Актобе қаласындағы Анальгин Ампуласы 500 Мг/ Мл 2 Мл №10 | Новосибхимфарм ОАО

Анальгин дәрілік препараты ересектер мен 3 айдан асқан балаларда қолдануға арналған:

- жарақаттан немесе операциядан кейінгі жедел қатты ауыруда

- шаншуда

- обыр аурулары кезіндегі ауыруда

- басқа емдеу әдістеріне көрсетілімдер болмаған кезде әртүрлі жедел немесе созылмалы қатты ауыруда

- басқа емдеу әдістеріне жауап бермейтін жоғары қызбада

Энтеральді енгізуді жүзеге асыру мүмкін болмаған жағдайда ғана парентеральді енгізу көрсетілген.

Препаратты қолдану орындылығы әр жағдайда қызбаның ауырлығына, сипатына және төзімділігіне байланысты шешіледі.

- әсер етуші затқа (заттарға) немесе санамаланған қосымша заттардың кез келгеніне аса жоғары сезімталдық

- басқа пиразолондарға (мысалы, феназонға, пропифеназонға) немесе пиразолидиндерге (мысалы, фенилбутазонға, оксифенбутазонға) аса жоғары сезімталдық, сондай-ақ анамнезінде осы препараттардың бірін енгізгеннен кейін пайда болған агранулоцитоздың болуын қоса.

- сүйек кемігі функциясының бұзылуы (мысалы, цитостатикалық препараттармен емдеуден кейін) немесе қан түзу органдарының аурулары

- анамнезінде бронх түйілуі немесе салицилаттар, парацетамол, диклофенак, ибупрофен, индометацин, напроксен сияқты дәрілік заттарға басқа анафилактоидты реакциялар (мысалы, есекжем, ринит, ангионевроздық ісіну)

- бауырдың жедел қайталанатын порфириясы (порфирия ұстамаларын индукциялау қаупі).

-туа біткен глюкоза-6-фосфат дегидрогеназа тапшылығы (гемолиз қаупі)

- артериялық гипотензиясы немесе тұрақсыз гемодинамикасы бар пациенттер

- жүктіліктің үшінші триместрі

- 12 айға дейінгі балаларға вена ішіне енгізу.

Қолдану кезінде қажетті сақтық шаралары

Агранулоцитоз

Метамизолмен индукцияланған агранулоцитоз - кем дегенде бір аптаға созылатын иммуноаллергиялық бұзылыс. Бұл өте сирек болатын реакция, ағымы ауыр және өліммен аяқталуы мүмкін. Метамизолмен индукцияланған агранулоцитоз дозаға тәуелді емес және препаратты қолданғанда кез келген уақытта пайда болуы мүмкін.

Агранулоцитозды көрсетуі мүмкін мынадай белгілер немесе симптомдар: қызба, мұрынның бітелуі, тамақтың ауыруы, ауыз қуысының ойық жаралануы пайда болған жағдайда пациентке емдеуді тоқтату және дереу дәрігерге жүгіну қажеттілігі туралы хабарлау қажет. Агранулоцитоз (<1500 нейтрофил/мм3) жағдайында емдеуді дереу тоқтатып, қан талдауын жасап, оның нәтижелерін қалыпты жағдайға оралғанға дейін бақылап отыру керек. Панцитопения

Метамизолды қолданғанда панцитопения дамыған жағдайда емдеуді дереу тоқтатып және гемограмма нәтижелері қалыпты көрсеткіштерге келгенше тексеру керек. Пациенттерге қанның дискразиясын (мысалы, жалпы дімкәстану, инфекция, персистентті қызба, гематомалар, қан кету, бозару) көрсететін белгілер мен симптомдар пайда болған жағдайда дереу дәрігерге қаралу ұсынылады.

Анафилаксиялық шок

Мұндай реакциялар негізінен анамнезінде аса жоғары сезімталдығы бар пациенттерде пайда болады. Сондықтан метамизолды демікпесі немесе атопиясы бар пациенттерге тағайындау сақтықпен жүргізілуі керек. Метамизол енгізілгеннен кейін анафилактоидты реакция дамыған пациенттерде есірткілік емес басқа анальгетиктер енгізілгеннен кейін осындай реакциялардың пайда болу қаупі жоғары болады. Метамизолды енгізгеннен кейін анафилаксиялық немесе аллергиялық реакция (мысалы, агранулоцитоз) дамыған пациенттерде басқа пиразолондарды немесе пиразолидиндерді енгізгеннен кейін осындай реакциялардың пайда болу қаупі жоғары болады.

Анафилаксиялық және анафилактоидты реакциялар

Енгізу тәсілін таңдау кезінде парентеральді енгізумен байланысты анафилаксиялық / анафилактоидты реакциялардың жоғары даму қаупін ескеру керек. Төменде атап көрсетілген пациенттерді емдеу кезінде ерекше сақтық таныту керек, себебі олар метамизолды енгізгеннен кейін ауыр анафилактоидты реакциялардың даму қаупіне бейім:

- бронх түйілуінің немесе ауыруды басатын дәрілерге (мысалы, салицилаттар, парацетамол, диклофенак, ибупрофен, индометацин немесе напроксен) басқа анафилактоидты реакциялардың (мысалы, есекжем, ринит, ангионевроздық ісіну) даму қаупі белгілі пациенттер;

- бронх демікпесі бар пациенттер, әсіресе полипозды риносинуситпен қатарлас болғанда;

- созылмалы есекжемі бар пациенттер;

- алкоголь жағымсыздығы бар (пациенттер алкоголь мөлшері тым аз сусындарға да түшкірумен, көзінен жас парлаумен және бетінің қызаруымен реакция береді). Алкоголь жағымсыздығы "анальгетикалық" демікпенің диагностикаланбаған синдромының индикаторы ретінде қызмет етуі мүмкін;

- бояғыштар (мысалы, тартразин) немесе консерванттардың (мысалы, бензоаты) жағымсыздығы болуы.

Метамизолды енгізер алдында пациентті сұрастыру керек. Анафилактоидты реакциялардың даму қаупі тобындағы пациенттерде метамизолды қолдануды пайда/қауіп арақатынасы негізінде бағалау керек. Препаратты осындай жағдайларда енгізген кезде қатаң медициналық бақылау, сондай-ақ шұғыл емдеу әдістерінің болуы талап етіледі. Гипотензиялық реакциялардың оқшау жағдайлары

Метамизолды енгізу оқшауланған гипотензиялық реакцияларға әкелуі мүмкін. Мұндай реакциялар дозаға байланысты болуы мүмкін. Олар негізінен парентеральді енгізгеннен кейін пайда болады.

Ауыр гипотензиялық реакцияларды болдырмау үшін мыналар қажет:

- препаратты вена ішіне инъекция жүргізгенде баяу енгізу керек; - басынан гипотензиясы бар, АҚК көлемі төмендеген немесе дегидратациясы, циркуляциялық бұзылыстары немесе қан айналымының басталып келе жатқан жеткіліксіздігі бар пациенттерде гемодинамиканы қалыпқа келтіруге қол жеткізу қажет;

- температурасы жоғары пациенттерге ерекше назар аудару қажет.

Мұндай пациенттерге метамизол енгізу мүмкіндігін аса мұқият бағалау керек, сондай-ақ оны енгізу қатаң медициналық бақылаумен қатар жүргізілуі тиіс. Гипотензия қаупін азайту үшін қан айналымын тұрақтандыру сияқты профилактикалық шаралар қажет болуы мүмкін.

Терінің ауыр реакциялары

Метамизолмен емдеу кезінде Стивенс–Джонсон синдромы (SJS), уытты эпидермальді некролиз (TEN) және DRESS-синдромды (дәрілік затқа бөртпе, эозинофилия және жүйелік симптомдары бар реакция) қоса алғанда, ауыр тері реакцияларының дамуы туралы хабарламалар алынды. Бұл жағымсыз реакциялар өмірге қауіпті болуы ықтимал, оның ішінде өліммен аяқталуына әкелуі мүмкін.

Пациенттерді терінің ауыр реакцияларының белгілері мен симптомдары туралы хабардар ету және олардың пайда болуын мұқият бақылауды ұсыну қажет.

Егер белгілер мен симптомдар терінің ауыр реакцияларының дамуын болжайтын болса, метамизолды қолдануды дереу тоқтатады және қайта қолдануды болдырмау қажет.

Метамизолды артериялық қысымның төмендеуі мүлдем қолайсыз пациенттерге тағайындаған кезде гемодинамикалық көрсеткіштерді мұқият бақылау қажет. Оларға жүректің ауыр ишемиялық ауруы бар немесе миды қамтамасыз ететін тамырлар стенозы бар пациенттер жатады.

Бүйрек немесе бауыр жеткіліксіздігі бар пациенттерді емдеу кезінде метамизолдың организмнен шығарылу жылдамдығының төмендеуіне байланысты оның үлкен дозаларын енгізуден аулақ болу керек.

Егер қызба метамизол енгізілгеннен кейін сақталса немесе туындаса, егер емдеу кезінде терінің, ауыздың немесе жұтқыншақтың шырышты қабаттарының ауырсынумен зақымдануы байқалса, бұндай жағдайларда енгізуді дереу тоқтату керек және басқа ауыруды бәсеңдететін немесе қызуды түсіретін дәрілерді қолданбау керек. Бұған әдетте 2-ден 3 аптаға дейін уақыт талап етіледі, оның барысында әсері кең ауқымды антибиотиктер мен зеңге қарсы дәрілерді қолдану көрсетілген.

Кейде несептің қызыл түске боялуы байқалуы мүмкін: бұл қауіпсіз белгі және зиянсыз метаболит - рубазон қышқылының шығарылуымен шартталған. Бояғыштарға (мысалы, тартразинге) немесе консерванттарға (мысалы, бензоатқа) төзімсіздік немесе жоғары сезімталдық анафилаксиялық/анафилактоидты реакциялардың даму қаупін жоғарылатады.

Бауырдың дәріден зақымдануы

Метамизол қабылдайтын пациенттерде жедел, негізінен гепатоцеллюлярлы гепатиттің даму жағдайлары туралы хабарланды. Бұл хабарламалар емдеу басталғаннан кейін бірнеше күннен бірнеше айға дейінгі кезеңде алынды. Белгілері мен симптомдарына сарғаюдың дамуымен немесе сарғаюсыз, көбінесе басқа препараттарға аса жоғары сезімталдық реакцияларымен (мысалы, тері бөртпесі, қанның патологиялық өзгерістері, қызба, эозинофилия) немесе аутоиммунды гепатит белгілерімен бірге жүретін қан сарысуындағы бауыр ферменттері деңгейінің жоғарылауы жатады. Пациенттердің көпшілігі метамизолды қолдануды тоқтатқаннан кейін сауығып кеткен. Алайда, жеке-дара жағдайларда бауыр трансплантациясын қажет ететін жедел бауыр жеткіліксіздігінің үдегені туралы хабарланды.

Метамизолды қабылдауға байланысты бауырдың зақымдану механизмі дәл анықталмаған, бірақ алынған мәліметтер иммундық - аллергиялық механизмді көрсетеді.

Пациенттерді бауырдың зақымдануын болжайтын симптомдар пайда болған жағдайда дәрігерге қаралу қажеттігі туралы хабардар ету керек. Мұндай пациенттерде метамизол қабылдауды тоқтатып және бауыр функциясын бағалау қажет.

Метамизолды қолдану кезінде бауырдың зақымдану жағдайлары тіркелген және бауырдың зақымдануының басқа да себептері анықталмаған пациенттерге метамизолды қайта тағайындауға болмайды.

Бауыр мен бүйрек функциясы бұзылған пациенттер

Натрий метамизолының шығарылуын баяулату мүмкіндігіне байланысты төмен дозаларды қолдану ұсынылады.

Басқа дәрілік препараттармен өзара әрекеттесуі

Метаболизм ферменттерінің фармакокинетикалық индукциясы

Метамизол CYP2D6 және CYP3A4 қоса алғанда, метаболизм ферменттерін индукциялай алады. Метамизолды бупропионмен, эфавиренцпен, метадонмен, вальпроаттармен, циклоспоринмен, такролимуспен немесе сертралинмен бір мезгілде қолдану көрсетілген дәрілік заттардың плазмалық концентрациясын клиникалық тиімділігінің әлеуетті төмендеуімен азайтуы мүмкін. Метамизолды басқа дәрілік препараттармен бір мезгілде тағайындағанда сақ болу керек. Дәрілік препараттың клиникалық тиімділігін және/немесе деңгейін қажеттілігіне қарай бақылау керек.

Натрий метамизолы плазмадағы циклоспорин концентрациясының төмендеуіне әкеп соғуы мүмкін, сондықтан оларды бір мезгілде қолданған кезде циклоспорин концентрациясын бақылау керек.

Натрий метамизолын хлорпромазинмен бір мезгілде қолданғанда ауыр гипотермия дамуы мүмкін.

Натрий метамизолы мен метотрексатты немесе басқа миелоуытты дәрілерді бір мезгілде қолдану соңғысының гемоуыттылығын, әсіресе егде жастағы пациенттерде күшейтуі мүмкін. Сондықтан мұндай біріктірілімнен аулақ болу керек.

Бір мезгілде қолданғанда тікелей емес антикоагулянттардың, пероральді гипогликемиялық препараттардың, ГКС, индометациннің белсенділігі олардың натрий метамизолының әсерінен қан ақуыздарымен байланысты ығысуына байланысты күшейеді.

Трициклді антидепрессанттар, пероральді контрацептивтер, аллопуринол бауырдағы натрий метамизолының метаболизмін бұзады және оның уыттылығын арттырады.

Барбитураттар, фенилбутазон және бауырдың микросомалық ферменттерінің басқа индукторлары натрий метамизолының әсерін әлсіретеді.

Тыныштандыратын дәрілер мен транквилизаторлар натрий метамизолының ауыруды басатын әсерін күшейтеді.

Натрий метамизолын бір мезгілде қолданғанда тимазол лейкопенияның даму қаупін арттырады.

Кодеин, H2-гистаминдік рецепторлардың блокаторлары және пропанолол натрий метамизолының әсерін күшейтеді.

Ацетилсалицил қышқылымен (АСҚ) бір мезгілде қолданғанда натрий метамизолы АСҚ-ның тромбоциттер агрегациясына әсерін азайтуы мүмкін. Сондықтан осы біріктірілімді АСҚ-ны антиагрегантты дәрі ретінде қабылдайтын пациенттерді емдеу кезінде сақтықпен қолданған жөн.

Бір мезгілде қолданған кезде натрий метамизолы қандағы бупропион концентрациясын төмендетуі мүмкін.

Пиразолон туындылары тікелей емес антикоагулянттармен, каптоприлмен, литиймен және триамтеренмен әрекеттесетіні, сондай-ақ гипотензивті дәрілер мен диуретиктердің тиімділігіне әсер ететіні белгілі.

Натрий метамизолымен емдеу кезінде анафилаксиялық/анафилактоидты реакциялардың даму қаупінің жоғарылауына байланысты рентгенконтрасттылы заттарды, коллоидты қан алмастырғыштарды және пенициллинді қолдануға болмайды.

Миелоуытты дәрілік заттар натрий метамизолының гематоуыттылық көрінісін күшейтеді.

Зертханалық талдау жүргізу кезіндегі өзара әрекеттесу:

- метамизол қабылдайтын пациенттерде Триндер реакциясын (мысалы, сарысу креатининін, триглицеридтерді, тығыздығы жоғары липопротеин холестеринін және несеп қышқылын өлшеуге арналған тесттер) пайдалана отырып, зертханалық талдаулар барысының бұзылуы тіркелді.

Арнайы ескертулер

Педиатрияда қолданылуы

3 айға дейінгі балаларда қолдану ұсынылмайды.

Жүктілік немесе лактация кезінде

Метамизолды жүктіліктің I және III триместрлерінде қолдануға болмайды.

Жүктіліктің II триместрі кезеңінде препарат өмірлік көрсеткіштері бойынша ғана тағайындалады.

Метамизолды жүкті әйелдерді емдеу кезінде қолдану туралы мәліметтер шектеулі ғана.

Метамизолды бірінші триместрде қабылдаған жүкті әйелдер туралы жарияланған мәліметтер негізінде (n = 568) препараттың тератогенді немесе эмбриоуытты әсері туралы ешқандай дәлел табылған жоқ. Басқа емдеу нұсқалары болмаған жағдайда кейбір жағдайларда бірінші және екінші триместрде метамизолдың бір реттік дозаларын қабылдауға болады. Алайда, метамизолды бірінші және екінші триместрде қабылдау ұсынылмайды. Препаратты үшінші триместрде қабылдау фетоуыттылықты туындатуы мүмкін (бүйрек жеткіліксіздігі және артериялық түтіктің тарылуы) болғандықтан, метамизолды қолдану жүктіліктің үшінші триместрінде қарсы көрсетілімді болып табылады. Жүктіліктің үшінші триместрінде метамизолды байқаусызда қабылдаған кезде УДЗ және эхокардиография көмегімен қағанақ суы мен артериялық түтіктің жағдайын бақылау қажет.

Метамизол плацентарлы бөгет арқылы өте алады. Метамизол репродуктивті уыттылықты туындатады, бірақ тератогендік емес.

Натрий метамизолымен емдеу кезеңінде бала емізуді тоқтату керек.

Метамизолдың ыдырау өнімдері емшек сүтімен көп мөлшерде шығарылады, сондықтан еметін нәресте үшін қауіпті жоққа шығаруға болмайды. Атап айтқанда, емізу кезінде метамизолды қайта қабылдаудан аулақ болу керек. Метамизолды бір рет қабылдаған кезде препаратты қолданғаннан кейін аналарға емшек сүтін 48 сағат ішінде жинап және сауып тастау ұсынылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларды енгізгеннен кейін концентрациялану мен реакция қабілетіне жағымсыз әсері белгісіз. Метамизолдың жоғары дозаларын қолдану кезінде пациенттердің зейін қою және реакция жылдамдығы қабілетіне теріс әсер ету мүмкіндігін ескеру керек, соның нәтижесінде бұл қабілеттер бірінші дәрежелі маңызды болатын жағдайларда, мысалы, көлік құралын басқару кезінде немесе қауіптілігі зор механизмдермен жұмыс істеуде қауіп артады. Алкогольді тұтыну қауіптілігі зор механизмдермен жұмыс істеу қаупін одан әрі арттыруы мүмкін.

Метаболизм ферменттерінің фармакокинетикалық индукциясы

Метамизол CYP2D6 және CYP3A4 қоса алғанда, метаболизм ферменттерін индукциялай алады. Метамизолды бупропионмен, эфавиренцпен, метадонмен, вальпроаттармен, циклоспоринмен, такролимуспен немесе сертралинмен бір мезгілде қолдану көрсетілген дәрілік заттардың плазмалық концентрациясын клиникалық тиімділігінің әлеуетті төмендеуімен азайтуы мүмкін. Метамизолды басқа дәрілік препараттармен бір мезгілде тағайындағанда сақ болу керек. Дәрілік препараттың клиникалық тиімділігін және/немесе деңгейін қажеттілігіне қарай бақылау керек.

Натрий метамизолы плазмадағы циклоспорин концентрациясының төмендеуіне әкеп соғуы мүмкін, сондықтан оларды бір мезгілде қолданған кезде циклоспорин концентрациясын бақылау керек.

Натрий метамизолын хлорпромазинмен бір мезгілде қолданғанда ауыр гипотермия дамуы мүмкін.

Натрий метамизолы мен метотрексатты немесе басқа миелоуытты дәрілерді бір мезгілде қолдану соңғысының гемоуыттылығын, әсіресе егде жастағы пациенттерде күшейтуі мүмкін. Сондықтан мұндай біріктірілімнен аулақ болу керек.

Бір мезгілде қолданғанда тікелей емес антикоагулянттардың, пероральді гипогликемиялық препараттардың, ГКС, индометациннің белсенділігі олардың натрий метамизолының әсерінен қан ақуыздарымен байланысты ығысуына байланысты күшейеді.

Трициклді антидепрессанттар, пероральді контрацептивтер, аллопуринол бауырдағы натрий метамизолының метаболизмін бұзады және оның уыттылығын арттырады.

Барбитураттар, фенилбутазон және бауырдың микросомалық ферменттерінің басқа индукторлары натрий метамизолының әсерін әлсіретеді.

Тыныштандыратын дәрілер мен транквилизаторлар натрий метамизолының ауыруды басатын әсерін күшейтеді.

Натрий метамизолын бір мезгілде қолданғанда тимазол лейкопенияның даму қаупін арттырады.

Кодеин, H2-гистаминдік рецепторлардың блокаторлары және пропанолол натрий метамизолының әсерін күшейтеді.

Ацетилсалицил қышқылымен (АСҚ) бір мезгілде қолданғанда натрий метамизолы АСҚ-ның тромбоциттер агрегациясына әсерін азайтуы мүмкін. Сондықтан осы біріктірілімді АСҚ-ны антиагрегантты дәрі ретінде қабылдайтын пациенттерді емдеу кезінде сақтықпен қолданған жөн.

Бір мезгілде қолданған кезде натрий метамизолы қандағы бупропион концентрациясын төмендетуі мүмкін.

Пиразолон туындылары тікелей емес антикоагулянттармен, каптоприлмен, литиймен және триамтеренмен әрекеттесетіні, сондай-ақ гипотензивті дәрілер мен диуретиктердің тиімділігіне әсер ететіні белгілі.

Натрий метамизолымен емдеу кезінде анафилаксиялық/анафилактоидты реакциялардың даму қаупінің жоғарылауына байланысты рентгенконтрасттылы заттарды, коллоидты қан алмастырғыштарды және пенициллинді қолдануға болмайды.

Миелоуытты дәрілік заттар натрий метамизолының гематоуыттылық көрінісін күшейтеді.

Зертханалық талдау жүргізу кезіндегі өзара әрекеттесу:

- метамизол қабылдайтын пациенттерде Триндер реакциясын (мысалы, сарысу креатининін, триглицеридтерді, тығыздығы жоғары липопротеин холестеринін және несеп қышқылын өлшеуге арналған тесттер) пайдалана отырып, зертханалық талдаулар барысының бұзылуы тіркелді.

Арнайы ескертулер

Педиатрияда қолданылуы

3 айға дейінгі балаларда қолдану ұсынылмайды.

Жүктілік немесе лактация кезінде

Метамизолды жүктіліктің I және III триместрлерінде қолдануға болмайды.

Жүктіліктің II триместрі кезеңінде препарат өмірлік көрсеткіштері бойынша ғана тағайындалады.

Метамизолды жүкті әйелдерді емдеу кезінде қолдану туралы мәліметтер шектеулі ғана.

Метамизолды бірінші триместрде қабылдаған жүкті әйелдер туралы жарияланған мәліметтер негізінде (n = 568) препараттың тератогенді немесе эмбриоуытты әсері туралы ешқандай дәлел табылған жоқ. Басқа емдеу нұсқалары болмаған жағдайда кейбір жағдайларда бірінші және екінші триместрде метамизолдың бір реттік дозаларын қабылдауға болады. Алайда, метамизолды бірінші және екінші триместрде қабылдау ұсынылмайды. Препаратты үшінші триместрде қабылдау фетоуыттылықты туындатуы мүмкін (бүйрек жеткіліксіздігі және артериялық түтіктің тарылуы) болғандықтан, метамизолды қолдану жүктіліктің үшінші триместрінде қарсы көрсетілімді болып табылады. Жүктіліктің үшінші триместрінде метамизолды байқаусызда қабылдаған кезде УДЗ және эхокардиография көмегімен қағанақ суы мен артериялық түтіктің жағдайын бақылау қажет.

Метамизол плацентарлы бөгет арқылы өте алады. Метамизол репродуктивті уыттылықты туындатады, бірақ тератогендік емес.

Натрий метамизолымен емдеу кезеңінде бала емізуді тоқтату керек.

Метамизолдың ыдырау өнімдері емшек сүтімен көп мөлшерде шығарылады, сондықтан еметін нәресте үшін қауіпті жоққа шығаруға болмайды. Атап айтқанда, емізу кезінде метамизолды қайта қабылдаудан аулақ болу керек. Метамизолды бір рет қабылдаған кезде препаратты қолданғаннан кейін аналарға емшек сүтін 48 сағат ішінде жинап және сауып тастау ұсынылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларды енгізгеннен кейін концентрациялану мен реакция қабілетіне жағымсыз әсері белгісіз. Метамизолдың жоғары дозаларын қолдану кезінде пациенттердің зейін қою және реакция жылдамдығы қабілетіне теріс әсер ету мүмкіндігін ескеру керек, соның нәтижесінде бұл қабілеттер бірінші дәрежелі маңызды болатын жағдайларда, мысалы, көлік құралын басқару кезінде немесе қауіптілігі зор механизмдермен жұмыс істеуде қауіп артады. Алкогольді тұтыну қауіптілігі зор механизмдермен жұмыс істеу қаупін одан әрі арттыруы мүмкін.

2 мл-ден бейтарап шыны ампулаларда.

Медициналық қолдану жөніндегі қазақ және орыс тілдеріндегі нұсқаулықпен 10 ампуладан картон қорапқа салынған.

5 немесе 10 ампуладан поливинилхлоридті үлбірден және алюминий фольгадан немесе полиэтиленмен қапталған қағаздан жасалған немесе фольгасыз немесе қағазсыз пішінді ұяшықты қаптамаға салады.

1 немесе 2 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде 15 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!