Құрамы

Бір сықпаның (30 г) ішінде:

белсенді зат- кетопрофен – 0,75 г;

қосымша заттар: карбомер 980, 96 % этил спирті, лаванда майы, макрогол 400, диэтаноламин, тазартылған су.

Сыртқы түрінің, иісінің, дәмінің сипаттамасы

Хош иісі бар, мөлдір немесе мөлдір дерлік түссіз гель. Ауа көпіршіктері болуы мүмкін.

Қолдану көрсеткіштері

Кетопрофен қабынуға қарсы стероидты емес дәрілік зат болып табылады. Ол қабынуға қарсы және ауыруды басатын әсерге иеленген.

Мыналарда қолданылады:

- жарақаттан (спорттық жарақаттар, шығып кетулер, созылулар мен соғылулар) туындаған күшті ауыруды азайту үшін

- артрит кезіндегі орташа дәрежедегі ауыруда

Қарсы көрсеткіштер

– демікпе, кетопрофенге, фенофибратқа, тиапрофен қышқылына, ацетилсалицил қышқылына немесе басқа стероидты емес қабынуға қарсы дәрілерге (ҚҚСП) аллергиялық ринит симптомдары сияқты аса жоғары сезімталдықтың белгілі реакциялары

– гельді қолдану кезеңіндегі қарқынды инсоляция

– суланатын дерматоздар, экзема

– шырышты қабықтар

– окклюзиялық таңғышпен пайдалану

– инфекция жұқтырылған сыдырылулар, жаралар

– жүктілік және лактация кезеңі

Сақтық шаралары

Гельді бауыр және/немесе бүйрек функциясының бұзылулары, асқазан-ішек жолының эрозиялы-ойық жаралы зақымдануы, қан аурулары, бронх демікпесі, жүректің созылмалы жеткіліксіздігі бар пациенттерде сақтықпен қолдану керек.

Басқа дәрілік препараттармен өзара әрекеттесуі

Дәрілік заттың қан плазмасындағы концентрациясы аса төмен болғандықтан, басқа дәрілік заттармен өзара әрекеттесу симптомдары (жүйелі қолданғандағы симптомдарға ұқсас) тек жиі және ұзақ уақыт қолданғанда ғана пайда болуы мүмкін.

Құрамында кетопрофен бар басқа жергілікті түрлерін (жақпамай, гель) немесе қабынуға қарсы стероидты емес басқа дәрілерді бір мезгілде қолдану ұсынылмайды.

Кетопрофен, қабынуға қарсы стероидты емес басқа дәрілер сияқты, метотрексаттың шығарылуын төмендетуі және оның уыттылығының артуына ықпал етуі мүмкін.

Құрамында кумарин бар, ұюға қарсы дәрілерді дәрігердің қадағалауымен қолдану ұсынылады.

Арнайы сақтандырулар

Гельдің шырышты қабыққа және көзге түсуін болдырмау қажет.

Кетопрофен гелін жаққаннан кейін қолды мұқият жуу керек.

Гель жаққан аймақты бүкіл емдеу кезеңі және дәрілік затты қолдануды тоқтатқаннан кейін екі апта бойы күн сәулесі әсеріне (оның ішінде бұлтты ауа райында), УК сәулеленуге ұшыратпаған жөн.

Киіммен күн сәулесі әсер етуінен кетопрофен гелі жағылатын аймақтың қорғалуын қамтамасыз ету қажет.

Кетопрофен гелін окклюзиялық таңғыш астына қолдануға болмайды.

Фотоаллергиялық тері реакцияларының алғашқы белгілері пайда болғанда кетопрофен гелін қолдануды дереу тоқтатқан жөн.

Тері реакциялары, соның ішінде, құрамында октокрилен бар дәрілік заттармен бірге қолданғанда дамитын түрлері пайда болған жағдайда, емдеуді дереу тоқтату керек.

Жанаспалы дерматит пен жарыққа сезімталдық реакцияларының даму қаупінің уақыт өте келе күшейетіндігіне байланысты, ұсынылатын емдеу ұзақтығы 7 күннен аспауы тиіс.

Созылмалы ринитпен, созылмалы синуситпен біріккен демікпесі және/немесе мұрын полипозы бар пациенттерде халықтың басқа бөлігіне қарағанда, аспиринге және/немесе қабынуға қарсы дәрілерге аллергияның туындау қаупі жоғары.

Гельді бауыр және/немесе бүйрек функциясының бұзылулары, асқазан-ішек жолының эрозиялы-ойық жаралы зақымдануы, қан аурулары, бронх демікпесі, жүректің созылмалы жеткіліксіздігі бар пациенттерде сақтықпен қолдану керек.

Тері бөртпесі пайда болса, қолдануды тоқтату керек.

Дәрілік затты ашық оттан аулақта сақтау керек. Өртеуге болмайды.

Педиатрияда қолданылуы

18 жасқа дейінгі жасөспірімдерге және балаларға ұсынылмайды, өйткені кетопрофенді балаларда қолданудың қауіпсіздігі анықталмаған.

Жүктілік немесе лактация кезінде

Жүктілік

Жануарларда эмбриопатиялық әсерлері анықталмаған, кетопрофеннің әйелдерде жүктілік кезінде қолданылғандағы қауіпсіздігі жөнінде эпидемиологиялық мәліметтер бар. Дегенмен, кетопрофенді жүктіліктің бірінші және екінші триместрлері кезінде қабылдауды болдырмау ұсынылады.

Жүктіліктің үшінші триместрі кезінде кетопрофенді қоса, простагландинсинтетазаның барлық тежегіштері, шаранада жүрек-өкпе және бүйрек уыттылығын туғызуы мүмкін. Жүктіліктің соңында анада да, балада да ұзаққа созылатын қан кетулер байқалуы мүмкін. Сонымен қатар, қабынуға қарсы стероидты емес дәрілер босануды кідіртуі мүмкін. Сондықтан, кетопрофенді жүктіліктің үшінші триместрі кезінде қолдануға болмайды.

Лактация кезеңі

Кетопрофеннің іздері ана сүтінде анықталады; сондықтан Кетопрофен бала емізу кезінде пайдаланылмауы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Арнайы нұсқаулар