Актобе қаласындағы Пантоспей Кесте 20 Мг №28 | Laboratorios Normon S.A.

Пантоспей препараты ересектердегі рефлюкс симптомдарын (мысалы, қыжыл, қышқыл кекіру) қысқа мерзімді емдеу үшін қолданылады.

белсенді затқа немесе препараттың қосымша заттарының кез келгеніне жоғары сезімталдық

биожетімділігінің едәуір төмендеуінің арқасында сіңірілуі қышқылды асқазанішілік рН байланысты болатын АИТВ протеаза тежегіштерімен бір мезгілде қолдану, мысалы, атазанавир, нелфинавир

18 жасқа дейінгі балалар мен жасөспірімдер

жүктілік және лактация кезеңі.

Қолданған кездегі қажетті сақтық шаралары

Мына жағдайда емдеуші дәрігерге қаралу керек:

-дене салмағының әдейілеп емес төмендеуінің, анемияның, асқазан-ішектен қан кетудің, дисфагияның, қайтымсыз құсу немесе қан аралас құсудың дамуы, өйткені бұл жағдайда Пантоспей препаратын қолдану симптомдарды жеңілдетіп, ауыр аурулардың диагнозын кешіктіруі мүмкін. Мұндай жағдайларда қатерлі процестерді жоққа шығару керек;
- бұрын асқазан ойық жарасының немесе асқазан-ішек жолында операцияның болуы;
- төрт немесе одан да көп апта бойы ас қорыту бұзылыстарын (диспепсия) немесе қыжылды үздіксіз симптоматикалық емдеу;
- сарғаюдың, бауыр жеткіліксіздігінің немесе бауыр ауруларының болуы;
- жалпы әл-ауқатқа әсер ететін басқа да күрделі аурулардың болуы;
- егер 55 жастан асқан пациентте симптомдардың өзгеруі немесе жаңаларының пайда болуы байқалса.

Ұзақ уақыт бойы ас қорыту бұзылыстарының немесе қыжылдың қайталанатын симптомдарынан зардап шегетін пациенттерді дәрігер үнемі бақылап отыруы керек.

55 жастан асқан пациенттер өзінің дәрігеріне және фармацевтке қыжыл мен ас қорыту бұзылыстарының симптомдарын жою үшін қандай да бір рецептурасыз препараттарды күнделікті қабылдау фактісі туралы хабарлау өте маңызды.

Препаратты протонды помпаның басқа тежегішімен (ППТ) немесе H2- рецепторлардың блокаторымен бір уақытта қабылдауға болмайды.

Егер эндоскопия немесе уреазды тыныс алу тестісін жүргізу жоспарланған болса, Пантоспей препаратын қабылдауды бастағанға дейін дәрігермен кеңесу керек.

Пантопразол таблеткаларын қолдану симптомдарды дереу жеңілдетуге арналмағанын есте ұстаған жөн.

Симптомдардың айқындылығы пантопразолмен емдеуден шамамен бір тәуліктен кейін төмендей бастауы мүмкін, бірақ қыжылды толығымен басу үшін 7 күнге дейін уақыт қажет болуы мүмкін. Симптомдардың профилактикасы үшін пантопразолды қабылдауға болмайды.

Бактериялардан туындаған асқазан-ішек инфекциялары: қандай да бір себептермен дамыған асқазан ортасының қышқылдығының төмендеуі - соның ішінде пантопразолды қолдану кезінде – асқазан-ішек жолдарында қалыпта болатын асқазан бактерияларының көбеюіне ықпал етеді.

Пантопразолмен емдеу Salmonella және Campylobacter немесе Clostridium Difficile сияқты бактериялар тудыратын асқазан-ішек инфекцияларының сәл жоғарылау қаупіне әкелуі мүмкін.

Терінің ауыр жағымсыз реакциялары (SCAR)

Пантопразолды қолдану кезінде мультиформалы эритеманы, Стивенс-Джонсон синдромын (СДС), уытты эпидермальді некролизді (УЭН) және эозинофилиямен және жүйелік симптомдармен (DRESS- синдром) дәрілік реакцияны қоса, терінің ауыр жағымсыз реакцияларының (SCAR) өте сирек жағдайлары тіркелді, олар өмірге қауіп төндіруі және кейбір жағдайларда өлімге әкелуі мүмкін. Пациенттерге белгілер мен симптомдар туралы хабарлау керек және тері реакцияларын мұқият бақылау керек.

Көрсетілген белгілер мен симптомдар пайда болған кезде, препаратты қабылдауды дереу тоқтатып, дәрігерге қаралу керек.

Терідегі жеделге жуық қызыл жегі (ТЖЖҚЖ): протонды сорғы тежегіштерін қолдану ТЖЖҚЖ өте сирек жағдайларымен байланысты. Патологиялық өзгерістер пайда болған жағдайда, әсіресе күн сәулесінің әсеріне ұшыраған тері аумақтарында және артралгия қосылған жағдайда (бір немесе бірнеше буындарда бір мезгілде пайда болатын буынның ауыруын анықтау) пациент дереу медициналық көмекке жүгінуі керек, ал медицина қызметкері препаратты тоқтатудың орындылығын бағалауы керек. Протонды сорғы тежегіштерімен алдыңғы емдеуден кейін ТЖЖҚЖ басқа протонды сорғы тежегіштерін қолданған кезде ТЖЖҚЖ қаупін арттыруы мүмкін.

Зертханалық зерттеулердің нәтижелеріне әсері: тез ұлғайып келе жатқан (нейроэндокриндік) ісіктерге тексеру жүргізген кезде Пантоспей препаратымен емдеуді тексеру жүргізілгенге дейін кемінде 5 күн бұрын тоқтату керек және кейде Пантоспей препаратының тексеру көрсеткіштеріне әсеріне байланысты оларды пантопразолмен емдеуді тоқтатқаннан кейін 14 күннен кейін қайталауға тура келеді.

Келесі қосымша қауіптер ұзақ уақыт қолданғанда маңызды болып саналады: Пантоспей препараты тек қысқа мерзімді қолдануға арналған (4 аптаға дейін).

Пациенттерге препаратты ұзақ уақыт қолданған кезде қосымша қауіптер туралы ескерту керек және нұсқауларды сақтау және үнемі бақылау қажеттілігін атап өту керек.

В 12 дәруменінің сіңуіне әсері: тұз қышқылының секрециясын тежейтін барлық препараттар сияқты пантопразол гипохлогидрия (асқазанда тұз қышқылының азаюы) немесе ахлоргидрия (асқазан қуысында бос тұз қышқылының болмауы) салдарынан В 12 дәруменінің (цианокобаламин) сіңуін төмендетуі мүмкін. Бұны В 12 дәрумені тапшылығы бар немесе ұзақ мерзімді емдеу кезінде В 12 дәруменінің сіңуінің төмендеу қауіп факторлары бар пациенттерде немесе тиісті клиникалық симптомдар болғанда ескеру керек.

Жамбас, білезік және омыртқа сынықтарының даму қаупі: протонды сорғы тежегіштері, әсіресе жоғары дозаларда және пантопразолмен ұзақ уақыт емдегенде (1 жылдан астам), негізінен егде жастағы адамдарда немесе басқа қауіп факторлары болған кезде жамбас, білезік және омыртқаның сыну қаупін орташа арттыруы мүмкін. Пантоспей препаратын ұзақ уақыт қолданған кезде остеопороздың даму қаупі бар пациенттер D дәрумені мен кальцийді жеткілікті мөлшерде қабылдауы керек.

Магний деңгейінің төмендеуі (гипомагниемия): пантопразол тобының препараттарын кем дегенде 3 ай, көбінесе бір жыл бойы қабылдаған пациенттерде қажу, тетания (минералды заттардың тапшылығынан туындаған және аяқ-қол, дыбыс байламдарының бұлшықеттерінің, беттің шайнау және мимикалық бұлшықеттерінің ауырсынуымен көрініс беретін жағдай) сияқты күрделі көріністермен қандағы магний деңгейінің айқын төмендеуі (ауыр гипомагниемия), сананың бұлыңғырлануымен, зейін қоюдың, қабылдаудың, ойлаудың, эмоциялардың (делирий) бұзылуымен психикалық бұзылыстар, құрысулар, бас айналу және жүрек ырғағының бұзылуы (қарыншалық аритмия) байқалды, олар білінбей пайда болуы мүмкін және уақтылы танылмауы мүмкін.

Гипомагниемия гипокальциемияға (кальций деңгейінің төмендеуі) және/немесе гипокалиемияға (калий деңгейінің төмендеуі) әкелуі мүмкін. Гипомагниемиядан (гипокальциемиямен және/немесе гипокалиемиямен байланысты) зардап шегетін пациенттердің көпшілігінде магниймен орын басушы терапиядан кейін немесе протонды сорғы тежегіштерімен емдеуді тоқтатқаннан кейін жағдай жақсарды.

Ұзақ мерзімді ем жүргізу болжанатын немесе протонды сорғы тежегіштерін дигоксинмен немесе қандағы магний деңгейінің төмендеуін тудыратын дәрілермен (мысалы, несеп айдайтын) бірге қабылдайтын пациенттер үшін медицина қызметкерлері емдеуді бастамас бұрын және емдеу кезінде мезгіл-мезгіл қандағы магний деңгейін өлшеу қажеттілігін қарастыруы керек.

Асқазанның рН-на тәуелді сіңірілетін дәрілік заттар: Пантоспей препараты кейбір дәрілік заттардың, мысалы, кетоконазол сияқты зеңге қарсы препараттардың сіңуін төмендетуі мүмкін.

АИТВ протеаза тежегіштері (атазанавир, нелфинавир): пантопразолды сіңуі асқазанның қышқылдық рН-на байланысты болатын атазанавир, нелфинавир сияқты АИТВ протеаза тежегіштерімен бірге олардың биожетімділігінің айтарлықтай төмендеуіне байланысты қолдануға болмайды.

Қанның ұюын төмендететін препараттар (кумариндік антикоагулянттар - фенпрокумон және варфарин): клиникалық зерттеулер барысында фенпрокумон немесе варфарин бір мезгілде тағайындалған кезде қандай да бір өзара әрекеттесу байқалмады. Қатар жүретін емдеу кезінде Халықаралық Қалыптасқан Қатынастың (ХҚҚ) өзгеруінің бірнеше бірлі-жарым жағдайлары туралы хабарланды. Сондықтан қан ұюын төмендететін препараттармен (варфарин, фенпрокумон) ем қабылдайтын пациенттерге Пантоспей препаратын қабылдауды бастағаннан кейін, емдеуді аяқтағаннан кейін немесе Пантоспей препаратын тұрақты емес қолдану кезінде протромбин уақытын/ХҚҚ бақылауды жүргізу ұсынылады.

Метотрексат: Пантоспей препараты метотрексаттың (обыр немесе псориазды емдеуге арналған препарат) әсерін күшейтуі мүмкін, сондықтан метотрексаттың үлкен дозаларын (мысалы, 300 мг) тағайындаған кезде дәрігер Пантоспей препаратын қабылдауды уақытша тоқтата алады.

Басқа өзара әрекеттесу зерттеулері: өзара әрекеттесу зерттеулері пантопразолдың карбамазепинмен, кофеинмен, диазепаммен, диклофенакпен, дигоксинмен, этанолмен, глибенкламидпен, метапрололмен, напроксенмен, нифедипинмен, фенитоинмен, пироксикаммен, теофиллинмен және құрамында левоноргестрел мен этинилэстрадиол бар оральді контрацептивтермен клиникалық маңызды өзара әрекеттесуін анықтаған жоқ. Алайда, пантопразолдың сол ферменттік жүйемен метаболизденетін басқа заттармен өзара әрекеттесуін жоққа шығаруға болмайды. Антацидтермен бір мезгілде қолданған кезде өзара әрекеттесу анықталған жоқ (тұз қышқылын бейтараптандыру арқылы асқазан сөлінің қышқылдығын төмендететін препараттар).

Зертханалық зерттеулермен өзара әрекеттесуі

Пантопразолды қоса, протонды сорғы тежегіштерін қабылдайтын пациенттерде тетрагидроканнабинолға (ТГКН) несептің кейбір скринингтік тесттерінің жалған оң нәтижелері туралы хабарламалар бар.

Оң нәтижелерді растау үшін баламалы растау талдауын қарастыру керек.

Дозалау режимі

Пантоспей препаратын осы нұсқаулықта (қосымша парақта) сипатталғандай немесе сіздің емдеуші дәрігеріңіз тағайындағандай қабылдаңыз.

Ұсынылатын доза күніне 20 мг Пантоспей препаратының бір таблеткасын құрайды.

Симптомдарды басу үшін таблеткаларды 2-3 күн ішінде қолдану қажет болуы мүмкін. Симптомдар толығымен жойылғаннан кейін емдеуді тоқтату керек.

Емдеуді емдеуші дәрігердің кеңесінсіз 4 аптадан артық жалғастыруға болмайды.

Егер үздіксіз 2 апта емдеу ішінде жақсару байқалмаса, Сізге дәрігерге қаралу қажет.

Пациенттердің ерекше топтары

Балалар: Пантоспей препараты қауіпсіздік пен тиімділік бойынша деректердің болмауына байланысты 18 жасқа толмаған балалар мен жасөспірімдерге ұсынылмайды.

Егде жастағы пациенттер: дозаны түзету қажет емес.

Бауыр жеткіліксіздігі бар пациенттер: бауыр функциясы бұзылған пациенттерде дозаны түзету қажет емес.

Бүйрек жеткіліксіздігі бар пациенттер: бүйрек функциясы бұзылған пациенттерге дозаны түзету қажет емес.

Енгізу әдісі мен жолы

Ішке қабылдау үшін.

Пантоспей таблеткаларын тұтастай жұту керек, оларды шайнауға немесе ұнтақтауға болмайды. Тамақтанар алдында, жеткілікті мөлшердегі сұйықтықпен қабылдау керек.

Артық дозаланған жағдайда қабылдануы тиіс шаралар

Симптомдары: белгісіз.

Емі: симптоматикалық, демеуші ем. Пантоспей препаратының гемодиализбен шығарылуы қиын.

Тоқтату симптомдары қаупінің болуын көрсету

Қатысты емес.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар

Пантоспей препаратын қолдану дәрігердің тағайындауы бойынша жүргізілуі керек.

7 таблеткадан алюминий - полиамид/алюминий/поливинилхлоридті фольгадан жасалған пішінді ұяшықты қаптамаға салынған.

4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл 6 ай

Жарамдылық мерзімі өткеннен кейін қолдануға болмайды