Астане қаласындағы Оксипрогестерон Капронаты Ампуласы 12,5% 1 Мл №10 | Биофарма Плазма ООО

Бір ұрықтық жүктілігі бар әйелдердегі мерзімінен бұрын босану қатерінде.

Оксипрогестерон капронаты - бір ұрықты жүктілігі бар және бұрын мерзімінен бұрын өздігінен бір ұрықты босанған әйелдерде мерзімінен бұрын босану қаупін төмендетуге арналған прогестин препараты.

Қолдануды шектеу. Мерзімінен бұрын босанудың көптеген қауіп факторларына қарамастан, Оксипрогестерон капронатының қауіпсіздігі мен тиімділігі тек бұрын мерзімінен бұрын өздігінен бір ұрықты босанған әйелдерде ғана көрсетілді. Препарат көп ұрықты жүктілігі және мерзімінен бұрын босану қаупінің басқа факторлары бар әйелдерде қолдануға арналмаған.

- әсер етуші затқа немесе қосымша заттардың кез келгеніне аса жоғары сезімталдық

- тромбоз, соның ішінде анамнезде немесе тромбоэмболиялық бұзылулар

- сүт безінің обыры немесе оның болуынан күдіктену, гормонға сезімтал қатерлі ісіктердің басқа типтері, соның ішінде анамнезде

- жүктілікпен байланыссыз аномальді қынаптық қан кетулер

- холестаздық сарғаю

- бауыр ісіктері, бауырдың қатерсіз немесе қатерлі, сондай-ақ белсенді өтетін аурулары

- бақыланбайтын гипертензия

- бала емізу кезеңі

- жүктілікті диагностикалау үшін қолдануға болмайды

Оксипрогестерон капронатын пайдалана отырып, in vitro дәрілік өзара әрекеттесулерге зерттеулер жүргізілді. Гидроксипрогестерон капронаты клиникалық маңызды концентрацияларда қолданғанда CYP1A2, CYP2A6 және CYP2B6 цитохромдарымен делдал болған дәрілік өзара әрекеттесулерге ең аз қатысады. In vitro зерттеулерінде алынған деректердің көмегімен емдік концентрациядағы гидроксипрогестерон капронаты CYP2C8, CYP2C9, CYP2C19, CYP2D6, CYP2E1 және CYP3A4 цитохромдарының белсенділігін тежеуі екіталай екені көрсетілді. Оксипрогестерон капронатын пайдалана отырып, in vivo дәрілік өзара әрекеттесулерін зерттеу жүргізілген жоқ.

Дозалау режимі

Дозаны енгізу

Пайдаланар алдында препараты бар ампуланы су моншасында сәл қыздырады (30-40˚С дейін). Кристалдар түскен жағдайда ампуланы қайнап тұрған су моншасында олар толық ерігенше қыздырады.

Қатер төндіретін немесе басталған түсік тастауда жүктіліктің І триместрінде аптасына 1 рет 125-250 мг (1-2 мл 12,5% ерітінді) енгізеді.

Препаратты медицина маманы аптасына бір рет (әрбір 7 күн сайын) үлкен бөксе бұлшықетінің жоғарғы сыртқы квадрантына 250 мг (2 мл) дозада бұлшықет ішіне енгізеді.

Емдеуді жүктіліктің 16 аптасы 0 күн мен 20 аптасы 6 күн аралығында бастау керек.

Препаратты енгізу аптасына бір рет жүктіліктің 37 аптасына дейін (оның ішінде 36 апта 6 күн) немесе баланың туылуына дейін, қайсысы бұрын болатынына байланысты жалғасады.

Дайындау және қолдану

Парентеральді қолдануға арналған дәрілік препараттарды механикалық қосылулардың болуына және қаптама мүмкіндік беретін барлық жағдайларда ерітіндінің түсінің өзгеруіне қарап тексеру керек.

Оксипрогестерон капронаты ашық сарыдан жасылдау-сары түске дейінгі мөлдір майлы сұйықтық болып табылады. Пайдалану кезінде ерітінді мөлдір болуы тиіс; көрінетін қоспалар немесе тұнба болған кезде ампуланы ауыстырыңыз.

Ескертпе: инеде немесе шприцте ылғалдың болуы ерітіндінің бұлыңғырлануына әкелуі мүмкін, бірақ бұл препараттың белсенділігіне әсер етпейді.

Дайындау және қолдану емшарасы

1. Қолданар алдында ампуланың жоғарғы бөлігін спиртті тампонмен тазалаңыз.

2. 1 мл дәрілік препаратты 18 калибрлі иненің көмегімен сыйымдылығы 3 мл шприцке жинаңыз.

3. Инені 21 калибрлі баламалы нұсқаның инесімен (3,81 см) ауыстырыңыз.

4. Теріні дайындағаннан кейін препаратты үлкен бөксе бұлшықетінің сыртқы жоғарғы квадрантына енгізіңіз. Ерітінді тұтқыр және майлы консистенцияға иеленген. Препаратты баяу енгізу ұсынылады (кемінде бір минут ішінде).

5. Гематома мен домбығудың айқындылығын азайту үшін инъекция аймағын басыңыз.

Енгізу әдісі және жолы

Бұлшықет ішіне енгізеді.

Қабылдау уақытын көрсетумен қолдану жиілігі

Қатер төндіретін немесе басталған түсік тастауда жүктіліктің І триместрінде аптасына 1 рет.

Емдеу ұзақтығы

Қолдану ұзақтығы және препаратты енгізу саны жеке анықталады.

Артық дозалану жағдайында қабылдануы қажеті шаралар

Симптомдары: препараттың жоғары дозаларын қолдану кезінде сәйкесті бөлімде сипатталған жағымсыз әсерлер жиірек туындайды. Гестагенге тәуелді жағымсыз әсерлер білінгенде емдеуді тоқтатып, ал олар жоғалған соң аз дозаларда жалғастыру қажет.

Емі: симптоматикалық.

Дәрілік препараттың бір немесе бірнеше дозасын жіберіп алған кезде қажетті шаралар

Енгізу режимін сақтау ұсынылады.

1 мл препараттан сыйымдылығы 1 мл сындыру сақинасы бар шыны ампулаларға құйылады.

Сындыру сақинасы бар 5 ампуладан алюминий фольгамен қапталған ПВХ пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге қораптық (хром-эрзац) картоннан жасалған қорапшаға салынады.

Қорапшалар топтама ыдысқа салынады және оларға топтық заттаңба жапсырылады.

Жарықтың әсер етуінен қорғау үшін түпнұсқалық қаптамасында, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтың әсер етуінен қорғау үшін түпнұсқалық қаптамасында, 25ºС-ден аспайтын температурада сақтау керек.

Балалардың қолы жетпейтін жерде сақтау керек!