Актобе қаласындағы Димедрол Ампулалары 10 Мг/мл 1 Мл №10 | ОАО Дальхимфарм

Анафилаксиялық және анафилактоидты реакцияларда, Квинке ісінуі, сарысу құю ауруында - кешенді емде.

Асқазанның және он екі елі ішектің ойық жара ауруында, гиперацидтік гастритте (біріктірілген ем құрамында).

Паркинсонизм, хорея, ұйқысыздықта.

Меньер синдромы, теңіз және ауа ауруында, сәуле соққы ауруында.

Терінің және жұмсақ тіндердің ауқымды жарақаттық зақымдануында (күюлерде, мылжалануда), геморрагиялық васкулитте. Премедикация.

- әсер етуші затқа немесе қосымша заттардың кез келгеніне аса жоғары сезімталдық

- жабық бұрышты глаукома

- қуық асты безінің гиперплазиясы

- асқазан және он екі елі ішектің стенозданған ойық жарасы

- қуық мойны стенозы

- эпилепсия

- бронх демікпесі

- феохромоцитома

- туа біткен ұзартылған QT-синдромы немесе QT-аралығын ұзартатын препараттарды ұзақ қабылдау

- жүктілік және лактация кезеңі

- 7 айға дейінгі балалар

- брадикардия

- жүрек ырғағының бұзылуы

- порфирия.

Димедролмен емдеу кезінде ультракүлгін сәулелендіруден және этанол пайдаланудан аулақ болу керек.

Бұл препаратты қолданғаны жөнінде дәрігерді хабардар ету керек: құсуға қарсы әсер аппендицит диагнозын анықтауды және басқа дәрілік заттардың артық дозалану симптомдарын байқауды қиындатуы мүмкін.

Препараттың дәрілік түрі оны тері астына енгізу үшін қолдануды көздемейді.

Димедролдың атропин тәрізді әсері болғандықтан, оны анамнезінде жақында болған респираторлық аурулары (демікпені қоса алғанда), жоғары көзішілік қысымы, гипертиреозда, жүрек-тамыр жүйесі аурулары, артериялық гипотензия кезінде пациенттерге сақтықпен қолдану керек. Өкпенің обструкциялық аурулары, жүрек-тамыр жүйесінің күрделі аурулары, илеус, өт жолдарының обструкциялық жағдайларының ағымын нашарлатуы мүмкін. Димедрол, әсіресе артық дозалану жағдайында мәңгіру ахуалына әкелуі мүмкін, сонымен қатар қозу мен елестеулер, құрысуларды тудыруы мүмкін.

Бас айналу, седация және артериялық гипотензияның даму ықтималдығы жоғары болғандықтан 60 жастан асқан пациенттерге сақтықпен қолдану керек.

Бауыр мен бүйрек функциясы бұзылған пациенттерге сақтықпен тағайындау керек.

Препаратты балаларға қолдану "Қолдану тәсілі және дозалары" бөлімінен қараңыз.

Дозалау режимі

Ересектерге

Ересектер мен 14 жастан асқан балаларға вена ішіне немесе бұлшықет ішіне 1-5 мл ерітінді 10 мг/мл (10 - 50 мг) күніне 1 - 3 рет.

Ең жоғары тәуліктік доза - 150 мг.

Пациенттердің ерекше топтары

Балалар

7 айдан 12 айға дейінгі балаларға 0,3 - 0,5 мл-ден (3 - 5 мг),

1 жастан 3 жасқа дейін - 0,5 - 1 мл-ден (5 - 10 мг),

4-тен 6 жасқа дейін - 1 - 1,5 мл-ден (10 - 15 мг),

7-ден 14 жасқа дейін - 1,5 - 3 мл (15-30 мг),

қажеттілік болған кезде әрбір 6-8 сағатта.

Енгізу әдісі мен жолы

Димедрол вена ішіне немесе бұлшықет ішіне терең тағайындалады.

Артық дозаланған жағдайда қабылдануы тиіс шаралар

Симптомдары: орталық жүйке жүйесін бәсеңдету, қозудың дамуы (әсіресе балаларда) немесе депрессия, көз қарашығының кеңеюі, ауыздың құрғауы, асқазан-ішек жолы мүшелерінің салдануы.

Емі: спецификалық антидоты жоқ, асқазанды шаю, қажеттілікте – артериялық қысымды жоғарлататын дәрілік заттар, оттегі, плазма алмастырғыш сұйықтықты вена ішіне енгізу. Эпинефринді және аналептикті пайдалануға болмайды. Артық дозаланғанда антидот ретінде, егер антихолинергиялық симптомдары күшейетін болса, физостигмин (дене салмағының кг 0.02-0.06 мг) бірнеше рет тағайындалуы мүмкін. Құрысулар және ОЖЖ қозу симптомдары дамыған кезде диазепамды парентеральді түрде енгізу керек.

Вена ішіне және бұлшықет ішіне енгізуге арналған 10 мг/мл ерітінді.

1 мл-ден бейтарап шыны ампулаларда.

10 ампуладан медициналық қолдану жөніндегі қазақ және орыс тілдеріндегі нұсқаулықпен және ампулаларды ашуға арналған пышақпен немесе ампулалық скарификатормен бірге картон қорапқа салынады.

Сындыру нүктесі және сақинасы, кертігі бар ампуланы пайдалану кезінде  ампуланы ашуға арналған пышақ немесе ампула скарификаторы салынбайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл.

Жарамдылық мерзімі өткеннен кейін қолдануға болмайды.