Шымкенте қаласындағы Нафазолин Мұрын Тамшылары 0,1% 10 Мл | ОАО «Синтез»

Ересектер мен 18 жастан асқан жасөспірімдерде қолдану үшін:

- жедел ринит

- синусит (мұрын маңы қуысының қабынуы)

- ортаңғы құлақ отиті

- диагностикалық және емдік араласулар кезінде мұрынның шырышты қабығының ісінуін басу үшін

белсенді затқа немесе қосымша заттардың кез келгеніне аса жоғары сезімталдық

- артериялық гипертензия

- айқын атеросклероз, гипертиреоз

- созылмалы ринит

- ауыр көз аурулары

- қант диабеті

- тахикардия

- МАО тежегіштерімен (моноаминоксидаза) бір мезгілде қабылдау және оларды қолдануды аяқтағаннан кейін 14 күнге дейінгі кезең

- 18 жасқа дейінгі балалар мен жасөспірімдер

Тежегіштермен (МАО) трициклді антидепрессанттармен бір мезгілде қолдануға болмайды, себебі олар (оларды қолданғаннан кейін бірнеше күннен кейін де) артериялық қысымның көтерілуін тудыруы мүмкін.

Дозалау режимі

18 жастан асқан жасөспірімдер мен ересектер күніне бірнеше рет, препаратты 1-ден 3 тамшыға дейін әрбір мұрын жолына тамызады.

- Диагностикалық мақсатта препараттың 3-4 тамшысын мұрын қуысын алдын ала тазартқаннан кейін әрбір мұрын жолына тамызады.

Енгізу әдісі мен жолы

Препаратты екі мұрын жолына күніне бірнеше рет тамызады (күніне 3 рет жеткілікті).

Препаратты енгізу арасындағы уақыт аралығы кемінде 4 сағатты құрауы тиіс. Препарат қысқа уақыт кезеңінде қолданылады. Оны 5 күннен артық пайдаланбау керек. Мұрын арқылы тыныс алу жеңілдеген кезде препаратты қолдануды осы мерзімнен бұрын тоқтатуға болады.

Препаратты қайталап қолдану емді тоқтатқаннан кейін бірнеше күннен кейін ғана мүмкін. Препаратты аздап бұрған қалыпта мұрын жолына тамызады. Сол жақ мұрын жолына тамызған кезде басты солға бұрып, оң жақ мұрын жолына тамызған кезде басты оңға бұру ұсынылады.

Артық дозаланған жағдайда қабылдануы тиіс шаралар

Симптомдары: препаратпен артық дозалану немесе кездейсоқ жұтып қою кезінде күйгелектік, қатты терлеу, бас ауыруы, тремор, тахикардия, жүрек соғуы және гипертензия сияқты жүйелі жағымсыз әсерлер туындауы мүмкін. Артық дозаланудың белгілері жүрек айнуы, цианоз, дене қызуының жоғарылауы, түйілулер, жүректің тоқтауы, өкпенің ісінуі және тыныс алудың қиындауы, психиканың бұзылуы. Сондай-ақ ұйқышылдық, дене қызуының төмендеуі, брадикардия, тершеңдік, артериялық гипотония, апноэ және кома дамуымен орталық жүйке жүйесінің басылуы туындауы мүмкін.

Емі: симптоматикалық

Дәрілік препаратты қолдану тәсілін түсіндіру үшін медицина қызметкерге кеңес алуға жүгіну туралы ұсынымдар

Дәрілік препаратты қабылдамас бұрын медицина қызметкеріне қолдану тәсілін түсіну үшін кеңес алуға жүгініңіз.

10 мл-ден қондырма-дозаторы мен пластиктен жасалған бұрандалы қақпағы бар құтыда. Әр құтыға өздігінен желімденетін заттаңба жапсырады.

Әр құты медициналық қолдану жөніндегі қазақ және орыс тілдеріндегі нұсқаулықпен картон қорапшаға салынады.

Жарықтан қорғалған жерде, 25 С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!