Астане қаласындағы Диклофенак Акос Жақпа 1% 30 Г | Синтез ОАО

Ауырсынуды, қабынуды және ісінуді жергілікті емдеу үшін:

- сіңірлердің, байламдардың, бұлшықеттердің және буындардың зақымданулары, мысалы, спортпен айналысқаннан кейін немесе жазатайым оқиғалардың нәтижесінде байламдардың үзілуі, соғылуы, созылуы және арқаның ауыруы;

- жұмсақ тіндердің ревматизмдік ауруларының оқшауланған түрлері, мысалы, тендовагинит, бурсит, иық-білезік синдромы, периартропатия.

Кіші және орташа көлемдегі буындардың, мысалы қол саусақтары немесе тізе буындарының артроздарын симптоматикалық емдеу үшін.

- әсер етуші затқа немесе қосымша заттардың кез келгеніне аса жоғары сезімталдық

-ацетилсалицил қышқылын немесе қабынуға қарсы басқа стероидты емес препараттарды (ҚҚСП) қолдану кезінде бронх демікпесі, есекжем, ангионевроздық ісіну немесе жедел ринит ұстамалары туындауына бейімділік

- жүктілік (III триместр)

- бала емізу

- балалар мен 14 жасқа дейінгі жасөспірімдер

- болжамды жағылатын орнында тері жабыны бүтіндігінің бұзылуы;

Препарат фотосенсибилизацияны туындататын препараттардың әсерін күшейтуі мүмкін. Басқа дәрілік препараттармен клиникалық мәнді өзара әрекеттесулері сипатталмаған.

Дозалау режимі

Препараттың қажетті мөлшері ауыратын аумақтың шамасына байланысты. Препараттың бір реттік дозасы - 2 - 4 г (бұл көлемі жағынан шие немесе жаңғақ өлшемімен сәйкес келеді) ауданы 400-800 см2 аймақты өңдеу үшін жеткілікті. Егер ауыру аймағы қолға қатысты болмаса, препаратты қолданғаннан кейін қолды жуу қажет. Емдеу ұзақтығы көрсетілімдері мен байқалатын әсеріне байланысты.

Ең жоғары тәуліктік доза 8 г.

Енгізу жолы және тәсілі

Сыртқа.

Қабылдау уақыты көрсетілген қолдану жиілігі

Ересектер мен 14 жастан асқан балаларға препаратты теріге тәулігіне 2-3  рет, теріге сәл уқалай отырып жағады.

Емдеу ұзақтығы

Емдеу ұзақтығы көрсетілімдері мен байқалатын әсеріне байланысты.

Препаратты жарақаттан кейінгі қабыну және жұмсақ тіндердің ревматизмдік аурулары кезінде дәрігердің ұсынымынсыз 14 күннен артық қолдануға болмайды.

Препарат тағайындаусыз қолданылған жағдайда, егер 7 күн бойы қолданғанда пациенттің жағдайы өзгермесе, дәрігерге қаралу керек.

Артық дозалану жағдайында қабылдануы қажет шаралар

Симптомдары: сыртқа қолдану кезінде диклофенактың өте төмен жүйелі абсорбциясы артық дозалануды іс жүзінде мүмкін емес етеді. Жақпамайдың үлкен мөлшерін (20 г астам) кездейсоқ жұтып қойғанда, ҚҚСП тән жүйелі жағымсыз реакциялар пайда болуы мүмкін.

Емі: асқазанды шаю, құстыртуға түрткі болу, белсендірілген көмір, симптоматикалық ем. Диклофенактың қан плазмасы ақуыздарымен байланысу дәрежесінің жоғары (99 % жуық) екендігіне байланысты диализ және қарқынды диурез тиімсіз. Гипотензия, бүйрек жеткіліксіздігі, құрысу, асқазан-ішек жолдарының тітіркенуі және тыныс алудың бәсеңдеуі сияқты асқынулар үшін демеуші және симптоматикалық емдеу жүргізілуі керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер 14 күннен кейін емдік әсері байқалмаса немесе жағдайы нашарласа, дәрігерге қаралу керек.

Препарат тағайындаусыз қолданылған жағдайда, егер 7 күн бойы қолданғанда пациенттің жағдайы өзгермесе, дәрігерге қаралу керек.

30 г-ден алюминий сықпаларда.

Әрбір сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

8 С-ден 15 С-ге дейінгі температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!