Актау қаласындағы Триквилар Драже №21 | Байер Фарма АГ

- оральді контрацепция.

Біріктірілген пероральді контрацептивтер (БПК) келесі жағдайлардың кез келгені болғанда пайдаланылмауы тиіс. Егер осы жағдайлардың қандай да бірі БПК пайдалану кезінде алғаш рет туындаса препарат қабылдауды дереу тоқтату қажет:

- белсенді заттарға, левоноргестрелге және этинилэстрадиолға немесе Триквилардың кез келген қосымша заттарына аса жоғары сезімталдық;

- қазіргі кездегі немесе анамнезіндегі вена тромбозы (терең вена тромбозы, өкпе эмболиясы);

- қазіргі кездегі немесе анамнезіндегі артерия тромбозы (мысалы миокард инфаркті) және оның продромальді сатылары (мысалы, стенокардия және транзиторлық ишемиялық шабуыл);

- қазіргі кездегі немесе анамнезіндегі цереброваскулярлық жағдай;

- вена немесе артерия тромбозы дамуы бойынша күрделі қауіп факторының немесе бірнеше қауіп факторының болуы, мысалы:

- тамыр зақымдануымен қант диабеті

- ауыр гипертония

- липид алмасуының күрделі бұзылуы

- вена немесе артерия тромбозына тұқым қуалайтын немесе жүре пайда болған бейімділік, мысалы, белсендірілген C (APC) ақуызға тұрақтылығына, антитромбин III тапшылығына, C ақуызы тапшылығына, S ақуызы тапшылығына, гипергомоцистеинемияға немесе антифосфолипидті антиденелерге (мысалы, антикардиолипиндік антиденелер, жегілік антикоагулянт) байланысты

- анамнезде ошақты неврологиялық симптомдармен бас сақинасы

- қазіргі кездегі немесе анамнезіндегі панкреатит, егер ол айқын гипертриглицеридемиямен қатар жүрсе

- анамнезіндегі немесе қазіргі кезде бауырдың күрделі ауруы, бауырдың қызмет ету көрсеткіштері қалыпқа келгенше

- қазіргі кездегі немесе анамнезіндегі бауыр ісігі (қатерсіз немесе қатерлі)

- жыныс гормондарына тәуелді белгілі немесе күдікті қатерлі ісіктер (мысалы, жыныс мүшелерінің немесе сүт бездерінің)

- диагнозы анықталмаған қынаптық қан кету

- шығу тегі белгісіз аменорея

- Триквилар® омбитасвир / паритапревир / ритонавир және дасабувир, глекапревир / пибрентасвир және софосбувир / велпатасвир/воксилапревирі бар дәрілік заттармен бір мезгілде қолдануға қарсы көрсетілім болып табылады.

Біріккен пероральді контрацептивтер мен басқа дәрілік заттар арасындағы өзара әрекеттесуі контрацепция тиімділігінің нашарлауына және/немесе жоғалуына және/немесе өтпелі қан кетуіне әкелуі мүмкін.

Сіңірілудің төмендеуі

Асқазан-ішек жолының моторикасын көтеретін дәрілік заттар, мысалы, метоклопрамид гормондардың сіңірілуін төмендетуі мүмкін.

Бауыр метаболизмі

Өзара әрекеттесу бауыр ферменттеріне түрткі болатын дәрілік заттармен болуы мүмкін. Бұл жыныс гормондары клиренсінің ұлғаюына әкелуі мүмкін. Мұндай дәрілік заттарға гидантоин туындылары (мысалы, фенитоин), барбитураттар, примидон, карбамазепин, рифампицин және сондай-ақ ықтимал окскарбазепин, топирамат, фелбамат және гризеофульвин кіреді. Құрамында шайқурай (Hypericum perforatum) бар шөп препараттарын Триквилар® таблеткаларымен бір уақытта пайдаланбаған жөн, өйткені олар контрацепцияға қатысты Триквилар® тиімділігін төмендетуі мүмкін. Жедел қан кету және жоспарланбаған жүктіліктер туралы хабарламалар болды. Энзим-индуциялаушы әсері шайқураймен емдеуді тоқтатқаннан кейін екі аптаға дейін сақталуы мүмкін.

АИТВ протеаза тежегіштері (мысалы, ритонавир) және кері транскриптазаның нуклеозидты емес тежегіштері (мысалы, невирапин) және оның біріктірілімдері де бауыр метаболизмін ұлғайтуы мүмкін екендігі хабарланды.

Бауыр-ішек рециркуляциясы

Кейбір клиникалық есептер, егер белгілі бір антибиотиктерді (мысалы, пенициллиндер, тетрациклиндер) бірге енгізгенде эстрогендердің бауыр-ішек рециркуляциясы төмендеуі мүмкін деп болжамдайды. Бұл қан сарысуындағы этинилэстрадиол концентрациясының төмендеуіне әкелуі мүмкін.

Осы дәрілік заттардың қандай да бірін алатын әйелдерге БПК қосымша ретінде бөгеттік тәсіл немесе контрацепцияның басқа тәсілін уақытша пайдалану керек. Бауыр ферменттерін индукциялайтын дәрілік заттар жағдайында бөгеттік тәсіл осы өнімдерді бір уақытта пайдаланудың бүкіл кезеңінде және ем тоқтатылғаннан кейін 28 күнге дейін уақыт пайдаланылуы тиіс. Антибиотик (рифампицинді және гризеофульвинді қоспағанда) қабылдайтын әйелдерге бөгеттік тәсілді антибиотиктер қолдану кезінде және ем аяқталғаннан кейін 7 күнге дейін мерзімде қолдану керек. Егер БПК блистері аяқталғаннан кейін осы дәрілердің қандай да бірін қабылдауды жалғастыру қажет болса, келесі блистердегі БПК таблеткаларын қабылдауды әдеттегі үзіліссіз бастау қажет.

Тролеандомицин БПК бір уақытта тағайындағанда бауырішілік холестаз қаупін ұлғайтуы мүмкін.

Пероральді контрацептивтер басқа дәрілік препараттардың метаболизміне ықпал етуі мүмкін. Циклоспориннің плазмадағы жоғарғы концентрациялары пероральді контрацептивтерді бір уақытта қабылдайтын әйелдерде байқалды. БПК ламотриджин метаболизмін индукциялауы мүмкін, демек, ламотриджиннің плазмадағы деңгейлері емдік диапазоннан төмен болатынына әкелуі мүмкін.

Ескертпе: әрбір тағайындалған дәрілік затқа қатысты медицина қызметкерлері үшін ықтимал өзара әрекеттесулерге қатысты ақпаратты тексеру керек.

21 дражеден (6 ашық-қоңыр түсті, 5 - ақ, 10 - сары драже) ПВХ үлбірден және алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

25о С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!