Актобе қаласындағы Девилон Таблеткалары 500 Мг №10 | Медохеми Лтд

Девилон дәрілік препараты ересек пациенттерде мынадай инфекцияларды емдеу үшін қолдануға арналған:

- жедел пиелонефрит және несеп шығару жолдарының асқынған инфекциялары

- созылмалы бактериялық простатит

- сібір ойықжарасының өкпелік түрі: жанасудан кейінгі профилактика және емдеу.

Төменде атап көрсетілген инфекциялар үшін Девилон әдетте осы инфекцияларға бастапқы ем ретінде ұсынылатын бактерияға қарсы дәрілерді пайдалану мүмкінсіздігі негізделген жағдайларда ғана қолдану керек:

- жедел бактериялық синусит

- бронхитті қоса, өкпенің созылмалы обструктивті ауруының өршуі

- ауруханадан тыс пневмония

- тері мен жұмсақ тіндердің асқынған инфекциялары

- асқынбаған цистит.

Таблеткалар түріндегі Девилон препараты левофлоксацинді вена ішіне енгізе отырып, бастапқы ем жүргізгеннен кейін жай-күйінің жақсару байқалған пациенттерде емдеу курсын жалғастыру үшін де қолданылуы мүмкін.

Бактерияға қарсы агенттерді тиісті қолдану бойынша ресми нұсқауларды орындау қажет.

- левофлоксацинге, басқа хинолондарға, сондай-ақ қосымша заттардың кез келгеніне аса жоғары сезімталдық

- эпилепсия

- фторхинолондарды бұдан бұрын қолданған кезде байқалған

сіңірлердің зақымдануы

- жүктілік және лактация кезеңі

- балалар мен 18 жасқа дейінгі жасөспірімдерге

Басқа дәрілік заттардың Девилон препаратына әсері

Темір, мырыш тұздары,  құрамында магний немесе алюминий бар антацидтік препараттар, диданозин

Девилон сіңуі левофлоксацин препаратымен бір мезгілде темір тұздарын, құрамында магний немесе алюминий бар антацидті препараттарды немесе диданозинді (құрамында алюминий немесе магний бар буферлік заттары бар диданозин түрлері ғана) таблеткалар түрінде қолданғанда едәуір төмендейді. Құрамында мырыш бар фторхинолондар мен мультивитаминді препараттарды бір мезгілде қолдану олардың сіңуін төмендетеді. Құрамында темір, мырыш тұздары, құрамында магний немесе алюминий бар антацидтік препараттар немесе диданозин (құрамында алюминий немесе магний бар буферлік заттар бар диданозин түрлеріне ғана қолданылады) сияқты екі немесе үш валентті катиондары бар препараттарды Девилон таблеткаларын қабылдағанға дейін 2 сағат бұрын және одан кейін 2 сағаттан соң қабылдамаған жөн. Кальций тұздары пероральді қабылдағаннан кейін левофлоксациннің сіңуіне ең аз әсер ететіндігі көрсетілген.

Сукральфат

Таблеткалар түріндегі Девилон препаратының биожетімділігі оны сукральфатпен бір мезгілде қолданған кезде айтарлықтай төмендейді. Егер пациентке сукральфатты да, Девилонды да қабылдау қажет болса, бәрінен дұрысы - сукральфатты таблеткалар түріндегі Девилон препаратын қабылдаудан кейін 2 сағаттан соң қабылдау.

Теофиллин, фенбуфен немесе сол сияқты қабынуға қарсы стероидты емес препараттар 

Клиникалық зерттеу барысында левофлоксацин мен теофиллиннің фармакокинетикалық өзара әрекеттесуі табылған жоқ. Алайда, хинолондар және теофиллинді, қабынуға қарсы стероидты емес препараттар немесе құрысу дайындығының шегін төмендететін басқа дәрілік заттарды бір мезгілде қолданғанда церебральді дайындық шегінің едәуір төмендеуін байқауға болады.

Левофлоксациннің концентрациясы тек левофлоксацинді қабылдағанға қарағанда, фенбуфеннің қатысуымен шамамен 13%-ға жоғары болды.

Пробенецид және Циметидин

Пробенецид және Циметидин левофлоксациннің шығарылуына статистикалық мәнді әсерін көрсетті. Левофлоксациннің бүйректік клиренсі циметидинді (24%) және пробенецидті (34%) қолдану кезінде төмендеді. Бұл екі дәрілік препараттың да левофлоксациннің бүйректік өзекшелік секрециясын бөгеуге қабілетті екенімен түсіндіріледі. Алайда, зерттеу барысында пайдаланылған дозаларда қолданғанда статистикалық мәнді кинетикалық өзгешеліктерінің клиникалық мәнді болу ықтималдығы аз.

Левофлоксацинді пробенецид пен циметидин сияқты өзекшелік секрецияға әсерін көрсететін препараттармен бірге, әсіресе, бүйрек функциясының бұзылулары бар пациенттерде сақтықпен қолдану керек.

Басқа маңызды ақпарат

Клиникалық фармакология зерттеулері осы препаратты келесі дәрілік заттар: кальций карбонаты, дигоксин, глибенкламид, ранитидинмен бірге қолданудың левофлоксацин фармакокинетикасына клиникалық мәнді әсер етпегенін көрсетті.

Девилон препаратының басқа дәрілік заттарға әсері

Циклоспорин

Левофлоксацинмен бірге қолданғанда циклоспориннің жартылай шығарылу кезеңі 33% - ға ұлғайды.

K дәруменінің антагонистері

Левофлоксацин және К дәруменінің антагонисі (мысалы, варфарин) біріктірілімін қолдана отырып емделген пациенттерде протромбиндік уақыттың ұзаруы (ХҚҚ ұлғаюы/тромбопластин уақытының төмендеуі) және/немесе мүмкін ауыр қан кетудің пайда болуы жағдайлары туралы хабарланды. Осылайша, К дәруменінің антагонистерін қолдана отырып емделіп жатқан пациенттерде коагуляциялық сынамалар нәтижелеріне мониторинг жүргізу қажет.

QT аралығының ұзаруын тудыратын дәрілік заттар

Левофлоксацинді, басқа фторхинолондар сияқты, QT аралығының ұзаруын тудыратын препараттарды (мысалы, IA және III класының аритмияға қарсы препараттары, трициклді антидепрессанттар, макролидтер, нейролептиктер) біруақытта қабылдайтын пациенттерде сақтықпен қолдану керек.

Басқа маңызды ақпарат

Фармакокинетикалық зерттеулерде левофлоксацин теофиллиннің (CYP1A2 маркерлік субстраты) фармакокинетикасына әсер етпеген, бұл левофлоксациннің CYP1A2 тежегіші емес екенін көрсетеді.

Өзара әрекеттесудің басқа түрлері

Тамақ

Тамақпен клиникалық мәнді өзара әрекеттесуі болмады. Осылайша, таблеткалар түріндегі Девилон препаратын ас ішуге байланыссыз қабылдауға болады.

Пневмококкты пневмонияның аса ауыр жағдайларында Девилон оңтайлы емдік әсер бермеуі мүмкін.

Құрамында хинолон немесе фторхинолон бар дәрілерді бұрын қолданудан елеулі жағымсыз әсерлері бар пациенттерде левофлоксацинді пайдаланудан аулақ болу керек. Мұндай пациенттерді левофлоксацинмен емдеуді емдік баламасы болмаған кезде және пайда / қауіп арақатынасын мұқият бағалаудан кейін ғана бастау керек.

Қарсы тұру қауіптері

Метициллинге төзімді алтын түстес стафилококк левофлоксацинді қоса, фторхинолондарға да төзімді болуы ықтималдығы жоғары. Демек, левофлоксацинді метициллинге төзімді стафилококктан туындаған инфекцияларды емдеуде немесе егер зертханалық зерттеулердің нәтижелері микроорганизмнің левофлоксацинге сезімталдығын растамаса, мұндай күдіктер бар болса (егер метициллинге төзімді стафилококк туындатқан инфекцияларды емдеу кезінде әдетте тағайындалатын бактерияға қарсы дәрілерді қолдану орынсыз деп есептелсе) қолдану ұсынылмайды.

Левофлоксацинді жедел бактериялық синуситті және созылмалы бронхиттің өршуін емдеуде, егер бұл инфекциялар дұрыс диагноз қойылса, қолдануға болады.

Несеп шығару жолдарының инфекциясын туындататын анағұрлым кең таралған патоген E. coli-нің фторхинолондарға резистенттілігі Еуропалық Одақ елдерінде ауытқиды. Препараттарды тағайындау кезінде фторхинолондарға E. coli резистенттілігінің жергілікті таралуын ескеру ұсынылады.

Ауыр, ұзақ мерзімді, мүгедек және ықтимал қайтымсыз жағымсыз әсерлер

Өте сирек жағдайларда еңбекке жарамсыздыққа әкелетін ұзақ (ұзақ айлар немесе жылдар), сондай-ақ жасына және алдыңғы қауіп факторларына қарамастан хинолондар мен фторхинолондарды қабылдайтын пациенттерде организмнің әртүрлі, кейбір жағдайларда бірнеше жүйелеріне (сүйек-бұлшықет, жүйке, психологиялық және сезім органдары) әсер ететін ықтимал қайтымсыз күрделі жағымсыз реакциялар туралы хабарланды. Кез келген жағымсыз реакциялардың алғашқы симптомдары кезінде левофлоксацинді қолдануды дереу тоқтату қажет, мұндай жағдайларда пациенттер дереу емдеуші дәрігерге қаралу қажет.

Сібір ойықжарасы

Сібір ойық жарасының өкпелік түрін емдеу үшін левофлоксацинді қолдану шектеулі деректерге негізделген. Емдеуші дәрігерлер сібір ойықжарасын емдеуге қатысты келісілген ұлттық және/немесе халықаралық құжаттарға жүгінуі тиіс.

Тендинит және сіңірлердің үзілуі

Тендинит жағдайлары сирек кездеседі. Көбінесе бұл ахилл сіңіріне қатысты және хинолондар мен фторхинолондармен емдеудің алғашқы сағаттарында оның үзілуіне әкелуі мүмкін. Егде жастағы пациенттерде, бүйрек жеткіліксіздігі бар пациенттерде, 1000 мг тәуліктік дозаны алатын пациенттерде, ағзалардың трансплантациясын жасатқан пациенттерде және кортикостероидтарды қабылдайтын пациенттерде тендинит және сіңірлердің үзілу қаупі артады. Сондықтан мұндай пациенттерге, егер оларға осы препарат тағайындалса, мұқият бақылау қажет. Пациенттер, егер олар тендиниттің көріністеу (ауырсынып ісіну, қабыну) симптомдарын байқаса, дәрігермен кеңесу керек. Тендинитке күдік болған кезде Девилон препаратымен емдеуді дереу тоқтатып, аяқ-қол иммобилизациясын қамтамасыз ету керек.

Clostridium difficile туындатқан диарея

Диарея, әсіресе ауыр жағдайларда, тұрақты және/немесе геморрагиялық, левофлоксацинмен емдеу кезінде немесе одан кейін, Clostridium difficile туындатқан аурудың симптомы болуы мүмкін, оның неғұрлым ауыр түрі жалғанжарғақшалы колит болып табылады. Жалғанжарғақшалы колитке күдік туындаған жағдайда левофлоксацин қабылдауды дереу тоқтату, демеуші препараттармен емдеуді кідіріссіз бастау, сондай-ақ спецификалық ем тағайындау керек (мысалы, ванкомицинді пероральді қабылдау). Ішек моторикасын тежейтін дәрілер осы клиникалық жағдайда қарсы көрсетілімді.

Құрысудың дамуына бейім пациенттер

Девилон эпилепсиямен ауыратын пациенттерге қарсы көрсетілімді болып табылады. Препаратты, басқа хинолондар сияқты, құрысуға бейім пациенттерге, мысалы, ОЖЖ-ның алдыңғы зақымданулары бар пациенттерге, фенбуфенмен және оған ұқсас ҚҚСП-мен бір мезгілде емдегенде немесе теофиллин сияқты құрысуға бейімділігін арттыратын (құрысу шегін төмендететін) препараттармен шекті сақтықпен қабылдаған жөн. Конвульсиялар көрінген жағдайда левофлоксацинмен емдеуді тоқтату керек.

Глюкоза-6-фосфатдегидрогеназа жеткіліксіздігі бар пациенттер

Глюкоза-6-фосфатдегидрогеназа белсенділігінің латентті немесе белгілі бұзылулары бар пациенттер хинолондар тобының бактерияға қарсы дәрілерімен емдеу кезінде гемолиздік реакцияларға бейім болуы мүмкін, сондықтан левофлоксацинді гемолиздің ықтимал пайда болуын қадағалай отырып, сақтықпен қолдану керек.

Бүйрек жеткіліксіздігі бар пациенттер

Левофлоксацин негізінен бүйрекпен бөлінетіндіктен, бүйрек функциясы бұзылған (бүйрек жеткіліксіздігі) пациенттер үшін дозаны түзету қажет

Аса жоғары сезімталдық реакциялары (аса жоғары сезімталдық)

Левофлоксацин бастапқы дозаны қолданғаннан кейін жоғары сезімталдықтың елеулі, ықтимал өлімге әкелетін реакцияларын (мысалы, анафилаксиялық шокқа дейін ангионевроздық ісіну) туындатуы мүмкін. Бұл жағдайда пациенттер емдеуді дереу тоқтатып, дәрігермен кеңесу керек.

Терінің ауыр реакциялары

Левофлоксацинді қолданғанда кейде өліммен аяқталатын, уытты эпидермальді некролизді (Лайелл синдромы), Стивенс-Джонсон синдромын және болжамға әсер етуі мүмкін эозинофилиямен және жүйелі симптомдармен (DRESS-синдром) дәрілік реакцияны қоса алғанда, терінің ауыр реакциялары дамуы мүмкін. Пациенттерге терінің ауыр реакцияларының белгілері мен симптомдары туралы хабарлануы және мұқият бақылауда болуы керек. Осындай реакциялар туралы куәландыратын белгілер мен симптомдар пайда болған кезде левофлоксацинді дереу тоқтатып, баламалы емді қарастыру керек. 

Қандағы қанттың бұзылуы

Барлық хинолондарды қолданғандағыдай, пероральді гипогликемиялық препараттарды (мысалы, глибенкламид) немесе инсулинді қолданумен қатар ем алатын, егде жастағы пациенттерде және диабетпен ауыратын пациенттерде жиі байқалған гипо-және гипергликемияны қоса алғанда, қандағы глюкоза деңгейінің бұзылуының туындауы туралы хабарланды. Гипогликемиялық кома жағдайлары туралы хабарланды. Қант диабетімен ауыратын пациенттерде қандағы глюкоза деңгейін мұқият бақылау ұсынылады.

Егер пациентте қандағы глюкоза деңгейінің бұзылуы байқалса, Девилон препаратымен емдеуді дереу тоқтату керек және фторхинолонды емес топтағы препараттармен балама бактерияға қарсы емді қарастыру керек.

Фотосезімталдық профилактикасы

Фотосезімталдық левофлоксацинді қабылдаған кезде өте сирек кездесетініне қарамастан, оны болдырмау үшін пациенттерге емдеу кезінде және емдеуді тоқтатқаннан кейін 48 сағат ішінде белсенді күн сәулелеріне немесе жасанды ультракүлгін сәулелерге (мысалы, жасанды ультракүлгін сәуле шамдары, солярий) ерекше қажеттіліксіз ұшырамау ұсынылады.

К дәруменінің антагонистерін қабылдаған пациенттер

Коагуляциялық сынақтар көрсеткіштерінің ықтимал ұлғаюына (протромбиндік уақыт/халықаралық қалыптасқан қатынас) және/немесе левофлоксацинді К дәруменінің антагонисімен (мысалы, варфарин) біріктіріп қабылдаған пациенттерде қан кетудің дамуына байланысты, егер осы дәрілік заттар бір мезгілде қолданылса, коагуляциялық тестілерді бақылау қажет.

Психоздық реакциялар

Левофлоксацинді қоса, хинолондарды қабылдайтын пациенттерде психоздық реакциялар туралы хабарланды. Өте сирек жағдайларда олар суицидтік ойлар мен өзін-өзі реттейтін мінез-құлыққа, кейде тіпті левофлоксацинді бір рет қабылдағаннан кейін де жетті. Егер пациентте осы реакциялар пайда болса, левофлоксацин қабылдауды тоқтату және тиісті шаралар қабылдау қажет. Психоздық бұзылулары бар немесе анамнезінде психикалық аурулары бар пациенттерде левофлоксацинді сақтықпен қолдану ұсынылады.

Жүрек бұзылыстары

Девилон препаратын қоса алғанда, фторхинолондарды QT аралығының ұзаруы қаупінің белгілі факторлары бар, мысалы сияқты пациенттерде сақтықпен қолдану керек:

• туа біткен QT аралығының ұзару синдромы;

• QT аралығының ұзару қабілетімен белгілі дәрілік заттарды қатар қолдану (мысалы, IA және III класының аритмияға қарсы дәрілері, трициклді антидепрессанттар, макролидтер, антипсихотиктер);

• түзетілмеген электролиттік теңгерімнің бұзылуы (мысалы, гипокалиемия, гипомагниемия)

• егде жастағы пациенттер мен әйелдер;

• жүрек аурулары (мысалы, жүрек жеткіліксіздігі, миокард инфарктісі, брадикардия).

Шеткері нейропатия

Левофлоксацинді қоса, фторхинолондарды қабылдаған пациенттерде тез дамитын сенсорлы және сенсомоторлы шеткері нейропатия туралы хабарланды. Егер пациентте қайтымсыз жағдайдың туындауының алдын алу үшін нейропатия симптомдары (ауыру, күйдіру, шаншу, ұю, бұлшықет әлсіздігі) байқалса, левофлоксацинді қабылдауды тоқтату керек.

Жалған салдану миастенияның өршуі (myasthenia gravis)

Фторхинолондардың, левофлоксацинді қоса, жүйке-бұлшықеттік бөгеу белсенділігі бар және миастениядан зардап шегетін пациенттерде бұлшықет әлсіздігін күшейтуі мүмкін.

Левофлоксацинді жалған салдану миастениясы (myasthenia gravis) бар пациенттерде қолдануға болмайды.

Көрудің бұзылуы

Көру немесе кез келген басқа көз көріністері бұзылған жағдайда дереу офтальмологпен кеңесу керек.

Суперинфекция

Басқа антибиотиктерді қолданғандағыдай, Девилон препаратын қолдану, әсіресе ұзақ уақыт бойы, оған сезімтал емес микроорганизмдердің көбеюіне әкелуі мүмкін, бұл микрофлораның (бактериялар мен зеңдер) өзгеруіне және суперинфекцияның дамуына әкелуі мүмкін. Сондықтан емдеу кезінде пациенттің жағдайын қайта бағалау қажет. Емдеу кезінде суперинфекция дамыған жағдайда тиісті шаралар қабылдау керек.

Зертханалық зерттеулер

Левофлоксацинді қабылдаған пациенттерде несептегі апиындарды анықтау жалған оң нәтиже беруі мүмкін. Спецификалық әдістерді қолдана отырып, апиындарға оң нәтижелерді растау қажет болуы мүмкін.

Левофлоксацин Mycobacterium tuberculosis өсуін тежеуі мүмкін, сондықтан, туберкулездің бактериологиялық диагностикасы кезінде жалған теріс нәтижелер беруі ықтимал.

Гепатобилиарлық бұзылулар

Левофлоксацинді қабылдаған кезде, негізінен сепсис сияқты ауыр негізгі аурулары бар пациенттерде өмірге қауіп төндіретін бауыр жеткіліксіздігіне дейін некроздалған гепатит жағдайлары туралы хабарланды. Егер бауыр ауруының анорексия, сарғаю, несептің күңгірттенуі, іш аумағындағы қышыну немесе ауыруы сияқты көріністері мен симптомдары пайда болса, пациенттерге емдеуді тоқтатып, дәрігермен кеңесу керек.

Аортаның аневризмасы мен қатпарлануы, сондай-ақ жүрек клапандарының регургитациясы / жеткіліксіздігі

Эпидемиологиялық зерттеулерде, әсіресе егде жастағы пациенттерде аортаның аневризмасы мен қатпарлануының, сондай-ақ фторхинолондарды қабылдағаннан кейін аортальді және митральді клапан регургитациясының жоғары қаупі туралы хабарланды. Фторхинолондарды қабылдау кезінде кейде үзілумен (оның ішінде өліммен аяқталған жағдай) асқынған аортаның аневризмасы мен қатпарлануының, сондай-ақ кез келген жүрек клапандарының регургитация / жеткіліксіздік жағдайлары тіркелген.

Демек, фторхинолондарды пайда мен қауіп арақатынасын мұқият бағалағаннан кейін ғана және ауыр отбасылық тарихы бар пациенттерде аневризмаға немесе жүрек клапандарының туа біткен ақауына қатысты, аортаның аневризмасы және/немесе қатпарлануы не анамнезінде жүрек клапандарының жеткіліксіздігі (мысалы, инфекциялық эндокардит) бар пациенттерде, сондай-ақ аортаның аневризмасы және қатпарлануы кезінде, сондай-ақ жүрек клапандарының регургитациясы/жеткіліксіздігі (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидты артрит сияқты дәнекер тінінің тарапынан бұзылулар) кезінде, сондай-ақ аортаның аневризмасы және қатпарлануы (мысалы, Такаясу артерииті немесе алып жасушалы артериит немесе белгілі атеросклероз немесе Шегрен синдромы сияқты тамырлы аурулар) кезінде екі жағдайда да басқа қауіп факторлары немесе бейім жай-күйі бар пациенттерде басқа емдік мүмкіндіктерді қарастырғаннан кейін пайдалану керек

.

Жүйелі кортикостероидтармен бір мезгілде ем қабылдайтын пациенттерде аорта аневризмасы мен қатпарлануы, сондай-ақ жыртылу қаупі артуы мүмкін.

Іштің, кеуденің немесе арқаның кенеттен ауыруы жағдайында пациенттерге шұғыл көмек алу үшін дереу дәрігерге бару ұсынылады.

Пациенттерге жедел ентігу, алғаш рет пайда болған жүректің жиі соғуы, сондай-ақ құрсақ қуысының немесе аяқ-қолдың ісінуі дамыған жағдайда дереу медициналық көмекке жүгіну ұсынылады.

Жүктілік және лактация кезеңі

Өсіп келе жатқан организмнің шеміршек тінінің зақымдану қаупіне байланысты жүкті және бала емізетін әйелдерге Девилон препараты қарсы көрсетілімді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін (бас айналу, мелшию, ұйқышылдық, сананың шатасуы, көру және естудің бұзылуы, қозғалыс үйлесімінің бұзылуы, оның ішінде жүру кезінде) ескере отырып, зейіннің жоғары шоғырлануын талап ететін көлік құралын немесе қауіптілігі зор механизмдерді басқарудан сақ болу немесе аулақ болу қажет.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!