Таразе қаласындағы Феброфид Таблеткалары 100 Мг №20 | Polpharma S.A.

Бір таблетка

белсенді зат – кетопрофен 100 мг,

қосымша заттар – микрокристалды целлюлоза, кросповидон, сусыз коллоидты кремнийдің қостотығы, магний стеараты

қабықтың құрамы (ОПАДРИ II 33G32852 Сары): гипромеллозa, лактоза моногидраты, триацетин, макрогол 3000, хинолинді сары E104, темірдің (III) қызыл тотығы E172, темірдің (III) сары тотығы E172, титанның қостотығы E171.

Ересектер мен 15 жастан асқан балалар:

Ұзақ мерзімді симптоматикалық емдеу:

созылмалы ревматизм, атап айтқанда ревматоидты артрит, шорбуынданатын спондилоартрит (немесе Фиссингер-Леруа-Рейтер синдромы және псориаздық артрит сияқты ұқсас синдромдар).

ауырсыну синдромымен мүгедектікке әкелетін артриттер;

Ауырсыну синдромын қысқа мерзімді симптоматикалық емдеу:

жауырын-иық периартриті, тендинит, бурсит сияқты абартикулярлы ревматизмдік синдромдарда

микрокристалды артриттерде

артриттерде

белдегі ауырсыну

радикулалгия

жарақаттан кейінгі орташа ағымды жедел ауырсыну синдромы.

кетопрофенге, аспиринге немесе қабынуға қарсы басқа стероидты емес препаратқа бронхоспазм, демікпе, ринит, есекжем және т.б. түрінде көрінетін жеке жоғары сезімталдық. Кетопрофенге аса жоғары сезімталдық реакцияларының, ауыр, сирек өлім жағдайларының дамуы туралы хабарланды

6 айдан асқан жүктілік (24-аптадан бастап)

белсенді пептидтік ойықжара, анамнезінде асқазан-ішектен қан кетулерді, ойықжаралардың пайда болуын немесе тесілуін көрсету

қан кету (асқазан-ішектен, цереброваскулярлық немесе басқа белсенді қан кету)

бауыр функциясының ауыр жеткіліксіздігі

бүйрек функциясының ауыр жеткіліксіздігі

жүрек функциясының ауыр жеткіліксіздігі

балалар мен 15 жасқа дейінгі жасөспірімдер

лактоза жақпаушылығы, лактаза жеткіліксіздігі, глюкоза-галактоза мальабсорбциясы.

Кетопрофенді циклооксигеназа-2 (ЦОГ-2) селективті тежегіштерін қоса, ҚҚСП тобындағы басқа препараттармен біріктіріп қолданудан аулақ болу керек

Жағымсыз жанама әсерлерді ауырсыну синдромын басу үшін қажетті ең аз қолдану ұзақтығында препаратты ең аз дозада қолданғанда барынша азайтуға болады.

Демікпесі, сонымен қатар созылмалы ринит немесе синусит және/немесе мұрын қуысының полиптері бар пациенттерде басқа популяцияға қарағанда аспиринге және басқа да ҚҚСП-ға аллергиялық реакцияның даму қаупі жоғары болуы мүмкін. Кетопрофенді пациенттердің осы тобына тағайындау, әсіресе аспиринге немесе ҚҚСП тобының басқа препараттарына белгілі аллергиясы бар пациенттерде бронхоспазмды немесе демікпе ұстамасын тудыруы мүмкін.

Егде жастағы пациенттер

Егде жастағы пациенттерде ҚҚСП қабылдау аясында жағымсыз реакциялардың, әсіресе ықтимал өліммен аяқталатын асқазан-ішектен қан кетулердің және тесілулердің туындау қаупінің жоғары болуы байқалады.

Асқазан-ішек жолына әсері

Асқазан-ішек жолдары (АІЖ) ағзалары аурулары ағымының нашарлауының болжалды симптомдары бар немесе жоқ емдеудің барлық кезеңдерінде ҚҚСП тобының барлық препараттарын қабылдау кезінде ықтимал өлімге әкелетін асқазан-ішектен қан кетулердің, ойықжаралар мен тесілулердің дамуы туралы хабарланды.

Зерттеу деректері кетопрофеннің, әсіресе жоғары дозаларда, басқа ҚҚСП-мен салыстырғанда, АІЖ ағзалары үшін аса жоғары уыттылыққа ие болуы мүмкін екендігін болжауға мүмкіндік береді.

Асқазан-ішектен қан кету, жаралану немесе тесілу қаупі анамнезінде ойықжаралары бар пациенттерде, әсіресе тесілумен немесе қан кетумен асқынған пациенттерде және егде жастағы пациенттерде немесе дене салмағы төмен пациенттерде ҚҚСП дозаларының жоғарылауымен артады. Бұл пациенттер емді ең төмен ықтимал дозадан бастауы тиіс. Осы топтағы пациенттер үшін, сондай-ақ АІЖ тарапынан асқыну қаупін арттыратын аспириннің немесе кез келген басқа препараттардың төмен дозаларын бір мезгілде қабылдауды қажет ететін пациенттер үшін АІЖ қорғайтын препараттарды (мысалы, мизопростолды немесе протонды помпаның блокаторларын) тағайындау мүмкіндігін қарастыру керек. Кетопрофенді анамнезінде пептикалық ойықжараның кез келген көріністері бар пациенттерге тағайындамау керек.

Анамнезінде АІЖ аурулары бар пациенттер, әсіресе егде жастағы пациенттер асқазан-ішек жолы тарапынан, әсіресе кетопрофенмен емдеудің басында жағымсыз реакциялардың (әсіресе асқазан-ішектен қан кетудің) барлық ерекше белгілері туралы хабарлауы тиіс.

АІЖ қан кетудің немесе ойықжарасының пайда болу қаупін арттыратын басқа препараттарды, атап айтқанда, пероральді кортикостероидтарды, антикоагулянттарды (мысалы, варфарин), серотонинді кері қармаудың селективті блокаторларын немесе антиагрегантты дәрілерді (мысалы, аспирин немесе никорандил) бір мезгілде қабылдайтын пациенттерде ерекше сақтықты сақтаған жөн.

Асқазан-ішектен қан кету немесе ойықжаралы зақымдану пайда болған жағдайда кетопрофенді қолдануды тоқтату керек.

Кетопрофенді анамнезінде асқазан-ішек аурулары (ойықжаралы колит, Крон ауруы) бар пациенттерде сақтықпен қолданған жөн, өйткені бұл аурулардың өршуі мүмкін.

Жүрек-қантамыр жүйесі мен ми қанайналымына әсері

Гипертониясы бар және/немесе жүректің іркілген жеткіліксіздігінің жеңіл және орташа дәрежелері бар пациенттерді тиісті түрде оқытып, бақылау керек, өйткені ҚҚСП сұйықтықтың іркілуін және ісінуді тудыруы мүмкін деп хабарланған.

Эпидемиологиялық деректер және зерттеу деректері кейбір ҚҚСП қолдану (әсіресе ұзақ және жоғары дозаларда) тромбоэмболиялық асқынулардың (мысалы, миокард инфарктісі немесе инсульт) шамалы жоғары қаупімен астасуы мүмкін деп болжайды. Кетопрофенді қабылдаған кезде мұндай қауіптің жоқтығын айту үшін жеткілікті деректер жоқ.

Анамнезінде бақыланбайтын гипертензиясы, жүректің іркілген жеткіліксіздігі, жүректің тұрақты ишемиялық ауруы, шеткергі артерия аурулары және/немесе инсульт (транзиторлы ишемиялық шабуыл эпизодтарын қоса алғанда) бар пациенттер кетопрофенмен емдеуді қатерлерді мұқият бағалағаннан кейін ғана алуы тиіс.

Дәл осындай бағалау кетопрофенмен ұзақ уақыт емделетін және жүрек-қантамыр ауруларының қауіп факторлары бар (мысалы, гипертония, қандағы липидтердің жоғары мөлшері, шылым шегу, қант диабеті) пациенттерге қатысты жүргізілуі керек.

Коронарлық шунттаудан кейін периоперациялық ауырсынуды емдеу үшін ҚҚСП (аспиринді қоспағанда) ем қабылдаған пациенттерде артериялық тромбоз жиілігінің жоғарылауы байқалды.

Тері тарапынан реакциялар

Кетопрофенді қолдану кезінде, соның ішінде эксфолиативті дерматитті, Стивенс-Джонсон синдромын, уытты эпидермальді некролизді қоса тері тарапынан ауыр, оның ішінде өлімге әкелетін реакциялардың дамуы туралы өте сирек хабарланған.

Тері тарапынан реакциялардың пайда болуының ең үлкен қаупі емнің басында байқалады, олардың көпшілігі емнің басынан бастап бір ай ішінде тіркелді. Аса жоғары сезімталдық реакциясының алғашқы белгілері, тері бөртпелері немесе шырышты қабықтарда бөртпелер пайда болған кезде емдеуді тоқтатқан жөн.

Инфекциялық аурулар

Кетопрофенді қабылдау инфекциялық зақымдану симптомдарын жасыруы мүмкін, бұл қажетті емнің кешеуілдеуіне және инфекциялық ауру нәтижесінің нашарлауына әкелуі мүмкін. Бұл құбылыс ауруханадан тыс бактериялық пневмония және желшешектің бактериялық асқынулары ретінде байқалды. Егер кетопрофен инфекциялық аурумен байланысты қызба немесе ауырсыну кезінде тағайындалса, аурудың барысын мұқият бақылау керек. Егер препаратты қабылдау амбулаториялық жағдайда жүзеге асырылса, егер аурудың симптомдары басылмаса немесе күшейсе, пациентті емдеуші дәрігермен байланысу қажеттілігі туралы хабардар ету керек.

Бүйректің функционалды жеткіліксіздігі

ҚҚСП тобының препараттары бүйрек простагландиндерінің вазодилатациялаушы әсерін тежейді, осының нәтижесінде шумақшалық сүзілудің төмендеуіне байланысты функционалдық бүйрек жеткіліксіздігінің дамуын туындатуы мүмкін. Бұл жағымсыз әсер дозаға тәуелді әсерге ие.

Емдеуді бастар алдында және препарат дозасын жоғарылату алдында бүйрек функциясы және бөлінетін несеп көлемі келесі қауіп факторлары бар пациенттерде мұқият бағалануы тиіс:

егде жастағы пациенттер;

АӨФ тежегіштері, сартандар, диуретиктер тобының препараттарын бір мезгілде қабылдау;

әртүрлі этиологиядағы гиповолемия;

жүрек функциясының жеткіліксіздігі;

бүйрек функциясының созылмалы жеткіліксіздігі;

жегілік нефропатия;

бауыр циррозы.

Организмде натрий мен сұйықтықтың кідіруі

Натрий мен сұйықтықтың кідіруі ісінудің, артериялық гипертензияның даму қаупін немесе бұрыннан бар артериялық гипертензия ағымының нашарлауын, жүрек функциясы жеткіліксіздігінің өршуін арттырады. Гипотензивті препараттардың гипотензивті әсерінің төмендеуі мүмкін.

Гиперкалиемия

Диабет және/немесе гиперкалиемиялық препараттармен қатар емдеу гиперкалиемияның даму қаупін арттырады. Қан сарысуындағы калий мөлшеріне тұрақты мониторинг жүргізу қажет.

Препараттың әрбір таблеткасында 1,54 мг лактоза бар.

Сирек кездесетін тұқым қуалайтын галактоза жақпаушылығы, лактаза тапшылығы (Лапп типі) немесе глюкоза-галактоза мальабсорбция синдромы бар пациенттер бұл препаратты қабылдамауы керек.

Енгізу әдісі мен жолы

Таблеткаларды тамақтану кезінде немесе тамақтанғаннан кейін бірден қабылдау керек.

Тәуліктік дозаны 1 немесе 2 бөліп қабылдау керек.

Ішке қабылдау үшін. Таблеткаларды шайнамай, жеткілікті мөлшерде сумен ішіп қабылдайды.

Дозалау режимі

Симптомдарды бақылау үшін емдеу курсының ұзақтығы бойынша ең төмен ықтимал дозаны тағайындау керек

Ең жоғары тәуліктік доза 200 мг құрайды. 200 мг тәуліктік дозаны тағайындағанда тәуекел/пайда арақатынасына мұқият бағалау жүргізу керек. Жоғары дозаны тағайындау ұсынылмайды.

Ұзақ мерзімді симптоматикалық емдеу: тәулігіне 1-2 таблеткадан (бұл тәулігіне 100-200 мг кетопрофенге сәйкес келеді).

Ауырсыну синдромын қысқа мерзімді симптоматикалық емдеу: тәулігіне 2 таблетка (бұл 200 мг кетопрофенге сәйкес келеді).

Пациенттердің ерекше топтары:

Бүйрек функциясының жеткіліксіздігі диагнозы қойылған пациенттер мен егде жастағы пациенттер: емді неғұрлым төмен дозадан бастаған және оны бүйрек функциясына бақылау жасай отырып біртіндеп арттырған жөн.

Гиповолемиясы бар пациенттер «Қолдану кезіндегі қажетті сақтандыру шаралары» бөлімін қараңыз.

Артық дозалану жағдайлары кетопрофеннің 2,5 г дейінгі дозаларында байқалды.Симптомдары: бас ауыруы, бас айналу, әлсіздік, ұйқышылдық, жүрек айну, құсу, іштің ауыруы, қан құсу, қара нәжіс, сананың бұзылуы, тыныс алудың тежелуі, құрысулар, бүйрек функциясының бұзылуы және бүйрек функциясының жеткіліксіздігі.

Емі: симптоматикалық, спецификалық антидот жоқ. Асқазанды шаю және белсендірілген көмірді қолдану көрсетілген.

Бүйрек функциясының жеткіліксіздігі болған кезде айналымдағы кетопрофенді қаннан шығару үшін гемодиализ рәсімі ұсынылады.

10 таблеткадан поливинилхлоридті (ПВХ) үлбірден және алюминий фольгадан жасалған пішінді ұяшықты қаптамаға салады.

1, 2 немесе 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.