Актобе қаласындағы Эзиклен Бөтелкесі 176 Мл №2 | Бофур Ипсен

Бір құтының ішінде

белсенді заттар: сусыз натрий сульфаты - 17,510г, магний сульфаты гептагидраты – 3,276 г, калий сульфаты – 3,130 г

қосымша заттар: натрий бензоаты (Е211), сусыз лимон қышқылы, алма қышқылы, сукралоза, жемісті коктейль хош иістендіргіші*

*хош иістендіргіштің құрамы: табиғи және синтетикалық хош иістендіргіштер, пропиленгликоль (Е1520), этил спирті, сірке қышқылы, бензой қышқылы (Е210).

Сыртқы түрінің, иісінің, дәмінің сипаттамасы

Жеміс қоспасының иісі бар мөлдір немесе сәл бұлыңғырлау сұйықтық

Эзиклен® 18 жастан асқан ересектерде қолдануға арналған.

- ішекте ішіндегісінің болмауын талап ететін кез келген медициналық емшараны жүргізу алдында ересек пациенттерде ішекті тазарту (мысалы, эндоскопиялық және радиологиялық зерттеу кезінде немесе хирургиялық араласулар алдында ішекті көруге).

Эзиклен® препараты іш қатуды емдеу үшін қолданылмайды

- әсер етуші заттарға немесе қосымша заттардың кез келгеніне аса жоғары сезімталдық

- іркілісті жүрек жеткіліксіздігі

- сусыздану- жедел фазадағы ішек жолының қабынуы сияқты, Крон ауруы мен ойық жаралы колитті қоса алғанда, жалпы жай-күйдің ауыр бұзылулары

- жедел аппендицит сияқты іш қуысының жедел хирургиялық аурулары

- туындауына бейім немесе асқазан-ішек обструкциясы стенозы бар немесе пациенттерге

- асқазан-ішек жолының тесілуі немесе тесілуіне күдіктену

-асқазанның босауының бұзылуы (мысалы, гастропарез, гастростаз)

- ішек бітелісінің пайда болуына бейім немесе ішек бітелуі бар пациенттерге

- уытты колит немесе уытты мегаколон

- профузды құсу

- асцит

- бүйректің ауыр жеткіліксіздігі (КФ < 30 мл/мин / 1,73 м2)

- жүктілік, емшекпен қоректендіру кезеңі

- 18 жасқа дейінгі балалар

Электролиттік бұзылыстар және дегидратация:

- Ауыр электролиттік бұзылыстардың ықтимал қаупін ескере отырып, қаупі жоғары топтың пациенттеріне Эзиклен® препаратын пайдаланардан бұрын пайда/қауіп арақатынасын мұқият қарастыру қажет. Препаратты тағайындар алдында оны тағайындаудың қарсы көрсетілімдері жоққа шығарылуы тиіс. Талапқа сай гидратацияны демеудің маңыздылығын қоса, сақтандырудың арнайы шараларын қолдануға ерекше назар аудару керек.

- Барлық пациенттерге Эзиклен® препаратын қабылдауға дейін, қабылдау кезінде және одан кейін талапқа сай гидратацияны ұстап түру қажеттігі туралы ескертілуі тиіс. Егер препаратты қабылдаудан кейін пациентте лақылдатып құсу немесе дегидратация белгілері дамитын болса, су-электролиттік теңгерімнің бұзылуымен байланысты күрделі асқынулар (құрысулар және жүрек аритмиясы сияқты) қаупін болдырмас үшін регидратация бойынша шаралар қолданылуы тиіс. Сонымен қоса, жоспарланған емшара алдында зертханалық талдаулар (электролиттер, креатинин және қандағы мочевина азоты) жүргізу мүмкіндігін ескерген жөн. Пациенттерге гидратацияның тиісті деңгейін ұстап тұруға қажетті болуы ықтимал судың немесе мөлдір сұйықтықтардың қосымша мөлшерін қабылдау ұсынылады.

Қауіп тобының пациенттері:

- Әлсізденіп жүдеген пациенттерге, егде жастағы пациенттерге, бүйрек, бауыр немесе жүрек функциясының клиникалық елеулі бұзылулары бар пациенттерге, сондай-ақ электролиттік бұзылулардың даму қаупі бар пациенттерге дәрігер препаратты қолдануға дейін және одан кейін электролиттерін зерттеу және функционалдық бүйрек сынамаларын жүргізу мүмкіндігін қарастыруы тиіс.

- Дегидратация немесе электролиттік бұзылуы препаратты ішекті тазалау үшін қолдану басталғанға дейін түзетілуі тиіс. Сонымен қоса, препаратты патологиялық жағдайдағы пациенттерге немесе су-электролиттік теңгерімнің бұзылуы (гипонатриемия және гипокалиемияны қоса) пайда болу қаупін жоғарылататын дәрілік заттарды қабылдайтын пациенттерге пайдаланғанда аса сақтық танытқан жөн, өйткені мұндай жағдайда ықтимал асқынулар қаупі артуы мүмкін. Бұл пациенттерге тиісінше мониторинг жүргізу қажет.

- Электролиттік теңгерімсіздік салдарынан пайда болуы мүмкін QT аралығы ұзаруының теориялық қаупі бар.

Препаратты мына пациенттерге сақтықпен қолдану керек:

- Құсу рефлексі бұзылған және регургитация немесе аспирацияға бейім пациенттер. Мұндай пациенттер препаратты ішекті тазалауға қолданған кезеңде бақылауда болулары тиіс.

- Асқазан-ішек жолы моторикасының төмендеуімен байланысты бұзылыстары немесе анамнезде асқазан-ішек жолы гипокинезиясына бейімділікке әкелген жағдайлар немесе хирургиялық араласулары бар пациенттерде.

Гиперурикемия:

- Эзиклен препаратын қабылдау несеп қышқылы мөлшерінің өтпелі жеңіл немесе орташа жоғарылауын туындатуы мүмкін. Несеп қышқылы деңгейінің жоғарылау мүмкіндігі анамнезде подагра көріністері немесе гиперурикемиясы бар пациенттерге препарат тағайындалғанға дейін ескерілуі тиіс.

Ишемиялық колит

Осмостық іш жүргізетін дәрілер жуан ішектің шырышты қабығының афтозды жараларын тудыруы мүмкін. Ишемиялық колиттің ауруханаға жатқызуды қажет ететін ауыр жағдайлары туралы хабарланды. Демек, бұл диагнозды Эзиклен® препаратын қабылдағаннан кейін прокторрагиямен немесе онсыз іштің ауыруы пайда болған жағдайда қарастырған жөн.

Қосымша ақпарат:

- Осы дәрілік заттың құрамында 1 құтыда 247,2 ммоль (немесе 5,683 г) натрий бар. Бұл деректі натрийді бақылаумен тұтынатын диета ұстанып жүрген пациенттерге қатысты ескеру қажет.

- Осы дәрілік заттың құрамында 1 құтыда 35,9 ммоль (немесе 1,405 г) калий бар. Бұл деректі бүйрек функциясы төмендеген пациенттерге немесе калийді бақылаумен тұтынатын диета ұстанып жүрген пациенттерге қатысты ескеру қажет.

Ішке қабылдайды.

Ішекті тиісінше тазалау үшін Эзиклен® препаратының екі құтысын қабылдау қажет болады. Қабылдар алдында әрбір құтының ішіндегісін қоса берілетін тостағанның көмегімен 0,5 л жуық тостағанның жалпы көлеміне дейін сумен сұйылтады, қабылдағаннан кейін 2 сағат ішінде қосымша 1 литр су немесе мөлдір сұйықтық ішу керек.

Рұқсат етілетін мөлдір сұйықтықтар: су, шай немесе кофе (сүтсіз, немесе сүтті емес кілегейсіз), газдалған (көмірқышқыл газымен байытылған) немесе газдалмаған алкогольсіз сусындар, сүзілген жеміс жұмсағынсыз шырындар (қызыл немесе күлгін түсті шырындардан басқа), мөлдір сорпалар немесе қатты ингредиенттері сүзіліп алынған көжелер болып табылады.

Жалпы алғанда, емшара жүргізу алдында ішекті тазалауға қажетті ішке қабылданған сұйықтық көлемі шамамен 3 литрді құрайды.

Препаратты бөлшектеп қолдану режимінде (екі күнде қабылдау: бірінші құты емшара алдында кешке, ал екіншісі – келесі күні таңертең қабылданады), немесе бір реттік қолдану режимінде (бір күнде қабылдау) қабылдауға болады. Эзиклен препаратын дозалаудың қолайлы режимін дәрігер белгілейді.

Тағайындалған емшара уақыты мүмкіндік берсе, бір күнде бір реттік қабылдау режиміне қарағанда, бөлшектеп қолдану режимі дұрыс болады. Бір күнде бір реттік қабылдау режимі препаратты қолданудың ықтималдығы зор баламалы режимі болып табылады.

Артық дозалану немесе дұрыс қолданбау жағдайында (мысалы, сұйылтылмаған препаратты қабылдау және/немесе су жеткіліксіз мөлшерде қабылдау), жүрек айну, құсу, диарея және электролиттік бұзылулар туындауы мүмкін. Әдетте консервативті шаралар жеткілікті болып табылады; пероральді регидратациялық ем қолдану қажет. Сирек жағдайларда артық дозалану венаішілік регидратация қолдануды қажет ететін ауыр метаболизмдік бұзылуды туындатады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады.

176 мл жуық концентрат сыйымдылығы 180 мл, балалардың байқаусызда ашуынан қорғалған, тығыздығы жоғары полиэтиленнен жасалған бұрандалы қақпағы бар янтарь түсті полиэтилентерефталаттан жасалған құтыға салынған. Концентраты бар екі құты және препаратты сұйылтуға және қабылдауға арналған көлемі шамамен 500 мл бір полипропилен тостаған медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

30 °С-ден аспайтын температурада түпнұсқалық қаптамада сақтау керек.

Балалардың қолы жетпейтін жерде сақтау керек!

3 жыл.

Препарат құтыны ашқаннан және/немесе сумен сұйылтылғаннан кейін дереу пайдаланылуы тиіс.

Жарамдылық мерзімі өткеннен кейін қолдануға болмайды!