Актобе қаласындағы Дон Ампуласы 400 Мг 2 Мл №6 | Bioligici Italia Laboratories S.r.l.

Тізебуынның жеңіл және орташа ауырлық дәрежесіндегі остеоартрит симптомдарын жеңілдету.

әсер ететін затқа немесе қосымша заттардың кез келгеніне аса жоғары сезімталдық

моллюскаларға аллергиялық реакция болса, өйткені белсенді заты моллюскалардан алынады

қан кетуге бейімділік

балалар мен 18 жасқа дейінгі жасөспірімдер

Препараттың инъекциялық түрінің құрамына қосымша зат лидокаин кіреді, оның мынадай қарсы көрсетілімдері бар:

кардиогендік шок, айқын артериялық гипотензия, жүректің созылмалы жеткіліксіздігінің ауыр түрі, жүректің жедел жеткіліксіздігі, солжақ қарынша функциясының төмендеуі

ІІ-ІІІ дәрежелі атриовентрикулярлық бөгеліс, ауыр брадикардия, қан ұюының бұзылуы, Вольф-Паркинсон-Уайт синдромы, Адамс-Стокс синдромы, анамнезіндегі лидокаинды қолданудан туындаған құрысулар, синустық түйіннің әлсіздігі синдромы

бауыр функциясының ауыр бұзылуы, гиповолемия, миастения, инъекция орнындағы инфекциялар

лидокаинға немесе амидті типті басқа  анестетиктерге аса жоғары сезімталдық (аса жоғары сезімталдықтың айқаспалы реакциялары дамуының жоғары қаупі бар болуынан)

Препарат құрамының қоспаларын басқа инъекциялық дәрілік препараттармен пайдаланудан аулақ болу керек.

Пероральді антикоагулянттар

Дәрілік препараттардың глюкозаминмен ықтимал өзара әрекеттесуі туралы шектеулі деректер бар, алайда пероральді К дәруменінің антагонистерін (варфарин және аценокумарол) қолдану кезінде ХҚҚ (халықаралық қалыпты қатынас) көрсеткішінің ұлғаюы байқалды. Сондықтан пероральді К дәруменінің антагонистерін қабылдайтын пациенттерге глюкозаминмен емді бастау немесе тоқтату кезінде мұқият бақылау керек.

Тетрациклиндер

Глюкозаминмен қатарлас емдеу сіңірілуді, демек, қан сарысуындағы тетрациклиндердің концентрациясын күшейтуі мүмкін. Алайда, бұл өзара әрекеттесудің клиникалық маңызы шектеулі болуы мүмкін.

Глюкозаминдермен әлеуетті өзара әрекеттесулер туралы шектеулі ақпаратқа байланысты әдетте емдік жауаптың өзгерісі немесе бір мезгілде пайдаланылатын дәрілік препараттардың плазмадағы концентрациясы туралы білу керек.

Дәрілік өзара әрекеттесулерге спецификалық зерттеулер жүргізілмеген. Алайда, глюкозамин сульфатының физикалық-химиялық және фармакокинетикалық қасиеттерін ескере отырып, өзара әрекеттесулерінің потенциалы төмендігін болжауға болады. Бұдан басқа, глюкозамин сульфатының адамдағы негізгі CYP450 ферментінің белсенділігінің не бәсеңдеуіне, не жоғарылауына әкелмейтіні анықталған.

Нақты препарат сіңу механизмі үшін бәсекелеспейді, сіңірілгеннен кейін ол плазма ақуыздарымен байланыспайды, ал протеогликандарға эндогенді зат ретінде қосылу жолымен метаболизденеді немесе цитохром жүйесі ферменттерінің қатысуынсыз ыдырайды, соның салдарынан басқа дәрілік препараттармен өзара әрекеттесулерге түсу ықтималдығы екіталай.

Препарат қабынуға қарсы стероидты емес препараттармен (ҚҚСЕП) және глюкокортикостероидтармен үйлесімді.

Препараттың инъекциялық түрінің құрамына лидокаин қосымша заты кіреді. Циметидин, пептидин, бупивакаин, пропранолол, хинидин, дизопирамид, амитриптилин, нортриптилин, хлорпромазин, имипрамин оның бауырлық метаболизмін азайта отырып, қан сарысуындағы лидокаинның деңгейін жоғарылатады. Норадреналиннің лидокаинмен өзара әрекеттесулерінде синергиялық ықпалы бар.

МАО тежегіштерін сақтықпен қолдану керек, өйткені олар артериялық гипотензияның даму қаупін жоғарылатады және  соңғысының жергілікті жансыздандыратын әсері ұзарады.

ІА класының аритмияға қарсы препараттарымен бір мезгілде қолданғанда  (оның ішінде хинидинмен, прокаинамидпен, дизопирамидпен) QT аралығының ұзаруы жүреді, жекелеген жағдайларда AV-блокадасы немесе қарыншалық  фибрилляция дамуы мүмкін.

Жүрек гликозидтерін қолданудың кардиотонустық әсері әлсірейді.

Седативті препараттармен бір мезгілде қолданған кезде тыныштандыратын әсері күшейеді. Фенитоин лидокаиннің кардиодепрессиялық әсерін арттырады.

Прокаинамидпен бір мезгілде қолданғанда  сандырақтаулар, елестеулер болуы мүмкін.

Лидокаин жүйке-бұлшықет өткізгіштігінің блокадасын шешетін препараттардың әсерін күшейтуі мүмкін, өйткені соңғысы жүйке импульстарының өткізгіштігін азайтады. Этанол лидокаиннің тыныс алуды бәсеңдеткіш әсерін күшейтеді.

Егде жастағы адамдарда қолдану

Ешбір нақты фармакокинетикалық зерттеулер жүргізілмеген, бірақ клиникалық тәжірибеге сәйкес егде жастағы адамдарды емдегенде дозаны түзету талап етілмейді.

Бүйрек және (немесе) бауыр функциясы бұзылған пациенттер

Бүйрек және бауыр жеткіліксіздігі бар пациенттер арасында ешбір арнайы зерттеулер жүргізілмеген. Дәрілік препараттың токсикологиялық және фармакокинетикалық бейіні аталған пациенттер үшін шектеуді талап етпейді. Алайда бауыр және бүйректің ауыр  жеткіліксіздігі бар пациенттерде препаратты дәрігердің бақылауымен қолдану керек.

Сақтандыру шаралары

Басқа емді талап етуі мүмкін буындардың басқа аурулары болуын жоққа шығару үшін дәрігермен кеңесу керек.

Препаратты енгізуді тек медицина қызметкерлері ғана жүргізе алады.

Глюкозамин глюкоза деңгейін өзгерте алады. Глюкозаға төзімділігі бұзылған пациенттерде қандағы глюкоза деңгейін, қажет болған жағдайда емдеуді бастар алдында және емдеу кезінде мезгіл-мезгіл инсулинге қажеттілікті бақылау ұсынылады.

Жүрек-қантамырлары ауруларының белгілі қауіп факторлары бар пациенттерде қандағы липидтер деңгейін бақылау ұсынылады, өйткені кейбір жағдайларда гиперхолестеринемия глюкозамин қабылдаған пациенттерде байқалады.

Глюкозаминді қабылдау басталғаннан кейін бронх демікпесі симптомдарының өршу жағдайлары сипатталған (өршу симптомдары глюкозаминді қолдануды тоқтатқаннан кейін басылған). Сондықтан бронх демікпесінен зардап шегетін пациенттерді емдегенде препаратты сақтықпен қолдану керек, өйткені бұндай пациенттер симптомдарының өршуінің мүмкіндігімен глюкозаминге аллергиялық реакциялардың дамуына бейім болуы мүмкін.

Дәрілік препараттың бір дозасының құрамында 40,3 мг натрий бар, бұл ересек адам үшін ДДҰ ұсынған ең жоғары тәуліктік дозасының (2 г натрий) 2 %-ына баламалы. Бұны қатаң тұзсыз диета көрсетілген пациенттерге тағайындағанда ескеру керек.

Педиатрияда қолдану

Балалар мен 18 жасқа дейінгі жасөспірімдерге қолдануға болмайды, өйткені мұндай пациенттер үшін препараттың қауіпсіздігі мен тиімділігі анықталмаған.

Жүктілік немесе лактация кезінде

Жүктілік

Жүкті әйелдерде глюкозамин сульфатын қолдану туралы деректер шектеулі. Дона® препаратын жүктілік кезінде қолдануды ана үшін күтілетін пайда шарана немесе бала үшін кез келген ықтимал қауіптен асып кеткен жағдайда ғана қарастырған жөн.

Бала емізу

Емшек сүтімен глюкозамин сульфатының бөлінуі туралы мәліметтер жоқ. Сондықтан бала емізген кезде глюкозаминді қолдану ұсынылмайды, себебі нәрестелер үшін қауіпсіздігі туралы деректер жоқ.

Фертильділік

Деректер жоқ, Дона® препаратын қабылдауды бала көтеруде қиындықтары бар немесе бедеулікке байланысты тексеруден өтіп жүрген әйелдерде тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автомобильді және басқа механизмдерді басқару қабілетіне әсер етуіне қатысты зерттеулер жүргізілген жоқ. Көлік құралдарын басқарғанда және зейін қоюды талап ететін жұмыстарды орындағанда сақ болу керек. Ұйқышылдық, шаршау, бас айналу, бас ауыруы немесе көру қабілетінің бұзылуы пайда болған жағдайда автокөлікті басқаруға және басқа механизмдермен жұмыс істеуге тыйым салынады.

Дозалау режимі

Ересек пациенттер және егде жастағы пациенттер

Қолданар алдында В ерітіндісін (1 мл еріткіш) А ерітіндісімен (препараттың 2 мл ерітіндісі)  бір шприцте араластыру керек.

Препараттың дайындалған ерітіндісін 4-6 апта бойы аптасына 3 рет 3 мл немесе 6 мл (А + В ерітіндісі) бұлшықет ішіне енгізу керек.

А ампуласында ерітіндіде сарғыш реңктің болуы дәрілік препараттың тиімділігіне және жағымдылығына әсер етпейді.

Препарат инъекциясын препараттың ерітінді дайындауға арналған ұнтақ түрін пероральді қабылдаумен үйлестіруге болады.

Глюкозамин жедел ауырсыну синдромын емдеуге арналмаған.

Симптомдарды жеңілдету (әсіресе ауырсыну сезімін азайту) тек емнің бірнеше аптасынан кейін, ал кейбір жағдайларда тіпті ұзағырақ уақыттардан кейін ғана болуы мүмкін.

Егер 2-3 ай емнен кейін симптомдардың жеңілдеуі болмаса, емдеуді қайта қарау керек.

Егде жастағы пациенттер

Егде жастағы пациенттер үшін ешқандай фармакокинетикалық зерттеулер жүргізілген жоқ, бірақ клиникалық тәжірибеге сүйене отырып, егде жастағы пациенттерді емдеген кезде дозаны түзету талап етілмейді.

Бүйрек және/немесе бауыр функциялары бұзылған пациенттерге тиісті фармакокинетикалық зерттеулер жүргізілмегендіктен, дозаны түзету бойынша ұсынымдар берілмейді.

Енгізу әдісі және жолы

Бұлшықет ішіне қолдануға арналған! Препарат вена ішіне енгізуге арналмаған.

Артық дозалану жағдайында қабылдау қажет болатын шаралар

Кездейсоқ немесе әдейі артық дозалану жағдайлары байқалған жоқ. Жедел және созылмалы уыттылық туралы мәліметтерге сүйене отырып, белсенді заттың өте жоғары дозалануынан кейін де уытты симптомдардан қорықпау керек.

Артық дозаланған жағдайда препаратты қабылдауды тоқтату, демеуші шараларды қолдану және қажет болса ықтимал артық дозалануды емдеу (симптоматикалық, су-электролиттік теңгерімді қалпына келтіру) керек.

Алайда, лидокаинмен артық дозалану қарыншалар фибрилляциясынан өлімге немесе егер ол жоғары болса, жүректің тоқтап қалуына әкелуі мүмкін.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Осы дәрілік препаратты қолдану бойынша қосымша сұрақтар туындаған жағдайда дәрігерден кеңес алу керек.

Кездейсоқ немесе әдейі артық дозалану жағдайлары байқалған жоқ. Жедел және созылмалы уыттылық туралы мәліметтерге сүйене отырып, белсенді заттың өте жоғары дозалануынан кейін де уытты симптомдардан қорықпау керек.

Артық дозаланған жағдайда препаратты қабылдауды тоқтату, демеуші шараларды қолдану және қажет болса ықтимал артық дозалануды емдеу (симптоматикалық, су-электролиттік теңгерімді қалпына келтіру) керек.

Алайда, лидокаинмен артық дозалану қарыншалар фибрилляциясынан өлімге немесе егер ол жоғары болса, жүректің тоқтап қалуына әкелуі мүмкін.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Осы дәрілік препаратты қолдану бойынша қосымша сұрақтар туындаған жағдайда дәрігерден кеңес алу керек.

Жиі

- іштің ауыруы, метеоризм, асқорытудың бұзылуы, диспепсия, диарея, іш қату, жүрек айнуы, асқазандағы жайсыздық («ауырлық» сезімі) және ауыруы;

- бас ауыруы, ұйқышылдық, шаршау;

- шаршағыштық;

Жиі емес

- қызару;

- қышыну, бөртпелер, эритема;

Белгісіз (қолда бар деректер негізінде бағалау мүмкін емес)

- бас айналуы;

- аллергиялық реакциялар (аса жоғары сезімталдық);

- қандағы қант деңгейінің жоғарылауы;

- ұйқысыздық;

- көру қабілетінің бұзылуы;

- жүрек аритмиясы, мысалы тахикардия;

- шаштың түсуі, ангионевроздық ісіну, есекжем;

- демікпе, демікпенің өршуі;

- құсу;

- сарғаю;

- ісіну, шеткері ісіну, енгізу орнындағы реакция;

- бауыр ферменттері деңгейінің жоғарылауы, қандағы глюкоза деңгейінің жоғарылауы, артериялық қысымның жоғарылауы, ХҚҚ көрсеткішінің ауытқуы (халықаралық қалыпқа келтірілген қатынас).

Гиперхолестеринемияның жекелеген спонтанды жағдайлары туралы хабарланды, бірақ себеп-салдарлық байланысы анықталмады.

Препараттың инъекциялық түрінің құрамында лидокаин бар. Ерекше жағдайларда осы компонентке тән жағымсыз реакциялар болуы мүмкін: жүрек айнуы, құсу, аллергиялық реакциялар, анафилактоидтық реакциялар (соның ішінде анафилаксиялық шок), жайылған эксфолиативтік дерматит, тыныс алудың бәсеңдеуі немесе тыныс алудың тоқтауы, ентігу, тіл мен еріннің ұюы, көз қарығу, диплопия, бас ауыруы, сананың шатасуы, бұлшықеттің тартылуы, жоғары дозаларды қолданғаннан кейін – құлақтағы шуыл, қозу жағдайы, мазасыздық, парестезиялар, құрысулар, естен тану, кома, гиперакузия, көру қабілетінің бұзылуы, конъюнктивит, жоғары дозаларды қолданғаннан кейін – нистагм, ұйқының бұзылуы, артериялық гипотензия, жүректің көлденең блокадасы, белгісіз – артериялық қысымның жоғарылауы; жоғары дозаларды қолданғаннан кейін – аритмия, брадикардия, жүрек өткізгіштігінің баяулауы, жүрек қызметінің тоқтауы, шеткері вазодилатация, коллапс, тахикардия, жүрек аумағындағы ауырсыну, аяқ-қолдың ысынуы, тоңуы немесе ұйып қалуы сезімі, қатерлі гипертермия, ринит, инъекция орнындағы терінің шаншулары, абсцесс, жеңіл күйдіру сезімі (1 минут ішінде жансыздандыратын әсері дамығаннан жойылады), тромбофлебит.

Егер осы жағымсыз әсерлердің бірі күшейсе немесе осы нұсқаулықта көрсетілмеген кез келген басқа жағымсыз әсер байқалса, дәрігерге хабарлаңыз.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Егер Сізге компания өнімін қолданумен, оның ішінде жүктілік немесе бала емізу кезінде қолданумен немесе медициналық қателіктер, дұрыс қолданбау, шамадан тыс қолдану, артық дозалану, басқа дәрілік заттармен өзара әрекеттесу немесе дәрілік зат пен тамақтың өзара әрекеттесуі, мақсаты бойынша қолданбау нәтижесінде немесе кәсіби және кәсіби емес қызметпен, инфекциялық агенттің күдікті берілуімен немесе тиімділіктің жоқтығымен байланысты ықпалдың салдарынан, сондай-ақ сапаның ақаулығымен астасқан қандай да бір жағымсыз реакциялар белгілі болса, бұл туралы [email protected] электронды поштасы бойынша фармакологиялық қадағалауға жауапты адамға хабарлау қажет

А ампуласы: сыйымдылығы 3 мл I типті мөлдір қоңыр шыны ампулада 2 мл-ден.

В ампуласы: сыйымдылығы 1 мл I типті мөлдір түссіз шыны ампулада 1 мл-ден.

Поливинилхлоридті планшеттегі 6 А ампуладан және 6 В ампуладан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды!