Актобе қаласындағы Дорсоб Көз Тамшылары 2% 5 Мл | FAMAR A.V.E.

Дорсоб ересектерде, 8 жастан асқан балаларда және жасөспірімдерде қолдануға арналған:

бета-блокаторларға көзішілік қысымның жоғарылауын қосымша емдеу ретінде

бета-блокаторларды қолдануға реакция болмаған жағдайда немесе егер бета-блокаторларды қолдануға болмайтын болса, жалғыз препарат ретінде көзішілік қысымның жоғарылауын емдеу үшін.

Мына аурулар кезінде жоғары көзішілік қысымды емдеу үшін:

көзішілік қысымның жоғарылауы

ашық бұрышты глаукома

жалған эксфолиативті глаукома.

- белсенді затқа немесе қосымша заттардың кез келгеніне жоғары сезімталдық

- созылмалы бүйрек жеткіліксіздігі (креатинин клиренсі 30 мл/мин аз)

- қанның тұзды құрамының бұзылуымен зат алмасудың бұзылуы (бикарбонаттың төмендеуімен және хлоридтің жоғарылауымен)

- жүктілік және бала емізу кезеңі

- 8 жасқа дейінгі балалар

Келесі препараттармен бір мезгілде қолданғанда жағымсыз өзара әрекеттесулер байқалмады: көзге арналған тимолол ерітіндісі, көзге арналған бетаксолол ерітіндісі, жүрек, бүйрек ауруларын емдеуге және алдын алуға және қан қысымын төмендетуге арналған препараттар (АӨФ тежегіштері, кальций өзекшелерінің блокаторлары (жүрек жұмысын жақсартуға бағытталған препараттар), несеп айдайтын дәрілер (диуретиктер), қабынуға қарсы стероидты емес препараттар, аспирин және гормондар (мысалы, эстроген, инсулин, тироксин).

Дорсоб препаратының, миотиктердің және адреномиметиктердің біріктірілімі глаукоманы (көзішілік қысымның жоғарылауы) емдеу кезінде жеткілікті зерттелмеген.

Арнайы ескертулер

Бауыр функциясы бұзылған пациенттер

Дорсоб препаратын сақтықпен қолдану керек, өйткені бауыр жеткіліксіздігі бар пациенттерде дорзоламидті қолдану зерттелмеген.

Бүйрек функциясы бұзылған пациенттер

Ауыр бүйрек жеткіліксіздігі (креатинин клиренсі <30 мл/мин) немесе бикарбонаттың төмендеуі және хлоридтің жоғарылауы (гиперхлоремиялық ацидоз) бар пациенттерде дорзоламидті қолдану зерттелмеген. Дорзоламид (оның метаболиттері сияқты) негізінен бүйрек арқылы шығарылатындықтан, Дорсоб препаратын ауыр бүйрек аурулары кезінде қолдану ұсынылмайды.

Жедел жабық бұрышты глаукомасы бар пациенттер

Жедел жабық бұрышты глаукомасы бар пациенттерді емдеу: осы ауруда қолдану тәжірибесі жоқ.

Дорсоб препараты терінің және шырышты қабаттардың бөртпелері бар жедел уытты-аллергиялық ауру немесе сұйықтыққа толы күлдіреуіктің түзілуімен терінің ауыр аллергиялық зақымдануы сияқты ауыр тері реакцияларының дамуына әкелуі мүмкін (Стивенс-Джонсон синдромы және уытты эпидермальді некролиз). Егер күрделі жағымсыз реакциялар немесе аллергия белгілері пайда болса, Дорсоб препаратын қолдануды дереу тоқтатып, шұғыл түрде дәрігерге қаралу қажет.

Дорзоламидтің 2% офтальмологиялық ерітіндісін ұзақ уақыт қолданғанда, жергілікті жағымсыз реакциялар дамуы мүмкін, көбінесе көздің шырышты қабығының қабынуы және қабақтың реакциясы түрінде болады. Негізінен, олардың аллергиялық шығу тегі бар және препаратты тоқтатқаннан кейін өтеді. Мұндай реакциялар пайда болған кезде бұл препаратты қолдануды тоқтатып, шұғыл түрде дәрігерге көріну қажет.

Карбоангидразаның пероральді тежегіштерімен емдеу әсіресе анамнезінде несептас ауруымен ауыратын пациенттерде қышқыл-сілтілі тепе-теңдіктің бұзылуы нәтижесінде туындаған несептас ауруымен байланысты болды. Дорзоламидті қолдану кезінде қышқыл-сілтілі тепе-теңдіктің бұзылуы байқалмағанына қарамастан, несептас ауруы дамуының сирек жағдайлары туралы хабарланды.

Дорзоламид карбоангидразаның тежегіштері болып табылатындықтан, ол жергілікті қолдануға қарамастан, жүйелі түрде сіңірілуі мүмкін, анамнезінде несептас ауруы бар пациенттерде Дорсоб препаратын қолданған кезде несептас ауруының даму қаупі жоғарылауы мүмкін.

Карбоангидразаның пероральді тежегіштері мен дорзоламидті бір мезгілде қабылдайтын пациенттерде көз және ішкі ағзалар тарапынан жағымсыз жанама реакциялар дамуы мүмкін, сондықтан карбоангидразаның пероральді тежегіштері мен мен дорсоб препаратын бір мезгілде қолдану ұсынылмайды.

Мөлдір қабықтың созылмалы ақаулары бар және/немесе бұрын көзіне хирургиялық операциялар жасалған пациенттерде Дорсоб препаратын қолданған кезде көз алмасының алдыңғы дөңес мөлдір бөлігінің ісінуі (қасаң қабықтың) және қайтымсыз өзгерістері дамуы мүмкін. Дорсоб препаратын мұндай пациенттерде сақтықпен қолдану керек.

Көзішілік қысымды төмендету үшін қолданылатын хирургиялық емшараны жүргізгеннен кейін (сүзу емшаралары) көздің торқабығының ажырауы және көзішілік қысымды бір мезгілде төмендету жағдайлары байқалды.

Бензалконий хлориді

Дорсоб препаратының құрамында қосымша зат - бензалконий хлориді бар. Бензалконий хлориді көздің тітіркенуін, көздің құрғап кетуі симптомдарын тудыратыны және көз жасы үлбіріне және мөлдір қабықтың беткейіне әсер етуі мүмкін екендігі хабарланған. Құрғақ көз синдромы бар пациенттерде және мөлдір қабық тарапынан зақымдану байқалған науқастарда сақтықпен қолдану керек. Дорсоб препаратын ұзақ уақыт қолданған жағдайда пациенттер бақылауда болуы тиіс.

Дозалау режимі

Көздің нұрлы қабығының қабынуы (ириттер) дамуы мүмкін болғандықтан, препараттың жұмсақ жанаспалы линзалармен жанасуын болдырмау, оларды қолданар алдында алып тастау және Дорсоб препаратын тамызғаннан кейін кемінде 15 минут күту қажет.

Бір препаратпен емдегенде Дорсоб препаратының дозасы күніне үш рет зақымданған көздің (немесе көздердің) конъюнктивалық қалтасына бір тамшыны құрайды.

Бета-адреноблокаторлармен біріктірілген жергілікті емдеу кезінде (қосымша терапия ретінде) препараттың дозасы күніне екі рет зақымданған көздің (көздердің) конъюнктивалық қалтасына бір тамшыны құрайды.

Дорзоламидті басқа офтальмологиялық глаукомаға қарсы дәрімен алмастырған кезде, бір күнде дұрыс дозаланғаннан кейін басқа препаратты қабылдауды тоқтатып, келесі күні дорзоламидті қабылдауды бастаңыз.

Көзге жергілікті қолдануға арналған басқа препараттарды бір мезгілде қолданғанда тамызу арасындағы аралық 10 минуттан кем болмауы тиіс. Егер пациент бір уақытта көзге арналған жақпамай қолданса, онда оны соңғы кезекте жағу қажет.

Көзге тамызатын дәріні тамызар алдында жанаспалы линзаларды алып тастау керек, оларды тамызғаннан кейін 15 минуттан кейін қайтадан киюге болады.

Дорсоб препаратын қолданар алдында қолды мұқият жуу қажет және пипетканың көздермен және айналадағы заттармен жанасуын болдырмау керек.

Егер дұрыс қолданылмаса, офтальмологиялық ерітінділер қарапайым бактериялармен ластануға ұшырауы мүмкін, олар көздің инфекциялық зақымдануын тудыруы мүмкін. Ластанған көзге тамызатын дәріні қолдану көздің күрделі зақымдалуына және кейіннен көру қабілетінің жоғалуына әкелуі мүмкін.

Қолдану жөніндегі нұсқаулық

Бірінші рет қолданар алдында құтының мойнындағы қорғаныс қабатын алыңыз. Жабық құты үшін құты мен қақпақ арасындағы шағын кеңістікке жол беріледі.

Құтының қақпағын алып тастау қажет.

Пациенттің басын артқа шалқайтып, қабақ пен көз арасында шағын «қалта» түзілгенге дейін астыңғы қабақты абайлап төмен тарту қажет.

Құтыны төңкеріп, тамшы пайда болғанға дейін аздап басу керек және оны көзге тамызу керек.

Құты пипеткасының ұшы көзге немесе қабаққа тимеуі тиіс.

Саусақпен көздің бұрышын, мұрынға басыңыз немесе қабақты 2 минутқа жабыңыз. Бұл препараттың дененің басқа бөліктеріне енуіне жол бермейді.

Қажет болса, процедураны екінші көзге де қайталаңыз.

Қолданғаннан кейін бірден құтыны қақпақпен жабу керек.

Енгізу әдісі мен жолы

Тек жергілікті қолдануға арналған, зақымдалған көздің конъюнктивалық қалтасына тамызыңыз.

Артық дозаланған жағдайда қабылдануы тиіс шаралар

Кездейсоқ немесе әдейі қабылдау/қолдану кезінде адамда дорзоламид гидрохлоридінің артық дозалануы бойынша шектеулі ақпарат бар.

Пероральді қабылдаған кездегі симптомдар: ұйқышылдық.

Жергілікті қолданған кездегі симптомдар: жүрек айну, бас айналу, бас ауыруы, шаршау, ұйқының бұзылуы және жұтудың қиындауы.

Емі: симптоматикалық және демеуші. Қанның су-тұз құрамының бұзылуы және ацидоз дамуы мүмкін (организмнің қышқыл-сілтілі теңгерімінің қышқылдықтың жоғарылауына қарай ығысуы), сондықтан қандағы калий деңгейін, сондай-ақ орталық жүйке жүйесі тарапынан ықтимал әсерін бақылау қажет.

Бір немесе бірнеше дозаны өткізіп алған кезде қажетті шаралар.

Өткізіп алған дозаны өтеу үшін қос дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкеріне кеңес алуға хабарласу бойынша ұсынымдар

Дәрілік препаратты қолдану тәсілін түсіндіру үшін медицина қызметкерінен кеңес алу ұсынылады.

Тамшуыр-тығынмен және алғаш ашылуы бақыланатын, тығыздығы орташа мөлдір емес полиэтиленнен жасалған бұралатын ақ қақпақпен бекітілген, полиэтилен құтыларға 5 мл препараттан құйылған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

Сақтау мерзімі 2 жыл

Құтыны алғаш ашқаннан кейінгі қолдану кезеңі-28 күн

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Түпнұсқалық қаптамасында 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Құтыны алғаш ашқаннан кейінгі қолдану кезеңі-28 күн

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы