Астане қаласындағы Белакне Гелі 1% 30 Г | Belupo, medicaments and cosmetics d.d.

- жеңіл дәрежедегі безеу бөртпесін және комедондар, папула мен пустулалары басым айқындығы орташа акнені (acne vulgaris) емдеу үшін. БЕЛАКНЕ құрғақ және ақшыл теріге жақсы келеді, бет, кеуде немесе арқа терісін емдеу үшін қолданылады.

- адапален немесе препараттың қосымша компоненттерінің қандай да біріне аса жоғары сезімталдық

- жүктілік

- жүктілікті жоспарлап жүрген әйелдер

- 12 жасқа дейінгі балалар

Адапален гелі мен жергілікті қолдануға арналған басқа да препараттарды бір мезгілде қолданғанда өзара әрекеттесулер анықталмады. Дегенмен, препарат пен басқа ретиноидтарды, сондай-ақ әсер ету механизмі ұқсас препараттарды бір мезгілде қолдану ұсынылмайды.

Адапален оттегі мен жарықтың әсеріне едәуір дәрежеде төзімді және химиялық тұрғыдан белсенді емес. Осы себептен емдеу кезінде күннің немесе ультракүлгін сәулелердің әсерінде ұзақ уақыт болуға жол бермеу ұсынылады.

Адапаленнің тері арқылы сіңу дәрежесі өте төмен, сондықтан жүйелі препараттармен өзара әрекеттесуі екіталай. Адапален гелін жергілікті қолдану пероральді қолданылатын контрацептивті препараттар мен антибиотиктердің тиімділігіне әсер ететіндігі туралы дәлелдер жоқ.

Препаратты қолдану кезінде аздаған жергілікті тітіркену пайда болуы мүмкін. Осы себептен қосымша тітіркендіргіш әсердің алдын алу мақсатында пилингті, тұтқыр немесе тітіркендіргіш заттарды бір мезгілде қолданудан аулақ болу қажет. Сонымен қатар акнені жергілікті емдеуде таңертең эритромицин (4% дейін) немесе клиндамицин фосфаты ерітіндісі (негізгі концентрациясы 1%) немесе бензоил пероксид гелі (10% дейін) сияқты дәрілерді, ал кешке адапален гелін қолдануға болады, өйткені бұл дәрілер өзара ыдырайтын әрекеттерге ие емес және жинақталған тітіркенуді тудырмайды.

Дозалау режимі

Бұл препаратты әрқашан тура дәрігер айтқандай пайдаланыңыз.

Егер сіз сенімді болмасаңыз, дәрігермен кеңесіңіз.

БЕЛАКНЕ гелін акнемен зақымданған жерлерге күніне бір рет, кешке ұйықтар алдында, таза теріге жағады. Гельді көз бен еріннің айналасына тигізбей, жұқалап, саусақтың ұшымен жағады. Жағу алдында зақымданған жерлердің құрғақ екеніне көз жеткізу керек.

Бет, кеуде және арқаның терісіне қолдануға арналған.

Пациенттер пайдаланатын косметикалық заттар комедогендік және тұтқыр әсер көрсетпеуі тиіс.

Пациенттердің ерекше топтары

Балалар

12 жасқа дейінгі балаларда қолдану кезінде адапаленнің қолданылуы қауіпсіздігі мен тиімділігі зерттелмеген.

Енгізу әдісі және жолы

Сыртқа қолдануға арналған.

Емдеу ұзақтығы

Акнені емдеу кезінде емдеу тәсілдерін кезектестіру дәстүрге айналғандықтан, дәрігерге үш ай емдеуден кейін терінің жағдайын одан әрі жақсаруын бағалау ұсынылады.

Қолдану жиілігін азайтуды немесе емдеуді уақытша тоқтатуды қажет ететін пациенттерде кейінірек, пациенттің емді қайтадан көтере алатындығы мүмкін деп бағаланғаннан кейін емдеуді жалғастыруға болады.

Артық дозалану жағдайында қабылдануы қажеті шаралар

Адапален гелін пероральді қабылдауға болмайды, препарат тек теріге жергілікті қолдануға арналған. Препараттың артық мөлшерін қолдану тез немесе жақсы әсер бермейді, бірақ айқын қызаруды, қабыршақтануды және жайсыздық сезімін тудыруы мүмкін.

Егер сіз препаратты кездейсоқ жұтып қойсаңыз, дәрігерге хабарласыңыз.

Дәрілік препараттың бір немесе бірнеше дозасын жіберіп алғанда қажетті шаралар

Егер сіз БЕЛАКНЕ қолдануды ұмытып кетсеңіз, оны мүмкіндігінше тезірек жасаңыз, содан кейін әдеттегі режимде жалғастырыңыз. Ұмытып кеткен дозаның орнын толтыру үшін қосарлы дозаны пайдаланбаңыз.

Тоқтату симптомдарының болу қаупіне нұсқау

Қатысты емес.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

БЕЛАКНЕ препаратын қолданар алдында емдеуші дәрігерден кеңес алыңыз.

30 г гельден алюминий сықпада. Сықпаның ішкі беті ішкі қорғаныс лакпен қорғалған. Сықпаның тесігі жарғақшамен қорғалған. Сықпаны жарғақшаны тесуге арналған кесігі мен істігі бар полиэтилен қақпақпен жабылған.

Әрбір сықпа медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл.

Жарамдылық мерзімі өткеннен кейін қолдануға болмайды!