Усть-Каменогорске қаласындағы Биглау Көз Тамшылары 0.2% 5 Мл | Laboratorio Edol-Produtos Farm

1 мл препараттың құрамында

белсенді зат - 2 мг бримонидин тартраты,

қосымша заттар: поливинил спирті, натрий хлориді, натрий цитраты, лимон қышқылының моногидраты, бензалконий хлориді 50 % ерітіндісі (бензалконий хлоридіне баламалы), 1 М хлорсутек қышқылы немесе 1 М натрий гидроксиді ерітіндісі, инъекцияға арналған су.

Ашық бұрышты глаукомасы бар немесе көзiшiлік гипертензиясы бар пациенттерде жоғары көзiшiлік қысымын төмендету үшін:

- жергілікті тағайындалатын бета-блокаторлары препараттарын қолдануға болмайтын пациенттерде монотерапия ретінде;

- глаукомаға қарсы басқа препараттармен монотерапия кезінде көзiшiлік қысымды талапқа сай төмендетуге болмайтын пациенттерде қосымша ем ретінде

әсер етуші затқа немесе қосымша заттардың кез келгеніне аса жоғары сезімталдық

норадреналиннің (трициклды антидепрессанттарды) босап шығуы арқылы әсер ететін моноаминооксидаза тежегіштерімен немесе басқа антидепрессанттармен бір мезгілде қолдану

12 жасқа дейінгі балалар және жасөспірімдер

Биглау препаратын депрессиямен, ми немесе коронарлық қан айналымы бұзылған және ортостатикалық гипотензиясы бар пациенттерде сақтықпен қабылдау қажет.

«Көзішілік қысым» диагнозымен пациенттерді Биглау препаратымен емдеу кезінде көзішілік қысымын жүйелі түрде тексеріп отыру керек.

Балаларда қолдану

Биглау препаратын 12 жастан кіші балаларға қолдану ұсынылмайды, сондай-ақ бұл препаратты жаңа туған нәрестелерге қолдануға болмайды.

Жаңа туған нәрестелерде күрделі жағымсыз реакциялар туындауы мүмкін. Балаларға қатысты бримонидин тартратының қауіпсіздігі мен тиімділігі анықталмаған.

Жүктілік мен лактация кезінде қолдану

Жүктілік кезінде препаратты қолдану жүкті әйел мен шарана үшін пайда/қауіп ескере отырып, абсолюттік көрсетілімдерде ғана қаралуы мүмкін. Лактация кезінде препаратты қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Биглау көлік құралдарын мен қауіптілігі зор механизмдерді басқару қабілетіне айтарлықтай әсер етеді.

Дозалану режимі

Зақымданған көзге 1 тамшыдан әрбір 12 сағат сайын тәулігіне екі рет.

Егде жастағы пациенттерге дозаны түзету қажет етілмейді.

Ықтимал жүйелік сіңуді төмендету үшін тамызғаннан кейін бір минут бойы көздің ішкі бұрышын басып тұруға кеңес беріледі.

Бірнеше топикалық офтальмиялық препараттарды қолданған жағдайда, оларды қабылдау 5-15 минут аралықпен кезектесуі тиіс.

Пациенттердің ерекше топтары

Бүйрек немесе бауыр жеткіліксіздігі

Бүйрек немесе бауыр жеткіліксіздігі бар пациенттердің қатысуымен бримонидиннің әсері зерттелмеген.

Балалар

Биглау препаратын 12 жастан кіші балаларға қолдану ұсынылмайды, сондай-ақ бұл препаратты жаңа туған нәрестелерге қолдануға болмайды.

Жаңа туған нәрестелерде күрделі жағымсыз реакциялар туындауы мүмкін. Балаларға қатысты бримонидин тартратының қауіпсіздігі мен тиімділігі анықталмаған.

Енгізу әдісі және жолы

Жергілікті қолдану үшін

Препараттың артық дозалануы туралы деректер жоқ.

Ішке кездейсоқ қабылдаған кездегі симптомдары: жүйелік жағымсыз әсерлердiң дамуы.

Емі: симптоматикалық ем.

Офтальмологиялық артық дозалануы:

Ересектерге қатысты препаратты пайдалану кезінде офтальмологиялық артық дозаланудың ықтималдығы аз жағдайлары туралы деректер жоқ.

Кездейсоқ жұтылу кезінде жүйелі артық дозалануы (ересектер):

Ересек пациенттердің бримонидинді кездейсоқ жұтуы туралы өте шектеулі ақпарат бар. Осы уақытқа дейін хабарланған жалғыз қолайсыз реакция гипотония болды. Гипотензиялық көріністен соң препаратты ішке қабылдағаннан кейін шамамен 8 сағат ішінде артериялық гипертония болғаны туралы хабарланған.

Басқа альфа-2-агонистерді ішке қабылдағандағы артық дозалануы гипотензия, астения, құсу, летаргия, седация, брадикардия, аритмия, миоз, апноэ, гипотония, гипотермия, тыныс алу функциясының бәсеңдеуі және эпилепсиялық ұстамалар сияқты симптомдарды тудырады.

Балалар

Бримонидин көзге тамызатын дәрісі, ерітіндісін балалар жасындағы пациенттердің ішке абайсыз қабылдауынан кейін елеулі жағымсыз реакциялардың пайда болуы туралы деректер жарияланды немесе мәлімделді. Пациенттерде ОЖЖ бәсеңдеу симптомдары, әдетте уақытша кома немесе сана деңгейінің төмендеуі, летаргия, гипотензия, ұйқышылдық, брадикардия, гипотермия, бозару, тыныс алудың бәсеңдеуі және апноэ, сондай-ақ, егер көрсетілімі бар болса, интубациямен қарқынды емді қолдану қажеттілігі байқалды. Барлық пациенттер әдетте 6-24 сағат ішінде толығымен сауыққаны мәлімделген.

5 мл препараттан алғашқы ашылуы бақыланатын, тығыздығы жоғары полиэтиленнен жасалған мөлдір емес ақ қақпағы және тығыздығы төмен полиэтиленнен жасалған ұштық-дозаторы бар, тығыздығы төмен полиэтиленнен жасалған мөлдір емес ақ құтыларға құйылған.

1 құтыдан медициналық қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынған.

30 0С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Құтыны ашқаннан кейінгі қолдану кезеңі 28 күннен аспайды.

Жарамдылық мерзімі өткеннен кейін қолдануға болмайды!

Сақтау шарттары

30 0С-ден аспайтын температурада сақтау керек.

Балалардың қолы жетпейтін жерде сақтау керек!