Алматы қаласындағы Цефазолин 0,5 Г | Химфарм АО

Цефазолин натрий тұзы препаратқа сезімтал микроорганизмдерден туындаған инфекцияны емдеу үшін көрсетілген:

жоғарғы және төменгі тыныс алу жолдарының инфекциялары

несеп шығару және өт шығару жолдарының инфекциялары

кіші жамбас ағзаларының инфекциялары

терінің және жұмсақ тіндердің, сүйектер мен буындардың инфекциялары, соның ішінде остеомиелит

эндокардит

сепсис

периоперациялық профилактика: жұқтыру қаупі немесе жұқтыру қаупінің мүмкіндігі бар хирургиялық емшараларды бастан өткерген пациенттерде кейбір операциядан кейінгі инфекциялардың жиілігін төмендету үшін операцияға дейінгі, интраоперациялық және операциядан кейінгі.

цефазолинге немесе қосымша заттардың кез келгеніне аса жоғары

сезімталдық

анамнезінде цефалоспориндерге немесе кез келген басқа

бета- лактамды антибиотиктерге аса жоғары сезімталдықтың ауыр

реакциялары болуы

1 айлыққа дейін нәрестелерге

Сақтықпен

бүйрек/бауыр жеткіліксіздігі

жалған жарғақшалы энтероколит

Лидокаин ерітіндісі еріткіш ретінде пайдаланылатын цефазолинді бұлшықет ішіне енгізер алдында лидокаинге қарсы көрсетілімдер болмауы тиіс, лидокаин ерітіндісін пайдаланып препаратты 1 жастан кіші балаларда қолдануға жол берілмейді.

Қолдану кезіндегі қажетті сақтандыру шаралары

Аса жоғары сезімталдық реакциялары:

Цефазолинді қолдануды бастағанға дейін цефалоспориндер мен пенициллиндерге аса жоғары сезімталдық реакцияларының болуына пациенттің аллергологиялық анамнезін жинау керек. Цефалоспориндерге аса жоғары сезімталдықтың шұғыл реакциясы байқалатыны белгілі пациенттерге цефалоспориндерді қолданбаған жөн. Күмән туындаған жағдайда, алғашқы енгізуде болжамды анафилаксиялық реакцияларды болдырмау үшін дәрігер қатысуы тиіс. Пенициллиндер мен цефалоспориндер арасында айқаспалы аллергия бар.

Цефазолиннен туындаған аллергиялық реакция жағдайында препаратты қабылдауды тоқтату керек және пациентке тиісті ем тағайындау керек. Цефазолин бүйрек функциясының бұзылуын сирек тудырса да, бүйрек функциясын демеп тұру, әсіресе ең жоғары дозалары енгізілетін қатер шегіндегі жағдайдағы пациенттерде және аминогликозидтер немесе күшті әсер ететін диуретиктер (мысалы, фуросемид немесе этакрин қышқылы) сияқты басқа да әлеуетті нефроуытты препараттар бір мезгілде енгізілетін пациенттерде ұсынылады. Бүйрек функциясы нашар пациенттерде антибиотиктердің жоғарырақ және ұзақ концентрациясы байқалуы мүмкін.

Осыған байланысты цефазолиннің жалпы тәуліктік дозасы «Қолдану

жөніндегі нұсқаулар» бөлімінде көрсетілгендей дозалау сызбасына сәйкес төмендетілуі тиіс. Бұл бүйрек функциясының бұзылуына байланысты төмен диурезі бар пациенттерге де қатысты.

Жалған жарғақшалы колит антибиотиктерді қабылдау кезінде пайда болуы мүмкін. Сондықтан бұл диагнозды цефазолин қабылдау кезінде диарея дамыған пациенттерде қарастыру маңызды. Бұл жағдайда тиісті шаралар қабылдау қажет. Сондай-ақ, «Жағымсыз реакциялардың сипаттамасы» бөлімін қараңыз.

Цефазолинді ұзақ уақыт қолдану сезімтал емес микроорганизмдердің шамадан тыс өсуін туғызуы мүмкін, сондықтан пациентті үнемі бақылау өте маңызды. Емдеу үдерісінде суперинфекция болғанда тиісті шаралар қабылдау керек.

Интратекальді енгізу ұсынылмайды. Цефазолинді интратекальді енгізгеннен кейін, құрысуларды қоса, орталық жүйке жүйесінің ауыр уыттануы туралы хабарланды.

Шала туған балалар мен бір айға дейінгі сәбилерде қолдану қауіпсіздігі болмағандықтан, бұл пациенттерде цефазолинді қолдану ұсынылмайды.

Сирек жағдайларда цефазолинді қолдану аясында қан ұюының бұзылуы мүмкін. Қауіп факторларына К дәруменінің жетіспеушілігі, парентеральді тамақтану, тамақтану тапшылығы, бүйрек және/немесе бауыр жеткіліксіздігі, тромбоцитопения жатады. Сонымен қатар, гемофилия, асқазанның және/немесе он екі елі ішектің шырышты қабығының ойық жаралануы сияқты аурулар қан кетудің дамуына немесе айқындығы артуына себеп болуы мүмкін. Сондықтан, осы аурулардың бар екені белгілі пациенттерде коагулограмма көрсеткіштерін бақылау қажет. Егер қан ұюының төмендеуі анықталса, К дәруменімен (аптасына 10 мг) ем тағайындау керек.

Бір құты 1000 мг Цефазолинде 2,1 ммоль/л (немесе 48 мг) натрий бар. Натрий мөлшері төмен диетада жүрген пациенттер үшін бұл деректерге көңіл бөлген жөн.

Педиатрияда қолдану

Шала туған балалар мен бір айға дейінгі сәбилерде қолдану қауіпсіздігі анықталмағандықтан, бұл пациенттерде цефазолинді қолдану ұсынылмайды

Жүктілік немесе лактация кезінде

Жүктілік кезінде бірінші буын цефалоспориндерін қолдану тәжірибесі жүктілікке немесе шаранаға/жаңа туған нәрестенің денсаулығына зиянды әсерін айғақтамайды. Цефазолин плацента арқылы өтеді. Сақтық шарасы ретінде, егер қажет болмаса, жүктілік кезінде цефазолинді қолданудан аулақ болған жөн.

Емшек емізу

Цефазолин препаратты емдік дозаларда қолданғанда емшек сүтіне өте аз мөлшерде бөлінеді. Емшек емізуді тоқтату немесе емді тоқтату туралы шешім бала үшін емшек емізудің қауіптері мен пайдасын және анасы үшін емнің пайдасын бағалауға негізделуі тиіс.

Дозалау режимі

Дозалау микроорганизмнің сезімталдығына және аурудың ауырлығына байланысты.

Ересектер және 12 жастан асқан жасөспірімдер үшін (дене салмағы ≥ 40 кг болу шартымен) әдеттегі дозасы:

Сезімталдығы жоғары микроорганизмдерден туындаған инфекцияларда: әдеттегі доза тәулігіне екі немесе үш енгізуге бөлінген 1 г-ден 2 г дейінді құрайды.

Сезімталдығы азырақ микроорганизмдерден туындаған инфекцияларда: әдеттегі дозасы тәулігіне үш немесе төрт енгізуге бөлінген 3 г-ден 4 г дейінді құрайды.

Эндокардит сияқты ауыр инфекцияларда ересектерге арналған Цефазолиннің тәуліктік дозасы ең жоғарыға – әрбір 6 немесе 8 сағат сайын үш немесе төрт енгізуге бөлінген 6 г дейін арттырылуы мүмкін.

Емдеудің орташа ұзақтығы 7–10 күнді құрайды.

Периоперациялық инфекциялардың профилактикасы үшін: хирургиялық араласымды бастаудан 30 мин - 1 сағат бұрын доза; ұзаққа созылған операцияларда (2 сағат және одан көбірек) – операция кезінде 500 мг-ден бастап 1 г дейін қосымша енгізеді (дозалануы операция ұзақтығына байланысты); операциядан кейін – алғашқы тәуліктер ішінде әрбір 6-8 сағат сайын 500 мг - 1 г дозадан

Пациенттердің ерекше топтары

Балалар

Балалар үшін орташа тәуліктік доза - 25-50 мг/кг; инфекция ағымы ауыр болғанда доза тәулігіне 100 мг/кг дейін арттырылуы мүмкін. Бір реттік дозаларды әрбір 6, 8 немесе 12 сағат сайын енгізу ұсынылады. Бүйрек функциясы бұзылған балаларда дозалау режимін түзетуді креатинин клиренсі (КК) мәндеріне байланысты жүргізеді. КК минутына 70-40 мл болғанда – тәуліктік орташа дозаның 60%-ы және оны 12 сағаттан соң енгізеді. КК минутына 40-20 мл болғанда – 12 сағат аралықпен тәуліктік орташа доза 25%. КК минутына 20-5 мл балаларға – әрбір 24 сағат сайын тәуліктік орташа доза 10%. Ұсынылған барлық дозаларды бастапқы дозадан кейін енгізеді.

Шала туған және 1 айға дейінгі сәбилер

Шала туған балалар мен бір айға дейінгі сәбилерде цефазолинді қолдану ұсынылмайды («Қолдануға болмайтын жағдайлар» бөлімін қараңыз).

Бүйрек жеткіліксіздігі бар пациенттер

Бүйрек функциясы бұзылған ересектерде кумуляцияны болдырмау үшін төменірек доза қажет болуы мүмкін

Бұл төменірек дозаны қандағы деңгей бойынша анықтауға болады. Егер бұл мүмкін болмаса, дозаны мочевина және/немесе креатинин клиренсі бойынша анықтауға болады.

Бастапқы 500 мг дозадан кейін демеуші доза үшін мынадай ұсынымдар пайдаланылуы мүмкін.

Бүйрек функциясы бұзылған пациенттерде Цефазолинмен демеуші ем

Симптомдары: Артық дозалану симптомдары инъекция орнында ауырсынуды, қабынуды және флебитті қамтуы мүмкін. Цефалоспориндердің әдеттен тыс үлкен дозаларын парентеральді енгізу бас айналуды, парестезияны және бас ауруын тудыруы мүмкін. Кейбір цефалоспориндердің артық дозалануынан кейін, әсіресе кумуляция орын алуы мүмкін бүйрек функциясы бұзылған пациенттерде құрысулар пайда болуы ықтимал. Артық дозаланғаннан кейін креатинин, қан плазмасындағы мочевина, бауыр ферменттері және билирубин концентрациясының жоғарылауы мүмкіндігі, сондай-ақ оң Кумбс тесті, тромбоцитоз, тромбоцитопения, эозинофилия, лейкопения және протромбин уақытының жоғарылауының ықтималдығы бар.

Емі: Құрысулар дамыған жағдайда цефазолинді дереу тоқтату қажет. Өмір сүру көрсеткіштерін мұқият бақылау керек, құрысуға қарсы препараттар тағайындау қажет болуы мүмкін. Ауыр артық дозалану және емдеудің басқа әдістерінің тиімсіздігі жағдайында гемодиализ гемоперфузиямен жүргізілуі мүмкін, дегенмен бұл әдістің тиімділігі дәлелденбеген.

Дәрілік препараттың бір немесе бірнеше дозаларын өткізіп алғанда қажет болатын шаралар

Өткізіп алған дозаның орнын толтыру үшін қосарлы дозаны қолданбаңыз.

Тоқтату симптомдарының қаупі бар екенін көрсету

Қатысты емес.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қабылдар алдында кеңес алу үшін дәрігерге жүгініңіз.

Жиі

- инъекция орнының ауыруы және қатаюы

Жиі емес

- кандидозды стоматит (ұзақ уақыт емдеген кезде)

- құрысулар (бүйрек жеткіліксіздігі бар пациенттерде, препараттың жоғары

дозаларын қолданғанда)

- экзантема, эритема, мультиформалы экссудативті эритема, есекжем, қан

тамырларының, шырышты қабықтардың немесе буындардың қайтымды

жергілікті өткізгіштігі

- вена ішіне енгізген кезде флебит дамуы

Сирек

- генитальді монилиаз, вагинит, генитальді кандидоз

- лейкоцитоз, гранулоцитоз, моноцитоз, лимфоцитопения, базофилия,

эозинофилия, гранулоцитопения, нейтропения, лейкопения,

тромбоцитопения. Бұл әсерлер қайтымды.

- гипергликемия, гипогликемия

- бас айналу, жалпы әлсіздік, дімкәстік, қажу

- плевралық жалқық, ентігу немесе тыныс алудың бұзылуы, респираторлық

дистресс-синдром, жөтел, ринит, бронх түйілуі, кеуденің ауыруы,

интерстициальді пневмония немесе пневмонит

- диарея, жүрек айнуы, тәбеттің жоғалуы, құсу (бұл симптомдар көбінесе

емдеу кезінде немесе одан кейін жоғалады)

- АСТ, АЛТ, гамма-ГТ, билирубин және/немесе ЛДГ сарысулық

концентрацияларының және сілтілік фосфатазаның уақытша жоғарылауы,

транзиторлық гепатит, транзиторлық холестаздық сарғаю

- Стивенс-Джонсон синдромы, уытты эпидермалық некролиз (Лайелл

синдромы)

- мочевинаның және қандағы мочевина азотының (ҚМА) уақытша

жоғарылауы, протеинурия, интерстициальді нефрит, онкогендік

нефропатия. Нефроуыттылық, әдетте басқа әлеуетті нефроуытты дәрілік

заттармен бір мезгілде ем қабылдайтын пациенттерде.

Өте сирек

қанның ұюының бұзылуы, нәтижесінде – қан кету. Бұл әсерлердің пайда болу қаупі бар пациенттерге К дәрумені тапшылығы немесе қанның ұюының бұзылуын туғызатын басқа факторлары (жасанды тамақтандыру, жеткілікті тамақтанбау, бауыр мен бүйрек функциясының бұзылуы, тромбоцитопения) бар пациенттер, сондай-ақ қан кетуді тудыратын немесе күшейтетін жағдайлары (мысалы, гемофилия, асқазан мен он екі елі ішектің ойық жарасы) бар пациенттер жатады

анафилаксиялық шок, ангионевроздық ісіну (беттің ісінуі, тілдің ісінуі, тыныс алу жолдарының тарылуымен көмейдің ісінуі, тахикардия, ентігу, қан қысымының төмендеуі), дәрілерден туындаған қызба, қан тамырларының, шырышты қабықтардың немесе буындардың қайтымды жергілікті өткізгіштігі

аногенитальді қышыну

500 мг немесе 1.0 г белсенді заттан алюминий қалпақшамен немесе біріктірілген «FLIP OFF» қалпақшамен қаусырылған, резеңке тығынмен герметикалық тығындалған шыны құтыларға салынады.

Әрбір құтыға заттаңба жапсырылады.

Препараты бар әрбір құты медициналық қолдану жөніндегі қазақ және орыс тілдерінде бекітілген нұсқаулықпен бірге картон қорапшаға салынады.

Дәрілік препараты бар қорапшалар картон қораптарға салынады.

Құтыларды қорапшаға салмай қаптауға жол беріледі: құтылар медициналық қолдану жөніндегі қазақ және орыс тілдерінде бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны құтылардың санына сәйкес салынады.

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!