Астане қаласындағы Сальбутамол Ингаляцияға Арналған Аэрозоль 100мкг 200 Доза | Глаксо Вэллком Продакшн

Сальбутамол, ингаляцияға арналған аэрозоль ересектерде, жасөспірімдер мен 4 жастан 11 жасқа дейінгі балаларда қолданылады. Нәрестелер мен 4 жасқа толмаған балалар үшін.

-сальбутамол, ингаляцияға арналған аэрозоль тыныс алу жолдарының қайтымды обструкциясы жағдайында әсері жылдам (5 минут ішінде) басталатын қысқа мерзімді (4-сағаттан 6 сағатқа дейін) әсер беретін бронх дилатациясын қамтамасыз етеді.

- демікпе симптомдарын жеңілдету және алдын алу үшін қолданылады. Симптомдар туындаған жағдайда оларды жеңілдету үшін, және тұншығу ұстамасынан туындайтын жағдайлардың алдын алу үшін (мысалы дене жүктемесіне дейін немесе аллергеннің әсеріне ұшыраған жағдайда) қабылдау керек.

-сальбутамол, ингаляцияға арналған аэрозоль жеңіл, орташа немесе ауыр демікпе симптомдарын жеңілдету үшінартынша кортикостероидтарды енгізу және олармен жүйелі ингаляциялық емді пайдалану жүргізілетін жағдайларда қолданылады.

- препараттың құрамына кіретін кез келген компонентке жоғары сезімталдық

Сальбутамолдың бұл шығарылымдағы түрі вена ішіне енгізуге арналмаған, мезгілінен бұрын босану және түсік тастау қаупін болдырмау үшін қолданылмауы тиіс.

Қолдану кезіндегі қажетті сақтық шаралары

Пациенттердің ингаляция техникасын дұрыс қолданатынына және препаратты өкпеге оңтайлы жеткізу үшін аэрозольді белсендіру мен дем алу арасындағы синхрондалуына көз жеткізуі тиіс. Пациенттерге алдыңғы ингалятормен салыстырғанда ингаляция кезінде басқа дәм сезінуі мүмкін екендігі туралы ескерту керек.

Бронходилататорлар тұрақсыз немесе ауыр ағымдағы бронх демікпесін емдеудің жалғыз немесе негізгі компоненті болмауы тиіс. Ауыр демікпе жүйелі түрде медициналық тексерулерді, соның ішінде өкпе функциясын тексеруді қажет етеді, өйткені пациенттер ауыр ұстамалар мен тіпті өлім қаупіне ұшырайды. Дәрігерлер бұл пациенттерде ингаляциялық кортикостероидтардың және/немесе пероральді кортикостероидтардың ұсынылатын ең жоғары дозасын қолдану мүмкіндігін қарастыруы керек.

Ингаляцияның дозасын немесе жиілігін тек дәрігердің нұсқауы бойынша арттыру керек. Егер ингаляциялық сальбутамолдың әдеттегі дозасының тиімділігі азая түссе немесе аз уақытқа созылса кемінде үш сағат бойы әсері сақталмаса, пациент дәрігерге қаралу керек.

Бұл жағдайда пациентті бағалау және қабынуға қарсы емді арттыру мүмкіндігін қарастыру керек (мысалы, ингаляциялық кортикостероидтардың жоғары дозалары немесе пероральді кортикостероидтар курсы).

Демікпенің ауыр өршуін әдеттегідей емдеу керек.

Симпатомиметиктерді, соның ішінде салбутамолды қабылдағанда жүрек-қантамырлар жүйесі тарапынан симптомдар байқалуы мүмкін. Сальбутамолды қолданумен байланысты миокард ишемиясының сирек жағдайлары туралы постмаркетингтік зерттеулерден және жарияланған әдебиеттерден кейбір деректер бар. Салбутамол қабылдайтын қатарлас ауыр жүрек ауруы (мысалы, ишемиялық жүрек ауруы, аритмиясы немесе ауыр жүрек жеткіліксіздігі) бар пациенттер оларға сальбутамол тағайындалғанда кеуденің ауыруы немесе жүрек-қантамыр ауруы өршуінің немесе басқа симптомдары пайда болған жағдайда міндетті түрде дәрігерге қаралу жөнінде ескертілуі тиіс. Ентігу және кеуденің ауыруы сияқты симптомдардың білінуін ұқыпты бағалау керек, өйткені олар жүрек-қантамырдың та, бронх-өкпенің де функционалдық бұзылуларының салдары болуы мүмкін.

Препаратты тиреотоксикоз бар пациенттерде сақтықпен қолданылады.

2-адренорецепторлар агонистерімен ем, әсіресе, олар парентеральді немесе небулайзер көмегімен енгізілгенде гипокалиемияға әкелуі мүмкін. Бронх демікпесінің ауыр ұстамаларын емдегенде ерекше сақтық танытуға кеңес беріледі, өйткені бұл жағдайларда ксантин туындыларын, глюкокортикостероидтарды, диуретиктерді бір мезгілде қолдану нәтижесінде, сондай-ақ гипоксия салдарынан гипокалиемия күшейіп кетуі мүмкін. Ондай жағдайларда қан сарысуындағы калий деңгейін бақылау қажет.

Басқа да ингаляциялық препараттар қолданылатын жағдайдағы сияқты, дозаны енгізуден кейін бірден түйілудің туындауы нәтижесінде парадокстық бронх түйілуі дамуы мүмкін. Парадокстық бронх түйілуі туындағанда оны баламалы препараттың немесе басқа фармакологиялық топтағы тез әсер ететін ингаляциялық бронходилататордың көмегімен дереу басу талап етіледі. Сальбутамолдың осы түрімен емдеуді дереу тоқтату, ал қажет болса, әріқарай пайдалану үшін басқа да тез әсер ететін бронходилататорларды тағайындау керек.

Дозалау режимі

Сальбутамол аэрозоль түрінде ауыз арқылы аэрозольді ішке тарту жолымен ингаляция жасау үшін ғана қолданылады. Дем алу мен ингалятордан дәріні босатып шығаруды үйлестіруге қиналатын адамдар Сальбутамол препаратын спейсер түріндегі медициналық бұйымның жәрдемімен қолданылуы мүмкін.

Ересектер

Бронх түйілуін қоса, демікпенің жедел симптомдарын басу үшін, бастапқы ең төменгі дозасы ретінде бір дозасын (100 мкг) қабылдауға болады. Қажет болған жағдайда, дозасын екі ингаляцияға дейін арттыруға болады. Аллергеннен немесе дене жүктемесінен туындаған симптомдарды басу үшін, жүктемеге дейін 10-15 минут ішінде 2 ингаляциясын жасауға болады.

Тұрақты терапияда тәулігіне төрт ретке дейін екі ингаляция жасау керек.

Балалар

Бронхтың жедел түйілуін басу.

12 жасқа толмаған балаларға арналған әдеттегі дозасы: бір ингаляция (100 мкг). Дозасын қажеттілігіне қарай екі ингаляцияға дейін арттыруға болады.

12 жастағы және одан үлкен балалар. Ересектерге арналғандай дозада.

Аллергеннен немесе дене жүктемесінен туындаған бронх түйілуін алдын алу.

12 жасқа толмаған балаларға арналған әдеттегі дозасы: жүктемеге немесе аллергенмен күтілген жанасуға дейін бір ингаляция (100 мкг). Дозасын қажеттілігіне қарай екі ингаляцияға дейін арттыруға болады.

12 жастағы және одан үлкен балалар. Ересектерге арналғандай дозада.

Ұзақ емдеу.

12 жасқа толмаған балаларға арналған әдеттегі дозасы: екі ингаляцияға дейін күніне 4 рет.

12 жастағы және одан үлкен балалар. Ересектерге арналғандай дозада.

5 жасқа толмаған балалардың қабылдауын жеңілдету үшін бэбихейлер спейсерді пайдалануға болады.

Сальбутамол ингаляторын қажеттілігіне қарай пайдалану 24 сағат ішінде 8 ингаляциядан аспауы тиіс. Ондай жиі қосымша пайдалануға тәуелділік немесе байқаусызда дозасының арттырылуы демікпенің нашар бақыланатындығын немесе нашарлап бара жатқандығын көрсетеді.

Дозаланған, ингаляцияға арналған аэрозоль, 100 мкг/доза, 200 доза.

200 доза өлшегіш клапанмен, бүріккіш саптамамен және қорғаныс қақпағымен жабдықталған алюминий баллонға салынады.

1 баллон медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

30 С-ден аспайтын температурада сақтау керек.

Жарықтан және қатты суып кетуден қорғау керек.

Балалардың қолы жетпейтін жерде сақтау керек!

Көптеген ингаляциялық аэрозоль өнімдері сияқты, бұл препараттың емдік әсері алюминий ыдыс салқын болған кезде төмендеуі мүмкін.

Баллонда қысым астында сұйықтық бар. 50 ºС жоғары температураға ұшыратпаңыз. Баллон бос болса да сындырылмауы, тесілмеуі және өртелмеуі керек.

Ауыз қуысының қақпағын сырт еткенше мықтап жабыңыз.

2 жыл

Жарамдылық мерзімі өткеннен кейін қолдануға болмайды.