Актобе қаласындағы Транексам Көктамыр Ішіне Енгізуге Арналған Ерітінді 50мг/мл 5мл №10 | Московский эндокринный завод Ф

Транексам қышқылы ересектер мен бір жастан асқан балаларда гиперфибринолиздің жүйелі және жергілікті бұзылыстарындағы қан кетулердің профилактикасы және оны емдеу үшін.

Қолдану көрсетілімдері мыналарды қамтиды:

жергілікті немесе жайылған гиперфибринолизбен байланысты қан кетулер, мысалы,

меноррагия және метроррагия,

асқазан-ішектен қан кету,

несеп шығару жолдарының ауруларында, простата безіне немесе несеп шығару жолдарына хирургиялық араласу кезінде қан кету;

құлақ, тамақ және мұрын аймағына жедел араласу (аденотомия, тонзиллэктомия, тістің экстракциясы);

гинекологиялық операциялар және акушерлік қан кетулер;

кеуде қуысы мен іш қуысы аумағындағы операциялар, сондай-ақ басқа да ірі операциялық араласулар, оның ішінде кардиологиялық операциялар және тамырлардағы операциялар;

фибринолитикалық ем жүргізу кезеңіндегі қан кету.

транексам қышқылына немесе қосымша заттардың кез келгеніне аса жоғары сезімталдық.

жедел веналық немесе артериялық тромбоз

диссеминацияланған тамырішілік қан ұю синдромымен байланысты гиперфибринолитикалық жағдайлар, жедел қатты қан кетумен фибринолитикалық жүйенің активациясы басым жағдайларды қоспағанда

ауыр бүйрек жеткіліксіздігі (жинақталу қаупі)

анамнездегі құрысулар

интратекальді, қарыншаішілік енгізу, интрацеребральді қолдану (мидың ісіну және құрысулар қаупі)

1 жасқа дейінгі балалар

Өзара әрекеттесу бойынша арнайы зерттеулер жүргізілген жоқ.

Транексам қышқылын антикоагулянттармен бір мезгілде қолдану осы салада тәжірибесі бар дәрігердің қатаң бақылауымен ғана мүмкін болады.

Гемостазға әсер ететін дәрілік препараттарды транексам қышқылын қабылдайтын пациенттерде сақтықпен қолдану керек. Атап айтқанда, эстрогендермен бір мезгілде қолданғанда тромбоздың пайда болу қаупі теориялық тұрғыдан жоғарылайды.

Транексам қышқылының антифибринолитикалық әсерін фибринолитикалық (тромболитикалық) препараттармен бейтараптандыруға болады.

Арнайы ескертулер

Педиатрияда қолдану

Препарат 1 жастан асқан балаларда қолданылады. Балаларда препаратты қолданудың тиімділігі, дозалау режимі және қауіпсіздігі туралы шектеулі деректер бар. Кардиохирургиялық араласуларға ұшыраған балаларда транексам қышқылын қолданудың тиімділігі, дозалау режимі және қауіпсіздігі толық анықталмаған.

Бала туу жасындағы әйелдер

Бала туу жасындағы әйелдер препаратпен емдеу кезеңінде контрацепцияның тиімді әдістерін қолдануы тиіс.

Жүктілік немесе лактация кезеңі

Жүкті әйелдерде транексам қышқылын қолдану тәжірибесі жоқ немесе өте шектеулі. Демек, клиникаға дейінгі зерттеулерде транексам қышқылы тератогендік әсер көрсетпесе де, сақтық шарасы ретінде препаратты жүктіліктің бірінші триместрінде қолдану ұсынылмайды. Жүктіліктің екінші және үшінші триместрінде әртүрлі қан кетулерге транексам қышқылын қолдану туралы шектеулі клиникалық дәлелдер шаранаға жағымсыз әсер етпеді. Транексам® дәрілік препаратын жүктілік кезінде, егер күтілетін пайда ықтимал қауіпті ақтайтын болса, өте қажет болған жағдайда ғана қолдану керек.

Транексам қышқылы емшек сүтіне өтеді, сондықтан Транексам® препаратын емізетін аналарға қолдану ұсынылмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Транексам қышқылының көлік жүргізу және механизмдермен жұмыс істеу қабілетіне әсерін зерттеу жүргізілген жоқ.

5 мл препараттан маркасы НС-3 немесе импорттық бейтарап шыны ампулаға салады.

5 ампуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!