Астане қаласындағы 16,1 Г №2 Ішкі Қолдануға Арналған Ерітінді Дайындауға Арналған Пикопреп Ұнтағы | Ферринг ГмбХ

1 пакеттің ішінде

белсенді зат: натрий пикосульфаты 10.0 мг, магнийдің жеңіл тотығы

3.500 г, сусыз лимон қышқылы 12.000 г,

қосымша заттар: түйіршіктелген калий гидрокарбонаты, натрий сахарині, құрғақ табиғи апельсин хош иістендіргіші (гуммиарабик, лактоза, аскорбин қышқылы, бутилгидроксианизол).

- рентгенологиялық зерттеулер, эндоскопия жүргізу алдында немесе

хирургиялық араласу алдында ішекті тазарту үшін

- әсер етуші заттарға немесе қосымша заттардың кез келгеніне аса жоғары сезімталдық

- жүрек функциясының іркілісті жеткіліксіздігі

- асқазандағы іркіліс, асқазан-ішек ойықжаралары, уытты колит, уытты

мегаколон, ішек бітелісі, жүрек айнуы және құсу,

жедел аппендицит сияқты хирургиялық араласуды қажет ететін

жедел абдоминальды патология, сондай-ақ диагноз қойылған немесе күдікті асқазан-ішектің бітелуі немесе тесілуі

- бүйрек функциясының жеткіліксіздігі (қан плазмасында магнийдің жиналуына байланысты)

- 1 жасқа дейінгі балалар

Препаратты су және/немесе электролит теңгеріміне әсер етуі мүмкін препараттарды қолданатын пациенттерде сақтықпен қолданған жөн, мысалы, диуретиктер, кортикостероидтар, литий.

Пикопреп препараты тұрақты пероральді қолдануға арналған дәрілік препараттардың сіңірілуін өзгерте алатындықтан, мұндай жағдайларда оны сақтықпен қолдану керек; мысалы, эпилепсияға қарсы препараттарды қабылдайтын пациенттерде бұрын эпилепсияның ағымын сәтті бақылауға мүмкіндік берген конвульсия ұстамалары туралы жекелеген хабарламалар алынды.

Су мен электролиттердің пероральді жеткіліксіз тұтынылуы, әсіресе әлсіреген пациенттерде, олардың клиникалық маңызды тапшылығына әкелуі мүмкін. Сондықтан егде жастағы пациенттер мен әлсіреген пациенттер, сондай-ақ гипокалиемияның даму қаупі бар пациенттер медициналық бақылауда болуы тиіс. Гипонатриемия белгілері немесе симптомдары бар пациенттерде сұйықтық пен электролиттердің теңгерімін қалпына келтіру үшін жылдам түзету шараларын жүргізу қажет болуы мүмкін. Сұйықтықты жеткілікті мөлшерде ішу керек.

Ішекті тазарту кезеңі 24 сағаттан аспауы керек, өйткені ұзақ емшара су немесе электролит теңгерімінің бұзылу қаупін арттыруы мүмкін.

Препарат құрамында лактоза бар, сондықтан оны галактоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар пациенттерге қолдануға болмайды.

Құрамында натрий болуына байланысты тұзсыз диета ұстанатын адамдарға тағайындау кезінде сақ болу керек.

Препарат әдеттегі іш жүргізетін дәрі ретінде қолдануға арналмаған.

Балалар

Препарат 1 жастан бастап балаларға стационар жағдайында дәрігердің бақылауымен қолданылады.

Жүктілік немесе лактация кезеңінде қолдану

Пикопреп препаратын жүктілік кезеңінде қолданудың клиникалық тәжірибесі шектеулі, сондықтан препаратты, әсіресе жүктіліктің бірінші триместрінде сақтықпен қолдану керек.

Натрий пикосульфаты, магний цитраты емшек сүтіне бөлінбейді.

Осылайша, Пикопрепаны емізу кезінде қолдануға болады.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Конвульсиялардың, құрысулардың немесе сананың шатасуының туындау мүмкіндігін ескере отырып, препаратты қолдану кезеңінде автокөлікті басқарудан немесе басқа механизмдермен жұмыс істеуден бас тартқан жөн.

Дозалау режимі

Ауруханаға жатқызудан бір күн бұрын төмен калориялы диетаға ауысу ұсынылады. Препаратты қолдану кезінде дегидратацияны болдырмау үшін жеткілікті мөлшерде су ішу ұсынылады (сағатына шамамен 250 мл). Ұнтақты дайындау ережесі

Бір пакеттің ішіндегіні бөлме температурасындағы бір стақан (150 мл-ге жуық) суда ерітеді, 2-3 минут бойы араластырады және алынған ерітіндіні ішеді. Егер ерітінді қызып кетсе, ерітінді ішуге жарайтын температураға дейін салқындағанша күте тұру керек.

Ересектер (егде жастағы адамдарды қоса алғанда)

Бір пакеттің ішіндегісін жоғарыда сипатталғандай сумен сұйылтады және емшарадан бір күн бұрын кешке қабылдайды, 6-8 сағаттан кейін қайта қабылданады.

Балалар

1-2 жас: таңертең пакеттің ішіндегісінің 1/4 және күндіз пакеттің ішіндегісінің 1/4;

2-4 жас: таңертең пакеттің ішіндегісінің 1/2 және күндіз пакеттің ішіндегісінің 1/2;

4-9 жас: таңертең 1 пакеттің ішіндегісін және күндіз пакеттің ішіндегісінің 1/2;

9 жас және одан үлкен: дозалау ересектердегі сияқты.

Ерітіндінің қалдығын төгіп тастайды. Дайындалған ерітіндіні сақтамайды.

Енгізу әдісі және жолы

Препарат ішке қолданылады.

Қабылдау уақыты көрсетілген қолдану жиілігі

Дәрігердің тағайындауы бойынша

Емдеу ұзақтығы

Дәрігердің тағайындауы бойынша

Артық дозалану жағдайында қабылдау қажет болатын шаралар

Симптомдары: профузды диареяның дамуы мүмкін.

Емі: жалпы демеуші ем жүргізу және сұйықтықтың жеткілікті мөлшерде тұтынылуын қамтамасыз ету.

Дәрілік препаратты қолдану тәсілін түсіндіру үшін медицина қызметкері кеңесіне жүгіну бойынша ұсынымдар

Дәрілік затты қолдану тәсілін түсіндіру үшін дәрігерге жүгіну ұсынылады.

Симптомдары: профузды диареяның дамуы мүмкін.

Емі: жалпы демеуші ем жүргізу және сұйықтықтың жеткілікті мөлшерде тұтынылуын қамтамасыз ету.

Дәрілік препаратты қолдану тәсілін түсіндіру үшін медицина қызметкері кеңесіне жүгіну бойынша ұсынымдар

Дәрілік затты қолдану тәсілін түсіндіру үшін дәрігерге жүгіну ұсынылады.

Сирек (≥ 1/10000 <1/1000 дейін)

- аса жоғары сезімталдық, анафилаксиялық реакция

- гипонатриемия

- бас ауыруы, сананың шатасуы, эпилепсия, клонустық-тонустық

құрысулар, конвульсиялар

- жүрек айнуы, құсу, құрсақтың ауыруы, диарея, прокталгия

- бөртпе (эритематозды және макулопапуллезді бөртпелерді қоса), қышыну, есекжем, пурпура

Жеңіл қайтымды түрде мықынішектің афтозды ойықжарасы дамуының жекелеген жағдайлары туралы хабарланды.

16.1 г препараттан төрт қабатты пакеттерге салынған.

2 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салады.

Түпнұсқалық қаптамасында, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Дайындалған ерітіндіні сұйылтқаннан кейін бірден қолдану керек.

Жарамдылық мерзімі өткеннен кейін қабылдауға болмайды!