Караганде қаласындағы Форсига Таблеткалары 10 Мг №28 | АстраЗенека Фармасьютикалс ЛП

2-ші типті қант диабеті

Форсига™ препараты 18 жастағы және одан үлкен ересек пациенттерге диетамен және физикалық жүктемелермен үйлесімде жеткіліксіз бақыланатын 2-ші типті қант диабетін емдеу үшін көрсетілген:

- метформинді қолдану мақсатқа сай емес немесе қарсы көрсетілген деп есептелген кезде монотерапия ретінде

- 2-ші типті диабетті емдеуге арналған басқа дәрілік препараттармен біріктірілген ем ретінде қолданылады

Жүрек жеткіліксіздігі

Форсига™ препараты 18 жастағы және одан ересек пациенттерге симптоматикалық созылмалы жүрек жеткіліксіздігін емдеу үшін қолданылады.

Бүйректің созылмалы ауруы

Форсига™ препараты 18 жастан асқан ересек пациенттерге созылмалы бүйрек ауруларын емдеу үшін қолданылады.

препараттың кез келген компонентіне жекелей жоғары сезімталдық

1 -ші типті қант диабеті

диабеттік кетоацидоз

есептік ШСЖ (еШСЖ) 25 мл/мин/1.73 м 2-ден төмен болатын (емді бастау үшін) бүйрек жеткіліксіздігі

диализді қажет ететін бүйрек ауруының терминалдық сатысы (клиникалық зерттеулер жүргізудің шектеулі тәжірибесіне байланысты)

тұқым қуалайтын лактоза жақпаушылығы, лактаза жеткіліксіздігі және глюкоза-галактоза жақпаушылығы

«ілмектік» диуретиктерді қабылдайтын пациенттер немесе, мысалы, жедел аурулардың (асқазан-ішек аурулары сияқты) салдарынан айналымдағы қан көлемі төмендеген пациенттер

жүктілік және бала емізу кезеңі

балалар мен 18 жасқа дейінгі жасөспірімдер (қауіпсіздігі мен тиімділігі зерттелмеген)

Қолдану кезіндегі қажетті сақтық шаралары

Препаратты тағайындар алдында, сондай-ақ препаратпен емдеу кезеңінде келесі жағдайларда дәрігерге хабарлау керек:

- 1 типті қант диабетінің болуы. 1 типті қант диабеті бар пациенттерге Форсига™ тағайындалмайды.

- бүйрек және бауыр аурулары

- қандағы қант өте жоғары, бұл сусыздану тудыруы мүмкін

- жүрек айнуы (өзін нашар сезіну), құсу немесе қызу, Форсига™ препаратын қабылдауды бастағаннан кейін тамақ немесе сусын ішу проблемалары

- жиі туындайтын несеп шығару жолдарының инфекциялары

- артериялық қысымды төмендетуге арналған басқа дәрілік заттарды (антигипертензивтік препараттар) қабылдау және анамнезінде төмен артериялық қысымның (гипотония) болуы

- организмнен сұйықтық шығарылуына ықпал ететін дәрілік заттарды (диуретиктер) қабылдау

- инсулин немесе сульфонилмочевина негізіндегі препараттар сияқты қандағы қант деңгейін төмендетуге ықпал ететін басқа дәрілік заттарды қабылдау

- литий препараттарын қабылдау, себебі Форсига™ қандағы литий деңгейін төмендетуі мүмкін

Дозалау режимі

Форсига™ препараты тамақтануға қарамастан күніне бір рет ішке қолданылады. Таблетканы тұтастай жұту керек.

Қолдану тәсілі және дозалары

2-ші типті қант диабеті

Дапаглифлозиннің ұсынылатын дозасы тәулігіне бір рет 10 мг құрайды.

Дапаглифлозинді инсулин препараттарымен немесе инсулин секрециясын жоғарылататын препараттармен, мысалы, сульфонилмочевина туындыларымен біріктіріп қолданған кезде гипогликемия қаупін төмендету мақсатында инсулин препараттарының немесе инсулин секрециясын жоғарылататын препараттардың дозасын төмендету қажет болуы мүмкін.

Жүрек жеткіліксіздігі

Дапаглифлозиннің ұсынылатын дозасы тәулігіне бір рет 10 мг құрайды.

Бүйректің созылмалы ауруы

Дапаглифлозиннің ұсынылатын дозасы тәулігіне бір рет 10 мг құрайды.

Пациенттердің ерекше топтарында қолдану

Бүйрек жеткіліксіздігі

Бүйрек функциясының бұзылуын ескере отырып, препарат дозасын түзету талап етілмейді.

ШСЖ <25 мл/мин бар пациенттерде дапаглифлозинді қолдану тәжірибесі шектеулі, сондықтан мұндай пациенттерде дапаглифлозинмен емдеуді бастау ұсынылмайды.

Қант диабеті бар пациенттерде дапаглифлозин тағайындау кезінде глюкоза деңгейін төмендету тиімділігі ШСЖ <45 мл/мин кезінде төмендейді және ауыр дәрежедегі бүйрек жеткіліксіздігі бар пациенттерде болмауы ықтимал. Демек, егер ШСЖ 45 мл/мин-ден төмен төмендесе, онда қант диабеті бар пациенттерді емдеу үшін, егер гликемиялық бақылауды күшейту қажеттілігі айқын болса, глюкоза деңгейін төмендету мақсатында қосымша ем тағайындау туралы мәселені қарау керек.

Бауыр жеткіліксіздігі

Бауыр функциясы жеңіл немесе орташа ауырлық дәрежеде бұзылған кезде препараттың дозасын түзету қажет емес. Ауыр дәрежедегі бауыр функциясының бұзылушылығы бар пациенттерге препараттың 5 мг бастапқы дозасы ұсынылады. Жақсы көтерімділік жағдайында дозаны 10 мг-ға дейін ұлғайтуға болады.

Егде жастағы пациенттер (≥65 жас)

Егде жастағы пациенттерде препараттың дозасын түзету қажет емес.

Артық дозалану жағдайында қабылдануы қажет шаралар

Дапаглифлозин қауіпсіз және 500 мг дейінгі дозаларда (ұсынылған дозасынан 50 есе жоғары) бір рет қабылданған кезде пациенттерде жақсы көтерімді.

Артық дозаланған жағдайда, пациенттің жағдайын ескере отырып, демеуші ем жүргізу қажет. Дапаглифлозиннің гемодиализ арқылы шығарылуы зерттелген жоқ.

Дәрілік препараттың бір немесе бірнеше дозасын жіберіп алған кезде қажетті шаралар

Егер келесі дозаны қабылдауға дейін 12 сағат және одан көп уақыт қалса, өткізіп алған дозаны бұл туралы еске түсіргеннен кейін қабылдау керек. Келесі дозаны әдеттегі уақытта қабылдау керек.

Егер келесі дозаны қабылдауға дейін 12 сағаттан аз уақыт қалса, өткізіп алған дозаны өткізіп алған жөн. Келесі дозаны әдеттегі уақытта қабылдау қажет.

Өткізіп алған дозаның орнын толтыру үшін Форсига™ препаратының қосарлы дозасын қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Форсига™ препаратын қолдану тәсіліне қатысты қандай да бір сұрақтар туындаған жағдайда пациентке осы дәрілік препаратты қолдану тәсілін түсіндіру үшін медицина қызметкеріне консультация алу үшін жүгіну ұсынылады.

14 таблеткадан алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

30С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Сақтау шарттары

30С-ден аспайтын температурада сақтау керек.

Балалардың қолы жетпейтін жерде сақтау керек!