Астане қаласындағы Дексаметазон Фосфаты Ампуласы 4 Мг/мл 1 Мл №10 | Фармак ПАО

Жүйелік қолдану

ми ісігінен туындаған мидың ісінуі, нейрохирургиялық емшаралар, церебральді абсцесс, бактериялық менингит (мысалы, туберкулез, іш сүзегі, бруцеллез)

әртүрлі жарақаттан болған шок / жарақаттан кейінгі респираторлық дистресс-синдром профилактикасы

бронх демікпесінің ауыр жедел ұстамасы

эритродермия, тұрпайы сулы бөртпе, жедел экзема сияқты кең таралған, жедел, ауыр тері ауруларының алғашқы парентеральді емі

жүйелі қызыл жегі (әсіресе висцеральді түрлер) сияқты аутоиммунды ауруларға алғашқы парентеральді ем

ағымы ауыр үдемелі болатын белсенді ревматоидты артрит, мысалы, ағымы жылдам деструктивті түрлер және / немесе буыннан тыс көріністері бар

қатерлі жаңа түзілімдерді паллиативті емдеу

құсуға қарсы емдеу режимдерінің бөлігі ретінде операциядан кейінгі немесе цитостатиктер туындатқан құсудың профилактикасы және емдеу

ересектер мен жасөспірімдерде (кемінде 12 жастағы және салмағы кемінде 40 кг) қосымша оксигенацияны қажет ететін COVID-19 инфекциясын емдеу

Жергілікті қолдану

буынішілік инъекциялар: буындардың созылмалы қабыну ауруларын жалпы емдеуден кейін бір немесе бірнеше буындардың тұрақты қабынуы, белсенді остеоартрит, иық буыны периартропатиясының жедел түрлері

жергілікті инфильтрациялық ем (қатаң көрсетілімдер болған жағдайда): бактериялық емес тендинит және бурсит, периартропатия, инсерциялық тендинопатия

офтальмология: инфекциялық емес кератоконьюнктивит кезіндегі субконъюнктивалық енгізу, склерит (некроздалған склериттен басқа), алдыңғы және аралық увеит

әсер етуші затқа немесе қосымша заттардың кез келгеніне аса жоғары сезімталдық

жедел вирустық, бактериялық немесе жүйелік зеңді инфекциялар (спецификалық ем болмаған жағдайда)

Буынішілік инъекциялар үшін қолдануға болмайтын жағдайлар

емделетін буында немесе оған жақын жерде инфекцияның болуы

бактериялық артрит

емделетін буынның тұрақсыздығы

қан кетуге бейімділік (өздігінен немесе антикоагулянттық препараттарды қолдану салдарынан)

периартикулярлық кальцификация

аваскулярлық сүйек некрозы

сіңірлердің үзілуі

Шарко табаны

Қосымша этиотропты емсіз жергілікті инфильтрацияны енгізу аймағында инфекция болған жағдайда, сондай-ақ көздің вирустық, бактериялық және зең аурулары, жарақаттар мен мөлдір қабықтың ойық жаралары кезінде субконъюнктивалық енгізу кезінде қарсы көрсетілімді.

Қолдану кезіндегі қажетті сақтық шаралары

Дексаметазон фосфаты препаратын қолданғанда қанайналымның бұзылуымен, жүрек жеткіліксіздігімен, жүректің тоқтап қалуымен, аритмиямен, бронх түйілумен және/немесе гипотензиямен немесе артериялық гипертензиямен ауыр анафилаксиялық реакциялардың бірлі-жарым жағдайлары байқалды.

Иммуносупрессия есебінен Дексаметазон фосфатымен жүргізілетін ем бактериялық, вирустық, паразиттік, шартты-патогенді және зеңді инфекциялардың пайда болу қаупінің жоғарылауына әкелуі мүмкін. Бұл бұрыннан бар немесе дамып келе жатқан инфекцияның симптомдарын бүркемелеуі мүмкін, осылайша аурудың диагностикасын қиындатады. Туберкулез немесе В гепатиті сияқты жасырын инфекциялар болған жағдайда аурудың реактивациясы орын алуы мүмкін.

Ерекше физикалық стресстік жағдайлар кезінде (жарақат, операция, босану және т.б.) Дексаметазон фосфаты препаратымен емдеу кезінде дозаны уақытша арттыру қажет болуы мүмкін.

Дексаметазон фосфаты препаратымен емдеу қатаң көрсетілімдер болған жағдайда ғана тағайындалуы тиіс және қажет болған жағдайда, мыналардың кез келгені болған жағдайда инфекцияға қарсы мақсатты емдеу қосымша қолданылуы тиіс:

- жедел вирустық инфекциялар (В гепатиті, белдемелі герпес, қарапайым герпес, желшешек, герпестік кератит)

- HBsAg-оң созылмалы белсенді гепатит

- тірі вакциналармен вакцинациядан кейін шамамен 8-2 апта аралығында

- жүйелік микоздар мен паразитоздар (мысалы, нематодтар)

- күдікті немесе расталған стронгилоидозы бар пациенттер (жіпшелі құрттарды жұқтыру инфекциясы), глюкокортикостероидтар осы паразиттердің белсенділенуіне және жаппай көбеюіне әкелуі мүмкін

- полиомиелит

- БЦЖ вакцинациясынан кейінгі лимфаденит

- жедел және созылмалы бактериялық инфекциялар

- анамнезінде туберкулезбен ауыратын пациенттерде туберкулостатикалық қорғауды қамтамасыз ететін препараттармен ғана қолдануға болады

Сонымен қатар, Дексаметазон фосфаты препаратымен емдеу қатаң көрсетілімдер болған жағдайда ғана жүргізілуі керек, сонымен қатар қажеттілігінше, келесі жағдайларда қосымша спецификалық емдеу қарастырылуы керек:

- асқазан-ішек жолының ойық жаралары

- остеопороз

- жүректің ауыр жеткіліксіздігі

- бақыланбайтын артериялық гипертензия

- бақылануы қиын қант диабеті

- психикалық бұзылыстар (анамнезінде болуы), оның ішінде суицидтік мінез-құлық: неврологиялық немесе психиатриялық бақылау ұсынылады

- жабық бұрышты және ашық бұрышты глаукома: офтальмологиялық бақылау және қосымша ем жүргізу ұсынылады

- мөлдір қабықтың ойық жаралары мен жарақаттары: офтальмологиялық бақылау және қосымша ем жүргізу ұсынылады

Көрудің бұзылуы

Кортикостероидтарды жүйелі және жергілікті қолдану кезінде көрудің бұзылуы байқалуы мүмкін. Егер пациентте көрудің бұлыңғырлануы немесе басқа көру бұзылыстары сияқты симптомдар байқалса, жүйелік және жергілікті кортикостероидтарды қолданғаннан кейін хабарланған катаракта, глаукома немесе орталық серозды хориоретинопатия (SSCRP) сияқты сирек кездесетін ауруларды қамтуы мүмкін себептерді бағалау үшін офтальмологпен кеңесу керек.

Ішектің тесілу қаупіне байланысты Дексаметазон фосфаты препаратын тек шұғыл көрсетілімдер бойынша және келесі жағдайларда қатаң бақылау кезінде қолдануға болады:

- тесілу қаупі бар ауыр ойық жаралы колит, перитонеальді симптомдарсыз болуы мүмкін

- дивертикулит

- энтероанастомоз (операциядан кейін бірден)

Асқазан-ішек жолының тесілуінен кейін ішперденің тітіркену белгілері глюкокортикостероидтардың жоғары дозаларын қабылдайтын пациенттерде болмауы мүмкін.

Қант диабетімен ауыратын пациенттерде Дексаметазон фосфаты препаратын қолданған кезде инсулинге немесе пероральді гипогликемиялық препараттарға жоғары қажеттіліктің пайда болуын ескеру қажет.

Препаратпен емдеу кезінде, әсіресе Дексаметазон фосфаты препаратының анағұрлым жоғары дозаларын қолданғанда, бақылануы қиын артериялық гипертензиясы бар пациенттерде артериялық қысымды тұрақты бақылау қажет.

Нашарлау қаупіне байланысты жүректің ауыр жеткіліксіздігі бар пациенттер мұқият бақылауда болуы керек.

Дексаметазонның жоғары дозаларын қолдану брадикардияны туындатуы мүмкін.

Ауыр анафилаксиялық реакциялар дамуы мүмкін.

Фторхинолондар мен глюкокортикоидтарды бір мезгілде қолданғанда сіңір аурулары, тендинит және сіңірдің үзілу қаупі артады.

Дексаметазон фосфаты препаратымен емдеу қатарлас миастенияның өршуіне әкелуі мүмкін.

Әдетте белсенділігі жойылған вакциналармен екпе жүргізу орын алуы мүмкін. Алайда, кортикостероидтардың жоғары дозаларын енгізген кезде иммундық жауап, демек, вакцинаның әсері өзгеруі мүмкін екенін ескеру қажет.

Жоғары дозаларды қолданған кезде калийді жеткілікті мөлшерде қабылдау және натрийді шектеу, сондай-ақ қан сарысуындағы калий деңгейін бақылау қажет.

Шамамен 10 күннен кейін емдеуді күрт тоқтату негізгі аурудың өршуіне немесе қайталануына және бүйрекүсті безінің жедел жеткіліксіздігіне / кортизонды тоқтату синдромына әкелуі мүмкін; сондықтан емдеуді тоқтатқан кезде дозаны баяу төмендету керек.

Кейбір вирустық аурулар (желшешек, қызылша) глюкокортикостероидтарды қабылдайтын пациенттерде ауыр болуы мүмкін. Әсіресе иммунитеті төмен, желшешек немесе қызылша ауруына шалдықпаған пациенттер бұл қауіпке ұшырайды. Егер бұл пациенттер Дексаметазон фосфаты препаратымен емдеу кезінде қызылша немесе желшешек жұқтырған адамдармен қарым-қатынаста болса, қажет болған жағдайда профилактикалық ем жүргізу керек.

Маркетингтен кейінгі кезеңде Дексаметазон фосфаты препаратын монотерапия түрінде немесе басқа химиотерапиялық препараттармен біріктіріп қолданғаннан кейін қатерлі қан аурулары бар пациенттерде ісік лизисі синдромының (ІЛС) дамуы туралы хабарланды. Пролиферация жылдамдығы жоғары, ісік жүктемесі жоғары және цитоуытты препараттарға сезімталдығы жоғары пациенттер сияқты ІЛС қаупі жоғары пациенттерді мұқият бақылап, тиісті сақтық шараларын қолдану керек.

Вена ішіне инъекция жасағанда препаратты баяу енгізу керек (2-3 минуттан артық), себебі жылдам енгізген кезде жағымсыз шаншу немесе парестезия сияқты жағымсыз әсерлер пайда болуы мүмкін.

Дексаметазон фосфаты препараты қысқа мерзімді қолдануға арналған. Егер ұзақ уақыт бойы дұрыс қолданылмаса, құрамында глюкокортикостероидтар бар препараттарды ұзақ мерзімді қолдану үшін сипатталған қосымша ескертулер мен сақтық шараларын ескеру қажет.

Ықтимал жүйелік жағымсыз әсерлердің дамуын, сондай-ақ препаратты жергілікті қолданғаннан кейін өзара әрекеттесуді ескеру қажет.

Глюкокортикостероидтарды буынішілік енгізу буын инфекцияларының даму қаупін арттырады.

Үлкен буындарға глюкокортикостероидтарды ұзақ уақыт бойы енгізу және қайталап енгізу жүктемеден туындаған бірлескен өзгерістерді күшейтуі мүмкін. Бұл ауырсыну немесе аурудың басқа симптомдары жойылғаннан кейін зақымдалған буындарға жүктеменің жоғарылауына байланысты болуы мүмкін.

Феохромоцитомалық криз

Жүйелік кортикостероидтарды енгізгеннен кейін өлімге әкелуі мүмкін феохромоцитомалық криз туралы хабарланды. Кортикостероидтарды күдікті немесе анықталған феохромоцитомасы бар пациенттерге қауіп пен пайда арақатынасын тиісті бағалаудан кейін ғана қолдану керек.

Гипертрофиялық кардиомиопатия

Шала туылған нәрестелерде кортикостероидтарды, соның ішінде дексаметазонды жүйелі енгізгеннен кейін гипертрофиялық кардиомиопатия туралы хабарланды. Тіркелген жағдайлардың көпшілігінде бұл емдеуді тоқтатқан кезде қайтымды болды. Дексаметазонмен жүйелі ем қабылдайтын шала туылған нәрестелерде жүректің функциясы мен құрылымына диагностикалық бағалау және бақылау жүргізілуі керек.

Офтальмологияда жергілікті қолдану

Қарқынды немесе ұзақ уақыт бойы емдеу кезінде офтальмологияда қолданылған кезде дексаметазонды жүйелі сіңіру кезінде бейімді пациенттерде, оның ішінде балаларда және CYP3A4 тежегіштерін (ритонавир мен кобицистатты қоса) қабылдаған пациенттерде Кушинг синдромы және/немесе бүйрекүсті безінің супрессиясы пайда болуы мүмкін. Бұл жағдайларда емдеуді біртіндеп тоқтату керек.

Стероидтерді субконъюнктивалық енгізу кезінде сақ болу ұсынылады, себебі бұл ақ қабықтың жұқаруы немесе жұмсару қаупіне байланысты болуы мүмкін.

Балалар және жасөспірімдер

Шала туған балалар

Қолда бар деректер күніне екі рет 0,25 мг/кг бастапқы дозаларда өкпенің созылмалы аурулары бар шала туған балаларды ерте емдегеннен кейін (туғаннан кейін <96 сағат) жүйке жүйесі тарапынан ұзақ жағымсыз құбылыстар туралы куәландырады.

Дексаметазон фосфаты препаратымен балаларда өсу кезеңінде қолданған кезде осы емдеудің пайдасы мен қауіптілігінің арақатынасын мұқият саралау керек.

Егде жастағы пациенттер

Егде жастағы пациенттердің остеопороздың дамуының жоғары қаупіне бейім екенін ескере отырып, Дексаметазон фосфатын қолданған кезде осы емдеудің пайдасы мен қаупінің арақатынасын мұқият саралау керек.

Дексаметазон фосфатын препаратын қолдану допинг-бақылау жүргізу кезінде оң нәтижелерге әкелуі мүмкін.

Басқа дәрілік препараттармен өзара әрекеттесуі

Эстрогендер (мысалы, пероральді контрацептивтер): глюкокортикоидтардың жартылай шығарылу кезеңі ұзаруы мүмкін. Сондықтан кортикостероидтардың әсері күшеюі мүмкін.

Рифампицин, фенитоин, карбамазепин сияқты CYP3A4 индукциялайтын препараттар,барбитураттар және примидон: кортикостероидтардың әсері азаюы мүмкін.

CYP3A4 тежегіштері (кетоконазол, итраконазол, ритонавир және кобицистатты қоса)

дексаметазон клиренсін төмендетуі мүмкін, бұл әсердің жоғарылауына және бүйрекүсті безі функциясының тежелуіне/Кушинг синдромына әкелуі мүмкін. Емдеудің пайдасы кортикостероидтардың жүйелік жағымсыз әсерлерінің даму қаупінен асып түсетін жағдайларды қоспағанда, мұндай үйлесімнен аулақ болу керек. Бұл жағдайда, пациенттер кортикостероидтардың жүйелік әсерінің пайда болу тұрғысынан бақылануы керек.

Эфедрин: глюкокортикоидтардың метаболизмін жеделдетуге болады, сондықтан тиімділіктің төмендеуі мүмкін.

АӨФ тежегіштері: қан көрсеткіштерінің өзгеру қаупінің жоғарылауы.

Жүрек гликозидтері: калий тапшылығы кезінде гликозидтердің әсері күшеюі мүмкін.

Салуретиктер / іш жүргізетін дәрілер: калийдің экскрециясы жоғарылауы мүмкін.

Гипогликемиялық препараттар: гипогликемиялық әсері төмендеуі мүмкін.

Кумарин туындылары: антикоагулянттық әсердің төмендеуі немесе жоғарылауы мүмкін. Бірге қолданған кезде антикоагулянттың дозасын түзету қажет болуы мүмкін.

Қабынуға қарсы стероидты емес препараттар (ҚҚСП), салицилаттар және индометацин: асқазан-ішек ойық жаралары мен қан кету қаупі артады.

Деполяризацияланбайтын миорелаксанттар: миорелаксанттық әсері ұзаруы мүмкін.

Атропин, басқа антихолинергиялық препараттар: бір мезгілде қолданғанда көзішілік қысым қосымша жоғарылауы мүмкін.

Празиквантел: кортикостероидтар қандағы празиквантел концентрациясының төмендеуіне әкелуі мүмкін.

Хлорохин, гидроксихлорохин, мефлохин: миопатиялар мен кардиомиопатиялардың даму қаупі жоғары.

Протирелин: протирелинмен емдеу кезінде тиреотропты гормон (ТТГ) деңгейінің төмендеуі орын алуы мүмкін.

Иммуносупрессивті препараттар: инфекцияларға сезімталдықтың жоғарылауы және латентті инфекциялардың өршуі немесе белсенділенуі. Сонымен қатар, циклоспорин үшін: қандағы циклоспориннің жоғарылауы: құрысу қаупі жоғары болады.

Фторхинолондар сіңір ауруларының даму қаупін арттыруы мүмкін.

Зерттеу әдістеріне әсері: аллергиялық тесттерді жүргізу кезінде тері реакцияларының айқындылық дәрежесінің төмендеуі.

Үйлесімсіздік

Препаратты глюкоза ерітіндісі мен тұзды ерітіндіден басқа препараттармен араластыруға болмайды.

Дексаметазонды хлорпромазинмен, дифенгидраминмен, доксапраммен, доксорубицинмен, даунорубицинмен, идарубицинмен, гидроморфонмен, ондансетронмен, прохлорперазинмен, калий нитратымен және ванкомицинмен араластырған кезде тұнба пайда болады.

Шамамен 16% дексаметазонның 2,5% глюкоза ерітіндісінде және 0,9% натрий хлориді ерітіндісінде амикацинмен ериді.

Лоразепам сияқты кейбір дәрілік заттарды пластик пакеттердегі емес, шыны құтылардағы дексаметазонмен араластыру керек (лоразепам концентрациясы бөлме температурасында поливинилхлоридті пакеттерде 3-4 сағат ішінде 90% - дан төмен мәнге дейін төмендейді).

Метараминол сияқты кейбір дәрілік заттарда «баяу дамитын үйлесімсіздік» бар, ол дексаметазонмен араласқан кезде бір тәулік ішінде дамиды.

Дексаметазон және гликопирролат: ерітіндінің соңғы рН мәні 6,4-ке тең құрайды, бұл тұрақтылық шеңберінен асып түседі.

Арнайы ескертулер

Қосымша заттар туралы ерекше ақпарат

Препарат құрамында натрий бар. Препараттың дозасының құрамы 1 ммоль натрийден (23 мг) аз, яғни, құрамында натрий жоқ дерлік.

Жүктілік немесе лактация кезеңінде

Дексаметазон фосфаты плацента арқылы өтеді. Жүктілік кезінде, әсіресе бірінші триместрде, бұл препарат пайда мен қауіптің арақатынасын мұқият бағалағаннан кейін ғана қолданылуы керек.

Жүктілік кезінде глюкокортикостероидтармен ұзақ уақыт бойы емдеген кезде шарана өсуінің бұзылуын жоққа шығаруға болмайды.

Буаз жануарларға кортикостероидтарды енгізу ұрықтың дамуында аномалиялар туындатуы мүмкін, оның ішінде жарық таңдай, құрсақішілік өсудің тежелуі және мидың өсуі мен дамуына әсер етуі мүмкін. Кортикостероидтарды қолдану адамда жырық таңдай/қоянжырық сияқты туа біткен аномалиялардың жоғарылауына әкелетіні туралы дәлелдер жоқ.

Жүктілік кезеңінің соңында глюкокортикостероидтарды қолданғанда шарананың бүйрекүсті безі қыртысының атрофиясы қаупі бар, бұл жаңа туған нәрестеде орын басу емін қажет етуі мүмкін, оны әрі қарай баяу төмендету керек.

Зерттеулер кеш мерзімінен бұрын босану қаупі бар әйелдерге кортикостероидтарды, соның ішінде дексаметазонды қысқа мерзімді пренатальді қолданғаннан кейін неонатальді гипогликемия қаупінің жоғарылағанын көрсетті.

Дексаметазон фосфаты емшек сүтімен бөлініп шығады. Сәбилерге жағымсыз әсер ету жағдайлары белгісіз. Дегенмен, лактация кезеңінде препаратты қатаң көрсетілімдерге сәйкес қолдану керек. Егер ауру кезінде анағұрлым жоғары дозаларды қолдану қажет болса, бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дексаметазон фосфаты препаратының көлік құралдарын және қауіптілігі зор механизмдерді басқару қабілетіне әсері туралы ақпарат жоқ.

Эстрогендер (мысалы, пероральді контрацептивтер): глюкокортикоидтардың жартылай шығарылу кезеңі ұзаруы мүмкін. Сондықтан кортикостероидтардың әсері күшеюі мүмкін.

Рифампицин, фенитоин, карбамазепин сияқты CYP3A4 индукциялайтын препараттар,барбитураттар және примидон: кортикостероидтардың әсері азаюы мүмкін.

CYP3A4 тежегіштері (кетоконазол, итраконазол, ритонавир және кобицистатты қоса)

дексаметазон клиренсін төмендетуі мүмкін, бұл әсердің жоғарылауына және бүйрекүсті безі функциясының тежелуіне/Кушинг синдромына әкелуі мүмкін. Емдеудің пайдасы кортикостероидтардың жүйелік жағымсыз әсерлерінің даму қаупінен асып түсетін жағдайларды қоспағанда, мұндай үйлесімнен аулақ болу керек. Бұл жағдайда, пациенттер кортикостероидтардың жүйелік әсерінің пайда болу тұрғысынан бақылануы керек.

Эфедрин: глюкокортикоидтардың метаболизмін жеделдетуге болады, сондықтан тиімділіктің төмендеуі мүмкін.

АӨФ тежегіштері: қан көрсеткіштерінің өзгеру қаупінің жоғарылауы.

Жүрек гликозидтері: калий тапшылығы кезінде гликозидтердің әсері күшеюі мүмкін.

Салуретиктер / іш жүргізетін дәрілер: калийдің экскрециясы жоғарылауы мүмкін.

Гипогликемиялық препараттар: гипогликемиялық әсері төмендеуі мүмкін.

Кумарин туындылары: антикоагулянттық әсердің төмендеуі немесе жоғарылауы мүмкін. Бірге қолданған кезде антикоагулянттың дозасын түзету қажет болуы мүмкін.

Қабынуға қарсы стероидты емес препараттар (ҚҚСП), салицилаттар және индометацин: асқазан-ішек ойық жаралары мен қан кету қаупі артады.

Деполяризацияланбайтын миорелаксанттар: миорелаксанттық әсері ұзаруы мүмкін.

Атропин, басқа антихолинергиялық препараттар: бір мезгілде қолданғанда көзішілік қысым қосымша жоғарылауы мүмкін.

Празиквантел: кортикостероидтар қандағы празиквантел концентрациясының төмендеуіне әкелуі мүмкін.

Хлорохин, гидроксихлорохин, мефлохин: миопатиялар мен кардиомиопатиялардың даму қаупі жоғары.

Протирелин: протирелинмен емдеу кезінде тиреотропты гормон (ТТГ) деңгейінің төмендеуі орын алуы мүмкін.

Иммуносупрессивті препараттар: инфекцияларға сезімталдықтың жоғарылауы және латентті инфекциялардың өршуі немесе белсенділенуі. Сонымен қатар, циклоспорин үшін: қандағы циклоспориннің жоғарылауы: құрысу қаупі жоғары болады.

Фторхинолондар сіңір ауруларының даму қаупін арттыруы мүмкін.

Зерттеу әдістеріне әсері: аллергиялық тесттерді жүргізу кезінде тері реакцияларының айқындылық дәрежесінің төмендеуі.

Үйлесімсіздік

Препаратты глюкоза ерітіндісі мен тұзды ерітіндіден басқа препараттармен араластыруға болмайды.

Дексаметазонды хлорпромазинмен, дифенгидраминмен, доксапраммен, доксорубицинмен, даунорубицинмен, идарубицинмен, гидроморфонмен, ондансетронмен, прохлорперазинмен, калий нитратымен және ванкомицинмен араластырған кезде тұнба пайда болады.

Шамамен 16% дексаметазонның 2,5% глюкоза ерітіндісінде және 0,9% натрий хлориді ерітіндісінде амикацинмен ериді.

Лоразепам сияқты кейбір дәрілік заттарды пластик пакеттердегі емес, шыны құтылардағы дексаметазонмен араластыру керек (лоразепам концентрациясы бөлме температурасында поливинилхлоридті пакеттерде 3-4 сағат ішінде 90% - дан төмен мәнге дейін төмендейді).

Метараминол сияқты кейбір дәрілік заттарда «баяу дамитын үйлесімсіздік» бар, ол дексаметазонмен араласқан кезде бір тәулік ішінде дамиды.

Дексаметазон және гликопирролат: ерітіндінің соңғы рН мәні 6,4-ке тең құрайды, бұл тұрақтылық шеңберінен асып түседі.

Арнайы ескертулер

Қосымша заттар туралы ерекше ақпарат

Препарат құрамында натрий бар. Препараттың дозасының құрамы 1 ммоль натрийден (23 мг) аз, яғни, құрамында натрий жоқ дерлік.

Жүктілік немесе лактация кезеңінде

Дексаметазон фосфаты плацента арқылы өтеді. Жүктілік кезінде, әсіресе бірінші триместрде, бұл препарат пайда мен қауіптің арақатынасын мұқият бағалағаннан кейін ғана қолданылуы керек.

Жүктілік кезінде глюкокортикостероидтармен ұзақ уақыт бойы емдеген кезде шарана өсуінің бұзылуын жоққа шығаруға болмайды.

Буаз жануарларға кортикостероидтарды енгізу ұрықтың дамуында аномалиялар туындатуы мүмкін, оның ішінде жарық таңдай, құрсақішілік өсудің тежелуі және мидың өсуі мен дамуына әсер етуі мүмкін. Кортикостероидтарды қолдану адамда жырық таңдай/қоянжырық сияқты туа біткен аномалиялардың жоғарылауына әкелетіні туралы дәлелдер жоқ.

Жүктілік кезеңінің соңында глюкокортикостероидтарды қолданғанда шарананың бүйрекүсті безі қыртысының атрофиясы қаупі бар, бұл жаңа туған нәрестеде орын басу емін қажет етуі мүмкін, оны әрі қарай баяу төмендету керек.

Зерттеулер кеш мерзімінен бұрын босану қаупі бар әйелдерге кортикостероидтарды, соның ішінде дексаметазонды қысқа мерзімді пренатальді қолданғаннан кейін неонатальді гипогликемия қаупінің жоғарылағанын көрсетті.

Дексаметазон фосфаты емшек сүтімен бөлініп шығады. Сәбилерге жағымсыз әсер ету жағдайлары белгісіз. Дегенмен, лактация кезеңінде препаратты қатаң көрсетілімдерге сәйкес қолдану керек. Егер ауру кезінде анағұрлым жоғары дозаларды қолдану қажет болса, бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дексаметазон фосфаты препаратының көлік құралдарын және қауіптілігі зор механизмдерді басқару қабілетіне әсері туралы ақпарат жоқ.

Дозалау режимі

Доза аурудың сипатына, ауырлығына және пациенттің жүргізілетін емдеуге деген жеке реакциясына байланысты. Әдетте, салыстырмалы түрде жоғары бастапқы дозалар енгізіледі және олар созылмалы ауруларға қарағанда жедел, ауыр түрлерде айтарлықтай жоғары болуы керек.

Егер басқасы белгіленбесе, дозалау жөнінде мынадай ұсынымдар қолданылады:

Жүйелік қолдану

- Мидың ісінуі: ересектер аурудың этиологиясы мен ауырлығына байланысты бастапқы доза вена ішіне 8-10 мг (80 мг дейін) құрайды, содан кейін 4-8 күн ішінде 3-4 (6) жеке дозаларға бөлінген, вена ішіне тәулігіне 16-24 мг (48 мг дейін) құрайды.

Сәулемен емдеуді жүргізгенде және операция жасауға болмайтын ми ісіктерін консервативті емдеу кезінде Дексаметазон фосфатын анағұрлым төмен дозада анағұрлым ұзақ уақыт бойы енгізу қажет болуы мүмкін.

- Бактериялық менингит салдарынан мидың ісінуі: 4 күн ішінде әр 6 сағат сайын кг дене салмағына 0,15 мг, балаларға - 2 күн ішінде әр 12 сағат сайын кг дене салмағына 0,4 мг; препаратты енгізу антибиотикотерапияға дейін басталады. Ауыр жағдайлар, уытты жай-күйлер (мысалы, туберкулез, іш сүзегі; тек қатарлас микробқа қарсы ем кезінде): доза тәулігіне 4-20 мг құрайды, бірлі-жарым жағдайларда (мысалы, іш сүзегі) бастапқыда 200 мг дейін.

Инфекциялық ауруларды емдеу кезінде кортикостероидты емді қолдану жөніндегі ресми нұсқаулықтарды ескеру қажет.

Әртүрлі жарақаттан болған шок / жарақаттан кейінгі респираторлық дистресс-синдром профилактикасы

бастапқы доза вена ішіне 40-100 мг (балаларда - 40 мг) құрайды, қайталама доза 12 сағаттан кейін енгізіледі немесе 16-40 мг доза 2-3 күн ішінде әр 6 сағат сайын енгізіледі.

- Ауыр демікпе ұстамасы; ересектер; 8-20 мг вена ішіне мүмкіндігінше ертерек. Балалар; кг дене салмағына 0,15-0,3 мг вена ішіне. Қажет болған жағдайда, пациенттің жеке реакциясына және клиникалық көрінісіне байланысты көрсетілген дозаларды енгізуді қайталау қажет.

- Терінің жедел аурулары: күнделікті, аурудың сипаты мен ауырлығына байланысты: тәуліктік дозалар вена ішіне 8-40 мг құрайды, ауыр жағдайларда 100 мг дейін. Әрі қарай емдеу кезінде дозаны азайту керек.

- Ревматизмдік жүйелі аурулардың өршуі: жүйелі қызыл жегі - тәулігіне 6-16 мг.

- Ағымы ауыр үдемелі белсенді ревматоидты артрит; ағымы жылдам деструктивті түрлерінде доза тәулігіне 12-16 мг, буыннан тыс көріністеулерде - тәулігіне 6-12 мг құрайды.

- Қатерлі жаңа түзілімдерді паллиативті емдеу; бастапқы доза тәулігіне 8-16 мг құрайды, ұзақ емдеу кезінде - тәулігіне 4-12 мг.

- Құсуға қарсы схема құрамында цитостатикалық емнен туындаған құсу профилактикасы және емдеу; химиотерапия басталғанға дейін вена ішіне 8-20 мг, одан әрі дозада - қажет болған жағдайда 2-3 күн ішінде тәулігіне 1-2 рет 4-8 мг (орташа дәрежелі құсумен қатар жүретін химиотерапия) немесе 3-4 күнге дейін (айқын құсумен қатар жүретін химиотерапия).

- Операциядан кейінгі құсу профилактикасы және емдеу; операцияға дейін вена ішіне 4-8 мг бір реттік доза; 2 жастан асқан балаларда: кг дене салмағына 0,15 мг (ең жоғары доза 8 мг құрайды).

COVID-19 емдеу үшін; ересек пациенттерге 10 күн бойы тәулігіне бір рет 6 мг вена ішіне тағайындалады.

Балалар мен жасөспірімдер

Балалар үшін (12 жастан асқан жасөспірімдер) 10 күнге дейінгі мерзімде күніне бір рет вена ішіне 6 мг доза ұсынылады. Емдеу ұзақтығы клиникалық жауапқа және пациенттің жеке қажеттіліктеріне байланысты.

Егде жастағы пациенттер, бүйрек немесе бауыр жеткіліксіздігі бар пациенттер

Дозаны түзету қажет емес.

Жергілікті қолдану

Жергілікті инфильтрация және инъекциялар әдетте 4-8 мг дозада жасалады; кіші буындарға буынішілік инъекция немесе субконъюнктивалық инъекция үшін дексаметазонды 2 мг дозада енгізу жеткілікті.

Енгізу әдісі және жолы

Парентеральді енгізу.

Инъекцияға арналған ерітінді вена ішіне немесе бұлшықет ішіне, сондай-ақ вена ішіне инфузия түрінде (глюкозамен немесе физиологиялық ерітіндімен бірге) енгізіледі.

Дексаметазон фосфаты ерітіндісінің вена ішіне инъекциясы немесе инфузиясы кезінде баяу енгізу керек (2-3 минуттан астам), бірақ венаға енгізу жолына байланысты кінәраттар мен қанайналымның жеткіліксіздігі кезінде препаратты бұлшықет ішіне де енгізуге болады. Дексаметазон фосфаты препаратын буынішілік немесе субконъюнктивалық енгізу үшін, сондай-ақ жергілікті инфильтрация үшін де қолдануға болады.

Емнің ұзақтығы көрсетілімдерге байланысты.

Гипотиреоз немесе бауыр циррозы кезінде төмен дозаларды енгізу жеткілікті болуы мүмкін немесе препараттың дозасын азайту қажет болуы мүмкін.

Буынішілік инъекцияны ашық буынға жасалатын емшара ретінде қарастырып, қатаң асептикалық жағдайларда жүргізу керек. Симптомдарды тиімді жеңілдету үшін бір буынішілік инъекция әдетте жеткілікті. Егер қайталама инъекция қажет болса, препарат енгізуді 3-4 аптадан ерте жүргізбеу керек. Сол бір буынға енгізуді өмір бойына 3 немесе 4 реттен асырмау керек. Буынды әсіресе қайталанған инъекциялардан кейін медициналық тексеру қажет.

Жергілікті инфильтрация: Дексаметазон фосфаты анағұрлым ауырсыну аумағына немесе сіңірлердің бекіну жерлеріне енгізіледі. Сақтық танытқан жөн, инъекцияны сіңірге жасауға болмайды! Жиі инъекция жасаудан аулақ болу керек және асептиканың қатаң шараларын сақтау керек.

Жоғары дозаларды бір реттік емдеу үшін қолдану қажет болған жағдайда, дозасы/көлемі жоғары дексаметазон препараттарын қолдану мүмкіндігін қарастыру қажет.

Пайдалану үшін жарамдылығы

Препараттың тек мөлдір ерітіндісін қолдану керек. Ампуланың ішіндегісі бір рет қолдануға арналған. Препараттың пайдаланылмаған қалған ерітіндісін утилизациялау керек.

Қабылдау уақытын көрсетумен қолдану жиілігі

Дозасы жоғары кортикостероидты емді қолдану пациенттің жағдайы тұрақталғанға дейін, әдетте 48-72 сағаттан асырмай жүргізіледі.

Артық дозаланған жағдайда қолдану қажет шаралар

Симптомдары: дексаметазонмен жедел уыттану белгісіз. Созылмалы артық дозалану жағдайында жағымсыз әсерлердің жоғарылауын күтуге болады, атап айтқанда эндокриндік, метаболизмдік және электролиттік әсерлер.

Емі: тоқтатып, симптоматикалық емді тағайындау керек. Спецификалық антидоты жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Осы дәрілік препаратты қолдану бойынша қосымша сұрақтар пайда болған кезде дәрігердің немесе фармацевттің кеңесіне жүгіну керек.

Сындыратын сақинасы немесе сындыру нүктесі бар мөлдір шыны ампулада 1 мл. Ампулаларға өздігінен желімделетін заттаңбалар жабыстырылады.

10 ампуладан қазақ және орыс тілдеріндегі медициналық қолдану жөніндегі нұсқаулықпен бірге гофрленген аралық бөлігі бар картон қорапшаға салынады.

Немесе 5 ампуладан сындыратын сақинасы немесе сындыру нүктесі бар полимерлі үлбірден жасалған пішінді ұяшықты қаптамаға салынады. 2 пішінді ұяшықты қаптамадан ампулалармен бірге медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Түпнұсқалық қаптамасында, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!