Актобе қаласындағы Капсула Депрессиясы 20 Мг №16 | Нобел Алматинская Фармацевтическая Фабрика

- негізгі депрессиялық көріністерде

- обсессивті-компульсивтік бұзылыстарда

- булимиялық неврозда: шамадан тыс тамақтануды және құсуды азайту үшін психотерапияға қосымша ретінде

- әсер етуші затқа немесе қосымша заттардың кез келгеніне аса жоғары сезімталдық

- флуоксетинді моноаминооксидазаның қайтымсыз іріктелмеген тежегіштерімен (мысалы, ипрониазид) бірге қолдануға болмайды

- флуоксетинді жүрек жеткіліксіздігінде қолданылатын метопрололмен бірге қолдануға болмайды

- 18 жасқа дейінгі балалар мен жасөспірімдер

Қолдану кезіндегі қажетті сақтық шаралары

Суицидтік қауіп

Депрессия кезінде суицидтік әрекеттер, өзін-өзі зақымдау және өзін-өзі өлтіру қаупі артады, олар тұрақты ремиссия басталғанға дейін сақталуы мүмкін. Осыған байланысты пациенттер ремиссия басталғанға дейін алғашқы бірнеше апта ішінде қатаң бақылауда болуға тиіс. Жалпы клиникалық тәжірибе өзін-өзі өлтіру қаупі қалпына келтірудің алғашқы кезеңдерінде артуы мүмкін екенін көрсетеді.

Флуоксетин қабылдау тағайындалған басқа психиатриялық жағдайлар, сондай-ақ өзіне-өзі қол жұмсауға байланысты оқиғалардың өсу қаупімен байланысты болуы мүмкін. Сонымен қатар, бұл жағдайлар ауыр депрессиялық бұзылулармен бірге жүруі мүмкін. Сондықтан басқа психикалық бұзылулары бар пациенттерді емдеу кезінде ауыр депрессиялық бұзылулары бар пациенттерді емдеудегі сияқты сақтық шараларын сақтау керек.

Психикалық бұзылыстары бар ересек пациенттер арасында антидепрессанттарды мета-талдау 25 жасқа толмаған пациенттер арасында плацебомен салыстырғанда антидепрессанттарды қабылдау кезінде суицидтік мінез-құлықтың жоғары қаупін көрсетті.

Дәрі-дәрмекпен емдеу пациенттерді, атап айтқанда, жоғары қаупі бар пациенттерді, әсіресе емдеудің бастапқы сатыларында және дозаны өзгерткеннен кейін мұқият бақылаумен қатар жүруге тиіс.

Пациенттерге (және пациенттерге күтім жасайтын тұлғаларға) кез келген клиникалық нашарлауды, суицидтік мінез-құлықты немесе ойларды және мінез-құлықтың әдеттен тыс өзгерістерін қадағалау және осы симптомдар бар болған кезде дереу медициналық көмекке жүгіну қажет екені ескертілуге тиіс.

Жүрек-қантамыр жүйесіне әсері

Флуоксетинді қабылдаған кезде QT аралығының ұзаруы орын алуы ықтимал, сондай-ақ флуоксетинді маркетингтен кейінгі зерттеу барысында хабарланған қарыншалық аритмия немесе «пируэт» типті қарыншалық тахикардия дамуы мүмкін.

Флуоксетинді туа біткен QT аралығының ұзару синдромы, жүре пайда болған QT аралығының ұзару синдромы немесе аритмияға бейімдейтін басқа да клиникалық жағдайлары бар (мысалы, гипокалиемия, гипомагнезиемия, брадикардия, жедел миокард инфарктісі немесе жүрек жеткіліксіздігі) пациенттерге немесе флуоксетин экспозициясының жоғарылауы кезінде (мысалы, бауыр функциясының төмендеуі кезінде) сақтықпен қолдану керек.

Егер тұрақты жүрек ауруы бар пациенттер ем қабылдаса, емдеуді бастар алдында ЭКГ мұқият баға беру керек.

Егер жүрек аритмиясының белгілері флуоксетинмен емдеу кезінде туындаса, емдеуді тоқтату және ЭКГ жүргізу керек.

Қайтымсыз іріктелмеген моноаминоксидаза тежегіштері

Қайтымсыз іріктелмеген моноаминоксидаза тежегіштерімен (МАОТ) біріктірілімде серотонинді кері қармаудың іріктелген тежегіштерін (СКҚІТ) алған пациенттерде кейде өліммен аяқталатын ауыр реакциялардың даму жағдайлары туралы хабарланды.

Бұл жағдайлар серотонин синдромына ұқсас көріністермен ұсынылған (қатерлі нейролептикалық синдромға ұқсас (немесе диагноз қойылған) болуы мүмкін). Ципрогептадин немесе дантролен симптомдардың айқындылығын төмендетуі мүмкін. Препараттың МАО тежегіштерімен өзара әрекеттесу симптомдары: гипертермия, сіреспелік, миоклонус, өмірлік көрсеткіштердің тез өзгеруінің даму мүмкіндігі бар вегетативті жүйке жүйесінің тұрақсыздығын, психикалық жағдайдың өзгеруі, оның ішінде сананың шатасуы, ашушаңдықты, делирий мен команың дамуы мүмкіндігі бар шамадан тыс қозуды қамтиды.

Сондықтан флуоксетинді қайтымсыз іріктелмеген МАО тежегішімен біріктіріп қабылдауға болмайды. Соңғысының әсері 2 апта бойы созылатындықтан, флуоксетинмен емді қайтымсыз іріктелмеген МАО тежегішін қабылдауды тоқтатқаннан кейін 2 аптадан соң ғана бастау керек. Флуоксетинмен емдеудің аяқталуы мен МАО тежегіштерімен емдеудің басталуы арасындағы аралық кемінде 5 апта болуы тиіс.

Серотонин синдромы немесе қатерлі нейролептикалық синдром тәрізді оқиғалар

Сирек жағдайларда, әсіресе басқа серотонинергиялық дәрілермен (оның ішінде құрамында L-триптофан бар) және/немесе нейролептикалық дәрілермен бірге қолданғанда, флуоксетинді қабылдаумен астасқан серотониндік синдромның немесе қатерлі нейролептикалық синдромның дамуы туралы хабарланды. Бұл синдромдар өмірге ықтимал қауіпті жағдайлардың туындауына әкелуі мүмкін болғандықтан, флуоксетинді қабылдауды мынадай симптомдар үйлескен жағдайда тоқтату керек: гипертермия, сіреспелілік, миоклонус, жүрек ырғағы мен тыныс алу, психикалық жай-күйінің өзгеруі сияқты (шатасқан сананы, ашушаңдық, шектен тыс қозу, сандырақ жағдайының дамуы және команы қоса) өмірлік функциялар көрсеткіштерінің ауытқуының дамуымен вегетативті жүйке жүйесінің бұзылуы) және қажетті симптоматикалық ем тағайындау керек.

Мания

Антидепрессанттарды анамнезінде мания/гипомания тарихы бар пациенттерде сақтықпен қолдану керек. Кез келген антидепрессант сияқты, егер пациент маниакальды жағдайда болса, флуоксетин қабылдауды тоқтату керек.

Геморрагия

СКҚІТ қабылдау аясында экхимоз және пурпура сияқты тері астындағы қан кетулердің даму жағдайлары туралы хабарланды. Экхимоз туралы хабарламалар флуоксетинмен емдеуде сирек кездеседі. Басқа геморрагиялық көріністер де сирек кездеседі (мысалы, гинекологиялық қан кету, асқазан-ішектен қан кету және теріге немесе шырышты қабыққа басқа да қан кету). СКҚІТ қабылдайтын пациенттерге, әсіресе пероральді антикоагулянттармен және тромбоциттер функциясына әсер ететін препараттармен (мысалы, клозапин, фенотиазин, трициклді антидепрессанттардың көпшілігі, ацетилсалицил қышқылы, ҚҚСП) немесе қан кету қаупін арттыруы мүмкін басқа препараттармен, сондай-ақ анамнезінде ұюы бұзылған пациенттерде бір мезгілде қолданған кезде сақ болу ұсынылады.

Құрысулар

Басқа антидепрессанттардағыдай, флуоксетинді бұрын анамнезінде құрысулар байқалған пациенттерге сақтықпен тағайындау керек. Флуоксетинмен емді кез келген пациентте құрысулар дамығанда тоқтату керек. Тұрақсыз эпилепсиясы бар пациенттерге флуоксетинмен емді де тағайындауға болмайды. Бақыланатын эпилепсиясы бар пациенттерді мұқият бақылау қажет.

Электрқұрысу емі (ЭҚЕ)

Флуоксетин қабылдайтын және ЭСТ қабылдаған пациенттерде ұзақ құрысулар туралы сирек хабарламалар келіп түсті, препаратты қабылдау кезінде сақ болу керек.

Тамоксифен

Флуоксетин CYP2D6 күшті тежегіші ретінде тамоксифеннің аса маңызды белсенді метаболиттерінің бірі эндоксифен концентрациясының төмендеуіне әкелуі мүмкін. Сондықтан, тамоксифенмен емдеу кезінде флуоксетинді қолданудан аулақ болу керек.

Акатизия / психомоторлы мазасыздық

Флуоксетинді қолдану акатизияның дамуымен байланысты, ол субъективті түрде ішкі ыңғайсыздық немесе мазасыздық сезімімен, үрей сезімімен және қозғалу қажеттілігімен, көбінесе отыруға немесе тұра алмауымен сипатталады. Бұл әсіресе емдеудің алғашқы апталарында байқалады. Осындай симптомдары дамыған пациенттерде дозаны ұлғайту ұсынылмайды.

Қант диабеті

Қант диабетімен ауыратын пациенттерде СКҚІТ емі гликемиялық бақылауды бұзуы мүмкін. Гипогликемия флуоксетинмен емдеу кезінде де, оны тоқтатқаннан кейін де дамуы мүмкін. Қант диабеті бар пациенттерде қолданылатын көптеген басқа дәрілік заттар сияқты, инсулинді немесе пероральді гипогликемиялық препараттарды мөлшерлеу режимін қайта қарау қажет болуы мүмкін.

Бауыр/бүйрек жеткіліксіздігі

Флуоксетин бауырда қарқынды метаболизмге ұшырайды және бүйрекпен шығарылады. Бауыр функциясының айқын бұзылулары бар пациенттерге флуоксетиннің неғұрлым төмен дозаларын тағайындау немесе препаратты күн сайын тағайындау ұсынылады. Гемодиализге мұқтаж жедел бүйрек жеткіліксіздігі (ШСЖ <10 мл/мин) бар пациенттер екі ай бойы тәулігіне 20 мг флуоксетинді қабылдаған кезде бүйрек функциясы қалыпты пациенттермен салыстырғанда қан плазмасындағы флуоксетин немесе норфлуоксетин концентрациясының айырмашылықтары анықталған жоқ.

Бөртпе және аллергиялық реакциялар

Флуоксетин қабылдаған пациенттерде тері бөртпесі, анафилаксиялық реакциялар және прогрессивті жүйелік бұзылулардың, кейде терінің, бүйректің, бауыр мен өкпенің патологиялық процесіне қатысумен ауыр түрінің туындауы хабарланған. Этиологиясын анықтау мүмкін емес бөртпе немесе басқа аллергиялық реакциялар туындаған жағдайда флуоксетин қабылдауды тоқтату керек.

Салмақ жоғалту

Флуоксетинді пациенттерде қолданған кезде дене салмағының жоғалуы байқалуы мүмкін, алайда ол әдетте бастапқы орташа дене салмағына пропорционалды.

СКҚІТ қабылдауды тоқтатқан кезде байқалатын тоқтату симптомдары

Тоқтату симптомдары, әсіресе препаратты кенеттен тоқтатқан кезде жиі кездеседі. Клиникалық зерттеулерде емдеуді тоқтатқан кезде жағымсыз құбылыстар флуоксетин қабылдаған пациенттер тобында да, плацебо тобында да пациенттердің шамамен 60%-ында байқалды. Флуоксетин тобындағы 17 % және плацебо тобындағы 12 % жағымсыз құбылыстар сипаты бойынша ауыр болды.

Тоқтату симптомдарының даму қаупі көптеген факторларға, соның ішінде дозаның ұзақтығына, дозасына және төмендеу деңгейіне байланысты. Ең жиі хабарланатын жағымсыз реакциялар - бас айналу, сенсорлық бұзылулар (парестезияны қоса), ұйқының бұзылуы (ұйқысыздық пен терең ұйқыны қоса), астения, қозу немесе мазасыздық, жүрек айну және/немесе құсу, тремор және бас ауруы. Әдетте бұл симптомдар жеңіл немесе орташа білінеді; алайда кейбір пациенттерде олар анағұрлым айқын сипатта болуы мүмкін.

Әдетте симптомдар препарат қабылдауды тоқтатқаннан кейін алғашқы бірнеше күн ішінде пайда болады. Әдетте, бұл симптомдар 2 апта ішінде өздігінен шешіледі, дегенмен кейбір пациенттерде олар ұзаққа (2-3 ай немесе одан да көп) созылуы мүмкін. Осыған байланысты флуоксетинмен емді тоқтатуды пациенттің жағдайына байланысты бір немесе екі апта бойы біртіндеп жүргізген жөн.

Мидриаз (қарашықтың кеңеюі)

Флуоксетинді қабылдауға байланысты мидриаз туралы хабарланған. Флуоксетинді көзішілік қысымы жоғары пациенттерге немесе жедел жабық бұрышты глаукоманың даму қаупі бар пациенттерге тағайындағанда сақ болу керек.

Сексуалдық дисфункция

Серотонинді кері қармаудың іріктелген тежегіштері (СКҚІТ) сексуалдық дисфункция симптомдарын тудыруы мүмкін. СКҚІТ қабылдауды тоқтатқанына қарамастан симптомдар жалғаса берген ұзақ сексуалдық дисфункция туралы хабарлар болды.

Жартылай шығарылу кезеңі

Флуоксетин және оның негізгі метаболиті норфлуоксетиннің жартылай шығарылу кезеңі ұзақ болады, мұны флуоксетинді басқа препараттармен біріктірген кезде, сондай-ақ оны басқа антидепрессантқа ауыстырған кезде ескеру қажет.

Қолдануға болмайтын біріктірілімдер

Қайтымсыз іріктелмеген моноаминоксидаза тежегіштері (МАОТ)

Қайтымсыз іріктелмеген моноаминоксидаза тежегіштерімен (МАОТ) біріктірілімде СКҚІТ қабылдаған пациенттерде кейде өліммен аяқталатын ауыр реакциялардың даму жағдайлары туралы хабарланды.

Бұл жағдайлар серотонин синдромына ұқсас көріністермен (қатерлі нейролептикалық синдромға ұқсас (немесе диагноз қойылған) болуы мүмкін) байқалған. Ципрогептадин немесе дантролен симптомдардың айқындылығын төмендетуі мүмкін. Препараттың МАО тежегіштерімен өзара әрекеттесу симптомдары: гипертермия, сіреспелік, миоклонус, өмірлік көрсеткіштердің тез өзгеруінің даму мүмкіндігі бар вегетативті жүйке жүйесінің тұрақсыздығын, психикалық жағдайдың өзгеруі, оның ішінде сананың шатасуы, ашушаңдықты, делирий мен команың дамуы мүмкіндігі бар шамадан тыс қозуды қамтиды.

Сондықтан флуоксетинді қайтымсыз іріктелмеген МАО тежегішімен біріктіріп қабылдауға болмайды. Соңғысының әсері екі аптаға созылатындықтан, флуоксетинмен емді қайтымсыз іріктелмеген МАО тежегішін қабылдауды тоқтатқаннан кейін екі аптадан кейін ғана бастау керек. Флуоксетинмен емдеудің аяқталуы мен МАО тежегіштерімен емдеудің басталуы арасындағы аралық кемінде 5 апта болуы тиіс.

Метопролол

Метопрололды қабылдау кезінде жағымсыз құбылыстардың, оның ішінде шамадан тыс брадикардияның қаупі флуоксетинмен метаболизмнің тежелуіне байланысты артуы мүмкін.

Ұсынылмайтын біріктірілімдер

Тамоксифен

CYP2D6 цитохромы тежегіштері мен тамоксифен арасындағы фармакокинетикалық өзара әрекеттесу әдебиетте көрсетілген, онда тамоксифеннің ең белсенді метаболиттерінің бірінің, яғни эндоксифеннің плазмадағы деңгейлері 65-75%-ға төмендеген. Кейбір зерттеулер SSRI тобының кейбір антидепрессанттарын бір мезгілде қолданумен тамоксифеннің тиімділігінің төмендеуін хабарлады. Тамоксифен тиімділігінің төмендеуі СКҚТ антидепрессанттарымен бір мезгілде қабылданған кезде хабарланды. Тамоксифен әсерінің азаюын болдырмау мүмкін болмағандықтан, мүмкіндігінше CYP2D6 күшті тежегіштерін (флуоксетинді қоса) бірге қабылдаудан аулақ болу керек.

Алкоголь

Эксперименттік зерттеулерде флуоксетин қандағы алкоголь концентрациясының жоғарылауына, сондай-ақ алкогольдің әсерін күшейтуге ықпал етпеді. Алайда, СКҚІТ және алкогольді бір мезгілде қабылдау ұсынылмайды.

ИМАО-А, линезолид пен метилтионин (метиленді көк) хлоридін қоса

Бір мезгілде қабылдаған кезде серотонин синдромының (диареяны, тахикардияны, терді, дірілдеуді, шатасқан сананы немесе команы қоса) қаупі артады. Егер осы белсенді заттарды флуоксетинмен бір мезгілде қабылдауды болдырмау мүмкін болмаса, мұқият клиникалық бақылау жүргізу керек, ал қатар жүретін заттарды қабылдау ең аз ұсынылған дозалардан басталуы тиіс.

Меквитазин

Меквитазинді қабылдаумен байланысты жағымсыз құбылыстардың пайда болу қаупі (QT аралығының ұзаруы сияқты) флуоксетинмен метаболизмнің тежелуіне байланысты артуы мүмкін.

Сақтықты қажет ететін біріктірілімдер

Фенитоин

Қандағы деңгейінің өзгеруі флуоксетинмен біріктірген кезде байқалды. Кейбір жағдайларда уыттылық көріністері орын алды. Бір мезгілде қабылданатын препаратты титрлеудің консервативтік режимдерін пайдалану және клиникалық жай-күйін бақылау туралы мәселені қарастырған жөн.

Серотонинергиялық дәрілік препараттар (литий, трамадол, триптандар, триптофан, селегилин (ИМАО-b), шілтер жапырақты шайқурай (Hypericum perforatum)

Орташа серотонин синдромының көрінісі байқалуы мүмкін. Осылайша, флуоксетинді осы дәрілік препараттармен бірге неғұрлым тығыз және неғұрлым жиі клиникалық бақылау кезінде сақтықпен жүзеге асырылуы тиіс.

QT аралығының ұзаруы

Флуоксетинді QT аралығын ұзартатын препараттармен бірге қабылдау, мысалы, IA және III класты аритмияға қарсы препараттар, психозға қарсы препараттар (мысалы, феносиазин туындылары, пимозид, галоперидол), трициклді антидепрессанттар, кейбір микробқа қарсы препараттар (мысалы, спарфлоксацин, моксифлоксацин, эритромицин вена ішіне, пентамидин), безгекке қарсы препараттар (әсіресе галофантрин), кейбір антигистаминдік препараттар (мысалы, феносиазин туындылары, пимозид, галоперидол), астемизолды, мизоластинді) сақтықпен қолдану керек.

Гемостазға әсер ететін дәрілік препараттар (олардың механизміне қарамастан пероральді антикоагулянттар, ацетилсалицил қышқылы мен ҚҚСП қоса алғанда, тромбоциттік антиагреганттар)

Қан кету қаупі артады. Қажет болған жағдайда флуоксетин дозасына клиникалық мониторинг және түзету жүргізген жөн. Флуоксетинмен емдеу кезінде және оны тоқтатқаннан кейін дозаны түзету қажет болуы мүмкін.

Ципрогептадин

Флуоксетиннің антидепрессантты әсерін ципрогептадинмен бірге қабылдаған кезде азайту туралы жеке хабарламалар бар.

Гипонатриемияны туындататын дәрілік препараттар

Флуоксетинді гипонатриемияны туындататын басқа дәрілермен (мысалы, диуретиктер, десмопрессин, карбамазепин және окскарбазепин) бірге қабылдау гипонатриемия даму қаупінің ұлғаюына әкелуі мүмкін.

Эпилептогендік шекті төмендететін дәрілік препараттар

Құрысулар флуоксетиннің жағымсыз әсері болып табылады. Эпилептикалық шекті төмендететін басқа дәрілермен бірге қабылдау (мысалы, TЦA, басқа СКҚІТ, фенотиазиндер, бутирофенондар, мефлохин, хлорохин, бупропион, трамадол) құрысулар қаупінің жоғарылауына әкелуі мүмкін.

CYP2D6 метаболизденетін басқа дәрілік заттар

Флуоксетині бар трициклді антидепрессанттар және басқа серотонинді кері қармау тежегіштері (СКҚТ) CYP2D6 ферментінің күшті тежегіштері болғандықтан, осы фермент көмегімен метаболизденетін дәрілік заттармен қатар жүретін ем, әсіресе емдік диапазоны тар дәрілік заттармен (мысалы, флекаинид, пропафенон және небиволол), сонымен қатар атомоксетин, карбамазепин, трициклді антидепрессанттар және рисперидонмен өзара әрекеттесуге әкелуі мүмкін. Егер пациент бір мезгілде флуоксетин қабылдаса немесе оны алдыңғы 5 апта ішінде қабылдаса, препараттармен емдеуді ең аз дозадан бастаукерек.

Жүктілік

Егер әйелдің клиникалық жай-күйі флуоксетинмен емдеуді қажет етпесе және шарана үшін әлеуетті қаупін ақтамаса, флуоксетинді жүктілік кезінде пайдаланбау керек. Жүктілік кезінде емді күрт тоқтатудан аулақ болу керек. Егер флуоксетин жүктілік кезінде пайдаланылса, әсіресе жүктіліктің кейінгі мерзімдерінде немесе тікелей босанар алдында сақтық таныту керек, өйткені жаңа туған нәрестелерде басқа да кейбір әсерлер байқалған: тітіркенгіштік, тремор, гипотония, ұдайы жылау, емгендегі немесе ұйықтағандағы қиындықтар. Бұл симптомдар серотонинергиялық әсерлерді, не болмаса тоқтату синдромын білдіруі мүмкін. Бұл симптомдардың пайда болу уақыты және ұзақтығы флуоксетиннің (4-6 күн) және оның белсенді метаболиті норфлуоксетиннің (4-16 күн) ұзақ жартылай шығарылу кезеңімен байланысты болуы мүмкін.

Бақылау деректері туғанға дейін бір ай бұрын СКҚІТ / НСКҚІТ әсерін қолданғаннан кейін босанудан кейінгі қан кетудің жоғары қаупін (2 еседен кем) көрсетеді.

Лактация

Флуоксетиннің және оның метаболиті норфлуоксетиннің сүт арқылы бөлініп шығатыны белгілі. Егер флуоксетинмен емдеу қажет деп табылса, онда емшек емізуді тоқтату қажет; алайда, егер емшек емізу жалғастырылса, флуоксетинді тиімді ең аз дозада тағайындаған жөн.

Фертильділік

Деректер флуоксетиннің сперматозоидтардың сапасына ықпалын тигізуі мүмкін екенін көрсетті. Бұл әсер қайтымды. Адамның фертильділігіне әсері етуі күні бүгінге дейін байқалған жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Флуоксетин көлік құралын басқару және механизмдермен жұмыс істеу қабілетіне әсерін тигізбейді немесе болымсыз әсер етеді. Флуоксетиннің психомоторлық көрсеткіштерге ықпалын тигізбейтіндігіне қарамастан, кез келген психотроптық дәрі объективті пайымдау немесе бұрыннан бар дағдыны пайдалану қабілетіне ықпалын тигізуі мүмкін.

Пациенттерге автомобиль жүргізуге немесе қауіпті машиналарды пайдалануға, олар мұның нәтижеге ықпалын тигізбейтініне барынша сенімді болмайынша, жол бермеуді ұсыну керек.

8 капсуладан поливинилхлоридті үлбірден және баспалы алюминий фольгадан жасалған пішінді ұяшықты қаптамада.

Пішінді 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!