Актобе қаласындағы Неофен Тік Ішек Суппозиторийлері 60 Мг №10 | БЕЛУПО, лекарства и косметика

Бір суппозиторийдің құрамында

белсенді зат – 60 мг ибупрофен;

қосымша зат – қатты май.

- суық тиюге, тұмауға қатысты, сондай-ақ енгізілген вакцинаға байланысты реакцияға туындаған қызбаны қоса алғанда, температураны төмендету үшін;

- тістің шығуы кезіндегі, тіс ауыру, бас ауыру, буындарды созып алғанда және шығып кеткендегі ауырсынуды, сондай-ақ суық тию және тұмаумен байланысты баспа ауыруы кезінде байқалатын ауырсынуды және құлақтағы ауыруды жеңілдету үшін жеңіл дәрежеден орташа дәрежедегі ауыруды жеңілдетуде.

Препарат дене салмағы 6-дан 12 кг-ға дейінгі (шамамен 3 айдан 2 жасқа дейінгі) балаларда қолдануға арналған.

- белсенді затқа немесе кез келген қосымша заттарға жоғары сезімталдық кезінде;

- ацетилсалицил қышқылына немесе демікпе, ринит, бронхоспазм, ангионевроздық ісіну, есекжем түрінде көрінетін басқа да қабынуға қарсы стероидты емес препараттарға белгілі аса жоғары сезімталдығы бар пациенттерге;

- белсенді қайталанатын ойық жара ауруы/қан кету немесе қайталанатын ойық жара ауруы/анамнезінде қан кету болған (ойық жараның немесе қан кетудің дәлелденген екі немесе одан да көп жеке эпизодтары) пациенттерге;

- анамнезінде ҚҚСП-ның алдыңғы терапиясына байланысты асқазан-ішектен қан кеткен немесе перфорациясы бар пациенттерге;

- жүрек функциясының ауыр жеткіліксіздігі (NYHA бойынша IV класс), бауыр/бүйрек функциясының ауыр жеткіліксіздігі бар пациенттерге;

- ми қанайналымы бұзылған немесе басқа да белсенді қан кетулері бар пациенттерге;

- қан ұюдың түсініксіз бұзылыстары бар пациенттерге;

- құсудан, диареядан немесе сұйықтықты жеткіліксіз ішкеннен туындаған ауыр дегидратациясы бар пациенттерге;

- жүктіліктің соңғы триместріндегі жүкті әйелдерге;

- дене салмағы 6 кг-нан кем (3 айдан кіші) балаларға.

Симптомдарды жеңілдету үшін ең аз тиімді дозаны ықтимал уақыт кезеңі ішінде қолданылуы тиіс. Егер сізде инфекция болса, қызба және ауырсыну сияқты белгілер сақталса немесе нашарласа, дереу дәрігерге қаралыңыз ("Арнайы ескертулер" бөліміндегі "Инфекциялар"тақырыбын қараңыз).

Қабынуға қарсы стероидты емес басқа препараттармен (ҚҚСП) бірге, циклооксигеназа-2 селективті тежегіштерін қоса қолданбау қажет.

Ибупрофенді келесі препараттармен біріктірілімде қолданбау керек:

Ацетилсалицил қышқылы

Ибупрофен мен ацетилсалицил қышқылын бір мезгілде қабылдау, әдетте, жағымсыз әсерлердің күшеюіне байланысты тағайындалмайды.

Ибупрофенді бір мезгілде қолданған кезде тромбоциттер агрегациясына ацетилсалицил қышқылының төмен дозаларының әсер етуін бәсекелес тежеуі мүмкін екендігін көрсетеді. Ибупрофенді тұрақты ұзақ уақыт қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екендігін жоққа шығармау керек. Клиникалық маңызды әсер ибупрофенді кездейсоқ қолданғанда екіталай деп саналады.

Циклооксигеназа-2 селективті тежегіштерін қоса алғанда, басқа ҚҚСП-мен бірге

Екі немесе одан да көп ҚҚСП бір мезгілде қолданбау керек, өйткені бұл жағымсыз реакциялардың пайда болу қаупін арттыруы мүмкін.

Ибупрофенді мынадай препараттармен біріктірілімінде сақтықпен қолдану керек:

Кортикостероидтар

Асқазан-ішек жолдарынан қан кету және ойық жаралардың пайда болу қаупі артуы мүмкін.

Антигипертензиялық препараттар (АӨФ тежегіштері және ангиотензин II антагонистері) және диуретиктер

ҚҚСП осы топтардағы препараттардың әсерін бәсеңдетуі мүмкін. Диуретиктер ҚҚСП нефроуыттылығы қаупін жоғарлатуы мүмкін.

Бүйрек функциясы бұзылған кейбір пациенттерде (мысалы, дегидратациясы бар пациенттерда немесе бүйрек функциясы бұзылған егде пациенттерда) АӨФ тежегішін (ангиотензин-өзгертуші фермент) немесе ангиотензин II антагонисін бір мезгілде қолдану бүйрек функциясын әдетте бүйрек функциясының қайтымды мүмкін болатын жедел жеткіліксіздігін қоса алғанда, одан әрі нашарлатуы мүмкін. Сондықтан біріктірілімді әсіресе қарт адамдарға сақтықпен тағайындау керек.

Пациенттер сұйықтықты жеткілікті мөлшерде ішуі тиіс, қатарлас ем басталғаннан кейін және одан кейін бүйрек функциясын мониторингілеуге мезгіл-мезгіл көңіл бөлу керек. Ибупрофен мен калий жинақтаушы диуретиктерді немесе АӨФ тежегіштерін бір мезгілде қабылдау гиперкалиемияны туындатуы мүмкін. Калий деңгейін мұқият бақылау қажет.

Пероральды антикоагулянттар (варфарин)

ҚҚСП варфарин сияқты антикоагулянттармен бір мезгілде қолданғанда қан кету қаупін арттыруы мүмкін. Кейбір жағдайларда ибупрофен мен антикоагулянттардың өзара әрекеттесуі туралы хабарланды.

Серотонинді кері қармау селективті тежегіштері (СКҚСТ) және антитромбоцитарлық препараттар

ҚҚСП-мен бір мезгілде қолданғанда асқазан-ішек жолынан қан кетудің, сондай-ақ бассүйек ішіне қан құйылудың даму қаупі жоғары екендігі байқалады.

Жүрек гликозидтері

ҚҚСП жүрек функциясының жеткіліксіздігін өршітеді, ШСЖ (шумақтық сүзілу жылдамдығын) азайтуы және плазмадағы жүрек гликозидтерінің деңгейін (мысалы, дигоксин) арттыруы мүмкін. Сарысудағы дигоксин деңгейін бақылау ұсынылады.

Литий

Ибупрофенді литиймен бір мезгілде қабылдау литийдің уыттылығын туындатуы мүмкін. Сарысудағы литий деңгейін бақылау, литий дозасын түзету және пациенттен литий уыттылығының ықтимал белгілерін бақылау талап етіледі.

Метотрексат

ҚҚСП метотрексат клиренсін төмендетуі мүмкін және метотрексаттың уыттылығын (лейкопения, тромбоцитопения, анемия, нефроуыттылық, шырышты қабықтардың жаралануы) туындатуы мүмкін. Бүйрек функциясы нашар пациенттерде қауіп артады. Әдетте, ҚҚСП-ны метотрексаттың жоғары дозаларын қабылдағаннан кейін 10 күн ішінде қолданбау керек.

Метотрексаттың төмен дозаларымен қолданған кезде, әсіресе бүйрек функциясы бұзылған пациенттерде өзара әрекеттесудің ықтимал қаупін де ескеру керек.

Егер бір мезгілде қолдану қажет болса, уыттылықтың ықтимал белгілерін қадағалау керек.

Циклоспорин, такролимус

Осы препараттармен ҚҚСП-ны қолданған кезде, әсіресе дегидратациясы бар пациенттерде нефроуыттылық қаупі жоғары болуы мүмкін. Бүйрек функциясын мониторингтеу қажет.

Мифепристон

Дәрілік заттың тиімділігінің төмендеуі ҚҚСП-ның антипростагландиндік қасиеттеріне, оның ішінде ацетилсалицил қышқылына байланысты теориялық тұрғыдан болуы мүмкін. Шектелген деректер простагландинді енгізген күні ҚҚСП-ны бір мезгілде қолдану мифепристонның немесе простагландиннің жатыр мойнының жетілуіне немесе жатырдың жиырылуына теріс әсер етпейтінін және жүктілікті дәрі-дәрмекпен үзудің клиникалық тиімділігін төмендетпейтіндігін куәландырады.

Зидовудин

Зидовудинмен бірге ҚҚСП-ны қабылдаған кезде гематологиялық уыттылық қаупі артады. Зидовудинмен және ибупрофенмен бір мезгілде ем алатын гемофилиямен АИТВ(+) инфекциясын жұқтырған пациенттерде гемартроздар мен гематоманың жоғары даму қаупі туралы деректер бар.

Хинолонды антибиотиктер

ҚҚСП және хинолондарды қабылдайтын пациенттерде құрысудың даму қаупі жоғары болуы мүмкін.

CYP2C9 тежегіштері

Ибупрофен мен CYP2C9 тежегіштерін бір мезгілде қабылдау ибупрофен әсерін айтарлықтай арттыруы мүмкін (CYP2C9 субстраты). Ибупрофен дозасын азайтуды CYP2C9 күшті тежегіштерін бір мезгілде тағайындағанда, әсіресе ибупрофеннің жоғары дозалары вориконазолмен немесе флуконазолмен енгізілгенде қарастырған жөн.

Сульфонилмочевина

ҚҚСП сульфонилмочевина препараттарының әсерін күшейтуі мүмкін. Сульфонилмочевина және ибупрофен препараттарын қабылдайтын пациенттерде гипогликемия туралы сирек хабарламалар болды. Бір мезгілде қабылдаған кезде қандағы глюкоза деңгейін бақылау ұсынылады.

Холестирамин

Ибупрофен мен холестираминді бір мезгілде қабылдау ибупрофеннің асқазан-ішек жолдарында абсорбциясын нашарлатуы мүмкін. Алайда клиникалық мәні белгісіз.

Аминогликозидтер

ҚҚСП аминогликозидтердің экскрециясын нашарлатуы мүмкін.

Фенитоин

Ибупрофенмен бір мезгілде қабылдау сарысудағы фенитоин деңгейін арттыруы мүмкін.

Пробенецид және сульфинпиразон

Құрамында пробенецид немесе сульфинпиразон бар дәрілік препараттар ибупрофеннің шығарылуын кідіртуі мүмкін.

Өсімдік препараттары

Гинкго билоба ҚҚСП бірге қан кету қаупін күшейтуі мүмкін.

Алкоголь

Ибупрофенді асқазан-ішек жолдары тарапынан, қан кетуді қоса алғанда, елеулі жағымсыз реакциялар қаупінің жоғарылауына байланысты созылмалы алкоголиктерге (аптасына 14-тен 20-ға дейін немесе одан көп сусынды) пайдаланбау керек.

Егде жастағы пациенттер

Егде адамдарда ҚҚСП жағымсыз реакциялардың, әсіресе асқазан-ішек жолдарынан қан кетудің және перфорациялануының жиілігі жоғары, тіпті өлімге әкелуі мүмкін

Қарт адамдарға ҚҚСП-ны ұзақ пайдалануға болмайды. Егер ұзақ терапия қажет болса, пациенттер үнемі тексерілуі тиіс.

Ерекше сақтықты келесі ауруларға шалдыққан пациенттер сақтау қажет:

- жүйелі қызылжегі

- порфирия

- асқазан-ішек аурулары (ойық жаралы колит, Крон ауруы)

- артериялық гипертензия немесе анамнезінде ҚҚСП қолдануға байланысты жүрек функциясының жеткіліксіздігі

- бауыр мен бүйрек функциясының бұзылуы

- күрделі хирургиялық араласулардан кейін

- пішен қызбасы, мұрын полиптері немесе тыныс алу жолдарының созылмалы обструкциялық аурулары, демікпе ұстамалары (аналгезиялық демікпе деп аталатын), Квинке ісінуі немесе есекжем сияқты көрінуі мүмкін аллергиялық реакциялардың жоғары даму қаупі бар болғандықтан.

- анамнезінде басқа заттарға аллергиялық реакциясы бар

Жүйелі қызыл жегі және дәнекер тінінің аралас аурулары

Асептикалық менингиттің даму қаупі жоғары.

Асқазан-ішек жолынан қан кету, ойық жаралардың пайда болуы мен перфорация

Ас қорыту жүйесінен қан кету, ойық жаралардың пайда болуы мен перфорация кез келген уақытта ҚҚСП қолданған кезде алдын алу симптомдармен немесе симптомдарсыз анамнез деректеріне қарамастан байқалуы мүмкін.

Асқазан-ішек жолынан қан кету, ойық жаралардың және перфорацияның пайда болу қаупі ҚҚСП дозасын арттырғанда, анамнезінде ойық жарасы бар, әсіресе асқынған қан кету немесе перфорациясы бар пациенттерде және қарттарда артады. Бұл пациенттерге емдеуді ең төмен дозадан бастау керек.

Қорғаныш дәрілермен (мысалы, протондық помпа тежегіштерімен немесе мизопростолмен) жүргізілетін біріктірілімді ем осы пациенттер үшін, сондай-ақ ацетилсалицил қышқылының немесе АІЖ үшін қатерді арттыруы мүмкін басқа да препараттардың төменгі дозасын қатарлас қабылдауды қажет ететін пациенттер үшін қарастырулы тиіс.

Анамнезінде АІЖ-ға дәрілердің уытты әсері бар пациенттер, әсіресе егде адамдар кез келген ерекше абдоминалдық симптомдар (әсіресе асқазан-ішек жолынан қан кету) туралы, әсіресе емдеудің бастапқы кезеңдерінде хабарлауы тиіс.

Ойық жаралардың немесе қан кетудің даму қаупін арттыруы мүмкін қатарлас препараттарды, мысалы, варфарин, серотонинді кері қармаудың селективті тежегіштері немесе ацетилсалицил қышқылы сияқты антитромбоцитті препараттары сияқты пероральді кортикостероидтарды, антикоагулянттарды қабылдаған пациенттер сақтықпен қабылдау керек.

Ибупрофен алатын пациенттерде асқазан-ішек жолынан қан кеткенде немесе ойықжара пайда болғанда емдеуді тоқтату керек.

ҚҚСП анамнезінде асқазан-ішек ауруларымен ауыратын (ойық жаралы колит, Крон ауруы) пациенттерге сақтықпен қабылдау керек, өйткені олардың жағдайы асқынуы мүмкін.

Жүрек-қантамыр жүйесіне және ми қанайналымына әсері

Анамнезінде гипертензиясы және/немесе жүрек функциясының жеткіліксіздігі бар пациенттерге емдеу басталар алдында сақтық танытқан жөн, өйткені ҚҚСП қолданған кезде сұйықтықтың іркілуі, гипертензия және ісіну дамуы мүмкін.

Клиникалық зерттеулер нәтижелері ибупрофенді, әсіресе жоғары дозада (тәулігіне 2400 мг) қолдану және ұзақ емдеуде артериялық тромбоз асқынуларының (миокард инфарктісі немесе инсульт) пайда болу қаупінің шамалы артуымен байланысты болуы мүмкін екендігін көрсетеді. Алайда, зерттеулердің нәтижелері ибупрофеннің төмен дозаларын (мысалы, тәулігіне ≤1200 мг) миокард инфарктісі қаупінің жоғарылауымен байланыстырмайды.

Бақыланбайтын артериялық гипертензияға шалдыққан, жүректің ишемиялық ауруымен анықталған, жүрек функциясының іркілістік жеткіліксіздігі бар (NYHA II-III), перифериялық артериялар ауруларына және/немесе цереброваскулярлы ауруларға шалдыққан пациенттер ибупрофенді мұқият тексеруден өткеннен кейін және жоғары дозаларын қабылдамай (2400 мг/күніне) ғана қолдануы тиіс.

Сондай-ақ жүрек-қантамыр оқиғаларының қауіп факторлары бар (мысалы, гипертензия, гиперлипидемия, қантты диабет, шылым шегу) пациенттерде ұзақ емдеуді бастау туралы мәселені, әсіресе ибупрофеннің жоғары дозасы (2400 мг/күн) қажет болса, мұқият қарастыру керек.

Бүйрек функциясының жеткіліксіздігі бар пациенттерге сақ болу қажет, өйткені бүйрек функциясы нашарлауы мүмкін. Сусызданған кезде балалар мен жасөспірімдердің бүйрек функциясы жеткіліксіздігінің даму қаупі бар.

Бауыр функциясы бұзылған пациенттер сақ болу қажет, себебі бауыр дисфункциясы күшеюі мүмкін.

ҚҚСП тромбоциттер функциясына әсер етуі мүмкін болғандықтан, оларды идиопатиялық тромбоцитопениялық пурпурпурасы бар (ИТП), бассүйек ішіне қан құйылған және геморрагиялық диатезі бар пациенттерге сақтықпен пайдалану керек.

Бас ауырғанда ауырсынуды басатын дәрілердің кез келген түрін ұзақ пайдалану ауырсынуды күшейтеді. Егер бұл орын алса немесе оған күдік болса, дәрігерге жүгіну керек, емдеуді тоқтату керек. "Дәрі-дәрмектерді шамадан тыс пайдаланғаннан туындаған бас ауыру" диагнозын басы жиі немесе күнделікті ауыратын пациенттерден күдіктенуі керек, бірақ (немесе сол себепті) олар үнемі бас ауыруын басатын препараттарды қабылдайды.

Терінің күрделі реакциялары

Терінің күрделі реакциялары, олардың кейбірі өліммен аяқталатын реакциялары, соның ішінде эксфолиативті дерматит, Стивенс-Джонсон синдромы және уытты эпидермалық некролиз, ҚҚСП-ны қолдануға байланысты өте сирек тіркеледі.

Бәлкім, пациенттер емнің ерте сатысында осы реакциялардың ең жоғары қауіп-қатеріне ұшырайды, реакциялар көп жағдайда емдеудің бірінші айы ішінде пайда болады. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланған. Ибупрофенді қолдануды тері бөртпелері, шырышты қабықтың зақымдануы немесе аса жоғары сезімталдықтың кез келген басқа да белгілері сияқты терінің күрделі реакцияларының белгілері мен симптомдары алғаш пайда болған кезде тоқтату керек.

Желшешекпен ауыратын пациенттерге ҚҚСП қолдану терінің инфекциялы-қабынбалы аурулары мен теріасты шелмайы қабатының (мысалы, некрозданатын фасциит) ауыр іріңді асқынуларының даму қаупінің артуымен байланысты болуы мүмкін. Осыған байланысты препаратты желшешекпен ауырғанда қолданбау ұсынылады.

Кейбір деректер циклооксигеназаның/простагландиннің синтезін тежейтін препараттар овуляцияға әсер ете отырып, әйелдердің ұрпақ өрбіту қабілетін нашарлатуы мүмкін. Бұл әсер емдеуді тоқтатқаннан кейін қайтады.

Бронх демікпесімен, созылмалы ринитпен, синуситпен ауыратын немесе мұрын полипі бар немесе аллергиялық аурумен ауыратын немесе анамнезінде осы аталғандар бар пациенттерге ибупрофенді қолдану бронхоспазмды туындатуы мүмкін.

Артқы өтісі немесе тік ішегі бұзылған пациенттерді емдегенде сақ болу қажет.

Инфекциялар

Ибупрофен қызба және ауырсыну сияқты инфекциялардың белгілерін жасыруы мүмкін. Сондықтан Неофен препараты инфекцияға қарсы тиісті емнің уақытында басталуын кейінге қалдыруы ықтимал, бұл асқыну қаупінің артуына әкелуі мүмкін. Бұл бактериялар тудырған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.

Педиатрияда қолдану

3 айға дейінгі балаларға қолдануға болмайды.

Дене салмағы 6.0 кг кем балаларға қолдануға болмайды.

Жүктілік немесе лактация кезінде

Простагландин синтезін тежеу жүктіліктің және/немесе эмбрионның/шарананың дамуына теріс әсер етуі мүмкін. Эпидемиологиялық деректер жүктіліктің ерте мерзімінде простагландин синтезінің тежегішін қолданғаннан кейін түсік тастау және жүрек ақауларының, гастрошизистің даму қаупін көрсетеді. Жүрек-қантамыр жүйесі аномалиясының абсолюттік дозаның артуына және емнің ұзақтығына қарай өседі.

Жүктіліктің бірінші және екінші триместрінде айқын қажеттілік жағдайларын қоспағанда ибупрофенді қолдануға болмайды. Егер ибупрофенді жүкті болуды қалайтын әйел немесе жүктіліктің бірінші және екінші триместрі кезінде қолданса доза ең төмен, ал емдеу ұзақтығы мүмкіндігінше қысқа болуы тиіс.

Жүктіліктің үшінші триместрінде ибупрофенді қолдануға болмайды, өйткені простагландиндер синтезінің тежелуі шаранаға келесі әсерлер туындатуы мүмкін:

- Жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен байқалатын);

Олигогидроамниозбен байқалатын бүйрек функциясының жеткіліксіздігіне дейін үдеуі мүмкін бүйрек дисфункциясы.

Жүктіліктің соңында ибупрофен келесі әсерді туындатуы мүмкін:

Антиагрегантты әсерге байланысты ана мен жаңа туған нәрестеде қан кетуге бейімділіктің жоғарылауы, ол тіпті өте төмен дозаларда да дамуы мүмкін;

Жатырдың жиырылуының тежелуі, оның салдарынан әйел мезгілінен кеш босанады немесе ұзақ толғатады.

Демек, ибупрофен жүктіліктің үшінші триместрінде тағайындалмайды.

Бала емізу

Ибупрофен және оның метаболиттері өте төмен концентрацияда емшек сүтінде пайда болады. Емшек емізетін балаға жағымсыз әсерлер туралы хабарламалар болған жоқ. Сондықтан ұсынылатын дозаларда ауырсыну мен қызбаны қысқамерзімді емдегенде емшекпен емізуді тоқтатпау керек.

Дозалану режимі

Неофен суппозиторийі тек 3 айлық жастан бастап және одан жоғары дене салмағы 6,0 кг кем емес балаларға қолдану керек.

Жағымсыз реакцияларды мейлінше азайту үшін қажетті ең аз кезең ішінде ең төменгі тиімді дозаны қолдана отырып, барынша азайтуға болады.

3 айдан 2 жасқа дейінгі балалар

Ауырсыну және қызба

Ең жоғары бір реттік доза кг дене салмағына 10 мг ибупрофеннен аспауы тиіс. Дозалау аралығы 6 сағаттан кем болмауы тиіс.

Ең жоғары жалпы тәуліктік доза 20-30 мг/кг дене салмағына 3-4 бір реттік дозада қолданғанда құрайды. Доза баланың дене салмағының негізінде есептелуі тиіс.

5 суппозиторийден поливинилхлорид үлбірден және полиэтиленнен жасалған пішінді ұяшықсыз қаптамаға салынады.

2 пішінді қаптамадан қазақ және орыс тілдеріндегі медициналық қолдану жөніндегі нұсқаулықпен бірге картон қорапшаға салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

18 ай.

Жарамдылық мерзімі өткеннен кейін қолдануға болмайды!