айқындылықтың әлсізден орташа дәрежесіне дейін тері бөртпесінің пайда болуы туралы хабарламалар бар. Эфавирензді қабылдаудан туындаған бөртпе, әдетте, емді жалғастырған кезде жоғалды. Антигистаминдік дәрілік препараттар және/немесе глюкокортикостероидтар емге төзімділікті жақсарта алады және бөртпелердің жойылуын жеделдетеді. Күлдіреуіктердің пайда болуымен, десквамациямен немесе жараланумен қатар жүретін ауыр бөртпелердің пайда болу жағдайлары эфавиренз алған пациенттердің 1% - дан азында байқалды. Мультиформалы эритема немесе Стивенс-Джонсон синдромы шамамен 0,1% жағдайда тіркелген. Күлдіреуік, десквамация, қызба түрінде немесе шырышты қабықтарды қамтыған ауыр дәрежедегі бөртпе пайда болған жағдайда, Эфавиренз, эмтрицитабин және тенофовир дизопроксилінің фумараты препаратын тоқтату керек. КТНТ класындағы антиретровирустық препараттар алынып тасталған пациенттерде эфавирензді қолдану тәжірибесі шектеулі. Эфавиренз, эмтрицитабин және тенофовир дизопроксилінің фумараты препараты бұрын өмірге қауіпті тері реакциялары дамыған пациенттерге (мысалы, Стивенс-Джонсон синдромы) басқа КТНЕТ қабылдаған кезде ұсынылмайды.

Салмақ және метаболизмдік параметрлер

Антиретровирустық терапия кезінде дене салмағының, сондай-ақ липидтер мен қандағы глюкоза деңгейінің жоғарылауы байқалуы мүмкін. Мұндай өзгерістер ішінара ауру мен өмір салтын бақылауға байланысты болуы мүмкін. Кейбір жағдайларда липидтер деңгейінің жоғарылауы терапияның тиімділігін көрсетеді, ал дене салмағының жоғарылауын емдеудің қандай да бір нақты сызбасымен байланыстыратын нақты дәлелдер жоқ. Қандағы липидтер мен глюкозаны бақылау үшін АИТВ инфекциясын емдеу бойынша белгіленген ұсынымдар қолданылады. Липидті алмасудың бұзылуын клиникалық көрсетілімдерге сәйкес түзету керек.

Препараттыңқұрсақ ішілік әсерінен кейінгі митохондриялық бұзылулар

Нуклеозидті және нуклеотидті аналогтар әртүрлі дәрежедегі митохондриялық бұзылулардың қабілетін көрсетті. Әсіресе айқын әсерлерді ставудин, диданозин және зидовудин тудырады. Нуклеозид аналогтарының құрсақішілік және/немесе постнатальді әсеріне ұшыраған, негізінен зидовудинді қолданумен емдеу сызбалары кезінде теріс АИТВ-мәртебесі бар өмірдің бірінші жылындағы балаларда митохондриялық бұзылулардың дамуы туралы хабарланды. Тіркелген негізгі жағымсыз реакциялардың ішінде гематологиялық бұзылулар (анемия, нейтропения) және метаболизмдік бұзылулар (гиперлактатемия, гиперлипаземия) байқалады. Бұл өзгерістер көбінесе өтпелі сипатқа ие. Сирек жағдайларда кейбір кейін білінетін неврологиялық бұзылулар (гипертония, құрысулар, мінез-құлық бұзылыстары) тіркелді. Қазіргі уақытта неврологиялық бұзылулардың өтпелі немесе тұрақты екендігі белгісіз. Алынған мәліметтер белгісіз этиологияның, әсіресе неврологиялық сипаттағы елеулі клиникалық көріністері бар нуклеозидті және нуклеотидті аналогтардың құрсақішілік әсеріне ұшыраған әр бала үшін ескерілуі керек. Қолда бар деректер ағымдағы Ұлттық ұсынымдарға әсер етпейді, оған сәйкес АИТВ-оң жүкті әйелдерге АИТВ-ның тік берілуінің алдын алу мақсатында APT жүргізу қажет.

Иммунитетті қалпына келтіру синдромы

Біріктірілген APT басында ауыр иммун тапшылығы бар АИТВ жұқтырған пациенттерде симптомсыз немесе қалдық оппортунистік инфекцияларға қабыну реакциясы дамуы мүмкін және ауыр клиникалық патологияны немесе симптомдардың аггравациясын тудыруы мүмкін. Әдетте мұндай реакциялар біріктірілген APT басталғаннан кейінгі алғашқы апталарда немесе айларда байқалады. Мысал ретінде цитомегаловирустық ретинит, жалпыланған және/немесе ошақты микобактериялық инфекциялар және пневмоцисттік (Pneumocystis jirovecii) пневмония жатады. Қабынудың кез келген симптомдарын қадағалап, қажет болған жағдайда емдеуді уақтылы тағайындау керек.

Грейвс ауруы немесе аутоиммунды гепатит сияқты аутоиммундық аурулардың пайда болуы туралы хабарламалар бар, бірақ мұндай аурулардың даму уақытында емдеу басталған сәттен айырмашылық болды. Емдеу басталғаннан кейін ұзақ уақыт аралығында (бірнеше ай) аутоиммундық аурулардың дамуы туралы мәліметтер бар.

Остеонекроз

Остеонекроздың этиологиясы көп факторлы болып саналғанымен (глюкокортикостероидтарды қолдану, алкогольді ішу, ауыр иммуносупрессияның болуы, дене салмағының жоғары индексі), остеонекроз жағдайлары әсіресе үдемелі АИВ-инфекциясы бар пациенттерде және/немесе біріктірілген APT ұзақ қабылдау кезінде жиі тіркелді. Пациенттерге буындардағы қақсау немесе ауырсыну, буындардың қозғалмауы немесе қозғалыс қиындықтары пайда болған кезде дәрігерден кеңес алу ұсынылады.

АИТВ-1 мутациясы бар пациенттер

K65R, M184V/І немесе K103N мутацияларымен АИТВ-1 штаммдарын жұқтырған пациенттерде Эфавиренз, эмтрицитабин және тенофовир дизопроксилінің фумараты препаратын тағайындаудан аулақ болу керек.

Егде жастағы пациенттер

Эфавиренз, эмтрицитабин және тенофовир дизопроксилінің фумараты препаратын бауыр, бүйрек немесе жүрек функцияларының бұзылу жиілігінің артуын, қатар жүретін ауруларды және осы пациенттердегі басқа да дәрі-дәрмекпен емдеуді ескере отырып, 65 жастан асқан егде жастағы пациенттерге сақтықпен тағайындау керек.

Бала туу әлеуеті бар әйелдер

Таблеткалардағы Эфавиренз, эмтрицитабин және тенофовир дизопроксилінің фумаратын қабылдайтын әйелдер жүктіліктің басталуынан аулақ болу керек. Эфавирензді, эмтрицитабинді және тенофовир дизопроксилінің фумаратын таблетка түрінде қабылдауды бастамас бұрын, бала туу әлеуеті бар әйелдер жүктілік тестінен өтуі тиіс.

Ерлер мен әйелдердегі контрацепция

Эфавиренз, эмтрицитабин және тенофовир дизопроксилінің фумараты препаратын қабылдайтын бала туу әлеуеті бар әйелдер жүктіліктен қорғалуы тиіс. Бөгеттік контрацепция тәсілдері Эфавиренз, эмтрицитабин және тенофовир дизопроксилінің фумараты препаратын қабылдау кезінде контрацепцияның басқа әдістерімен үйлесімде әрдайым қолданылуы тиіс (мысалы, гормондық контрацептивтік дәрілер). Эфавиренздің жартылай ыдырау кезеңі ұзақ болғандықтан, препаратты қабылдауды тоқтатқаннан кейін кем дегенде 12 апта бойы тиісті контрацепция шараларын қолдану қажет.

Жүктілік немесе лактация кезеңінде

Эфавиренз: бірінші триместрде эфавиренз бар емдеу сызбасын (кез келген эфавиренз бар тіркелген дозалы аралас таблеткаларды қоспағанда) алған барлық аналарда менингомиелоцелені қоса алғанда, жүйке түтігінің ақауларын растайтын нәтижелерге қатысты деректер алынды. Жүйке түтігінің ақауларымен байланысты оқиғаларды қоса алғанда, қосымша екі жағдай (1 проспективті және 1 ретроспективті) құрамында эфавиренз, эмтрицитабин және тенофовир дизопроксил бар бекітілген дозалы біріктірілген таблетканы қабылдау кезінде тіркелді. Бұл оқиғалардың эфавирензді қолданумен себеп-салдарлық байланысы анықталған жоқ. Жүйке түтігінің ақаулары шарананың дамуының алғашқы 4 аптасында пайда болатындықтан (бұл кезде жүйке түтіктері мөрленеді), бұл әлеуетті қауіп жүктіліктің бірінші триместрінде эфавиренздің әсеріне ұшыраған әйелдерге қатысты болады.

Эмтрицитабин және тенофовир дизопроксил: жүкті әйелдер туралы деректердің көп мөлшері (жүктіліктің 1000-нан астам нәтижесі) эмтрицитабин және тенофовир дизопроксилін қабылдаумен байланысты шарана/жаңа туған нәресте үшін даму ақауларының немесе уыттылығының жоқтығын көрсетеді. Эмтрицитабин мен тенофовир дизопроксилін қабылдау кезіндегі зерттеулер репродуктивтік уыттылықты көрсетпейді.

Егер әйелдің клиникалық жағдайы эфавирензбен/эмтрицитабинмен/тенофовир дизопроксилімен емдеуді талап етпесе, Эфавиренз, эмтрицитабин және тенофовир дизопроксилінің фумараты препаратын жүктілік кезінде қолдануға болмайды.

Бала емізу

Эфавиренз, эмтрицитабин және тенофовир дизопроксилінің фумараты әйелдерде емшек сүтімен бөлінеді. Эфавиренздің, эмтрицитабиннің және тенофовир дизопроксилі фумаратының жаңа туған нәрестелерге/балаларға әсері туралы деректер жеткіліксіз. Нәрестелер үшін қауіпті жоққа шығаруға болмайды. Демек, бала емізу кезінде Эфавиренз, эмтрицитабин және тенофовир дизопроксилінің фумараты препаратын қолдануға болмайды.

Жаңа туған нәрестеге және 1 жасқа дейінгі балаларға АИТВ-ның берілуін болдырмау үшін АИТВ жұқтырған әйелдердің бала емізуден толық бас тартуы ұсынылады.

Фертильділік

Эфавиренз, эмтрицитабин және тенофовир дизопроксилінің фумараты препаратының адамға әсері туралы деректер жоқ. Жүргізілген зерттеулер эфавиренз, эмтрицитабин немесе тенофовир дизопроксилінің фертильділікке зиянды әсерін анықтаған жоқ.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Көлік жүргізу және механизмдермен жұмыс істеу қабілетіне әсер ету туралы зерттеулер жүргізілген жоқ. Алайда, пациенттерге тенофовир дизопроксилінің фумаратымен емдеу кезінде бас айналу байқалғаны туралы хабарлау керек. Эфавиренз бас айналуды, зейін қоюдың бұзылуын және/немесе ұйқышылдықты тудыруы мүмкін. Пациенттерге нұсқау берілуі керек: аталған симптомдар туындаған жағдайда, олар машиналарды жүргізу немесе пайдалану сияқты қауіпті жұмыстардан аулақ болу керек.

Басқа препараттармен бір мезгілде қолдану

Эфавиренз, эмтрицитабин және тенофовир дизопроксилінің фумараты препараты үш белсенді компоненттің белгіленген дозалары бар біріктірілген препарат болып табылатындықтан, дозаны түзету қажет болған жағдайларды қоспағанда, мысалы, рифампицинмен, оны құрамында сол белсенді компоненттер, эмтрицитабин немесе тенофовир, сондай-ақ құрамында эфавиренз бар басқа дәрілік заттармен бір мезгілде қабылдауға болмайды. Эмтрицитабин цитидиннің аналогы болғандықтан, Эфавиренз, эмтрицитабин және тенофовир дизопроксилінің фумараты препаратын ламивудин сияқты цитидиннің басқа аналогтарымен бір мезгілде қабылдауға болмайды. Эфавиренз, эмтрицитабин және тенофовир дизопроксилінің фумараты препаратын адефовир дипивоксилімен немесе құрамында тенофовир алафенамиді бар дәрілік препараттармен бір мезгілде қабылдауға болмайды.

Эфавиренз, эмтрицитабин және тенофовир дизопроксилінің фумараты препараты мен диданозинді бір мезгілде қабылдау ұсынылмайды.

Эфавирензбен өзара әрекеттесу салдарынан велпатасвир мен воксилапревирдің плазмалық концентрациясының ықтимал төмендеуіне байланысты Эфавиренз, эмтрицитабин және тенофовир дизопроксилінің фумараты және софосбувир/велпатасвир немесе софосбувир/велпатасвир/воксилапревир препаратын бір мезгілде қолдану ұсынылмайды, бұл софосбувир/велпатасвир немесе софосбувир/велпатасвир/воксилапревирдің терапиялық әсерінің төмендеуіне әкеледі.

Эфавиренз, эмтрицитабин және тенофовир дизопроксилінің фумараты препаратын басқа антиретровирустық препараттармен біріктіріп қолданудың қауіпсіздігі мен тиімділігі туралы деректер жоқ.

Эфавиренз, эмтрицитабин және тенофовир дизопроксилінің фумараты препараты мен Гинкго Билобаны бір мезгілде қабылдау ұсынылмайды.

Протеаза тежегіштері - антиретровирустық препараттарға негізделген режимнен ауысу

Протеаза тежегіштерін қолдана отырып, APT режимін сақтайтын пациенттерде Эфавиренз, эмтрицитабин және тенофовир дизопроксилінің фумараты препаратын қабылдауға көшу емге жауап беру айқындылығының төмендеуіне әкелуі мүмкін. Мұндай пациенттерді вирустық жүктеменің жоғарылауы және жанама әсерлердің күшеюіне бақылау керек, өйткені эфавиренздің қауіпсіздік бейіні протеаза тежегіштері класының осындай препараттарынан ерекшеленеді.

Оппортунистік инфекциялар

Эфавиренз, эмтрицитабин және тенофовир дизопроксилінің фумараты препаратын немесе кез келген басқа антиретровирустық препаратты қабылдайтын пациенттерде оппортунистік инфекциялардың клиникалық көріністері немесе АИТВ - инфекциясының асқынулары болуы мүмкін, осыған байланысты дәрігерлер үнемі бақылап отыруы тиіс.

АИТВ берілуі

Вирустың тұрақты супрессиясына әкелетін тұрақты APT жыныстық қатынас кезінде вирустың берілу қаупін едәуір төмендетсе де, пациенттер АИТВ-ның жыныстық қатынас кезінде немесе қанмен байланыс кезінде берілу қаупі APT аясында сақталатынын білуі керек. Сондықтан вирустың берілуін болдырмау үшін тиісті шараларды қолдану қажет.

Тағамның әсері

Эфавиренз, эмтрицитабин және тенофовир дизопроксилінің фумараты препаратын тамақпен бір мезгілде қабылдау эфавиренздің экспозициясын арттыруы мүмкін және жанама әсерлер жиілігінің артуына әкелуі мүмкін. Эфавиренз, эмтрицитабин және тенофовир дизопроксилінің фумараты препаратын бос асқазанға, дұрысы ұйқыға кетер алдында қабылдау ұсынылады.

Бауыр функциясының бұзылуы

Эфавиренздің, эмтрицитабиннің және тенофовир дизопроксилі фумаратының фармакокинетикасы, қауіпсіздігі мен тиімділігі бауырдың елеулі қатар жүретін аурулары бар пациенттерде анықталмаған. Эфавиренз, эмтрицитабин және тенофовир препаратын бауыр функциясының ауыр бұзылулары бар пациенттерге қолдануға болмайды, сондай-ақ бауыр функциясының ауырлығы орташа дәрежедегі бұзылулары бар пациенттерге ұсынылмайды. Эфавиренз негізінен цитохром жүйесінің (CYP) изоферменттерінің қатысуымен метаболизденетіндіктен, бауыр функциясы ауырлығы жеңіл дәрежеде бұзылған пациенттерде Эфавиренз, эмтрицитабин және тенофовир препаратын сақтықпен қолдану ұсынылады. Эфавирензді қабылдауға байланысты, әсіресе жүйке жүйесі тарапынан жанама әсерлерді мониторингтеу үшін бауыр жеткіліксіздігінің жеңіл дәрежесі бар пациенттерді мұқият бақылау қажет. Бауыр функциясын бағалау үшін жүйелі зертханалық бақылау қажет.

Созылмалы белсенді гепатитті қоса, бұрын диагноз қойылған бауыр аурулары бар пациенттерде біріктірілген антиретровирустық ем кезінде бауыр функциясының бұзылуы жиі байқалуы мүмкін, мұндай пациенттердің жағдайын стандартты практикаға сәйкес бақылау керек. Егер бауыр ауруының күшеюі байқалса немесе «бауыр» трансаминазаларының қалыптың жоғарғы шегінен 5 еседен артық жоғарылауы орын алса, уытты әсерлер қаупін және Эфавиренз, эмтрицитабин және тенофовир дизопроксилінің фумараты препаратын қолданудың күтілетін пайдасын бағалау қажет.

Бауырға арналған басқа да уытты препараттарды қабылдайтын пациенттерге бауыр ферменттерінің мониторингі ұсынылады. Мұндай пациенттерде үзіліс немесе емдеуді тоқтату қажет болуы мүмкін.

Гепатоуыттылыққа байланысты басқа дәрілік заттармен емделетін пациенттерде бауыр ферменттерін де бақылау ұсынылады.

Бауырмен байланысты оқиғалар

Тіркеуден кейінгі кезең ішінде анамнезінде бауыр аурулары, сондай-ақ басқа да анықталатын қауіп факторлары болмаған пациенттерде бауыр жеткіліксіздігінің дамуы туралы да хабарламалар келіп түсті. «Бауыр» трансаминазаларының белсенділігін бақылауды қауіп факторларының болуына және/немесе бауыр функциясының бастапқы жағдайына қарамастан барлық пациенттерде жүргізген жөн.

АИТВ, В гепатиті вирусын немесе С гепатиті вирусын бір мезгілде жұқтырған пациенттер

Құрама APT алатын созылмалы В немесе С вирустық гепатиті бар пациенттер бауыр тарапынан ауыр және ықтимал өлімге әкелетін асқынулардың жоғары тәуекел тобына жатады.

Дәрігерлер АИТВ-инфекциясын емдеу жөніндегі ұсынымдарды ұстануы және АИТВ және В гепатиті вирусын жұқтырған пациенттер үшін оңтайлы емдеуді таңдауы қажет.

В немесе С гепатитінің вирусқа қарсы қатарлас терапиясы жағдайында осы дәрілік заттар үшін қолдану жөніндегі тиісті нұсқаулыққа жүгініңіз.

Созылмалы В гепатитін емдеуге арналған Эфавиренз, эмтрицитабин және тенофовир дизопроксилінің фумараты препаратының тиімділігі мен қауіпсіздігі зерттелмеген. Алайда, эмтрицитабин мен тенофовирдің вирусқа қарсы белсенділігі В гепатиті вирусына қатысты, оларды монотерапияда да, аралас терапияда да қолданған кезде анықталды. АИТВ инфекциясын емдеу мақсатында біріктірілген APT құрамында қолданылған кезде эмтрицитабин мен тенофовирдің В гепатиті вирусына қатысты вирусқа қарсы әсері бар екенін көрсететін шектеулі клиникалық деректер бар. АИТВ инфекциясы және В гепатиті вирусы біріктірілген пациенттерде Эфавиренз, эмтрицитабин және тенофовир дизопроксилінің фумараты препаратын тоқтату гепатиттің ауыр асқынуын тудыруы мүмкін. АИТВ және В гепатиті вирусын жұқтырған пациенттерді Эфавиренз, эмтрицитабин және тенофовир дизопроксилінің фумараты препаратымен емдеу тоқтатылғаннан кейін кемінде 4 ай ішінде клиникалық және зертханалық түрде мұқият бақылау жүзеге асырылуы тиіс. Кейбір жағдайларда В гепатитіне қарсы терапияны жаңарту қажет болуы мүмкін. Бауырдың үдемелі аурулары немесе циррозы бар пациенттерде емдеуді тоқтату ұсынылмайды, өйткені емдеуді тоқтатқаннан кейін туындайтын гепатиттің өршуі бауыр функциясының декомпенсациясына әкелуі мүмкін.

QT аралығының ұзаруы

Эфавирензді қолдану кезінде QT аралығының ұзаруы байқалады. Пируэтті тахикардияның даму қаупі жоғары пациенттер үшін немесе пируэтті тахикардияның даму қаупі бар препараттарды қабылдайтын пациенттер үшін АИТВ-ны емдеу үшін басқа да баламалы препараттарды қабылдауды қарастыру ұсынылады.

Психиканың бұзылуы

Психиканың тарапынан жағымсыз құбылыстар эфавирензді қабылдаған пациенттерде тіркелді. Анамнезінде психикалық бұзылулар байқалған пациенттер психика тарапынан елеулі жағымсыз реакциялардың даму қаупі жоғары. Атап айтқанда, ауыр депрессия анамнезінде депрессия бар пациенттерде жиі байқалды. Препаратты тіркеуден кейінгі кезеңде қолданған кезде ауыр депрессия, өзін-өзі өлтіру, сандырақ және психозға ұқсас мінез-құлық туралы хабарланды. Пациенттерге депрессия, психоз немесе суицидтік ойлар сияқты симптомдар пайда болған кезде, олар осы симптомдардың эфавирензді қабылдаумен ықтимал байланысын бағалау үшін дереу дәрігерге қаралуы тиіс; осындай байланыс орнатылған кезде препаратты қолданудың пайдасы әлеуетті қауіптен асып түсетінін анықтау қажет.

Жүйке жүйесінің тарапынан симптомдар

Күн сайын 600 мг дозада эфавирензді қабылдаған пациенттерде бас айналу, ұйқысыздық, ұйқышылдық, зейіннің бұзылуы және ерекше түс көруді қоса, бірақ онымен шектелмей, симптомдар жиі байқалды. Сондай-ақ, эмтрицитабин мен тенофовир қабылдаған кезде бас айналу байқалды. Эмтрицитабинді қабылдау кезінде бас ауыруы тіркелді.

Эфавирензбен байланысты неврологиялық симптомдар, әдетте, емдеудің алғашқы екі күнінде басталады және алғашқы 2 - 4 апта ішінде тоқтайды. Пациенттерге жиі туындайтын неврологиялық симптомдардың өтпелі сипатта екенін, емдеу жалғасқан кезде басылатынын және одан әрі емдеу кезінде психика тарапынан аса сирек бұзылулардың дамуы болжанбайтынын айту керек.

Құрысулар

Фенитоин, карбамазепин және фенобарбитал сияқты бауыр метаболиздейтін құрысуға қарсы қатарлас дәрілерді алатын пациенттер осы препараттардың қандағы концентрациясын мезгіл-мезгіл анықтап отыру керек. Анамнезінде құрысулар бар барлық пациенттерге Эфавиренз, эмтрицитабин және тенофовир дизопроксилінің фумараты препаратын тағайындағанда сақ болу керек.

Бүйрек функциясының бұзылуы

Эфавиренз, эмтрицитабин және тенофовир дизопроксилінің фумараты препаратын бүйрек функциясы орташа және ауыр дәрежеде бұзылған (креатинин клиренсі 50 мл/мин-ден кем) пациенттерге қолдану ұсынылмайды.

Бүйректің ауырлығы орташа және ауыр дәрежедегі жеткіліксіздігі бар пациенттерге біріктірілген таблетканы қолданғанда қол жеткізуге болмайтын эмтрицитабин мен тенофовир дозасын түзету талап етіледі. Эфавиренз, эмтрицитабин және тенофовир дизопроксилінің фумараты препаратын нефроуытты препараттарды бір мезгілде немесе жақында қолданғанда қолданудан аулақ болу керек. Эфавиренз, эмтрицитабин және тенофовир дизопроксилінің фумараты препараттарын және нефроуытты препараттарды (мысалы, аминогликозидтер, амфотерицин В, натрий фоскарнеті, ганцикловир, пентамидин, ванкомицин, цидофовир, интерлейкин-2) бір мезгілде қолданбауға болмайтын болса, бүйрек функциясын апта сайын бақылау қажет.

Жоғары дозаларды немесе бірнеше қабынуға қарсы стероидты емес препараттарды (ҚҚСП) қолдану басталғаннан кейін бүйрек функциясының бұзылу қаупі факторлары бар және тенофовир дизопроксил қабылдаған пациенттерде бүйректің жедел жеткіліксіздігі жағдайлары тіркелген. ҚҚСП-мен бір мезгілде қолданғанда бүйрек функциясын бақылау қажет.

Клиникалық практикада тенофовир дизопроксилді қолданғанда бүйрек жеткіліксіздігінің дамуы, бүйрек функциясының бұзылуы, креатининнің жоғарылауы, гипофосфатемия және проксимальді тубулопатия, оның ішінде Фанкони синдромы туралы хабарланды.

Эфавиренз, эмтрицитабин және тенофовир дизопроксилінің фумараты препаратымен емдеу басталғанға дейін барлық пациенттерде креатинин клиренсін есептеу, емдеу басталғаннан бастап 2-4 аптадан соң, 3 айдан кейін және одан әрі әрбір 3-6 айда бүйрек ауруларының даму қаупі факторлары жоқ пациенттерде бүйрек функциясын (креатинин клиренсі және қандағы фосфат деңгейі) бақылау ұсынылады. Анамнезінде бүйрек функциясы бұзылған немесе оның даму қаупі бар пациенттерде бүйрек функциясын жиі бақылау қажет.

Егер қан сарысуындағы фосфаттың концентрациясы 1,5 мг/дл (0,48 ммоль/л) кем болса немесе креатинин клиренсі - 50 мл/мин төмен болса, қандағы глюкоза мен калий, несептегі глюкоза концентрациясын анықтауды қоса алғанда, бүйрек функциясын қайта бағалауды бір апта ішінде жүргізген жөн. Эфавиренз, эмтрицитабин және тенофовир дизопроксилінің фумараты препараты аралас препарат болғандықтан және оның жекелеген компоненттерін әртүрлі уақыт аралығымен қабылдау мүмкін болмағандықтан, Эфавиренз, эмтрицитабин және тенофовир дизопроксилі фумаратымен емдеу креатинин клиренсі 50 мл/мин төмен немесе қан сарысуындағы фосфат концентрациясы 1,0 мг/дл (0,32 ммоль/л) төмен пациенттерде тоқтатыла тұруы тиіс. Эфавиренз, эмтрицитабин және тенофовир дизопроксилінің фумараты препаратымен емдеуде үзіліс қажеттілігін айқын себепсіз бүйрек функциясының үдемелі төмендеуі кезінде қарастыру керек. Егер Эфавиренз, эмтрицитабин және тенофовир дизопроксилінің фумараты препаратының құрамына кіретін компоненттердің біреуін тоқтату талап етілсе немесе компоненттердің бірінің дозасын түзету талап етілсе, монокомпоненттер негізінде эфавиренз, эмтрицитабин және тенофовир дизопроксил препараттарын қолдану керек.

Сүйек тінінің функциясына әсері

Сүйек тінінің бұзылуы, мысалы, тұрақты немесе сүйектердегі күшейіп келе жатқан аурумен көрінуі мүмкін остеомаляция сирек жағдайларда сынықтарға ықпал етуі мүмкін, бұл тенофовир дизопроксилімен туындаған проксимальды бүйрек тубулопатиясына әкелуі мүмкін.

Тенофовир дисопроксилі сонымен қатар сүйек тінінің минералды тығыздығының (СТМТ) төмендеуіне әкелуі мүмкін.

Бұрын APT алмаған пациенттерде тенофовир дизопроксилді ламивудинмен және эфавирензбен біріктірілімде ставудинмен салыстырған 144 апталық бақыланатын клиникалық зерттеуде ортанжілік пен омыртқаның сүйек тінінің минералдық тығыздығының біршама төмендегені байқалды. 144 аптадан кейін тенофовир дизопроксилмен емдеу тобында омыртқаның сүйек тінінің минералды тығыздығының төмендеуі және бастапқы деңгеймен салыстырғанда сүйек биомаркерлерінің өзгеруі айтарлықтай жоғары болды. Ұршықбуынның сүйек тінінің минералды тығыздығының төмендеуі осы топта 96 аптаға дейін едәуір көп болды. Алайда, бұл зерттеуде 144 апта ішінде сүйек тінінің сынуы немесе клиникалық маңызды бұзылу белгілерінің жоғары қаупі байқалмады.

Басқа проспективті және айқаспалы зерттеулерде күшейтілген протеаза тежегіші бар сызба құрамында тенофовир дизопроксилін алған пациенттерде СМТ аса айқын төмендеуі байқалды. Тұтастай алғанда, тенофовир дизопроксилін қабылдаумен байланысты сүйек тінінің бұзылуын және тенофовир дисопроксилінің сүйек тінінің сау жұмыс істеуіне және сыну қаупіне әсері туралы ұзақ мерзімді деректердің шектелуін назарға ала отырып, сыну қаупіне аса бейім остеопорозы бар пациенттер үшін баламалы емдеу сызбаларын қарастыру керек.

Егер күдік болса немесе сүйек тінінің бұзылуы анықталса, дәрігерге қаралу керек.

Тері тарапынан реакциялар

Эфавиренз, эмтрицитабин және тенофовир дизопроксилінің фумараты препаратының жекелеген компоненттерін қолдану кезінде айқындылықтың әлсізден орташа дәрежесіне дейін тері бөртпесінің пайда болуы туралы хабарламалар бар. Эфавирензді қабылдаудан туындаған бөртпе, әдетте, емді жалғастырған кезде жоғалды. Антигистаминдік дәрілік препараттар және/немесе глюкокортикостероидтар емге төзімділікті жақсарта алады және бөртпелердің жойылуын жеделдетеді. Күлдіреуіктердің пайда болуымен, десквамациямен немесе жараланумен қатар жүретін ауыр бөртпелердің пайда болу жағдайлары эфавиренз алған пациенттердің 1% - дан азында байқалды. Мультиформалы эритема немесе Стивенс-Джонсон синдромы шамамен 0,1% жағдайда тіркелген. Күлдіреуік, десквамация, қызба түрінде немесе шырышты қабықтарды қамтыған ауыр дәрежедегі бөртпе пайда болған жағдайда, Эфавиренз, эмтрицитабин және тенофовир дизопроксилінің фумараты препаратын тоқтату керек. КТНТ класындағы антиретровирустық препараттар алынып тасталған пациенттерде эфавирензді қолдану тәжірибесі шектеулі. Эфавиренз, эмтрицитабин және тенофовир дизопроксилінің фумараты препараты бұрын өмірге қауіпті тері реакциялары дамыған пациенттерге (мысалы, Стивенс-Джонсон синдромы) басқа КТНЕТ қабылдаған кезде ұсынылмайды.

Салмақ және метаболизмдік параметрлер

Антиретровирустық терапия кезінде дене салмағының, сондай-ақ липидтер мен қандағы глюкоза деңгейінің жоғарылауы байқалуы мүмкін. Мұндай өзгерістер ішінара ауру мен өмір салтын бақылауға байланысты болуы мүмкін. Кейбір жағдайларда липидтер деңгейінің жоғарылауы терапияның тиімділігін көрсетеді, ал дене салмағының жоғарылауын емдеудің қандай да бір нақты сызбасымен байланыстыратын нақты дәлелдер жоқ. Қандағы липидтер мен глюкозаны бақылау үшін АИТВ инфекциясын емдеу бойынша белгіленген ұсынымдар қолданылады. Липидті алмасудың бұзылуын клиникалық көрсетілімдерге сәйкес түзету керек.

Препараттыңқұрсақ ішілік әсерінен кейінгі митохондриялық бұзылулар

Нуклеозидті және нуклеотидті аналогтар әртүрлі дәрежедегі митохондриялық бұзылулардың қабілетін көрсетті. Әсіресе айқын әсерлерді ставудин, диданозин және зидовудин тудырады. Нуклеозид аналогтарының құрсақішілік және/немесе постнатальді әсеріне ұшыраған, негізінен зидовудинді қолданумен емдеу сызбалары кезінде теріс АИТВ-мәртебесі бар өмірдің бірінші жылындағы балаларда митохондриялық бұзылулардың дамуы туралы хабарланды. Тіркелген негізгі жағымсыз реакциялардың ішінде гематологиялық бұзылулар (анемия, нейтропения) және метаболизмдік бұзылулар (гиперлактатемия, гиперлипаземия) байқалады. Бұл өзгерістер көбінесе өтпелі сипатқа ие. Сирек жағдайларда кейбір кейін білінетін неврологиялық бұзылулар (гипертония, құрысулар, мінез-құлық бұзылыстары) тіркелді. Қазіргі уақытта неврологиялық бұзылулардың өтпелі немесе тұрақты екендігі белгісіз. Алынған мәліметтер белгісіз этиологияның, әсіресе неврологиялық сипаттағы елеулі клиникалық көріністері бар нуклеозидті және нуклеотидті аналогтардың құрсақішілік әсеріне ұшыраған әр бала үшін ескерілуі керек. Қолда бар деректер ағымдағы Ұлттық ұсынымдарға әсер етпейді, оған сәйкес АИТВ-оң жүкті әйелдерге АИТВ-ның тік берілуінің алдын алу мақсатында APT жүргізу қажет.

Иммунитетті қалпына келтіру синдромы

Біріктірілген APT басында ауыр иммун тапшылығы бар АИТВ жұқтырған пациенттерде симптомсыз немесе қалдық оппортунистік инфекцияларға қабыну реакциясы дамуы мүмкін және ауыр клиникалық патологияны немесе симптомдардың аггравациясын тудыруы мүмкін. Әдетте мұндай реакциялар біріктірілген APT басталғаннан кейінгі алғашқы апталарда немесе айларда байқалады. Мысал ретінде цитомегаловирустық ретинит, жалпыланған және/немесе ошақты микобактериялық инфекциялар және пневмоцисттік (Pneumocystis jirovecii) пневмония жатады. Қабынудың кез келген симптомдарын қадағалап, қажет болған жағдайда емдеуді уақтылы тағайындау керек.

Грейвс ауруы немесе аутоиммунды гепатит сияқты аутоиммундық аурулардың пайда болуы туралы хабарламалар бар, бірақ мұндай аурулардың даму уақытында емдеу басталған сәттен айырмашылық болды. Емдеу басталғаннан кейін ұзақ уақыт аралығында (бірнеше ай) аутоиммундық аурулардың дамуы туралы мәліметтер бар.

Остеонекроз

Остеонекроздың этиологиясы көп факторлы болып саналғанымен (глюкокортикостероидтарды қолдану, алкогольді ішу, ауыр иммуносупрессияның болуы, дене салмағының жоғары индексі), остеонекроз жағдайлары әсіресе үдемелі АИВ-инфекциясы бар пациенттерде және/немесе біріктірілген APT ұзақ қабылдау кезінде жиі тіркелді. Пациенттерге буындардағы қақсау немесе ауырсыну, буындардың қозғалмауы немесе қозғалыс қиындықтары пайда болған кезде дәрігерден кеңес алу ұсынылады.

АИТВ-1 мутациясы бар пациенттер

K65R, M184V/І немесе K103N мутацияларымен АИТВ-1 штаммдарын жұқтырған пациенттерде Эфавиренз, эмтрицитабин және тенофовир дизопроксилінің фумараты препаратын тағайындаудан аулақ болу керек.

Егде жастағы пациенттер

Эфавиренз, эмтрицитабин және тенофовир дизопроксилінің фумараты препаратын бауыр, бүйрек немесе жүрек функцияларының бұзылу жиілігінің артуын, қатар жүретін ауруларды және осы пациенттердегі басқа да дәрі-дәрмекпен емдеуді ескере отырып, 65 жастан асқан егде жастағы пациенттерге сақтықпен тағайындау керек.

Бала туу әлеуеті бар әйелдер

Таблеткалардағы Эфавиренз, эмтрицитабин және тенофовир дизопроксилінің фумаратын қабылдайтын әйелдер жүктіліктің басталуынан аулақ болу керек. Эфавирензді, эмтрицитабинді және тенофовир дизопроксилінің фумаратын таблетка түрінде қабылдауды бастамас бұрын, бала туу әлеуеті бар әйелдер жүктілік тестінен өтуі тиіс.

Ерлер мен әйелдердегі контрацепция

Эфавиренз, эмтрицитабин және тенофовир дизопроксилінің фумараты препаратын қабылдайтын бала туу әлеуеті бар әйелдер жүктіліктен қорғалуы тиіс. Бөгеттік контрацепция тәсілдері Эфавиренз, эмтрицитабин және тенофовир дизопроксилінің фумараты препаратын қабылдау кезінде контрацепцияның басқа әдістерімен үйлесімде әрдайым қолданылуы тиіс (мысалы, гормондық контрацептивтік дәрілер). Эфавиренздің жартылай ыдырау кезеңі ұзақ болғандықтан, препаратты қабылдауды тоқтатқаннан кейін кем дегенде 12 апта бойы тиісті контрацепция шараларын қолдану қажет.

Жүктілік немесе лактация кезеңінде

Эфавиренз: бірінші триместрде эфавиренз бар емдеу сызбасын (кез келген эфавиренз бар тіркелген дозалы аралас таблеткаларды қоспағанда) алған барлық аналарда менингомиелоцелені қоса алғанда, жүйке түтігінің ақауларын растайтын нәтижелерге қатысты деректер алынды. Жүйке түтігінің ақауларымен байланысты оқиғаларды қоса алғанда, қосымша екі жағдай (1 проспективті және 1 ретроспективті) құрамында эфавиренз, эмтрицитабин және тенофовир дизопроксил бар бекітілген дозалы біріктірілген таблетканы қабылдау кезінде тіркелді. Бұл оқиғалардың эфавирензді қолданумен себеп-салдарлық байланысы анықталған жоқ. Жүйке түтігінің ақаулары шарананың дамуының алғашқы 4 аптасында пайда болатындықтан (бұл кезде жүйке түтіктері мөрленеді), бұл әлеуетті қауіп жүктіліктің бірінші триместрінде эфавиренздің әсеріне ұшыраған әйелдерге қатысты болады.

Эмтрицитабин және тенофовир дизопроксил: жүкті әйелдер туралы деректердің көп мөлшері (жүктіліктің 1000-нан астам нәтижесі) эмтрицитабин және тенофовир дизопроксилін қабылдаумен байланысты шарана/жаңа туған нәресте үшін даму ақауларының немесе уыттылығының жоқтығын көрсетеді. Эмтрицитабин мен тенофовир дизопроксилін қабылдау кезіндегі зерттеулер репродуктивтік уыттылықты көрсетпейді.

Егер әйелдің клиникалық жағдайы эфавирензбен/эмтрицитабинмен/тенофовир дизопроксилімен емдеуді талап етпесе, Эфавиренз, эмтрицитабин және тенофовир дизопроксилінің фумараты препаратын жүктілік кезінде қолдануға болмайды.

Бала емізу

Эфавиренз, эмтрицитабин және тенофовир дизопроксилінің фумараты әйелдерде емшек сүтімен бөлінеді. Эфавиренздің, эмтрицитабиннің және тенофовир дизопроксилі фумаратының жаңа туған нәрестелерге/балаларға әсері туралы деректер жеткіліксіз. Нәрестелер үшін қауіпті жоққа шығаруға болмайды. Демек, бала емізу кезінде Эфавиренз, эмтрицитабин және тенофовир дизопроксилінің фумараты препаратын қолдануға болмайды.

Жаңа туған нәрестеге және 1 жасқа дейінгі балаларға АИТВ-ның берілуін болдырмау үшін АИТВ жұқтырған әйелдердің бала емізуден толық бас тартуы ұсынылады.

Фертильділік

Эфавиренз, эмтрицитабин және тенофовир дизопроксилінің фумараты препаратының адамға әсері туралы деректер жоқ. Жүргізілген зерттеулер эфавиренз, эмтрицитабин немесе тенофовир дизопроксилінің фертильділікке зиянды әсерін анықтаған жоқ.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Көлік жүргізу және механизмдермен жұмыс істеу қабілетіне әсер ету туралы зерттеулер жүргізілген жоқ. Алайда, пациенттерге тенофовир дизопроксилінің фумаратымен емдеу кезінде бас айналу байқалғаны туралы хабарлау керек. Эфавиренз бас айналуды, зейін қоюдың бұзылуын және/немесе ұйқышылдықты тудыруы мүмкін. Пациенттерге нұсқау берілуі керек: аталған симптомдар туындаған жағдайда, олар машиналарды жүргізу немесе пайдалану сияқты қауіпті жұмыстардан аулақ болу керек.

Дозалау режимі

Терапияны АИТВ инфекциясын емдеуде тәжірибесі бар дәрігер жүргізуі керек.

Ересектер

Эфавиренз, эмтрицитабин және тенофовир дизопроксилі фумаратының тіркелген біріктірілімінің ұсынылатын дозасы – ішке тәулігіне 1 рет 1 таблеткадан.

Пациенттерге егер олар Эфавиренз, эмтрицитабин және тенофовир дизопроксилі фумаратының тіркелген біріктірілімін қабылдауды ұмытып кетсе, егер келесі күннің дозасын қабылдауға дейінгі аралық кемінде 12 сағат болса, өткізіп алған дозаны дереу қабылдау керек екенін ескерткен жөн. 12 сағаттан кем жағдайда пациенттерге өткізіп алған дозаны қабылдамауды және әдеттегі уақытта келесі дозаны қабылдау керектігін ескерту керек.

Егер пациент Эфавиренз, эмтрицитабин және тенофовир дизопроксилінің фумараты таблеткаларын қабылдағаннан кейін 1 сағат ішінде құсса, екінші таблетканы қабылдау керек. Егер пациент Эфавиренз, эмтрицитабин және тенофовир дизопроксилінің фумараты таблеткаларын қабылдаған сәттен бастап бір сағаттан астам уақыттан кейін құсқан болса, екінші таблетканы қабылдауға болмайды.

Ашқарынға Эфавиренз, эмтрицитабин және тенофовир дизопроксилі фумаратының бекітілген біріктірілімін қабылдау ұсынылады, өйткені тамақ эфавиренздің әсерін арттыруы және жанама әсерлердің жоғарылауына әкелуі мүмкін. Эфавирензді қолдану нәтижесінде жүйке жүйесі тарапынан жағымсыз әсерлердің дамуына төзімділікті арттыру үшін препаратты ұйықтар алдында қабылдау ұсынылады.

Тенофовирдің экспозициясы (AUC) тенофовир дисопроксилі фумаратының жеке компонентін тамақпен бірге қабылдаумен салыстырғанда ашқарынға Эфавиренз, эмтрицитабин және тенофовир дизопроксилі фумаратының бекітілген біріктірілімін енгізгеннен кейін шамамен 30% төмен болады деп болжанады. Фармакокинетикалық экспозицияны төмендету бойынша деректер жоқ. Вирус супрессиясы бар пациенттерде бұл төмендеудің клиникалық маңыздылығы белгісіз деп болжанады.

Егер бекітілген Эфавиренз, эмтрицитабин және тенофовир дизопроксилінің фумараты біріктірілімімен емді тоқтату қажет болса немесе дозаны түзету қажет болса, эфавиренз, эмтрицитабин және тенофовир дизопроксилі фумаратының жекелеген дәрілік түрлерін қабылдауға болады. Осы препараттарды медициналық қолдану жөніндегі нұсқаулыққа жүгіну керек.

Егер Эфавиренз, эмтрицитабин және тенофовир дизопроксилі фумаратының бекітілген біріктірілімі компоненттерінің бірімен емдеуді тоқтату қажет болса, эфавиренздің жартылай шығарылу кезеңі ұзақ, сондай-ақ тенофовир мен эмтрицитабиннің жасушаішілік жартылай шығарылу кезеңі ұзақ екенін есте сақтау қажет. Осы фармакокинетикалық параметрлердің жеке өзгергіштігіне және вирустың резистенттілігінің ықтимал дамуына байланысты тоқтату үшін барлық себептерді ескере отырып, антиретровирустық терапия (АРТ) жөніндегі ұсынымдарға қатысты дәрігердің кеңесі қажет.

Дозаны түзету. Дене салмағы 50 кг және одан астам пациенттерде Эфавиренз, эмтрицитабин және тенофовир дизопроксилі фумаратының рифампицинмен бекітілген біріктірілімін бірлесіп қабылдаған кезде күніне 200 мг (барлығы 800 мг) эфавирензді қосымша қабылдау ұсынылады.

Пациенттердің ерекше топтары

Егде жастағылар

Егде жастағы пациенттерге Эфавиренз, эмтрицитабин және тенофовир дизопроксилі фумаратының бекітілген біріктірілімін тағайындағанда сақ болу қажет.

Бүйрек жеткіліксіздігі

Бүйрек функциясының орташа немесе ауыр жеткіліксіздігі (креатинин клиренсі (КК) <50 мл/мин) бар пациенттерге Эфавиренз, эмтрицитабин және тенофовир дизопроксилі фумаратының бекітілген біріктірілімі ұсынылмайды. Бүйрек функциясының орташа және ауыр жеткіліксіздігі бар пациенттерде бекітілген біріктірілім қолданылған кезде қол жеткізілмейтін эмтрицитабин мен тенофовир дизопроксилі фумаратының дозасын түзету талап етіледі.

Бауыр жеткіліксіздігі

Бауыр жеткіліксіздігі бар пациенттерде Эфавиренз, эмтрицитабин және тенофовир дизопроксилі фумаратының бекітілген біріктірілімінің фармакокинетикасы зерттелген жоқ. Бауыр жеткіліксіздігінің жеңіл ауырлық дәрежесі бар пациенттерге (Чайлд-Пью-Туркотт (ЧПТ) бойынша А класы) Эфавиренз, эмтрицитабин және тенофовир дизопроксилі фумаратының бекітілген біріктірілімінің әдеттегі ұсынылған дозасын тағайындауға болады.

Егер АИТВ және В гепатиті вирусының (ВГВ) ко-инфекциясы бар пациенттерде Эфавиренз, эмтрицитабин және тенофовир дизопроксилі фумаратының бекітілген біріктірілімін қолдану тоқтатылса, оларды гепатиттің асқыну симптомдарын анықтауға мұқият бақылау керек.

Балалар мен жасөспірімдер

Қауіпсіздік пен тиімділік туралы деректердің жеткіліксіздігіне байланысты 18 жасқа дейінгі балалар мен жасөспірімдерге Эфавиренз, эмтрицитабин және тенофовир дизопроксилі фумаратының бекітілген біріктірілімі ұсынылмайды.

Енгізу әдісі мен жолы

Тәулігіне 1 рет қабылдау керек. Таблеткаларды жеткілікті мөлшердегі сумен ішіп, бүтіндей жұту керек.

Артық дозалану жағдайында қабылдау қажет болатын шаралар

Симптомдары: тәулігіне екі рет 600 мг дозада эфавирензбен байқаусызда артық дозалану туралы хабарламалар келіп түсті, бұл жүйке жүйесі тарапынан жағымсыз құбылыстардың күшеюімен қатар жүрді. Бір жағдайда бұлшықеттің еріксіз жиырылуы байқалды.

Емі: уыттылық белгілеріне қатысты пациентті бақылау және қажет болған жағдайда – демеуші ем. Сіңірілмеген эфавирензді жоюға ықпал ету үшін белсендірілген көмірді енгізуді қолдануға болады. Эфавирензбен артық дозалануды емдеуге арналған арнайы антидот жоқ. Эфавиренз ақуыздармен тығыз байланысатындықтан, диализдің оның қаннан едәуір мөлшерін шығаруы екіталай.

Эмтрицитабин дозасының 30%-ына дейін және тенофовир дозасының шамамен 10%-ын гемодиализдің көмегімен жоюға болады. Эмтрицитабинді немесе тенофовирді перитонеальді диализбен жоюға бола ма, белгісіз.

Дәрілік препаратты қолдану тәсілін түсіндіру үшін медицина қызметкерінен консультация алуға жүгіну ұсынылады.

Симптомдары: тәулігіне екі рет 600 мг дозада эфавирензбен байқаусызда артық дозалану туралы хабарламалар келіп түсті, бұл жүйке жүйесі тарапынан жағымсыз құбылыстардың күшеюімен қатар жүрді. Бір жағдайда бұлшықеттің еріксіз жиырылуы байқалды.

Емі: уыттылық белгілеріне қатысты пациентті бақылау және қажет болған жағдайда – демеуші ем. Сіңірілмеген эфавирензді жоюға ықпал ету үшін белсендірілген көмірді енгізуді қолдануға болады. Эфавирензбен артық дозалануды емдеуге арналған арнайы антидот жоқ. Эфавиренз ақуыздармен тығыз байланысатындықтан, диализдің оның қаннан едәуір мөлшерін шығаруы екіталай.

Эмтрицитабин дозасының 30%-ына дейін және тенофовир дозасының шамамен 10%-ын гемодиализдің көмегімен жоюға болады. Эмтрицитабинді немесе тенофовирді перитонеальді диализбен жоюға бола ма, белгісіз.

Дәрілік препаратты қолдану тәсілін түсіндіру үшін медицина қызметкерінен консультация алуға жүгіну ұсынылады.

Эфавиренз, эмтрицитабин және тенофовир дизопроксилі компоненттерінің біріктірілімі пациенттерде не бекітілген дозамен аралас таблетка түрінде, не жекелеген компоненттер түрінде зерттелді. Жағымсыз реакциялар тұтастай алғанда жекелеген компоненттерді ертерек жүргізілген зерттеулерде байқалғандарға сәйкес келді. Болжамды немесе ішінара біріктірілген таблеткамен байланысты деп есептелген ең жиі жағымсыз реакциялар психикалық бұзылулар (16%), жүйке жүйесінің бұзылыстары (13%) және асқазан-ішек бұзылыстары (7%) болды.

Стивенс-Джонсон синдромы және мультиформалы эритема сияқты тері тарапынан елеулі жағымсыз реакциялар туралы хабарламалар тіркелді; ауыр депрессияны, суицидтік өлімді, психоз тәрізді жағдайларды, құрысу ұстамаларын қамтитын психоневрологиялық қолайсыз реакциялар туралы; сондай-ақ ауыр гепатоуыттылық, панкреатит және лактацидоз (кейде өлімге әкелетін) туралы да хабарланды.

Бүйрек жеткіліксіздігі және бүйректің проксимальді тубулопатиясы (Фанкони синдромын қоса алғанда) түрінде бүйрек тарапынан жағымсыз әсерлер сирек хабарланды, кейде жиі сынықтарға әкелетін сүйек патологиясы туралы хабарланды. Эфавиренз, эмтрицитабин және тенофовир дизопроксилінің фумараты препаратын қабылдайтын пациенттерде бүйрек функциясын бақылау ұсынылады. АИТВ және ВГВ (В гепатиті вирусы) ко-инфекцияланған пациенттерде Эфавиренз, эмтрицитабин және тенофовир дизопроксилінің фумараты препаратымен емдеуді тоқтату гепатиттің ауыр өршуін тудыруы мүмкін.

Тамақтану кезінде Эфавиренз, эмтрицитабин және тенофовир дизопроксилінің фумараты біріктірілімін қабылдау эфавиренз экспозициясын арттыруы және қолайсыз реакциялар жиілігінің артуына әкелуі мүмкін.

Жағымсыз реакциялардың кестелік тізімі

Эфавиренз, эмтрицитабин және тенофовир дизопроксилінің фумаратының біріктірілімін немесе жекелеген компоненттерін қолданумен байланысты жағымсыз реакциялар төменде (2-кесте) жүйелік-ағзалық жіктемеге сәйкес күрделіліктің азаю тәртібімен ұсынылған. Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес).

Эфавирензді, эмтрицитабинді және тенофовир дизопроксилінің фумаратын қабылдаумен байланысты жағымсыз реакциялар: туындаған кезде шұғыл емдеу қажет болатын, Эфавиренз, эмтрицитабин және тенофовир дизопроксилінің фумаратының бекітілген біріктірілімін қолданумен байланысты (мүмкін немесе ықтимал) жағымсыз реакциялар (AI266073 зерттеуі, 48 аптадан астам; n=203), бірақ нақты жекелеген компоненттердің бірімен байланысты емес:

Жиі

анорексия

Жиі емес

ауыз қуысының шырышты қабығының құрғауы, сөйлеудің байланыссыздығы, тәбеттің жоғарылауы, либидоның төмендеуі, миалгия

2-кесте: Эфавиренз, эмтрицитабин және тенофовир дизопроксилінің фумараты препаратын қабылдаумен астасқан және монокомпоненттер негізіндегі препараттарға жататын жағымсыз реакциялар.

1 Балаларда анемия жиі кездеседі, ал эмтрицитабинді (гиперпигментация аймақтары) қолданғанда тері түсінің өзгеруі өте жиі байқалады.

2 Көрсетілген ЖДР проксимальды бүйрек тубулопатиясы нәтижесінде пайда болуы мүмкін. Бұл жағдай болмаған кезде, аталған ЖДР туындауы тенофовир дизопроксилінің фумаратын қолданумен себептік байланыс сипатында болмайды деп саналады.

3Жеке ЖДР толық сипаттамасын «Жанама әсері» бөлімінен қараңыз.

4 Бұл ЖДР күнделікті клиникалық тәжірибеде бақылау кезінде эфавиренз, эмтрицитабин немесе тенофовир дизопроксилінің фумаратын алған пациенттерде анықталды. Кездесу жиілігі клиникалық зерттеулерде эфавирензбен эмтрицитабинмен немесе тенофовир дизопроксилінің фумаратымен ем қабылдаған пациенттердің жалпы санын ескере отырып, статистикалық есептеулер нәтижелері бойынша анықталды.

Жекелеген жағымсыз реакциялардың сипаттамасы

Тері бөртпесі: эфавиренздің клиникалық зерттеулерде бөртпе эфавирензді қабылдау басталғаннан бастап алғашқы екі апта ішінде пайда болатын әлсіз немесе орташа айқындалған макулопапулезді тері бөртпелері ретінде көрінді. Пациенттердің көпшілігінде тері бөртпесі емді жалғастырған кезде бір ай ішінде жоғалады. Эфавиренз, эмтрицитабин және тенофовир дизопроксилінің фумараты тері бөртпесінің пайда болуына байланысты оны қабылдауды тоқтатқан пациенттерге қайта тағайындалуы мүмкін.

Эфавирензді, эмтрицитабинді және тенофовир дизопроксилінің фумаратын қайта тағайындағанда пациенттерге антигистаминдік және глюкокортикостероидты препараттарды қолдануды ұсыну керек.

Психика тарапынан симптомдар: анамнезінде психикалық ауруларды көрсететін пациенттерде 1-кестедегі эфавиренз бағанында көрсетілген ауыр психикалық реакциялардың даму қаупі жоғарылауы мүмкін.

Жүйке жүйесі тарапынан симптомдар: Эфавиренз, эмтрицитабин және тенофовир дизопроксилінің фумараты препаратын қабылдаған кезде жүйке жүйесі тарапынан симптомдар эфавирензді қабылдау кезінде пайда болатын ЖДР-ға ұқсас.

Әдетте, симптомдар эфавирензді қабылдаудың алғашқы екі күнінде пайда болады және негізінен 2-4 апта ішінде тоқтайды. Жүйке жүйесінің тарапынан симптомдар Эфавиренз, эмтрицитабин және тенофовир дизопроксилінің фумараты препаратын тамақпен бірге қабылдағанда жиі пайда болады, бұл қандағы эфавиренз концентрациясының жоғарылауымен байланысты болуы мүмкін. Егер препарат ұйықтар алдында қабылданса, мұндай симптомдардың көтерімділігі жақсарады.

Эфавирензді қабылдау кезіндегі бауыр жеткіліксіздігі: бауырдың, оның ішінде анамнезінде бауыр аурулары немесе қауіп факторлары жоқ пациенттерде зақымдануы, тіркеуден кейінгі кезеңде қолдану деректері бойынша жекелеген жағдайларда фульминантты түрде өтіп, бауырды ауыстырып салу қажеттілігіне немесе өлімге әкеп соқтырды.

Бүйрек жеткіліксіздігі: Эфавирензді, эмтрицитабинді және тенофовир дизопроксилінің фумаратын қабылдау аясында бүйрек функциясының бұзылуы мүмкін болғандықтан, емдеу кезеңінде бүйрек функциясын үнемі бақылау қажет. Проксимальды тубулопатия әдетте жоғалып кетті немесе тенофовир дизопроксилінің фумаратын тақтатқаннан кейін жақсару байқалды. Алайда, кейбір пациенттерде тенофовир дизопроксилінің фумаратын тоқтату КК төмендеген деңгейін жартылай қалпына келтіруге алып келді. Бүйрек жеткіліксіздігінің даму қаупі бар пациенттер (мысалы, бүйрек жеткіліксіздігінің бастапқы қаупі бар пациенттер, АИТВ-инфекциясымен, нефроуытты препараттармен қатар жүретін еммен) тенофовир дизопроксилінің фумараты препаратын тоқтатуға қарамастан, бүйрек функциясының толық емес қалпына келу қаупі жоғары топта болады.

Лактоацидоз: бөлек немесе тенофовир дизопроксилінің басқа антиретровирустық препараттарымен бірге қабылдаған кезде лактоацидоз жағдайлары туралы хабарламалар бар. Ауыр дәрежедегі бауыр жеткіліксіздігі (Чайлд-Пью-Туркотт шкаласы бойынша С класы) сияқты факторларға бейім немесе лактоацидозды тудыратындар ретінде белгілі ілеспе препараттарды қабылдайтын пациенттер тенофовир дищопроксил препаратымен емдеу кезінде, оның ішінде өліммен аяқталған ауыр лактоацидоздың туындауының жоғары қаупіне ұшырайды.

Метаболизм параметрлері: антиретровирустық терапия кезінде дене салмағы, липидтер мен қандағы глюкоза деңгейі жоғарылауы мүмкін.

Иммунитеттің қалпына келуі синдромы: иммунитеттің ауыр бұзылулары бар АИТВ-инфекцияланған пациенттерде аралас АРТ басталған кезде оппортунистік инфекциялардың симптомсыз немесе қалдық көріністерінің өршуі мүмкін. Сондай-ақ аутоиммундық бұзылыстар (Грейвс ауруы немесе аутоиммундық гепатит) туралы хабарламалар бар; алайда, мұндай бұзылулардың басталу уақыты әртүрлі, олар емнің басталуынан ұзақ уақыт (бірнеше ай) өткеннен кейін де пайда болуы мүмкін.

Остеонекроз: остеонекроздың, атап айтқанда, белгілі қауіп факторлары бар пациенттерде, АИТВ-инфекциясының кеш сатыларында немесе ұзақ уақыт бойы аралас АРТ қабылдайтын пациенттерде дамуы туралы деректер бар. Остеонекроздың кездесу жиілігі белгісіз.

Балалар

Препаратты 18 жасқа дейінгі балаларда қолдану қауіпсіздігі жөніндегі деректер жеткіліксіз. Эфавиренз, эмтрицитабин және тенофовир дизопроксилінің фумараты препаратын осы топта қолдануға болмайды.

Басқа ерекше популяциялар

Егде жастағы пациенттер: 65 жастан асқан пациенттерде Эфавиренз, эмтрицитабин және тенофовир дизопроксилінің фумараты сызбасын қолдануға зерттеу жүргізілмеген. Егде жастағы пациенттерде бүйрек функциясы төмен болуы ықтимал, сондықтан Эфавиренз, эмтрицитабин және тенофовир дизопроксилінің фумаратымен емдеу кезінде ерекше сақ болу керек.

Бүйрек жеткіліксіздігі бар пациенттер: тенофовир дизопроксилінің фумараты нефроуытты әсерге ие болуына байланысты Эфавиренз, эмтрицитабин және тенофовир дизопроксилінің фумараты препаратымен емдеу кезеңінде бүйрек функциясының орташа дәрежесі төмендеген барлық пациенттерде бүйрек функциясын мұқият бақылау қажет.

АИТВ және В гепатиті вирусы немесе С гепатиті вирусы біріктірілген инфекциясы бар пациенттер: бір мезгілде АИТВ және В гепатиті вирусымен немесе АИТВ және С гепатиті вирусымен инфекцияланған пациенттерде эфавиренздің, эмтрицитабиннің және тенофовир дизопроксилінің фумаратын препаратын қауіпсіздік бейіні тек АИТВ инфекцияланған пациенттердегі қауіпсіздік бейінімен салыстырмалы болып шықты. Дегенмен, біріктірілген инфекциясы бар пациенттерде тек АИТВ инфекцияланған пациенттермен салыстырғанда АСТ және АЛТ белсенділігінің жоғарылауы жиі байқалады.

Емдеуді тоқтатқаннан кейін гепатиттің өршуі: АИТВ және В гепатиті вирусымен бір мезгілде инфекцияланған пациенттерде емдеуді тоқтату аясында зертханалық деректермен расталған гепатиттің өршу симптомдары байқалуы мүмкін.

30 таблеткадан тығыздығы жоғары полиэтилен контейнерге салынған.

1 контейнерден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!