Астане қаласындағы Жаңа Емес Таблеткалар 400 Мг №10 | Lincoln Pharmaceuticals Ltd

ДП ересектерге, балаларға, 12 жастан асқан жасөспірімдерге қолдануға болады

бас ауыруы, бас сақинасы

миалгия, невралгия

люмбалгии, радикулит

ревматоидтық артритке, остеоартрозға, шорбуынданған спондилитке шалдыққанда буындардың ауырсынуы

тіс ауыруы, тісті жұлып тастағаннан кейінгі ауырсыну

жарақаттан кейінгі ауырсыну, соның ішінде спорттық ауырсынулар (созылу, соғып алу, буын шығу)

бурсит, тендинит

тұмаумен, «суық тию» және басқа да инфекциялық - қабынбалы аурулармен ауырғанда қызба синдромы

ибупрофенге немесе препараттың құрамына кіретін кез келген компоненттерге жоғары сезімталдық

анамнезінде ацетилсалицил қышқылын (салицилаттарды) немесе басқа ҚҚСП қолдануға байланысты аса жоғары сезімталдық реакцияларының (бронх демікпесі, бронхоспазм, ринит, риносинусит, мұрынның немесе мұрын маңы қуыстарының қайталанатын полипозы, Квинке ісінуі, есекжем) болуы

айқын сусыздану (құсу, диарея немесе сұйықтықты жеткіліксіз ішу салдарынан)

асқазан-ішек жолы ағзаларының эрозиялы-ойық жаралы аурулары (оның ішінде асқазан мен он екі елі ішектің асқыну сатысындағы ойық жаралы ауруы, Крон ауруы, ойық жаралы колит, пептидтік ойық жара) немесе белсенді фазадағы немесе анамнезінде ойық жарадан қан кету (ойық жаралы аурудың немесе ойық жарадан қан кетудің екі немесе одан көп расталған эпизоды)

ҚҚСП қолданудан туындаған, анамнезінде асқазан-ішек жолының ойық жарасынан қан кету немесе тесілу

ішектің қабынбалы аурулары

бауыр функциясының ауыр жеткіліксіздігі немесе бауырдың белсенді фазадағы ауруы

бүйрек функциясының ауыр жеткіліксіздігі (креатинин клиренсі <30 мл/мин), расталған гиперкалиемия

бүйректің үдемелі аурулары

артериялық гипертензияның ауыр ағымы

жүрек функциясының  ауыр жеткіліксіздігі (NYHA IV),

аортокоронарлық шунттауды жасағаннан кейінгі кезең

гемофилия және қан ұйығыштығының басқа да бұзылулары (оның ішінде гипокоагуляция), геморрагиялық диатездер

көру жүйкесінің аурулары, түсті сезудің бұзылуы, амблиопия, скотома

есту қабілетінің төмендеуі, вестибулярлық аппараттың патологиясы

фруктоза жақпаушылығы (глюкоза-6-фосфатдегидрогеназа тапшылығы)

бассүйекішіне қан құйылу

жүктілік және бала емізу кезеңі

12 жасқа дейінгі балалар

Салыстырмалы қолдануға болмайтын жағдайлар:

егде жас

асқазан мен он екі елі ішектің ойық жаралы ауруы (анамнезінде), гастрит, энтерит, колит

этиологиясы белгісіз қан  аурулары (лейкопения және анемия)

Микросомалық тотығу индукторлары (фенитоин, этанол, барбитураттар, рифампицин, фенилбутазон, трициклді антидепрессанттар) ауыр гепатоуытты реакциялардың даму қаупін арттыра отырып, гидроксилденген белсенді метаболиттердің өндірілуін арттырады.

Микросомалық тотығу тежегіштері гепатоуытты әсер ету қаупін төмендетеді.

Нью Не-Бол гипотензиялық дәрілердің әсерін (оның ішінде баяу кальций өзекшелерінің бөгегіштері мен ангиотензин өзгертуші фермент тежегіштері), фуросемид пен гидрохлоротиазидтің натрийурездік және диурездік белсенділігін төмендетеді.

Нью Не-Бол урикозуриялық дәрілердің тиімділігін төмендетеді, тікелей емес антикоагулянттардың, антиагреганттардың, фибринолитиктердің әсерін күшейтеді (геморрагиялық асқынулардың пайда болу қаупінің жоғарылауы).

Нью Не-Бол глюкокортикостероидтармен, колхицинмен, эстрогенмен, этанолмен бір мезгілде қолданғанда қан кетумен байқалатын ульцерогенді әсер етеді.

Нью Не-Бол пероральді гипогликемиялық дәрілік заттар мен инсулиннің әсерін күшейтеді.

Антацидтер мен колестирамин ибупрофеннің сіңуін төмендетеді.

Нью Не-Бол  қандағы дигоксин, литий және метотрексат препараттарының концентрациясын арттырады.

Кофеин Нью Не-Бол препаратының анальгезиялық әсерін күшейтеді.

Нью Не-Бол бір мезгілде қолданғанда ацетилсалицил қышқылының қабынуға қарсы және антиагрегантты әсерін төмендетеді (ибупрофен қабылдауды бастағаннан кейін ацетилсалицил қышқылының аз дозаларын антиагрегантты дәрі ретінде қабылдайтын науқастарда жедел коронарлық жеткіліксіздіктің даму жиілігінің жоғарылауы мүмкін).

Нью Не-Бол антикоагулянтты және тромболиттік дәрілік заттармен (алтеплазамен, стрептокиназамен, урокиназамен) бір мезгілде қолданғанда қан кетудің даму қаупі артады.

Цефамандол, цефоперазон, цефотетан, вальпрой қышқылы, пликамицин гипопротромбинемияның даму жиілігін арттырады.

Миелоуытты дәрілік заттар препараттың гематоуытты көріністерін күшейтеді.

Циклоспорин және алтын препараттары ибупрофеннің бүйректегі простагландиннің синтезіне ықпалын күшейтеді, бұл нефроуыттылықтың жоғарылауымен көріністеледі.

Нью Не-Бол циклоспориннің плазмалық концентрациясын және оның гепатоуытты әсерлерінің даму ықтималдығын арттырады.

Өзекшелік секрецияны тежейтін дәрілік заттар ибупрофеннің шығарылуын төмендетеді және плазмалық концентрациясын арттырады.

Арнайы ескертулер

Педиатрияда қолдану

12 жасқа дейінгі балаларға қолдануға болмайды.

Жүктілік немесе лактация кезінде

Жүктіліктің соңында басқа ҚҚСП-мен ибупрофенді қабылдауға болмайды, себебі ол артериялық түтіктің мерзімінен бұрын жабылуын туындатуы мүмкін.

Лактация кезеңінде қолдану: емшек сүтінде ҚҚСП-ның өте төмен концентрациясында пайда болуын туындатуы мүмкін. Ибупрофен препаратын бала емізіп жүрген әйелдерге тағайындау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданған кезде орталық жүйке жүйесі тарапынан шаршау немесе бас айналу сияқты жағымсыз әсерлер туындауы мүмкін, бұл автомобиль жүргізуге және қозғалатын механизмдерді басқару қабілетіне әсер етуі мүмкін. Жоғары назар аударуды, тез психикалық және қозғалыстық реакцияны талап ететін іс-әрекеттің барлық түрлерінен сақ болу керек.

Дозалау режимі

Жағымсыз реакциялардың даму қауіптерін азайту мақсатында ибупрофенді ең төменгі тиімді дозадан және клиникалық әсерге қол жеткізу үшін қажетті ең аз қысқа кезең бойы қабылдау керек.

Ересектерге және 12 жастан асқан балаларға: 1 таблеткадан (400 мг) тәулігіне 2-3 рет.

Ең жоғары тәуліктік дозасы – 3 таблетка (1200 мг).

Бүйрек, бауыр немесе жүрек функциясы бұзылған пациенттерге препарат дозасын азайту қажет.

Енгізу әдісі мен жолы

Препаратты тамақпен бірге диспептикалық әсерлердің даму қаупін азайту үшін  1 стақан сумен бірге (200 мл) ішеді.

Емдеу ұзақтығы

Емдеу ұзақтығы – 7 күннен аспауы тиіс. Ұзақ емдеу кезінде дәрігермен кеңесу қажет.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (қызба және ауырсыну сияқты) сақталса немесе нашарласа («Қолдану кезіндегі қажетті сақтық шаралары» бөлімін қараңыз) дереу дәрігерге хабарласыңыз.

Артық дозаланған жағдайда қабылдануы тиіс шаралар

Симптомдары: жүрек айну, құсу, эпигастрий аймағының  ауыруы, бас ауыру. Кейде ұйқышылдық пен атаксия пайда болады. Артериялық гипотония, ацидоз, бүйрек немесе бауыр функциясының бұзылуы және асқазан-ішектен қан кету, брадикардия, тахикардия, жүрекше фибрилляциясы сирек байқалады,  тыныс алудың тоқтап қалуы мүмкін.

Емі: артық дозаланудың ерте сатысында асқазанды шаю, белсендірілген көмірді қабылдау көрсетілген. Қажет болған жағдайда демеу шаралары мен симптоматикалық ем жүргізеді.

10 таблеткадан поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамаға салынды.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде, 30о С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!