Астане қаласындағы Эгилок Таблеткалары 50 Мг №60 | Эгис ОАО

артериялық гипертензияда (монотерапия ретінде немесе гипертензияға қарсы басқа препараттармен бірге) артериялық гипертензиясы бар пациенттердегі жүрек-қантамырлық және коронарлық аурулардан болатын өлімді (соның ішінде, кенеттен болатын өлімнің жиілігін) азайтады

тұрақты және тұрақсыз стенокардияда (монотерапия ретінде немесе жүрек қыспасына қарсы басқа дәрілермен бірге, сондай-ақ, стенокардия ұстамаларының профилактикасы үшін)

миокард инфарктісінен кейінгі екінші профилактика үшін (демеуші ем)

жүрек ырғағының бұзылуларында (синустық тахикардияда, суправентрикулярлық тахикардияда, қарынша экстрасистолаларында)

бас сақинасы ұстамаларының профилактикасы үшін

жүрек қызметінің жүрек қағуымен қатар жүретін функционалдық бұзылуларында (соның ішінде, гипертиреоз кезінде).

белсенді затына (метопрололға), басқа бета-адреноблокаторларға, немесе қосымша заттардың кез келгеніне аса жоғары сезімталдық;

артериялық гипотензия;

II немесе III дәрежелі атриовентрикулярлық блокада (AV);

жүректің декомпенсацияланған жеткіліксіздігі (өкпенің ісінуімен, гипоперфузиямен немесе гипотензиямен);

клиникалық тұрғыдан елеулі синустық брадикардия;

синустық түйін әлсіздігі синдромы;

кардиогендік шок;

шеткері қанайналымның айқын бұзылулары;

жедел миокард инфарктісінде, егер:

жүректің жиырылу жиілігі минутына 45 соғудан аз болса,

P-Q аралығы 240 м/сек асса,

систолалық артериялық қысым 100 мм сын.бақ. төмен болса.

тұрақты түрде немесе мезгіл-мезгіл инотропты дәрілермен (β-агонистер) емдеуді қажет ететін пациенттер;

верапамилді немесе кальций өзекшелерінің басқа ұқсас блокаторларын бір мезгілде вена ішіне енгізу;

гангрена қаупі кезіндегі шеткері қантамырлардың ауыр аурулары;

жүктіліктің I триместрі және лактация кезеңі;

балалар мен 18 жасқа дейінгі жасөспірімдерге (клиникалық деректер санының жеткілікті болмауына байланысты).

Эгилок препараты мен гипертензияға қарсы басқа дәрілердің гипертензияға қарсы әсерлері бірігеді, сондықтан, артериялық гипотензияның дамуын болдырмау үшін ондай дәрілердің біріктірілімін қабылдап жүрген пациенттердің жай-күйін мұқият қадағалау қажет. Сонымен қатар, гипертензияға қарсы препараттар әсерлерінің жиынтығы, қажет болған жағдайда, артериялық қысымның тиімдірек бақылануына қол жеткізу үшін пайдаланылуы мүмкін.

Метопрололды верапамил немесе дилтиазем типті кальций өзекшелерінің блокаторларымен бір мезгілде қолдану теріс инотропты және хронотроптық әсерлерінің артуына алып келеді. β-адреноблокаторларды қабылдап жүрген пациенттерге верапамил типті кальций өзекшелерінің блокаторларын вена ішіне енгізу ұсынылмайды.

Келесі дәрілермен бір мезгілде қабылдағанда сақтық таныту керек:

Аритмияға қарсы пероральді (хинидин және амиодарон типті) препараттармен, сондай-ақ, парасимпатомиметиктермен бір мезгілде қолданғанда артериялық гипотензияның, брадикардияның, жүрекше-қарынша блокадасының даму қаупі болуы мүмкін.

Оймақгүл гликозидтерімен бір мезгілде қолданғанда брадикардияның, өткізгіштік бұзылуларының даму қаупі болуы мүмкін; метопролол оймақгүл препараттарының оң инотропты әсеріне ықпалын тигізбейді.

Гипертензияға қарсы басқа препараттармен (гуанетидин, резерпин, метилдопа, клонидин, гуанфацин сияқты) бір мезгілде қолданғанда гипотензия мен брадикардия дамуы мүмкін.

Клонидинмен біріктіріп емдегенде препараттарды тоқтатудың қажетті тәртібі мынадай: алдымен метопролол тоқтатылады, содан соң бірнеше күннен кейін клонидинді тоқтатуға болады, керісінше жағдайда гипертониялық криз туындауы мүмкін.

Ұйықтататын дәрілермен, транквилизаторлармен, три- және тетрациклдық антидепрессанттармен, нейролептиктермен және этанолмен бір мезгілде қолданғанда артериялық гипотензияның даму қаупі болуы мүмкін.

Апиындық аналгетиктермен бірге қолданғанда жүрек қызметінің бәсеңдеу қаупі болуы мүмкін.

- және -симпатомиметиктермен бір мезгілде қолданғанда артериялық гипертензияның, айқын брадикардияның даму қаупі болуы мүмкін, жүректің тоқтап қалу қаупі болуы мүмкін.

Эрготаминмен бір мезгілде қолданғанда тамырды тарылтатын әсері күшеюі мүмкін.

2-симпатомиметиктермен бір мезгілде қолданғанда функционалдық антагонизм болуы мүмкін.

Қабынуға қарсы стероидты емес препараттармен (индометацин және простагландин-синтазаның басқа тежегіштері) бір мезгілде қолданғанда метопрололдың гипотензиялық әсері азаюы мүмкін.

Эстрогендермен бір мезгілде қолданғанда метопрололдың гипотензиялық әсері азаяды.

Диабетке қарсы пероральді препараттармен және инсулинмен бір мезгілде қабылдағанда гипогликемияның даму қаупі жоғарылауы, оның айқындығы күшеюі, сондай-ақ, гипогликемия симптомдары бүркемеленуі мүмкін.

Кураре типті миорелаксанттармен бір мезгілде қолданғанда (жүйке-бұлшықет блокадасы күшейеді).

CYP2D6 ферменттерінің тежегіштерімен (мысалы, циметидин, кейбір антигистаминдік препараттар сияқты /мысалы, дифенгидрамин/, аритмияға қарсы кейбір препараттар /мысалы, амиодарон, хинидин, пропафенон/, кейбір психозға қарсы кейбір дәрілер /мысалы, тиоридазин/, ЦОГ-2 кейбір тежегіштері /мысалы, целекоксиб/, алкоголь, гидралазин; серотонинді кері қармайтын кейбір селективті тежегіштер (СКҚСТ), /мысалы, пароксетин, флуоксетин, сертралин, эсциталопрам/) бірге қолданғанда, метопрололдың плазмадағы концентрациясының жоғарылауы салдарынан, оның әсері күшеюі мүмкін.

Метопрололды бауырдың микросомалық CYP2D6 ферменттерінің индукторларымен (рифампицин және барбитураттар) бір мезгілде қолданғанда метопрололдың метаболизмі жеделдеуі мүмкін, бұл оның қан плазмасындағы концентрациясының төмендеуіне және метопрололдың әсерінің азаюына алып келеді.

Метопрололмен емдеу кезінде ганглиоблокаторларды, басқа β-адреноблокаторларды (соның ішіне, көзге тамызатын дәрі түріндегі) немесе МАО тежегіштерін бір мезгілде қабылдап жүрген пациенттер, мұқият медициналық қадағалауда болуы тиіс.

Метопрололды қабылдап жүрген пациенттерде анафилаксиялық шок ауырырақ түрде жүреді.

Эгилок препаратымен емдеу аясында өте сирек жағдайда, жүрекше-қарынша өткізгіштігінің бұзылуы бар пациенттерде жағдайдың нашарлауы, кейде жүрекше-қарынша блокадасының дамуымен басталуы мүмкін.

Егер емдеу аясында брадикардия дамыса, препараттың дозасын азайту қажет немесе препаратты біртіндеп тоқтату керек.

Принцметал стенокардиясы бар пациенттерде альфа-рецепторлар арқылы коронарлық артериялардың жиырылуына байланысты стенокардия ұстамаларының саны мен дәрежесі артуы мүмкін.

Метопролол шеткері артериялық қанайналымның бұзылуының симптомдарын нашарлатуы мүмкін.

Эгилок препаратын тоқтатуды біртіндеп, дозасын шамамен 14 күн ішінде 25 мг дозасына жеткенге дейін төмендете отырып жүргізеді. Емдеу күрт тоқтатылған жағдайда, стенокардия симптомдары күшеюі және коронарлық бұзылулардың қаупі жоғарылауы мүмкін. Препаратты тоқтатқанда коронарлық артериялардың ауруы бар пациенттерге айрықша көңіл бөлу қажет.

Селективті емес β-адреноблокаторлармен салыстырғанда, кардиоселективнті β-адреноблокаторлар тыныс алу функциясына аз әсер ететіндігіне қарамастан, Эгилокты тыныс жолдарының созылмалы обструкциялық аурулары бар пациенттерге сақтықпен тағайындайды. Метопрололды бронх демікпесі бар пациенттерге тағайындағанда β2-адреномиметиктерді (таблеткалар немесе аэрозоль түріндегі) бір мезгілде қолдану немесе бұрыннан қолданылып жүрген бета-адреномиметиктердің дозаларын өзгерту қажет.

Селективті β-адреноблокаторлар селективті еместерге қарағанда, көмірсу алмасуына салыстырмалы түрде сирек ықпал етеді немесе гипогликемияның кейбір симптомдарын бүркемелейді. Қант диабеті бар, Эгилок препаратын қабылдап жүрген пациенттерде, көмірсу алмасуын жүйелі түрде бақылап отыру және қажет болған жағдайда, инсулиннің немесе диабетке қарсы пероральді препараттардың дозасын түзету керек.

Феохромоцитомасы бар пациенттерде Эгилок препаратын тек альфа-адреноблокаторлармен біріктіріп қолдану керек.

Хирургиялық араласым жүргізу қажет болған жағдайда, анестезиологқа Эгилок препаратымен ем жүргізіліп жатқаны туралы ескерту қажет, бұл жағдайда Эгилок препаратын тоқтату қажет емес.

Натрий мөлшері

Препараттың құрамында әр таблеткасындае 1 ммольден аз (23 мг) натрий бар, яғни, іс жүзінде натрийсіз.

Жүктілік немесе лактация кезінде

Жүктілік

Препаратты жүктілік кезеңінде тек, қаупі мен пайдасын бағалағаннан кейін қолдануға болады. Препаратты бұл кезеңде тағайындау қажет болған жағдайда, шарана мен жаңауған нәрестенің жай-күйін босанғаннан кейін 48-72 сағат бойы мұқият қадағалау қажет, өйткені, жатыр-плацента қан ағымының төмендеуі салдарынан шарананың құрсақішілік дамуының тежелуі, брадикардия, артериялық гипотензия, тыныстың тарылуы, гипогликемия болуы мүмкін.

Бала емізу

Препаратты лактация кезеңінде тек, қаупі мен пайдасын мұқият бағалаудан кейін ғана қолдануға болады. Емдік дозаларда қабылдағанда емшек сүтіне бөлініп шыққан метопролол жаңа туған нәрестенің организміне β-бөгегіштік әсер бермейтін болса да, бәрібір, баланың жай-күйін де тұрақты түрде бақылап отыру керек (брадикардия болуы мүмкін).

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Метопролол пациенттің көлік құралдарын басқару және жазатайым жағдайлар қаупі жоғары жұмыстары атқару қабілетіне, әсіресе, емдеудің басында және алкогольді бір мезгілде қабылдағанда қолайсыз әсер етуі мүмкін, (бас айналуы мен шаршау дамуы мүмкін). Қызметі зейін қоюды және психомоторлық реакциялардың жылдамдығын талап ететін пациенттерде, метопрололдың қандай дозаларында пациент ондай жұмыстарды атқаруға қабілетті екендігін дербес тәртіппен шешу керек.

Дозалану режимі

Ұсынылатын дозалары:

Артериялық гипертензия

Ұсынылатын бастапқы дозасы - тәулігіне екі рет (таңертең және кешке) 25-50 мг.

1 немесе 2 рет қабылданатын тәулігіне 100-200 мг пациенттердің көпшілігіне қанағаттанарлық әсер береді. Бір реттік дозасы таңертең енгізіледі. Егер тәулігіне 200 мг қажетті әсер бермесе, дозаны қосымша арттыруға немесе Эгилокты гипертензияға қарсы басқа препараттармен, әсіресе диуретиктермен және дигидропиридин типті кальций антагонистерімен біріктіріп қолдануға болады.

Стенокардия

Ұсынылатын бастапқы дозасы - тәулігіне 2-3 рет 25-50 мг. Әдеттегі тәуліктік дозасы 2 рет қабылданатын тәулігіне 100-200 мг құрайды Клиникалық әсері жеткіліксіз болған жағдайда, дозаны арттыруға немесе Эгилок препаратын жүрек қыспасына қарсы басқа препараттармен біріктіріп қолдануға болады.

Миокард инфарктісінен кейінгі демеуші ем

Ұсынылатын дозасы тәулігіне екі рет (таңертең және кешке) 50-100 мг.

Жүрек ырғағының бұзылулары

Ұсынылатын бастапқы дозасы - тәулігіне 2-3 рет 25-50 мг. Әдеттегі тәуліктік дозасы 2-3 рет қабылданатын тәулігіне 100-200 мг құрайды және пациенттердің көпшілігінде қажетті әсер береді. Қажеттілігіне қарай, дозаны арттыруға болады

Жүрек қызметінің жүрек қағуын сезінумен қатар жүретін функционалдық бұзылулары

Ұсынылатын тәуліктік дозасы тәулігіне 2 рет (таңертең және кешке) 50 мг; қажет болған жағдайда оны біртіндеп тәулігіне 2 рет 100 мг дейін арттыруға болады.

Гипертиреоз

Дозаны жекелей таңдау керек. Ұсынылатын бастапқы доза тәулігіне 3-4 рет 50 мг. Егер бастапқы дозасымен емдеудің 3-4 күнінен кейін ЖСЖ минутына 75 реттен көп болса, дозаны тәулігіне 3-4 рет 100 мг дейін арттыруға болады.

Метопролол метаболизмі гипертиреоз кезінде біршама жоғарылайды, сондықтан әдеттегіден сәл жоғары доза қажет болуы мүмкін. Әдетте, метопролол емдеудің бастапқы кезеңінде адъювантты ем ретінде қолданылады.

Бас сақинасы ұстамаларының профилактикасы

Ұсынылатын дозасы тәулігіне екі рет (таңертең және кешке) 50 мг; қажет болған жағдайда оны тәулігіне екі рет 100 мг дейін арттыруға болады.

Пациенттердің ерекше топтары

Балалар

Препаратты балалар мен жасөспірімдерде қолданудың тәжірибесі шектеулі. Эгилок таблеталарын қолданудың тиімділігі мен қауіпсіздігі жөнінде деректер жоқ.

Бүйрек жеткіліксіздігі бар пациенттер

Бүйрек функциясының бұзылуы кезінде дозалау режимін өзгерту қажет емес.

Бауыр жеткіліксіздігі бар пациенттер

Бауыр циррозы бар пациенттерде метопрололдың қан плазмасы ақуыздарымен байланысуының төмендігіне (5-10%) байланысты, дозалау режимін түзету қажет емес.

Препаратты бауыр функциясының айқын бұзылулары бар пациенттерге (мысалы, циррозы бар, шунттау операциясын бастан өткерген пациенттерде) тағайындағанда, метопрололдың дозасын төмендету қажет болуы мүмкін.

Егде жастағы пациенттер

Егде жастағы пациенттерде дозасын түзету қажет емес.

Енгізу әдісі және жолы

Ішке қабылдауға арналған.

Таблеткаларды аш қарынға қабылдау керек.

Шамадан тыс брадикардияны болдырмау үшін, дозасын жекелей таңдайды.

Сызығы тең екі дозаға бөлуге емес, тек жұтуға оңай болуы үшін сындыруға арналған.

Артық дозалану жағдайында қабылдау қажет болатын шаралар

Симптомдары: артериялық гипотензия, айқын синустық брадикардия, жүрекше-қарыншалық блокада, жүрек жеткіліксіздігі, асистолия, жүрек айнуы, құсу, бронх түйілуі, цианоз, гипогликемия; жеде артық дозалануы кезінде – естен тану, кардиогендік шок, жүрекше-қарыншалық блокада, кома. Артық дозалануының алғашқы симптомдары препаратты қабылдағаннан кейін 20 минут - 2 сағаттан соң көрініс береді.

Жоғарыда атап келтірілген симптомдар препаратты алкогольмен, басқа гипотензиялық дәрілермен, хинидинмен және барбитураттармен бір мезгілде қабылдағанда ушығуы мүмкін.

Емі: басқа шаралардан өзге, қарқынды емдеу және қанайналым мен тыныс алу параметрлерін, бүйрек функциясын, қандағы глюкоза деңгейін, қан сарысуындағы электролиттерді мұқият бақылау қажет.

Егер препаратты қабылдаған сәттен бастап аздаған уақыт өтсе, сіңуін төмендету мақсатында асқазанды шаю (егер шаюға мүмкіндік болмаса немесе егер пациент тәжірибелі медицина қызметкерінің көмегімен есін жоғалтпаса, құстыруға болады), белсендірілген көмірді тағайындау қажет.

Ауыр артериялық гипотензия, брадикардия және қауіп төндіретін жүрек жеткіліксіздігі кезінде –β1-адреностимуляторларды 2-5 минут аралықпен вена ішіне немесе инфузия жолымен қалаған әсерге қол жеткенге дейін енгізу. Селективті β1-адреностимулятор болмаған жағжайда допаминді немесе атропинді вена ішіне енгіщуге болады. Оң әсері болмаған жағдайда, басқа симпатомиметиктер – добутамин немесе норадреналин қолданылады.

Глюкагонды 1-10 мг дозаларда енгізу β-рецепторлардың күшті блокадасы әсерлерінің қайтымдылығына қол жеткізу үшін де пайдалы болуы мүмкін.

Фармакотерапияға резистентті айқын брадикардия кезінде, жүрек ырғағы жетекшісін имплантациялау қажет болуы мүмкін. Бронх түйілуі кезінде - β2 -агонисті (мысалы, тербуталинді) вена ішіне енгізу. Бұл антидоттарын емдік дозаларнан артық дозаларда қолдануға болады.

Метопрололды гемодиализ арқылы тиімді шығару мүмкін емес.

Тоқтату синдромы қаупінің болуына көрсетілім

Эгилок препаратын қабылдауды тоқтату 25 мг тәуліктік дозаға жеткенге дейін шамамен 14 күн ішінде дозаны төмендетіп, біртіндеп жүргізеді. Емдеуді күрт тоқтатқан кезде стенокардия симптомдарының күшеюі және коронарлық бұзылулар қаупінің жоғарылауы мүмкін. Препаратты қабылдауды тоқтатқанда коронарлық артерия ауруы бар пациенттерге ерекше назар аудару қажет.

Дәрілік препараттың қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Егер Сізде осы препаратты пайдалану жөнінде қосымша сұрақтар туындаса, дәрігеріңізге жүгініңіз.

Симптомдары: артериялық гипотензия, айқын синустық брадикардия, жүрекше-қарыншалық блокада, жүрек жеткіліксіздігі, асистолия, жүрек айнуы, құсу, бронх түйілуі, цианоз, гипогликемия; жеде артық дозалануы кезінде – естен тану, кардиогендік шок, жүрекше-қарыншалық блокада, кома. Артық дозалануының алғашқы симптомдары препаратты қабылдағаннан кейін 20 минут - 2 сағаттан соң көрініс береді.

Жоғарыда атап келтірілген симптомдар препаратты алкогольмен, басқа гипотензиялық дәрілермен, хинидинмен және барбитураттармен бір мезгілде қабылдағанда ушығуы мүмкін.

Емі: басқа шаралардан өзге, қарқынды емдеу және қанайналым мен тыныс алу параметрлерін, бүйрек функциясын, қандағы глюкоза деңгейін, қан сарысуындағы электролиттерді мұқият бақылау қажет.

Егер препаратты қабылдаған сәттен бастап аздаған уақыт өтсе, сіңуін төмендету мақсатында асқазанды шаю (егер шаюға мүмкіндік болмаса немесе егер пациент тәжірибелі медицина қызметкерінің көмегімен есін жоғалтпаса, құстыруға болады), белсендірілген көмірді тағайындау қажет.

Ауыр артериялық гипотензия, брадикардия және қауіп төндіретін жүрек жеткіліксіздігі кезінде –β1-адреностимуляторларды 2-5 минут аралықпен вена ішіне немесе инфузия жолымен қалаған әсерге қол жеткенге дейін енгізу. Селективті β1-адреностимулятор болмаған жағжайда допаминді немесе атропинді вена ішіне енгіщуге болады. Оң әсері болмаған жағдайда, басқа симпатомиметиктер – добутамин немесе норадреналин қолданылады.

Глюкагонды 1-10 мг дозаларда енгізу β-рецепторлардың күшті блокадасы әсерлерінің қайтымдылығына қол жеткізу үшін де пайдалы болуы мүмкін.

Фармакотерапияға резистентті айқын брадикардия кезінде, жүрек ырғағы жетекшісін имплантациялау қажет болуы мүмкін. Бронх түйілуі кезінде - β2 -агонисті (мысалы, тербуталинді) вена ішіне енгізу. Бұл антидоттарын емдік дозаларнан артық дозаларда қолдануға болады.

Метопрололды гемодиализ арқылы тиімді шығару мүмкін емес.

Тоқтату синдромы қаупінің болуына көрсетілім

Эгилок препаратын қабылдауды тоқтату 25 мг тәуліктік дозаға жеткенге дейін шамамен 14 күн ішінде дозаны төмендетіп, біртіндеп жүргізеді. Емдеуді күрт тоқтатқан кезде стенокардия симптомдарының күшеюі және коронарлық бұзылулар қаупінің жоғарылауы мүмкін. Препаратты қабылдауды тоқтатқанда коронарлық артерия ауруы бар пациенттерге ерекше назар аудару қажет.

Дәрілік препараттың қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Егер Сізде осы препаратты пайдалану жөнінде қосымша сұрақтар туындаса, дәрігеріңізге жүгініңіз.

Қоңыр шыныдан жасалған, бірінші ашылуы бақыланатын және ирек амортизатормен жасақталған полиэтилен қақпақтары бар құтыларда 60 таблеткадан (25 мг, 50 мг доза үшін) немесе 30 немесе 60 таблеткадан (100 мг доза үшін). Бір құтыдан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

25 °С-ден аспайтын температурада сақтау керек.

Балалардың қолы жетпейтін жерде сақтау керек

3 жыл

Жарамдылық мерзімі өткеннен кейін қолдануға болмайды.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек