Қолдану көрсеткіштері
- мұрынның бітелуін, маусымдық және жыл бойғы аллергиялық ринитті (поллинозды қоса алғанда), синуситті симптоматикалық емдеу үшін.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Препарат компоненттеріне жоғары сезімталдық
моноаминооксидаза тежегіштерін (МАО) немесе артериялық қысымды жоғарылатуға қабілетті басқа да препараттарды бір мезгілде қабылдау
артериялық гипертензия
тахикардия
айқын атеросклероз
глаукома
атрофиялық ринит
ми қабығындағы хирургиялық араласулар (анамнезде)
12 жасқа дейінгі балалар
Сақтықпен:
ЖИА (стенокардия), қуықасты безі гиперплазиясы, тиреотоксикоз, қант диабеті, феохромоцитома.
Қолдану кезінде қажетті сақтандыру шаралары
- тамыр тарылтатын дәрілерді ұзақ пайдалану мұрынның бітелуі және дәрі-дәрмектік ринит түріндегі парадоксальді реакцияны туындатуы мүмкін.
- ксилометазолин артериялық қысымы жоғары және гипертиреозы бар пациенттерде сақтықпен пайдаланылуы тиіс.
Басқа дәрілік заттармен өзара әрекеттесуі
Транилципромин түріндегі МАО тежегіштерін немесе трициклді антидепрессанттарды бір мезгілде қолдану осы дәрілердің жүрек-қантамырлық әсері салдарынан артериялық қысымның жоғарылауына әкелуі мүмкін.
Арнайы ескертулер
QT аралығының ұзару синдромы бар ксилометазолин қабылдайтын пациенттер күрделі қарыншалық аритмия дамуының жоғары қаупіне ұшырауы мүмкін.
Деконгестивтік әсер беретін симпатомиметиктерді ұзақ қолдану және артық дозалау мұрын шырышты қабығының реактивті гиперемиясына әкеледі.
Қайтарым феномені тыныс алу жолдары обструкциясын туғызуы мүмкін, бұл өз кезегінде пациенттің препаратты қайтара немесе тіптен ұдайы пайдалана бастауына алып келеді. Бұл созылмалы ісінуге (медикаментозды ринит), ал нәтижесінде тіптен мұрын шырышты қабығының атрофиясына (озена) әкелуі мүмкін.
Созылмалы ринит жағдайында 0,05% және 0,1% ТИЗИН® препаратын мұрын шырышты қабығының атрофиясын ескере отырып, тек дәрігердің бақылауымен ғана қолдануға болады.
Консервант ретінде препарат құрамына кіретін бензалконий хлоридіне аса жоғары сезімталдық болғанда ТИЗИН® препаратын қолдануға болмайды.
Егер симптомдардың айқындылығы сақталса немесе ұлғайған болса, немесе жаңа симптомдар пайда болса, препарат қолданылуын тоқтату және дәрігермен кеңесу қажет.
Педиатрияда қолданылуы
12 жасқа дейінгі балаларда қолданылмайды.
Жүктілік және лактация кезеңі
Жүктілік кезінде ТИЗИН® қолданбаған жөн, өйткені осы препараттың шаранаға әсер етуі талапқа сай зерттеулерде тексерілген жоқ. Белсенді заттың емшек сүтімен шығатын-шықпайтыны белгісіз болғандықтан, препаратты бала емізу кезінде қолданбаған жөн.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
ТИЗИН® препаратымен ұзақ емдегенде немесе анағұрлым жоғары дозаларда қолданғанда оның жүрек-қантамыр жүйесіне жүйелік әсер етуі мүмкіндігін жоққа шығаруға болмайды, бұл техниканы жүргізу мен қолдану қабілетін нашарлатуы мүмкін.
