Астане қаласындағы Ферзапин Таблеткалары 5мг №30 | Реплек Фарм Лтд

- шизофренияны емдеу үшін (препаратқа бастапқы оң әсері бар пациенттерде ұзақ ем жүргізгенде клиникалық әсерді демеу үшін)

- маниакальді эпизодтарды емдеу үшін (орташадан ауыр айқындылық дәрежесіне дейін)

- биполярлық бұзылыстары бар пациенттерде қайталанатын маниакальді эпизодтардың профилактикасында (егер маниакальді фазаны емдеген кезде препарат тиімді болса)

Егер Сіз кез келген басқа препараттарды қабылдап жүрсеңіз, жуықта қабылдаған болсаңыз немесе қабылдайтын болсаңыз, өзіңіздің емдеуші дәрігеріңізге немесе фармацевтке бұл туралы хабарлаңыз.

Мына жағдайларда Ферзапин препаратының әсері әлсіреуі мүмкіндігін естен шығармауыңыз керек:

- карбамазепин қолданған кезде (эпилепсияны емдеуге арналған дәрілік затты).

Ферзапин препаратының әсерін күшейтуі мүмкін:

- Флувоксамин, депрессияны және басқа да психикалық бұзылыстарды емдеуге арналған препарат.

Ферзапин препаратын Паркинсон ауруын, деменцияны емдеуге арналған препараттармен, сіздің жүрегіңіздің электрлік белсенділігіне ықпал етуге қабілетті дәрілік заттармен қолдану ұсынылмайды.

Белсендірілген көмір Ферзапиннің сіңуін төмендетеді, сондықтан оны оланзапинді қабылдағанға дейін 2 сағат бұрын немесе қабылдағаннан кейін қабылдауыңыз қажет.

Дозалау режимі

Шизофрения

Препараттың ұсынылатын бастапқы дозасы тәулігіне бір рет 10 мг құрайды. Дәрігер тәулігіне 5 мг-нан 20 мг-ға дейін препараттың дозасын тағайындай алады, тәуліктік доза пациенттің жағдайына байланысты жеке таңдалады. Дозаны 10 мг стандартты тәуліктік дозадан жоғары арттыру 24 сағаттан кем емес аралықпен жүргізіледі. Ферзапинді қабылдау тоқтатылса, дозаны біртіндеп азайтады.

Маниакальді эпизод (көңіл-күй, энергияның күрт құбылуы бар психикалық ауру)

Бір препаратпен емдеу кезінде ұсынылатын бастапқы доза тәулігіне бір рет 15 мг немесе басқа препараттармен біріктірілгенде тәулігіне бір рет 10 мг құрайды.

Биполярлық бұзылыс кезіндегі қайталану профилактикасы

Ұсынылатын бастапқы доза тәулігіне бір рет 10 мг құрайды. Маниакальді эпизодты емдеу үшін Ферзапин қабылдайтын пациенттерге және қайталанудың профилактикасы үшін емді сол дозада жалғастыру қажет. Жаңадан маниакальді, аралас немесе депрессиялық эпизод дамыған кезде кезде емді жалғастыру керек (қажет болған жағдайда дозаны өзгертумен), кейде көңіл-күйдің өзгеруі симптомдарын емдеу үшін қосымша ем тағайындалуы мүмкін. Шизофренияны, маниакальді эпизодты емдеген кезде және биполярлық бұзылыстар кезіндегі қайталанудың профилактикасы үшін дәрігер тәулігіне 5-тен 20 мг-ға дейінгі аралықта тәуліктік дозаға жеке түзету енгізе алады, дозаны арттыру біртіндеп, ең төменгі 24 сағат аралықпен жүргізіледі.

Пациенттердің ерекше топтары

Балалар

Қауіпсіздігі мен тиімділігі туралы деректердің болмауына байланысты Ферзапин 18 жастан кіші балалар мен жасөспірімдерге ұсынылмайды. Жасөспірімдерде ересектерге қарағанда дене салмағының айқын жоғарылауы, липидтер мен пролактин деңгейінің өзгеруі байқалған.

Балаларға арналған ең жоғары бір реттік және тәуліктік дозалар жасына, салмағына және (немесе) дене беткейіне қарай көрсетіледі.

Егде жастағы пациенттер

65 жастан асқан пациенттерге дәрігер препараттың едәуір төмен бастапқы дозасын тағайындауы мүмкін.

Бүйрек және / немесе бауыр жеткіліксіздігі

Дәрігер препараттың едәуір төмен бастапқы дозасын тағайындауы мүмкін.

Шылым шегу

Шылым шегетін пациенттерде Ферзапин препаратының әсері күшеюі мүмкін, сондықтан дәрігер препараттың едәуір төмен бастапқы дозасын тағайындауы мүмкін.

Енгізу әдісі мен жолы

Ішке қабылдауға арналған таблеткалар. Ферзапинді тамақ ішуге қарамастан қабылдауға болады, өйткені тамақ препаратты сіңіру үдерісіне әсер етпейді.

Полиамидті/алюминий фольгасы/поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!