Актобе қаласындағы Джакави Таблеткалары 5 Мг №56 | Новартис Фарма Штейн АГ

Бір таблетканың құрамында

белсенді зат - руксолитиниб фосфаты, 6.60 мг, 19.80 мг немесе 26.40 мг (5 мг, 15 мг немесе 20 мг руксолитинибке баламалы),

қосымша заттар: лактоза моногидраты, микрокристалды целлюлоза, натрий крахмалы гликоляты (А типі), гидроксипропилцеллюлоза, повидон, сусыз коллоидты кремнийдің қостотығы, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, бір жағында «NVR» және екінші жағында «L5» өрнегі бар, диаметрі шамамен 7.5 мм (5 мг доза үшін) ақтан ақ дерлік түске дейінгі таблеткалар.

Сопақша пішінді, бір жағында «NVR» және екінші жағында «L15» өрнегі бар, ұзындығы шамамен және ені шамамен (15 мг доза үшін) ақтан ақ дерлік түске дейінгі таблеткалар.

Ұзынша пішінді, бір жағында  «NVR» және екінші жағында «L20» өрнегі бар, ұзындығы шамамен 16.5 мм және ені шамамен 7.4 мм (20 мг доза үшін) ақ түстен ақ дерлік түске дейінгі таблеткалар.

Миелофиброз (МФ)

- спленомегалиямен немесе бастапқы миелофиброз симптомдарымен (сондай-ақ созылмалы идиопатиялық миелофиброз ретінде белгілі) байланысты ауруларда, нағыз полицитемия салдарынан немесе ересек пациенттерде эссенциальды тромбоцитемия нәтижесінде дамыған миелофиброз кезінде емдеу.

Нағыз полицитемия (НП)

- гидроксикарбамидке төзімділікпен немесе жақпаушылықпен қатар жүретін нағыз полицитемиясы бар пациенттерді емдеу.

«Трансплантант қожайынға қарсы» реакциясы (ТҚҚР)

- кортикостероидтарға немесе басқа жүйелік емге жеткіліксіз жауап байқалатын «трансплантант қожайынға қарсы» жедел реакциясы немесе «трансплантант қожайынға қарсы» созылмалы реакциясы бар 12 және одан жоғары жастағы пациенттерді емдеу.

белсенді субстанцияға немесе қосымша заттардың кез келгеніне жоғары сезімталдық

жүктілік және лактация кезеңі

Миелосупрессия

Джакави препаратымен емдеу тромбоцитопения, анемия және нейтропенияны қоса, гематологиялық жағымсыз дәрілік реакциялар дамуына әкелуі мүмкін. Джакави препаратымен емдеу басталғанша қанның лейкоциттерін дифференциалды санауды қамтитын жалпы қан талдауын жасау қажет. Тромбоциттер саны 50 000/мм3 кем немесе нейтрофилдердің абсолюттік саны 500/мм3 кем болған кезде МФ бар пациенттерді емдеуді тоқтату керек.

Емнің басында тромбоциттер саны төмен (<200 000/м3) МФ бар пациенттер емдеу кезінде тромбоцитопенияның дамуына неғұрлым бейім екендігі атап өтілді.

Тромбоцитопения көп жағдайда қайтымды сипатқа ие және дозаның төмендеуімен немесе Джакави препаратын қабылдауды уақытша тоқтатумен түзетіледі. Алайда клиникалық көрсетілімдер бойынша тромбоциттік массаны құю қажет болуы мүмкін.

Пациенттерде анемия дамыған кезде қан құю қажет болуы мүмкін. Сонымен қатар, анемия дамыған пациенттер үшін дозаны түзету немесе емдеуді тоқтатуды қарастыру қажет.

Гемоглобин деңгейі 10,0 г/дл төмен пациенттерде ем басында гемоглобиннің бастапқы деңгейі неғұрлым жоғары (30,1%-бен салыстырғанда 79,3%) пациенттерге қарағанда емдеу кезінде гемоглобин мөлшері 8,0 г/дл-ге дейін төмендеу қаупі жоғары болады. Гемоглобиннің бастапқы деңгейі 10,0 г/дл-ден төмен пациенттерде гематологиялық көрсеткіштер мен препаратқа жағымсыз реакциялармен байланысты клиникалық белгілер мен симптомдарға неғұрлым жиі мониторинг жүргізу ұсынылған.

Көптеген жағдайларда нейтропения (нейтрофилдердің абсолютті саны <500) қайтымды сипатта болды және Джакави препаратын қабылдауды уақытша тоқтатумен түзетілді.

Клиникалық көрсетілімдерге сәйкес жалпы қан талдауының көрсеткіштерін бақылау және қажеттілігіне қарай дозаны түзету керек.

Инфекциялар

Джакави препаратымен емделетін пациенттерде ауыр бактериялық, микробактериялық, зеңдік және вирустық инфекциялар пайда болды. Пациенттерді ауыр инфекциялардың даму қаупі мәніне бағалау қажет.

Дәрігер инфекция белгілері мен симптомдарының дамуын анықтау үшін Джакави препаратын қабылдайтын пациенттерді мұқият бақылауды жүзеге асыруы және қажет болған жағдайда тиісті емдеуді дереу бастауы тиіс. Джакави препаратымен емдеу ауыр белсенді инфекциялық процесс жойылғанға дейін басталмауы тиіс.

Джакави препаратын қабылдаған пациенттерде туберкулездің даму жағдайлары туралы хабарланды. Емдеуді бастар алдында пациенттерді жергілікті ұсынымдарға сәйкес туберкулездің белсенді немесе белсенді емес («жасырын») түрін дамыту мүмкіндігін анықтау мақсатында тексеру қажет. Бұл тексеру аурудың тарихын, осының алдында туберкулез жұқтырғандармен болуы мүмкін қатынастарды және/немесе, жағдайларға қарай, мысалы, флюорография, туберкулиндік сынама немесе гамма-интерферонның босап шығуына негізделген талдау арқылы тиісті скрининг өткізуді қамтуы мүмкін. Ем тағайындайтын мамандар, әсіресе, сырқаты ауыр немесе иммунитеті әлсіреген пациенттерде туберкулиндік тері сынамасының жалған теріс нәтижелер қаупі туралы естен шығармауы тиіс.

Созылмалы B вирустық гепатиті (ВВГ) бар пациенттерде аланинаминотрансфераза және аспартатаминотрансфераза белсенділігінің тиісінше артуымен және жоғарыламауымен қандағы ВВГ вирусының (ВВГ ДНҚ титрі) концентрациясының артқаны туралы хабарланды. Джакави препаратымен емді бастар алдында DUB болуына скринингтен өту ұсынылады. DUB созылмалы инфекциясы бар пациенттерді клиникалық ұсыныстарға сәйкес емдеу және бақылау қажет.

Белдемелі герпес

Дәрігерлер пациенттерге белдемелі герпестің ерте белгілері мен симптомдарын уақтылы анықтауға үйретуі тиіс, емдеуді мүмкіндігінше ертерек бастау керек.

Үдемелі мультифокальді лейкоэнцефалопатия

Джакави препаратымен емдеу кезінде үдемелі мультифокальді лейкоэнцефалопатияның (ҮМЛ) дамуы туралы хабарланды. Дәрігерлер пациенттер байқамауы мүмкін ҮМЛ дамуын жорамалдауға мүмкіндік беретін симптомдарға (мысалы, когнитивтік, психоневрологиялық симптомдар немесе белгілерге) ерекше қырағылық танытуы тиіс.  Пациенттер жоғарыда атап көрсетілген симптомдар немесе белгілердің білінуі немесе өршуі тұрғысынан қадағаланып, ал егер ондай симптомдар/белгілер туындаса, невропатологқа жіберілуі және ҮМЛ анықтау тұрғысынан тиісті диагностикадан өтуі тиіс. ҮМЛ күдік туындағанда, әрі қарай препарат дозасын қабылдауды ҮМЛ жоққа шығарылған сәтке дейін тоқтату керек.

Терінің меланомалы емес обыры

Джакави препаратын қабылдаған пациенттерде базальді жасушалық карциноманы, жалпақ жасушалы карциноманы және Меркель жасушаларынан алынған карциноманы қоса, терінің меланомалы емес обыры (ТМЕО) жағдайлары тіркелді. МФ және НП бар пациенттердің көпшілігінде анамнезінде гидроксимочевинамен ұзақ уақыт емделген, сондай-ақ алдыңғы ТМЕО зақымдары немесе терінің обыр алдындағы зақымданулары болған. Тері обырының даму қаупі жоғары топтағы пациенттер үшін теріні мезгіл-мезгіл зерттеу ұсынылады.

Липидті бейін көрсеткіштерінің бұзылуы/жоғарылауы

Джакави препаратын қабылдау жалпы холестеринді, холестериннің тығыздығы жоғары липопротеидтерін (ТЖЛП), тығыздығы төмен липопротеидтерін (ТТЛП) және триглицеридтерді қоса, липидті бейіннің жоғарылауымен байланысты болды. Липидті бейіннің көрсеткіштеріне мониторинг жүргізу және дислипидемияны клиникалық хаттамаларға сәйкес түзету ұсынылады.

Пациенттердің ерекше топтары

Бүйрек жеткіліксіздігі бар пациенттер

Ауыр дәрежелі бүйрек функциясы бұзылған пациенттерде Джакави препаратының бастапқы дозасы төмендетілуі тиіс. Гемодиализдегі бүйрек жеткіліксіздігінің терминалды сатысы бар пациенттер үшін бастапқы доза МФ бар пациенттердегі тромбоциттер санына негізделуі тиіс, ал ұсынылатын бастапқы доза ИА бар пациенттер үшін бір рет 10 мг құрайды. Кейінгі дозалар (20 мг бір реттік дозаны қабылдау немесе 12 сағаттық аралықпен 10 мг дозаны екі рет қабылдау; 10 мг бір реттік дозаны қабылдау немесе НП бар пациенттерде 12-сағаттық аралықпен 5 мг дозаны екі рет қабылдау) гемодиализдің әрбір емшарасынан кейін және оның жүргізу күндері ғана қабылдануы тиіс. Препарат дозасын қосымша түзету ем қауіпсіздігі мен тиімділігін мұқият мониторингілеу нәтижелерін ескере отырып жүзеге асырылуы тиіс.

Бауыр жеткіліксіздігі бар пациенттер

Бауыр функциясы бұзылған МФ және НП бар пациенттерде Джакави препаратының бастапқы дозасын шамамен 50% азайту қажет. Препараттың дозасын одан әрі түзету емнің қауіпсіздігі мен тиімділігін ескере отырып жүзеге асырылуы тиіс. Бауыр жеткіліксіздігі бар ТҚҚР байланысты емес ТҚҚР пациенттерде Джакави препаратының бастапқы дозасын шамамен 50% - ға азайту керек.

Өзара әрекеттесулер

Джакави препаратын CYP3A4 ферментінің күшті әсер ететін тежегіштерімен немесе CYP3A4 және CYP2C9 ферменттерінің екі компонентті тежегіштерімен (мысалы, флуконазолмен) бір мезгілде қолданған жағдайда, Джакавидің стандартты дозасын шамамен 50% - ға азайтып, тәулігіне 2 рет қабылдаған жөн.

Циторедуктивті емдеуді немесе гемопоэтикалық өсу факторларын және Джакави препаратын бір мезгілде қолдану зерттелмеген. Мұндай біріктірілімдер арқылы емнің қауіпсіздігі мен тиімділігі белгісіз.

Тоқтату синдромы

Джакави препаратымен емді тоқтатқаннан немесе үзілістен кейін МФ симптомдары шамамен бір апта ішінде қайтуы мүмкін. Джакави препаратын елеулі жанама әсерлері, атап айтқанда, жедел интеркуррентті ауру болған кезде пайда болған пациенттердің қабылдауды тоқтату жағдайлары байқалды. Джакави препаратын қабылдауды күрт тоқтату осы құбылыстардың туындауына ықпал ететіні анықталған жоқ. Егер препаратты қабылдауды күрт тоқтату талап етілмесе, дозаны біртіндеп төмендетудің клиникалық маңыздылығы расталмағанмен, Джакави дозасын біртіндеп төмендетуді қарастыруға болады.

Басқа дәрілік  препараттармен өзара әрекеттесуі

Руксолитиниб CYP3A4 және CYP2C9 ферменттері катализдейтін метаболизм жолымен шығарылады. Осылайша, бұл ферменттердің белсенділігін тежейтін дәрілік заттар руксолитиниб әсерін ұлғайтуы мүмкін.

Дозаны азайтуға себеп болатын өзара әрекеттесулер

CYP3A4 ферментінің тежегіштері

CYP3A4 ферментінің күшті әсер ететін тежегіштері (бұлардан басқа, боцепревир, кларитромицин, индинавир, итраконазол, кетоконазол, лопинавир/ритонавир, ритонавир, мибефрадил, нефазодон, нелфинавир, позаконазол, саквинавир, телапревир, телитромицин, вориконазол)

CYP3A4 ферментінің күшті әсер ететін тежегіштерімен бір мезгілде руксолитиниб қабылдаған кезде руксолитинибтің стандартты дозасын шамамен 50% - ға төмендетіп, тәулігіне екі рет қабылдау керек. Пациенттерді (мысалы, аптасына екі рет) цитопения тұрғысынан мұқият бақылауды жүзеге асыру және емнің қауіпсіздігі мен тиімділігі көрсеткіштерін ескере отырып, дозаны титрлеу қажет.

CYP2C9 және CYP3A4 ферменттерінің екі компонентті тежегіштері

CYP2C9 және CYP3A4 (мысалы, флуконазол) ферменттерінің екі компонентті тежегіштері болып табылатын дәрілік заттарды қабылдаған кезде дозаны 50% - ға төмендетуді қарастыру қажет. Руксолитинибті флуконазолмен тәулігіне 200 мг асатын дозада бір мезгілде қабылдаудан аулақ болу керек.

Ферменттердің индукторлары

CYP3A4 ферментінің индукторлары (басқалармен қатар, авазимиб, карбамазепин, фенобарбитал, фенитоин, рифабутин, рифампин (рифампицин), шайқурай (Hypericum perforatum))

Пациенттерді мұқият бақылауды жүзеге асыру және емнің қауіпсіздігі мен тиімділігі көрсеткіштерінің негізінде дозаны титрлеу қажет. Жекелеген пациенттерде руксолитинибпен және ферменттердің күшті индукторымен бір мезгілде емдеудің басында руксолитиниб дозасын арттыру талап етілуі мүмкін.

Руксолитинибке әсер ететін басқа да өзара әрекеттесулер

CYP3A4 ферментінің жеңіл және орташа тежегіштері (басқалармен қатар, ципрофлоксацин, эритромицин, ампренавир, атазанавир, дилтиазем, циметидин)

Жеңіл немесе орташа CYP3A4 тежегіштерімен (мысалы, эритромицинмен) руксолитинибті бір мезгілде қолданғанда дозаны түзету ұсынылмайды. Дегенмен, руксолитинибпен және CYP3A4 ферментінің орташа тежегішімен біріктірілген емнің басында пациенттер цитопенияның пайда болуына мұқият бақылауда болуы тиіс.

Руксолитинибтің басқа дәрілік заттарға әсері

P-гликопротеин немесе басқа тасымалдаушылар тасымалдайтын заттар

Руксолитиниб ішекте P-гликопротеин мен сүт безі обырының резистенттілігі ақуызының (СБОРА) белсенділігін бәсеңдетуі мүмкін. Бұл дабигатран этексилаты, циклоспорин, розувастатин және мүмкін дигоксин сияқты осы тасымалдаушылардың субстраттарының жүйелік әсерінің жоғарылауына әкелуі мүмкін. Емдік дәрілік мониторингті (ЕДМ) немесе әсер ететін субстраттардың клиникалық мониторингін жүзеге асыру ұсынылады.

Егер препараттарды қабылдау арасындағы уақыт аралығы мүмкіндігінше ұзақ болса, ішекте Р-гликопротеин мен СБОРА ықтимал басылуын барынша азайтуға болады.

Зерттеу көрсеткендей, руксолитиниб мидазоламның CYP3A4 пероральді субстратының метаболизмін баспаған. Осыны ескере отырып, CYP3A4 субстраттарының әсерін олар руксолитинибпен бір мезгілде қабылдаған кезде ешқандай ұлғайту көзделмейді. Тағы бір зерттеу көрсеткендей, руксолитиниб құрамында этинил эстрадиол мен левоноргестрел бар пероральді контрацептивтің фармакокинетикасына әсер еткен жоқ. Демек, руксолитиниб бір мезгілде қолданған кезде осы біріктірілімнің контрацептивтік әсерін азайтады деп күтілмейді.

Арнайы сақтандырулар

Қосымша заттар

Джакави препаратының құрамында лактоза бар. Лактоза жақпаушылығының тұқым қуалайтын проблемалары, лактаза тапшылығы және глюкоза-галактоза мальабсорбциясы бар пациенттерге осы дәрілік препаратты қабылдамаған жөн.

Бұл дәрілік препараттың құрамында бір таблеткаға шаққанда 1 ммоль аз натрий (23 мг) бар, яғни құрамында натрий жоқ деуге болады.

Жүктілік немесе лактация кезеңінде

Джакави® препаратын жүкті әйелдердің қолдануы туралы деректер жоқ.

Сақтандыру шарасы ретінде Джакави® препаратын жүктілік кезінде қолдану ұсынылмайды.

Бала туу жасындағы әйелдер Джакави® препаратымен емделу кезінде контрацепцияның тиімді тәсілдерін пайдалануы тиіс. Джакави® препаратымен емдеу кезінде жүктілік басталған жағдайда шарана үшін ықтимал қауіпке қатысты мұқият кеңес бере отырып, қауіп/пайда туралы жеке бағалау жүргізу қажет.

Джакави® препараты бала емізу кезеңінде қолданылмауы тиіс, сондықтан егер емдеу басталса, бала емізуді тоқтату керек. Руксолитиниб және/немесе оның метаболиттері емшек сүтіне бөлінетіні, не бөлінбейтіні белгісіз. Емшектегі сәби үшін қаупі жоққа шығарылмайды. Руксолитинибтің адамдардың репродуктивті функциясына әсері туралы деректер жоқ.

Препараттың көлік құралдарын немесе қауіптілігі зор механизмдерді  басқару қабілетіне әсер ету ерекшеліктері

Джакави® препараты седативті әсер етпейді немесе өте аз әсер етеді. Дегенмен, Джакави® препаратын қабылдағаннан кейін бас айналуды бастан кешіретін пациенттер көлік құралдарын басқарудан немесе басқа механизмдермен жұмыс істеуден бас тартқан жөн.

Қосымша заттар

Джакави препаратының құрамында лактоза бар. Лактоза жақпаушылығының тұқым қуалайтын проблемалары, лактаза тапшылығы және глюкоза-галактоза мальабсорбциясы бар пациенттерге осы дәрілік препаратты қабылдамаған жөн.

Бұл дәрілік препараттың құрамында бір таблеткаға шаққанда 1 ммоль аз натрий (23 мг) бар, яғни құрамында натрий жоқ деуге болады.

Жүктілік немесе лактация кезеңінде

Джакави® препаратын жүкті әйелдердің қолдануы туралы деректер жоқ.

Сақтандыру шарасы ретінде Джакави® препаратын жүктілік кезінде қолдану ұсынылмайды.

Бала туу жасындағы әйелдер Джакави® препаратымен емделу кезінде контрацепцияның тиімді тәсілдерін пайдалануы тиіс. Джакави® препаратымен емдеу кезінде жүктілік басталған жағдайда шарана үшін ықтимал қауіпке қатысты мұқият кеңес бере отырып, қауіп/пайда туралы жеке бағалау жүргізу қажет.

Джакави® препараты бала емізу кезеңінде қолданылмауы тиіс, сондықтан егер емдеу басталса, бала емізуді тоқтату керек. Руксолитиниб және/немесе оның метаболиттері емшек сүтіне бөлінетіні, не бөлінбейтіні белгісіз. Емшектегі сәби үшін қаупі жоққа шығарылмайды. Руксолитинибтің адамдардың репродуктивті функциясына әсері туралы деректер жоқ.

Препараттың көлік құралдарын немесе қауіптілігі зор механизмдерді  басқару қабілетіне әсер ету ерекшеліктері

Джакави® препараты седативті әсер етпейді немесе өте аз әсер етеді. Дегенмен, Джакави® препаратын қабылдағаннан кейін бас айналуды бастан кешіретін пациенттер көлік құралдарын басқарудан немесе басқа механизмдермен жұмыс істеуден бас тартқан жөн.

Джакави® препаратымен емдеуді бастағанға дейін қандағы лейкоциттердің дифференциалды есептеуін қоса, жалпы қан талдауын жүргізген жөн.

Қандағы лейкоциттердің дифференциалды есептеуін қоса, жалпы қан талдауының көрсеткіштерін Джакави® препаратының тиісті дозасы таңдалғанға дейін, одан әрі клиникалық көрсеткіштер бойынша әрбір 2-4 апта сайын бақылау қажет.

Дозалау режимі

Бастапқы доза

Миелофиброзды (МФ) емдеу үшін Джакави® препаратының ұсынылатын бастапқы дозасы тромбоциттер саны тәуелді болады (1 кестені қараңыз):

1 кесте Миелофиброз кезіндегі бастапқы доза

Джакави® препаратының артық дозалануы кезінде антидот белгісіз. 200 мг-ге дейінгі бір реттік дозаларды қолданған кезде қолайлы қысқа мерзімді төзімділік байқалды. Ұсынылған бірнеше дозадан асып кету лейкопенияны, анемияны және тромбоцитопенияны қоса, миелосупрессия деңгейінің жоғарылауымен байланысты болды. Мұндай жағдайларда тиісті демеуші ем қолданылады.

Гемодиализ жүргізу организмнен руксолитинибтің шығарылуын жеделдетеді деп күтілмейді.

Дәрілік препараттың бір немесе бірнеше дозасын өткізіп алған кезде қажетті шаралар

Препараттың кезекті дозасын қабылдауды өткізіп алған жағдайда пациент қосымша доза қабылдамауы және келесі дозаны әдеттегі жазылған уақытында қабылдауы керек.

Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар

Джакави® препаратымен емдеуді ісікке қарсы препараттарды қолдану тәжірибесі бар дәрігер ғана тағайындауы тиіс.

14 таблеткадан мөлдір түссіз ламинацияланған поливинилхлорид/полихлортрифторэтилен пластик үлбірінен және баспалы лакталған алюминий фольгадан жасалған пішінді ұяшықты қаптамаға салады.

4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

25 С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!