Алматы қаласындағы Befron Суспензиясы 100 Мг / 5 Мл 100 Мл | Нобел Алматинская Фармацевтическая Фабрика

БЕФРОН® мына жағдайларда ыстықты түсіретін және ауыруды басатын дәрі ретінде 3 айлығынан бастап 12 жасқа дейінгі балаларға қолданылады:

жедел респираторлық вирустық инфекцияларда, тұмауда

екпеден кейінгі реакцияларда

дене температурасының жоғарылауымен қатар жүретін инфекциялық-қабыну ауруларында

бас, тіс ауырғанда, құлақ, тамақ, созылу кезіндегі ауыруларда және ауырудың басқа түрлерінде

- белсенді затқа немесе қосалқы заттарға жоғары сезімталдық

- ацетилсалицил қышқылын (салицилаттарды) немесе басқа ҚҚСП (қабынуға қарсы стероидты емес препараттарды) қабылдау түрткі болған бронх демікпесі, есекжем, ринит

- асқазан-ішек жолының ойық жаралы зақымдануы (асқазанның және он екі елі ішектің ойық жаралы ауруы, ойық жаралы колит), асқазан-ішектен қан кету

- қан ауруы: гипокоагуляция, лейкопения, гемофилия, геморрагиялық васкулит

- бүйрек және/немесе бауыр жеткіліксіздігі

- тұқым қуалайтын фруктоза жақпаушылығы немесе глюкоза-галактоза мальабсорбциясы

- 3 айға дейінгі балалар

- жүктіліктің үшінші триместрі

- ауыр жүрек жеткіліксіздігі (NYHA IV)

Қолдану кезінде қажетті сақтық шаралары

Препаратты симптомдарды бақылауға қажетті қысқа уақыттың ішінде ең төмен тиімді дозада қолдану жағымсыз әсерлерді азайтуға мүмкіндік береді.

Төмендегі аурулары бар пациенттерге сақ болған жөн:

- Жүйелі қызыл жегі және асептикалық менингиттің жоғары даму қаупіне байланысты дәнекер тіннің аралас ауруы.

- Туа біткен порфирин метаболизмінің бұзылуы (мысалы, жедел алма-кезек порфирия).

- Асқазан-ішек жолының тарапынан бұзылулар және ішектің созылмалы қабыну аурулары (ойық жаралы колит, Крон ауруы)

- Гипертензия және/немесе анамнезде жүрек жеткіліксіздігі, себебі ҚҚСП қабылдау аясында сұйықтықтың іркілуі мен ісіну байқалған

- Бүйрек жеткіліксіздігі, себебі бүйрек функциясының төмендеуі байқалуы мүмкін

- Бауыр дисфункциясы

- Тура ауқымды хирургиялық араласудан кейін.

- Пішен қызбасы, мұрын қуысының полиптері немесе демікпе ұстамасы (анальгетиктік демікпе деп аталатын), Квинке ісінуі немесе есекжем түрінде аллергиялық реакциялардың жоғары даму қаупіне байланысты тыныс алу жүйесінің тарапынан созылмалы обструктивті бұзылулар.

- Бұл препаратқа аса жоғары сезімталдық реакцияларының жоғары даму қаупіне байланысты басқа заттарға аллергиялық реакциялары бар пациенттерде.

Жасырын инфекция белгілерін жасыру:

БЕФРОН® жұқпалы аурудың симптомдарын жасыруы мүмкін, бұл тиімді ем кабылдауды тежейді және сол себепті аурудың барысын қиындатады. Бұл бактериалды қауымдық пневмония және желшешек ауруының бактериялық асқынуымен байқалды. БЕФРОН® дене температурасы жоғарылаған немесе инфекция кезінде ауырсынуды жеңілдету үшін қолданғанда, инфекциялық ауруды бақылау ұсынылады. Емдеу мекемесінен тыс жерлерде емделу кезінде, науқастың ауру белгілері сақталса немесе нашарласа дәрігермен кеңесу керек.

Егде жастағы пациенттер

Егде жастағы адамдарда ҚҚСП қабылдағаннан кейін әсіресе өліммен аяқталуы мүмкін асқазан-ішектен қан кетулер немесе тесілу сияқты жағымсыз реакциялардың жиілігі жоғары. Егде жастағыларда жағымсыз реакциялар салдарларының едәуір жоғары даму қаупі байқалады.

Жүрек-қантамыр жүйесіне және ми қанайналымына әсер етуі

Клиникалық зерттеулердің деректері ибупрофенді, әсіресе үлкен дозаларда (2400 мг/тәу) қолдану артериялық тромбоздық құбылыстардың (мысалы, миокард инфарктісі немесе инсульт) пайда болуының аздап жоғары қаупімен байланысты болуы мүмкін деп болжауға мүмкіндік береді. Жалпы эпидемиологиялық зерттеулер ибупрофеннің төмен дозалары (≤ 1200 мг/тәу) тромбоздық құбылыстардың жоғары қаупімен байланысты емес екенін көрсетті.

Бақыланбайтын гипертензиясы, тұрақты жүрек жеткіліксіздігі (NYHA бойынша II–III класс), расталған жүректің ишемиялық ауруы, шеткері артериялық ауруы және/немесе цереброваскулярлы ауруы бар пациенттерге ибупрофенді ерекше сақтықпен тағайындау керек және үлкен дозалардан (2400 мг/тәулік) аулақ болған жөн.

Жүрек-қантамыр асқынуларының (мысалы, гипертензиясы, гиперлипидемиясы, қант диабеиі бар, сондай-ақ темекі шегетіндерге), қауіп факторлары бар пациенттерге әсіресе үлкен дозаларын қабылдау қажет болғанда (2400 мг/тәулік) ұзақ уақыттық емді тағайындаған кезде ерекше сақ болған жөн.

Асқазан-ішек жолына әсер ету

Препаратты басқа ҚҚСП препараттарымен, соның ішінде циклооксигеназа-2 селективті тежегіштерімен біріктіріп қолдануға жол берілмейді.

Асқазан-ішек жолдарынан қан кету, ойық жара және перфорация

Өліммен аяқталуы мүмкін асқазан-ішектік қан кетулер, ойық жаралар және перфорация емдеу кезінде кез келген уақытта, ескерту белгілері бар немесе онсыз немесе асқазан-ішек жолынан бұрын болған ауыр жағымсыз реакциялар кезінде барлық ҚҚСП қолдану кезінде хабарланған.

Анамнезде ойық жарасы бар, әсіресе қан кетумен немесе тесілумен аяқынған ойық жарасы бар пациенттерде, және егде жастағы пациенттерде ҚҚСП дозасын арттырған кезде асқазан-ішектен қан кету, ойық жара немесе тесілу қаупі артады. Мұндай пациенттерге препаратты қабылдауды ең төмен ықтимал дозадан бастаған жөн.

Мұндай пациенттер үшін және препаратты ацетилсалицил қышқылының төмен дозаларымен немесе асқазан-ішек жолының тарапынан асқынулардың даму қаупін арттыруға қабілетті басқа дәрілік заттармен бірге қабылдайтын пациенттер үшін қорғаныс дәрілерін (мысалы, мизопростол немесе протонды помпа тежегіштерін) пайдаланумен кешенді емдеу нұсқасын қарастыру керек.

Анамнезде АІЖ тарапынан асқынулары бар пациенттерге ҚҚСП қабылдау кезінде құрсақ қуысы ағзаларының тарапынан (әсіресе асқазан-ішек жолынан қан кету туралы), әсіресе емдеудің бастапқы сатысында кез келген ерекше симптомдар туралы хабарлау керек.

Жараның немесе қан кетудің қаупін арттыратын дәрілік заттарды, мысалы, пероральді кортикостероидтарды, антикоагулянттарды (мысалы, варфарин), серотонинді кері қармаудың селективті тежегіштерін немесе антитромбоцитарлық препараттарды (мысалы, ацетилсалицил қышқылын) бір мезгілде қабылдайтын пациенттерге сақтықпен ұсынған жөн.

Егер ибупрофенмен емделіп жүрген пациенттерде асқазан-ішектен қан кету немесе ойық жара дамыса, емдеуді тоқтату керек.

Асқазан-ішек жолының аурулары бар (ойық жаралы колит, Крон ауруы) пациенттерге көрсетілген аурулардың ықтимал асқыну қаупіне байланысты ҚҚСП сақтықпен тағайындау керек.

Дерматологиялық әсерлері:

Эксфолиативті дерматитті, Стивенс-Джонсон синдромын және уытты эпидермальді некролизді (тіпті өліммен аяқталатынға дейін) қоса, ҚҚСП қолданғаннан кейін күрделі тері реакцияларының дамуы туралы сирек хабарламалар бар. Бұл реакция көптеген жағдайда емдеудің алғашқы айында пайда болады.

Құрамында ибупрофен бар препараттарды қабылдау аясында жедел жайылған экзантематозды пустулездің (AGEP) дамуы туралы хабарланды. Тері бөртпесі, шырышты қабықтың зақымдануы немесе аса жоғары сезімталдықтың кез келген басқа көріністері сияқты күрделі тері реакциялары дамуының алғашқы белгілерінде препаратты қабылдауды тоқтату керек.

Жекелеген жағдайларда желшешек тері мен жұмсақ тіндердің тарапынан күрделі инфекциялық асқынулардың себебі болуы мүмкін. Қазіргі уақытта осы инфекциялардың нашарлауына ҚҚСП әсерін жоққа шығаруға болмайды. Сондықтан ибупрофенді желшешек кезінде қолдануды болдырмау ұсынылады.

Басқа ескертулер:

Циклооксигеназа/простагландин синтезін тежейтін агенттер овуляцияға әсер ете отырып, әйелдердің құнарлылығын төмендететіні туралы кейбір дәлелдер бар. Бұл емдеуді тоқтатқаннан кейін қайтымды.

Ерекше жағдайларда желшешек терінің және жұмсақ тіндердің ауыр инфекциялық асқынуларына әкелуі мүмкін. Сондықтан желшешек ауруында БЕФРОН® қолданудан бас тартқан жөн.

Бас ауырудан кез келген ауыруды басатын дәріні ұзақ уақыт бойы қолдану оның күшеюіне әкелуі мүмкін. Мұндай жағдайда, немесе жағдайдың бұлай дамуына күдік бар болса, медициналық кеңеске жүгіну және емдеуді тоқтату керек.

Бүйрек тарапынан бұзылу:

Анальгетиктерді, әсіресе түрлі ауыруды басатын дәрілердің біріктірілімін үнемі қабылдау әдетте бүйрек жеткіліксіздігінің (анальгетикалық нефропатия) даму қаупімен бүйректің тұрақты зақымдануына әкеледі.

Дегидратациясы бар балаларда бүйрек функциясының бұзылу қаупі бар.

Ұзақ уақыт емделушілер бүйрек, бауыр және қан жағдайын бақылауы керек.

Натрий

БЕФРОН® құрамында 1 ммоль (23 мг) аз натрий бар, яғни ол натрийсіз деп саналады.

Сорбит

БЕФРОН® құрамында сорбит бар, сондықтан оны тұқым қуалайтын фруктозаны көтере алмаушылығы бар адамдарға қолдануға болмайды.

Қант

БЕФРОН® құрамында қант бар, сондықтан оны тұқым қуалайтын фруктозаны көтере алмаушылығы немесе глюкоза-галактоза мальабсорбциясы бар адамдарға қолдануға болмайды.

Басқа дәрілік препараттармен өзара әрекеттесуі

Ибупрофенді келесі дәрілік заттармен бір мезгілде қабылдап жүрген емделушілерде клиникалық және биологиялық көрсеткіштерді бақылау керек.

Ибупрофенді мынадай препараттармен біріктірілімде қолданудан аулақ болған жөн:

- Ацетилсалицил қышқылы немесе басқа ҚҚСП және глюкокортикостероидтар. Бұл асқазан-ішек жолындағы жанама әсерлердің қаупін арттыруы мүмкін.

- Антикоагулянттар: ҚҚСП варфарин сияқты антикоагулянттардың әсерін күшейтуі мүмкін.

Тәжірибелік деректер ибупрофен оларды бірге қолданған жағдайда тромбоциттер агрегациясына ацетилсалицил қышқылының аз дозасының әсерін бәсекелі тежеуі мүмкін екендігі туралы куәландырады. Бұл деректер экстраполяциясының клиникалық тәжірибеге қатысты белгісіздіктің болуына қарамастан ибупрофенді үнемі ұзақ уақыт бойы қолдану ацетилсалицил қышқылының аз дозасының кардиопротекторлық әсерін төмендету қабілетінің ықтималдығын жоққа шығаруға болмайды. Бірде бір тиісті клиникалық әсер ибупрофенді сирек пайдаланған кезде ықтимал болып танылуы мүмкін емес

Ибупрофенді төмендегі препараттармен біріктірілімде қолдану кезінде сақ болған жөн:

Кортикостероиды: асқазан-ішек ойық жарасы немесе қан кету дамуының жоғары қаупі

Антитромбоцитарлы препараттар және серотонинді кері қармаудың селективті тежегіштері (СКҚСТ): асқазан-ішектен қан кетудің жоғары қаупі

Гипертензияға қарсы дәрілер (АӨФ тежегіштері, бетарецепторлардың блокаторлары және ангиотензин-ІІ антагонистері) және диуретиктер:

ҚҚСП бұл препараттардың тиімділігін төмендетуі мүмкін.

Бүйрек функциясы бұзылған кейбір пациенттерде (мысалы, сусыздану бар пациенттер немесе бүйрек функциясы бұзылған егде жастағы пациенттер) циклооксигеназаны тежейтін препараттармен, АӨФ тежегіштерімен, бета-блокаторлармен немесе ангиотензин-ІІ антагонистерімен бірге қабылдау бүйрек функциясының одан әрі нашарлауына, оның ішінде әдетте қайтымды болып табылатын жедел бүйрек жеткіліксіздігіне әкелуі мүмкін. Осылайша, препараттардың біріктірілімін сақтықпен қолданған жөн; бұл әсіресе егде жастағы пациенттерге қатысты. Пациенттерге оңтайлы су теңгерімін демеу керек және қатарлас емді бастағаннан кейін бүйрек функциясын тексеру қажет. Диуретиктер ҚҚСП нефроуытты қаупін арттыруы мүмкін.

Литий препараттары: литийдің плазмалық концентрацияларының потенциалды артуы туралы деректер бар. Дұрыс қолданған жағдайда (3 күннен асырмай) қан сарысуындағы литийдің деңгейін тексерудің қажеті жоқ.

Метотрексат: метотрексаттың плазмалық концентрациясының потенциалды жоғарылауы туралы деректер бар. Метотрексатты қабылдағанға дейін немесе кейін Ибупрофен препаратын 24 сағаттың ішінде қабылдау метотрексат концентрациясының жоғарылауына және оның уытты әсерінің күшеюіне әкелуі мүмкін.

Такролимус: ҚҚСП және такролимусты бірге қабылдау кезінде нефроуыттылық қаупі артады.

Циклоспорин: нефроуыттылықтың жоғары қаупі.

Арнайы ескертулер

Жүктілік

Жүктілікті бірінші және екінші триместрі кезінде ибупрофенді аса қажеттілік болған жағдайда ғана тағайындау керек. Егер ибупрофенді жүкті болуға тырысып жүрген әйел немесе жүктіліктің бірінші және екінші триместрінде қабылдаса, препараттың дозасы және емнің ұзақтығы ықтимал ең төмен болуы тиіс.

Жүктіліктің үшінші триместрі кезінде простагландиндер синтезінің кез келген тежегіштері шаранаға теріс әсер етуі және төмендегіге әкелуі мүмкін:

кардиопульмональді уыттылық (артериялық өзектің мезгілден бұрын жабылуымен және өкпе гипертензиясының дамуымен);

бүйрек жеткіліксіздігіне және олигогидрамнионға дейін үдейтін бүйрек дисфункциясы;

Жүктіліктің аяғында простагландиндер синтезінің тежегіштерін қабылдау ана мен жаңа туған нәрестеде мынадай жағдайлардың дамуына әкелуі мүмкін:

қан кету уақытының артуы, тіпті өте төмен дозаларда антиагрегациялық әсердің дамуы;

жатыр бұлшықеттері жиырылуының тежелуі, бұл босанудың басталуының іркілуіне және босану ұзақтығының артуына әкеледі.

Мұның салдарларынан жүктіліктің үшінші триместрінің кезінде ибупрофенді қабылдау қарсы көрсетілген.

Емшек емізу

Ибупрофен және оның метаболиттері емшек сүтіне елеусіз мөлшерде өтеді. Қазіргі уақытта емшек еметін сәбилерге теріс әсер етуіне қатысты деректер жоқ, сондықтан ауыруды және қызбаны жеңілдету үшін ұсынылған дозаларды қысқа мерзімді қабылдау кезінде емшек емізуді тоқтату қажет емес.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қысқа мерзімді қолдану кезінде бұл дәрілік препарат механизмдерді жүргізу және басқару қабілетіне әсер етпейді немесе өте аз әсер етеді.

Ибупрофенді келесі дәрілік заттармен бір мезгілде қабылдап жүрген емделушілерде клиникалық және биологиялық көрсеткіштерді бақылау керек.

Ибупрофенді мынадай препараттармен біріктірілімде қолданудан аулақ болған жөн:

- Ацетилсалицил қышқылы немесе басқа ҚҚСП және глюкокортикостероидтар. Бұл асқазан-ішек жолындағы жанама әсерлердің қаупін арттыруы мүмкін.

- Антикоагулянттар: ҚҚСП варфарин сияқты антикоагулянттардың әсерін күшейтуі мүмкін.

Тәжірибелік деректер ибупрофен оларды бірге қолданған жағдайда тромбоциттер агрегациясына ацетилсалицил қышқылының аз дозасының әсерін бәсекелі тежеуі мүмкін екендігі туралы куәландырады. Бұл деректер экстраполяциясының клиникалық тәжірибеге қатысты белгісіздіктің болуына қарамастан ибупрофенді үнемі ұзақ уақыт бойы қолдану ацетилсалицил қышқылының аз дозасының кардиопротекторлық әсерін төмендету қабілетінің ықтималдығын жоққа шығаруға болмайды. Бірде бір тиісті клиникалық әсер ибупрофенді сирек пайдаланған кезде ықтимал болып танылуы мүмкін емес

Ибупрофенді төмендегі препараттармен біріктірілімде қолдану кезінде сақ болған жөн:

Кортикостероиды: асқазан-ішек ойық жарасы немесе қан кету дамуының жоғары қаупі

Антитромбоцитарлы препараттар және серотонинді кері қармаудың селективті тежегіштері (СКҚСТ): асқазан-ішектен қан кетудің жоғары қаупі

Гипертензияға қарсы дәрілер (АӨФ тежегіштері, бетарецепторлардың блокаторлары және ангиотензин-ІІ антагонистері) және диуретиктер:

ҚҚСП бұл препараттардың тиімділігін төмендетуі мүмкін.

Бүйрек функциясы бұзылған кейбір пациенттерде (мысалы, сусыздану бар пациенттер немесе бүйрек функциясы бұзылған егде жастағы пациенттер) циклооксигеназаны тежейтін препараттармен, АӨФ тежегіштерімен, бета-блокаторлармен немесе ангиотензин-ІІ антагонистерімен бірге қабылдау бүйрек функциясының одан әрі нашарлауына, оның ішінде әдетте қайтымды болып табылатын жедел бүйрек жеткіліксіздігіне әкелуі мүмкін. Осылайша, препараттардың біріктірілімін сақтықпен қолданған жөн; бұл әсіресе егде жастағы пациенттерге қатысты. Пациенттерге оңтайлы су теңгерімін демеу керек және қатарлас емді бастағаннан кейін бүйрек функциясын тексеру қажет. Диуретиктер ҚҚСП нефроуытты қаупін арттыруы мүмкін.

Литий препараттары: литийдің плазмалық концентрацияларының потенциалды артуы туралы деректер бар. Дұрыс қолданған жағдайда (3 күннен асырмай) қан сарысуындағы литийдің деңгейін тексерудің қажеті жоқ.

Метотрексат: метотрексаттың плазмалық концентрациясының потенциалды жоғарылауы туралы деректер бар. Метотрексатты қабылдағанға дейін немесе кейін Ибупрофен препаратын 24 сағаттың ішінде қабылдау метотрексат концентрациясының жоғарылауына және оның уытты әсерінің күшеюіне әкелуі мүмкін.

Такролимус: ҚҚСП және такролимусты бірге қабылдау кезінде нефроуыттылық қаупі артады.

Циклоспорин: нефроуыттылықтың жоғары қаупі.

Арнайы ескертулер

Жүктілік

Жүктілікті бірінші және екінші триместрі кезінде ибупрофенді аса қажеттілік болған жағдайда ғана тағайындау керек. Егер ибупрофенді жүкті болуға тырысып жүрген әйел немесе жүктіліктің бірінші және екінші триместрінде қабылдаса, препараттың дозасы және емнің ұзақтығы ықтимал ең төмен болуы тиіс.

Жүктіліктің үшінші триместрі кезінде простагландиндер синтезінің кез келген тежегіштері шаранаға теріс әсер етуі және төмендегіге әкелуі мүмкін:

кардиопульмональді уыттылық (артериялық өзектің мезгілден бұрын жабылуымен және өкпе гипертензиясының дамуымен);

бүйрек жеткіліксіздігіне және олигогидрамнионға дейін үдейтін бүйрек дисфункциясы;

Жүктіліктің аяғында простагландиндер синтезінің тежегіштерін қабылдау ана мен жаңа туған нәрестеде мынадай жағдайлардың дамуына әкелуі мүмкін:

қан кету уақытының артуы, тіпті өте төмен дозаларда антиагрегациялық әсердің дамуы;

жатыр бұлшықеттері жиырылуының тежелуі, бұл босанудың басталуының іркілуіне және босану ұзақтығының артуына әкеледі.

Мұның салдарларынан жүктіліктің үшінші триместрінің кезінде ибупрофенді қабылдау қарсы көрсетілген.

Емшек емізу

Ибупрофен және оның метаболиттері емшек сүтіне елеусіз мөлшерде өтеді. Қазіргі уақытта емшек еметін сәбилерге теріс әсер етуіне қатысты деректер жоқ, сондықтан ауыруды және қызбаны жеңілдету үшін ұсынылған дозаларды қысқа мерзімді қабылдау кезінде емшек емізуді тоқтату қажет емес.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қысқа мерзімді қолдану кезінде бұл дәрілік препарат механизмдерді жүргізу және басқару қабілетіне әсер етпейді немесе өте аз әсер етеді.

Дозалау режимі

Препараттың ұсынылатын тәуліктік дозасы дене салмағының әр кг-на шаққанда 20-30 мг құрайды, 6-дан 8 сағатқа дейінгі дозалар арасындағы аралықпен 3 немесе 4 тең дозаға бөлінеді. Дозалар арасында кемінде 4 сағат қалдырыңыз және 24 сағат ішінде ұсынылған дозадан асырмаңыз. Ұсынылған дозадан аспау керек. өлшеуіш қасықпен немесе өлшеуіш стақанмен пайдаланған кезде оған келесідей қол жеткізуге болады:

Балалар:

Дәрігердің нұсқауы болмаса, 3 айға дейінгі балаларға қолдануға болмайды.

Бұл өнімді салмағы 5 кг-нан аз балаларға қолданбаңыз.

3-6 айлық нәрестелер үшін симптомдар нашарласа немесе симптомдар сақталса 24 сағаттан кешіктірмей дәрігерге қаралыңыз.

Егер 6 айдан асқан балалар бұл препаратты 3 күннен артық қажет етсе немесе симптомдар нашарласа, дәрігермен кеңесу керек.

6 айға дейінгі балалар, егер симптомдар сақталса, 24 сағат қолданғаннан кейін (3 доза) дәрігерге қаралуы керек.

Енгізу әдісі және жолы

Ішке қабылдауға арналған.

Асқазанның сезімталдығы бар емделушілерге препаратты тамақ кезінде немесе одан кейін қабылдауға болады.

БЕФРОН® препаратты тамақпен бірге қабылдаған жағдайда препаратты қабылдаудың ұсынылған дозалары мен әдістерінен ауытқымаған жөн. Қаптаманың ішіне салынған өлшеуіш қасық немесе өлшеуіш стақан (сыйымдылығы 5 мл және 20 мл) препаратты дұрыс және тиімді дозалауға мүмкіндік береді. Доза баланың жасына және дене салмағына байланысты.

Қабылдау уақытын көрсетумен қолдану жиілігі

Жағымсыз реакциялардың даму қаупін азайту үшін ибупрофенді ең төменгі тиімді дозада және клиникалық әсерге жету үшін қажетті ең қысқа мерзімде қабылдау керек. Қолданар алдында құтының ішіндегісін жақсылап шайқаңыз.

Емдеу ұзақтығы

Емдеуші дәрігер бағалауы тиіс. Қайта емдеу курсы дәрігермен кеңескеннен кейін мүмкін.

Қысқа мерзімде қолдануға арналған. Егер симптомдар 3 күннен артық сақталса немесе баланың жағдайы нашарласа, дәрігерге қаралу қажет.

Артық дозалану жағдайында қабылдануы қажетті шаралар

Симптомдар: 200 мг/кг асатын дозалар уыттылық қаупін тудырады. Артық дозалану симптомдары жүрек айнуы, құсу, іштің ауыруы, немесе сирек диареяны қамтуы мүмкін. Нистагм, көрудің бұлыңғырлануы, құлақтағы шуыл, бас ауыруы және асқазан-ішектен қан кетулер дамуы мүмкін. Ауыр артық дозалану кезінде гиперкалиемия және метаболизмдік ацидоз дамуы мүмкін

Ему: Емдеу тыныс алу жолдарының өткізгіштігін қамтамасыз етумен, жүрек функциясын және тіпті пациенттің жағдайын тұрақтандыруға дейін тіршіліктің негізгі көрсеткіштерін мониторингтеумен симптоматикалық және демеуші болуы тиіс.

Арнайы антидоты жоқ.

Дәрілік препараттың бір немесе бірнеше дозасын жіберіп алғанда қажетті шаралар

Қатысты емес.

Тоқтату симптомдарының болу қаупіне нұсқау

Қатысты емес.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

БЕФРОН® препаратын қолданар алдында емдеуші дәрігермен кеңесіңіз.

100 мл препарат алғашқы ашылуы бақыланатын, бұралатын қақпағымен күңгірт шыны құтыға салынған. Құтыға өздігінен жабысатын заттаңбаны жабыстырады.

1 құты өлшеуіш қасықпен немесе өлшеуіш стақанмен, медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25 °С-ден аспайтын температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек!

3 жыл

Құтыны бірінші рет ашқаннан кейінгі сақтау мерзімі - 1 ай

Жарамдылық мерзімі өткеннен кейін қолданбау керек!