Астане қаласындағы Апонил Таблеткалары 100 Мг №30 | Медохеми Лтд

- жедел ауыруды емдеуде

- ауыру синдромы бар остеоартритті симптоматикалық емдеуде

- бастапқы дисменореяда

- нимесулидке немесе қосымша заттардың кез келгеніне аса жоғары сезімталдық

- ацетилсалицил қышқылын немесе басқа да стероид емес қабынуға қарсы препараттарды (ҚҚСП) қабылдауға бронх түйілу, ринит, есекжем, мұрын полиптері түріндегі аса жоғары сезімталдықтың көріністері

- анамнезінде нимесулидке гепатоуыттылық реакциялары

- әлеуетті гепатоуыттылығы бар басқа заттарды қатар қабылдағанда

- алкоголизм, есірткіге тәуелділікте

- ҚҚСП алдағы өткен емнен туындаған анамнездегі асқазан-ішектен қан кету немесе тесілу

- анамнезінде белсенді немесе қайталанатын ойық жара ауруы/қан кету (екі немесе одан да көп эпизодтар)

- анамнезінде цереброваскулярлық қан кетулер, басқа локализациядағы қан құйылулар, сондай-ақ қан кетулерімен қатар жүретін аурулары бар болғанда (оның ішінде ҚҚСП қабылдаумен байланысты)

- қан ұюдың  ауыр бұзылуында

- жүректің ауыр жеткіліксіздігі

- бүйректің ауыр жеткіліксіздігінде (креатинин клиренсі 30  мл/мин)

- бауыр жеткіліксіздігінде

-  суық тию немесе тұмау симптомдарының болуы

- жүктілік және лактация кезеңінде тұқым қуалайтын  фруктоза жақпаушылығында, глюкоза-галактоза мальабсорбциясы, сахараза-изомальтаза жеткіліксіздігінде

- 18 жасқа дейінгі балалар мен жасөспірімдер

- жүктілік және лактация кезеңі.

Қабынуға қарсы дозаларда (бір реттік доза түрінде≥ 1 г немесе жалпы тәуліктік доза түрінде ≥ 3 г) ацетилсалицил қышқылын қоса, нимесулидті және басқа ҚҚСП бір мезгілде қолдану ұсынылмайды.

Құрамында нимесулид бар препараттарды кортикостероидтармен, антитромбоциттік препараттармен және серотонинді қайта қармаудың селективті тежегіштерімен бір мезгілде қабылдау асқазан-ішек жарасының немесе қан кетудің даму қаупін арттырады.

Варфаринді немесе ұқсас антикоагулянттарды, сондай-ақ ацетилсалицил қышқылын қолданатын пациенттерде нимесулидпен бір мезгілде қолданғанда қан кету дамуының жоғары қаупі бар, сондықтан мұндай комбинация ұсынылмайды, ал қан ұюының бұзылуының ауыр түрлерінде ол қарсы болып табылады. Егер мұндай комбинацияны болдырмау мүмкін болмаса, қанның ұю жүйесінің жағдайын үнемі бақылау қажет.

Нимесулид диуретиктер мен антигипертензивті препараттардың әсерін төмендетуі мүмкін. Бүйрек функциясы бұзылған кейбір пациенттерде нимесулид пен АКФ тежегіштерін, ангиотензин II антагонистерін немесе циклооксигеназа жүйесін басатын заттарды бір мезгілде тағайындағанда бүйрек функциясының нашарлауы және әдетте қайтымды болатын жедел бүйрек жеткіліксіздігінің дамуы мүмкін. Бұл препараттарды бір мезгілде сақтықпен қабылдау керек, әсіресе егде жастағы пациенттерге. Пациенттер сұйықтықтың жеткілікті мөлшерін алуы тиіс, ал бүйрек функциясын біріктірілген ем басталғаннан кейін мұқият бақылау керек.

Нимесулид фуросемидтің диуретикалық әсерін және натрийдің, аз дәрежеде калийдің шығарылуын уақытша төмендетуі мүмкін, сондықтан бүйрек немесе жүрек функциялары бұзылған пациенттерге Апонил препараты пен фуросемидті бір мезгілде қолданған кезде ерекше сақ болу керек.

Нимесулид литийдің шығарылуын азайтуы мүмкін, бұл қан плазмасындағы литий деңгейінің жоғарылауына және оның уыттылығына әкеледі, сондықтан литийді Апонил препаратымен бір мезгілде қолданғанда қандағы литий деңгейін жиі бақылау қажет.

Глибенкламидпен, теофиллинмен, варфаринмен, дигоксинмен, циметидинмен және антацидті препараттармен бір мезгілде қолданғанда клиникалық тұрғыдан елеулі өзара әрекеттесулер байқалған жоқ.

Нимесулид CYP2C9 ферменттік жүйесінің белсенділігін бәсеңдетеді. Осы ферменттің субстраты болып табылатын препараттарды нимесулидпен бір мезгілде қабылдаған кезде осы препараттардың плазмадағы концентрациясы жоғарылауы мүмкін.

Метотрексатты қабылдағанға дейін кем дегенде 24 сағат ішінде немесе қабылдағаннан кейін кем дегенде 24 сағаттан соң Апонил препаратын тағайындау кезінде сақ болу қажет, өйткені қан плазмасындағы метотраксаттың деңгейі, соған сәйкес оның уытты әсерлері күшейе түсуі мүмкін.

Циклоспоринмен бір мезгілде қолданғанда олардың бүйрекке уытты әсері артуы мүмкін.

Зерттеулер нимесулидтің толбутамидпен, салицил және вальпрой қышқылымен байланысу орындарынан ығысатынын көрсетті. Алайда, оның плазмадағы деңгейіне ықтимал әсер етуіне қарамастан, осы өзара әрекеттесулердің клиникалық маңыздылығы анықталған жоқ.

Апонил препаратымен емдеу кезінде гепатоуытты әсері бар препараттармен бір мезгілде қолданудан, сондай-ақ алкогольді теріс пайдаланудан аулақ болу керек, өйткені бұл заттар бауыр тарапынан жағымсыз реакциялардың даму қаупін арттыруы мүмкін.

Кортикостероидтармен бір мезгілде қолданғанда асқазан-ішек жолының қан кетуінің/ойық жарасының даму қаупінің жоғарылауы байқалады.

Арнайы ескертулер

Жағымсыз әсерлердің даму қаупін төмендету үшін препаратты емдеу курсының ең аз ұзақтығымен ең аз тиімді дозада қолдану қажет. Препарат ыстықты басатын дәрі ретінде ұсынылмайды. Дене температурасының жоғарылауы және тұмауға ұқсас симптомдар пайда болған кезде Апонил препаратын қабылдауды тоқтату қажет.

Егер препаратты қабылдағаннан кейін жағдайы жақсармаса, емдеуді тоқтатып емдеуші дәрігерге қаралу қажет.

Егде жастағы пациенттерде жүрек, бауыр және бүйрек функциясының бұзылуы жиі байқалады, оларда ҚҚСП қабылдауға қолайсыз реакциялардың даму жиілігі (әсіресе, асқазан-ішек қан кетулері, ойық жаралар және тесулер) жоғары, бұл кейбір жағдайларда өлімге әкелуі мүмкін, сондықтан мұндай пациенттерге дәрігерге қаралу ұсынылады.

Жүрек-қантамыр жүйесіне әсері: анамнезінде артериялық гипертензиясы бар немесе Апонил препаратын қолдану кезінде жеңіл немесе орташа айқын дәрежедегі іркілісті жүрек жеткіліксіздігі бар пациенттерде сұйықтықтың іркілуі және ісіну болуы мүмкін.

Кейбір ҚҚСП (әсіресе жоғары дозалар және ұзақ уақыт) пайдалану артериялық тромбоздың (мысалы, миокард инфарктісі немесе инсульт) шамалы жоғары қаупін беретіндігі туралы деректер бар. Апонил препараты үшін мұндай қауіпті болдырмау үшін деректер жеткіліксіз. Бақыланбайтын артериялық гипертензиясы, жүректің ишемиялық ауруы, шеткері артериялар ауруы және/немесе цереброваскулярлық ауруы белгіленген жүректің жедел жеткіліксіздігі бар пациенттерге Апонил препаратын пайда/қауіп арақатынасын мұқият бағалағаннан кейін тағайындау керек. Осындай тәсіл жүрек-қантамыр ауруларының (мысалы, артериялық гипертензия, гиперлипидемия, қант диабеті және темекі шегу) қауіп факторлары бар пациенттерді ұзақ емдеуді бастар алдында қажет.

Нимесулид тромбоциттер қызметіне әсер етуі мүмкін болғандықтан, Апонил препаратын геморрагиялық диатезі бар пациенттерге сақтықпен тағайындау керек. Жүрек-қантамыр ауруларын алдын алу үшін Апонил препараты ацетилсалицил қышқылын алмастырмауы керек.

Асқазан-ішек жолына әсері: асқазан-ішектен қан кету, ойық жаралану/тесілу (кейде өліммен аяқталатын) емдеу кезеңінде кез келген уақытта, алдын алу симптомдарының пайда болуымен немесе оларсыз дамуы мүмкін. Анамнезінде асқазан-ішек жолы тарапынан осындай эпизодтардың болуына байланысты емес. Жағымсыз әсерлер пайда болған жағдайда, Апонил препаратымен емдеуді шұғыл тоқтатып, емдеуші дәрігерге қаралу қажет.

Анамнезінде пептикалық ойық жараның, асқазан-ішектен қан кетудің, ойық жаралы колиттің немесе Крон ауруының болуын қоса, асқазан-ішек бұзылулары бар пациенттерде апонилді қолданбаған жөн, өйткені бұл аурулар өршуі мүмкін.

Асқазан-ішектен қан кетудің, ойық жараның немесе ойық жараның тесілуінің даму қаупі ҚҚСП дозасының ұлғаюымен, сондай-ақ анамнезінде ойық жара болған кезде (әсіресе, қан кетумен немесе тесілумен асқынған), сондай-ақ егде жастағы адамдарда жоғарылайды.

Ойық жараның немесе қан кетудің даму қаупін арттыруы мүмкін препараттарды бір мезгілде қабылдайтын пациенттер, мысалы, пероральді кортикостероидтар, Варфарин сияқты антикоагулянттар, серотонинді қайта қармаудың селективті тежегіштері немесе аспирин сияқты антитромбоцитарлық дәрілер препаратты қабылдау кезінде сақтықты сақтау қажеттілігі туралы хабардар етілуі тиіс.

Мұндай пациенттерді емдеуді ең аз тиімді дозадан бастаған жөн және қажет болған жағдайда қорғаныш қасиеттері бар дәрілік препараттармен (мысалы, мизопростолмен, Протон помпасының тежегіштерімен) біріктірілген ем тағайындау мүмкіндігін қарастыру керек.

Асқазан-ішек жолының уытты зақымдануы бар пациенттер, әсіресе егде жастағы адамдар, асқазан-ішек жолы аумағында туындайтын кез келген ерекше симптомдар туралы (әсіресе, асқазан-ішектен қан кетулер туралы) хабарлауы тиіс. Бұл бастапқы емдеу сатысында өте маңызды.

Бауырға әсері: бауыр функциясының айқын бұзылулары бар пациенттерде Апонил препаратының метаболизмі бұзылуы, организмде препараттың жинақталуымен оның шығарылуы төмендеуі мүмкін. Сондай-ақ, құрамында нимесулид бар препараттарды қабылдау аясында бауыр функциясының орташа ауырдан ауырға дейін, оның ішінде өліммен аяқталғандары туралы хабарламалар бар. Осылайша, Апонил препаратын бауыр патологиясы бар пациенттерге қолдану ұсынылмайды.

Апонил препаратын қабылдайтын пациенттерде бауырдың зақымдануын көрсететін симптомдар (мысалы, анорексия, жүрек айну, құсу, іштің ауыруы, қатты қажу, қара несеп) немесе бауырдың функционалдық сынамаларының аномальді нәтижелері пайда болған кезде препаратты тоқтату керек (бұл пациенттерге нимесулид препараттарын одан әрі тағайындау ұсынылмайды). Бауырдың зақымдануы туралы хабарланды (көп жағдайда қайтымды), тіпті препараттың қысқа мерзімді әсерінен кейін.

Апонил препаратымен емдеу кезінде бауырға уытты әсер ететін препараттарды, басқа анальгетиктерді, басқа ҚҚСП бір мезгілде қолданудан және алкогольді тұтынудан аулақ болу ұсынылады.

Егер Апонил препаратын қолдану кезеңінде тұмауға немесе суық тиюге ұқсас симптомдар дамыса, препаратты қабылдауды тоқтатып, дәрігерге қаралу қажет.

Бүйрек жеткіліксіздігі бар пациенттерде қолдану: бүйрек жеткіліксіздігі және жүрек ауруы бар пациенттерде Апонил препаратын қолданған кезде сақ болу керек, өйткені нимесулид бүйрек функциясының нашарлауына әкелуі мүмкін. Ауру асқынған жағдайда емдеуді тоқтату қажет.

Тері аллергиялық реакциялары: ҚҚСП-ға терінің ауыр реакцияларының өте сирек жағдайлары туралы деректер бар, олардың кейбіреулері қауіпті болуы мүмкін (мысалы, эксфолиативтік дерматит, Стивенс-Джонсон синдромы, уытты эпидермальді некролиз). Пациенттер емдеудің басында, көбінесе емдеудің бірінші айында осы реакциялардың даму қаупіне көбірек ұшырайды. Апонилді тері бөртпесінің, шырышты қабықтың зақымдануының және аллергиялық реакцияның басқа белгілерінің алғашқы белгілерінде тоқтату керек.

Нимесулидті қолданғанда бекітілген дәрілік бөртпе (БДБ) жағдайлары хабарланды.

Нимесулидті нимесулидтің анамнезіне байланысты БДБ бар емделушілерге қайта тағайындауға болмайды («Жағымсыз реакциялар» бөлімін қараңыз).

Қосымша заттар: Апонил препаратының құрамында лактоза бар, сондықтан оны галактозаға жақпаушылықтың сирек тұқым қуалайтын бұзылулары, Lapp-лактоза тапшылығы немесе глюкоза-галактоза мальабсорбциясы бар пациенттерге тағайындауға болмайды.

Егде жастағы пациенттер: егде жастағы пациенттер әсіресе ҚҚСП жағымсыз әсерлеріне, оның ішінде асқазан-ішектен қан кетулерге және тесілулерге, өлімге әкелуі мүмкін бүйрек функциясының, жүрек және бауыр функциясының бұзылуына бейім, сондықтан олар дәрігердің белсенді бақылауын қажет етеді.

Әйелдердің фертильділігіне әсері: Нимесулидті қолдану әйелдің фертильділігін төмендетуі мүмкін және жүктілікті жоспарлау кезінде ұсынылмайды. Жүкті бола алмайтын немесе бедеулікке күдігі бар әйелдерде Апонил препаратын қабылдауды тоқтату мүмкіндігін қарастыру қажет

Педиатрияда қолдану: 18 жасқа дейінгі балалар мен жасөспірімдерде қолданылмайды.

Жүктілік немесе лактация кезінде: Апонил препаратын қолдану жүктіліктің соңғы триместрінде қолдануға болмайды. Апонил препаратын басқа ҚҚСП сияқты қолдану жүкті болуға тырысатын әйелдерге ұсынылмайды.

ҚҚСП қолдану жүктілікке немесе шарананың дамуына теріс әсер етуі мүмкін. Препаратты жүктіліктің ерте кезеңінде қолданғаннан кейін, зерттеу нәтижелері түсік тастау, жүрек ақаулары және алдыңғы іш қабырғасының жоғарылау қаупін көрсетеді. Дозаның жоғарылауымен және емдеу ұзақтығымен қауіп жоғарылайды деп саналады. Апонил препаратын жүкті әйелдерде қолдану туралы жеткілікті деректер жоқ.

Егер Апонил препаратын жүкті болуға тырысқан немесе жүктіліктің бірінші немесе екінші триместріндегі әйел қабылдаса, дозасы мен емдеу ұзақтығы мүмкіндігінше төмен болуы тиіс.

Жүктіліктің үшінші триместрінде простагландин синтезінің барлық тежегіштері ұрықта пайда болуы мүмкін:

жүрек-өкпе уыттылығы (артериялық түтіктің мерзімінен бұрын жабылуымен және өкпе артериясы жүйесіндегі гипертензиямен);

су аздығымен болатын бүйрек жеткіліксіздігіне дейін үдеуі мүмкін бүйрек функциясының бұзылуын.

Жүктіліктің соңында анада және балада: қан кету уақытының ұзаруы мүмкін, тіпті өте төмен дозаларды қолданғанда; жатырдың жиырылу қызметінің бәсеңдеуі, босану ұзақтығының кідіруіне немесе ұзаруына әкеледі, сондықтан Апонил препаратын жүктіліктің үшінші триместрінде қолдануға болмайды.

Бала емізу: Апонил препараты емшек сүтімен шығарылатыны белгісіз, сондықтан оны бала емізетін аналарға қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Нимесулидтің көлік жүргізу немесе механизмдермен жұмыс істеу қабілетіне әсерін зерттейтін зерттеулер жүргізілмеген. Алайда Апонил препаратын қабылдағаннан кейін бас айналуы және ұйқышылдық дамитын пациенттер автомобильді басқарудан немесе қозғалмалы механизмдермен жұмыс жүргізуден бас тартуы керек.

Қолдану жөніндегі нұсқаулар

Дозалау режимі

Ересектерге: ішке тәулігіне 1 таблеткадан (100 мг) 2 рет. Ересектер үшін ең жоғары тәуліктік доза - 200 мг.

Енгізу әдісі мен жолы

Таблеткаларды жеткілікті мөлшерде сумен тамақтан кейін қабылдайды.

Емдеу ұзақтығы

Емдеу курсының ұзақтығы 5 күннен аспауы тиіс.

Артық дозаланған жағдайда қабылдануы тиіс шаралар

Жедел артық дозалану симптомдары: летаргия, ұйқышылдық, жүрек айнуы, құсу, эпигастрий аймағындағы ауырсыну. Демеуші ем жүргізген кезде бұл симптомдар әдетте қайтымды болады. Асқазан-ішектен қан кетудің дамуы мүмкін, сирек жағдайларда қан қысымының жоғарылауы, жедел бүйрек жеткіліксіздігі, тыныс алу депрессиясы және кома. ҚҚСП емдік дозаларын қабылдау кезінде және олардың артық дозалануы кезінде анафилактоидты реакциялардың дамуы туралы хабарламалар бар.

Емі: асқазанды шаю, белсендірілген көмірді қабылдау, осмостық іш жүргізетін дәрілер, қажет болған жағдайда симптоматикалық ем тағайындалады. Бауыр мен бүйрек қызметін бақылау керек. Спецификалық антидоты жоқ. Қан ақуыздарымен айқын байланысуына байланысты (97,5% дейін) диализ тиімді емес. Мәжбүрлі диурез, несептің сілтіленуі, гемодиализ немесе гемоперфузия препаратты қан ақуыздарымен байланыстырудың жоғары деңгейінің салдарынан тиімсіз болуы мүмкін.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

Дозалау режимі

Ересектерге: ішке тәулігіне 1 таблеткадан (100 мг) 2 рет. Ересектер үшін ең жоғары тәуліктік доза - 200 мг.

Енгізу әдісі мен жолы

Таблеткаларды жеткілікті мөлшерде сумен тамақтан кейін қабылдайды.

Емдеу ұзақтығы

Емдеу курсының ұзақтығы 5 күннен аспауы тиіс.

Артық дозаланған жағдайда қабылдануы тиіс шаралар

Жедел артық дозалану симптомдары: летаргия, ұйқышылдық, жүрек айнуы, құсу, эпигастрий аймағындағы ауырсыну. Демеуші ем жүргізген кезде бұл симптомдар әдетте қайтымды болады. Асқазан-ішектен қан кетудің дамуы мүмкін, сирек жағдайларда қан қысымының жоғарылауы, жедел бүйрек жеткіліксіздігі, тыныс алу депрессиясы және кома. ҚҚСП емдік дозаларын қабылдау кезінде және олардың артық дозалануы кезінде анафилактоидты реакциялардың дамуы туралы хабарламалар бар.

Емі: асқазанды шаю, белсендірілген көмірді қабылдау, осмостық іш жүргізетін дәрілер, қажет болған жағдайда симптоматикалық ем тағайындалады. Бауыр мен бүйрек қызметін бақылау керек. Спецификалық антидоты жоқ. Қан ақуыздарымен айқын байланысуына байланысты (97,5% дейін) диализ тиімді емес. Мәжбүрлі диурез, несептің сілтіленуі, гемодиализ немесе гемоперфузия препаратты қан ақуыздарымен байланыстырудың жоғары деңгейінің салдарынан тиімсіз болуы мүмкін.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

10 таблеткадан поливинилхоридті үлбірден және алюминий фольгадан жасалған пішінді ұяшықты қаптамаға салынады.

1 немесе 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25 0С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!