Алматы қаласындағы Лакома Т Көз Тамшылары 0,05 Мг / 5 Мг/мл 2,5 Мл | Аджанта Фарма Лимитед

1 мл препараттың құрамында

белсенді заттар: 0.050 мг - латанопрост, 6.834 мг - тимолол малеаты (5.000 мг тимололға баламалы)

қосымша заттар: калий дигидрофосфаты, сусыз динатрий гидрофосфаты, бензалконий хлориді, натрий хлориді, полиоксил 40 гидрогенделген майсана майы, инъекцияға арналған су.

Ашық бұрышты глаукомасы және көз гипертензиясы бар, бета-адреноблокаторларды немесе простагландиндердің аналогтарын жергілікті қолданғанда әсерінің жеткіліксіздігі байқалған пациенттерде көзішілік қысымды (КІҚ) төмендетуде.

- Белсенді заттарға немесе қосымша заттардың кез келгеніне жоғары сезімталдық

- тыныс жолдарының реактивті ауруы, анамнездегі бронх демікпесін қоса, бронх демікпесі, өкпенің ауыр ағымды созылмалы обструкциялық ауруы     

- синустық брадикардия, синустық түйін әлсіздігі синдромы, синоаурикулярлық блокада, электрокардиостимулятор функциясы болмаған жағдайдағы II-III дәрежелі атриовентрикулярлық блокада,  клиникалық тұрғыдан айқын жүрек жеткіліксіздігі, кардиогендік шок

- жүктілік және лактация кезеңі

- балалар мен 18 жасқа дейінгі жасөспірімдерде (препараттың қауіпсіздігі мен тиімділігін растайтын клиникалық зерттеулер жүргізілмегендіктен)

Қолдану кезіндегі қажетті сақтандыру шаралары

Жүйелі әсері

Жергілікті қолдануға арналған басқа офтальмологиялық препараттар  сияқты, Лакома-Т жүйелі сіңірілуге ұшырайды. Құрамында бета-адренергиялық рецепторлар блокаторының белсенділігі бар компонент тимолол болғандықтан, жүрек-қантамыр, тыныс алу және басқа да ағзалар жүйелері тарапынан, бета-адренергиялық рецепторлардың жүйелі блокаторларын қабылдаған кездегідей типтегі жағымсыз реакциялар туындауы мүмкін. Офтальмологиялық мақсатта жергілікті  қолданудан кейінгі жүйелі жағымсыз реакциялардың туындау жиілігі жүйелі енгізгендегіге қарағанда төмен.

Жүрек-қантамыр жүйесі тарапынан бұзылулар

Жүрек-қантамыр аурулары (мысалы, жүректің ишемиялық ауруы, Принцметал стенокардиясы және жүрек жеткіліксіздігі) және гипотензиясы бар пациенттерде бета-адреноблокаторлармен емдеудің қажеттілігін мұқият бағалау және емдеу үшін басқа белсенді заттарды пайдалану мүмкіндігін қарастыру қажет. Жүрек-қантамыр аурулары бар пациенттерде аталған аурулардың және жағымсыз реакциялардың ушығу белгілерінің пайда болуына мониторинг жүргізу қажет.

Импульстің өту уақытына теріс әсер ететіндігіне байланысты, бірінші дәрежедегі жүрек блокадасы бар пациенттерде бета-адреноблокаторларды сақтықпен қолдану керек.

Тимололды қолданғаннан кейін жүрек тарапынан реакциялар, сирек жағдайларда, жүрек жеткіліксіздігімен байланысты өлім туралы хабарламалар алынды.

Қантамырлар тарапынан бұзылулар

Препаратты шеткері қанайналымның ауыр бұзылулары/аурулары бар (яғни, Рейно ауруының немесе Рейно синдромының ауыр түрлері бар) пациенттерде сақтықпен қолдану керек.

Тыныс алу жүйесінің тарапынан бұзылулар

Құрамында бета-адреноблокаторлар бар кейбір офтальмологиялық препараттарды енгізгеннен кейін бронх демікпесі бар пациенттерде бронх түйілуінен болатын өлімді қоса, тыныс мүшелері тарапынан болатын реакциялар туралы хабарланды. Өкпенің жеңіл немесе  орташа дәрежедегі созылмалы обструкциялық ауруы (ӨСОА) бар пациенттерде Лакома-Т препаратын сақтықпен және тек, егер ықтимал пайдасы болжамды қаупінен асып түсетін болса ғана қолдану керек.

Гипогликемия/қант диабеті

Кенеттен гипогликемияға душар болған пациенттерде, немесе ауытқымалы диабеті бар пациенттерде бета-адреноблокаторларды сақтықпен қолдану керек, өйткені, бета-адреноблокаторлар жедел гипогликемияның белгілері мен симптомдарын бүркемелеуге қабілетті.

Бета-адреноблокаторлар гипертиреоз белгілерін де бүркемелеуі мүмкін.

Мөлдір қабық аурулары

Офтальмологиялық бета-адреноблокаторлар препараттары көздің құрғауын туғызуы мүмкін. Мөлдір қабық аурулары бар пациенттерде қолданғанда сақтық таныту керек.

Басқа бета-адреноблокаторлар

Жүйелі бета-адреноблокаторды бұрыннан қабылдап жүрген пациенттерде бета-адренорецепторлардың көзішілік қысымға әсері немесе белгілі жүйелі бөгеу әсері тимололды пайдаланғанда күшеюі мүмкін. Ондай пациенттердің емге жауабына мұқият қадағалау жүргізу керек. Жергілікті қолдануға арналған екі бета-адренергиялық рецепторлар блокаторын бір мезгілде пайдалану ұсынылмайды.

Анафилаксиялық реакциялар

Анамнезінде атопиясы немесе түрлі аллергендерге ауыр анафилаксиялық реакция жағдайлары бар пациенттерде бета-адреноблокаторларды қабылдағанда, аталған аллергендердің қайта әсер етуіне айтарлықтай күштірек реакция дамуы мүмкін, ол адреналиннің анафилаксиялық реакцияларды емдеу үшін пайдаланылатын әдеттегі дозаларына сезімталдықтың жоғалуымен қатар жүреді.

Көздің тамырлы қабығының ажырауы

Көзішілік сұйықтықтың  түзілуін бәсеңдететін препараттарды (мысалы, тимололды, ацетазоламидті) енгізумен байланысты, фильтрация емшараларынан кейін көздің тамырлы қабығының ажырауы жағдайлары туралы хабарланды.

Хирургиялық араласымдар кезіндегі анестезия

Офтальмологиялық бета-адреноблокаторлар препараттары бета-агонистердің, мысалы, адреналиннің жүйелі әсерін бәсеңдетуі мүмкін. Пациент тимололды қабылдаған жағдайда, бұл туралы анестезиологқа айтуы қажет.

Қатар жүретін ем

Тимолол басқа препараттармен өзара әрекеттесуі мүмкін.

Простагландиннің басқа аналогтары

Екі немесе бірнеше простагландинді, простагландин аналогтарын немесе простагландин туындыларын бір мезгілде пайдалану ұсынылмайды.

Нұрлы қабық пигментациясының өзгеруі

Латанопрост нұрлы қабықтағы қоңыр пигмент көлемін арттыра отырып,  көздің түсін біртіндеп өзгертуі мүмкін. Құрамында латанопрост бар көзге тамызатын дәрілер жағдайындағы сияқты, Лакома-Т препаратын бір жылға дейінгі мерзімде пайдаланған барлық пациенттің 16–20 %-ында нұрлы қабық пигментациясының күшейгені (фотосуреттерден анықталатын) байқалды. Мұндай әсері көбінесе, көзінің түсі аралас, яғни, көздерінде жасыл және қоңыр, сары және қоңыр немесе көгілдір/сұр және қоңыр реңдер бар пациенттерде байқалды. Бұл әсері нұрлы қабықтың стромалық меланоциттерінде мелатонин мөлшерінің артуынан туындайды. Үйреншікті жағдайларда қарашықтың айналасында қоңыр пигментация пайда болады және ауыратын көздің нұрлы қабығының шеттеріне қарай шоғырланып таралады, бұл кезде нұрлы қабық түгелдей немесе оның бір бөлігі айқын қоңыр түске енуі мүмкін. Көзінің түсі біртекті көгілдір, сұр, жасыл немесе қоңыр пациенттерде латанопросттың клиникалық зерттеулері аясында екі жыл бойы емдегенде, көз түсі өзгеруінің сирек жағдайлары ғана тіркелген.

Нұрлы қабық түсінің өзгеруі баяу жүреді және бірнеше ай немесе жылдар бойы байқалмауы мүмкін. Ол қандай да бір симптомдармен немесе патологиялық өзгерістермен байланысты емес.

Емдеу тоқтатылғаннан кейін, нұрлы қабықтың қоңыр пигментациясының әрі қарай күшейгені байқалмаған, алайда, көз түсінің өзгерістері қайтымсыз болуы мүмкін.

Аталған препаратпен емдеу невустар мен нұрлы қабық лентигосына әсер еткен жоқ.

Трабекулярлық желіде немесе көздің алдыңғы камерасының қандай да бір аумағында пигменттің жинақталуы байқалған жоқ. Алайда,  пациенттерге клиникалық жағдайларға байланысты жүйелі түрде тексеру жүргізіп отыру керек, нұрлы қабық пигментациясы тым қатты өзгерген жағдайда, емдеу тоқтатылуы мүмкін. Емді тағайындар алдында пациентті көз түсінің өзгеруі мүмкіндігінен хабардар ету керек. Препаратты тек бір көзге енгізгенде, қайтымсыз гетерохромия туындауы мүмкін.

Қабақ пен кірпік өзгерістері

Латанопростты қолданумен байланысты қабақ терісінің күңгірттенуі туралы хабарланды, ол қайтымды болуы мүмкін.

Латанопрост қабақтар мен емделген көздегі кірпіктердің біртіндеп өзгеруін туғызуы мүмкін; ондай өзгерістердің қатарына кірпіктердің немесе түктердің ұзындығының, қалыңдығының, пигментациясының немесе санының біртіндеп артуы, сондай-ақ, кірпіктердің кері бағытта өсуі жатады. Кірпіктердің өзгерістері емдеуді тоқтатқан кезде басылады.

Глаукома

Көзі псевдофакиялы пациенттерде қабынумен жүретін, неоваскулярлық немесе созылмалы жабықбұрышты глаукома кезінде, ашық бұрышты глаукома кезінде және пигменттік глаукома кезінде латанопросттың қолданылуы туралы расталған деректер жоқ. Латанопрост қарашыққа әсер етпейді немесе болмашы әсер етеді, бірақ, жабық бұрышты  глаукоманың жедел ұстамалары кезінде қолданылу тәжірибесі жоқ. Сондықтан, жеткілікті клиникалық тәжірибе жинақталғанға дейін, Лакома-Т препаратын аталған жағдайларда сақтықпен пайдалану ұсынылады.

Герпестік кератит

Латанопростты анамнезінде герпестік кератиті бар пациенттерде сақтықпен қолдану керек. Латанопростты қарапайым герпестен туындаған белсенді кератит жағдайында, сондай-ақ, анамнезінде әсіресе, простагландиндер аналогтарынан туындаған қайталанатын герпестік кератит бар пациенттерде қолданбау керек.

Макулярлық ісіну

Латанопростпен емдеген кезде макулярлық ісіну, соның ішінде, кисталы макулярлық ісіну жағдайлары туралы хабарланды. Бұл құбылыстар негізінен, афакиясы бар пациенттерде, псевдофакиясы және артқы көз бұршағының артқы капсуласының жарылуы бар адамдарда, немесе, кисталы макулярлық ісінудің белгілі қауіп факторлары бар пациенттерде туындаған. Осыған байланысты, Лакома-Т мұндай пациенттерде сақтықпен қолданылуы тиіс.

Басқа дәрілік препараттармен өзара әрекеттесуі

Лакома-Т препаратының басқа препараттармен өзара әрекеттесуі арнайы зерттелген жоқ.

Көзге бір мезгілде простагландиндердің екі аналогын тамызған кездегі көзішілік қысымның парадокстық жоғарылағаны туралы хабарланған, сондықтан екі және одан да көп простагландиндерді, олардың аналогтарын немесе туындыларын бір мезгілде қолдану ұсынылмайды.

Бета-адреноблокатордың офтальмологиялық ерітіндісін кальций өзекшелерінің пероральді блокаторларымен, бета-адренергиялық рецепторлардың блокаторларымен, аритмияға қарсы препараттармен (амиодаронды қоса), оймақгүл гликозидтерімен, парасимпатомиметикалық дәрілермен, гуанетидинмен бір мезгілде пайдаланғанда, гипотензияға және/немесе айқын брадикардияға алып келетін жағымсыз құбылыстар туындауы ықтимал.

CYP2D6 цитохромы тежегіштерімен (хинидин, флуоксетин, пароксетинді қоса) және томололмен біріктірілген емде бета-адренергиялық рецепторлардың жүйелік блокадасының (жүрек жиырылу жиілігінің төмендеуі, депрессия) күшейгені туралы хабарланған.

Көзішілік қысымға әсері немесе бета-адренергиялық рецепторлардың жүйелі блокадасының белгілі әсерлері Лакома-Т препаратын бета-адренергиялық рецепторлардың пероральді блокаторын бұрыннан қабылдап жүрген пациенттерде күшеюі мүмкін. Бета-адренергиялық рецепторлардың екі немесе одан да көп топикалық блокаторын бір мезгілде қабылдау ұсынылмайды.

Офтальмологиялық бета-адреноблокаторлар мен адреналинді (эпинефрин) бір мезгілде қолдану нәтижесінде пайда болған мидриаз жағдайлары тіркелді.

Бета-адреноблокаторларды қабылдағанда клонидинді күрт тоқтатуға гипертензивтік реакция күшеюі мүмкін.

Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-адреноблокаторлар гипогликемияның белгілері мен симптомдарын бүркемелеуі мүмкін.

Лакома-Т препаратының басқа препараттармен өзара әрекеттесуі арнайы зерттелген жоқ.

Көзге бір мезгілде простагландиндердің екі аналогын тамызған кездегі көзішілік қысымның парадокстық жоғарылағаны туралы хабарланған, сондықтан екі және одан да көп простагландиндерді, олардың аналогтарын немесе туындыларын бір мезгілде қолдану ұсынылмайды.

Бета-адреноблокатордың офтальмологиялық ерітіндісін кальций өзекшелерінің пероральді блокаторларымен, бета-адренергиялық рецепторлардың блокаторларымен, аритмияға қарсы препараттармен (амиодаронды қоса), оймақгүл гликозидтерімен, парасимпатомиметикалық дәрілермен, гуанетидинмен бір мезгілде пайдаланғанда, гипотензияға және/немесе айқын брадикардияға алып келетін жағымсыз құбылыстар туындауы ықтимал.

CYP2D6 цитохромы тежегіштерімен (хинидин, флуоксетин, пароксетинді қоса) және томололмен біріктірілген емде бета-адренергиялық рецепторлардың жүйелік блокадасының (жүрек жиырылу жиілігінің төмендеуі, депрессия) күшейгені туралы хабарланған.

Көзішілік қысымға әсері немесе бета-адренергиялық рецепторлардың жүйелі блокадасының белгілі әсерлері Лакома-Т препаратын бета-адренергиялық рецепторлардың пероральді блокаторын бұрыннан қабылдап жүрген пациенттерде күшеюі мүмкін. Бета-адренергиялық рецепторлардың екі немесе одан да көп топикалық блокаторын бір мезгілде қабылдау ұсынылмайды.

Офтальмологиялық бета-адреноблокаторлар мен адреналинді (эпинефрин) бір мезгілде қолдану нәтижесінде пайда болған мидриаз жағдайлары тіркелді.

Бета-адреноблокаторларды қабылдағанда клонидинді күрт тоқтатуға гипертензивтік реакция күшеюі мүмкін.

Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-адреноблокаторлар гипогликемияның белгілері мен симптомдарын бүркемелеуі мүмкін.

Лакома-Т, кез келген басқа дәрілік препарат сияқты, әрбір пациентте болмаса да, жағымсыз әсерлерді туындатуы мүмкін.

Әдетте, елеулі жағымсыз әсерлер байқалған жағдайларды қоспағанда, тамшыларды қолдануды жалғастыруға болады. Егер бұл жағдай алаңдаушылық тудырса, дәрігермен немесе фармацевтпен сөйлесу керек. Лакома-Т препаратын қолдануды алдын ала дәрігермен талқыламай, тоқтатуға болмайды.

Төменде Лакома-Т препаратының белгілі жағымсыз әсерлері келтірілген. Көз түсінің біртіндеп қайтымсыз өзгеру ықтималдығы ең маңызды жағымсыз әсері болып табылады. Лакома-Т сонымен қатар жүрек жұмысында үлкен өзгерістер тудыруы мүмкін. Егер жүректің жиырылуы жиілігінде немесе жүрек функциясында өзгерістер байқалса, дәрігерге қаралу және Лакома-Т препаратын қолдану туралы хабарлау керек.

Лакома-Т құрамында бензалконий хлориді мен фосфаттар бар.

Лакома-Т препаратының құрамында офтальмологиялық препараттарда консервант ретінде жиі қолданылатын бензалконий хлориді бар. Бензалконий хлориді нүктелік кератопатияны және/немесе уытты ойық жаралы кератопатияны туғызатыны, көздің тітіркенуін туғызуы мүмкіндігі, белгілі болғанындай, жұмсақ жанаспалы линзалардың түсін өзгертетіндігі хабарланған. Көздің құрғауы бар пациенттерде немесе мөлдір қабық аномалиясын туғызатын жағдайларда, Лакома-Т препаратын жиі және ұзақ уақыт бойы қолданғанда мұқият мониторинг жүргізу қажет.

Жанаспалы линзалар

Жанаспалы линзалар бензалконий хлоридін сіңіруі мүмкін, және сондықтан да, оларды Лакома-Т препаратын енгізер алдында алып тастау керек, бірақ 15 минуттан соң қайтадан тағуға болады.

Педиатрияда қолданылуы

Балалар мен жасөспірімдерде препараттың қауіпсіздігі мен тиімділігі анықталмаған.

Жүктілік немесе лактация кезінде

Дәрігер қажет деп санаған жағдайларды қоспағанда, Лакома-Т препаратын жүктілік кезінде қабылдауға болмайды. Егер жүктілік болса, жүктілікке күдік болса немесе жүктілікті жоспарлау кезінде дәрігерге дереу хабарлау қажет.

Бала емізу кезінде Лакома-Т препаратын қабылдауға болмайды. Лакома-Т емшек сүтіне енуі мүмкін. Бала емізу кезінде кез-келген дәрілік препаратты қолданар алдында дәрігермен кеңесу керек.

Фертильділік

Латанопрост пен тимолдың ерлер мен әйелдердің ұрпақ өрбіту функциясына әсері табылған жоқ.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Лакома-Т препаратын қолданғанда көру қабілеті уақытша бұлыңғырлануы мүмкін. Бұл жағдайда автокөлік құралдарын басқаруға болмайды және көру қабілеті қайтадан айқын болғанша, құрал-саймандармен және механизмдермен жұмыс істеуге болмайды.

Дозалану режимі

Ересектерге (оның ішінде егде жастағыларға) - зақымданған көзге (көздерге) тәулігіне бір рет бір тамшыдан.

Бір дозасын өткізіп алған жағдайда келесі дозаны кесте бойынша қолдана отырып, емдеуді жалғастыру керек. Зақымданған көзге тәулігіне бір тамшыдан артық тамызуға болмайды.

Пациенттердің ерекше топтары

Балалар

Препараттың балалар мен жасөспірімдердегі қауіпсіздігі мен тиімділігі анықталмаған.

Жанаспалы линзаларды пайдаланатын пациенттер

Егер пациент жанаспалы линзаларды тағып жүрсе, пациент Лакома-Т препаратын қолданар алдында оларды шешіп қоюы керек. Лакома-Т препаратын қолданғаннан кейін жанаспалы линзаларды қайтадан тағар алдында 15 минут күту керек.

Қабылдау уақыты көрсетілген қолдану жиілігі

Осы дәрілік препаратты әрдайым дәрігер немесе фармацевт ұсынғандай қолдану керек. Егер препаратты қолдану бойынша күмән туындаса, дәрігермен немесе фармацевтпен кеңесіңіз. Ересектерге (оның ішінде егде жастағы пациенттерге) ұсынылатын доза зақымданған көзге тәулігіне бір рет бір тамшыны құрайды. Ксалакомды® тәулігіне бір реттен артық қолданбау керек, себебі одан жиі қолданған кезде емдеудің тиімділігі төмендеуі мүмкін.

Емдеу ұзақтығы

Дәрігер емдеуді тоқтату қажеттілігі туралы айтпағанша, дәрігердің нұсқауларына сәйкес Ксалакомды® қолдану қажет.

Егер пациент Лакома-Т препаратын қолданса, дәрігер пациенттің жүрек-қантамыр жүйесіне қосымша тексеруден өтуін қалауы мүмкін.

Лакома-Т препаратын басқа көзге тамызатын дәрілермен қолдану кезінде

Лакома-Т препаратын қолдану мен көзге тамызатын басқа дәрілерді қолдану арасында кем дегенде 5 минут күту керек.

Артық дозалану жағдайында қабылдау қажет болатын шаралар

Егер көз шамадан тыс тамшылар тамызса, онда көздің елеусіз тітіркенуі туындауы мүмкін және ол жасаурай әрі қызара бастайды. Бұл белгілер басылуы қажет, бірақ егер бұл жағдай алаңдаушылық туғызса, дәрігермен кеңесу керек.

Егер Лакома-Т препаратын жұтып қойса

Егер Лакома-Т препараты кездейсоқ жұтылса, дәрігерден кеңес алу керек. Егер Лакома-Т препаратының көп мөлшері жұтылса, пациент жүрек айнуын, асқазанның ауыруын, шаршауды, қанның бетке тебуін және бас айналуды, сондай-ақ терлеуді сезінуі мүмкін.

Дәрілік препараттың бір немесе бірнеше дозаларын өткізіп алғанда қажет болатын шаралар

Препаратты әдеттегі уақытта әдеттегі дозада қолдануды жалғастыру қажет. Препараттың өткізіп алған дозасын толтыру үшін тамшылардың қосарлы дозасын тамызуға болмайды. Қосымша сұрақтар туындаған жағдайда дәрігермен немесе фармацевтпен кеңесу керек.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Осы препаратты қолдану туралы қосымша сұрақтар туындаған жағдайда оларды өз дәрігеріңізге немесе фармацевтке қою керек.

Егер көз шамадан тыс тамшылар тамызса, онда көздің елеусіз тітіркенуі туындауы мүмкін және ол жасаурай әрі қызара бастайды. Бұл белгілер басылуы қажет, бірақ егер бұл жағдай алаңдаушылық туғызса, дәрігермен кеңесу керек.

Егер Лакома-Т препаратын жұтып қойса

Егер Лакома-Т препараты кездейсоқ жұтылса, дәрігерден кеңес алу керек. Егер Лакома-Т препаратының көп мөлшері жұтылса, пациент жүрек айнуын, асқазанның ауыруын, шаршауды, қанның бетке тебуін және бас айналуды, сондай-ақ терлеуді сезінуі мүмкін.

Дәрілік препараттың бір немесе бірнеше дозаларын өткізіп алғанда қажет болатын шаралар

Препаратты әдеттегі уақытта әдеттегі дозада қолдануды жалғастыру қажет. Препараттың өткізіп алған дозасын толтыру үшін тамшылардың қосарлы дозасын тамызуға болмайды. Қосымша сұрақтар туындаған жағдайда дәрігермен немесе фармацевтпен кеңесу керек.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Осы препаратты қолдану туралы қосымша сұрақтар туындаған жағдайда оларды өз дәрігеріңізге немесе фармацевтке қою керек.

Төменде Лакома-Т препаратының жанама әсерлерә берілген

Өте жиі (10 адамның 1-ден астамына ықпал етуі мүмкін)

- Нұрлы қабық деп аталатын көздің боялған бөлігіндегі қоңыр пигмент мөлшерінің жоғарылауына байланысты көздің түсінің біртіндеп өзгеруі. Бір түсті көздері (көк, сұр, жасыл немесе қоңыр) бар адамдарға қарағанда аралас түсті көздері (қоңыр-көк, сұр-қоңыр, сары-қоңыр немесе жасыл-қоңыр түсті көздер) бар адамдарда көздің түсінің өзгеруін байқау ықтималдығы жоғары. Көздің түсі өзгергенше, арада бірнеше жыл өтуі мүмкін. Егер сіз Ксалакомды® бір ғана көзге тамызсаңыз, түс өзгеруі қайтымсыз және анағұрлым айқын болуы мүмкін. Көздің түсінің өзгеруі жағымсыз салдарларға әкелмейтін сияқты. Көз түсінің өзгеруі Лакома-Т препаратын тоқтатқаннан кейін тоқтатылады.

Жиі (10 адамның 1-не ықпал етуі мүмкін)

- Көздің тітіркенуі (ашуын сезіну, көздегі құм барын сезіну, қышыну, көздің түйілуі немесе бөгде дене тұрғандай сезіну) және көздің ауыруы.

Жиі емес (100 адамның 1-не ықпал етуі мүмкін)

- Бас ауыру.

- Көздің қызаруы, көздің инфекциясы (конъюнктивит), көрудің бұлыңғырлануы, көзден жас ағу, қабақтың қабынуы, көз беткейінің тітіркенуі немесе зақымдануы.

- Тері бөртпесі немесе қышыну.

Басқа да жағымсыз реакциялар

Лакома-Т (латанопрост және тимолол), көз ауруларын емдеу үшін қолданылатын басқа да дәрілік препараттар сияқты, қанға түседі. Көзге тамызатын дәріні қолданғаннан кейінгі жағымсыз әсерлердің жиілігі препараттарды ішке қабылдағаннан немесе инъекция арқылы енгізгеннен кейінгі деңгейден төмен.

Төменде келтірілген қосымша жағымсыз әсерлер және Лакома-Т препаратын қолдану кезінде байқалмағанымен, олар Лакома-Т препаратының құрамына кіретін дәрілік препараттарды (латанопрост және тимолол) қолдану кезінде тіркелген, сондықтан Лакома-Т препаратын қолдану кезінде туындауы мүмкін. Аталған жағымсыз әсерлерге бета-блокаторлар класына тән реакциялар (мысалы, тимолол) көз ауруларын емдеу үшін қолданылады.

- Қарапайым герпес вирусынан (ҚГВ) туындаған көз инфекциясының дамуы.

- Жайылған аллергиялық реакциялар, соның ішінде бет пен аяқ-қолға таралуы мүмкін тері астындағы тіндердің ісінуі, сонымен қатар тыныс алу жолдарының өткізгіштігін бұзуы мүмкін, бұл жұтыну немесе тыныс алу қиындығын, аллергиялық бөртпелерді немесе қышынған бөртпелерді, жергілікті немесе жайылған бөртпелерді, қышынуды, кенеттен өмірге қауіп төндіретін аллергиялық реакцияны тудыруы мүмкін.

- Қандағы қант деңгейінің төмендеуі.

- Бас айналу.

- Ұйқы проблемалары (ұйқысыздық), депрессия, қорқынышты түс көру, жады жоғалуы, елестеулер.

- Естен тану, инсульт, миға қан ағымының төмендеуі, миастения белгілері мен симптомдары қарқындылығының жоғарылауы (бұлшықет ауруы), қышыну және бас ауыруы сияқты әденттен тыс сезіну.

- Көздің артқы жақтауының ісінуі (макулярлық ісіну), көздің боялған бөлігінде сұйықтық толтырылған кистаның пайда болуы (нұрлы қабық кистасы), жарыққа сезімталдық (көз қарығу), шүңірек көз (көздің ойығының тереңдеуі).

- Көз тітіркенуінің белгілері мен симптомдары (мысалы, ашыту сезімі, көздің түйілуі, қышыну, көзден жас ағу, қызару), қабақтың қабынуы, мөлдір қабықтың қабынуы, көрудің бұлыңғырлануы және сүзгілеу имплантатын ендіргеннен кейін қантамырлары бар торлы қабықтың астындағы қабаттың ажырауы, бұл көрудің бұзылуына, мөлдір қабық сезімталдығының төмендеуіне, көздің құрғауына, мөлдір қабықтың эрозиясына (көз алмасының алдыңғы қабатының зақымдануы), жоғарғы қабақтың төмендеуіне (көз жартылай жабық болып қалады), көзге қос көрінуге әкелуі мүмкін.

- Көздің айналасындағы терінің күңгірттенуі, кірпіктердің және көздің айналасындағы жұқа түктердің өзгеруі (санының, ұзындығының, қалыңдығының артуы және күңгірттенуі), кірпіктердің өсу бағытының өзгеруі, көздің айналасындағы ісіну, көздің боялған бөлігінің ісінуі (ирит/увеит), көз беткейінде тыртық өзгерістердің пайда болуы.

- Құлақтағы ысқырық/ құлақтың шыңылдауы (құлақтағы шуыл).

- Стенокардия, жүрек ауруы бар пациенттерде стенокардия ағымының нашарлауы.

- Жүректің жиырылу жиілігінің төмендігі, кеуде тұсының ауыруы, жүректің соғуын сезіну, ісіну (сұйықтықтың жиналуы), жүрек ырғағының немесе жылдамдығының өзгеруі, жүрек жеткіліксіздігі (сұйықтықтың жиналуына байланысты аяқ пен табанның ісінуі және ентігумен жүрек ауруы), жүрек ырғағының бұзылуы, миокард инфарктісі, жүрек жеткіліксіздігі.

- Төмен артериялық қысым, аяқ башайлары мен қол саусақтарының бозаруына және ұйып қалуына әкеп соғатын, нашар қанайналым, қол мен табанның мұздауын сезіну.

- Ентігу, өкпедегі тыныс алу жолдарының тарылуы (негізінен тиісті ауруы бар шалдыққан пациенттерде), тыныс алудың қиындауы, жөтел, бронх демікпесі, бронх демікпесі ағымының нашарлауы.

- Дәм сезінудің бұзылуы, жүрек айнуы, ас қорыту бұзылыстары, диарея, ауыздың құрғауы, іштің ауыруы, құсу.

- Шаштың түсуі, ақшыл-күміс түсті тері бөртпесі (псориаз тәрізді бөртпе) немесе псориаз ағымының нашарлауы, тері бөртпесі.

- Буынның ауыруы, бұлшықеттің ауыруы, дене жүктемесінен туындамаған бұлшықет ауыруы, бұлшықет әлсіздігі, шаршау.

- Жыныстық функцияның бұзылуы, либидоның төмендеуі.

Бұралатын қалпақшасы бар пластик тамшылатқыш-құтыға 2.5 мл препараттан құйылады.

1 тамшылатқыш-құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. 

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 2 °С-ден 8 °С-ге дейінгі температурада сақтау керек. Мұздатып қатыруға болмайды.

Ашылған құтыны 25 °С-ден аспайтын температурада 6 апта бойы сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Жарықтан қорғалған жерде, 2 °С-ден 8 °С-ге дейінгі температурада сақтау керек. Мұздатып қатыруға болмайды.

Ашылған құтыны 25 °С-ден аспайтын температурада 6 апта бойы сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 2 °С-ден 8 °С-ге дейінгі температурада сақтау керек. Мұздатып қатыруға болмайды.

Ашылған құтыны 25 °С-ден аспайтын температурада 6 апта бойы сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы